မနက္စာအျဖစ္ မစားသင့္တဲ့ အစားအစာမ်ား

မနက်စာအဖြစ် မစားသင့်တဲ့ အစားအစာများ မနက်စာကို ဘယ်လို အစားအစာတွေ စားလေ့ရှိပါလဲ။ တချို့အစားအစာတွေက မနက်ဘက် အစာအိမ်ထဲ အစာမရှိချိန် စားလို့ မသင့်တော်တာမျိုး သတိထားစရာ ရှိပါတယ်။ ဘယ်အစားအစာတွေက မနက်စာအဖြစ် မသင့်တော်ဘူးလဲဆိုတာ ကြည့်ရအောင်။ တစေးနဲ့ ဖောက်ထားတဲ့ ဂျုံအစာသွပ်မုန့်တွေတွေကို မနက်နိုးနိုးချင်း ဗိုက်ထဲ ဘာအစာမှ မရှိသေးတဲ့အချိန် ဒီအတိုင်းမစားလိုက်ပါနဲ့။ အစာအိမ်အတွင်း မျက်နှာပြင်ကို ထိခိုက်နိုင်ပြီး လေပွခြင်း၊ ဝမ်းဖောဝမ်းရောင်ခြင်းတွေ ဖြစ်နိုင်လို့ပါ။ ဒုတိယပုံ သုံးရန်။ နောက်ထပ်မစားသင့်တဲ့ အစာကတော့ အချိုများလွန်းတဲ့အစာတွေပါ။ အထူးသဖြင့် ပန်ကရိယကနေ အင်ဆူလင်ဓာတ်တွေ အများအပြားထုတ်ရမယ့်အချိုစာတွေကို အစာအိမ်ထဲ အစာမရှိချိန် သွားစားရင် ဆီးချိုရောဂါဖြစ်အောင် တွန်းအားပေးလိုက်သလိုပါပဲ။ ဒိန်ချဉ်က ကျန်းမာရေးနဲ့ သင့်တော်တဲ့ အစားအစာတခုဆိုပေမယ့် မနက်ခင်း ဘာမှမစားရသေးချိန် သွားစားမိရင် ဟိုက်ဒရိုကလိုရစ် အက်စစ်တွေ ဖြစ်ပေါ်စေတာပါ။ ဒီအက်စစ်တွေက အစာအိမ်ကို အထောက်အကူပြုနေတဲ့ လက်တစ်အက်စစ် ဘတ်တီးရီးယားတွေကို သေစေနိုင်ပါတယ်။ ခပ်ကြမ်းကြမ်း အမျှင်တွေပါဝင်တဲ့ သစ်တော်သီးကလဲ မနက်ခင်းစာအဖြစ် စားသင့်တဲ့ထဲမှာ မပါပါဘူး။ အမျှင်ကြမ်းတွေက အစာမရှိတဲ့ အစာအိမ်နံရံကို ထိခိုက်စေလို့ မစားသင့်ပါဘူး။ တန်နစ် အက်စစ်ဓာတ်တွေ အများအပြား ပါဝင်တဲ့ခရမ်းချဉ်သီးက အစာအိမ်ထဲ အက်ဆစ်ဓာတ်တွေ များစေပါတယ်။ ဒါဟာ အစာအိမ်ရောဂါဖြစ်လာမယ့် လမ်းစပါပဲ။ အချဉ်ဓာတ်အရမ်းများတဲ့ အသီးတွေကို အစာမရှိခင် မစားသင့်ပါဘူး။ အချဉ်ဓာတ်ကြောင့် အစာအိမ်နံရံတွေ အနာ ဖြစ်နိုင်ပါတယ်။ ကာဗွန်နိတ်ပါတဲ့ အချိုရည်တွေကြောင့်လည်း အစာခြေစနစ် ထိခိုက်ပြီး လေပွခြင်း၊ အစာမကြေဖြစ်နိုင်လို့ မနက် စောစောစီးစီး မသောက်သုံးသင့်ပါဘူး။ သခွားသီးလို အစိမ်းရောင် အသီးအရွက်တွေမှာ အမိုင်နို အက်စစ်ဓာတ်တွေလို့ မနက်စောစော စားမယ်ဆိုရင် ရင်ပူရင်ဆာဖြစ်ခြင်း၊ ဝမ်းဖောဝမ်းရောင်ဖြစ်ခြင်းနဲ့ လေပွခြင်းကို ဖြေစေနိုင်ပါတယ်။ ငရုပ်ကောင်း၊ နနွင်း၊ ငရုပ်သီးမှုန့် စတဲ့ ဟင်းခတ်အမွှေးအကြိုင်တွေက အစာအိမ်မှာ အစာလုံးဝ မရှိတဲ့အချိန် စားမိရင် အစာအိမ်နံရံတွေ ထိခိုက်စေပြီး အက်စစ်ဓာတ်ကို ပိုများစေပါတယ်။ အစာမကြေ၊ လေထိုးလေအောင့် ဖြစ်စေပြီး အစာခြေစနစ်ကို ကပြောင်းကပြန်ဖြစ်စေလို့ ဆင်ခြင်သင့်ပါတယ်။ ရှောင်သင့်တဲ့အစားအစာတွေ သိပြီးပြီဆိုတော့ ဘယ်လိုအစားအစာမျိုးတွေ မနက်ခင်း စားဖို့ သင့်တော်ပါလဲ။ ကွေကာ၊ ဆန်ပြုတ်၊ ကြက်ဥ၊ ဖရဲသီး၊ ဘလူးဘယ်ရီသီး၊ တစေး မပါတဲ့ ပေါင်မုန့်အညို၊ အစေ့အဆန်၊ ပျားရည်တို့က မနက်စာအတွက် အသင့်တော်ဆုံးဖြစ်ပါတယ်။ Ref: Bright Side The post မနက်စာအဖြစ် မစားသင့်တဲ့ အစားအစာများ appeared first on ဧရာဝတီ.
Source : https://ift.tt/2vybxfC
via IFTTT