IS ခြိမ်းခြောက်စာတွင် မလေးရှား ခေါင်းဆောင်များအပြင် ဒေါ်အောင်ဆန်းစုကြည်၏ အမည်လည်း ပါဝင် ======================= မလေးရှားဝန်ကြီးချုပ် နာဂျစ်ရာဇက် အပါအဝင် မလေးရှား အစိုးရအဖွဲ့ခေါင်းဆောင်များကို အစွန်းရောက် အကြမ်းဖက်အဖွဲ့ ISIS က ခြိမ်းခြောက်ထားသည့် စာထဲတွင် မြန်မာနိုင်ငံခြားရေးဝန်ကြီး ဒေါ်အောင်ဆန်းစုကြည်၏ အမည်လည်း ပါဝင်လျက် ရှိသည်ဟု မလေးရှားရဲတပ်ဖွဲ့က ယနေ့ ပြောကြားလိုက်ကြောင်း Strait Times သတင်းဌာနတွင် ဖော်ပြထားသည်။ နီဂရီဆမ်ဘီလန် ရဲစခန်းသို့ ရောက်ရှိလာသော ခြိမ်းခြောက်စာမှာ မည်မျှအထိ စစ်မှန်သည်ကို စစ်ဆေးလျှက် ရှိသည်ဟု မလေးရှား ရဲတပ်ဖွဲ့က ပြောကြားသည်။ ယင်းခြိမ်းခြောက်စာထဲတွင် မလေးရှားဝန်ကြီးချုပ် နာဂျစ်ရာဇက်၊ ဒုဝန်ကြီးချုပ်၊ ရှေ့နေချုပ်၊ ရဲချုပ်တို့အပြင် အစိုးရအဖွဲ့ဝင် ဝန်ကြီးနှင့် ဒုဝန်ကြီး အချို့လည်း ပါဝင်လျှက်ရှိသည်။ IS ခြိမ်းခြောက်မှုဟု ခေါင်းစဉ်တပ်ထားပြီး စာမျက်နှာ ၂ မျက်နှာ ပါဝင်သည့် ယင်းခြိမ်းခြောက်စာတွင် မလေးရှား ခေါင်းဆောင်များအပြင် မြန်မာနိုင်ငံခြားရေးဝန်ကြီး ဒေါ်အောင်ဆန်းစုကြည်၏ အမည်ကိုလည်း ထည့်သွင်း ဖော်ပြထားကြောင်း မလေးရှား ရဲတပ်ဖွဲ့၏ ထုတ်ပြန်ချက်အရ သိရသည်။ ယင်းစာထဲတွင် အမည်ပါဝင်နေသည့် ခေါင်းဆောင်များ၏ ဓါတ်ပုံများကိုလည်း တွဲထည့်ပေးထားပြီး မလေးရှားနိုင်ငံ၊ နီဂရီဆမ်ဘီလန် ပြည်နယ်တွင် IS တပ်သား ၇၀၀ ခန့် ရောက်ရှိနေပြီဟုလည်း ခြိမ်းခြောက်ထားသေးသည်။ သို့ရာတွင် မလေးရှား ရဲတပ်ဖွဲ့ကမူ အဆိုပါ ခြိမ်းခြောက်မှုကို အခြေအမြစ် မရှိသော ခြိမ်းခြောက်မှုဟု ပြောကြားထားပြီး စာပို့သူက မလေးရှားတွင် ISIS အဖွဲ့၏ လွှမ်းမိုးမှု ကြီးမားလာအောင် ကြိုးစားခြင်းသာ ဖြစ်သည်ဟု ယူဆလျှက်ရှိသည်။
Source : http://goo.gl/BoRqGx
via IFTTT
No comments:
Post a Comment