မာရီလင်မွန်ရိုးရဲ့ ထူးခြားတဲ့အလှအပနည်းလမ်းတွေ ================= ဆွဲဆောင်မှုပြင်းတဲ့ ကမ္ဘာကျော် ဂန္ထဝင်မင်းသမီးကြီး တစ်ယောက်အဖို့ အလှအပရေးရာမှာ လူတကာနဲ့ မတူနဲ့ နည်းလမ်းကလေးတွေ ရှိခဲ့တာဟာ တကယ်တော့ မထူးဆန်းလှပါဘူး။ မာရီလင်မွန်ရိုးဟာ အလှအပနဲ့ ပတ်သက်ပြီး သူကျင့်သုံးလေ့ရှိတာတွေ အများကြီး ပြောခဲ့တဲ့အထဲက ထူးခြားတာ တချို့ကို ပြန်လည် ဝေမျှချင်ပါတယ်။ လူ တော်တော်များများဟာ ပြင်ဆင်ဝတ်စားပြီး အပြင်ထွက်တဲ့အခါ ရေမွှေးဆွတ်လေ့ ရှိပေမယ့် မွန်ရိုးကတော့ သူဟာ Chanel No.5 ရေမွှေးဆွတ်ပြီးမှ အမြဲတမ်း ညအိပ်ရာ ဝင်တယ်လို့ ဆိုပါတယ်။ ဒါဟာ သူ့ရဲ့ကျော်ကြားတဲ့ စကားတစ်ခွန်းလည်း ဖြစ်ပါတယ်။ နောက်တစ်ခုက မွန်ရိုးမှာ သိသိသာသာ မြင်ရတဲ့ နှုတ်ခမ်းမွှေးလေးတွေ ရှိပေမယ့် သူက တစ်ခါမှ မဖယ်ရှားခဲ့ပါဘူး။ အဲဒီ နှုတ်ခမ်းမွှေးလေးတွေကြောင့် ဖန်သားပြင်ပေါ်မှာ ဓာတ်ပုံတွေထဲမှာ ဘာအကူအညီမှ မလိုဘဲ စိမ်းဖန့်ဖန့် အရောင်ကလေး ရတယ်လို့ သူက ဆိုပါတယ်။ မွန်ရိုးက ခေါင်း ခဏခဏ လျှော်တာကို ဆန့်ကျင်တဲ့သူပါ။ သူ့ရဲ့ ရွှေအိုရောင်သန်းတဲ့ ငွေရောင်ဆံပင်တွေဟာ အရောင်ချွတ်ထားတာ ဖြစ်လို့ ခေါင်း ခဏခဏ လျှော်ရင် အရောင်မှိန် သွားလိမ့်မယ်လို့ ဆိုပါတယ်။ သူက ခေါင်း မလျှော်ချင်တဲ့ အချိန်တွေမှာ ဆံပင်အရင်း ဦးရေပြားပေါ်မှာ ကလေးငယ်တွေ လိမ်းတဲ့ ပေါင်ဒါမှုန့်တွေကို ဖြူးထားတတ်ပါတယ်။
Source : http://goo.gl/PC0zyz
via IFTTT
No comments:
Post a Comment