ကုန်တင်ကားနှစ်စီး ညှပ်တိုက်မိသော ပါဂျဲရိုးကားသည် တစ်စီးလုံးနီးပါး ပျက်စီးသွားသော် လည်း ကားပေါ်ပါလာသူ သားအဖသုံးဦး ပွန်းပဲ့ဒဏ်ရာသာရရှိခဲ့ သောဖြစ်စဥ်တစ်ခု ပြည်ထောင်စု လမ်းမကြီး ကျောက်မဲ-လားရှိုး လမ်းပိုင်းတွင် ဖြစ်ပွားခဲ့သည်။ ကျောက်မဲ-လားရှိုး လမ်း ပိုင်း သီပေါမြို့ ဘော်ကြိုဘုရားအနီးတွင် မတ်လ၂၉ ရက် နေ့လယ် က ယင်းဖြစ်စဥ်ဖြစ်ပွားခဲ့ကြောင်း ရှမ်းပြည်နယ်ရဲတပ်ဖွဲ့မှ ရဲအရာရှိတစ်ဦးက ပြောသည်။ ‘‘အိမ်းစီးကား (ပါဂျဲရိုး)ပေါ် သားအဖသုံးယောက် ပါလာ တယ်။ အလယ်ကနေ မောင်းနေ တုန်း နောက်က ကားက ဝင်တိုက် မိပြီး ရှေ့မှာရှိနေတဲ့ နောက်ထပ် ကုန်တင်ကားတစ်စီးနဲ့ ညှပ်မိသ လိုဖြစ်သွားတာ’’ဟု အထက်ပါရဲအရာရှိကပြောသည်။ ပါဂျဲရိုးကားပေါ်တွင် သား အဖသုံးဦး လိုက်ပါလာပြီး ကား မောင်းသူတစ်ဦးသာ ခါးအနည်း ငယ်နာကျင်ဒဏ်ရာနှင့် ကိုယ်ခန္ဓာ တွင် မှန်ကွဲစထိရှဒဏ်ရာအချို့ရ ခဲ့ပြီး ကားနောက်ခန်း၌ လိုက်ပါ လာသူနှစ်ဦးသည် ဒဏ်ရာပင်မရခဲ့ကြောင်း နယ်စည်းမခြားပရဟိတ (သီပေါမြို့)မှ ကိုမျိုးကပြော သည်။ ‘‘ဒဏ်ရာရသူကို ဆေးရုံကို ပို့ပေးခဲ့တယ်။ ကားကတော့ မြင် တဲ့အတိုင်း ပျက်စီးသွားတာ။ လူ တွေကတော့ ဒဏ်ရာအနည်းငယ် ပဲရတယ်။ မြို့ခံတွေက မယုံနိုင် အောင် အံ့သြနေကြတယ်’’ဟု ပြောသည်။ မန္တလေး-မူဆယ် ပြည် ထောင်စုလမ်းမကြီးတွင် မတ်လ ၂၉ ရက်၌ ယာဥ်တိုက်မှု သုံးကြိမ် ထက်မနည်း ဖြစ်ပွားခဲ့သည်။ ကျောက်မဲ-ဂုတ်တွင်း လမ်းပိုင်းယာဥ်လိုက်မှုတွင် လူတစ်ဦး သေဆုံးပြီး လေးဦး ဒဏ်ရာရရှိခဲ့ကြောင်း ကျောက်မဲမြို့ ဇီဝိတလူမှုကူညီရေးအသင်းမှ သတင်းရရှိသည်။
Source : http://ift.tt/2odc6um
via IFTTT
No comments:
Post a Comment