Windows Store အတြက္ “Miami Street” အခမဲ့ဂိမ္း ထုတ္ေပးလိုက္တဲ့ Microsoft

Windows Store အတွက် “Miami Street” အခမဲ့ဂိမ်း ထုတ်ပေးလိုက်တဲ့ Microsoft Windows 10 အသုံးပြုသူတွေအတွက်တော့ ဝမ်းသာစရာ သတင်းကောင်းတခုပါ။ Microsoft Studios ဟာ တယောက်တည်း ကစားရတဲ့ Free-to-Play Racing Game တခုကို Windows 10 အတွက် မေလ ၂၈ ရက်နေ့က ထုတ်ပေးလိုက်ပါတယ်။ “Miami Street” လို့ အမည်ပေးထားတဲ့ ယခု Racing Game ကို Electric Square ကုမ္ပဏီက ရေးဆွဲပေးထားတာ ဖြစ်ပြီး၊ သာမန် Racing Game တွေနဲ့ မတူတာက Cinametic View နဲ့ ကစားရမှာ ဖြစ်ပါတယ်။ ကားအရှိန်မြှင့်တာ၊ ဂတ်စ် သုံးတာနဲ့ ဘရိတ်ဖမ်းတာတွေကိုပဲ Mouse, Space Bar ,Touchscreen ရရင် Touch တို့နဲ့ အသုံးပြုနိုင်ပြီး စတီယာရင် ကတော့ ဂိမ်းက အလိုအလျောက် ထိန်းသွားမှာဖြစ်ပါတယ်။ Miami Street ကို Windows 10 PC စက်တိုင်းမှာ အခမဲ့ ကစားနိုင်တာကြောင့် ကစားသူ အရေအတွက်ကတော့ များပြားဦးမှာပါ။ ကားပြန်ပြင်ဆင်တဲ့စနစ်နဲ့ ကစားဖို့အတွက် Energy လိုအပ်မှာဖြစ်ပြီး၊ Energy က ၄ မိနစ်ကို တတုံး ပြန်တက်မှာ ဖြစ်ပါတယ်။ သာမန် မိုဘိုင်းဂိမ်းတွေမှာ တွေ့မြင်နေကျ ပုံစံမျိုးပါပဲ။ Miami Street ဂိမ်းကို Microsoft Store မှာ Soft Launch အနေနဲ့ စတင် တင်ထားပြီဖြစ်ပေမယ့်၊ နိုင်ငံဒေသအလိုက် ရ, မရ ကွာခြားနိုင်ပါတယ်။ တကယ်လို့ မြန်မာနိုင်ငံကနေ Microsoft Store မှာ ရှာမရဘူးဆိုရင် VPN Service တခုခု သုံးပြီး ရှာကြည့်နိုင်ပါတယ်။ Ref: Gadgets 360 The post Windows Store အတွက် “Miami Street” အခမဲ့ဂိမ်း ထုတ်ပေးလိုက်တဲ့ Microsoft appeared first on ဧရာဝတီ.
Source : https://ift.tt/2L3lesD
via IFTTT