Password မလိုဘဲ Websites ေတြကို Log-in ဝင္ႏိုင္ၿပီျဖစ္တဲ့ Chrome 67

Password မလိုဘဲ Websites တွေကို Log-in ဝင်နိုင်ပြီဖြစ်တဲ့ Chrome 67 Google ဟာ Chrome Browser ရဲ့နောက်ဆုံး Stable ဗားရှင်းဖြစ်တဲ့ Chrome 67 ကို Window, Mac နဲ့ Linux တို့အတွက် မေလ ၃၀ ရက်နေ့က စတင်ထုတ်ပေးလိုက်ပြီ ဖြစ်ပါတယ်။ Chrome Version 67.0.3396.62 မှာ Authentication (User စစ်မှန်ကြောင်း သက်သေ အထောက်အထား) ပိုင်းဆိုင်ရာ စံချိန်စံနှုန်း အသစ်တခုဖြစ်တဲ့ WebAuthn ပါဝင်လာပြီ ဖြစ်ပါတယ်။ ဧပြီလတုန်းက စတင်မိတ်ဆက်ခဲ့တဲ့ ယခု Authentication Standard အသစ်ဟာ Website တွေကို Sign In ဝင်တဲ့အခါ Password လုံးဝမလိုဘဲ ဝင်ရောက်နိုင်မယ့် Feature တခုဖြစ်ပြီး၊ FIDO Alliance နဲ့ W3C အဖွဲ့အစည်းတို့ ပူးပေါင်း အကောင်အထည် ဖော်ထားတဲ့ စံနှုန်းအသစ်တခု ဖြစ်ပါတယ်။ WebAuthn API အသုံးပြုထားတဲ့ Websites တွေကို Log In ဝင်တဲ့အခါ၊ Sign In Options အသစ်တခု ထပ်မံမြင်တွေ့ရမှာဖြစ်ပြီး၊ Password ရိုက်ဖြည့်နေစရာ မလိုဘဲ Fingerprint Sensor, Facial Recognition စတဲ့ တူညီမှု လုံးဝမရှိတဲ့ ဇီဝအချက်အလက်တွေ ဒါမှမဟုတ် USB Keys တို့ကို အသုံးပြုပြီး လွယ်ကူလျင်မြန်စွာ ဝင်ရောက်နိုင်တော့မှာ ဖြစ်ပါတယ်။ WebAuthn စနစ်ဟာ Passwords နဲ့ Accounts တွေကို မှတ်သားထားပေးတဲ့ Google Smart Lock ထက် ပိုမို လုံခြုံမှုရှိပြီး၊ Phishing တိုက်ခိုက်မှုတွေ၊ Man-in-the-middle တိုက်ခိုက်မှုတွေ အန္တရာယ်ကနေလည်း ကာကွယ်ပြီးသား ဖြစ်သွားမှာပါ။ Web Authentication Standards အသစ်ကို Mozilla Firefox, Google Chrome, Microsoft Edge နဲ့ Opera စတဲ့ လူသုံးအများဆုံး အဓိက Browsers ကြီး ၄ ခုစလုံးက ဝင်ရောက်အားထည့် လုပ်ဆောင်လျက် ရှိတာကြောင့် မကြာခင်မှာ တွင်တွင်ကျယ်ကျယ် အသုံးပြုတဲ့ စနစ်သစ်တခု ဖြစ်လာနိုင်ပါတယ်။ Ref: The Verge The post Password မလိုဘဲ Websites တွေကို Log-in ဝင်နိုင်ပြီဖြစ်တဲ့ Chrome 67 appeared first on ဧရာဝတီ.
Source : https://ift.tt/2LdotxI
via IFTTT