အမ္ပီတီဆင္းမ္ကတ္ဘီလ္ျဖတ္ေတာက္မႈျပႆနာကုိ ထပ္ေဆာင္း၀န္ေဆာင္မႈကုမၸဏီမ်ားႏွင့္ ေတြ႕ဆံုအေ�

အမ်ပီတီဆင်းမ်ကတ်ဘီလ်ဖြတ်တောက်မှုပြဿနာကို ထပ်ဆောင်း၀န်ဆောင်မှုကုမ္ပဏီများနှင့် တွေ့ဆုံအဖြေရှာမည် (ထက်အာကာကျော်) ======================== အမ်ပီတီဆင်းမ်ကတ်သုံး စွဲသူများအကြား ဖြစ်ပေါ်နေသော အလိုအလျောက် ဖုန်းဘီလ်ဖြတ် တောက်မှုများနှင့် ပတ်သက်၍ ထပ်ဆောင်း၀န်ဆောင်မှု (VAS) ကုမ္ပဏီများနှင့် တွေ့ဆုံ ဆွေးနွေး အဖြေရှာရန် စီစဉ်ထားသည်ဟု မြန်မာ့ဆက်သွယ်ရေးလုပ်ငန်းမှ သတင်းရရှိသည်။ ယခုရက်ပိုင်းအတွင်း အမ်ပီ တီသုံးစွဲသူအချို့က ဖုန်းပြောဆို ခြင်း၊ အင်တာနက်သုံးစွဲခြင်းမရှိဘဲ ဖုန်းဘီလ်များ အလိုအလျောက် ကုန်ဆုံးမှုများဖြစ်ပေါ်နေကြောင်း ၎င်းတို့၏လူမှုကွန်ရက်တွင် တင် ထားသဖြင့် ယင်းဖြစ်စဉ်များနှင့် ပတ်သက်၍ ထပ်ဆောင်း၀န် ဆောင်မှုပေးနေသော ကုမ္ပဏီ ငါးခုနှင့် ဩဂုတ် ၁ ရက်၌ တွေ့ဆုံ ရန်စီစဉ်ထားကြောင်း မြန်မာ့ဆက် သွယ်ရေးလုပ်ငန်းမှ အကြီးတန်း တာ၀န်ရှိသူတစ်ဦးက ပြောသည်။ ‘‘အတိအကျမသိရသေးဘူး။ (ဘာကြောင့်ဖြစ်လဲဆိုတာ) VAS ပါတနာတွေကို ခေါ်ထားတယ်။ တနင်္လာနေ့မှာ သွားတွေ့မယ်။ သူ တို့နဲ့ ဆွေးနွေးအဖြေရှာရမှာဖြစ်မှာ ပေါ့။ ဆရာတို့က Voice နဲ့ Data မသုံးဘဲ ဖြတ်မှ မဖြတ်တာ’’ဟု အ ထက်ပါ တာ၀န်ရှိသူက ပြောသည်။ မြန်မာ့ဆက်သွယ်ရေးလုပ် ငန်း၏ ထပ်ဆောင်း၀န်ဆောင်မှု များကို M 188, King Royal Technologies Co.,Ltd, Golden TMH Telecom Co.,Ltd, Contents Hub Co.,Ltd နှင့် eTrade Myanmar Co.,Ltd စ သည့် ပြည်တွင်းကုမ္ပဏီ ငါးခုက ပူးပေါင်း လုပ်ဆောင်နေကြောင်း အမ်ပီတီ၀က်ဘ်ဆိုက်တွင် ဖော်ပြထားသည်။ သီချင်းရယူခြင်း၊ နေ့စဉ် သ တင်းဖတ်ရှုခြင်း၊ ဗေဒင်မေးမြန်း နိုင်ခြင်း အစရှိသော ထပ်ဆောင်း ၀န်ဆောင်မှု ၃၀ ကျော်ရှိပြီး ယင်း ၀န်ဆောင်မှုများကို အမ်ပီတီသုံးစွဲ သူများက ရယူလိုက်သော ၀န် ဆောင်မှုတန်ဖိုးအတိုင်း ဖုန်းဘီလ်ထဲမှ ငွေကြေးဖြတ်တောက်ခြင်းဖြစ်ကြောင်း MPT Call Center 106 က ဖြေကြားသည်။ အမ်ပီတီဆင်းမ်ကတ်သုံးစွဲ သူအချို့ကမူ ၎င်းတို့အနေဖြင့် မည်သည့်၀န်ဆောင်မှုကိုမျှ ရယူ ခြင်းမရှိဘဲ ဖုန်းဘီလ်ထဲမှ အလို အလျောက်ဖြတ်တောက် ခံနေ ရကြောင်း မြန်မာ့ဆက်သွယ်ရေး လုပ်ငန်း၏ တရား၀င် ဖေ့စ်ဘွတ်ခ် စာမျက်နှာနှင့် လူမှုကွန်ရက်တွင် ရေးသားထားကြသည်။
Source : http://ift.tt/2arlS1E
via IFTTT