ျမစ္ႀကီးနားတြင္ ေက်ာက္မ်က္ ဥပေဒၾကမ္း ကန႔္ကြက္ ဆႏၵျပ

မြစ်ကြီးနားတွင် ကျောက်မျက် ဥပဒေကြမ်း ကန့်ကွက် ဆန္ဒပြ ကချင်ပြည်နယ် မြစ်ကြီးနားမြို့တွင် ဒေသခံ ၅၀၀ ကျော်က ဌာနေတိုင်းရင်းသားများ အတွက် လုပ်ပိုင်ခွင့် မပါဟု ဆိုပြီး ၂၀၁၇ ခုနှစ် မြန်မာ့ ကျောက်မျက်ရတနာ ဥပဒေကြမ်းကို ကန့်ကွက်ကြောင်း လမ်းလျှောက် ဆန္ဒထုတ်ဖော်ခဲ့ကြသည်။ ယင်း ဆန္ဒထုတ်ဖော်ပွဲကို ကချင်ပါတီ ၃ ခုမှ ဦးဆောင်ကာ ဖေဖော်ဝါရီ ၂၈ ရက် နံနက် ၉ နာရီ၌ မြစ်ကြီးနားမြို့ စီတာပူ ရပ်ကွက် ကချင်ရိုးရာ မနောကွင်း အတွင်း လူစုကာ မြို့တွင်းသို့ စီတန်းလှည့်လည် ဆန္ဒပြကြခြင်းဖြစ်သည်။ ဆန္ဒပြသူများကို ဦးဆောင်သည့် ကချင်ပါတီ ၃ခုမှ ပြောရေးဆိုခွင့်ရှိသူ ဦးဘရန်အောင်က “ကျနော်တို့ ဒေသခံတွေကို ညှိနှိုင်းတိုင်ပင်မှု မရှိဘူး။ ကချင်ပါတီတွေကိုလည်း ညှိနှိုင်းတာမရှိဘူး။ မြန်မာ့ ကျောက်မျက်ရတနာ ဥပဒေကြမ်းရဲ့ ထိပ်ဆုံးမှာ ရေးထားတာက ပြည်သူလူထု သိရှိ အကြံပြုနိုင်ဖို့ အတွက်တဲ့။ အဲဒါကြောင့် ကျနော်တို့ အကြံပြုတယ်။ ပြုတော့ လည်း တခုမှ တင်ပြတာပါမလာဘူး။ ဒါ့ကြောင့် လူထုနဲ့ ဆန္ဒထုုတ်ဖော်တာပါ ” ဟု ပြောသည်။ ဦးဆောင်သည့် ကချင်ပါတီ ၃ခု ဖြစ်သော ကချင်ပြည်နယ် ဒီမိုကရေစီပါတီ (KSDP)၊ ကချင် ဒီမိုကရက်တစ်ပါတီ (KDP) ၊ ကချင် အမျိုးသား ကွန်ဂရက်ပါတီ (KNC) တို့မှ ပါတီ အကြီးအကဲများလည်း ပါဝင်ဆန္ဒပြခဲ့ကြသည်။ ဆန္ဒပြသူများက “ကချင်ပြည်နယ် ကျောက်စိမ်းသည် ကချင်နှင့် နိုင်ငံသား၊ တိုင်းရင်းသား လက်ထဲ ရှိရေး ဒို့အရေး” ၊ “အကြီးစားလုပ်ကွက် အလိုမရှိ”၊ “စက်ယန္တရားကန့်သတ်ရေး အမြန်လုပ်ပေး”၊ “ကျောက်မျက် ဥပဒေ အမြန်ပြဌာန်း ပေး ရေး” ၊ “ကချင်လူမျိုးများနှင့် နိုင်ငံသား တိုင်းရင်းသားများ ကျောက်မျက် ထုတ်လုပ်ရေးကဏ္ဍ တန်းတူအခွင့်အရေး ရရှိရေး ဒို့အရေး”ဟူ၍ ကြွေးကြော်ကာ အကြီးစား လုပ်ကွက်များ အလိုမရှိဟူသည့် စာသားပါ ဗီနိုင်းများနှင့် ၂၀၁၇ခုနှစ် မြန်မာ့ကျောက်မျက်ရတနာဥပဒေကြမ်းကို ကန့်ကွက်သည့် ဆိုင်းဘုတ်များကိုလည်း ကိုင်ဆောင်ကာ ဆန္ဒပြကြခဲ့ ကြ သည်။ ဆက်လက်၍ ဦးဘရန်အောင် ၂၀၁၇ ခုနှစ်၊ မြန်မာ့ကျောက်မျက် ဥပဒေကြမ်းကို ကချင် နိုင်ငံရေးပါတီများက လေ့လာရာ ဌာနေ တိုင်းရင်း သားများအတွက် အခွင့်အလမ်းများ၊ ရပိုင်ခွင့်များ မပါရှိသဖြင့် ၂၀၁၇ ခုနှစ်အတွင်းက ကချင်ပါတီ ကိုယ်စားလှယ်များ၊ စာပေနှင့် ရိုးရာယဉ်ကျေးမှု အဖွဲ့များ၊ ဥပဒေပညာရှင် အဖွဲ့များ၊ မြစ်ကြီးနား ကျောက်မျက် အသင်း မှ တာဝန်ရှိသူများနှင့် ဆွေးနွေးပြီး ဌာနေတိုင်းရင်းသားများ အတွက် အခွင့်အလမ်းများ ပါရှိ စေရေး အတွက် အကြံပြုချက် ၆ ချက်ကို ပြည်ထောင်စု လွှတ်တော်သို့ ပေးပို့ခဲ့သည်ဟု ပြောသည်။ ထို အကြံပြုချက်များကြောင့် အမျိုးသားလွှတ်တော်နှင့် ပြည်သူ့လွှတ်တော်တို့က အကြံပြုချက်ပေးပို့သည့် အဖွဲ့များမှ ကိုယ်စားလှယ် ၈ ဦးကို ခေါ်ယူတွေ့ဆုံခဲ့ကြောင်း သို့သော်လည်း ဥပဒေကြမ်း ထုတ်ပြန်ရာတွင် ယင်းအကြံပြုချက်များ ပါမလာကြောင်း ၎င်းကဆိုသည်။ တောင်းဆိုထားသည့် အချက် ၆ ချက်ထဲမှ စက်ယန္တရား ကန့်သတ်ချက်များတွင် အကြီးစား စက်ယန္တရားများ အစား အသေးစား၊ အလတ်စား စက်ယန္တရားများကိုသာ အသုံးပြုရန်၊ ဥပဒေ အခန်း(၄) ကျောက်မျက်လုပ်ကွက် သတ်မှတ် ခြင်း တွင်အလတ်စား၊ အသေးစား၊ လက်လုပ်လက်စားဇုန်များ အဖြစ် ခွဲခြား သတ်မှတ်ပေးရန်၊ အခန်း(၅) ကျောက် မျက် ရတနာ ထုတ်လုပ်ခြင်း လုပ်ငန်း လုပ်ကိုင်ခွင့်တွင် ဒေသခံ ၆၀ ရာခိုင်နှုန်းပါသည့် စောင့်ကြည့် အဖွဲ့တိုင်းနှင့် ပြည်နယ် ကော်မတီများ ဖွဲ့ရေး ပါရှိရန်ဟူသည့် အချက်များ ပါဝင်သည်။ ထို့ပြင် အခန်း(၈) တန်ဖိုးဖြတ်အဖွဲ့ ဖွဲ့စည်းခြင်းနှင့် လုပ်ငန်းတာဝန်များတွင် တန်ဖိုးဖြတ်အဖွဲ့များ ဖွ့ဲပါက ဒေသနေ သယံဇာတပိုင်ရှင် ဌာနေတိုင်းရင်းသားများ ၃၀ ရာခိုင်နှုန်းထည့်သွင်း ဖွဲ့စည်းပေးရန်၊ အခန်း (၉) ရတနာခွန် နှင့် ဝန်ဆောင်ခ ပေးဆောင်ခြင်းပါ ပုဒ်မများတွင် ပတ္တမြား၊ နီလာ၊ ကျောက်စိမ်း၊ စိန်များကို ၂၀ ရာခိုင်နှုန်း ပေးဆောင် ရမည် ဟူသည့် အချက်ကို ၁၀ ရာနှုန်းအဖြစ် ပြန်လည် ပြင်ဆင်ပေးရန် နှင့် အခန်း (၁၀) ကျောက်မျက်ရတနာ ကြီးကြပ်ရေး ဗဟို ကော်မတီ ဖွဲ့စည်းခြင်းနှင့် လုပ်ငန်းတာဝန်များပါ ပုဒ်မများအရ ဖွဲ့စည်းမည့် ကော်မတီတွင်လည်း ဌာနေ တိုင်းရင်းသားများကို ထည့်သွင်း ဖွဲ့စည်းပေးရန်ဟူသည့် အချက်တို့ ဖြစ်သည်။ ၂၀၁၇ခုနှစ် မြန်မာ့ ကျောက်မျက်ရတနာ ဥပဒေကြမ်း၊ အခန်း(၉) ရတနာခွန်နှင့် ဝန်ဆောင်ခ ပေးဆောင်ခြင်း ပါပုဒ်မ ၃၂ (က) တွင် ပတ္တမြား၊ နီလာ၊ ကျောက်စိမ်း၊ စိန်ဖြစ်ပါက ၂၀ ရာခိုင်နှုန်းအခွန် ပေးဆောင်ရမည် ဖြစ်ပြီး အခြား ကျောက် မျက် ရတနာ ဖြစ်ပါက ၁၀ ရာခိုင်နှုန်း ပေးဆောင်ရမည်ဟု ရေးသား ထားသည်။ ဦးဘရန်အောင်က လက်ရှိ ရေးဆွဲထားသည့် ဥပဒေကြမ်းတွင် သယံဇာတ ထွက်ရှိရာ ဒေသ၏ မူလပိုင်ရှင် ဖြစ်သည့် ဌာနေ တိုင်းရင်းသား တို့၏ အခွင့်အရေးနှင့် လုပ်ပိုင်ခွင့် နေရာများ မပါရှိသဖြင့် ယခုကဲ့သို့ တောင်းဆိုရခြင်း ဖြစ်သည် ဟု ပြောသည်။ KSDP ဥက္ကဌ ဒေါက်တာ မနာမ်တူးဂျာ ကလည်း “ကျနော်တို့ တင်ပြခဲ့ပေမယ့် အမျိုးသား လွှတ်တော်က အရေးယူ ပြင်ဆင် ပေးတာမျိုး မရှိဘဲ သူတို့ ဥပဒေမူကြမ်းကို ထုတ်ပြန်လိုက်တယ်။ ဒီတော့ သူတို့ အရေးယူ ဆောင်ရွက် ပေးနိုင် အောင် လူထုသဘောနဲ့ လူထုအာဘော်ဖြစ်အောင် ဆန္ဒဖော်ထုတ်ရေးကိုဦးတည်ပြီး ဒီကနေ့ လက်တွေ့ လုပ်ဆောင် တာပါ” ဟု ပြောသည်။ ဥပဒေကြမ်းတွင် ကျောက်တူးဖော်ရေး လုပ်ငန်းများမှ စက်ယန္တရားကြီးများ အလွန်အကျွံ သုံးစွဲမှုများကို ထိန်းကွပ် ပေးမည့် အချက်များလည်း မပါရှိကြောင်း၊ ကျောက်စိမ်းထွက်ရှိသည့် ဖားကန့်မြို့နယ်သည် စက်ယန္တရားကြီးများ ကြောင့် ပျက်စီးနေ ပြီဖြစ်သဖြင့် ထိုအချက်များကို ထည့်သွင်းစေလိုကြောင်းလည်း ဒေါက်တာ မနာမ်တူးဂျာက ပြောဆို သည်။ “သယံဇာတ ထွက်ရှိတဲ့ငွေနဲ့ ဒေသခံ ကောင်းကျိုး လုပ်ပေးတာ အင်မတန်နည်းတယ်။ ဗဟိုချုပ်ကိုင်မှု လျှော့ချပြီး ဒေသခံ အာဏာပိုင်တွေကိုလည်း လုပ်ပိုင်ခွင့် ပေးဖို့လည်း တောင်းဆိုထားတဲ့ထဲ ပါတယ်။ ဒီနေ့ဆန္ဒပြပွဲ ကျင်းပ လိုက် တဲ့ အတွက်ကြောင့် သူတို့(လွှတ်တော်)လည်း အာရုံစိုက်လာပြီး သူတို့ ပြန်လည် သုံးသပ်လာဖို့ ရည်ရွယ်တာ။ သူတို့ လုပ်ကြ မယ် ထင်ပါတယ်”ဟု ဒေါက်တာ မနာမ်တူးဂျာက ဆိုသည်။ ၂၀၁၇ ခုနှစ် မြန်မာ့ ကျောက်မျက်ရတနာ ဥပဒေကြမ်းသည် တတိယ အကြိမ်မြောက် ပြင်ဆင် ရေးသားထားပြီး အတည်ပြု နိုင်ရန် အမျိုးသား လွှတ်တော်တွင် ဆွေးနွေးနေဆဲ ဖြစ်သည်။ မြန်မာ့ ကျောက်မျက် ရတနာဥပဒေကို ၁၉၉၅ ခုနှစ်က ပြဌာန်းခဲ့ပြီး ၂၀၀၃ ခုနှစ် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ လက်ထက်က ပထမအကြိမ်၊ ၂၀၁၆ ခုနှစ် သမ္မတ ဦးသိန်းစိန် လက်ထက်တွင် ဒုတိယအကြိမ် ပြင်ဆင် ထားပြီး ယခုအခါ သမ္မတ ဦးထင်ကျော် လက်ထက်တွင် တတိယအကြိမ် ထပ်မံ ပြင်ဆင် ဖြည့်စွက်ခြင်း ဖြစ် သည်။ The post မြစ်ကြီးနားတွင် ကျောက်မျက် ဥပဒေကြမ်း ကန့်ကွက် ဆန္ဒပြ appeared first on ဧရာဝတီ.
Source : http://ift.tt/2GQxNFO
via IFTTT

ဆုံးျဖတ္ခ်က္မ်ား မလိုက္နာ၍ ၿငိမ္းခ်မ္းေရးခရီး ေရွ႕မေရာက္ဟု တပ္မေတာ္ေျပာ

ဆုံးဖြတ်ချက်များ မလိုက်နာ၍ ငြိမ်းချမ်းရေးခရီး ရှေ့မရောက်ဟု တပ်မတော်ပြော အစိုးရ၊ တပ်မတော်နှင့် အပစ်ရပ် တိုင်းရင်းသား အဖွဲ့များကြား သဘောတူညီမှု ရရှိထားသည့် ငြိမ်း ချမ်းရေးဆိုင်ရာ ဆုံးဖြတ်ချက်များမှာ လိုက်နာဆောင်ရွက်ခြင်း အားနည်း၍ ငြိမ်းချမ်းရေးခရီးမှာ ရှေ့ မရောက်ဘဲ တဝဲဝဲလည်လည် ဖြစ်နေရ ကြောင်း ဒုတိယ တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီး စိုးဝင်းက ပြောသည်။ ယနေ့ နေပြည်တော်ရှိ ငြိမ်းချမ်းရေးနှင့် အမျိုးသား ပြန်လည် သင့်မြတ်ရေး ဗဟိုဌာန (NRPC) တွင် ပြုလုပ်သည့် ၇ ကြိမ် မြောက် တနိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် အကောင် အထည်ဖော်မှုဆိုင်ရာ ညှိနှိုင်းအစည်းအဝေး (JICM) တွင် ၎င်းက အထက်ပါအတိုင်း ပြောဆိုလိုက်ခြင်း ဖြစ်သည်။ ပြီးခဲ့သည့် ၆ ကြိမ်မြောက် (JICM) အစည်းအဝေးတွင် ရှမ်းပြည် ပြန်လည် ထူထောင်ရေး ကောင်စီ (RCSS/SSA) နှင့် ပတ်သက်၍ ရှမ်းပြည်နယ် လင်းခေးမြို့တွင် အမျိုးသားအဆင့် နိုင်ငံရေး ဆွေးနွေး ပွဲ ပြုလုပ်ရန် အတိုင်ပင်ခံပုဂ္ဂိလ် ဒေါ်အောင်ဆန်းစုကြည်၏ ကြားဝင်ညှိနှိုင်းမှုဖြင် ဆုံးဖြတ်ပြီး ဖြစ် သော်လည်း ဆုံးဖြတ်ချက်တွင် မပါသည့် ကိစ္စများ ရှိခဲ့၍ ရှေ့မရောက် ဖြစ်ခဲ့ရကြောင်း ဒုတပ်ချုပ် ဒုတိယ ဗိုလ်ချုပ်မှူးကြီး စိုးဝင်းက ပြောသည်။ “တဖက်နဲ့တဖက်နားလည်မှု လွဲမှားပြီး အကြိုဆွေးနွေးပွဲကိစ္စတွေ၊ အစည်းအဝေး ဆုံးဖြတ်ချက်ထဲမှာ မပါတဲ့ ကိစ္စတွေပါ ထပ်ပေါ်ပေါက်တဲ့အခါမှာ သွားရတဲ့ လုပ်ငန်းစဉ်က ရှေ့ကို မရောက်ဘဲနဲ့ ဒီမှာတင် တဝဲဝဲလည် ဖြစ်နေတာ ဖြစ်ပါတယ်။ JICM အစည်းအဝေးမှာ ဆုံးဖြတ်ပြီးသားဆိုရင် ဆုံးဖြတ်ချက် အတိုင်းပဲ ဆောင်ရွက်သွားမယ်ဆိုရင် ကိစ္စတခုပြီးနေမှာ ဖြစ်ပါတယ်”ဟု ဒုတပ်ချုပ်က ပြောသည်။ သို့မှသာ ငြိမ်းချမ်းရေး လုပ်ငန်းစဉ်များကို ဆက်လုပ်နိုင်မည့် အနေအထား ဖြစ်သဖြင့် ဆုံးဖြတ်ချက် ချပြီး ကိစ္စများ အတိုင်း တိတိကျကျ လိုက်နာရန်မှာလည်း အဖွဲ့အစည်းအသီးသီးတွင် တာဝန်ရှိ သည်ဟု တပ်မတော် က ပြောသည်။ RCSS/SSA၏ ဇန်နဝါရီလ ၈ရက်နေ့က ထုတ်ပြန်ကြေညာချက်တွင် ရှမ်းပြည် တောင်ပိုင်း လင်းခေး မြို့၌ ပြုလုပ်ရန် စီစဉ်ထားသည့် ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ကျင်းပနိုင် ရန် ပြည်နယ် အစိုးရ၏ ခွင့်ပြုချက်ဖြင့် ပြုလုပ်နေသည့် အကြိုလူထုတွေ့ဆုံပွဲများကို တပ်မတော်က တားဆီးခဲ့ သဖြင့် ယင်းနိုင်ငံရေး ဆွေးနွေးပွဲကို ယာယီ ရွေ့ဆိုင်းလိုက်ကြောင်းပါရှိသည်။ ထို့အပြင် ၂၀၁၇ ခုနှစ်၊ ဒီဇင်ဘာလ ၁၇ရက်တွင် ပင်လုံမြို့လူထုတွေ့ဆုံပွဲ ကျင်းပရန် စီစဉ်နေရာ တပ်မတော်က ရန်သူ့တပ်စခန်းအား ဝင်ရောက်တိုက်ခိုက် ချေမှုန်းသိမ်းယူသည့် တိုက်ပွဲဝင် လက်နက် အပြည့်အစုံဖြင့် ဝင်ရောက်တားဆီးသဖြင့် ပြည်ထောင်စု သမိုင်းတွင် အမည်းစက်ကြီး ထာဝရ စွန်းထင်းစေခဲ့ပြီဟု ရေးသားထားသည်။ ရှမ်းအမျိုးသားအဆင့် နိုင်ငံရေး ဆွေးနွေးပွဲမတိုင်မီ သက်ဆိုင်ရာ ဒေသမှ ပြည်သူလူထုတို့၏ သဘော ထားများ၊ ကြုံတွေ့နေ ရသည်များနှင့် လိုအပ်ချက်များကို မေးမြန်းကောက်ယူရန် လွှတ်တော်ကိုယ်စား လှယ်များ၊ ရှမ်းနိုင်ငံရေးပါတီ ကိုယ်စား လှယ်များ၊ RCSS မှ ကိုယ်စား လှယ်များက မြို့နယ် ၁၄ မြို့နယ်တွင် လူထုတွေ့ဆုံပွဲများ လိုက်လံပြုလုပ်ရာ အများစုတွင် တားဆီးခံခဲ့ရပြီး ပင်လုံ၊ တာချီလိတ်၊ ကာလိ နှင့် ကျောက်မဲမြို့တို့တွင် တပ်မတော်က အင်အားဖြင့် ဝိုင်းပြီး တားမြစ်ခြင်း များ ပြုလုပ်ခဲ့ခြင်း ဖြစ်သည်။ “ဒီနေရာတွေမှာ ကျင်းပခွင့် မရရင် ကျင်းပခွင့်ရတဲ့ နည်းတူ ဖြစ်အောင် ဘယ်လိုလုပ်နိုင်မလဲ။ နောက် တချက်က UPDJC ၊ JICM က အတည်ပြုထားတဲ့ TOR ၊ SOP တွေအတိုင်း ဒီဘောင်ထဲမှာလည်း ဝင်အောင် ဘယ်လိုလုပ်မလဲဆိုတဲ့ နည်းလမ်း တွေလည်း ကျနော်တို့ စဉ်းစားတယ်။ စဉ်းစားထားတဲ့ နည်းလမ်းတွေကိုလည်း အဆိုပြုထားတယ်”ဟု နိုင်ငံတော် အတိုင် ပင်ခံရုံး ညွှန်ချုပ် ဦးဇော်ဌေးက နေပြည်တော်တွင် ပြောသည်။ RCSS/SSA ကို အစိုးရ၊ လွှတ်တော်နဲ့ တပ်မတော်တို့ပါဝင်သည့် အစိုးရအစုအဖွဲ့က နိုင်ငံရေး တွေ့ဆုံ ပွဲ ဖြစ်မြောက်အောင် နည်းလမ်းတချို့ကို ချပြပြီး RCSS/SSA ကလည်း အစိုးရ အကြံပြုသည့် နည်း လမ်းတချို့ကို ဗဟိုကို ပြန်တင်ပြကာ အဆင် ပြေမည်ဆိုပါက ယခုပြုလုပ်နေသည့် JICM အစည်း အဝေးတွင် အတည်ပြုနိုင်ခဲ့ပါလျှင် တတိယ အကြိမ် ၂၁ ပင်လုံ ညီလာ ခံ ကျင်းပရေး လမ်းပွင့်သွား နိုင်ကြောင်း တိုင်းရင်းသား ခေါင်းဆောင်တဦးဖြစ်သူ ဒေါက်တာ ဆလိုင်းလျန်မှုန်ဆာခေါင်းက သုံးသပ်သည်။ နိုင်ငံရေးဆွေနွေးပွဲများတွင် အမြင့်ဆုံး အစည်းအဝေးဖြစ်သည့် JICM ၏ ဆုံးဖြတ်ချက်များကို အကောင်အထည်ဖော်ရာ တွင် တဖက်နှင့် တဖက် နားလည်မှု မလွဲစေရန် အမျိုးသားအဆင့် နိုင်ငံရေး ဆွေးနွေးပွဲများ ကျင်းပမည့် အစိုးရအဖွဲ့များ ထံသို့လည်း အသိပေးသင့် သည်ဟု ဒုတပ်ချုပ်က အကြံပြုခဲ့သည်။ “တချို့နေရာတွေမှာ ကိုယ့်ရဲ့ဆန္ဒစွဲ တခြားသော ဒေသစွဲ လူမျိုးစွဲအရ သမိုင်းကြောင်းအရဆိုပြီး နောက်ပြန်လည်နေမယ့် ကိစ္စတွေနဲ့ တဝဲဝဲလည်ဖြစ်နေမယ်ဆိုရင် ကျွန်တော်တို့ရဲ့ ငြိမ်းချမ်းရေး လမ်းကြောင်းသည် သွားရမယ့် နိုင်ငံရေး ရည်မှန်း ချက်ဟာ ပေါက်မြောက်မှာ မဟုတ်ဘူး”ဟု ဒုတိယ ဗိုလ်ချုပ်မှူးကြီး စိုးဝင်းက ပြောသည်။ RCSS/SSA သည် ၂၀၁၅ ခုနှစ်၊ အောက်တိုဘာလ ၁၅ ရက်တွင် အစိုးရနှင့် တနိုင်ငံလုံးပစ်ခတ် တိုက်ခိုက်မှု ဆိုင်ရာ သဘောတူညီမှု စာချုပ် (NCA) ကို သမ္မတ၊ ကာကွယ်ရေးဦးစီးချုပ်၊ လွှတ်တော် ဥက္ကဋ္ဌတို့နှင့် ချုပ်ဆိုထားပြီး အမျိုးသား အဆင့် နိုင်ငံရေး ဆွေးနွေး ပွဲကျင်းပရန် နေရာအတည်ပြု ချက်မရသဖြင့် ဆွေးနွေးပွဲလုပ်ရန် ကြန့်ကြာမှုများဖြင့် ရင်ဆိုင်နေရ သည့် အဖွဲ့တခု ဖြစ်သည်။ The post ဆုံးဖြတ်ချက်များ မလိုက်နာ၍ ငြိမ်းချမ်းရေးခရီး ရှေ့မရောက်ဟု တပ်မတော်ပြော appeared first on ဧရာဝတီ.
Source : http://ift.tt/2FCOJ30
via IFTTT

The Voice

အီရန်ကို ပစ်မှတ်ထားသော ယီမင်အရေး ဆုံးဖြတ်ချက်ကို ရုရှား ဗီတိုဖြင့် ပယ်ချ တီဟီရန်၊ ဖေဖော်ဝါရီ ၂၇ ယီမင်ပဋိပက္ခတွင် အီရန်ဒုံးကျည်များ အသုံးပြုနေမှုကိုတားဆီးရန် ပျက်ကွက်မှုကြောင့် အီရန်နိုင်ငံကို ဖိအားပေးမည့် ကုလလုံခြုံရေးကောင်စီ ဆုံးဖြတ်ချက်ကို ရုရှားက ဗီတိုအာဏာဖြင့် ပယ်ချလိုက်သည်ဟု DW သတင်းတွင် ဖော်ပြထားသည်။ ကုလလုံခြုံရေးကောင်စီသည် ယီမင်ကို အရေးယူပိတ်ဆို့မှုအသစ် ချမှတ်မည့် ဆုံးဖြတ်ချက်တွင် လက်နက်ရောင်းဝယ်မှုဆိုင်ရာ တားမြစ်ချက်ကို အီရန်က လိုက်နာမှုမရှိကြောင်း ဖော်ပြခဲ့သော်လည်း နောက်ပိုင်းတွင် အီရန်ကို ထည့်သွင်းဖော်ပြခြင်းမပြုသော ရုရှား၏ ပြင်ဆင်ဆုံးဖြတ်ချက်ကို သဘောတူချမှတ်လိုက်ရသည်ဟု သိရှိရသည်။ အဆိုပါ ဆုံးဖြတ်ချက်နှစ်ခုစလုံးသည် တနင်္လာနေ့တွင် ကုန်ဆုံးတော့မည့် ယီမင်အရေးဆိုင်ရာ အရေးယူပိတ်ဆို့မှုများကို သက်တမ်းတိုးခြင်းဖြစ်သည်။ အီရန်ကို ထည့်သွင်းဖော်ပြထားသော မူလဆုံးဖြတ်ချက်ကို ဗြိတိန်နိုင်ငံက အမေရိကန်၊ ပြင်သစ်တို့နှင့် တိုင်ပင်ရေးသားခဲ့ခြင်းဖြစ်ပြီး ကုလကျွမ်းကျင်သူများ၏ ဇန်နဝါရီလ အစီရင်ခံစာပါ တွေ့ရှိချက်များကို အခြေခံထားခြင်းဖြစ်သည်။ ယီမင်နိုင်ငံရှိ ရှီးယိုက်ဟူသီသူပုန်များထံ အီရန်လုပ် ဒုံးကျည်နှင့်ဒရုန်းများ တိုက်ရိုက်ဖြစ်စေ၊ သွယ်ဝိုက်၍ဖြစ်စေ ထောက်ပံ့နေမှုကို တားဆီးရန်လိုအပ်သော အရေးယူဆောင်ရွက်မှုများ လုပ်ဆောင်ရန် ပျက်ကွက်ခြင်းအားဖြင့် ၂၀၁၅ လက်နက်ရောင်းဝယ်မှု တားမြစ်ချက်ကို အီရန်နိုင်ငံက ချိုးဖောက်သည်ဟု ကုလကျွမ်းကျင်သူများအဖွဲ့က ပြောကြားခဲ့သည်။ မနှစ်က ဆော်ဒီနယ်မြေအတွင်းသို့ ဟူသီသူပုန်များ ပစ်လွှတ်ခဲ့သော ဒုံးကျည်အစအနများကို စစ်ဆေးရာတွင် အီရန်လုပ်ဒုံးကျည်များနှင့် တစ်ထပ်တည်းတူညီနေပြီး Qiam 1 အမျိုးအစားဖြစ်သည်ဟု ကျွမ်းကျင်အဖွဲ့က ပြောကြားသည်။ ထိုသို့ လက်နက်တင်ပို့မှုကို တားဆီးရန် ပျက်ကွက်ခြင်းအားဖြင့် ကုလသမဂ္ဂတားမြစ်ချက်ကို အီရန်က ချိုးဖောက်သည်ဟု အစီရင်ခံစာတွင် ဖော်ပြခဲ့သော်လည်း လက်နက်ပေးသွင်းသူများကိုမူ စိစစ်ဖော်ထုတ်နိုင်ခဲ့ခြင်း မရှိပေ။ ကုလဆိုင်ရာ ရုရှားသံအမတ် ဗာဆယ်လီနီဘင်ဇီယာက ကုလကျွမ်းကျင်သူများ၏ အစီရင်ခံစာသည် စစ်ဆေးအတည်ပြုမှု လိုအပ်နေသေးသော၊ ခိုင်မာမှုမရှိသော သုံးသပ်ချက်များသာဖြစ်သည်ဟု ပြောဆိုခဲ့သည်။ ယင်းကဲ့သို့ တွေ့ရှိချက်များပါဝင်သည့် လုံခြုံရေးကောင်စီ ဆုံးဖြတ်ချက်သည် အန္တရာယ်များပြီး ဒေသတွင်း တင်းမာမှုများကို မြင့်တက်စေနိုင်သောကြောင့် ရုရှားက ထောက်ခံမည်မဟုတ်ဟု ရုရှားသံအမတ်က ပြောကြားသည်။ အမေရိကန် သံအမတ်ကြီး နစ်ကီဟာလေက“အကြမ်းဖက်ဝါဒ အားပေးနေတဲ့ အီရန်ကို ရုရှားက ဒီနေ့ အကာအကွယ်ပေးခဲ့တယ်။ ရုရှားက ဒီလိုပဲ ဗီတိုဆက်သုံးနေမယ်ဆိုရင် ရုရှားတွေ မပိတ်ဆို့နိုင်တဲ့နည်းတွေနဲ့ အီရန်ကိုအရေးယူဖို့ အမေရိကန်ပြည်ထောင်စုနဲ့ မိတ်ဆွေနိုင်ငံတွေက စဉ်းစားသွားမယ်”ဟု မှတ်ချက်ပေးပြောကြားသည်။ ကုလဆိုင်ရာ အီရန်သံအဖွဲ့က အမေရိကန်နှင့် ဗြိတိန်သည် အီရန်ဆန့်ကျင်ရေး အစီအစဉ်ကို အားပေးရန်အတွက် အကျိုးအကြောင်းမဲ့သော ဆုံးဖြတ်ချက်ကို ရေးသားခဲ့ကြသည်ဟု တုံ့ပြန်စွပ်စွဲလိုက်သည်။ ယီမင်တွင် အခြေအနေဆိုးဝါးနေသော လူသားချင်းစာနာကူညီရေး ပြဿနာကို နိုင်ငံတကာက အာရုံမစိုက်မိအောင် လမ်းကြောင်းလွှဲနေကြသည်ဟုလည်း အီရန်သံအဖွဲ့က ပြောကြားသည်။ ယီမင်တွင် ဆော်ဒီထောက်ခံသော အစိုးရတပ်များနှင့် အီရန်လိုလားသော ဟူသီသူပုန်များအကြား ၂၀၁၅ ခုနှစ်မှစ၍ လက်နက်ကိုင်ပဋိပက္ခ ဖြစ်ပွားလျက်ရှိပြီး အီရန်လက်နက် ထောက်ပံ့မှုလမ်းကြောင်းကို ဖြတ်တောက်ရန် ဆော်ဒီက ဝိုင်းပတ်ပိတ်ဆို့ထားသောကြောင့် ကမ္ဘာ့အဆိုးဆုံး လူသားချင်းစာနာကူညီရေး အကျပ်အတည်းဖြစ်နေသည်ဟု ကုလသမဂ္ဂက သတ်မှတ်ထားသည်။
Source : https://goo.gl/5HxkfM
via IFTTT

ဂ်ပန္ႏိုင္ငံက ႐ုပ္ရွင္ပြဲေတာ္ တခုမွာ ျပသခဲ့တဲ့ “ဇာတိေျမ” ႐ုပ္ရွင္ဇာတ္ကားႀကီး

ဂျပန်နိုင်ငံက ရုပ်ရှင်ပွဲတော် တခုမှာ ပြသခဲ့တဲ့ “ဇာတိမြေ” ရုပ်ရှင်ဇာတ်ကားကြီး ဒါရိုက်တာ ကြည်ဖြူသျှင်ရဲ့ ဂျပန်- မြန်မာ နှစ်နိုင်ငံချစ်ကြည်ရေးအဖြစ် ရိုက်ကူးထားတဲ့ “ဇာတိမြေ” (My Country My Home) ရုပ်ရှင်ဇာတ်ကားကြီးကို ဂျပန်နိုင်ငံမှာ ပြုလုပ်တဲ့ Osaka Asian Flim Festival 2018 မှာ ပြသခဲ့တယ်လို့ သိရပါတယ်။ အဆိုပါ ရုပ်ရှင်ပွဲတော်မှာ ယခုလိုမျိုး ပြသခြင်းခံရတာဟာ မြန်မာဒါရိုက်တာ ရိုက်တဲ့ မြန်မာဇာတ်ကားကို ပထမဆုံးအကြိမ် အဖြစ် ပြသခြင်းဖြစ်တယ်လို့ သိရပါတယ်။ “ဇာတိမြေ” အတွက် ကျေနပ်၊ ပျော်ရွှင်ရပါသည်။ “ဇာတိမြေ” တွင် ပါဝင်သော သရုပ်ဆောင်များ၊ လုပ်ဖော်ကိုင်ဖက်များ အားလုံးကိုလည်း ကျေးဇူး အထူးတင်ရှိပါသည်” လို့ ဒါရိုက်တာ ကြည်ဖြူသျှင်က သူ့ရဲ့ Facebook အကောင့်ကနေ ကျေးဇူးတင်စကား ဆိုထားပါတယ်။ “ဇာတိမြေ” (My Country My Home) ဇာတ်ကားမှာတော့ ထပ်ဆင့်အကယ်ဒမီ ရန်အောင်၊ မင်းသား အောင်ရဲလင်း၊ ထပ်ဆင့်အကယ်ဒမီ ဝတ်မှုံရွှေရည်၊ မြန်မာလူမျိုး ဂျပန်အဆိုတော် မိုရီဆာကီဝင်း(အဝင်း) တို့က အဓိက ပါဝင် သရုပ်ဆောင် ထားပြီး ဂျပန်နိုင်ငံနဲ့ မြန်မာနိုင်ငံတို့မှာ ရိုက်ကူးထားတဲ့ ရုပ်ရှင်ဇာတ်ကား ဖြစ်ပါတယ်။ ဖေဖော်ဝါရီလ၂၂ရက်နေ့က ရန်ကုန်မြို့၊ သမ္မတရုပ်ရှင်ရုံမှာ အထူးပွဲပြသခဲ့ပြီး မကြာခင်မှာလည်း ရုံတင် ပြသတော့မယ်လို့ သိရပါတယ်။ The post ဂျပန်နိုင်ငံက ရုပ်ရှင်ပွဲတော် တခုမှာ ပြသခဲ့တဲ့ “ဇာတိမြေ” ရုပ်ရှင်ဇာတ်ကားကြီး appeared first on ဧရာဝတီ.
Source : http://ift.tt/2FD6v69
via IFTTT

ႏိုင္ငံတကာတြင္ “5G ကြန္ရက္ ဝန္ေဆာင္မႈ”ကို ဦးေဆာင္ရန္ Ooredoo ႏွင့္ Nokia ပူးေပါင္း

နိုင်ငံတကာတွင် “5G ကွန်ရက် ဝန်ဆောင်မှု”ကို ဦးဆောင်ရန် Ooredoo နှင့် Nokia ပူးပေါင်း ကမ္ဘာ့နည်းပညာနှင့် ဆက်သွယ်ရေး ကုမ္ပဏီတခုဖြစ်တဲ့ Ooredoo မှ အရှေ့တောင်အာရှဒေသ၊ အရှေ့အလယ်ပိုင်း ဒေသနဲ့ မြောက်အာဖရိက ဒေသတို့မှာ 5G Network ပြောင်းလဲဖော်ဆောင်ခြင်း အတွက် ကမ္ဘာ့နာမည်ကြီး နည်းပညာ ဆန်းသစ်ထီထွင် လုပ်ငန်းတခုဖြစ်တဲ့ Nokia နဲ့ လုပ်ငန်းပူးပေါင်း ဆောင်ရွက်မှု သဘောတူညီချက် ပြုလုပ်လိုက်ကြောင်း စပိန်နိုင်ငံ၊ ဘာစီလိုနာမြို့မှာ ကျင်းပပြုလုပ်ခဲ့တဲ့ “Mobile World Congress 2018” မှာ ထုတ်ပြန်ကြေညာ လိုက်ပါတယ်။ Ooredoo Group ရဲ့ ကွန်ရက် ခေတ်ပေါ်ဆန်းသစ်တီထွင်ခြင်း အစီအစဉ် “5G ကွန်ရက်သို့ ပြောင်းလဲတိုးတက်မှု” အတွက် Ooredoo Group နဲ့ Nokia တို့အတူ ပူးပေါင်းပြီး ၂ဝ၁၈ ခုနှစ်မှ စတင်ကာ Ooredoo ရုံးချုပ်တည်ရှိရာ Qatar (ကာတာ) နိုင်ငံမှာ 5G ကွန်ရက် ဖြန့်ကြက်ခြင်းများ ဆောင်ရွက်သွားမယ်လို့ သိရပါတယ်။ 5G ကွန်ရက် စတင်ရန်အတွက် Ooredoo ဟာ ပင်မရုံးချုပ်တည်ရှိရာ ဒေသမှာ ဝန်ဆောင်မှုများ စတင်ပေးအပ်ရန်နဲ့ စီးပွားရေးဆိုင်ရာ လုပ်ငန်းများအတွက် သင့်လျော်တဲ့ 5G New Radio (NR) ကို စီးပွားရေးဆိုင်ရာ ကိရိယာတပ်ဆင်မှုနဲ့ အတူ 5G လှိုင်းနှုန်းစဉ်ကို ရရှိပြီး အမြင့်ဆုံးသော အမြန်နှုန်းပေးအပ်နိုင်တဲ့ Supernet ဖြင့် တနိုင်ငံလုံး အနှံ့အပြား ဝန်ဆောင်မှုများ စတင် ပေးအပ်သွားမယ်လို့ သိရပါတယ်။ “ဒီနှစ်မှာ ကျနော်တို့ အနေနဲ့ ကွန်ရက်ကို ခေတ်နဲ့အညီ အဆင့်မြှင့်တင်ခြင်း၊ Project ကို အရှိန်အဟုန်မြင့် ဆောင်ရွက် နေပြီး “ကျနော်တို့ လုပ်ငန်းဆောင်ရွက်တဲ့ နေရာတိုင်းမှာ လူထုရဲ့ နေ့စဉ်ဘဝကို ဒီဂျစ်တယ် လူနေမှုဘဝနဲ့ ပြီးပြည့်စုံ စေမယ်” ဆိုတဲ့ ကျနော်တို့ရဲ့ ကတိတည်အောင် ဆောင်ရွက်နေပါတယ်။ Nokia နဲ့ ပူးပေါင်းဆောင်ရွက်ခြင်းကို ပိုမို ခိုင်မာအောင် ဆောင်ရွက်ခြင်းဖြင့် Ooredoo သုံးစွဲသူများအတွက် 5G ဆန်းသစ်တီထွင်ခြင်းများကို အစဦးဆုံး ဆောင်ရွက် သွားမှာ ဖြစ်ပါတယ်” လို့ Ooredoo Qatar ရဲ့ Chief Executive Officer, Mr.Waleed Al-Sayed က ပြောပါတယ်။ Nokia ရဲ့ အဆင့်မြင့် ဆက်သွယ်ရေး နည်းပညာများနဲ့ ကျွမ်းကျင် ပညာရှင်များမှ ပေးအပ်ထားတဲ့ ဝန်ဆောင်မှုများနဲ့ Ooredoo မှ လက်ရှိ ဝန်ဆောင်မှု ပေးထားတဲ့ 2G, 3G, 4G LTE-A, 4.5G Pro နဲ့ 4.9G ကွန်ရက်များကို အကောင်းဆုံး အဆင့်မီ ဝန်ဆောင်မှုများ ပေးနိုင်အောင် ပံ့ပိုးပေးနိုင်မယ်လို့ သိရပါတယ်။ “ကျနော်တို့က Ooredoo Group နဲ့ ပူးပေါင်းပြီး Oordeoo လုပ်ငန်းဆောင်ရွက်တဲ့ နိုင်ငံတွေမှာ ကွန်ရက်များကို အဆင့်မြှင့်တင် ပြောင်းလဲခြင်းအတွက် ဆက်လက် ပူးပေါင်းဆောင်ရွက်သွားမှာ ဖြစ်ပါတယ်။ ယခု လုပ်ဆောင်ချက်တွေနဲ့ အတူ Ooredoo Group အနေနဲ့ အူရီဒူးသုံးစွဲသူများအတွက် 5G အပါအဝင် အဆင့်မြင့်ဝန်ဆောင်မှုများ ပေးနိုင်ဖို့ ကွန်ရက် ပြင်ဆင်ခြင်းကို ပံ့ပိုးပေးနိုင်ရန် ကျနော်တို့ရဲ့ နည်းပညာနဲ့ဝန်ဆောင်မှုများ ပေးအပ်ဖို့ ကတိ ထားရှိပါတယ်” လို့ Nokia မှ Head of Middle East and Africa Market ဖြစ်သူ Mr.Amr K. El Leithy က ပြောပါတယ်။ ၂ဝ၁၈ ခုနှစ်၊ ဖေဖော်ဝါရီလ၂၆ ရက်နေ့ကနေ မတ်လ ၁ ရက်အထိ စပိန်နိုင်ငံ၊ ဘာဆီလိုနာမြို့၊ Fira Gran Via မှာ ကျင်းပနေတဲ့ “Mobile World Congress 2018” ပွဲမှာ Ooredoo အနေနဲ့ အူရီဒူးပြခန်း ဖွင့်လှစ် ပြသလျက် ရှိတယ်လို့ သိရပါတယ်။ The post နိုင်ငံတကာတွင် “5G ကွန်ရက် ဝန်ဆောင်မှု”ကို ဦးဆောင်ရန် Ooredoo နှင့် Nokia ပူးပေါင်း appeared first on ဧရာဝတီ.
Source : http://ift.tt/2oCC5cn
via IFTTT

႐ုံဝင္ေငြ ေဒၚလာ ၁၉၂ သန္းနဲ႕ အဖြင့္လွခဲ့တဲ့ လူမည္းအသားေပး စူပါးဟီးရိုး႐ုပ္ရွင္ “Black Panther”

Box Office ရဲ့ အမြင့်ဆုံးနေရာမှာ ရပ်တည်နေတဲ့ Black Panther (2018) Infinity War မတိုင်ခင် နောက်ဆုံး ကြည့်ရမယ့် MCU ရုပ်ရှင်ဖြစ်တဲ့ “Black Panther” ဟာ တခြား စူပါဟီးရိုးကားတွေနဲ့ မတူဘဲ အနည်းငယ် ကွဲထွက်နေတဲ့ပုံစံကို တွေ့ရမှာ ဖြစ်ပါတယ်။ Civil Warမှာ မိတ်ဆက်ခဲ့တဲ့ Black Panther ရဲ့ ဇာတ်ကြောင်းထက် Infinity War မှာ ပြန်ပါလာဦးမယ့် Wakanda မြေအကြောင်းကို သေသေချာချာ ပြသချင်တာလို့ မြင်မိပါတယ်။ ဇာတ်ကားမှာ “Black Panther” အဖြစ် အမေရိကန် လူမည်း သရုပ်ဆောင် မင်းသား Chadwick Boseman က သရုပ်ဆောင်ထားပြီး လူမည်းဒါရိုက်တာ Ryan Coogler က ရိုက်ကူးထားပါတယ်။ ဒီဇာတ်ကားမှာ ကိုလိုနီ မဖြစ်ဖူးတဲ့ Wakanda နိုင်ငံက အာဖရိကန်သားတွေရဲ့ ဓလေ့နဲ့ ကြံ့ခိုင်တဲ့ ရပ်တည်မှုတွေကို သေချာပုံဖော ရိုက်ကူး ပြထားတာကို တွေ့မြင်ရပါတယ်။ အာဖရိကတိုက်ရဲ့ နိုင်ငံတခုဖြစ်တဲ့ Wakanda နိုင်ငံဟာ ရှားပါးအဖိုးတန် သတ္တုတမျိုးဖြစ်တဲ့ Vibranium သတ္တု အမြောက်အများကို ပိုင်ဆိုင်ထားတာကြောင့် စီးပွားရေးနဲ့ နည်းပညာပိုင်းမှာ ခေတ်လွန်တိုးတက်နေတဲ့ နိုင်ငံ တခုပါ။ ဖခင်ဖြစ်သူ ဆုံးပါးသွားပြီးနောက်မှာ သားဖြစ်သူ T’ Challa (Black Panther) ဟာ ဘုုရင်အဖြစ် နန်းတက်လာခဲ့ပါတယ်။ Vibranium သတ္တုအကြောင်းကို တခြားပြင်ပ ကမ္ဘာက လူတွေ မသိအောင် လျှို့ဝှက်ထားတဲ့ စနစ်ကို အစဉ်အဆက် ကျင့်သုံးခဲ့တဲ့ Wakanda နိုင်ငံဟာ T’Challa လက်ထက်မှာတော့ စိန်ခေါ်မှုတွေနဲ့ ရင်ဆိုင်ရပါတော့တယ်။ အဲဒီအခါမှာ T’Challa ဟာ Black Panther အဖြစ်နဲ့ Wakanda နိုင်ငံကိုရော ကမ္ဘာကြီးကိုပါ ကာကွယ်ဖို့ အတွက် ဘယ်လိုရပ်တည် ကြိုးပမ်းသွားမလဲ ဆိုတာကို ဒီဇာတ်ကားမှာ စိတ်ဝင်စားဖွယ် ဆက်လက် ကြည့်ရှုရမှာပါ။ ဘတ်ဂျက် အမေရိကန်ဒေါ်လာငွေ သန်း ၂၀၀ ကျော် သုံးစွဲပြီး ရိုက်ကူးထားတဲ့ “Black Panther” ရုပ်ရှင် ဇာတ်ကားဟာ ခိုင်မာတဲ့ ဇာတ်အိမ်နဲ့ ကောင်းမွန်သေသပ်တဲ့ ကင်မရာ အထူးပြုလုပ်ချက်တွေကြောင့် စူပါဟီးရိုး ပရိသတ်တွေရော အက်ရှင်ကား ပရိသတ်တွေပါ ကြည့်ရှုသင့်တဲ့ ဇာတ်ကားကောင်းတကား ဖြစ်ပါတယ်။ IMDB Rating (7.9) ရရှိထားတဲ့ “Black Panther (2018)” ရုပ်ရှင်ကားဟာ လက်ရှိမှာတော့ Box Office (727.9) Million နဲ့ အမြင့်ဆုံးနေရာမှာ ရပ်တည်နေတာ တွေ့ရပါတယ်။ ဆက်စပ် သတင်းလင့်ခ် – ရုံဝင်ငွေ ဒေါ်လာ ၁၉၂ သန်းနဲ့ အဖွင့်လှခဲ့တဲ့ လူမည်းအသားပေး စူပါးဟီးရိုးရုပ်ရှင် “Black Panther” Ref : en.wikipedia.org The post Box Office ရဲ့ အမြင့်ဆုံးနေရာမှာ ရပ်တည်နေတဲ့ Black Panther (2018) appeared first on ဧရာဝတီ.
Source : http://ift.tt/2F20uyQ
via IFTTT

ဦးဝီရသူ၏ ေဖ့ဘြတ္စာမ်က္ႏွာ ျဖဳတ္သိမ္းလိုက္ၿပီ

ဦးဝီရသူ၏ ဖေ့ဘွတ်စာမျက်နှာ ဖြုတ်သိမ်းလိုက်ပြီ အမုန်းစကားပြောဆိုခြင်းများကို တားဆီးရန် ဖိအားများနှင့် ရင်ဆိုင်ခဲ့ရပြီးနောက် မွတ်ဆလင်များနှင့် ပတ်သက်သည့် သွေးထိုးလှုံ့ဆော်မှုများရေးသားခဲ့သည့် အတွက် မန္တလေးမြို့ မစိုးရိမ်တိုက်သစ် စာချဆရာတော် ဦးဝီရသူ၏ ဖေ့ဘွတ် Facebook စာမျက်နှာကို အပြီးတိုင် ပိတ်သိမ်းလိုက်ကြောင်း သိရသည်။ “ဗုဒ္ဓဘာသာ ဘင်လာဒင်”ဟု နာမည်ကြီးခဲ့သော ဦးဝီရသူ၏ ဖေ့ဘုတ်စာမျက်နှာတွင် မွတ်ဆလင်များနှင့်ပတ်သက်ပြီး ရန်လိုမုန်းထား ပို့စ်များ ဆက်လက်တင်နေသောကြောင့် အမုန်းပွားမှု ဖြစ်စေသည့်အတွက် အကောင့်ကို ပိတ်လိုက်ကြောင်း ဖေ့ဘွတ်က ပြောကြောင်း သိရသည်။ “အခြားသူတွေအပေါ် အမုန်းတရားနဲ့ အကြမ်းဖက်မှုတွေကို မြှင့်တင်ဖို့ လုပ်ဆောင်တဲ့ အဖွဲ့အစည်းတွေနဲ့ လူတွေကို ကျနော်တို့ အသိုင်းအဝိုင်းရဲ့ စံနှုန်းတွေက တားမြစ်ထားပါတယ်” ဟု Facebook ၏ ပြောရေးဆိုခွင့် ရှိသူက AFP သတင်းဌာနသို့ ပြောသည်။ “တကယ်လို့ လူတယောက်က အမုန်းတရားကို လှုံ့ဆော်တဲ့ အရာတွေကို ဆက်တိုက် ဝေမျှနေမယ် ဆိုရင် ကျနော်တို့ က post တင်တာကို ယာယီပိတ်ပင်ခြင်း၊ နောက်ဆုံးမှာ သူတို့ account ကို ဖျက်သိမ်းခြင်း အစရှိတဲ့ အရေးယူမှု အမျိုးမျိူး ပြုလုပ်ပါတယ်။” မြန်မာနိုင်ငံမှ ဗုဒ္ဓဘာသာ အမျိုးသားရေး လှုပ်ရှားမှု၏ ထင်ရှားသော မျက်နှာစာတခု ဖြစ်သည့် ဦးဝီရသူက မွတ်ဆလင်များ အထူးသဖြင့် ရိုဟင်ဂျာ ခေါ် ဘင်္ဂလီ မွတ်ဆလင်များကို တိုက်ခိုက်ရန် ပလက်ဖောင်းတခု အနေဖြင့် အသုံးပြုသည့် လူမှုကွန်ရက်တွင် follower သိန်းနှင့် ချီ၍ များပြားခဲ့သည်။ ရခိုင်ပြည်နယ်တွင် မြန်မာတပ်မတော်က တိုက်ခိုက်ဖြိုခွဲမှုများ ပြုလုပ်ခဲ့သည့် နောက်ပိုင်း သြဂုတ်လ နှောင်းပိုင်းမှ စတင်၍ ရိုဟင်ဂျာ ၇၀၀၀၀၀ နီးပါး ဘင်္ဂလားဒေ့ရှ် နိုင်ငံသို့ ထွက်ပြေးခဲ့ခြင်းနှင့် ပတ်သက်၍ အမေရိကန် နှင့် ကုလသမဂ္ဂတို့က လူ မျိုးဖြတ်သုတ်သင်ခြင်းနှင့် အလားတူသည်ဟု ပြောကြားခဲ့သော်လည်း မြန်မာ အမျိုးသားရေး ဝါဒီ အမည်ခံများက အွန်လိုင်းမှ ချီး ကျူး ဂုဏ်ပြုခဲ့ကြသည်။ ယခုကဲ့သို့ ဦးဝီရသူ၏ စာမျက်နှာကို ပယ်ဖျက်ခဲ့ခြင်းသည် ဇန်နဝါရီလ နှောင်းပိုင်းတွင် ဖြစ်သည်။ ပြီးခဲ့သည့် နှစ်က ဗီဒီယိုတခုတွင် သူ၏ account ကို ရက် ၃၀ ယာယီ ပိတ်ပင်ခဲ့သေးရာ ဦးဝီရသူက Facebook ကို မွတ်ဆလင်များက သိမ်းပိုက်ထား၍ ဖြစ်ကြောင်း ပြောကြားခဲ့သည်။ ၂၀၁၃ ခုနှစ်တွင် အရပ်သား အမည်ခံအစိုးရက တယ်လီဖုန်းဆက်သွယ်ရေး ကဏ္ဍကို တံခါးဖွင့်ခဲ့သည့် အချိန်မှ စ၍ မြန်မာ နိုင်ငံတွင် Facebook အသုံးပြုမှု အလွန်တိုးပွားလာခဲ့သည်။ တယ်လီဖုန်းဆက်သွယ်ရေး ကဏ္ဍကို တံခါးဖွင့်ခဲ့ ခြင်းကြောင့် ဗုဒ္ဓဘာသာ အများစု ဖြစ်သည့် မြန်မာနိုင်ငံတွင် ပြည်သူများ အင်တာနက်ကို ပိုမို လွယ်ကူစွာ အသုံးပြုလာနိုင်ခဲ့သည်။ ဦးဝီရသူ ကဲ့သို့ သဘောထားတင်းမာသည့် ဘုန်းတော်ကြီးများကလည်း အဆိုပါ ပလက်ဖောင်းကို ရောက်လာခဲ့ကြပြီး သွေးထိုးလှုံ့ဆော်သည့် ရေးသားမှုများမှ တဆင့် မွတ်ဆလင်ဆန့်ကျင်ရေး အမုန်းတရားများကို ဖြန့်ချီခြင်းအတွက် နာမည်ဆိုးထွက်လာခဲ့ဲကြသည်။ မြန်မာနိုင်ငံ၏ ဒီမိုကရေစီ အသွင်ကူးပြောင်းရေးကို ထိခိုက်စေသော ခွဲခြားရေး ပဋိပက္ခများကို လှုံ့ဆော်ပေးခြင်းအတွက် ဦးဝီရသူ၏ အမုန်းတရားများမှာ ဝေဖန်ပြစ်တင်မှုများ ခံခဲ့ရသည်။ နိုဘယ်လ်ငြိမ်းချမ်းရေးဆုရှင် ဒေါ်အောင်ဆန်းစုကြည် ၂၀၁၆ ခုနှစ်တွင် အာဏာရရှိလာပြီးနောက် နိုင်ငံတော် သံဃမဟနာယကအဖွဲ့ကလည်း ဦးဝီရသူ နှင့် ဆက်နွယ်နေသည့် မဘသအဖွဲ့ကို တရားဝင် အဖွဲ့အစည်းမဟုတ်ဟု ကြေညာခဲ့ပြီး ဦးဝီရသူကိုလည်း တရား ဟောပြောခွင့် ၁ နှစ် ပိတ်ပင်ခဲ့သည်။ သို့သော်လည်း Time မဂ္ဂဇင်း၏ မျက်နှာဖုံးတွင် “Face of Buddhist Terror” ဟု တချိန်က မြင်ခဲ့ရသော ဦးဝီရသူက သြဇာ လွှမ်းမိုးမှု ရှိနေဆဲ ဖြစ်သည်။ လူမှုမီဒီယာ မဟာကုမ္ပဏီကြီးတခု ဖြစ်သည့် Facebook သည် မြန်မာနိုင်ငံမှ account များ၏ အမုန်းစကားများကို ထိန်းချုပ်ရန် တောင်းဆိုမှုများနှင့် နှစ်ပေါင်းများစွာ ရင်ဆိုင်ခဲ့ရသည်။ ဖေ့ဘုတ်စာမျက်နှာကနေ ဦးဝီရသူ၏ အကောင့်ကို ဖယ်ပစ်ခဲ့သော်လည်း သူ့ ဗီဒီယိုများ၊ ဘာသာရေးဆိုင်ရာ အမုန်းပွါးစေသော ဟောပြောချက်များက ဖေ့ဘုတ်ပေါ်တွင် ရှိနေဆဲ ဖြစ်သည့်အပြင် သူ့နောက်လိုက်များက သူခိုင်းလျှင် သူတို့ကိုယ်ပိုင်အကောင့်များတွင် ပို့စ်တင်ပြီး ဆက်လက် ဖြန့်ဝေနိုင်သော အနေထားရှိနေသေးသည်။ သို့သော် ထိုပို့စ်များ တက်လာပါက ဖေ့ဘွတ်သို့ ရီပို့နှင့် အကြောင်းကြားပါက ဖေ့ဘွတ်၏ စည်းကမ်းချက်များနှင့်အညီ အရေးယူနိုင်လိမ့်မည်ဟု မျှော်လင့်ရသည်။ The post ဦးဝီရသူ၏ ဖေ့ဘွတ်စာမျက်နှာ ဖြုတ်သိမ်းလိုက်ပြီ appeared first on ဧရာဝတီ.
Source : http://ift.tt/2FaqGKX
via IFTTT

စီးပြားေရး တည္ၿငိမ္မႈမရွိဘဲ အနိမ့္ဆုံး လုပ္ခလစာ သတ္မွတ္မႈ ေစာလြန္းဟု ဆို

စီးပွားရေး တည်ငြိမ်မှုမရှိဘဲ အနိမ့်ဆုံး လုပ်ခလစာ သတ်မှတ်မှု စောလွန်းဟု ဆို မြန်မာနိုင်ငံစီးပွားရေး အခြေအနေတည်ငြိမ်မှု မရှိသေးဘဲ အနိမ့်ဆုံးလုပ်ခလစာ သတ်မှတ်နိုင်ရေးအစီအစဉ် စတင်မှုမှာ စောလွန်းနေသည်ဟု ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) ဒု ဥက္ကဋ္ဌ ဒေါက်တာ မောင်မောင်လေးက ဧရာဝတီသို့ ပြောသည်။ ဒေါက်တာ မောင်မောင်လေးက “ဒီကိစ္စကို ပထမဦးဆုံး ဗွေဆော်ဦးကိုင်တဲ့သူကို ပြောချင်တာပါ။ မြန်မာနိုင်ငံက အခြေခံ အဆောက်အအုံတွေက အစ အဆင်သင့်ဘာမှ မဖြစ်သေးဘဲနဲ့ ငွေကြေးဖောင်းပွမှုတို့ ဘာတို့ကိုလည်း မထိန်သိမ်းနိုင်ဘဲနဲ့ လုပ်ခဲ့တယ်။ စီးပွားရေးက ဘာမှ မတည်ငြိမ်သေးဘဲ အနိမ့်ဆုံး လုပ်ခလစာကို သွားကိုင်တဲ့အခါ ဦးနင်းပဲ့ထောင်၊ ပဲ့နင်း ဦး ထောင် ဖြစ်ရပါတယ်။ ပေးနိုင်တဲ့လုပ်ငန်းတွေ ပေးနိုင်ပေမယ့် မပေးနိုင်တဲ့စက်ရုံတွေဆိုရင် ပိတ်ရနိုင်တယ်”ဟု ဆိုသည်။ ဦးသိန်းစိန် အစိုးရလက်ထက်တွင် အနိမ့်ဆုံးလုပ်ခ လစာ သတ်မှတ်နိုင်ရေး စတင် လုပ်ဆောင်ခဲ့ခြင်း ဖြစ်ပြီး ယနေ့ထိတိုင် အလုပ်ရှင် အလုပ်သမားကြားတွင် အတည်ပြုနှုန်းထားတရပ် ထွက်ရှိရန် ညှိနှိုင်းနေရဆဲ ဖြစ်သည်။ ဒေါက်တာ မောင်မောင်လေးက ယင်းကိစ္စ၏ အကျိုးဆက်အနေဖြင့် ယခုအနိမ့်ဆုံး လုပ်ခလစာများ တိုးမြှင့်ပေးရမည့် အခြေ အနေတွင် လက်ခစား လုပ်ငန်းများနှင့် အသေးစားနှင့်အလတ်စား လုပ်ငန်းများ ထိခိုက်မည်ဖြစ်ကြောင်း ဆက်လက် ပြောသည်။ အနည်းဆုံးအခကြေးငွေ တိုးမြှင့်လျှင် လက်ခစား စနစ် (CMP) ဖြင့် လုပ်ကိုင်သည့် အထည်ချုပ်လုပ်ငန်းများ အများဆုံး ထိ ခိုက်မည်ဖြစ်ကာ လုပ်သားခန့်ထားနိုင်စွမ်း သိသိသာသာ လျော့ကျမည်ဖြစ်ကြောင်း UMFCCI က ၂၀၁၈ ဇန်နဝါရီလ၌ ထုတ်ပြန်သည့် အနည်းဆုံး အခကြေးငွေနှင့် အလုပ်အကိုင်ဖန်တီးနိုင်မှု လုပ်ငန်းစစ်တမ်းတွင် ဖော်ပြထားသည်။ အနိမ့်ဆုံး လုပ်ခလစာ နှုန်းထားကို ၂၀၁၅ စက်တင်ဘာ ၁ ရက်တွင် ပထမဦးဆုံး အကြိမ်အဖြစ် သတ်မှတ်နိုင်ခဲ့ပြီး နေရာ ဒေသနှင့် လုပ်ငန်းအမျိုးအစား မခွဲခြားဘဲ ၁ နာရီလျှင် ၄၅၀ ကျပ်နှုန်း၊ ၁ ရက်လျှင် အလုပ်ချိန် ၈ နာရီအတွက် ကျပ် ၃၆၀၀ နှုန်း သတ်မှတ် ထုတ်ပြန်ခဲ့သည်။ ယင်းနှုန်းထားမှာ အလုပ်သမားများအတွက် နေထိုင်မှုစရိတ် ကုန်ဈေးနှုန်း ကြီးမြင့်နေမှုတို့ကြောင့် အခက်အခဲ ဖြစ်သဖြင့် အလုပ်သမားများက ထပ်မံ တိုးမြှင့်ပေးရေး အတွက် နေရာအနှံ့ ဆန္ဒဖော်ထုတ်မှုများ ပြုလုပ်ခဲ့ကြခြင်းနှင့် အကြိမ်ကြိမ် ညှိနှိုင်းမှုများ ပြုလုပ်ခဲ့ကြသည်။ ထို့နောက် ၂၀၁၈ ခုနှစ် ဇန်နဝါရီ ၂ ရက် နေ့စွဲဖြင့် အနည်းဆုံး အခကြေးငွေ သတ်မှတ်ရေး အမျိုးသား ကော်မတီက တရက် ၈ နာရီအတွက် ကျပ် ၄၈၀၀ အဖြစ် သတ်မှတ် ထုတ်ပြန်ခဲ့သည်။ အနည်းဆုံးအခကြေးငွေ ၄၈၀၀ ဖြစ်သွားပါက လုပ်သားအင်အားကို အခြေပြုပြီး လုပ်ရသည့် လုပ်ငန်းတချို့ ထိခိုက်မှုရှိ ကောင်းရှိနိုင်သော်လည်း အခြားသော လုပ်ငန်း အမျိုးအစားများ ထိခိုက်နိုင်မည် မဟုတ်ကြောင်း စက်မှုကြီးကြပ်ရေးနှင့် စစ် ဆေးရေးဦးစီးဌာန အသေးစားနှင့် အလတ်စား လုပ်ငန်းများ ဖွံ့ဖြိုး တိုးတက်ရေးဌာန ဒု ညွှန်ကြားရေးမှူး ဦးဇော်မျိုးအောင် က ပြောဆိုသည်။ “လုပ်ငန်းရှင်တွေအနေနဲ့ တွက်မယ်ဆိုရင်တော့ ၄၈၀၀ ကထိခိုက်မယ်တော့ မထင်ပါဘူး။ အနည်းငယ် ထိခိုက်မှာကတော့ လုပ်အား အခြေပြုတဲ့ လုပ်ငန်းပေါ့။ ဥပမာ မုန့်လုပ်ငန်းလိုမျိုးပေါ့ သူကလုပ်သားတွေ သုံးရတာရှိတယ်။ လက်ခစား လုပ် ငန်း တွေ၊ လူများများ သုံးရတဲ့ လုပ်ငန်းတွေက လုပ်ငန်းရှင်တွေကတော့ လုပ်အားခပေးရတာ ပိုများသွားတာပေါ့။ ကျန်တဲ့ လုပ်ငန်း အမျိုးအစားတွေကတော့ ထိခိုက်မှု မရှိနိုင်ပါဘူး” ဟု ဧရာဝတီသို့ ပြောသည်။ လက်ခစားမဟုတ်သည့် အခြားဝန်ဆောင်မှု လုပ်ငန်းများ အနေဖြင့်လည်း အခက်အခဲ မရှိနိုင်ကြောင်း အသေးစား ချေးငွေ လုပ်ငန်း တခုဖြစ်သည့် MIFIDA – Microfinance Delta International co,Ltd စီမံအုပ်ချုပ်မှု ဒါရိုက်တာ ဦးမြင့်ဆွေ က ပြောဆိုသည်။ “ကျနော်တို့ဆီမှာဆို ရုံးသန့်ရှင်းရေးပဲ အဲဒီနှုန်းနဲ့ ပေးတာ။ အခြားအဆင့် အနိမ့်ဆုံးဝန်ထမ်းဆို ၁ သိန်း ၇ သောင်းလောက် ပေးထားတာဆိုတော့ ၄၈၀၀ ပေးရလည်း ပြဿနာ မရှိဘူး။ အဲဒီအထက်မှာပဲ ကျနော်တို့က ပေးထားတာ”ဟုလည်း ၎င်း က ဆိုသည်။ လက်ခစား စနစ်ဖြင့် လုပ်ကိုင်သည့် အထည်ချုပ် လုပ်ငန်းကဲ့သို့သော လုပ်ငန်းများ အနေဖြင့် အလုပ်သမားများနှင့် အလုပ် ရှင်များကြား ပွင့်လင်းမြင်သာစွာ ဆွေးနွေးခြင်းဖြင့်သာ လတ်တလော မြင့်တက်လာမည့် လုပ်ခ လစာနှုန်းထား ပြဿနာ ကို ဖြေရှင်းနိုင်မည် ဖြစ်ကြောင်း ဒေါက်တာ မောင်မောင်လေးက ပြောဆိုသည်။ “သတ်မှတ်ပြီးပြီ ဆိုရင်တော့ လုပ်ငန်းရှင်နှင့် အလုပ်သမားကြား ထင်သာမြင်သာရှိဖို့ လိုတယ်။ ဥပမာ ငါဒီလောက် ရတယ်။ ဒီလောက်ပေးနိုင်တယ်။ ဒီလောက်မြတ်မယ် ဆိုတာမျိုး ချပြပြီး ဆွေးနွေးသင့်တယ်။ နို့မို့ဆိုရင် အကုန်ပြိုလဲလိမ့်မယ်”လည်း ဟု ၎င်းက ဆိုသည်။ ၂၀၁၃ ခုနစ် အနည်းဆုံး အခကြေးငွေ ဥပဒေကို ပြည်ထောင်စုလွှတ်တော်က ၂၀၁၃ ခုနှစ် မတ်လ ၂၂ ရက်၌ ပြဋ္ဌာန်းခဲ့ပြီး အဆိုပါဥပဒေအရ အနည်းဆုံးအခကြေးငွေ နှုန်းထားများကို ၂ နှစ်လျှင် ၁ ကြိမ်နှုန်းဖြင့် ပြောင်းလဲ သတ်မှတ်ရမည် ဟု ပါရှိ သည်။ မြန်မာနိုင်ငံ၌ မှတ်ပုံတင်ထားသည့် လုပ်ငန်း စုစုပေါင်း ၁သိန်း ၂ သောင်းကျော် ရှိသည့်အနက် ၉၈ ရာခိုင်နှုန်းမှာ အသေး စား၊ အလတ်စား စီးပွားရေး လုပ်ငန်း (SME) များဖြစ်ကြောင်း ရင်းနှီးမြုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနမှ ထုတ်ပြန် သည့် စာရင်းများအရ သိရသည်။ The post စီးပွားရေး တည်ငြိမ်မှုမရှိဘဲ အနိမ့်ဆုံး လုပ်ခလစာ သတ်မှတ်မှု စောလွန်းဟု ဆို appeared first on ဧရာဝတီ.
Source : http://ift.tt/2FboVgw
via IFTTT

burma.irrawaddy.com

ကော့သောင်း၌ လေအားလျှပ်စစ် ထုတ်ရန် ဖြစ်နိုင်ခြေရှိမရှိ လေ့လာစမ်းသပ်မည် တနင်္သာရီတိုင်းဒေသကြီး ကော့သောင်းမြို့နယ်အတွင်း အလတ်စား လေအားလျှပ်စစ် ထုတ်လုပ်ဖြန့် ဖြူးရေးစီမံကိန်း ဖြစ်မြောက်နိုင်စွမ်းရှိ/မရှိ အကြိုစူးစမ်းလေ့လာရေး ဆောင်ရွက်သွားမည်ဖြစ်ကြောင်း တိုင်းဒေသကြီး အစိုးရ အဖွဲ့ထံမှ သိရသည်။ ထိုသို့လုပ်ဆောင်နိုင်ရန်အတွက် Royal Eagle Myanmar Development Group Co.,Ltd နှင့် တနင်္သာရီတိုင်းဒေသကြီး အစိုးရအဖွဲ့တို့သည် ပြီးခဲ့သည့် ဖေဖော်ဝါရီ ၂ ရက်နေ့က နားလည်မှု စာချွန် လွှာလက်မှတ်(MoU) ရေးထိုးခဲ့ပြီးဖြစ်ကြောင်း တိုင်းဒေသကြီးအစိုးရအဖွဲ့ လျှပ်စစ်နှင့်စွမ်းအင်ဝန်ကြီး ဦးကြည်လှိုင်က ဧရာဝတီကို ပြောသည်။ “ကျနော်တို့ဒေသရဲ့ လျှပ်စစ်ဓာတ်အား ဖူလုံဖို့အတွက် ရည်ရွယ်ပြီး ဖြစ်နိုင်စွမ်းရှိမရှိ စမ်းသပ်ဖို့ ခွင့်ပြု တဲ့ MoU ထိုးတာ လောက်ပဲ ရှိသေးတယ်” ဟု ၎င်းက ဆိုသည်။ Royal Eagle Myanmar Development Group Co.,Ltd အနေဖြင့် အနေဖြင့် ၃၀ မဂ္ဂါဝပ် အလတ်စား လေအား လျှပ်စစ်ထုတ်လုပ် ရေးနှင့်ဖြန့်ဖြူးရေးစီမံကိန်းအတွက် အကြိုလေ့လာ စမ်းသပ် ဆောင်ရွက်မှုကို ကော့သောင်းမြို့၏ အမြင့်ဆုံးတောင်ဖြစ်သည့် ၁၁၉၉ပေ အမည်ရှိတောင်တွင် ပြုလုပ် သွားမည်ဟု သိရသည်။ စမ်းသပ်လေ့လာမှု ကာလမှာ ၁၈ လကြာမြင့်မည်ဖြစ်ကြောင်း၊ အဆိုပြုလွှာအနေဖြင့် ကုမ္ပဏီဘက်မှ ပြန်လည်တင်ပြလာ မည့် လေ့လာတွေ့ရှိချက်များကို ပြည်ထောင်စုအစိုးရထံ ဆက်လက်တင်ပြပေး သွားမည်ဖြစ်ပြီး ခွင့်ပြုသင့်/မသင့်ကို ပြည် ထောင်စုအစိုးရ၏ သဘောထားဖြင့် ဆက်လက်ဆောင်ရွက် သွားမည်ဖြစ်ကြောင်း ဝန်ကြီးဦးကြည်လှိုင်က ရှင်းပြသည်။ ဝန်ကြီးဦးကြည်လှိုင်က “သူတို့စမ်းသပ်လို့ အောင်မြင်နိုင်တဲ့အနေအထားမျိုးရှိရင်တော့ ကျနော်တို့ ဒေသအတွက် သူတို့လုပ် မယ့် မဂ္ဂါဝပ် ၃၀ ဆိုတာ အဓိက ကော့သောင်းခရိုင်နဲ့ မြိတ်ခရိုင်အတွက် ဖူလုံသွားမယ်လို့ ထင်တာပဲ” ဟု ဆိုသည်။ တနင်္သာရီတိုင်းဒေသကြီး ထားဝယ်ခရိုင်တွင် လျှပ်စစ်မီတာခ တယူနစ်လျှင် ၂၀၀ ကျပ် ပေးဆောင် ရကြောင်း၊ မြိတ်ခရိုင်နှင့် ကော့သောင်းခရိုင်တို့၌ ဒီဇယ်ဈေး အတက်အကျပေါ် မူတည်၍ ပေးဆောင်ရ ပြီး လက်ရှိတွင် ၃၈၅ ကျပ် ပေးဆောင်ရ သည်ဟု ၎င်းက ပြောသည်။ ကော့သောင်းမြို့ဒေသခံ ဦးအောင်ဇာနည်ဝင်းက “ဒီစမ်းသပ်မှု အောင်မြင်လို့ရှိရင် ဒေသခံတွေ အခု ထက် မီတာခ သက် သာမယ်လို့ မျှော်လင့်တယ်။ အခုက မီတာခ တယူနစ် ၃၃၀ ကနေ ပုဂ္ဂလိက အကူမီးစက်တွေက ၈၀၀ အထိ ကောက်ခံနေ ပါတယ်။ အောင်မြင်မလားဆိုတာကတော့ MoU ထိုးထားတဲ့ ကုမ္ပဏီရဲ့ရင်းနှီးမြှုပ်နှံမှုပေါ် မူတည်ပါတယ်” ဟု ပြောသည်။ လေအားဖြင့်လျှပ်စစ်ထုတ်လုပ်ရန် စမ်းသပ်လေ့လာမှုသည် တနင်္သာရီတိုင်းအတွင်း ပထမဦးဆုံး အကြိမ်ဖြစ်ပြီး သဘာဝ ဓာတ်ငွေ့ရည် (LNG) ကို လောင်စာအဖြစ်အသုံးပြု၍ လျှပ်စစ်ထုတ်လုပ်မည့် စီမံကိန်းတခုကိုလည်း ထားဝယ်ခရိုင် ကံ ပေါက်ဒေသတွင် အကောင်အထည်ဖော် ဆောင်ရွက်သွားရန်ရှိကြောင်း တိုင်းအစိုးရအဖွဲ့ထံမှ သိရသည်။ The post ကော့သောင်း၌ လေအားလျှပ်စစ် ထုတ်ရန် ဖြစ်နိုင်ခြေရှိမရှိ လေ့လာစမ်းသပ်မည် appeared first on ဧရာဝတီ.
Source : http://ift.tt/2GPgRzh
via IFTTT

“စိုင္းစိုင္းက စိုင္းစိုင္း” အတြက္ ရင္ခုန္ေနတဲ့ စိုင္းစိုင္းခမ္းလႈိင္

“စိုင်းစိုင်းက စိုင်းစိုင်း” အတွက် ရင်ခုန်နေတဲ့ စိုင်းစိုင်းခမ်းလှိုင် သီချင်းခွေ မထွက်တာ ကြာပြီဖြစ်တဲ့ အဆိုတော် စိုင်းစိုင်းခမ်းလှိုင်ကတော့ မကြာခင်မှာ ထွက်ရှိမယ့် သူ့ရဲ့ တကိုယ်တော်အခွေ ဖြစ်တဲ့ “စိုင်းစိုင်းက စိုင်းစိုင်း” ဆိုတဲ့ အခွေကို အခုခေတ် လူငယ်တွေရဲ့ အကြိုက်နဲ့ ထပ်တူကျပါ့မလား ဆိုတာ စိတ်ပူနေတယ်လို့ ပြောပါတယ်။ “အခွေ မထွက်တာလည်း ကြာပြီ။ သီချင်းသစ်တွေက အရင်ခြေရာကို နင်းနိုင်၊ မနင်းနိုင် ပရိသတ်ရဲ့ ရင်ထဲကို ထိ၊ မထိ ရင်ခုန်သံချင်း ထပ်တူကျ၊ မကျကတော့ မပြောနိုင်သေးပါဘူး။ အရင်တုန်းက ပရိသတ်တွေဆိုလည်း လူကြီးတွေ ဖြစ်လာပြီ။ တချို့ဆိုလည်း အိမ်ထောင်တွေ ကျရင်ကျနေမယ်။ အခုလူငယ်တွေကရော ကျနော့်ရဲ့ သီချင်းတွေကို အားပေးဦးမှာလား။ ကျနော့်သီချင်းတွေနဲ့ လူငယ်တွေနဲ့ ထပ်တူ ကျဦးမှာလား ဆိုတာကို ပြောလို့မရပါဘူး။ ကျနော့်ဘက်ကတော့ အရိုးသားဆုံးနဲ့ အကောင်းဆုံး ကြိုးစားနေပါတယ်”လို့ စိုင်းစိုင်းခမ်းလှိုင်က ပြောပါတယ်။ စီးပွားရေးပိုင်းကို ပိုမိုအာရုံစိုက်နေတဲ့အတွက် သီချင်းခွေ ထွက်တဲ့အပိုင်းကို သိပ် မလုပ်ဖြစ်တာကြောင့် အချိန်ကြာမြင့်နေပြီး သင်္ကြန် မတိုင်ခင် အချိန်မှာတော့ ပရိသတ်လက်ထဲ တကိုယ်တော်အခွေ အရောက် ထည့်နိုင်တော့မယ်လို့ စိုင်းစိုင်းက ဆိုပါတယ်။ သီချင်းခွေ မထွက်တာ ကြာပြီး ယခုအခါတွင် ပြန်လည် ထွက်ရှိလာမယ့်အတွက် အခွေက ယခင် သီချင်း ပုံစံများနဲ့ ဘယ်လို ကွာခြားမှု ရှိသွားမလဲ ဆိုတာကို စိုင်းစိုင်းက “နည်းနည်းပါးပါးတော့ ပြောင်းလဲတာ ရှိမှာပါ။ ကျနော် သီချင်းရေးတဲ့အခါ ကျတော့ လက်ရှိ ခံစားနေရတဲ့ ခံစားချက်တွေ၊ လက်ရှိ မြင်နေတဲ့ အမြင်တွေကို ရေးတာပဲ များတာဆိုတော့ လွန်ခဲ့တဲ့ ၄ ၊ ၅နှစ်က တင်ပြခဲ့တဲ့ အကြောင်းအရာတွေနဲ့တော့ အနည်းနဲ့အများတော့ ကွာခြားသွားမှာပေါ့။ အသက်ပိုကြီးလာတာတော့ သေချာတယ်။ ရင့်ကျက်တယ် လို့တော့ အာမမခံနိုင်ဘူး ခင်ဗျ”လို့ ပြောပါတယ်။ စိုင်းစိုင်းက သူကိုယ်တိုင် အခွေ မထွက်ရှိပေမယ့် သူ့ရဲ့ Frenzo Production ကနေ ထုတ်လုပ်တဲ့ သီချင်းခွေများကတော့ ဆက်တိုက်ဆိုသလို ထွက်ရှိနေပါတယ်။ ရုပ်ရှင်ရိုက်ကူးမှု အနေနဲ့လည်း စိုင်းစိုင်းခမ်းလှိုင်ဟာ မကြာသေးခင်က အကယ်ဒမီ ထွန်းထွန်း၊ ထပ်ဆင့်အကယ်ဒမီ ဖွေးဖွေးတို့အတူ ပြင်ဦးလွင်မှာ သွားရောက် ရိုက်ကူးခဲ့တဲ့ စာရေးဆရာမ ဂျူးရဲ့ဝတ္ထု “ကြာတော့သည်လည်း မောင့်စကား” ရုပ်ရှင်မှာ ပါဝင် သရုပ်ဆောင်ထားပါတယ်။ ရုပ်ရှင်ရိုက်ကူးမှု အပိုင်းမှာရော ဘယ်လိုမျိုုး လက်ခံရိုက်ကူးဖြစ်လဲဆိုတာကို စိုင်းစိုင်းခမ်းလှိုင်က “ကျနော် မရိုက်ဖူးတဲ့ ကားတွေ အများကြီးပဲ။ မလုပ်ဖူးတဲ့ ကာရိုက်တာတွေလည်း အများကြီးပဲ။ ကျနော် ရိုက်ချင် ပါတယ်။ ဒါပေမယ့် ဇာတ်လမ်းတခု ရောက်လာရင် ကျနော်နဲ့ သင့်တော်လား၊ မသင့်တော်လား။ အထူးသဖြင့်ကတော့ ကျနော် လုပ်တတ်လား၊ မလုပ်တတ်လား။ ကျနော် ရိုက်လိုက်လို့ ကားကြီးက ပျက်စီးသွားမှာလား။ ကျနော်လုပ်လိုက်လို့ ဒီကာရိုက်တာက လွဲသွားမှာ စိုးလို့ မရိုက်ရဲဘူးပေါ့ဗျာ။ အဲဒီပေါ်မှာ မူတည်ပြီးတော့ မရိုက်ဖြစ်တဲ့ကားတွေ ရှိခဲ့တာပါ”လို့ ပြောပါတယ်။ အဆိုတော်၊ သရုပ်ဆောင် စိုင်းစိုင်းခမ်းလှိုင် အနေနဲ့ သင်္ကြန်ပြီးသွားတဲ့အခါ ရုပ်ရှင်ကား ရိုက်ကူးဖို့ ရှိပြီး လောလောဆယ်မှာ မသေချာသေးတဲ့အတွက် မပြောနိုင်သေးဘူးလို့လည်း ဆိုပါတယ်။ The post “စိုင်းစိုင်းက စိုင်းစိုင်း” အတွက် ရင်ခုန်နေတဲ့ စိုင်းစိုင်းခမ်းလှိုင် appeared first on ဧရာဝတီ.
Source : http://ift.tt/2ovBji8
via IFTTT

ဘာသာစကား ပညာေပးနဲ႔ ပတ္သက္ၿပီး ၾကည့္သင့္တဲ့ ႐ုပ္ရွင္ “English Vinglish”

ဘာသာစကား ပညာပေးနဲ့ ပတ်သက်ပြီး ကြည့်သင့်တဲ့ ရုပ်ရှင် “English Vinglish” ဒီတခေါက် ညွှန်းပေးချင်တဲ့ ရုပ်ရှင်ဇာတ်ကားကတော့ ကွယ်လွန်သူ ဘောလိဝုဒ် မင်းသမီးကြီး Sridevi (ဆရီဒေဝီ) ရုပ်ရှင်လောကနဲ့ အဆက်အသွယ်ပြတ်ပြီး ၁၅ နှစ်အကြာမှ ပြန်လည် ရိုက်ကူးတဲ့ “English Vinglish” ရုပ်ရှင်ပါ။ ဒီဇာတ်ကားက မင်းသမီး Sridevi အသက်ရှိစဉ်အခါက နာမည်ကျော်ကြားခဲ့တဲ့ ဇာတ်ကားတကားဖြစ်သလို အခုထိတိုင်အောင် ပရိသတ်တွေ နှစ်သက်နေတဲ့ ဇာတ်ကားဆိုလည်း မမှားပါဘူး။ ဘောလိဝုဒ် ဇာတ်ကား ပရိသတ်တွေအတွက် မင်းသမီး ဆရီဒေဝီ အလွမ်းပြေ ပြန်လည်ကြည့်ရှုနိုင်အောင် ဒီဇာတ်ကားကို ပြန်လည် ညွှန်းပေးလိုက်ပါတယ်။ English Vinglish ဇာတ်ကားကို အိန္ဒိယ အမျိုးသမီး ဒါရိုက်တာ Gauri Shinde ရိုက်ကူးပြီး ၂၀၁၂ ခုနှစ်မှာ ထွက်ရှိခဲ့တဲ့ ဟာသ ဒရာမာရုပ်ရှင်ပါ။ “မိခင်ဘာသာစကား မဟုတ်တဲ့ ဘာသာစကား တခုကို သင်ယူဖို့ အသက်အရွယ် ကန့်သတ်ချက် ရှိသလား၊ Enlgish လို မပြောတတ်ရင်ကော ဘယ်လိုမျိုး အခက်အခဲ တွေ့ကြုံရမလဲ၊ ဘာသာစကားတခုကို ဇွဲနဲ့သင်ယူရင် အချိန်တိုအတွင်း တတ်မြောက်နိုင်တယ်” ဆိုတာတွေကို English Vinglish မှာ တွေ့ရမှာ ဖြစ်ပါတယ်။ အဲဒီဇာတ်ကားမှာ မင်းသမီး Sridevi ဟာ “Shashi” ဆိုတဲ့ အိမ်ထောင်မှုအရမ်း ကျေပွန်တဲ့ အိမ်ရှင်မကောင်း တယောက်အဖြစ် သရုပ်ဆောင်ထားပါတယ်။ သူဟာ Laddoo ဆိုတဲ့ အိန္ဒိယရိုးရာမုန့်ကို လုပ်ရောင်းပြီး အပိုဝင်ငွေလည်း ရှာလေ့ ရှိပါတယ်။ သူမဟာ အင်္ဂလိပ်လို မတတ်လို့ ပညာတတ် ခင်ပွန်းနဲ့ သမီးရဲ့ ပျက်ရယ်ပြုခြင်း မကြာခဏ ခံရပါတယ်။ သားဖြစ်သူကတော့ သူမအပေါ် အမြဲချစ်ပြီး ရိုသေ အလေးပေးပါတယ်။ သူမက အင်္ဂလိပ်လို မတတ်လို့ မကြာခဏ အခက်အခဲ တွေ့ရပြီး တနေ့ သူမရဲ့အမကြီး Manu က New York ကို လာဖို့ Shashi တို့ တမိသားစုလုံးကို ဖိတ်လိုက်ပါတယ်။ ဖိတ်ရတဲ့အကြောင်းက Manu ရဲ့သမီး Meera ရဲ့ မင်္ဂလာဆောင် ကျင်းပဖို့ အတွက်ပါ။ Shashi တယောက် မင်္ဂလာပွဲအတွက် ကူညီပေးဖို့ New York ကို ကြိုသွားရင်း ၄ ပတ်တာ အင်္ဂလိပ်စာ စကားပြော သင်တန်း တက်မိတဲ့အခါ ဘာတွေ ဆက်ဖြစ်သွားလဲဆိုတာကို ဒီရုပ်ရှင်ကား ဆက်လက် ရှုစား ကြည့်ရမှာပါ။ IMDB Rating (7.9) ရရှိထားပြီး ပေါ့ပေါ့ပါးပါး ကြည့်လို့ကောင်းတဲ့ ဇာတ်ကားကောင်းတကားမို့ ဒီတပတ် ပိတ်ရက်မှာ ကြည့်ရှုဖို့ ညွှန်းပေးလိုက်ပါတယ်။ ဆက္စပ္ဖတ္ရွုုရန္ –“ဘုရားသခင္ဟာ ေနရာတိုင္းမွာ ရွိမေနဘူး။ ဒါေၾကာင့္ အေမေတြကို ဖန္ဆင္းခဲ့တယ္”ဆိုတဲ့ Mom (2017) The post ဘာသာစကား ပညာပေးနဲ့ ပတ်သက်ပြီး ကြည့်သင့်တဲ့ ရုပ်ရှင် “English Vinglish” appeared first on ဧရာဝတီ.
Source : http://ift.tt/2CrecOo
via IFTTT

“လိင္ကိစၥဆိုပါက ထိုင္းသို႔ သြားပါ”ဆိုသည့္ ဂမ္ဘီယာဝန္ႀကီး စကား ထိုင္းအစိုးရ မေက်နပ္

“လိင်ကိစ္စဆိုပါက ထိုင်းသို့ သွားပါ”ဆိုသည့် ဂမ်ဘီယာဝန်ကြီး စကား ထိုင်းအစိုးရ မကျေနပ် “လိင်ကိစ္စဆိုပါက ထိုင်းသို့ သွားပါ” ဆိုသော အာဖရိကတိုက် ဂမ်ဘီယာနိုင်ငံ ခရီးသွားလာရေးဝန်ကြီး ၏ ပြောဆိုမှုနှင့် ပတ်သက်၍ ဝန်ကြီးချုပ် ပရာယွဒ်ချန်အိုချာကလည်း ထိုင်းနိုင်ငံ အနေဖြင့် လိင်ဖျော် ဖြေရေး ခရီးသွားလုပ်ငန်းပုံရိပ်ကို ပြောင်းရမည်ဟု မနေ့ကပြောသကဲ့သို့ နိုင်ငံခြားရေးဝန်ကြီး ဌာန ကလည်း ကန့်ကွက်ကြောင်း Bangkok Post ကဆိုသည်။ ပြီးခဲ့သည့် စနေနေ့က ဂမ်ဘီယာ ခရီးသွားလာရေးဝန်ကြီး ဟာမက်ဘက်က လိင်ကိစ္စအတွက် ကမ္ဘာ လှည့် ခရီးသွားသူများ အနေဖြင့် ထိုင်းနိုင်ငံသို့ သွားသင့်ကြောင်းပြောဆိုခဲ့ခြင်းဖြစ်သည်၊ ဂမ်ဘီယာ သည်လည်း အနောက်နိုင်ငံသူ အမျိုးသမီးများ အထူးသဖြင့် ဗြိတိန်သူများ လိင်အပျော်အပါးရှာရန် သွားရောက်လည်ပတ်သည့် နိုင်ငံဖြစ်သည်။ “ကျနော်တို့နိုင်ငံဟာ လိင် အပျော်အပါးရှာဖို့ လာလည်ရမယ့်နေရာမဟုတ်ဘူး။ လိင်အပျော်အပါးရှာ ချင်ရင် ထိုင်းကိုသွား” ဟု မစ္စတာ ဘက် နိုင်ငံပိုင်မီဒီယာဖြစ်သော GRTS ၏ အပတ်စဉ်စကားဝိုင်း တွင် ကားလ်ဖက်တူးအားပြောခဲ့သည်ဟု သတင်းများကဆိုသည်။ ထိုပြောကြားချက်နှင့် ပတ်သက်၍ ထိုင်းနိုင်ငံခြားရေး ဝန်ကြီးကမကျေနပ်ကြောင်းဆိုသလို၊ ဂမ်ဘီယာဝန်ကြီး၏ မှတ်ချက် ကြောင့် ထိုင်းနိုင်ငံ ပုံရိပ်နှင့် ထိုင်းခရီးသွားလုပ်ငန်းကို ထိခိုက်နိုင် ကြောင်း သံရုံးမှတဆင့် အကြောင်းကြားခဲ့သည်။ ထိုင်းဝန်ကြီးချုပ် ပရာယွဒ်ချန်အိုချာက“ဒီလိုအလုပ်မျိုးနဲ့ ရပ်တည်နေတဲ့လူတချို့ကို ကျနော်တို့ လက်ခံရမှပဲ၊ ဒီလူတွေရဲ့ အသက်မွေးမှုနဲ့ ဝင်ငွေနှစ်ခုလုံးက ပြဿနာတွေကိုလည်း ကျနော်တို့ ကူညီဖြေရှင်းပေးရမှာပါ။ ဒီထက်ပို အရေးကြီးတာက သူတို့ ဒီအလုပ်ကနေ ပြောင်းလဲပစ်ဖို့ လိုလားသလား၊ မလိုလားဘူးလားဆိုတာ ကျနော်တို့ စုံစမ်းလေ့ လာဖို့ပဲဖြစ်ပါတယ်” ဟု ပြောသည်။ ဂမ်ဘီယာဝန်ကြီး၏မှတ်ချက်ကို နိုင်ငံတကာအသိုင်းအဝိုင်းအနေဖြင့် အလေးထားလိမ့်မည်ဟု မိမိ မယုံကြည်ကြောင်း ထိုင်းနိုင်ငံခြားရေးဝန်ကြီး ဒွန်ပရာမက်ဝီနိုင်းက ပြောသည်။ ဂမ်ဘီယာ ခရီးသွားလုပ်ငန်းဝန်ကြီး၏ မှတ်ချက်စကားပြောကြားပြီးနောက် ယမန်နေ့ညပိုင်းက ထိုင်းရဲတပ်ဖွဲ့က အာဖရိက နိုင်ငံများမှ နိုင်ငံသားများ၊ မြန်မာများ၊ ဖိလစ်ပိုင်များ အများဆုံး ကျက် စားသည့် နိုက်ကလပ်များ၊ အရက်ဘားများရှိရာ နေရာပေါင်း ၁၁၀ကို ထိုင်းရဲတပ်ဖွဲ့က ပစ်မှတ်ထား ရှာဖွေစီးနင်းမှုများ ပြုခဲ့ရာ နိုင်ငံခြားသား ၇၅ ဦးကို ထိန်းသိမ်းခဲ့ပြီး၊ တရားမဝင်ဝင်ရောက်မှု၊ နေထိုင်ခွင့် သက်တမ်းကျော် လွန်နေထိုင်မှု၊ တရားမဝင်အလုပ်လုပ်ကိုင်မှုများဖြင့် ဖမ်းဆီးခဲ့သည်။ ပြီးခဲ့သည့် တနင်္ဂနွေနေ့ကလည်း ရုရှားလိင်ဆရာကြီး အဲလက်စ် လက်စလေ ဦးစီးသည့် အဆင့်မြင် လိင်သင်တန်းကို ထိုင်းနိုင်ငံ ပတ္တရားကမ်းလွန်ရှိ ကျွန်းတကျွန်းတွင် ဖွင့်လှစ်ရာ ရဲတပ်ဖွဲ့က ဖမ်းဆီးခဲ့ပြီး၊ ၁၀ဦး အမည်ပျက်စာရင်းသွင်းကာ ပြည်နှင်ဒဏ်ပေးမည်ဖြစ်ကြောင်း Bangkok Post က ရေးသားသည်။ The post “လိင်ကိစ္စဆိုပါက ထိုင်းသို့ သွားပါ”ဆိုသည့် ဂမ်ဘီယာဝန်ကြီး စကား ထိုင်းအစိုးရ မကျေနပ် appeared first on ဧရာဝတီ.
Source : http://ift.tt/2GSmUD9
via IFTTT

အသားအေရ ၾကည္လင္ဝင္းပၿပီး ဝက္ၿခံေပ်ာက္ေစတဲ့ Detox Water အလြယ္တကူ ျပဳလုပ္နည္း

အသားအရေ ကြည်လင်ဝင်းပပြီး ဝက်ခြံပျောက်စေတဲ့ Detox Water အလွယ်တကူ ပြုလုပ်နည်း အသားအရေ ကြည်လင်ဝင်းပပြီး မျက်နှာအတွင်းပိုင်းက အဆိပ်တောက်တွေ ဖယ်ရှားပေးမယ့် Detox Water အကြောင်း ပြောပြပေးချင်ပါတယ်။ ဝက်ခြံကြောင့် စိတ်ညစ်နေတယ်ဆိုရင် အလွယ်တကူ လုပ်နိုင်ပြီး ထိရောက်တဲ့ အကျိုးအာနိသင် များလို့ နေ့စဉ်သောက်ဖို့ အကြံပေးချင်ပါတယ်။ Cucumber Lemon Mint အသားအရေ ကြည်လင်စေမယ့် Detox ရေအကြောင်းကို အရင် ဝေမျှပေးချင်ပါတယ်။ သခွားသီးက ရေဓာတ် ဖြည့်ပေးပြီး ရောင်ရမ်းခြင်းကို သက်သာစေနိုင်စွမ်း ရှိပါတယ်။ ပူစီနံကတော့ အစာခြေစနစ် ပိုကောင်းစေပြီး အသားအရေကို ကြည်လင် တောက်ပစေပါတယ်။ သံပုရာသီးကတော့ ကိုယ်တွင်းက အဆိပ်တောက်တွေကို ဖယ်ရှားပေးနိုင်တဲ့ Detox လုပ်ရင် မပါမဖြစ် အသုံးဝင်တဲ့ အသီးပါ။ ပါဝင် ပစ္စည်းများ သခွားသီး – ၁ လုံး (အလတ်စား) သံပုရာသီး – ၂ လုံး ပူစီနံ – ၁၀ ရွက်နေ ၁၂ ရွက် ရေ ပြုလုပ်ပုံ • ပူစီနံရွက်တွေကို ချေပါ။ • သခွားသီး၊ လိမ္မော်သီးတွေကို အဝိုင်းလေးတွေ လှီးပြီး ချေထားတဲ့ ပူစီနံရွက်တွေနဲ့ ရောပြီး ရေဘူးထဲ ထည့်လိုက်ပါ။ ရေဖြည့်ပါ။ • ဘူးအဖုံးကို သေချာပိတ်ပါ။ • ရေခဲသေတ္တာထဲ တညထည့်ပြီး နောက်နေ့ မနက်ဆို သောက်လို့ ရပါပြီ။ Blueberry Orange Water ဝက်ခြံအထွက်များလို့ စိတ်ညစ်နေတဲ့သူဆိုရင် Blueberry Orange Water သောက်ပါ။ Antioxidant ပါတဲ့ ဘယ်ရီသီးက ဝက်ခြံထွက်ခြင်းကို သက်သာစေပါတယ်။ ဗီတာမင်စီပါတဲ့ လိမ္မော်သီးက အသားအရေကို ကြည်လင်ဝင်းပ စေနိုင်စွမ်း ရှိပါတယ်။ ပါဝင် ပစ္စည်းများ လိမ္မော်သီး – ၂ လုံး (အပိုင်းလေးတွေ စိတ်ထားပါ) ဘယ်ရီသီး – လက်တဆုပ်စာ ရေ ပြုလုပ်ပုံ • ပါဝင်ပစ္စည်းအားလုံးကို detox water လုပ်မယ့် ရေဘူးထဲထည့်ပါ။ ရေဖြည့်ပါ။ • ဘူးအဖုံးကို သေချာပိတ်ပါ။ • ရေခဲသေတ္တာထဲ ၂ နာရီ (သို့) တညထည့်ပြီး နောက်နေ့ဆို သောက်လို့ရပါပြီ။ • မသောက်ခင် ရေထဲကို လိမ္မော်သီး တစိတ် နှစ်စိတ်လောက် ထပ်ညှစ်ေ သာက်လိုက်ရင် အနံ့ ပိုမွှေးပါတယ်။ Chia Fruit Water chia စေ့ဆိုတာ မက္ကဆီကိုနိုင်ငံမှာ ပေါက်တဲ့ အပင်တမျိုးက ရတဲ့အစေ့ပါ။ အသားအရေအတွက် လိုအပ်တဲ့ အာဟာရ ဓာတ်တွေ အပြင် အသားအရေ ကောင်းအောင် အထောက်အကူ ပြုပါတယ်။ ဝက်ခြံ မထွက်စေတဲ့အပြင် ပိုးဝင်ပြီး ရောင်ရမ်းခြင်းကို သက်သာစေပါတယ်။ စတော်ဘယ်ရီနဲ့ သံပုရာ အတွဲစပ် အရည်က နေ့စဉ်သောက်ဖြစ်အောင် ဆွဲဆောင်ပါလိမ့်မယ်။ ပါဝင် ပစ္စည်းများ ရေခဲရေ အသီးအနှံ (စတော်ဘယ်ရီ၊ သံပုရာ၊ သံပုရို) Chia စေ့ – စာပွဲတင်ဇွန်း ၁ ဇွန်း ပြုလုပ်ပုံ • Detox လုပ်မယ့် ရေဘူးထဲ ပါဝင်ပစ္စည်း အကုန် ထည့်လိုက်ပါ။ • သမသွားအောင် မွှေပေးပါ။ • ရေခဲသေတ္တာထဲ ၁၀ မိနစ်လောက်ထည့်ပြီး ထပ်မွှေပြီးရင် သောက်လို့ရပါပြီ။ Ref : Hiruscar The post အသားအရေ ကြည်လင်ဝင်းပပြီး ဝက်ခြံပျောက်စေတဲ့ Detox Water အလွယ်တကူ ပြုလုပ်နည်း appeared first on ဧရာဝတီ.
Source : http://ift.tt/2BUBL0J
via IFTTT

အဂၤလန္ ပရီးမီးယားေရာက္ အာရွရဲ႕ “အျပာေရာင္ နဂါးတေကာင္” အေၾကာင္း

အင်္ဂလန် ပရီးမီးယားရောက် အာရှရဲ့ “အပြာရောင် နဂါးတကောင်” အကြောင်း အာရှမှာ အကောင်းဆုံးလို့ ဆိုနိုင်တဲ့ တောင်ကိုရီးယား ဘောလုံးအသင်းနဲ့ အတူ သူတို့ရဲ့ကစားသမားတွေကလည်း တခြား နိုင်ငံသား ကစားသမားတွေထက် နာမည်ကြီး အသင်းတွေ၊ ကလပ်တွေမှာ ကစားနိုင်နေကြတာ တွေ့ရပါတယ်။ အခုလည်း လီချောင်ယွန်း (Lee Chung-yong) က အင်္ဂလန် ကလပ် အသင်း ခရစ်စတယ်ပဲလေ့မှာ ကစားနေနိုင်ပြီ ဖြစ်တဲ့ အာရှ ဘောလုံးသမား တယောက်ပါ။ သူ့ကို ၁၉၈၈ ခုနှစ် ဇူလိုင် ၂ရ က်နေ့က တောင်ကိုရီးယားနိုင်ငံ၊ ဆိုးလ်မှာ မွေးပါတယ်။ လက်ရှိမှာတော့ တောင်ကိုရီးယား လက်ရွေးစင် အသင်း အတွက်ရော ပဲလေ့ အသင်း အတွက်ပါ ကစားပေးနေနိုင်ပါပြီ။ အသက် ၂၉ နှစ် ရှိပြီ ဖြစ်တဲ့ လီချောင်ယွန်းကို အရပ် ၅ ပေနဲ့ ၁၁ လက်မ ရှိပါတယ်။ အာရှ ဘောလုံးသမား တယောက် အတွက်တော့ ပုံမှန်ပါပဲ။ သူက တောင်ပံကစားသမား အနေနဲ့ ကစားပါတယ်။ ပဲလေ့မှာ ကျောနံပါတ် ၁၄ ကို ဝတ်ဆင် ကစားပါတယ်။ သူက တခြား နာမည်ကြီး ဘောလုံးသမားတွေလို ဘောလုံး အကယ်ဒမီထွက် တယောက်တော့ မဟုတ်ပါဘူး။ ၂၀၀၁ ခုနှစ်၊ လီချောင်ယွန်း အသက် ၁၃ နှစ်မှာမှ သူ ကျောင်းတက်တဲ့ Dobong Middle School မှာ ဘောလုံး စကစားခဲ့ပါတယ်။ ပြောရရင်တော့ ကျောင်းအသင်းမှာ ဘောလုံးဝင်ကန်ပါတယ်။ အပျော်တမ်း အဆင့်ပေါ့။ ဒါပေမယ့် အလယ်တန်းကျောင်းသား ဘ၀ ကနေ စပြီး ဘောလုံး ဝါသနာပါခဲ့တဲ့ လီက ဘောလုံးကွင်းထဲမှာ အမြဲလိုလို ရှိနေ၊ လေ့ကျင့်နေတတ်တယ်လို့ ဆိုပါတယ်။ ၂၀၀၄ ခုနှစ်မှာတော့ သူ့ရဲ့ ခြေစွမ်းကို သဘောကျလို့ တောင်ကိုရီးယား အခြေစိုက် ကလပ်အသင်း FC Seoul ရဲ့ ခေါ်ယူခြင်း ခံရပါတယ်။ တောင်ကိုရီးယား ပြည်တွင်းမှာ အင်အားကြီး အသင်း ဖြစ်တဲ့ ဆိုးလ်ရဲ့ ခေါ်ယူမှုက လီချောင်ယွန်းကို မြေတောင်မြှောက်ပေး သလို ဖြစ်လာပါတယ်။ ဆိုးလ်အသင်းမှာ ၂၀၀၄ ခုနှစ်ကနေ ၂၀၀၉ ခုနှစ်ထိအောင် ကစားခဲ့သလို အသင်းအတွက် ၅၄ ပွဲ ဝင်ကစားခဲ့ပြီး ၁၁ ဂိုး သွင်းပေးခဲ့ပါတယ်။ ဒါပေမယ့် ဆိုးလ်က သူ့ကို ဘောလုံး ပညာပေးတယ် ဆိုပေမယ့် ၂၀၀၉ ခုနှစ် အထိ လီချောင်ယွန်း အသက် ၂၁ နှစ်ပဲ ရှိသေးလို့ သက်ငယ် ကစားသမား အနေနဲ့ ပွဲထွက်ခွင့် သိပ်မပေးခဲ့ပါဘူး။ ဒါပေမယ့် တကယ်တမ်း လီချောင်ယွန်းရဲ့ ဘောလုံး စွမ်းရည်နဲ့ ပါရမီက အသင်းကြီးတွေမှာ ကစားနိုင်လောက်အောင် ကောင်းမွန်နေပါပြီ။ ဒီလိုနဲ့ ၂၀၀၉ ခုုနှစ်မှာ လီချောင်ယွန်း တယောက် အင်္ဂလန်မြေကို ခြေစချပါတယ်။ ၂၀၀၉ ဘောလုံးရာသီ အစမှာ အင်္ဂလန် အမှတ်ပေးဘောလုံးပြိုင်ပွဲဝင် ကလပ် Bolton Wanderers က သူ့ကို ခေါ်ယူခဲ့ပါတယ်။ အဆိုပါ အချိန်က ဘော်လ်တန်က ခြေစွမ်းပိုင်း ကျဆင်းနေချိန် ဖြစ်ပေမယ့် အတွေ့အကြုံ နည်းသေးသလို အသက်ငယ်သေးတဲ့ သူ့ အတွက် အင်္ဂလန် အသင်းတသင်းရဲ့ ခေါ်ယူခြင်း ခံရတာကတော့ ဂုဏ်ယူစရာပါ။ ဒီလိုနဲ့ ဘော်လ်တန်မှာ သူ ၆ နှစ်ကြာခဲ့ပါတယ်။ ၂၀၁၅ ခုနှစ်ထိ ဘော်လ်တန် အတွက် ၁၇၆ ပွဲ ကစားခွင့်ရခဲ့သလို ၁၇ ဂိုး သွင်းခဲ့ပါတယ်။ ဒါပေမယ့် သိတဲ့ အတိုင်း လက်ရှိ အချိန်ထိ ဘော်လ်တန်က ပရီးမီးယားလိဂ်ကို ကောင်းကောင်း ခြေပြန်ချနိုင်မှု မရှိသေးလို့ ၂၀၁၅ ခုနှစ်မှာတော့ ပရီးမီးယားလိဂ်မှာ ကစားခွင့်ရနေတဲ့ လက်ရှိ ကလပ် ခရစ်စတယ်ပဲလေ့စ် (Crystal Palace) ရဲ့ ခေါ်ယူခြင်းကို လက်ခံခဲ့ပြီး အသင်း ပြောင်းလာခဲ့ပါတယ်။ လက်ရှိ ခရစ်စတယ်ပဲလေ့စ် အတွက် ၃၃ ပွဲ ကစားပေးထားပြီး ၁ ဂိုး သွင်းယူပေးထားနိုင်တဲ့ တောင်ပံ ကစားသမားပါ။ တောင်ကိုရီးယား အသင်းနဲ့ ပတ်သတ်ရင်တော့ လီက ၂၀၀၃ ကတည်းက U17 အသင်း အတွက် ကစားပေးနိုင်နေသူ ဖြစ်ပြီး ၂၀၀၅ ခုုနှစ် အထိ ၆ ပွဲ ကစား၊ ၆ ဂိုး သွင်းတယ်၊ ၂၀၀၆-၀၇ မှာတော့ U20 အသင်း အတွက် ရွေးချယ်ခံရတယ်၊ ၁၈ ပွဲ ဝင်ကစားပေးခဲ့ပြီး ၁ ဂိုး သွင်းတယ်၊ ၂၀၀၇-၀၈ မှာတော့ U23 အသင်းမှာပါ ဆက်လက် ရွေးချယ်ခံရပြီး ၇ ပွဲ ကစားပေးခဲ့တယ်။ ၂၀၀၈ ခုနှစ်ကနေ နောက်ပိုင်းမှာတော့ လက်ရွေးစင် အသင်း အတွက် ခေါ်ယူကစားခွင့်ရခဲ့ပြီး အခုထိ အသင်းအတွက် ၇၈ ပွဲ ကစားပြီး ၈ ဂိုး သွင်းယူပေးထားသူလည်း ဖြစ်ပါတယ်။ လီချောင်ယွန်းကို ပရိတ်သတ်က ပေးထားတဲ့ ချစ်စနိုးနာမည် ရှိပါတယ်၊ Blue Dragon ပါတဲ့။ အပြာရောင်နဂါးကြီး ပေါ့။ ဒါကလည်း သူ့နာမည် Chung-yang ဆိုတာက Hanja ဆိုတဲ့ စကားလုံးကနေ ဆင်းသက်လာတာ ဖြစ်ပြီး နာမည်ရဲ့ အဓိပ္ပာယ်က အပြာရောင်နဂါးမင်း လို့ ဆို ပါတယ်။ ဘယ်လိုပဲ ဖြစ်ဖြစ် လီချောင်ယွန်းဟာ အာရှရဲ့ ဘောလုံးကြယ်တပွင့်ပါ။ ၂၀၀၉ ခုနှစ် ဒီဇင်ဘာအတွင်းက The Times မဂ္ဂဇင်းရဲ့ တောက်ပလာမယ့် ဘောလုံးကြယ်ပွင့် လူ ၅၀ စာရင်းမှာ သူပါဝင်တဲ့ အထိ လူသိများခဲ့သူလည်း ဖြစ်ပါတယ်။ သူ့ရဲ့ ဘဝအကြောင်း နည်းနည်း ပြောရရင် လီချောင်ယွန်းက စံနမူနာ ယူထိုက်သူပါ။ အချစ်ရေးမှာ လီချောင်ယွန်းက အချစ်ကြီးသူ တယောက်လို့ ဆိုရမယ်။ အလယ်တန်း ကျောင်းမှာကတည်းက ချစ်သူ ဖြစ်ခဲ့တဲ့ ကောင်မလေးကို နာမည်ကြီး ဘောလုံးသမား ဖြစ်သွားသည့်တိုင်အောင် မပြောင်းလဲသော ချစ်ခြင်းနဲ့ ၂၀၁၄ ခုနှစ် ဇူလိုင် ၁၂ ရက်နေ့က ဆိုးလ်မြို့၊ Hotel Shilla မှာ လက်ထပ်ခဲ့တယ်။ သူက ဆေးလိပ်မသောက်ဘူး၊ အရက်မသောက်ဘူး၊ ကော်ဖီတောင် သင့်တင့်ရုံပဲ သောက်သူ၊ တရက်ကိုု အင်္ဂလိပ်စာ လေ့လာမှု ၂ နာရီကနေ ၃ နာရီထိ လေ့ကျင့် ဖတ်ရှုသလို အင်္ဂလိပ်စာသင်တန်း တွေလည်း တက်ရောက်လေ့ရှိတယ် လိုု့ ဆိုပါတယ်။ အသင်း များများစားစား မကစားခဲ့ဖူးသလို အသင်းကြီးတွေမှာ ကစားခွင့်ရရှိမှု နည်းပါးလို့ ဆုဖလား ရယူနိုင်မှု အားနည်း ပေမယ့် သူက ဆိုးလ်အသင်းနဲ့ အတူ K League လို့ ဆိုတဲ့ တောင်ကိုရီးယား အမှတ်ပေးပြိုင်ပွဲမှာ ၂၀၀၆ ခုနှစ်က အသင်းနဲ့ အတူ ဖလား ၁ ကြိမ် ရဖူးထားတာ တွေ့ရပါတယ်။ တောင်ကိုရီးယား အသင်းနဲ့ အတူ ဆိုရင်လည်း ၂၀၁၅ ခုနှစ် AFC ကနေ ကျင်းပတဲ့ အာရှ ဖလားပြိုင်ပွဲမှာ ဒုတိယထိ ရထားပါသေးတယ်။ တဦးချင်း အနေနဲ့တော့ ၂၀၀၇ ခုုနှစ်က အမှတ်ပေးပြိုင်ပွဲမှာ တရာသီ အတွင်း ဂိုးဖန်တီးမှု အများဆုံး ကစားသမား ဆု ရထားပါတယ်။ ပြီးတော့ ၂၀၀၈ ခုနှစ် အတွင်း K League ရဲ့ တရာသီစာ အကောင်းဆုံး ကစားသမား ၁၁ ဦးစာရင်းမှာလည်း ပါဝင်ရွေးချယ်ခံခဲ့ရတာ တွေ့ရပါတယ်။ ဒါဟာ လက်ရှိ အင်္ဂလန်မှာ သာနေတဲ့ အာရှရဲ့ ဘောလုံး လတစင်း အကြောင်းပါ။ အင်္ဂလန်လို နေရာမှာ ပြိုင်ဆိုင်မှု ပြင်းထန်လို့ နာမည်ကောင်း မထွက်လှဘူး ဆိုပေမယ့် အာရှသား တယောက် အနေနဲ့ အင်္ဂလန်ကနေ ခေါ်ယူကစားခြင်း ခံနေရတာဟာ အာရှ အတွက် ဂုဏ်ယူစရာတခုပါပဲ။ Ref : en.m.wikipedia.org The post အင်္ဂလန် ပရီးမီးယားရောက် အာရှရဲ့ “အပြာရောင် နဂါးတကောင်” အကြောင်း appeared first on ဧရာဝတီ.
Source : http://ift.tt/2ovRDPN
via IFTTT

ေညာင္တုန္းတာတမံ တည္ေဆာက္မႈတြင္ ပါဝင္သည့္ လယ္ေျမမ်ားအတြက္ ေလွ်ာ္ေၾကးေပးအပ္

ညောင်တုန်းတာတမံ တည်ဆောက်မှုတွင် ပါဝင်သည့် လယ်မြေများအတွက် လျှော်ကြေးပေးအပ် ဧရာတီတိုင်းဒေသကြီး ညောင်တုန်းမြို့နယ် စံကင်းကျွန်းဒေသ၌ တာတမံတည်ဆောက်ခဲ့ရာတွင် ရယူအသုံးပြုခဲ့သည့် လယ်ယာမြေများအတွက် လျှော်ကြေးငွေ လယ်တဧကလျှင် ငွေကျပ် ၂၈ သိန်းနှုန်းဖြင့် ပေးအပ်ခဲ့သည်။ လယ်သမားများအား လျှော်ကြေးပေးအပ် / ဆလိုင်းသန့်စင်/ဧရာဝတီ) ယင်းလျှော်ကြေးငွေ ပေးအပ်သည့်အခမ်းအနားကို ဖေဖော်ဝါရီ ၂၆ နေ့လည်ပိုင်း၌ ရန်ကုန်-ပုသိမ် ကားလမ်းအနီး ဆားမ လောက်ရေတံခါးရှိ ခန်းမဆောင်တွင် ကျင်းပခဲ့ခြင်းဖြစ်ပြီး အလယ်ချောင်း၊ စွန်တနီး၊ ပါလှဲ့ကျေးရွာများမှ တောင်သူအား မြေယာလျှော်ကြေးငွေများ ပေးအပ်ခဲ့သည်။ ယင်းအခမ်းအနားသို့ ညောင်တုန်း မြို့နယ်အုပ်ချုပ်ရေးမှူး ဦးသွင်ကိုကိုမင်း၊ အမှတ်(၂)တိုင်းဒေသကြီးလွှတ်တော်ကိုယ်စား လှယ် ဦးကျော်ဆန်းနှင့် ဖိတ်ကြားထားသော တာဝန်ရှိသူများ၊ မြေယာလျှော်ကြေးရယူမည့် လယ်သမားများ တက်ရောက်ခဲ့ ကြသည်။ The post ညောင်တုန်းတာတမံ တည်ဆောက်မှုတွင် ပါဝင်သည့် လယ်မြေများအတွက် လျှော်ကြေးပေးအပ် appeared first on ဧရာဝတီ.
Source : http://ift.tt/2t69UrO
via IFTTT

မွတ္ဉာဏ္အား ေကာင္းေစဖို႔ စားသုံးသင့္တဲ့ အစားအစာ ၈ မ်ိဳး

မှတ်ဉာဏ်အား ကောင်းစေဖို့ စားသုံးသင့်တဲ့ အစားအစာ ၈ မျိုး အသက်အရွယ် ကြီးငယ်မရွေးမှာ ဖြစ်လေ့ဖြစ်ထရှိတဲ့ မေ့လျော့ခြင်းတွေ မဖြစ်ရအောင် ဦးနှောက် ညာဘက်ခြမ်းရဲ့ စွမ်းရည်တခုဖြစ်တဲ့ မှတ်ဉာဏ်ကောင်းခြင်းကို အထောက်အကူ ဖြစ်စေတဲ့ အစားအစာ ၈ မျိုးကို ဖော်ပြပေးလိုက်ပါတယ်။ (၁) ငါး စားသုံးခြင်းဟာ ဦးနှောက်အတွက် အဓိကလိုအပ်တဲ့ တစ်ရှူးတမျိုးဖြစ်တဲ့ Grey Matter ကို တိုးပွားစေတဲ့အတွက် မှတ်ဉာဏ် အားကောင်းစေပါတယ်။ ဆော်လမွန်ငါး၊ ငါးသေတ္တာငါးနဲ့ တူနာငါးစတဲ့ အဆီဓာတ် ပြည့်ဝတဲ့ ငါးတွေမှာ အိုမီဂါ ၃ (Omega 3) နဲ့ ဗီတာမင်ဒီတို့ များစွာ ပါဝင်တဲ့အတွက် ဦးနှောက်ဖွံ့ဖြိုးမှုဆိုင်ရာ ပြဿနာတွေကို ကာကွယ်ပေးနိုင်ပါတယ်။ (၂) ကော်ဖီသောက်သုံးခြင်းဟာ ဦးနှောက်ကို လန်းဆန်းစေပါတယ်။ တနေ့ကို ကော်ဖီ ၂ ခွက်ခန့် ပုံမှန် သောက်သုံး ပေးမယ်ဆိုရင် အယ်လ်ဇိုင်းမားရောဂါကိုလည်း ကာကွယ်ပေးနိုင်ပါတယ်။ (၃) Blue Berry (ဘလူးဘယ်ရီ) အသီးဟာ ဦးနှောက်နဲ့ ဉာဏ်ရည်အတွက် အလွန်ကောင်းမွန်တဲ့ အသီး ဖြစ်ပါတယ်။ အသက်အရွယ်ကြောင့် မှတ်ဉာဏ်လျော့ပါးခြင်းကို ကာကွယ်ပေးပြီး မျက်စိကိုလည်းအားကောင်းစေပါတယ်။ (၄) ဆေးပညာဆိုင်ရာ နောက်ဆုံး စမ်းသပ်ချက်တွေအရ ဆနွင်းစားသုံးပေးခြင်းဟာ ဦးနှောက်တွင်းမှာဖြစ်တတ်တဲ့ သွေးကြောရောင်ဝေဒနာ (Brain derived) နဲ့ စိတ်ကျရောဂါ ဝေဒနာကိုပါ ပျောက်ကင်း စေနိုင်ပါတယ်။ ဒါ့အပြင် ဦးနှောက်ဆဲလ်တွေကိုပါ ဖွံဖြိုးစေနိုင်တဲ့အတွက် မှတ်ဉာဏ်ကောင်းစေဖို့ အကောင်းဆုံး ဆေးတလက်ပဲ ဖြစ်ပါတယ်။ မှတ်ဉာဏ် အားကောင်းစေသော အစားအစာများ (၅) ဘရိုကိုလီမှာ ဗီတာမင် K နဲ့ Antioxidant တွေ ကြွယ်ဝစွာ ပါရှိတာကြောင့် ဦးနှောက်ဆဲလ်တွေ ဖွံ့ဖြိုးမှုကို မြှင့်တင် ပေးနိုင်ပါတယ်။ (၆) ရွှေဖရုံစေ့မှာ မဂ္ဂနီဆီယမ် ကြွယ်ဝစွာပါရှိတာကြောင့် ဦးနှောက် ကျန်းမာရေးအတွက် များစွာအထောက်အကူပြုပြီး မှတ်ဉာဏ် ကောင်းမွန်စေပါတယ်။ (၇) ဗီတာမင်စီဓာတ် ကြွယ်ဝစွာပါရှိတဲ့ လိမ္မော်သီး စားသုံးပေးခြင်းဟာ ဦးနှောက်ကို လန်းဆန်းတက်ကြွစေပြီး စိတ်ဖိစီးမှုကို လျှော့ချပေးနိုင်ပါတယ်။ (၈) အခွံမာသီးတွေနဲ့ မြေပဲကဲ့သို့အစေ့အဆန်တွေကို စားသုံးပေးခြင်းဟာ အသက်ကြီးချိန်မှာ မှတ်ဉာဏ် ဆုံးရှုံးမှုကို ကာကွယ်ပေးနိုင်ပြီး ငယ်ရွယ်သူတွေကို မှတ်ဉာဏ် အားကောင်းစေပါတယ်။ Ref healthline.com The post မှတ်ဉာဏ်အား ကောင်းစေဖို့ စားသုံးသင့်တဲ့ အစားအစာ ၈ မျိုး appeared first on ဧရာဝတီ.
Source : http://ift.tt/2FCiocx
via IFTTT

ငါးႀကီးႀကီး ေၾကာ္ရဲရဲ႕လား

ငါးကြီးကြီး ကြော်ရဲရဲ့လား ကျနော့် မိတ်ဆွေ တဦးဟာ ရန်ကုန်မြို့မှာ နေပါတယ်။ အိမ်တွင်းလုပ်ငန်း တခုကိုလည်း ထူထောင်ထားပါတယ်။ သူ့ လုပ်ငန်းကလည်း အောင်မြင်တယ်။ အိမ်တွေမှာ နေ့စဉ်မရှိမဖြစ် သုံးရတဲ့ပစ္စည်းကို လက်မှုလုပ်ငန်း တခုအဖြစ် လုပ်ကိုင် တယ်။ အရောင်းလည်း တွင်ကျယ်ပါတယ်။ လုပ်ငန်းသာလုပ်တယ်၊ တွင်ကျယ်မှုလည်း ရှိတယ်ဆိုပေမယ့် လုပ်ငန်း လိုင်စင် တော့ မလုပ်ထားပါဘူး။ သူ့လုပ်ငန်းက မသုံးတော့တဲ့ စွန့်ပစ်ပစ္စည်းတွေကို မနက်စောစောဆိုရင် လူနေအိမ်တွေနဲ့လည်း မကပ်တဲ့နေရာ၊ လမ်းပေါ်မှာ ဖြစ်စေ၊ မြေနေရာ ကျုယ်ကျယ်တခုမှာ သူတို့ဆီက သန့်ရှင်းရေး လုပ်တဲ့သူက စုပြီး မီးရှို့လေ့ရှိပါတယ်။ တနေ့တော့ တံမြက်စည်းလှဲဆရာ ဦးသန်းက အမှိုက်တွေကို မီးရှို့ပြီးသွားတဲ့အခါ အတော်ကြာတော့ ပိုင်ရှင် မိတ်ဆွေ ထံ ကို ရပ်ကွက် လူကြီးက လာရောက်ပြီး “ခင်ဗျားတို့နားမှာ အတော်ကြာက မီးတွေတွေ့လိုက်တယ်၊ မီးလောင် နေ တယ် ထင်လို့ ရပ်ကွက်ကလည်း ပြောတယ်” လို့ ဆိုပါတယ်။ ဒီတော့ ကျနော့်မိတ်ဆွေက “ကျနော်ပြမယ်၊ အမှိုက်တွေမီးရှို့တဲ့နေရာလည်း လာကြည့်”ဆိုပြီး ရပ်ကွက်လူကြီးကို လမ်းထောင့် မြေဘေးမှာ မီးရှို့ပြီးသား ပြာတွေကို လိုက်ပြပါတယ်၊ ပြာတွေက တတောင် ပတ်လည် လောက်ပဲ ရှိပါ တယ်။ အမှိုက်ကို အသေအချာ မီးရှို့ထားတာပါ၊ ရေနဲ့လည်း လောင်းပြီးသားပါ။ ဒါကို ရပ်ကွက်လူကြီး က ဒီကိစ္စတော့ ဥက္ကဋ္ဌကို တင်ပြရမှာပဲလို့ ဆိုပြီး ထွက်သွားခဲ့ပါတယ်။ ဒီလိုနဲ့ နောက် ၃ ရက်လောက် အကြာမှာ ရပ်ကွက် ဥက္ကဋ္ဌရော၊ လူကြီးတွေရော၊ မြို့နယ်ကလား မသိ၊ မျက်နှာစိမ်း တွေ ရော ပါလာပြီး သူ့လုပ်ငန်းကို စစ်ဆေးတော့တယ်။ နောက် လုပ်ငန်းလိုင်စင်ကို တောင်းတဲ့အခါ သူက မလုပ်ရသေးကြောင်း ရှင်းပြလိုက်တယ်။ ပြန်ခါနီးမှာ မြို့နယ်က တယောက်က “မနက်ဖြန် ရုံးကိုလာခဲ့” လို့ ပြောသွားလေတယ်။ ကျနော့် မိတ်ဆွေဟာ သူ့လုပ်ငန်းလေးက အောင်မြင်နေတော့ ရုံးလိုက်ရှင်းမှပဲ ဆိုပြီး နောက်တနေ့ မြို့နယ် စည်ပင်ရုံး ကို လာခဲ့ပါတော့တယ်။ ရုံးကိုရောက်တဲ့အခါ ပထမဆုံး စာရေးမလေးနဲ့ တွေ့ရတယ်။ စာရေးမလေးက “အဆောက်အဦး အတွက် ကျပ် ၃၀၀၀၀၊ လူကြီးကိုပေးရတာ ၃၀၀၀၀၊ ကျမကို ၁၀၀၀၀၊ အားလုံး ၇၀၀၀၀ ပေး အဲဒါဆို ရပြီ၊ ကျန်တဲ့ ဒဏ်ကြေး ဆောင်တာတွေ ဘာတွေက နောက်မှဆက်ရှင်း၊ အခုအရေးကြီးတာက လုပ်ငန်းလည်ပတ်ဖို့ပဲ” လို့ ပြောပြီး သူ့ကို ပြေစာ ရေးပေးလိုက်ပါတယ်။ ပြေစာထဲမှာတော့ သူ့အတွက် ၁၀၀၀၀ နဲ့ လူကြီးအတွက် ၃၀၀၀၀ မပါဘူး၊ ဒဏ်ရိုက်တဲ့ ၃၀၀၀၀ ပဲ ပါပါတယ်။ ကျနော့် မိတ်ဆွေကလည်း မြန်မြန်ပေးပြီး မြန်မြန်ရှင်းရင်ပြီးရော ဆိုပြီး ပေးလိုက်တာပါ၊ မိတ်ဆွေမှာ နောက်ထပ် လုပ်ငန်း လိုင်စင်ကြေး ၁၅၀၀၀၀ ပေးရတာတို့၊ တခြား ဘာကြေး ညာကြေးတွေ အများကြီး ရှိပါသေးတယ်။ အဲဒီလိုမပေးရင် လုပ်ငန်းလုပ်ခွင့်မရမှာ စိုးရိမ်တာကြောင့် ပေးလိုက်ရပါတယ်။ ဒါဟာ အကျင့်ပျက်ခြစားမှု တိုက်ဖျက်ပစ်မယ်၊ မြေလှန်ပစ်မယ် ဆိုတဲ့ ၂ နှစ်သား NLD အစိုးရ၊ ကျားဖမ်းမယ် ဆင်ဖမ်း မယ် ဆိုတဲ့ NLD အစိုးရ လက်ထက်မှာ တရားရုံးကအစ ယန္တရားဟောင်းနဲ့ လည်ပတ်နေတာကြောင့် လာဘ်စားတာ၊ လက်ဖက်ရည်ဖိုး ပေးရတာတွေဟာ အရင်အတိုင်းပါပဲ။ ဒါကြောင့် အဂတိလိုက်စားမှု ဆိုတာ ဘယ်လိုရှင်းကြမလဲ ဆိုရင် ပါလီမန်ခေတ်က လာဘ်ပေးလာဘ်ယူ တို့ရန်သူ ဆိုပြီး သကြားမင်း ဆင်းရှင်းတောင် မရှင်းနိုင်ဘူးလို့ ဆိုကြတယ်။ ဝန်ကြီးချုပ် ဦးနုက ခြအုံထဲ ထင်းရူးသေတ္တာ တလုံး ချပေးလိုက်တာကမှ ကြာဦးမယ်။ အစိုးရဌာနတွေ လာဘ်ယူတာ က ပိုမြန်ပါတယ်လို့ ကောက်ချက် ချလိုက်တာမျိုးပါပဲ။ ယခု အဂတိလိုက်စားမှု တိုက်ဖျက်ရေး ကော်မရှင်ဆိုတာကို ဒီမိုကရေစီတပိုင်း အစိုးရလက်ထက်မှာလည်း ထပ် ဖွဲ့ လိုက် တယ်။ စစ်အစိုးရ လက်ထက်ကတည်းက ဝန်ကြီးဖြစ်ခဲ့တဲ့ စစ်ဗိုလ်ချုပ် တယောက်က ဦးသိန်းစိန် အစိုးရ လက် ထက် မှာလည်း ဝန်ကြီး ဖြစ်ခဲ့တယ်။ သူ့ကို ကော်မတီ ဥက္ကဋ္ဌ အဖြစ် အဂတိလိုက်စားမှုတွေကို တိုက်ဖျက် သုတ်သင် ချေမှုန်း မျိုးဖျက်မယ် ဆိုတဲ့ ခြောက် လုံး လှန့်လုံးတွေနဲ့ တာဆူလာတာကို သိရှိ လိုက်ရတာကြောင့် တကယ်ပဲ ဖြစ်လာ မလား၊ အရင့်အရင် အစိုးရတွေ လက်ထက်က တပ်လန်သွားသလိုပဲ လန်သွားမလား ဆိုတာ စောင့်ကြည့်ရပါ လိမ့်မယ်။ ဇန်နဝါရီ ၂၂ ရက်နေ့ကတော့ ရန်ကုန်မြို့မှာ အဂတိလိုက်စားမှု တိုက်ဖျက်ရေး ကော်မရှင်နဲ့ ကုလသမဂ္ဂ မူးယစ်ဆေး ဝါး နှင့် ရာဇဝတ်မှုဆိုင်ရာရုံး (UNODC) တို့ ပူးပေါင်းပြီး အဂတိလိုက်စားမှု တိုက်ဖျက်ရေး စာတမ်းဖတ်ပွဲကို ကျင်းပတဲ့ အခါ စီးပွားရေးပညာရှင် ဒေါက်တာဦးမြင့်ကတော့ အဂတိလိုက်စားမှု တိုက်ဖျက်ရေး အောင်မြင်ဖို့ထင်ရှားတဲ့ လူသိများ တဲ့ အကျင့်ပျက် ပုဂ္ဂိုလ်တချို့ကို အရင်ဆုံး ရုံးတင်အပြစ်ပေးရမယ်လို့ ဆိုတယ်၊ “ငါးကြီးကြီးတချို့ကို ကြော်ရန် လိုအပ် တယ်” လို့ ပြောကြား သွားတာကို ဖတ်ရပါတယ်။ “အဂတိလိုက်စားမှု ဆိုသည်မှာ အများပြည်သူများ အကျိုးဆောင်ရန် ပေးအပ်ထားသည့် အာဏာနှင့် အခွင့်အရေး များ ကို ပုဂ္ဂလိက အကျိုးအမြတ် အတွက် အသုံးပြုခြင်းဟု ဒေါက်တာဦးမြင့်က ဖွင့်ဆိုထားပြီး တနည်းဆိုသော် လုပ်ပိုင်ခွင့် အာဏာ အပ်နှင်းခံထားရသူ တယောက်က သူတရားဝင် ရရှိထားသော အဆင့်၊ နေရာ နှင့် ရာထူးဌာနန္တရကို သူ့ ကိုယ် ကျိုးစီးပွား အတွက် အသုံးပြုခြင်းကို ဆိုလိုကြောင်း” ဒေါက်တာ ဦးမြင့်က ပြောကြားသည်။ အဆိုပါဖွင့်ဆိုချက်အရ အဂတိလိုက်စားမှု မြောက်သည့် အပြုအမူများတွင် အကျုံးဝင်သည်များက လာဘ်ပေး လာဘ် ယူ ခြင်း၊ ခြိမ်းခြောက်ငွေညှစ်ခြင်း၊ လိမ်လည်ခြင်း၊ အလွဲသုံးစား လုပ်ခြင်း၊ ဖော်လန်ဖား၍ အကျိုးစီးပွားရှာခြင်း (Nepotisn) သား၊ တူ၊ ညီများ ကောင်းစားရေး ဆောင်ရွက်ခြင်း၊ (Cronyism) အများပြည်သူပိုင် ပစ္စည်းကို ကိုယ်ပိုင် အဖြစ် သုံးစွဲခြင်းနှင့် သြဇာသုံး အကြံအဖန် လုပ်ခြင်း (Influence Peddling) တို့ဖြစ်ကြောင်း ဒေါက်တာ ဦးမြင့်က ဆို သည်။ လက်ရှိတွင် အစိုးရ၏ အဂတိ လိုက်စားမှု တိုက်ဖျက်ရေး အောင်မြင်ရန်မှာ တိုင်းသူပြည်သားများ၏ ယုံကြည် လက်ခံ မှု ရှိရန်လိုအပ်ကြောင်း ဒေါက်တာ ဦးမြင့်က ပြောကြားသည်။ ပြည်သူများ လက်ခံယုံကြည်ရန် အကျင့်ပျက် ဆက်ဆံရေး၏ ဘက်နှစ်ဘက်ဖြစ် သော ဝယ်လိုအားနှင့် ရောင်းလိုအား ဘက်တွင်ရှိသည့် ကျူးလွန်သူများကို အစိုးရက အမှန်တကယ်အရေးယူ တိုက်ဖျက်နေကြောင်း ပြည်သူများ လက်ခံ ယုံကြည်စေရန် လိုအပ်သည်ဟု ဒေါက်တာ ဦးမြင့်က ဆိုသည်။ အဂတိလိုက်စားမှုကို ထိထိရောက်ရောက် အရေးယူဖို့တိုက်ဖျက် နိုင်ဖို့ဆိုတာ ကော်မရှင်အဖွဲ့ဝင်တွေ တကယ့်ကို သမာ သမတ်ကျပေမယ့် အရေးယူနိုင်မယ်လို့ ကံသေကံမ မပြောနိုင်ပါဘူး၊ ခေါင်ကစ မိုးလုံဖို့လိုတယ်၊ အရေးကြီးတာ က နိုင်ငံတော်ရဲ့ ယန္တရားတွေအားလုံးကို ချုပ်ကိုင်ထားတဲ့ အစိုးရအဖွဲ့၊ အာဏာရ ပါတီ၊ သူတို့က အဂတိ လိုက်စားမှု ကို တိုက်ဖျက်နိုင်မှသာ ဖြစ်ပါမယ်။ ပါလီမန်ခေတ်က ဝန်ကြီးတော်တော်များများဟာ စစ်အာဏာရှင်ခေတ် အဆက်ဆက်က အာဏာရ ဗိုလ်ချုပ်တွေ ထိပ် ပိုင်း ကနေ အောက်ပိုင်းအထိ စစ်ဗိုလ်ချုပ်တွေလို အကျင့်ပျက်ကြတာ မဟုတ်ဘူး၊ ဒါပေမယ့် ဦးနုခေတ်မှာ အဂတိ လိုက် စားမှုကို မတိုက်ဖျက်နိုင်ပါဘူး။ “လာဘ်ပေးလာဘ်ယူ တို့ရန်သူ” ဆိုပြီး အဂတိ လိုက်စားသူတွေကို ပေးသူရော ယူသူရော မျက်နှာမထောက်ထားဘဲ ဖမ်းဆီးဖို့ (BSI) ဆိုတဲ့ စသုံးလုံးအဖွဲ့ကြီးကို ဖွဲ့ခဲ့တာပဲ၊ ဒါပေမယ့် ယျေဘုယျ အကျင့်ပျက်ခြစားမှုဟာ ယန္တရားကြီးက ယူနေပြန်တော့ တိုက်ဖျက်ရေး မအောင်မြင်ခဲ့ပါဘူး၊ ပါလီမန်ခေတ်ကထက် စစ်အာဏာရှင် ခေတ်မှာတော့ အဆိုးရွား ဆုံး နဲ့ ကမ္ဘာမှာ အကျင့်ပျက်ခြစားတဲ့ နိုင်ငံတွေထဲ ထိပ်ဆုံးရောက်သွားပါတယ်။ ဒါကြောင့်လည်း နောက်ကြောင်းပြန် အကျိုးသက်ရောက်မှု မရှိစေရဆိုတဲ့ ဥပဒေမျိုးကို ၂၀၀၈ ဖွဲ့စည်းပုံထဲ ထည့်သွင်း ရေးဆွဲ ခဲ့တာ မဟုတ်ပေဘူးလား။ ယခုအစိုးရရဲ့ သမ္မတကြီးကိုရော၊ နိုင်ငံတော် အတိုင်ပင်ခံ ပုဂ္ဂိုလ်ကိုရော၊ ဝန်ကြီး အတော်များများ ကိုရော၊ အဂတိ လိုက်စားမှု အတွက် ဥပဒေကို ချိုးဖောက်မှာ မဟုတ်ဘူးဆိုတာ ယုံကြည်ပါတယ်။ ဒါပေမယ့် ယန္တရားပဲ၊ အောက်ခြေဝန်ထမ်းတွေ၊ အမြဲတမ်း အတွင်းဝန်တွေ စတာတွေကိုတော့ ကျနော်တို့ တာဝန် မယူ နိုင်ဘူး အနည်းနဲ့အများ ရှိနေတာကိုတော့ ရိုးရိုးသားသား ဝန်ခံကြမယ်ဆိုရင် ဒီဖြစ်စဉ်ကြီးဟာ အမှန်တကယ် ရှိနေပါ တယ်။ ဗဟိုချုပ်ကိုင်မှု တင်းကျပ်တယ်ဆိုတဲ့ တရုတ်လို ဗိယက်နမ်လို နိုင်ငံတွေမှာတောင် အကျင့်ပျက် ခြစားမှုတွေ ရှိနေ တာ ပဲ၊ ပြစ်ဒဏ်ကတော့ ပြင်းထန်ပါတယ်၊ သေဒဏ်၊ တသက်တကျွန်း၊ အကြီးဆုံး ငါးတွေလည်း ကြော်လိုက်တာပဲ၊ ပါတီ ကလည်း ပြင်းပြင်းထန်ထန် အရေးယူတာပဲ၊ ဒါပေမယ့်လည်း အနည်းနဲ့အများတော့ ရှိနေဆဲပါပဲ။ ထက်မြက် သည် ရန်ကုန် အခြေစိုက် စာရေးဆရာ တဦး ဖြစ်ပြီး လက်ရှိ ပြည်တွင်းတွင် ထုတ်ဝေနေသည့် စာနယ်ဇင်း မီဒီယာများ တွင် နိုင်ငံရေး စာပေများကိုလည်း ရေးသားနေသော စာရေးဆရာ တဦးဖြစ်ပါသည်။ The post ငါးကြီးကြီး ကြော်ရဲရဲ့လား appeared first on ဧရာဝတီ.
Source : http://ift.tt/2HNTlnI
via IFTTT

ၿမိဳ႕ျပရဲ႕ မြန္းၾကပ္မႈက ခဏတာ ေျပးထြက္ အပန္းေျဖဖို႔ရာ ဆင္႐ြာေရတံခြန္သာ

မြို့ပြရဲ့ မွန်းကြပ်မှုက ခဏတာ ပြေးထွက် အပန်းဖြေဖို့ရာ ဆင်ရွာရေတံခွန်သာ နေ့ချင်းပြန် ခရီးသွားတာတွေ ခေတ်စားလာတဲ့ နောက်မှာ ရန်ကုန်မြို့မှာ နေထိုင်သူတွေကတော့ စနေ၊ တနင်္ဂနွေ၊ ဒါမှ မဟုတ် အစိုးရ ရုံးပိတ်ရက်တွေ ရပြီဆိုတာနဲ့ မြို့ပြကနေ ဘယ်ကို ထွက်ပြီး အပန်းဖြေရမလဲ ဆိုတာကို စဉ်းစားနေကြပါပြီ။ သိသာထင်ရှားတဲ့ မြင်ကွင်းကို ပြောပါဆိုရင်၊ ပိတ်ရက်ဆက်တိုက်တွေ ရှိတာနဲ့ အနည်းဆုံးတော့ နေ့ခြင်းပြန် ခရီးလေး ထွက်လိုက်ရမှ အာသာပြေမယ့် သူတွေ၊ ထွက်ခွာလာတဲ့ ကားတန်းတွေဟာ ရန်ကုန်- မန္တလေး အမြန်လမ်း တလျှောက် စည်ကားနေတာကို ဒီနှစ်ပိုင်းတွေမှာ ပိုမို မြင်တွေ့လာရတာပဲ ဖြစ်ပါတယ်။ ခရီးထွက်ခြင်း အကျိူးကျေးဇူးတွေကြောင့်လည်း လုပ်ငန်းခွင်ထဲ ကိုယ်၊ စိတ်ပင်ပန်းနေသူတွေ လန်းဆန်းတက်ကြွ လာတာကို လူမှုကွန်ရက်တွေမှာ တင်ကြတဲ့ သူတို့ရဲ့ အပျော်တွေကနေ တဆင့် မြင်နိုင်မှာ ဖြစ်ပါတယ်။ ဒီတပတ်မှာတော့ မွန်ပြည်နယ် ခရီးစဉ်လေး တခုအကြောင်း ပြောပြချင်ပါတယ်။ တကယ်တော့ မွန်ပြည်နယ်ထဲမှာ သွားလာ လည်ပတ်စရာတွေ ကတော့ အတော်များပါတယ်။ မွန်ပြည်နယ်ဟာ ရန်ကုန်ကနေ ခရီးထွက်မယ် ဆိုရင် နေ့ချင်းပြန် ဆိုလည်း သွားလည်လို့ ကောင်း၊ ၂ ရက်လောက် အချိန်ယူမယ် ဆိုရင်လည်း အဆင်ပြေတဲ့ နေရာ ဖြစ်နေပါတယ်။ ရန်ကုန်-မန္တလေး အမြန်လမ်း ၃၉ မိုင်ကနေ ကျော်ပြီး ဝေါမြို့နယ်ထဲကို စဝင်တာနဲ့ နာမည်ကျော် ကျိုက်ထီးရိုးဆံတော်ရှင်၊ စိမ်းလဲ့တင် resort ၊ သုဝဏ္ဏဘူမိ resort စတာတွေ အပြင် ဇင်းကျိူက်က ရေတံခွန်၊ မော်လမြိုင်မြို့တလျှောက်နဲ့ မုဒုံမြို့က ဝင်းစိန်တောရ၊ ထိုင်တော်မူ ရုပ်ပွားတော်၊ သံဖြူဇရပ်က စစ်သချႋုင်း၊ သေမင်းတမန် ရထားလမ်းပြတိုက်၊ စက်စဲကမ်းခြေ၊ ကျိူက်က္ခမီ ရေလယ်ဘုရားနဲ့ ရေးမြို့က ကဗျာ၀ ကမ်းခြေ စတာတွေ လည်ပတ်လို့ရပါတယ်။ ဒီနေရာတွေကို လည်ပတ်ဖို့ အချိန် ၂ ရက်ပေးရင် ကောင်းကောင်း လည်ပတ်လို့ ရနေပါပြီ။ အဲဒီ နာမည်ကျော် နေရာတွေ အပြင် လူသွားနည်းသေးတဲ့ ပေါင်မြို့နယ်ထဲက ဆင်ရွာ ရေတံခွန် အကြောင်း ပြောပြပါမယ်။ အချိန်လည်း သိပ်မပေးရ၊ ခဏတဖြုတ် မြို့ထဲကနေ ထွက်ချင်တယ် ဆိုတဲ့ သူတွေ အတွက် ပေါင်မြို့နယ်ထဲက ဆင်ရွာရေတံခွန် ဆိုတဲ့ အပန်းဖြေ နေရာသစ် တခုကို ဘယ်လို သွားရမလဲ ဆိုတာက စပြီးပြောပါမယ်။ မော်လမြိုင်လမ်းကနေပဲ ဖြစ်ဖြစ်၊ ဘားအံလမ်းခွဲကနေပဲ ဖြစ်ဖြစ် အဲဒီ ဆင်ရွာရေတံခွန်ကို သွားလို့ရပါတယ်။ ဘားအံ လမ်းခွဲကနေ သွားမယ် ဆိုရင် ဘားအံ – မုတ္တမ လမ်းခွဲကနေ ဝင်ရပါတယ်။ သူက ရန်ကုန်- မော်လမြိုင်လမ်းနဲ့ အပြိုင်ပါပဲ။ လမ်းက မော်လမြိုင်လမ်းလောက် မကျယ်ပေမယ့် ကတ္တရာလမ်း ဖြစ်လို့ သွားလာရတော့ လွယ်ပါတယ်။ ဒီလမ်းဟာ သထုံမြို့ကို အလွန်၊ တောင်တန်းကြီးတွေရဲ့ တဘက်ခြမ်းမှာ ရှိတဲ့ လမ်းပေါ့။ အဲဒီလမ်းက ဝင်ရင် တနာရီလောက် မောင်းရင် ပေါင်မြို့နယ်ထဲက ဆင်ရွာကို ရောက်ပါပြီ။ အတွင်းလမ်း အတိုင်း ၁၀ မိနစ်လောက် ထပ်မောင်းရင် ရေတံခွန်ရှိရာကို ရောက်ပါမယ်။ အတွင်းလမ်း ကလည်း ကျောက်ချောလမ်း ဖြစ်လို့ သိပ်တော့ မဆိုးလှ ပါဘူး။ မော်လမြိုင်လမ်းကနေ သွားမယ် ဆိုရင်တော့ ပေါင်မြို့နယ်ထဲက နတ်ကြီးချောင်ရွာကို ရောက်၊ နတ်ကြီးချောင်ရွာ ကနေ ညာဘက်ခြမ်း လမ်းကို ဝင်ရပါတယ်။ လမ်းက ခင်းပြီးစ ဖြစ်လို့ တော်တော် ကောင်းမွန်ပါတယ်။ မော်လမြိုင်လမ်းပေါ်ကနေ မိနစ် ၄၀ လောက်မောင်းပြီး ရင် ဆင်ရွာ အဝင်လမ်း စောစောက ပြောခဲ့တဲ့ ဆင်ရွာထိပ်ကို ရောက်ပါတယ်။ ဒီ ဆင်ရွာ ရေတံခွန်က အတော်မြင့်ပါတယ်။ ရေတွေက အမြင့်ဆုံးတောင်ထိပ် အထပ်ထပ်ကနေ ဆင်းလာပြီး အောက်ခြေမှာ စမ်းချောင်းလေးလို စီးဆင်းသွားပါတယ်။ အခုအချိန်က နွေရာသီဆိုတော့ ရေကတော့ နည်းနေပါတယ်။ မိုးရာသီကတော့ ရေများတာမို့ အတော်လှတယ် လို့ ဆိုပါတယ်။ အဲဒီနေ့က ရေတံခွန်အပေါ်ထိ တက်ဖို့ကလည်း အတော်မောလှတာ ဖြစ်လို့ အောက်က စမ်းချောင်းမှာပဲ ရေဆော့ကြရင်း ဓာတ်ပုံတွေ ရိုက်ကြပါတယ်။ အောက်ခြေက စမ်းချောင်းလေးဟာ အရမ်းလှတယ် လို့ မပြောလိုပေမယ့် ကျောက်တုံး ကျောက်စိုင်တွေကြား စမ်းရေအေးအေး လေးတွေ စီးနေတာကတော့ သဘောကျစရာပါ။ ရေတံခွန်အောက်ခြေမှာ အရိပ်ရ အပင်တွေလည်းရှိတာမို့ ထမင်းချိုင့်တွေ ထည့်သွား၊ ဖျာခင်းပြီး တောတောင်ရနံ့နဲ့ စမ်းချောင်းလေးကြားမှာ အနားယူမယ် ဆိုရင်တော့ တနေ့တာအတွက် အပန်းဖြေလို့ ကောင်းတဲ့ နေရာလေးပါပဲ။ ရန်ကုန်ကနေ နေ့ချင်းပြန် လည်စရာ နေရာလေးတခု ပေါ့။ ရန်ကုန်က မနက်စောစော ထွက်သွား၊ ဆင်ရွာရေတံခွန်မှာ နေ့လည်စာ စားသောက်၊ အနားယူ၊ ညနေပြန်ထွက် လာရင် ညဦးပိုင်း လောက်ဆို ပြန်ရောက်ပါပြီ။ အဲဒီမှာ ပျော်ပွဲစား ထွက်ချင်သူတွေ အတွက် စားဖို့သောက်ဖို့ အတွက်လည်း ရေတံခွန်တောင်ခြေမှာ ဆိုင်လေးတွေ ရှိပါတယ်။ အခုချိန်က လူလည်း ရှင်းတဲ့ ကာလဆိုတော့ အေးအေးလူလူနဲ့ တောတောင်သဘာဝကို ရှုစားချင် ခံစားချင်သူတွေ အတွက်တော့ သွားကြည့်သင့်တဲ့ နေရာလေး တခုလို့ ညွှန်းချင်ပါတယ်။ မွန်းကြပ်တဲ့ ရန်ကုန်မြို့ကနေ ခဏလေး ပြေးထွက်ပြီး ပျော်ပွဲစားလည်းထွက်၊ တောတောင်သဘာဝကို လည်း ကြည့်ရှု စားခံစားရင်း ခရီးလည်း မပန်း၊ စရိတ်လည်း သိပ်မကုန်တဲ့ အပန်းဖြေခရီးလေးစဉ်လေး တခု သွားနိုင်ကြဖို့ ညွှန်းလိုက်ရပါတယ်။ ။ The post မြို့ပြရဲ့ မွန်းကြပ်မှုက ခဏတာ ပြေးထွက် အပန်းဖြေဖို့ရာ ဆင်ရွာရေတံခွန်သာ appeared first on ဧရာဝတီ.
Source : http://ift.tt/2EWiEWS
via IFTTT

Eleven Media Group

Huawei က စမတ်ဖုန်းဖြင့် ပေါ်ရှေးကားကို မောင်းပြခဲ့ ပုံ - ဖေဖော်ဝါရီ ၂၆ ရက်က ဘာစီလိုနာတွင် Huawei ဖုန်းဖြင့် ပေါ်ရှေးကားအား မောင်းနှင်နေစဉ် (Photo: AFP) တရုတ်နည်းပညာလုပ်ငန်း Huawei က စပိန်တွင်ကျင်းပသည့် ကမ္ဘာ့မိုဘိုင်းပြပွဲ MWC တွင် ၎င်းတို့၏ AI အသိဉာဏ်တုကို အစွမ်းပြသခဲ့ပြီး Mate 10 Pro ဖုန်းကိုအသုံးပြု၍ ပေါ်ရှေးကားတစ်စီးကို မောင်းပြခဲ့သည်။ စမတ်ဖုန်းကို မောင်းသူမလို ကား၏အသိဉာဏ်အဖြစ် အသုံးပြုပြီး ပေါ်ရှေးကားကို ဖုန်းအသုံးပြု၍ မောင်းနှင်ပြခဲ့ခြင်းဖြစ်သည်။ Mate 10 Pro ဖုန်းသည် ကားမောင်းနေခြင်းကို ထိန်းချုပ်သွားခဲ့ပြီး ဖုန်း၏ Kirin 970 ပရိုဆက်ဆာသည် တစ်မိနစ်လျှင် ပုံရိပ် ၂၀၀၀ ကို ရိုက်ကူးတွက်ချက်နိုင်သည်။ ကား၏အရှိန်ထိန်းရန်၊ ရုတ်တရက် ရပ်ဆိုင်းရန်၊ နောက်ပြန်မောင်းရန်တို့ကို ဖုန်းက စေခိုင်းနိုင်ပြီး လမ်းခရီးတွင် အတားအဆီးများကိုလည်း ခွဲခြားမှတ်သားနိုင်ဖွယ်ရှိသည်။ Huawei သည် ဘာစီလိုနာပြပွဲတွင် ၎င်း၏ AI အစွမ်းကိုပြသရန်အတွက် အချိန်ငါးပတ်အတွင်း စီစဉ်ဆောင်ရွက်ခဲ့ခြင်းဖြစ်ပြီး မကြာမီထုတ်လုပ်မည့် P20 ဖုန်းတွင် AI နှင့်ပတ်သက်သည့် အသုံးဝင်နည်းပညာများ ထပ်မံပါဝင်လာဖွယ်ရှိသည်။ ပေါ်ရှေးကားကို ဖုန်းနှင့်မောင်းပြမှုသည် ကမ္ဘာတွင် AI အစွမ်းပါသည့် စမတ်ဖုန်းနှင့် ပထမဆုံးမောင်းနှင်မှုဖြစ်မည်ဖြစ်ကြောင်း Huawei က ပြောကြားခဲ့သည်။ ဖုန်း၏ AI အစွမ်းကိုပြသရန်အတွက်သာ ရည်ရွယ်ခဲ့ခြင်းဖြစ်ပြီး မောင်းသူမဲ့ကား ထုတ်လုပ်ရန် အစီအစဉ်မရှိဟု Huawei ကဆိုခဲ့သည်။
Source : http://ift.tt/2Cp7Lve
via IFTTT

လႊတ္ေတာ္ကိုယ္စားလွယ္ တာဝန္မွ ျပန္႐ုပ္သိမ္းႏိုင္မည့္ ဥပေဒ ျပ႒ာန္းေရး အခ်ိန္ယူရမည္

လွှတ်တော်ကိုယ်စားလှယ် တာဝန်မှ ပြန်ရုပ်သိမ်းနိုင်မည့် ဥပဒေ ပြဋ္ဌာန်းရေး အချိန်ယူရမည် NLD အစိုးရလက်ထက် “လွှတ်တော်ကိုယ်စားလှယ် တာဝန်မှ ပြန်လည်ရုပ်သိမ်း ခြင်းဆိုင်ရာ ဥပဒေ” ကို ပြဋ္ဌာန်းနိုင်ရေးမှာ ပိုမိုပြည့်စုံ ကောင်းမွန်စေရန်အတွက် အချိန်ယူရဦးမည်ဖြစ်ကြောင်း ယနေ့ကျင်း ပသည့် အမျိုးသားလွှတ်တော်တွင် ပြည်ထောင်စု ရွေးကောက်ပွဲ ကော်မရှင်(UEC) ဖြေကြားသွား သည်။ အဆိုပါ ဥပဒေကို ဦးသိန်းစိန် အစိုးရလက်ထက်တွင်လည်း ပြဋ္ဌာန်းနိုင်ခြင်း မရှိသကဲ့သို့ ကရင်ပြည် နယ် မဲဆန္ဒနယ် အမှတ် ၅ မှ ကိုယ်စားလှယ် ဦးစိုးသန်းနိုင်က ယင်းဥပဒေ ပြဋ္ဌာန်းနိုင်ခြင်း ရှိ၊ မရှိ ယနေ့ ကျင်းပသည့် အမျိုးသား လွှတ် တော် တွင် လည်း မေးမြန်းခြင်းဖြစ်သည်။ အဆိုပါမေးခွန်းကို ပြည်ထောင်စု ရွေးကောက်ပွဲ ကော်မရှင်(UEC) ဦးအောင်မြင့်က ပြန်လည်ဖြေကြား ရာ ယင်းဥပဒေကြမ်း ကို ဦးသိန်းစိန် အစိုးရ လက်ထက် ၂၀၁၂ ခုနှစ် သြဂုတ်လ ၂၇ ရက်နေ့တွင် တကြိမ်၊ ၂၀၁၅ ခုနှစ်၊ သြဂုတ်လ ၁၃ ရက်နေ့ တွင် တကြိမ် ပြည်ထောင်စုလွှတ်တော်သို့ တင်ပြခဲ့သော် လည်း လွှတ်တော် ၂ ရပ် သဘောထားကွဲလွဲပြီးနောက် ဥပဒေ ကြမ်း ကော်မတီက အမျိုးသား ပြန် လည်သင့်မြတ်ရေးနှင့် တိုင်းရင်းသား စည်းလုံး ညီညွှတ်ရေးကို ထိခိုက်နိုင်သည် ဆိုကာ ကျယ်ကျယ် ပြန့်ပြန့်ဆွေးနွေးပြီးမှ အတည်ပြုရမည် ဥပဒေဖြစ်ကြောင်း အစီရင်ခဲ့သည်ဟု ဆိုသည်။ “ပြည်ထောင်စု လွှတ်တော်ကို အစီရင်ခံစာ တင်သွင်းတဲ့အခါမှာလည်း ဒီအစီရင်ခံစာ အပေါ်မှာ လွှတ် တော် ကိုယ်စားလှယ် ၁၅ ဦးက ဆွေးနွေးခဲ့ပြီး ဆိုင်းငံ့ထားဖို့ အဆိုတင်သွင်းခဲ့ရာမှာ ပြည်ထောင်စု လွှတ်တော်က သဘောတူ အတည်ပြုခဲ့ပါ တယ်”ဟု ၎င်းက အမျိုးသား လွှတ်တော်တွင် ပြောသည်။ မေးခွန်းထုတ်သူ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ ဦးစိုင်းသန်းနိုင်ကမူ ဒီမိုကရေစီ စနစ် အရ ရွေးကောက်ပွဲများ တွင် ပြည်သူများက မိမိတို့၏အကျိုးကို သယ်ပိုးဆောင်ရွက်ပေးကြမည့် ကိုယ်စားလှယ်များကို ရွေးချယ်ပေးခဲ့ပြီးနောက် ယင်းကိုယ်စားလှယ်များသည် ပြည်သူ့အကျိုး စီးပွား ကို ဆောင်ရွက်ပေးနိုင်စွမ်း မရှိခြင်း၊ အရည်အချင်း မပြည့်ဝခြင်း၊ အကျင့်စာရိတ္တပျက်ယွင်းခြင်း၊ ဥပဒေတရပ်ရပ် ဖောက်ဖျက်ခြင်းရှိပါက ကိုယ်စားလှယ်တာဝန်မှ ပြန်လည်ရုပ်သိမ်းခွင့် ရှိရမည်ဟု ၂၀၀၈ အခြေခံ ဥပဒေတွင် အတိအလင်း ဖော်ပြထားကြောင်း၊ သို့သော် ယနေ့အချိန်အထိ ယင်းအခွင့် အရေးကို ပြည်သူများ မခံစားရသေးကြောင်း ဆိုသည်။ ယခင် သီပေါမြို့နယ် လွှတ်တော်ကိုယ်စားလှယ်ဟောင်း ဦးရဲထွန်းကလည်း လက်ရှိ လွှတ်တော် ကိုယ်စားလှယ်များကို သမ္မတ၊ လွှတ်တော် ဥက္ကဌ အပါအဝင် မည်သူကမျှ ဖြုတ်ချနိုင်ခြင်း မရှိ၍ လွှတ်တော် ကိုယ်စားလှယ် တာဝန်မှ ပြန်လည် ရုပ်သိမ်းခြင်း (Right to Recall)ဆိုသည်မှာ ရှိသင့် ကြောင်း ဧရာဝတီသို့ ပြောသည်။ “ဘာဖြစ်လို့လဲဆိုတော့ အခြေခံဥပဒေမှာလည်း ပြဋ္ဌာန်းထားတယ်။ ပြည်သူလူထုနဲ့ ပြည်သူက ရွေးလိုက်တဲ့ ကိုယ်စား လှယ်တွေနဲ့ Check and Balance ဆိုတာက သူတို့က တာဝန်ပေးပြီး ရွေးလိုက်တဲ့ ကိုယ်စားလှယ်က ဖောက်ပြန်သွားရင် ဒါက ပြန်ထိန်းကျောင်းတဲ့ စနစ်ပဲလေ”ဟု ပြောသည်။ အခြေခံဥပဒေပုဒ်မ ၃၉၆(ခ)တွင်လည်း “သက်ဆိုင်ရာ မဲဆန္ဒနယ်၏ မူလမဲဆန္ဒရှင်များအနက် အနည်း ဆုံး ၁ ရာခိုင်နှုန်း တို့က တာဝန်မှ ပြန်လည်ရုပ်သိမ်းလိုသော လွှတ်တော်ကိုယ်စားလှယ်နှင့်ပတ်သက် သည့် တိုင်တန်းချက်ကို ပြည်ထောင်စု ရွေးကောက်ပွဲကော်မရှင်ထံ တင်ပြရမည်”ဟု ပြဌာန်းထားရာ ယင်း ၁ ရာခိုင်နှုန်းကိစ္စမှာ ပြဿနာရှိကြောင်း အမျိုးသား ဒီမိုကရေစီ အဖွဲ့ချုပ် (NLD)မှ လွှတ်တော် ကိုယ်စားလှယ် ဦးအောင်ကြည်ညွှန့်က ပြောသည်။ “အဲဒီထဲက ၁ ရာခိုင်နှုန်း ဆိုတာကတော့ ကိုယ်ကိုကိုယ် မဲမပေးခဲ့တဲ့ အတိုက်အခံနဲ့ အခြားအင်အားစု က ၁ ရာခိုင်နှုန်းကို ထည့်သွင်း တွက်ချက်မယ်ဆိုရင်တော့ ဥပဒေအရ စဉ်းစားစရာ အချက်တွေ ပေါ်လာလိမ့်မယ်။ ၁ ရာခိုင်နှုန်းကတော့ ပြဿနာရှိတယ်။ ဘယ်ကိုယ်စားလှယ်မှ ၉၉ ရာခိုင်နှုန်းကျော်နဲ့ အနိုင်ရခဲ့တာ မဟုတ်ဘူး။ အခြားအဖွဲ့အစည်းက လူတွေ က ၁ ရာခိုင်နှုန်းနဲ့ အမြဲတန်း တိုင်နေရင် ဘယ်လို လုပ်မလဲ။ အဲဒါမျိုးတော့ ထည့်စဉ်းစားရမယ်”ဟု ၎င်းက အကြံပြုသည်။ သို့သော် ရွေးချယ်တင်မြောက်ထားသည့် ကိုယ်စားလှယ်များသည် ထိုက်တန်သည့် အနေအထား မရှိပါက ကိုယ်စားလှယ် များကို ထိန်းကျောင်းမည့် Right to Recall မှာ ရှိသင့်သော်လည်း ဥပဒေရေး ရာ ပြဿနာအနေဖြင့် စဉ်းစားရဦးမည် ဖြစ်ကြောင်း မကွေးတိုင်း အမျိုးသားလွှတ်တော် ကိုယ်စား လှယ်လည်း ဖြစ်သူ ဦးအောင်ကြည်ညွှန့်က ပြောသည်။ လွှတ်တော် ကိုယ်စားလှယ်ဟောင်း ဦးရဲထွန်းကမူ ယင်း ၁ ရာခိုင်နှုန်းကိစ္စမှာ ကိုယ်စားလှယ်များကို ဖြုတ်နိုင်ခြင်း မဟုတ် သေးဘဲ စွဲချက်တင်သည့် အဆင့်တွင်သာ ရှိသေးကြောင်း၊ မှန်ကန်မှသာ အရေးယူရမည် ဖြစ်ရာ သတ်မှတ် ချက်များ နှင့်မညီပါက UEC တွင် ငြင်းပယ်ခွင့်ရှိကြောင်း ပြောသည်။ ကြံ့ခိုင်ရေးပါတီမှ ပြောခွင့်ရပုဂ္ဂိုလ် ဒေါက်တာ နန္ဒလှမြင့်ကလည်း “ဒီရာခိုင်နှုန်းလေးကို အကြောင်း ပြပြီးတော့ မဖြစ် သင့် ပါဘူး ပြည်သူတွေအတွက် နစ်နာတာပေါ့”ဟု မှတ်ချက်ပြုသည်။ Right to Call ဆိုသည်မှာ မဲဆန္ဒရှင် ပြည်သူများ၏ ရပိုင်ခွင့် ဖြစ်၍ ကိုယ်စားလှယ်တဦးသည် သူ့ဒေသ၏ အကျိုး၊ နိုင်ငံ၏ အကျိုးကို မဆောင်ရွက်နိုင်ကပါက ပြန်ဖြုတ် ချပိုင်ခွင့်ဆိုုသည့် Right တခု ရှိရမည် ဖြစ်ရာ ထိုသို့ ဖြစ်စေရန် ၎င်းတို့ အစိုးရ တာဝန်ယူသည့် ကာလက ယင်းဥပဒေကို ပြဋ္ဌာန်းရန် ကြိုးစားခဲ့သော်လည်း အကြောင်း မညီညွှတ်၍ မအောင်မြင်ခဲ့ကြောင်း ဒေါက်တာ နန္ဒလှမြင့်က ပြောသည်။ UEC အဖွဲ့ဝင် ဦးအောင်မြင့်က “အဲဒီ ဥပဒေမှာ အမျိုးသား ပြန်လည်သင့်မြတ်ရေးနဲ့ ငြိမ်းချမ်းရေး အတွက် အနှောင့် အယှက် လေးတွေ ရှိတယ်ဆိုပြီး လွှတ်တော်မှာ အကြေအတင် ဆွေးနွေးပြီးမှ ဆိုင်းငံ့ လိုက်ရတယ် ပထမအကြိမ်။ အဲဒီတော့ အခု တခါ ထပ်တင်တော့ကော အခု ဒီအခြေအနေတွေကို ကျော်လွှားသွားပြီလား”ဟု လွှတ်တော်အပြီးတွင် မေးခွန်းထုတ် သွား ခဲ့သည်။ ၂၀၁၇ ခုနှစ်၊ ဖေဖော်ဝါရီလ ၆ ရက်နေ့က ပြည်သူ့လွှတ်တော် အစည်းအဝေးတွင် ကြံ့ခိုင်ရေးပါတီမှ ပျော်ဘွယ်မြို့နယ် ကိုယ်စားလှယ် ဦးသောင်းအေးက လွှတ်တော်ကိုယ်စားလှယ်တာဝန်မှ ပြန်လည်ရုပ်သိမ်းခြင်းဆိုင်ရာ ဥပဒေအား ပြဋ္ဌာန်း ပေးရန် အစီအစဉ် ရှိ/မရှိ မေးမြန်းမှုအပေါ် UEC အဖွဲ့ဝင် ဦးအောင်မြင့်က လွှတ်တော်သို့ တင်သွင်းနိုင်ရေး ဆောင်ရွက် နေကြောင်း ဖြေကြားခဲ့သည်။ The post လွှတ်တော်ကိုယ်စားလှယ် တာဝန်မှ ပြန်ရုပ်သိမ်းနိုင်မည့် ဥပဒေ ပြဋ္ဌာန်းရေး အချိန်ယူရမည် appeared first on ဧရာဝတီ.
Source : http://ift.tt/2CMoHrc
via IFTTT

Mizzima - News in Burmese

FDA ဝန်ထမ်း ဒုတိယဦးစီးမှူး အမျိုးသမီးအား မုဒိမ်းကျင့် သတ်ဖြတ််ခဲ့မှုဖြင့် တရားစွဲတင်ထားသော မျိုးဇော်ဦး ဆိုသူက ရှေ့နေမငှားနိုင်သဖြင့် တရားရုံးမှ နိုင်ငံတော်စရိတ်ဖြင့် ရှေ့နေငှားပေးခဲ့ကြောင်း ရန်ကုန်အရှေ့ပိုင်း ခရိုင်တရားရုံး၊ တွဲဖက်ခရိုင်တရားသူကြီး ဦးထွန်းထွန်းဦးက ပြောသည်။ ယနေ့ ဖေဖော်ဝါရီလ ၂၇ ရက်၊ ရန်ကုန်အရှေ့ပိုင်းခရိုင်တရားရုံးတွင် မျိုးဇော်ဦးဆိုသူအား ဒုတိယအကြိမ် မြောက်ရုံးထုတ်ခဲ့ပြီး မျိုးဇော်ဦးဘက်မှ ရှေ့နေပါဝါတင်ခဲ့ခြင်းဖြစ်သည်။ မျိုးဇော်ဦးဘက်မှ လိုက်ပါဆောင်ရွက်ပေးရန် အထက်တန်းရှေ့နေ ဦးမောင်မောင်စိုးအား နိုင်ငံတော်စရိတ်ဖြင့် ငှားရမ်းပေးထားကြောင်း သိရသည်။ “ ဒီအမှုက သေဒဏ်ထိုက်တဲ့အမှုအဖြစ် စွဲဆိုထားတာပေါ့နော်။ သေဒဏ်ထိုက်တဲ့ ပြစ်မှုနဲ့ စွဲဆိုထားတဲ့အတွက် ကျွန်တော်တို့ ရုံးအနေနဲ့ တရားရုံးက ဒီအမှုမှာ တရားခံအနေနဲ့ ဥပဒေအရ ခုခံချေပပိုင်ခွင့် ပေးရမှာဖြစ်ပါတယ်။ ပေးတဲ့အတွက် ကျွန်တော်တို့ကနေပြီးတော့ ဒီအမှုမှာ တရားခံဘက်က ရှေ့နေအဖြစ် လိုက်ပါဖို့ တရားခံကို မေးမြန်းတဲ့အခါမှာ သူက ရှေ့နေမငှားရမ်းနိုင်ဘူးလို့ ပြီးခဲ့တဲ့ရုံးချိန်းမှာ ပြောပါတယ်။ ဒီရုံးချိန်းမှာတော့ ဥပဒေ ဘက်ကပေါ့နော်။ နိုင်ငံတော်စရိတ်နဲ့ ရှေ့နေချုပ် နည်းဥပဒေ ၁၁ဝ အရ တရားခံအတွက်ကို နိုင်ငံတော်စရိတ်နဲ့ ငှားရမ်းပြီးတော့မှ ရှေ့နေတင်မယ့် ရုံးချိန်းလို့ ကျွန်တော်သိရပါတယ်”ဟု ဦးထွန်းထွန်းဦးက ပြောသည်။ အဆိုပါအမှုအား လာမည့် မတ်လ ၅ ရက်နေ့ ၃ ကြိမ်မြောက်ရုံးချိန်းတွင် တရားလိုအပါအဝင် သက်သေ ၅ ဦး ကို စတင်စစ်ဆေးသွားမည်ဖြစ်ပြီး ရဲစွဲချက်အရ တရားလိုပြသက်သေ ၃၅ ဦးထိ တင်သွင်းထားသည်။ FDA ဝန်ထမ်းအမျိုးသမီးမှာ ပြီးခဲ့သည့် ဇန်နဝါရီလ ၂ဝ ရက်နေ့၊ ညနေပိုင်းအချိန်က လှည်းတန်းမှ နေအိမ်သို့ ကားငှားပြန်ရာမှ ပျောက်ဆုံးခဲ့ခြင်းဖြစ်ပြီး ဇန်နဝါရီလ ၂၁ ရက်၊ နံနက် ၆ နာရီခွဲခန့်အချိန်၊ (မြောက်ပိုင်း)မြို့နယ်၊ ငမိုးရိမ် ချောင်းဘေးတွင် ဝဲပါး၊ လည်ပင်းဖူးရောင်ညိုမဲ၊ လည်ပင်းရှေ့ ထိုးသွင်းဒဏ်ရာ ၁ ချက်၊ မိန်းမအင်္ဂါသွေး ထွက် ဒဏ်ရာများဖြင့် ပြန်လည်တွေ့ရှိခဲ့ခြင်းဖြစ်သည်။ ယင်းအမျိုးသမီးသေဆုံးမှုနှင့် ပတ်သက်ပြီး ပြစ်မှုကျူးလွန်ခဲ့သူကို ဇန်နဝါရီလ ၂၄ ရက်၊ မွန်းလွဲ ၂ နာရီ အချိန် တွင် သက်သေခံပစ္စည်းဆမ်ဆောင်းလက်ကိုင်ဖုန်းနှင့်အတူ မင်္ဂလာစျေးအတွင်း မင်္ဂလာတောင်ညွန့် မြို့မ ရဲ စခန်း၊ နယ်ထိန်းအရာရှိ ရဲအုပ်သန်းဝင်းအဖွဲ့မှ ဖမ်းဆီးရမိခဲ့ခြင်းဖြစ်ကြောင်း သိရသည်။ ပြစ်မှုကျူးလွန်ခဲ့သူမှာ ဒဂုံမြို့သစ်(မြောက်ပိုင်း)၊ ပတ္တမြားလမ်း၊ (၃၃) ရပ်ကွက်တွင် နေထိုင်သည့် အသက် ၂၇ နှစ်အရွယ် တက္ကစီယာဥ်မောင်း မျိုးဇော်ဦးဆိုသူဖြစ်ပြီး ရန်ကုန်တိုင်းဒေသကြီးရဲတပ်ဖွဲ့၊ ခရိုင် ၄ ခရိုင်ပူးပေါင်းပြီး စုံစမ်းဖမ်းဆီးခဲ့ခြင်းဖြစ်ကြောင်း ရဲတပ်ဖွဲ့ထုတ်ပြန်ချက်တွင် ဖော်ပြပါရှိသည်။
Source : http://ift.tt/2HQWoLW
via IFTTT

“ဘုရားသခင္ဟာ ေနရာတိုင္းမွာ ရွိမေနဘူး။ ဒါေၾကာင့္ အေမေတြကို ဖန္ဆင္းခဲ့တယ္”ဆိုတဲ့ Mom (2017)

“ဘုရားသခင်ဟာ နေရာတိုင်းမှာ ရှိမနေဘူး။ ဒါကြောင့် အမေတွေကို ဖန်ဆင်းခဲ့တယ်”ဆိုတဲ့ Mom (2017) ဒီတပတ်မှာတော့ ဖေဖော်ဝါရီလ ၂၄ ရက်နေ့ကမှ အာရပ်စော်ဘွားများ ပြည်ထောင်စု၊ ဒူဘိုင်းမြို့မှာ နှလုံးရောဂါနဲ့ ရုတ်တရက် ကွယ်လွန်သွားခဲ့တဲ့ ကမ္ဘာကျော် ဘောလိဝုဒ် မင်းသမီး Sridevi (ဆရီဒေဝီ) ပါဝင်သရုပ်ဆောင်ထားတဲ့ “Mom” ဆိုတဲ့ ဇာတ်ကားကို ညွှန်းပေးချင်ပါတယ်။ ဘောလိဝုဒ် ပရိသတ်တွေ မင်းသမီး Sridevi ကို အလွမ်းပြေ ပြန်လည် ကြည့်ရှုခံစားနိုင်အောင်လို့ပါ။ IMDB rating (7.3) ရရှိထားပြီး Sridevi ရဲ့သရုပ်ဆောင်ကောင်းမှုတွေကြောင့် ကြည့်ရှုသူတွေကိုပါ မျက်ရည်ဝဲစေတဲ့ အထိပါပဲ။ ဇာတ်လမ်းကတော့ ဒီလိုပါ။ Devaki ဆိုတဲ့ကျောင်းဆရာမ တယောက်ဟာ သူမ ခင်ပွန်းနဲ့ သမီးနှစ်ယောက်နဲ့ အတူ ဘဝကို အေးအေးဆေးဆေး ဖြတ်သန်းနေသူပါ။ သူမရဲ့သမီးနှစ်ယောက်မှာ သမီးအကြီးဖြစ်သူ Arya ဟာ ခင်ပွန်းဘက်ကပါတဲ့ လင်ပါသမီး ဖြစ်ပါတယ်။ Devaki ဟာ Arya ရဲ့ မိထွေးဆိုပေမယ့် Arya ကို သမီးအရင်းလို သဘောထားပြီး ချစ်ခင်မြတ်နိုးသူ တယောက်ပါ။ ဒါပေမယ့် Arya ကတော့ သူမရဲ့ မိခင်အရင်းနေရာမှာ တခြားတယောက်ကို အစားမထိုးနိုင်တဲ့ သဘောအရ Devaki ကို မိထွေးအမြင်နဲ့သာ မကြည်မလင် ဆက်ဆံခဲ့ပါတယ်။ တနေ့မှာတော့ Arya ဟာ “ချစ်သူများနေ့” ပါတီကအပြန်မှာ အုပ်စုဖွဲ့ အဓမ္မကျင့်ခံရပြီး လမ်းဘေးမှာ ပစ်ထားခံခဲ့ ရပါတယ်။ အမှုအတွက် တရားခံတွေကို ဖမ်းမိပေမယ့် သက်သေတွေကို ဖျက်စီးခဲ့တဲ့အတွက် ဥပဒေအရ အပြစ်ပေးလို့ မရဘဲ ပြန်လွှတ်ပေးလိုက်ရပါတယ်။ သမီးအတွက် ဖြစ်သင့်တဲ့ တရားမျှတမှုကို လိုချင်တဲ့ Devaki တယောက် (အမေတယောက် နေရာကနေ) တရားခံတွေကို သူ့သမီး Arya ခံစားခဲ့ရတဲ့အတိုင်း ပြန်ကလဲ့စားချေဖို့ သူမကိုယ်တိုင် ဆုံးဖြတ်ချက်ချပြီး အစီအစဉ်တကျ ဆွဲကာ တရားခံတဦးချင်းစီကို လိုက်လံ ကလဲ့စား ချေပါတော့တယ်။ ဒီဇာတ်ကားဟာ သဲထည်ရင်ဖို လက်စားချေတဲ့ ဇာတ်ကားဖြစ်ပြီး ၂၀၁၇ ခုနှစ်၊ ဇူလိုင်လမှာ ထွက်ရှိခဲ့တာပါ။ အဆိုပါ “Mom” ဇာတ်ကားကို ရုပ်ရှင်ဝေဖန်ရေးသမားတွေကပါ အကောင်းမြင်ဆန်စွာ ချီးမွမ်းရေးသားခဲ့ကြပြီး ၂၀၁၇ ခုနှစ်မှာ ထွက်ခဲ့တဲ့ ဘောလိဝုဒ် ရုပ်ရှင်ကားတွေမှာ “အကောင်းဆုံး ဇာတ်ကားတကား” မလို့ ကြည့်ရှုသင့်တဲ့ ရုပ်ရှင်ဇာတ်ကား ကောင်းတကား အနေနဲ့ ညွှန်းဆိုလိုက်ပါတယ်။ ဆက်စပ် သတင်းလင့်ခ် – မင်းသမီး Sridevi (ဆရီဒေဝီ) မှာ မတော်တဆ ရေနစ်သေဆုံးခဲ့ခြင်း ဖြစ်ကြောင်း ဒူဘိုင်းရဲတပ်ဖွဲ့ဆို Ref ; rottentomatoes.com The post “ဘုရားသခင်ဟာ နေရာတိုင်းမှာ ရှိမနေဘူး။ ဒါကြောင့် အမေတွေကို ဖန်ဆင်းခဲ့တယ်”ဆိုတဲ့ Mom (2017) appeared first on ဧရာဝတီ.
Source : http://ift.tt/2sWVBWv
via IFTTT

မင္းသမီး Sridevi (ဆရီေဒဝီ) မွာ မေတာ္တဆ ေရနစ္ေသဆုံးခဲ့ျခင္း ျဖစ္ေၾကာင္း ဒူဘိုင္းရဲတပ္ဖြဲ႕ဆို

မင်းသမီး Sridevi (ဆရီဒေဝီ) မှာ မတော်တဆ ရေနစ်သေဆုံးခဲ့ခြင်း ဖြစ်ကြောင်း ဒူဘိုင်းရဲတပ်ဖွဲ့ဆို ကွယ်လွန်သူ ဘောလိဝုဒ်မင်းသမီး Sridevi Kapoor (ဆရီဒေဝီ ကပူးရ်) ဟာ မတော်တဆ ရေနစ်သေဆုံးခဲ့တာ ဖြစ်တယ်လို့ ဒူဘိုင်း ရင်ခွဲစစ်ဆေးချက် အစီရင်ခံစာမှာ ဖော်ပြထားပါတယ်။ အသက် ၅၄ နှစ်အရွယ်၊ မင်းသမီးဟာ သူတည်းခို နေထိုင်ခဲ့တဲ့ ဟိုတယ်အခန်းရဲ့ ရေချိုးကန်ထဲမှာ သတိလစ် မေ့မြောခဲ့ပြီးနောက် ရေနစ်ခဲ့တာဖြစ်တယ်လို့ ဆိုပါတယ်။ Sridevi ဟာ ဒူဘိုင်းမှာ တူမရဲ့ မင်္ဂလာဆောင်တက်ရောက်ဖို့ ရောက်ရှိနေချိန် ပြီးခဲ့တဲ့ ဖေဖော်ဝါရီလ၂၄ ရက်နေ့မှာ နှလုံးရောဂါနဲ့ သေဆုံးခဲ့တာဖြစ်တယ်လို့ ကနဦးသတင်းတွေမှာ ဖော်ပြထားတာပါ။ Sridevi ရဲ့ ကွယ်လွန်မှု သတင်းအပေါ် နာမည်ကျော်တွေ၊ ထိပ်တန်း နိုင်ငံရေးသမားတွေက ဝမ်းနည်းစကား ဆိုခဲ့ကြပါတယ်။ ဒူဘိုင်းအစိုးရရဲ့ မီဒီယာကတော့ ရင်ခွဲစစ်ဆေးချက်တွေ ပြီးဆုံးသွားပြီဖြစ်ပြီး သေဆုံးရတဲ့ အကြောင်းအရင်းကိုလည်း အတည်ပြုခဲ့ပြီဖြစ်ကြောင်း ပြောပါတယ်။ အဲဒီကိစ္စကိုတော့ ဒူဘိုင်းပြည်သူ့ အမှုလိုက်အဖွဲ့ထံ ပေးပို့ထားပြီးတော့ အဲဒီက တာဝန်ရှိသူတွေကလည်း ပုံမှန်အမှုအခင်းဆိုင်ရာ လုပ်ထုံးလုပ်နည်းတွေအတိုင်း ဆောင်ရွက်နေတယ်လို့ ဆိုပါတယ်။ ဒူဘိုင်းရဲတပ်ဖွဲ့ရဲ့ ရင်ခွဲစစ်ဆေးချက် အစီရင်ခံစာကို Sridevi ရဲ့ မိသားစုနဲ့ အိန္ဒိယ ကောင်စစ်ဝန်တို့ထံလည်း ပေးပို့ထားပြီး ဖြစ်တယ်လို့ သိရပါတယ်။ အဲဒီအစီရင်ခံစာကြောင့် အလောင်းကို ပြန်သယ်ဖို့အရေး နှောင့်နှေးနိုင်ပြီး လာမယ့် မတ်လ ၅ ရက်နေ့ ရောက်မှသာ အိန္ဒိယနိုင်ငံကို ပြန်သယ်နိုင်မှာဖြစ်တယ်လို့ ခန့်မှန်းထားပါတယ်။ မူလက အလောင်းကို လာသယ်ဖို့ အိန္ဒိယနိုင်ငံ၊ မွမ်ဘိုင်းကနေ လေယာဉ်ရောက်ရှိလာခဲ့ပေမယ့် ဒူဘိုင်းရဲတပ်ဖွဲ့ထံမှ ဖြေရှင်းဖို့ ကိစ္စတွေ ရှိနေသေးတဲ့အတွက် ပြန်လည်သယ်ယူခွင့် မပြုခဲ့ကြောင်း၊ ပြန်သယ်လာဖြစ်တယ်လို့ ကောလာဟလ တွေလည်း ထွက်ပေါ်ခဲ့ပါသေးတယ်။ မွမ်ဘိုင်းမှာရှိတဲ့ Sridevi ရဲ့ အိမ်အပြင်ဘက်မှာတော့ လူအုပ်ကြီးက စုဝေးနေကြပြီး ဈာပနအခမ်းအနား မတိုင်ခင်မှာ နောက်ဆုံး ဂါရဝပြုကြမှာလည်း ဖြစ်ပါတယ်။ ဒူဘိုင်းအစိုးရကတော့ အဆိပ်သင့်တာ ဟုတ်၊ မဟုတ် စစ်ဆေးမှု ရလာဒ်ကို ထုတ်ပြန်ထားတာ မရှိပါဘူး။ ရင်ခွဲစစ်ဆေးချက် အပြည့်အစုံကိုတော့ အများပြည်သူထံ မချပြသေးပေမယ့် မူရင်းထုတ်ပြန်ထားတဲ့ နှလုံးရောဂါနဲ့ သေဆုံးခဲ့တယ်ဆိုတဲ့ အကြောင်းနဲ့ မတော်တဆ ရေနစ်ခဲ့တယ်ဆိုတဲ့ အကြောင်း ဘယ်လိုဆက်စပ်နေတယ်ဆိုတာကို ရှင်းပြထားလိမ့်မယ်လို့ မျှော်လင့်ရပါတယ်။ မင်းသမီးဟာ တူမဖြစ်သူ Mohit Marwah ရဲ့ လက်ထပ်ပွဲတက်ရောက်ဖို့ အာရပ်စော်ဘွားများ ပြည်ထောင်စု၊ ဒူဘိုင်းမြို့ကို ရောက်ရှိနေခဲ့တာ ဖြစ်ပါတယ်။ ပြီးခဲ့တဲ့ ဖေဖော်ဝါရီလ ၂၆ ရက်နေ့မှာ ထုတ်ပြန်ခဲ့တဲ့ သေဆုံးရခြင်း အကြောင်းအရင်း မတိုင်ခင် အသေးစိတ် အချက်အလက် အနည်းငယ်ကိုလည်း ထုတ်ပြန်ခဲ့ပါသေးတယ်။ ဆက်စပ် သတင်းလင့်ခ် – ကွယ်လွန်သူ ဘောလိဝုဒ် ရုပ်ရှင်မင်းသမီး Sridevi (ဆရီဒေဝီ) ရဲ့ နောက်ဆုံးခရီး ကမ္ဘာကျော် ဘောလိဝုဒ်ရုပ်ရှင်မင်းသမီး “Sridevi (ဆရီဒေဝီ)” နှလုံးရောဂါဖြင့် ရုတ်တရက် ကွယ်လွန် Ref : BBC The post မင်းသမီး Sridevi (ဆရီဒေဝီ) မှာ မတော်တဆ ရေနစ်သေဆုံးခဲ့ခြင်း ဖြစ်ကြောင်း ဒူဘိုင်းရဲတပ်ဖွဲ့ဆို appeared first on ဧရာဝတီ.
Source : http://ift.tt/2F9pIik
via IFTTT

စီးပြားေရးလုပ္ကိုင္မႈ လြယ္ကူေရး အစိုးရဌာန လုပ္ငန္းစဥ္မ်ား ေလွ်ာ့ခ်ရန္လိုဟု ဆို

စီးပွားရေးလုပ်ကိုင်မှု လွယ်ကူရေး အစိုးရဌာန လုပ်ငန်းစဉ်များ လျှော့ချရန်လိုဟု ဆို မြန်မာနိုင်ငံ၌ စီးပွားရေးလုပ်ကိုင်ရန် လွယ်ကူရေးအတွက် အစိုးရဌာနများ၏ လုပ်ငန်းစဉ်များ လျှော့ချရန် လိုအပ် ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန (စီးပွား/ကူးသန်း) ရှိ ကုန်သွယ်မှု မြှင့်တင်ရေး ဦးစီးဌာန၏ ညွှန်ကြားရေးမှူးချုပ် ဦးအောင်စိုးက ပြောသည်။ ဖေဖော်ဝါရီလ ၂၆ ရက်၌ ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) တွင် ပြုလုပ်သော ကမ္ဘာ့ဘဏ်၏ စီးပွားရေးလုပ်ကိုင်ရ အလွယ်ကူဆုံး နိုင်ငံများစာရင်း (Doing Business 2019) အတွက် အဆင့်မြှင့်တင်ရေးဆိုင်ရာ အချက်အလက်များကို စီးပွား/ကူးသန်းဝန်ကြီး ဌာနနှင့် အထောက်အကူပြု အဖွဲ့ဝင်များတွေ့ဆုံ ဆွေးနွေးကြသည့်ပွဲတွင် ၎င်းက ပြောကြားခြင်းဖြစ်သည်။ ဆက်လက်၍ ဦးအောင်စိုးက “ဌာနတွေက ဆောင်ရွက်ပေးနေတဲ့ လက်ရှိ ဝန်ဆောင်မှုတွေ လျှော့ချဖို့နဲ့ အချိန် မြန်အောင် လုပ်ပေးဖို့ကလည်း စိန်ခေါ်မှုပဲ။ ငွေကြေးကို နည်းအောင် လျှော့ချဖို့ကလည်း စိန်ခေါ်မှုပဲ။ အခုသူတို့ တိုင်းတာတဲ့ နည်းစနစ်အရ ဆိုရင် အစိုးရဌာန လျှော့ရုံတင်မကဘူး ပုဂ္ဂလိက ကဏ္ဍဘက်ကလည်း လျှော့အောင် လုပ်တတ်ဖို့လည်း လိုပါတယ်။ ဒါကြောင့် အားလုံးသော အဖက်ဖက်က ဝိုင်းပြီး လုပ်ကြရမှာ ဖြစ်တယ်”ဟု ပြောဆို သည်။ ၂၀၁၈ ခုနှစ်အတွက် ကမ္ဘာ့ဘဏ်မှ ထုတ်ပြန်သည့် စီးပွားရေးလုပ်ကိုင်ရန် အလွယ်ကူဆုံးနိုင်ငံများ စာရင်း၏ အဆင့် ဖော်ပြချက်အရ နိုင်ငံ ၁၉၀ အနက် မြန်မာနိုင်ငံသည် အဆင့် ၁၇၁ နေရာတွင်ရှိနေပြီး အမှတ်အနေဖြင့် ၄၄ မှတ်ကျော် ဖြစ်ကြောင်း Doing Business 2018 အစီရင်ခံစာတွင် ဖော်ပြထားသည်။ လက်ရှိ၌ ကမ္ဘာ့ဘဏ်မှ ပြည်တွင်းလုပ်ငန်းရှင်များအား စီးပွားရေးလုပ်ကိုင်ခြင်းနှင့် ပတ်သက်သည့် မေးခွန်းများ မေးမြန်း သွားမည်ဖြစ်ကာ ထိုမေးခွန်းများမှာ မြန်မာနိုင်ငံ၏ အဆင့်၊ အမှတ်ပြန်တက်ရေးနှင့် သက်ဆိုင်နေကြောင်း သိရသည်။ ယင်းမေးခွန်းများမှာ Doing Business 2019 အစီရင်ခံစာ အတွက်ဖြစ်ပြီး မေးခွန်း ၁၀ ခု မေးမြန်းသွားမည် ဖြစ်ကာ လက်ရှိ မေးခွန်း ၃ ခု ရောက်ရှိနေကြောင်း Ease of Doing Business အဖွဲ့ အတွင်းရေးမှူးလည်း ဖြစ်သူ ဦးအောင်စိုး က ပြောသည်။ “အခုက အဆင့်က ၁၇၁ ဆင့်ဖြစ်နေတယ်။ အခုလာတဲ့ မေးခွန်းက ပြည်ပကုန်သွယ်မှု၊ ဆောက်လုပ်ရေးပါမစ်၊ အခွန် ပေးဆောင်မှုနဲ့ ပတ်သက်တာရယ် ပို့ထားတယ်။ စီးပွားရေးလုပ်ငန်းဆိုတဲ့ အထဲမှာ သူတို့ မေးတာက လုပ်ငန်းခွင် ထူထောင် တာတို့၊ လျှပ်စစ်မီးရအောင် လုပ်တာတို့ စသဖြင့် ဒီ ၁၀ ခုကို ပေါင်းပြီးတော့မှ စီးပွားရေး လုပ်ငန်း လုပ်ကိုင် ရ တာ လွယ်ကူမှု ရှိမရှိကို တိုင်းတာ ဖြစ်တယ်” ဟု ၎င်းက ဆိုသည်။ မြန်မာနိုင်ငံ၌ လုပ်ငန်းများ လုပ်ကိုင်ရာတွင် အစိုးရဌာနများနှင့် ဆက်စပ်လုပ်ကိုင်ရသည့် ခွင့်ပြုမိန့်တင်ရသည့်အခါ၌ အဆင့်ဆင့် တင်ရသည့်အပြင် ပါမစ်ပြန်ကျရန်အတွက် ကြာမြင့်စွာ စောင့်ဆိုင်းရကြောင်း ပြည်တွင်း စီးပွားရေး လုပ်ငန်းရှင် တချို့က ပြောဆိုကြသည်။ စီးပွား/ကူးသန်း ဒု ဝန်ကြီး ဦးအောင်ထူးက “မေးခွန်းလွှာတွေက ပေးလာတယ်။ ပေးလာတဲ့ မေးခွန်းလွှာတွေမှာ ကျနော် တို့ သေသေချာချာ ဖြေဆိုဖို့ လိုအပ်လာပါတယ်။ အဲဒါမှ တနှစ်ကို ၂၄ ဆင့်လောက် ကျနော်တို့က လျှော့ချမှာ ဖြစ်ပါတယ်။ ဒါကို ၃ နှစ်အတွင်း ကဏန်း ၂ လုံးလျှော့ချအောင် လုပ်ဖို့ ဖြစ်တယ်” ဟု ပြောသည်။ ထိုသို့ Ease of Doing Business အဆင့်တက်အောင် ပြုလုပ်ခြင်းမှာ တိုင်းပြည်၌ စီးပွားရေး လုပ်ကိုင်ဆောင်ရွက် နေ သော သူများအတွက် လုပ်ငန်းခွင်များတွင် ရှိနိုင်သမျှ အခက်အခဲများကို လျှော့ချစေခြင်းအားဖြင့် လုပ်ငန်းများ လုပ်ကိုင် ရာတွင် လွယ်ကူချောမွေ့စေရန် နှင့် နိုင်ငံခြားသား ရင်းနှီးမြှုပ်နှံမှုများ ပိုမို ဝင်ရောက်လာနိုင်ရန်အတွက် အထောက်အကူ ကောင်းများ ဖြစ်နိုင်မည်ဟုလည်း ၎င်းကဆက်လက် ပြောကြားသည်။ Ease of Doing Business မေးခွန်းများနှင့်ပတ်သက်၍ သုတေသန ပြုလုပ်နေသော Zeya and Association ကုမ္ပဏီ မှ ဦးဇေယျသူရမွန်က“ဒီနှစ် မေလကုန်လောက်ဆိုရင် မေးခွန်းတွေက ပိတ်မှာဖြစ်တယ်။ ရရှိတဲ့ အမှတ်တွေကို ပြင်ပြီး တာနဲ့ ဇွန်လ သြဂုတ်လ လောက်ဆိုရင် ထွက်တော့မှာ။ ထွက်ရင်သူက ၂၀၁၉ ခုနှစ်အတွက် ထွက်မှာဖြစ်တယ်။ ဆိုလိုတာက ၂၀၁၈ ခုနှစ်ထဲမှာ ဖြစ်ပျက်နေတဲ့ အချက်တွေက ၂၀၁၉ ခုနှစ်မှာ အကျိုးသက်ရောက်မှာ ဖြစ်တယ်” ဟု ပြောသည်။ မြန်မာနိုင်ငံသည် ပြုပြင်ပြောင်းလဲမှု တချို့ကို ဆောင်ရွက်ခဲ့သောကြောင့် ကမ္ဘာ့နိုင်ငံပေါင်း ၁၉၀ အနက် စီးပွားရေး လုပ်ကိုင်ရ လွယ်ကူသည့်နိုင်ငံများ စာရင်းတွင် ၂၀၁၆ ခုနှစ်၌ အဆင့် ၁၇၀ နေရာတွင် ရှိခဲ့ရာမှ ၂၀၁၇ ခုနှစ်၌ အဆင့် ၁၇၁ သို့ ရောက်ရှိခဲ့သည်။ အဆိုပါ Doing Business အစီရင်ခံစာကို၂၀၁၄ ခုနှစ်မှ စတင်၍ နှစ်စဉ် စီးပွားရေးလုပ်ကိုင်ရ လွယ်ကူမှု အဆင့် မည်မျှ ရှိသည်နှင့် အမှတ်မည်မျှရရှိသည်ကို အခြေခံပြီး မြန်မာနိုင်ငံ၏ စီးပွားရေး လုပ်ငန်းများ လုပ်ကိုင်ရ လွယ်ကူမှု တိုးတက် လာစေရန် လုပ်ဆောင်နေသော အစီရင်ခံစာ တခုဖြစ်သည်။ The post စီးပွားရေးလုပ်ကိုင်မှု လွယ်ကူရေး အစိုးရဌာန လုပ်ငန်းစဉ်များ လျှော့ချရန်လိုဟု ဆို appeared first on ဧရာဝတီ.
Source : http://ift.tt/2CL9aYL
via IFTTT

တေန႔တာလုံး ေပ်ာ္႐ႊင္စြာ ျဖတ္သန္းႏိုင္မယ့္ နည္းလမ္း ၃ ခု

တနေ့တာလုံး ပျော်ရွှင်စွာ ဖြတ်သန်းနိုင်မယ့် နည်းလမ်း ၃ ခု လုပ်ငန်းခွင်မှာပဲဖြစ်ဖြစ်၊ ကျောင်းမှာပဲဖြစ်ဖြစ် ဘယ်နေရာမှာမဆို နိစ္စဓူဝ အလုပ်တွေ လုပ်လာရတဲ့အခါ ငြီးငွေ့လာတတ်ပါတယ်။ သမရိုးက ဘဝကြီးကနေ လွတ်မြောက်ဖို့အတွက် ငွေကုန်ကြေးကျခံပြီး ပျော်ရွှင်မှုကို ဖန်တီးတာက မှန်ကန်တဲ့ နည်းလမ်း မဟုတ်ပါဘူး။ စစ်မှန်တဲ့ ပျော်ရွှင်မှုကို ရရှိပြီး တနေ့တာလုံး ပျော်ရွှင်စွာ ဖြတ်နိုင်မယ့် နည်းလမ်း ၃ ခုကို ဧရာဝတီ စာဖတ် ပရိသတ်တွေအတွက် မျှဝေရေးသားလိုက်ပါတယ်။ (၁) မှန်ကန်တဲ့အရာ တခုလုပ်ဖို့ မိနစ် ၃၀ အချိန်ပေးပါ စိတ်ထားကောင်းကောင်းထားခြင်း၊ မှန်ကန်တဲ့အပြုအမူကို ပြုခြင်းဟာ သင့်ကို စိတ်ချမ်းမြေ့စေပါလိမ့်မယ်။ တစုံတယောက်ကို အားပေးစကားပြောခြင်း၊ နှစ်သိမ့်ပေးခြင်းဟာလည်း သင့်ကို ပျော်ရွှင်စေပါတယ်။ ဥပမာ – ပရဟိတ လုပ်ငန်းမျိုးပေါ့။ သင့်အနေနဲ့ မတွေ့တာကြာတဲ့ သူငယ်ချင်းကို ဖုန်းနဲ့ ဆက်သွယ်ပြီး စကားပြောတာမျိုး၊ လုပ်ဖော်ကိုင်ဖက် တယောက်ကို ချီးကျူးပေးတာမျိုး၊ သူ့အလုပ်အတွက် လိုအပ်တဲ့ သတင်းအချက်အလက် စုဆောင်းပေးလိုက်တာမျိုး (သို့မဟုတ်) အလုပ်သစ် စဝင်တဲ့ ဂျူနီယာ တယောက်ကို ကူညီရှင်းပြပေးတာမျိုးက အားစိုက်ထုတ်စရာ မလိုဘဲ အချိန်အနည်းငယ် ပေးရုံနဲ့ လုပ်လို့ရတဲ့ ပရဟိတ အလုပ်ပါ။ (၂) ခေါင်းကိုက်စေမယ့် အရာတွေကို ရှောင်ရှားပါ မလိုအပ်တဲ့ အရာအတွက် လိုက်စဉ်းစားပြီး ခေါင်းကိုက် မခံပါနဲ့။ သင်ဟာ Presentation တခု ဒီနေ့ လုပ်ရတော့မယ် ဆိုကာမှ Memory stick ပျောက်လို့ ခေါင်းကိုက်လာတာမျိုး မဖြစ်အောင် သတိပြုပါ။ ပစ္စည်း အသေးအမွှားလေးတွေ ပျောက်လို့ ပျာယာခတ်နေရတာမျိုးက သင့်ကိုယ်သင် ယုံကြည်မှု ပျောက်ဆုံး လာတတ်ပါတယ်။ အရေးသိပ်မကြီးတဲ့ အရာတခုကို စဉ်းစားတော့မယ်ဆိုရင် ခေါင်းအေးအေး ထားပြီး ၅ မိနစ်လောက် စဉ်းစားရုံနဲ့ အဖြေထွက်ပါတယ်။ အရေးကြီးတာနဲ့ အရေးမကြီးတာ ခွဲခြားသိပြီး ကြိုတင် ပြင်ဆင်နိုင်မယ်ဆိုရင် တနေ့တာကို အဆင်ပြေပြေနဲ့ ဖြတ်သန်းနိုင်မှာပါ။ (၃) သင့်ပျော်ရွှင်စေတဲ့ အရာတွေလုပ်ဖို့ ကြိုတင်စီစဉ်ပါ လူအများစုဟာ အားတဲ့အခါ ရုပ်ရှင်ကြည့်တာတို့ စာအုပ်ဖတ်တာတို့ ပြုလုပ်လေ့ ရှိကြပါတယ်။ ပြဿနာ ကတော့ မိနစ် ၂၀၊ ၃၀ လောက် ကိုယ်နှစ်သက်တဲ့ ဇာတ်လမ်း၊ စာအုပ်ကို ရှာဖို့ အချိန်ပေး ရတာပါပဲ။ ဘယ်ဇာတ်လမ်းကို ကြိုက်တယ်၊ မကြိုက်ဘူး ဆုံးဖြတ်နေရတာက စိတ်သက်သောင့်သက်သာ သိပ်မရှိလှ ပါဘူး။ အဲဒီလို ရွေးရင်းရွေးရင်းနဲ့ အားလပ်ချိန် ကုန်ဆုံးပြီး အပြည့်အဝ မပျော်လိုက်ရတာမျိုး ကြုံဖူးမှာပါ။ ဒီလိုလုပ်မယ့်အစား သင်ကြည့်ချင်တဲ့၊ သဘောကျတဲ့ စာအုပ်တွေ ရုပ်ရှင်တွေကို အစဉ်လိုက် ချရေးထားပါ။ ပြီးမှ တခုချင်းစီ ပြီးမြောက်အောင် အဆုံးသတ် ကြည့်နိုင်ပါတယ်။ တနေ့တာမှာ ကိုယ်သဘောကျတဲ့ အရာ တခုလောက်ကို လုပ်ကြည့်ဖို့ ကြိုတင်အစီအစဉ် ရေးဆွဲထားတာက တကယ်အလုပ်ဖြစ်သလို အချိန်မရှိလို့ ဒီနေ့တော့ ဝါသနာပါတာ မလုပ်လိုက်ရဘူး ဆိုတာလည်း ရှိမှာ မဟုတ်ပါဘူး။ အခု ရေးသားထားတဲ့ နည်းလမ်းတွေနဲ့ သင့်ရဲ့ တနေ့တာကို ပျော်ပျော်ရွှင်ရွှင် ဖြတ်သန်းနိုင်ဖို့ အကြံပြု လိုက်ပါတယ်။ The post တနေ့တာလုံး ပျော်ရွှင်စွာ ဖြတ်သန်းနိုင်မယ့် နည်းလမ်း ၃ ခု appeared first on ဧရာဝတီ.
Source : http://ift.tt/2otAO85
via IFTTT

“Wonder Woman 2” ႐ုပ္ရွင္မွာ မင္းသမီး Emma Stone ဗီလိန္အျဖစ္ ပါဝင္လာမလား

“Wonder Woman 2” ရုပ်ရှင်မှာ မင်းသမီး Emma Stone ဗီလိန်အဖြစ် ပါဝင်လာမလား “Wonder Woman 2” ရုပ်ရှင်မှာ Cheetah ဆိုတဲ့ ဇာတ်ကောင်က ဗီလိန်ဖြစ်လာတော့မှာလားဆိုပြီး That Hashtag Show မီဒီယာက သတင်းထုတ်ပြန်ထားပါတယ်။ အဲဒီဝက်ဘ်ဆိုက်ရဲ့ အဆိုအရ ၂၀၁၇ ခုနှစ်တုန်းက အောင်မြင်ခဲ့တဲ့ DC ကုမ္ပဏီရဲ့ စူပါဟီးရိုးရုပ်ရှင် Wonder Woman အတွက် စူပါဗီလိန်ကို ရွေးချယ်လိုက်ပြီလို့လည်း သိရပါတယ်။ “Patty Jenkins, Geoff Johns နဲ့ Dave Callahan” တို့ ရေးသားထားတဲ့ “Wonder Woman” နောက်ဆက်တွဲရုပ်ရှင် ဇာတ်ညွှန်းမှာ Cheetah ဇာတ်ကောင်ကို အဓိကဇာတ်ဆောင် ဒိုင်ယာနာရဲ့ ဗီလိန်အဖြစ် ရွေးချယ်ထားတယ်လို့ သိရပါတယ်။ “William Moulton Marston” ဖန်တီးထားတဲ့ Cheetah ဇာတ်ကောင်ဟာ သူ့ကို မိတ်ဆက်လိုက်ချိန်ကတည်းက မတူတဲ့ ပုံစံ ၄ မျိုး ရှိခဲ့ပါတယ်။ ရွှေရောင်နဲ့ ငွေရောင် Cheetah နာမည်က Priscilla Rich ၊ ကြေးရောင် Cheetah နာမည်က Deborah Domaine နဲ့ တတိယမြောက် အခုလက်ရှိ DC ရဲ့ မူရင်းကာတွန်းတွေမှာ သုံးစွဲ နေတဲ့ Cheetah နာမည်ကတော့ Barbara Ann Minerva ပဲ ဖြစ်ပါတယ်။ ပြီးတော့ Cheetah အထီးဗားရှင်းကိုတော့ ၂၀၀၁ ခုနှစ်မှာ Sebastian Ballesteros အမည်နဲ့ ပွဲထုတ်ခဲ့ပါသေးတယ်။ အခုရုပ်ရှင်အဖြစ် ပြန်လည်ရိုက်ကူးမှုမှာ လက်ရှိ Cheetah ဖြစ်တဲ့ “Barbara Ann Minerva” ကို အခြေခံ ထားပါတယ်။ သတင်းအရင်းအမြစ်တွေရဲ့အဆိုအရ Warner Bros. Pictures ရုပ်ရှင်ထုတ်လုပ်ရေး ကတော့ Marvel ကာတွန်း ဇာတ်ကောင် Gwen Stacy အဖြစ် သရုပ်ဆောင်ထားတဲ့ မင်းသမီး Emma Stone ကို ထည့်သွင်းရိုက်ကူးဖို့ စဉ်းစားနေတယ်လို့ ဆိုပေမယ့် Sony ရုပ်ရှင်ထုတ်လုပ်ရေးရဲ့ “The Amazing Spider-Man” နဲ့ နောက်ဆက်တွဲရုပ်ရှင်မှာ ပါဝင်ဖို့ ကမ်းလှမ်းချက်ကို မင်းသမီး Emma က ငြင်းပယ်ခဲ့ဖူးပါတယ်။ စစ်အေးခေတ်ကာလ ၁၉၈၀ ခုနှစ် ပြည့်လွန်နှစ်တွေမှာ အခြေခံဇာတ်အိမ်တည်မယ်လို့ဆိုတဲ့ “Wonder Woman 2” ရုပ်ရှင်ကို လန်ဒန်မြို့မှာ မေလ ၂၈ ရက်နေ့ကစလို့ စတင်ရိုက်ကူးတော့မှာ ဖြစ်ပြီး ဒါရိုက်တာ Jenkins ကိုယ်တိုင် ဒါရိုက်တာအဖြစ် ပြန်လည်ရိုက်ကူးမှာဖြစ်တယ်လို့ သတင်းအရင်းအမြစ်တွေက ဆိုပါတယ်။ Wonder Woman အဖြစ် မင်းသမီး Gal Gadot က ပြန်လည်ပါဝင်လာမှာဖြစ်ပြီး သူနဲ့အတူ သရုပ်ဆောင်တွေဖြစ်တဲ့ Chris Pine, Said Taghmaoui နဲ့ Ewen Bremner တို့ကလည်း အားဖြည့်ပါဝင်ကြမှာဖြစ်ပါတယ်။ ဒါ့အပြင် ၁၉၇၀ ခုနှစ် ပြည့်လွန်နှစ်တွေတုန်းက မူရင်း “Wonder Woman” ရုပ်သံဇာတ်လမ်းတွဲမှာ သရုပ်ဆောင်ခဲ့တဲ့ Lynda Carter က ၂၀၁၈ ခုနှစ်၊ နိုဝင်ဘာလ ၁ ရက်နေ့မှာ ရုံတင်ပြသဖို့ စီစဉ်ထားတဲ့ အခုရုပ်ရှင်မှာ ပါဝင်သရုပ်ဆောင်မယ် လို့ ဆိုပါတယ်။ Deborah နဲ့ Zack Snyder တို့က ထုတ်လုပ်သူ အဖြစ် တာဝန်ယူမယ်လို့ သိရပါတယ်။ Ref ; aceshowbiz The post “Wonder Woman 2” ရုပ်ရှင်မှာ မင်းသမီး Emma Stone ဗီလိန်အဖြစ် ပါဝင်လာမလား appeared first on ဧရာဝတီ.
Source : http://ift.tt/2oxN0E2
via IFTTT

ဘာလင္ညီလာခံ တက္ေရာက္ရန္ ျမန္မာကိုယ္စားလွယ္အဖြဲ႕ ေလွ်ာက္ထားမႈ ပယ္ခ်ခံရ

ဘာလင်ညီလာခံ တက်ရောက်ရန် မြန်မာကိုယ်စားလှယ်အဖွဲ့ လျှောက်ထားမှု ပယ်ချခံရ ဂျာမနီနိုင်ငံ ဘာလင်မြို့တွင်ကျင်းပနေသည့် မြန်မာလူမျိုးတုံး သတ်ဖြတ်မှု(The Berlin Conference On Myanmar Genocide) ဆိုသည့် ညီလာခံသို့ မြန်မာကိုယ်စားလှယ် အဖွဲ့အား တက်ရောက်ခွင့် မပြုကြောင်းသိရသည်။ တက်ရောက်ခြင်းမပြုရန် တားမြစ်ခံရသည့် မြန်မာကိုယ်စားလှယ်အဖွဲ့တွင် ရခိုင်ပြည်နယ်အတွင်း လူသားချင်းစာနာမှု အကူ အညီ အထောက်အပံ့ပေးရေး၊ ပြန်လည် နေရာချထားရေး၊ ဖွံ့ဖြိုးရေး စီမံကိန်း (UEHARD)၏ ညှိနှိုင်းရေးအကြီးအကဲ ဒေါက်တာအောင်ထွန်းသက်၊ လွှတ်တော် နိုင်ငံတကာ ဆက်သွယ်ရေး ကော်မတီဝင် NLD လွှတ်တော်ကိုယ်စားလှယ် ဒေါ်ပြုံးကေသီနိုင်နှင့် အစိုးရ၊ ပုဂ္ဂလိက ကဏ္ဍများမှ အခြားသူများလည်းပါဝင်ကြသည်။ မြန်မာကိုယ်စားလှယ်အဖွဲ့၏ ဘာလင်ညီလာခံသို့ တက်ရောက်ရန် ရည်ရွယ်ချက်မှာ အခမ်းအနား တက်ရောက်လာသူများ နှင့် ထိတွေ့ရန်နှင့် ပြောကြားချက်များကို နားထောင်ရန် ဖြစ်ကြောင်း မနေ့က ရန်ကုန်မြို့၌ သတင်းစာရှင်းလင်းပွဲ ပြုလုပ်ကာ ပြောကြားသည်။ လွှတ်တော် နိုင်ငံတကာ ဆက်သွယ်ရေး ကော်မတီဝင် NLD လွှတ်တော်ကိုယ်စားလှယ် ဒေါ်ပြုံးကေသီ နိုင်က ၎င်းတို့အဖွဲ့ ဝင်များ အနေဖြင့် ညီလာခံ တက်ရောက်ခြင်းဖြင့် ပြင်ပအမြင်များကို ပိုမိုနားလည် နိုင်ရန်နှင့် လေ့လာဆန်းစစ်နိုင်ရန် မျှော်လင့်ခဲ့ကြောင်း ဆိုသည်။ ယခုအခါ မြန်မာကိုယ်စားလှယ်အဖွဲ့အနေဖြင့် လွတ်လပ်သော အမြင်များကို ယူဆောင်လာမည့် ရှုထောင့်ပေါင်းစုံမှ ပရိဿတ်များ ပါဝင်မှုကို ဖန်တီးပေးနိုင်မည် ဖြစ်သော အခွင့်အရေးကို ငြင်းပယ် ခြင်းခံရသည့် အတွက် စိတ်ပျက်မိကြောင်းလည်း သတင်းစာ ရှင်းလင်းပွဲတွင်ပြောသည်။ အဆိုပါ ဘာလင်ညီလာခံကို ကျင်းပသူများကမူ အခမ်းအနားတက်ရောက်ရန် ကြိုတင်စာရင်းသွင်းမှု များပြားလွန်းသည့် အတွက် နေရာမပေးနိုင်ကြောင်း အကြောင်းပြသည်။ မြန်မာကိုယ်စားလှယ်အဖွဲ့ဘက်မူ ဘာလင်ညီလာခံကို စီစဉ်ကျင်းပသူများအနေဖြင့် မြန်မာမှ ပါဝင် တက်ရောက်မည့်သူများကို ဖယ်ရှားရန် ရည်ရွယ်ချက်ရှိရှိ လုပ်ဆောင်ခဲ့ကြောင်း၊ ထို့အတွက် အမှန် တကယ်ပင်စိုးရိမ် မိကြောင်း ဆိုသည်။ “ဒီအခမ်းအနားရဲ့ နောက်ကွယ်က အမှန်တကယ် ရည်ရွယ်ချက်ကို ကျနော်တို့အတွက် မေးခွန်းထုတ် စရာ ဖြစ်ခဲ့သလို ဒီ ညီလာခံက ရခိုင်ပြည်နယ်မှာ ရှိတဲ့ အသိုင်းအဝိုင်း အားလုံးအတွက် ရေရှည်ခိုင်မြဲ မယ့် အဖြေတခုကို ရှာဖွေရေးနဲ့ ဆန့်ကျင် ဖက်ကို ပြောင်းသွားပြီး ပိုမိုရှုပ်ထွေးမှုတွေကို ဖန်တီးပေးမှာ လား ဆိုတဲ့ ကျနော်တို့ရဲ့ စိုးရိမ်ပူပန်မှုတွေကို တိုးစေပါတယ်” ဟု ကိုယ်စားလှယ် အဖွဲ့ဝင်များက သတင်းစာ ရှင်းလင်းပွဲတွင် ပြောသည်။ မြန်မာကိုယ်စားလှယ်အဖွဲ့သည် ဘာလင်ညီလာခံ တက်ရောက်ရန် ဖေဖော်ဝါရီလ ၂၂ ရက်နေ့က Eventbrite အွန်လိုင်း ပလက်ဖောင်းမှ တဆင့် မှတ်ပုံတင် စာရင်းသွင်းခြင်း ပြုလုပ်ရာ အောင်မြင် ကြောင်း အတည်ပြုချက်နှင့် လက်မှတ်များ ရရှိ ခဲ့သော်လည်း ဖေဖော်ဝါရီလ ၂၃ ရက်နေ့တွင် အဖွဲ့ဝင် များထံ အီးမေးလ်ပေးပို့၍ ညီလာခံတက် ရောက်ရန် စာရင်းသွင်းထားခြင်းကို ပယ်ဖျက်ကြောင်း ညီလာခံကျင်းပသည့် သူများဘက်မှ အကြောင်းကြားခဲ့ခြင်းဖြစ်သည်။ ဖေဖော်ဝါရီလ ၂၆ ရက်နေ့မှ စတင်၍ပြုလုပ်နေသည့် အဆိုပါညီလာခံသို နိုင်ငံတကာပညာရှင်များ၊ လူ့အခွင့်အရေး တက် ကြွလှုပ်ရှားသူများနှင့် ဗြိတိန် အခြေစိုက် မြန်မာရိုဟင်ဂျာ အဖွဲ့အစည်း ဥက္ကဋ္ဌ ရိုထွန်းခင်၊ ရိုဟင်ဂျာ ဘလော့ဂါ ရိုနေဆန်း လွင်၊ ရိုဟင်ဂျာ မီဒီယာ ဒါရိုက်တာနှင့် နယ်သာလန် အခြေစိုက် ဥရောပ ရိုဟင်ဂျာ ကောင်စီ ဥက္ကဋ္ဌ ရိုလှကျော် တို့အပါအဝင် ရိုဟင်ဂျာ အရေးနှင့် ပတ်သက်၍ မြန်မာလူထု၏ ဝေဖန်မှုခံနေရသည့် ဦးဟန်ညောင်ဝေနှင့် ဒေါက်တာ ဇာနည် တို့လည်း တက်ရောက် ဆွေးနွေး ကြမည်ဟု သိရသည်။ ဘာလင်ညီလာခံ တက်ရောက်သူများထဲ တွင် ကုလသမဂ္ဂ၏ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် ယန်ဟီးလီ လည်းပါဝင်ပြီး၊ သူသည် ရခိုင်ပြည်နယ် ပဋိပက္ခနှင့် ပတ်သက်၍ အစီရင်ခံစာရေးသားရာတွင် ရိုဟင်ဂျာများကို အရေးပေးဘက်လိုက်ခဲ့ ခြင်းအတွက် မြန်မာနိုင်ငံတွင်းသို့ ပြန်လာရေးကို တားမြစ်ခံခဲ့ရသူ ဖြစ်သည်။ The post ဘာလင်ညီလာခံ တက်ရောက်ရန် မြန်မာကိုယ်စားလှယ်အဖွဲ့ လျှောက်ထားမှု ပယ်ချခံရ appeared first on ဧရာဝတီ.
Source : http://ift.tt/2EUgt69
via IFTTT

7Day News Journal

ဆော်ဒီစစ်တပ် ထိပ်ပိုင်း ရာထူးများ ဘုရင့်အမိန့်ဖြင့် ညတွင်းချင်း အပြောင်းအလဲဖြစ် ဆော်ဒီအာရေးဘီးယား အစိုးရက စစ်တပ်၏ ထိပ်တန်း အကြီးအကဲ အချို့ကို ညတွင်းချင်း ရာထူးမှ ထုတ်ပယ်ခဲ့ကြောင်း သိရသည်။ ဖေဖော်ဝါရီ ၂၆ ရက် ညပိုင်းက တော်ဝင် မိသားစု ထုတ်ပြန်သည့် အမိန့်ဒီဂရီကို ချက်ချင်း အသက်ဝင်စေပြီး စစ်တပ်အတွင်း ထိပ်ပိုင်း ပုဂ္ဂိုလ်အချို့ကို ရှင်းလင်းခဲ့ခြင်း ဖြစ်သည်။ ဆော်ဒီဘုရင် ဆယ်လ်မန်သည် ကြည်းတပ်နှင့် လေကြောင်းကာကွယ်ရေးတပ် စစ်ဦးစီးချုပ်များကိုလည်း အပြောင်းအလဲ ပြုလုပ်ခဲ့သည်။ ယီမင်တွင် ဆော်ဒီ ဦးဆောင်သည့် အာရပ် မဟာမိတ် တပ်ဖွဲ့များ ပါဝင်တိုက်ခိုက်နေမှု၌ ရလဒ်ပိုင်း ကျေနပ်စရာ မရှိခဲ့ခြင်းက ယခု အပြောင်းအလဲများနှင့် တိုက်ရိုက် ဆက်စပ်နေဖွယ် ရှိနေသည်။ ယီမင် အစိုးရဘက်မှ ကူညီကာ ဟိုသီ သူပုန်များကို ဆော်ဒီက လေကြောင်းမှ တိုက်ခိုက်မှုများ ပြုလုပ်နေသည်မှာ သုံးနှစ်နီးပါး ကြာမြင့်ခဲ့ပြီ ဖြစ်သည်။ ဘုရင်၏ တိုက်ရိုက် အမိန့်ဖြင့် ရာထူး အပြောင်းအလဲများ ဖြစ်စေခဲ့သော်လည်း ထိုကိစ္စရပ်များ အားလုံးသည် အိမ်ရှေ့မင်းသား မိုဟာမက် ဘင်ဆယ်လ်မန်၏ ဆုံးဖြတ်ချက်ဟု ယုံကြည်ရသည်။ ဆော်ဒီ အစိုးရ အဖွဲ့တွင် ဩဇာအကြီးဆုံး ပုဂ္ဂိုလ်တစ်ဦးဖြစ်သော အိမ်ရှေ့မင်းသားသည် ကာကွယ်ရေး ဝန်ကြီးအဖြစ်လည်း တာဝန်ယူထားသည်။ ရာထူးမှ ဖယ်ရှားခံရသည့် စစ်ဘက် အကြီးအကဲများ စာရင်းတွင် လက်နက်ကိုင် တပ်ဖွဲ့များ၏ ဦးစီးချုပ် ဗိုလ်ချုပ်ကြီး အက်ဘ်ဒူလ် ရာမန် ဘင်ဆာလား အယ်လ်ဘွန်ယန်းလည်း ပါဝင်ခဲ့သည်။ ဘုရင်၏ အမိန့်ဖြင့် အရာရှိများကို ထုတ်ပယ်ပြီးသည်နှင့် ၎င်းတို့ နေရာကို အစားဝင်ရန် စစ်ဘက် အရာရှိ အချို့ကို ရာထူးချက်ချင်း တိုးမြှင့်ပေးခဲ့ကြောင်းလည်း သိရှိရသည်။
Source : http://ift.tt/2Cn9QaU
via IFTTT

ယခုႏွစ္ မႏၲေလး သၾကၤန္ပြဲေတာ္ ၌ “ေတာသၾကၤန္ညေဈး” အစီအစဥ္သစ္ ထည့္သြင္းမည္

ယခုနှစ် မန္တလေး သင်္ကြန်ပွဲတော် ၌ “တောသင်္ကြန်ညဈေး” အစီအစဉ်သစ် ထည့်သွင်းမည် ယခုနှစ် မန္တလေး သင်္ကြန်ပွဲတော်၌ ဒေသထွက် အစားအစာများ ရောင်းချမည့် “တောသင်္ကြန်ညဈေး” အမည်ရှိ အစီအ စဉ်သစ်ကို ထည့်သွင်းကျင်းပသွားမည် ဖြစ်ကြောင်း မန္တလေးမြို့တော် စည်ပင်သာယာရေး ကော်မတီဝင် ဦးကျော်ဆန်း မြင့်က ဧရာဝတီကို ပြောသည်။ “သင်္ကြန်အချိန် လာလည်တဲ့ နိုင်ငံခြားသားတွေ အတွက် ညပိုင်းမှာ သွားစရာသိပ်မရှိဘူး။ အဲဒီတော့ Tourist Attraction (ခရီးသွားတွေ ဆွဲဆောင်တဲ့နေရာ) တခုလည်း ဖြစ်သလို ကိုယ့် မြို့သူမြို့သားတွေ အတွက်လည်း ဖျော်ဖြေ ရေးလေးတခု ဖြစ်စေချင်တဲ့အတွက် အခုလို စီစဉ်တာဖြစ်ပါတယ်” ဟု ၎င်းက ပြောပြသည်။ တောသင်္ကြန်ညဈေးကို မန္တလေးမြို့ အရှေ့ဘက်ကျုံး ၆၆လမ်း၊ ၁၉လမ်းနှင့် ၂၄ လမ်းကြားတွင် ပြုလုပ်မည်ဖြစ်ပြီး ည ၇ နာရီမှ ၁၂ နာရီအထိ ခွင့်ပြုရန် လျာထားကြောင်း ယင်းညဈေးတွင် ရိုးရာ အစားအသောက်များ လာရောက် ရောင်းချ လိုသူများ အတွက် အခမဲ့ ဖွင့်လှစ် ရောင်းချခွင့်ပြုမည် ဖြစ်ကြောင်းလည်း ပြောဆိုသည်။ တောသင်္ကြန် ညဈေးတွင် မန္တလေးမြို့၏ နာမည်ကြီး ဒေသထွက် အစားအစာများဖြစ်သော ထိုးမုန့်၊ လက်ဖက်၊ ထမနဲ စသည်တို့ အပါအဝင် ဘုရားပွဲဈေး တို့တွင် ရောင်းချသည့် ရိုးရာ သရေစာများကိုလည်း ရောင်းချနိုင်မည် ဖြစ်ပြီး ကျန်းမာရေး နှင့် ညီသော အစားအသောက်များ ဖြစ်ရန်အတွက် မန္တလေးတိုင်း စားသောက်ကုန် လုပ်ငန်းရှင်များ အသင်း က ကြပ်မတ် ဆောင်ရွက်သွားမည်ဟု မန္တလေး စည်ပင်မှ သိရသည်။ ဖျော်ဖြေရေး အနေဖြင့် မြို့တော်ဝန်မဏ္ဍပ်မှ သီဆိုဖျော်ဖြေမှု၊ ရုပ်သေးပြပွဲ အပြင် ပိတ်ကားထောင်၍ ရုပ်ရှင်ပြသခြင်း ကို ထည့်သွင်းထားပြီး ပြသမည့် ရုပ်ရှင်ပြစက်များကို ရှေးခေတ်က ပြသခဲ့သော စက်အဟောင်းများဖြင့် ပြသမည် ဖြစ် ရာ မန္တလေးမြို့ရှိ ရီမြင့် ရုပ်ရှင်ထုတ်လုပ်ရေး အကူအညီဖြင့် စီစဉ်ထားသည်ဟု သိရသည်။ ထို့ပြင် အမှတ်တရ လက်ဆောင် ပစ္စည်းဆိုင်များ စာအုပ်ဆိုင်များကိုလည်း ဖွင့်လှစ်ခွင့်ပြုမည်ဟု ဦးကျော်ဆန်းမြင့် က ဆက်လက် ပြောသည်။ ညအချိန်များ၌ မန္တလေးကျုံးဘေးတွင် ရိုက်မှု၊ လုယက်မှု မကြာခဏ မှုခင်း ဖြစ်ပွားလေ့ရှိရာ ညဈေးပြုလုပ်မည် ဆိုပါက အများပြည်သူ လုံခြုံရေးကို အထူးကြပ်မတ် ဆောင်ရွက်ပေးရန် လိုအပ်ကြောင်း မန္တလေးမြို့ခံများ က ပြောဆိုကြ သည်။ မန္တလေးမြို့ခံ ဧည့်လမ်းညွှန် ကိုအောင်ကျော်မြင့်က “ဒီကိုလာတဲ့ နိုင်ငံခြားသား တော်တော်များများက ထိုင်းလို သင်္ကြန် မို့ သီးသန့်လာတာ ရှားတယ်လေ။ ကြုံကြိုက်လို့ ပျော်ကြတာများတယ်။ အဲဒါကြောင့် တကယ် ဆွဲဆောင်ချင် တယ် ဆိုရင်တော့ စလုပ်တဲ့နှစ်မှာ နာမည်ကောင်းရရင်တော့ ဆွဲဆောင်နိုင်စရာဖြစ်လာမှာပါ။ အဲဒီအတွက် လုံခြုံရေး ကို ကောင်းကောင်း လုပ်ပေးနိုင်ဖို့လိုသလို အရေးအကြောင်းဆို ချက်ချင်း အကူအညီပေးနိုင်တဲ့ အစီအမံ တွေရှိထားဖို့ လည်း လိုမယ်”ဟု ဧရာဝတီသို့ ပြောသည်။ တောသင်္ကြန်ညဈေး လုံခြုံရေးနှင့် ပတ်သက်၍ “တိုင်းရဲတပ်ဖွဲ့က သင်္ကြန်လုံခြုံရေး စီမံချက် ဆွဲပြီးသွားသလို အဲဒီ နေရာတွေမှာ အခုထက် ပိုကောင်းတဲ့ စီစီတီဗီတွေ တပ်ဖို့လည်း စီစဉ်နေတယ်။ သင်္ကြန်မှာ တိုင်းရဲတပ်ဖွဲ့နဲ့ စည်ပင်ရဲ ပေါင်းပြီး နေရာသုံးနေရာမှာ လုံခြုံရေး ယူပေးပါမယ်”ဟု စည်ပင်ကော်မတီဝင် ဦးကျော်ဆန်းမြင့်ကလည်း ပြောပြ သည်။ ယခုနှစ် မန္တလေးသင်္ကြန်၌ ပြီးခဲ့သည့် ၂၀၁၇ ခုနှစ်ကဲ့သို့ တောင်ဘက်ကျုံးတွင် လမ်းလျှောက် သင်္ကြန်၊ မြောက်ကျုံးနှင့် အရှေ့ဘက်ကျုံး (မြောက်ခြမ်း)တွင် ရေပက်မဏ္ဍပ်များ၊ အနောက်ဘက်ကျုံးတွင် တပိုင်တနိုင် ရေစုပ်စက်ဖြင့် မိသားစု များ လာရောက် ရေကစားနိုင်ရန် စီစဉ်မည်ဖြစ်ပြီး ညပိုင်းတွင် တောသင်္ကြန်ညဈေးနှင့် မြို့တော်ဝန် ဗဟိုမဏ္ဍပ်တို့ ရှိမည် ဖြစ်ကြောင်း စည်ပင်မှ သိရသည်။ The post ယခုနှစ် မန္တလေး သင်္ကြန်ပွဲတော် ၌ “တောသင်္ကြန်ညဈေး” အစီအစဉ်သစ် ထည့်သွင်းမည် appeared first on ဧရာဝတီ.
Source : http://ift.tt/2BTlNnA
via IFTTT

သင္ယူစရာမ်ားနဲ႔ ျပည့္ႏွက္ေနတဲ့ Coco Animation Movie (2017)

သင်ယူစရာများနဲ့ ပြည့်နှက်နေတဲ့ Coco Animation Movie (2017) Walt Disney နဲ့Pixar တို့ရဲ့နောက်ဆုံးထွက် Animation ရုပ်ရှင်ဇာတ်ကားဖြစ်တဲ့ Coco ဇာတ်လမ်းကို ကြည့်ရင်းနဲ့ ရရှိနိုင်မယ့် အနှစ်သာရနဲ့ ပေးချင်တဲ့ သင်ခန်းစာက တော်တော်ကို သဘောကျစရာ ကောင်းပါတယ်။ IMDB rating (8.6) ရရှိထားပြီး Emotional Story တပုဒ်လို့လည်း ပြောလို့ရပါတယ်။ Animation ပိုင်းကို လှလှပပနဲ့ အရောင်စုံစုံလင်လင် ရိုက်ပြထားပြီး Sound Track အပိုင်းမှာတော့ ဒီဇာတ်ကားရဲ့ ဇာတ်ဆောင်ဖြစ်တဲ့ Miguel နေရာကို အသံ သရုပ်ဆောင်ထားတဲ့ Anthony Gonzalez ဆိုတဲ့ ကောင်လေးကိုတော့ မချီးကျူးဘဲ မနေနိုင်ပါဘူး။ ဇာတ်လမ်းကတော့ ဒီလိုပါ။ Mexican ရွာတရွာမှာ ဖိနပ်လုပ်ငန်း လုပ်ကိုင်နေတဲ့ မိသားစုရဲ့ မိသားစုဝင် တယောက်ဖြစ်တဲ့ ၁၂ နှစ်အရွယ် ကောင်လေး Miguel ဟာ ဂီတကို ရူးသွပ်ပြီး ဂီတသမားတယောက် ဖြစ်ချင်သူပါ။ သူ့ရဲ့မိသားစုတွေကတော့ ဂီတနဲ့ ပတ်သက်လာရင် အိမ်မှာ လေချွန်သံတောင် မကြားချင်တဲ့သူတွေပါ။ Miguel ရဲ့ မိသားစုတွေဟာ ဂီတကို ဘာလို့စိတ်နာနေလဲဆိုတဲ့ အကြောင်းကလည်း ရှိနေပါသေးတယ်။ တခါတရံမှာ ကိုယ်လုပ်ချင်တဲ့ ကိုယ့်ရဲ့ဝါသနာနဲ့ မိသားစုရဲ့ တားမြစ်မှုတွေကြား ကတောက်ကဆ ဖြစ်တတ်တာတွေ ရှိပါတယ်။ ဒီအခါမှာ ဘယ်လိုမျိုး အကျိုးသင့် အကြောင်းသင့် လုပ်သင့်တယ်ဆိုတာကိုပါ Coco က သင်ပြပေးထားပါတယ်။ Coco ဇာတ်ကားဟာ ၂၀၁၇ ခုနှစ်ရဲ့အကောင်းဆုံး Animation ဇာတ်ကား စာရင်းဝင် ဇာတ်ကားတကား ဖြစ်ပြီး “Golden Globe Awards” မှာလည်း Best Original Song အတွက် Nominee ဝင်ထားပါတယ်။ ဇာတ်လမ်းအစကနေ အဆုံးအထိ ကြည့်ချင်အောင် ဆွဲခေါ်သွားနိုင်တဲ့ ဇာတ်ကားကောင်း တကောင်းမို့လို့ ညွှန်းဆိုလိုက်ပါတယ်။ The post သင်ယူစရာများနဲ့ ပြည့်နှက်နေတဲ့ Coco Animation Movie (2017) appeared first on ဧရာဝတီ.
Source : http://ift.tt/2sZ7Th4
via IFTTT

အသားအေရ၊ ဆံေကသာ၊ သြား က်န္းမာေရးတို႔အတြက္ အသုံးဝင္တဲ့ အုန္း

အသားအရေ၊ ဆံကေသာ၊ သွား ကျန်းမာရေးတို့အတွက် အသုံးဝင်တဲ့ အုန်း အုန်းသီးကနေ ရရှိတဲ့ အုန်းဆီဟာ ဆံကေသာ ကျန်းမာရေးအတွက် အလွန်အသုံးတည့်တဲ့ သဘာဝပစ္စည်း တမျိုး ဖြစ်ပါတယ်။ ပျက်စီးနေတဲ့ ဆံပင်ကို ပြုပြင်ထိန်းသိမ်းဖို့နဲ့ ခြောက်သွေ့တဲ့ အရေပြားအတွက် အုန်းဆီဟာ အထူးပဲ ကောင်းမွန်လှပါတယ်။ ခေါင်းမလျှော်ခင်မှာ အုန်းဆီကို ဦးခေါင်းအနှံ့လိမ်းပေးပြီး နာရီဝက်ခန့်ထားပြီးမှ ခေါင်းလျှော်ပေးမယ် ဆိုရင်တော့ ဆံကေသာတွေ မည်းနက် ပျော့ပျောင်းပြီး ဗောက်ထခြင်းကို သက်သာပျောက်ကင်းစေမှာ ဖြစ်ပါတယ်။ ဆံပင်ကျွတ်တဲ့သူတွေ ဆံသား ပျက်စီးတဲ့သူတွေအတွက် အုန်းဆီက အထိရောက်ဆုံး ပြုပြင်ပေးနိုင်ပါတယ်။ အုန်းဆီရဲ့နောက်ထပ်အသုံးဝင်တဲ့ အချက်ကတော့ အုန်းဆီ အနည်းငယ်ကို သွားဖုံးနဲ့သွားတွေမှာ အနည်းငယ် ပွတ်တိုက် ပေးမယ်ဆိုရင် သွားကျဉ်ခြင်းကို သက်သာစေနိုင်ပြီး သွားတွေကို ဖြူစင်သန့်ရှင်းစေမှာ ဖြစ်ပါတယ်။ ခံတွင်းနဲ့ သွားအတွင်းမှ ပိုးမွှားနဲ့ အညစ်အကြေးတွေကို ဖယ်ရှားနိုင်ဖို့ မနက်အိပ်ရာ ထချိန်တိုင်း အုန်းဆီနဲ့ ပလုတ်ကျင်းပေး နိုင်ပါတယ်။ ဒီလို အုန်းဆီနဲ့ပလုတ်ကျင်းပေးပြီးရင်တော့ သွားပြန်တိုက်ပေးဖို့လိုပါတယ်။ ဒီနည်းလမ်းဟာ အိန္ဒိယမှာ နှစ်ပေါင်းများစွာ အသုံးပြုနေတဲ့ နည်းလမ်းဖြစ်ပြီးတော့ အမေရိကန်နိုင်ငံမှာတော့ ၁၉၉၀ ခုနှစ်နောက်ပိုင်းလောက်မှာ စတင် အသုံးပြုလာခဲ့တာ ဖြစ်ပါတယ်။ လူ့ခန္ဓာကိုယ်မှာ ခြောက်သွေ့ပြီး ရေဓာတ်နည်းတဲ့ အပိုင်းတွေ အများကြီး ရှိပါတယ်။ အုန်းဆီကို အရေပြားပေါ်မှာ လိမ်းပြီး နှိပ်နယ်ပေးမယ်ဆိုရင် အသားပတ်ခြင်း၊ အက်ကွဲခြင်းတွေကို သက်သာစေပြီး အိုမင်းရင့်ရော်စေတဲ့ အရေးအကြောင်းတွေ လည်း နှောင့်နှေးစေပါတယ်။ အမာရွတ်တွေနဲ့ အကြောပြတ်တာတွေ အတွက် အုန်းဆီဟာ အကောင်းဆုံး Essential oil ဖြစ်ပြီး ဘက်တီးရီးယားတွေ၊ ဗိုင်းရပ်စ်တွေနဲ့ အရေပြားပေါ်မှာ ဖြစ်တတ်တဲ့ မှိုတွေကိုလည်း ထိထိရောက်ရောက် ကာကွယ်ပေးနိုင်ပါတယ်။ Ref : byrdie.com The post အသားအရေ၊ ဆံကေသာ၊ သွား ကျန်းမာရေးတို့အတွက် အသုံးဝင်တဲ့ အုန်း appeared first on ဧရာဝတီ.
Source : http://ift.tt/2EYjZsi
via IFTTT

နယ္စပ္ျဖတ္ေက်ာ္ အၾကမ္းဖက္ဝါဒႏွင့္ ARSA

နယ်စပ်ဖြတ်ကျော် အကြမ်းဖက်ဝါဒနှင့် ARSA အိန္ဒိယနိုင်ငံ ဂါဇီယာဘတ် Ghaziabad မြို့အနီးမှ သူတို့၏ ဟောင်းနွမ်းစုတ်ပြတ်နေသော တိုက်ခန်း၏ မြေညီထပ်တွင် ထိုင်ရင်း ခါလီမူလာ Khalimullah နှင့် ဖိုင်ဇော Faizal တို့က ဘင်္ဂလားဒေ့ရှ်နိုင်ငံ ကော့စ်ဘဇား Cox’s Bazar ရှိ ဒုက္ခသည်စခန်းများတွင် နေထိုင်သော ရိုဟင်ဂျာ ဒုက္ခသည် ၇၀၀၀၀၀ ကျော်၏ ကံကြမ္မာကို ဆွေးနွေးခဲ့ကြသည်။ သူတို့ကို တယ်လီဗီးရှင်းက စိတ်အနှောက်အယှက် ပေးနေသည်။ ရခိုင်ပြည်နယ်တွင် မြန်မာလုံခြုံရေးတပ်ဖွဲ့များကို ရခိုင်ရိုဟင်ဂျာ ကယ်ဆယ်ရေးတပ်မတော် (ARSA) က ဇန်နဝါရီလ ၅ ရက်နေ့တွင် ခြုံခိုတိုက်ခိုက်မှုတခု ပြုလုပ်ခဲ့သည့် သတင်းလာနေခြင်း ဖြစ်သည်။ ခါလီမူလာနှင့် ဖိုင်ဇောတို့သည် လွန်ခဲ့သော တနှစ်ခန့်က အိန္ဒိယသို့ ရောက်လာသော ရိုဟင်ဂျာများ ဖြစ်ကြသည်။ ရခိုင် ပြည်နယ်မှ အခြေအနေများကို အဝေးမှ စောင့်ကြည့်နေခဲ့ကြသည်။ သူတို့၏ ဘဝက အကောင်းဆုံး မဟုတ်ဟု ဆိုလျှင်ပင် ကော့စ်ဘဇားရှိ ဒုက္ခသည် စခန်းများတွင် နေထိုင်သူများထက် များစွာသာ လွန်ပါသည်။ သူတို့က ရခိုင်ပြည်နယ် မြောက်ပိုင်းမှ သူတို့ အိမ်များသို့ ပြန်ချင်သည်။ သို့သော်လည်း ARSA ကို ထောက်ခံကြပုံရသည့် အခြားရိုဟင်ဂျာ ဒုက္ခသည် အများစုကဲ့သို့ မဟုတ်ဘဲ သူတို့က ကွဲပြားသော ခံစားချက်ရှိသည်။ ဇန်နဝါရီလ ၅ ရက်နေ့ တိုက်ခိုက်မှု အပြီး ရက်အနည်းငယ် အကွာတွင် ခါလီမူလာက ဒေလီရှိ ကျနော်၏ ဂျာနယ်လစ် မိတ်ဆွေတဦးကို ချဉ်းကပ်၍ ပဋိပက္ခတွင် ARSA ၏ ပါဝင်ပတ်သက်မှုက ရိုဟင်ဂျာတို့၏ ဒုက္ခကို ပိုဆိုးဝါးစေခဲ့သည်ဟု ပြောသည်။ “(မြန်မာနိုင်ငံက အကြမ်းဖက် အုပ်စုအဖြစ် ကြေညာခံထားရသော) ARSA က သူတို့ဟာ ရိုဟင်ဂျာ အရေး အတွက် ကယ်တင်ရှင်တွေလို့ သူတို့ကိုယ်သူတို့ ဖော်ပြဖို့ ကြိုးစားလေလေ အခြေအနေတခုလုံးက ပိုရှုပ်ထွေးသွားလေ ဖြစ်လိမ့်မယ်” ဟု သူက ပြောသည်။ ခါလီမူလာနှင့် သဘောတူဖို့အတွက် ဖြစ်လာရသည်မှာ ARSA က ဦးဆောင်သည့် တိုက်ခိုက်မှုက မည်မျှပင် သေးငယ်သည် ဖြစ်စေ တပ်မတော်၏ ပြင်းထန်သော တုန့်ပြန်မှုကို ဆွပေးသလိုသာ ဖြစ်ပြီး ကြီးမားသော နိုင်ငံရေး သက်ရောက်မှု တခုလည်း ရှိသောကြောင့် ဖြစ်သည်။ အလားတူ စိုးရိမ်မှုမျိုးကို အသိအမြင်များသော နိုင်ငံရေး လေ့လာဆန်းစစ်သူ တဦးဖြစ်သည့် ရန်ကုန် အခြေစိုက် လေ့လာဆန်းစစ်သူ တဦး ဖြစ်သော ရစ်ချတ်ဟိုဆေး Richard Horsey က နယူးယောက်တိုင်းမ် New York Times နှင့်ပြုလုပ်သော အင်တာဗျူးတွင် ထုတ်ဖော်ပြောကြားခဲ့သည်။ မြန်မာ့တပ်မတော်သည် ARSA ၏ သြဂုတ်လ ၂၅ ရက်က တိုက်ခိုက်မှုများအတွက် လက်တုန့်ပြန်ရာတွင် ရိုဟင်ဂျာ အရပ်သားများအပေါ် ကျူးလွန်ခဲ့သည်ဆိုသော ရက်စက်မှုများနှင့် ပတ်သက်သော စွပ်စွဲမှုများကို ဆက်လက် ငြင်းဆန်ရင်း လတ်တလောတွင် အရှက်ရစရာ အများအပြား ရှိနေသည်။ မကြာသေးမီက အလောင်းများ မြှုပ်နှံထားသည့် မြေပုံတခု တွေ့ရှိခဲ့ရခြင်းကလည်း ရိုဟင်ဂျာများကို ဦးတည်သည့် မျိုးတုန်းသတ်ဖြတ်မှုဆိုသော ကုလသမဂ္ဂ၏ စိုးရိမ်ပူပန်မှုများကို မှန်ကန်ကြောင်း သက်သေပြခြင်း ဖြစ်နိုင်ပါသည်။ သို့သော်လည်း အဆိုပါစွပ်စွဲမှုများအတွက် လွတ်လပ်သော စုံစမ်း စစ်ဆေးမှုတခု ပြုလုပ်ရန် ကျနော်တို့က တောင်းဆိုရင်း (အစားထိုးစရာ မရှိခြင်းလည်း ဖြစ်ကောင်းဖြစ်နိုင်ပါသည်) ARSA ၏ နောက်သို့ လိုက်၍ နောက်ထပ် မီးမမွှေးမိအောင် တားဆီးရန် ထပ်တူထပ်မျှ အရေးတကြီး လိုအပ်နေပါသည်။ ယနေ့ အချိန်တွင် ARSA ၏ ကိုယ်စားပြုမှုက အငြင်းပွားဖွယ်ရာ ဖြစ်ပါသည်။ သို့သော်လည်း နိုင်ငံတကာ ထိပ်တန်း မီဒီယာ များက ၎င်းတို့ကို ခုခံရေး အဖွဲ့တခု သို့မဟုတ် လက်နက်ကိုင် ပုန်ကုန်သည့် အဖွဲ့အစည်းတခု အဖြစ်ခေါ်ကြသည့် အချိန် တွင် လျှော့လျှော့ပေါ့ပေါ့ ပြောရလျှင် အနည်းငယ် ရယ်စရာ တခုလို ဖြစ်နေပါသည်။ စူးစမ်းချင်စရာ အကောင်းဆုံးမှာ ARSA က လူသိများသည့် အကြမ်းဖက် အဖွဲ့များထဲမှ တခု ဖြစ်သည့် Jamaat-Ud Daawah (ပါကစ္စတန် အခြေစိုက် Laskhar-e-Taiba ၏ နောက်ထပ် နာမည်တမျိုး) နှင့် ဆက်သွယ်မှုများ ရှိခဲ့သလား၊ လျှို့ဝှက်သင်တန်းများ အတွက် အကူအညီများ ရရှိခဲ့သလား ဆိုခြင်း ဖြစ်သည်။ အိန္ဒိယ ထောက်လှမ်းရေး အဖွဲ့အစည်း များက ထိုအကြောင်းကို မီဒီယာတွင် တကြိမ်မက ပြောကြားခဲ့ကြပြီး ဖြစ်သည်။ အမှန်တကယ်တွင် ထိုသင်တန်းများ ကိစ္စ က ARSA ကေဒါများက သူတို့အကြောင်းကို မီဒီယာတွင် ပွင့်ပွင့်လင်းလင်း ပြောပြလာချိန်၊ ထိုအချက်ကို ထောက်ခံသည့် သတင်းထုတ်ပြန်ချက်များ ထုတ်ပြန်လာချိန်တွင် လျှို့ဝှက်ချက်တခု မဟုတ်တော့ပါ။ ARSA က ပါကစ္စတန်တွင် Laskhar-e-Taiba နှင့် Jaish-e-Mohammed တို့၏ အရိပ်အောက်၌ ယုံကြည်ချက်လှုပ်ရှားမှု အဖွဲ့ (Harakah al-Yaqin )အနေဖြင့် စတင် ပေါ်ပေါက်လာခဲ့သည်။ နောက်ပိုင်းကျမှသာ ARSA အမည်သို့ ပြောင်းလဲခဲ့ ခြင်း ဖြစ်သည်။ တိုက်ခိုက်မှုများ ပိုမိုပြုလုပ်ရန် ခြိမ်းခြောက်သည့် ကြေညာချက်များ ပွင့်ပွင့်လင်းလင်း ထုတ်ပြန်ခဲ့ခြင်းအား ကြည့်လျှင်ပင် ၎င်းတို့အဖွဲ့သည် သန်းနှင့် ချီသော အိုးအိမ်မဲ့ ရိုဟင်ဂျာ မွတ်ဆလင်များအတွက် အဖြေတခုကို ဦးတည်၍ လုပ်ကိုင်ရန် ရည်ရွယ်ချက်မရှိဟု ထင်မြင် ယူဆနိုင်ပါသည်။ လက်နက်ကိုင် တိုက်ခိုက်မှုကို တချိန်က ထောက်ခံခဲ့သော ခါလီမူလာကပင် ARSA ကို ကိုယ်စားပြုအဖွဲ့အစည်းတခု အနေဖြင့် မမြင်ခဲ့ပါ။ အိန္ဒိယ မီဒီယာမှ တဆင့် အခြားသူများထက် ပို၍ သိထားခြင်းကြောင့်လည်း ဖြစ်နိုင်ပါသည်။ အမေရိကန် နိုင်ငံက တားမြစ်ပိတ်ပင်ခြင်း ခံထားရသော Jaish နှင့် Laskhar တို့ကဲ့သို့သော အစ္စလမ်မစ် အကြမ်းဖက် အဖွဲ့များ နှင့် ARSA ၏ ဆက်သွယ်မှုများကို ခြေရာခံရန် အိန္ဒိယ မီဒီယာက အထူးကြိုးစား အားထုတ်ခဲ့သည်။ ARSA ၏ ခေါင်းဆောင်ဖြစ်သူ အတ္တာအူလာ Ata-Ullah က ကရာချိတွင် မွေးဖွားခဲ့ပြီး အရိပ်အောက်၌ ယုံကြည်ချက်လှုပ်ရှားမှု အဖွဲ့ (Harakah al-Yaqin ) ကို ထူထောင်ခဲ့ကြောင်း ပြီးခဲ့သည့် နှစ် အနည်ငယ်အတွင်းတွင် အိန္ဒိယ မီဒီယာက မှန်မှန်ဖော်ပြ ခဲ့သည်။ Lashkar-e-Taiba ၊ Jaish-e-Mohammad နှင့် အခြားသော ပါကစ္စတန် အခြေစိုက် အဖွဲ့များနှင့် သူ၏ ကြားမှ ဆက်သွယ်မှုများနှင့် ဆိုင်သော အမှုတွဲများ၊ အိန္ဒိယနိုင်ငံရှိ ရိုဟင်ဂျာ အမျိုးသားအချို့တို့ကြားမှ လတ်တလော တယ်လီဖုန်း ဆက်သွယ်မှုများ နှင့် ပတ်သက်သည့် အိန္ဒိယ ထောက်လှမ်းရေး အဖွဲ့များ၏ မှတ်တမ်းများက ရိုဟင်ဂျာ ဒုက္ခသည်များကို အိန္ဒိယ နိုင်ငံမှ ပြန်လည်နှင်ထုတ်ရေးကို အားပေးသည့် ဖက်၌ အိန္ဒိယ အစိုးရကို ခိုင်ခိုင်မာမာ ရပ်တည်စေရန် ဖြစ်လာ ခဲ့သည်။ အကြမ်းဖက် အဖွဲ့အစည်းများနှင့် ပတ်သက်မှု အထောက်အထားများ အပါအဝင် ARSA အကြောင်းကို အိန္ဒိယ နှင့် နိုင်ငံ တကာ မီဒီယာတွင် အများအပြား ရေးသား ပြောဆိုခဲ့ကြပြီး ဖြစ်သည်။ ဥပမာပြရလျှင် ၂၀၁၂ ခုနှစ်က ဖြစ်ပွားခဲ့သော ရို ဟင်ဂျာ မွတ်ဆလင်များနှင့် ဗုဒ္ဓဘာသာဝင်များကြားမှ ပဋိပက္ခနောက်ပိုင်းတွင် အတ္တာအူလာက ဖွဲ့စည်းခဲ့သည့် ယုံကြည်ချက် လှုပ်ရှားမှု အဖွဲ့ (Harakah al-Yaqin )သည် Aqa Mul Mujahideen အဖွဲ့နှင့် ဆက်နွယ်မှုကောင်းကောင်း ရှိသည်။ Abdus Qadoos Burmi အမည်ရှိ ရိုဟင်ဂျာတဦးက ဦးဆောင်သော Harakat ul Jihad al-Islami-Arakan အဖွဲ့သည် ARSA အဖွဲ့ နိုင်ငံတကာ၏ ထောက်ခံမှု ရရှိရေး အတွက် စီမံနေသည်ဟု ဆိုကြသည်။ Al-Qaeda ၏ ကက်ရှ်မီးယားမှ အဖွဲ့ခွဲ တခု ဖြစ်သည့် Answar Gazawat-ul-Hind က အိန္ဒိယ နိုင်ငံတွင် ရိုဟင်ဂျာ အရေးကို တက်ကြွစွာ လှုပ်ရှားနေသည်။ ထို့ကြောင့် ရိုဟင်ဂျာ ဒုက္ခသည်အရေးတွင် အကြမ်းဖက်ရှုထောင့်နှင့် ပတ်သက်၍ အိန္ဒိယ အစိုးရနှင့် အိန္ဒိယ အရပ်ဖက် အ ဖွဲ့အစည်း အများစုက စိုးရိမ်နေကြသည်မှာ အကြောင်းရှိပါသည်။ သူတို့၏ သတိပေးမှုက သဘာဝကျပြီး အချို့သူများ အကြောင်းရှာပြီး ပြောကြသလို အစ္စလမ် မုန်းတီးခြင်းနှင့် လုံးလုံးလျားလျား သက်ဆိုင်ခြင်း မရှိပါ။ ထို့ကြောင့် နိုင်ငံတကာမီဒီယာက (Al Jazeera က “မြန်မာနိုင်ငံမှ ARSA၊ လွတ်လပ်ရေးအတွက် တိုက်ခိုက်သူများလား သို့ မဟုတ် အကြမ်းဖက်သမားများလား” ဟု သတင်းရေးသားခဲ့သလို ကိစ္စမျိုးတွင်) အိန္ဒိယ နိုင်ငံက မြန်မာနိုင်ငံ၏ နယ်မြေ ရှင်းလင်းမှု စစ်ဆင်ရေးများကို ကျောထောက်နောက်ခံပေးနေသလို ဖော်ပြသည့် အချိန်တွင် သူတို့၏ ဖော်ပြမှုက အလွန်ပင် ရပ်တည်မှု လွဲမှားခြင်းနှင့် ပြဿနာ၏ အလုံးစုံကို ကြည့်ရှုရန် ငြင်းပယ်သော မျက်တောင်တဆုံးအမြင် သို့မဟုတ် အဝေးမှုန်ခြင်းကို ရောင်ပြန်ဟပ်ပြနေသည်။ ထိုကိစ္စနှင့် ပတ်သက်၍ အိန္ဒိယ သို့မဟုတ် တရုတ်နိုင်ငံတို့က ရိုဟင်ဂျာများကို ချေမှုန်းရေးနှင့် ပတ်သက်၍ မြန်မာနိုင်ငံကို ကူညီရန် မည်သည့် အားထုတ်မှုမျှ မပြုလုပ်ခဲ့ကြပါ။ နယူးဒေလီ အခြေစိုက် ပညာရှင် အဖွဲ့အစည်းတခု ဖြစ်သည့် Center for Policy Research မှ ပါမောက္ခ ဘရာမာချယ်လန်နီ Brahma Chellaney က “ရိုဟင်ဂျာတွေရဲ့ လက်ရှိ ဒုက္ခတွေအတွက် ရခိုင်ပြည်နယ်ထဲက တိုက်ခိုက်မှုတွေကို လှုံ့ဆော်ပေးခဲ့တဲ့ ပြင်ပအင်အားစုတွေမှာ ကြီးမားစွာ တာဝန်ရှိပါတယ်” ဟု မကြာသေးခင်က ပြောကြားခဲ့သည်။ ARSA နှင့် အမုန်းစကားများ ပြောကြားနေကြသော၊ သူတို့၏ ရည်မှန်းချက်အတွက် အကြမ်းဖက်မှုကို လက်နက်သဖွယ် အသုံးပြုနေကြသော ပြင်ပအင်အားစုများကြားမှ ဆက်သွယ်ချက် တိုက်ဆိုင်မှုများ အများအပြား ရှိနေသည့် အတွက် ဘရာမာချယ်လန်နီ၏ စကားက နည်းလမ်းအမျိုးမျိုးဖြင့် ပစ်မှတ် ဗဟိုကို ထိမှန်ခဲ့ကြောင်း ကျနော်ပြောရလိမ့်မည် ဖြစ်သည်။ သို့သော်လည်း နိုင်ငံတကာ မီဒီယာကို ချွေးသိပ်ရေး တပ်ထားသည့် ပျော့ပြောင်းသည့် ခုခံရေးအဖွဲ့ဆိုသည့် တံဆိပ်နှင့် ဆက်သွားသည်ဆိုလျှင်ပင် ARSA ရှိနေခြင်းက အကောင်းထက် အဆိုးပို ဖြစ်ခဲ့သည်ဟု ပြောပါက မှားသည်ဟု ဆိုနိုင်ပါသလား။ ARSA အတွက် စိုးရိမ်စရာ မရှိခဲ့လျှင် ပို၍ အရေးကြီးသည့် လူမျိုးဖြုတ်သန့်စင်ရေး ဆိုင်ရာ စွပ်စွဲချက်များကို ဖြေရှင်းရန် အခွင့်အရေး ဒေါ်အောင်ဆန်းစုကြည်နှင့် သူ၏ အစိုးရအတွက် ပို၍ လွယ်ကူစွာ ဖမ်းဆုပ် သွားခဲ့မည်မှာ သေချာပါသည်။ အစီရင်ခံစာ တင်သွင်းပြီး ၂ ရက်အကြာတွင် ပေါ်ပေါက်ခဲ့သော ARSA ဦးဆောင်သည့် တိုက်ခိုက်မှုနှင့် အတူ ထိုအခွင့် အရေးက လွင့်ပါးသွားခဲ့ရသည်။ ARSA ၏ တိုက်ခိုက်မှုများ ဆက်လက်ရှိနေခြင်းနှင့် တပ်မတော်၏ တုန့်ပြန်မှုတို့က ပိုမို၍ ဒီမိုကရေစီ နည်းလမ်းကျ၍ ပွင့်လင်းမြင်သာသော ပြန်လည်ပို့ဆောင်ရေး လုပ်ငန်းစဉ်နှင့် ပြန်လာသော ရိုဟင်ဂျာများကို အကာအကွယ်ပေးရေးများကို အကန့်အသတ် ဖြစ်စေခဲ့သည်။ လွတ်လပ်သော စုံစမ်းစစ်ဆေးမှုတခု ပြုလုပ်ခွင့်နှင့် ရခိုင်ပြည်နယ် မြောက်ပိုင်းသို့ လူသားချင်းစာနာ ထောက်ထားမှုဆိုင်ရာ အကူအညီပေးရေး အဖွဲ့အစည်းများနှင့် မီဒီယာများ ဝင်ရောက်ခွင့်ပြုရေး ဒေါ်အောင်ဆန်းစုကြည်နှင့် မြန်မာ အစိုးရ အပေါ် ဖိအားပေးမှုများ ဆက်လက်ပြုလုပ်ရမည် ဖြစ်သည်။ သို့သော်လည်း ARSA နှင့် ၎င်းတို့၏ အကြမ်းဖက် နည်းလမ်းများကို ထိန်းချုပ် ဟန့်တားရေး အတွက်လည်း နိုင်ငံတကာ ဖိအားပေးမှုတခုကို အနှေးနှင့် အမြန်ဆိုသလို စတင် အကောင်အထည် ဖော်ရမည် ဖြစ်သည်။ ၎င်းတို့၏ ပြည်သူများအရေး တိုက်ခိုက်သည် ဆိုသည့် ARSA ၏ အကြောင်းပြရှင်းလင်းမှုတွင် ဝိရောဓိဖြစ်ဖွယ်ရာ များစွာ ရှိပါသည်။ ကျယ်ပြန့်သည့် အစ္စလမ်မစ် အကြမ်းဖက်ကွန်ရက်များနှင့် ဘင်္ဂလားဒေ့ရှ် နိုင်ငံ အတွင်းရှိ စစ်သွေးကြွများမှ တင်ပို့သော လက်နက်များ ကော့စ်ဘဇားရှိ ဒုက္ခသည် စခန်းများတွင် တဟုန်ထိုး များပြားလာခြင်းကြောင့် ARSA ၏ အစီအစဉ် အစစ်အမှန်နှင့် ပတ်သက်၍ မေးခွန်းများ မြင့်တက်လာစေသည်။ မြန်မာနိုင်ငံသို့ ပြန်သွားရေး တောင်းဆိုကြသည့် ဒါဇင်ဝက်ကျော်ခန့်ရှိသော ဒုက္ခသည်စခန်းခေါင်းဆောင်များကို အဆိုပါ လက်နက်များကို အသုံးပြု၍သတ်ဖြတ်ခြင်းဖြင့် အသံတိတ်စေခဲ့သည်။ “ပေါ်ထွက်လာနေတဲ့ အမျိုးမျိုးသော ဇာတ်ကြောင်းတွေအရ ဒုက္ခကို မီးမွှေးပြီး အပြစ်မဲ့တဲ့ အမျိုးသားတွေ၊ အမျိုးသမီးတွေ နဲ့ ကလေးငယ်တွေကို သေဆုံးစေတဲ့၊ ဒုက္ခသည်စခန်းတွေမှာ ဒုက္ခရောက်စေတဲ့ ARSA ရဲ့ အခန်းကဏ္ဍကို ဥပေက္ခာပြုလို့ မရနိုင်ပါဘူး” ဟု ခါလီမူလာက သုံးသပ်သည်။ အကယ်၍ ပြန်လည်ပို့ဆောင်ရေး အတွက်သာ မဟုတ်ဘဲ တရားမျှတမှု (အထူးသဖြင့် လုံခြုံရေးတပ်ဖွဲ့များနှင့် ဗုဒ္ဓဘာသာဝင်ရခိုင်များ၏ သတ်ဖြတ်ခြင်းကို ခံခဲ့ရသော ထောင်နှင့် ချီသည့် ရိုဟင် ဂျာများအတွက်) ကို ပေးသည့် ပြည့်စုံသော အဖြေတခုကို ရှာဖွေမည်ဆိုလျှင်ပင် ရခိုင်ပြည်နယ် ပဋိပက္ခ၏ အဓိက အစိတ်အပိုင်းတခု ဖြစ်သော ဤသွေးစွန်းသော ဇာတ်ကြောင်းကို မကြည့်ဘဲ ချန်လှပ် မထားသင့်ပါ။ (Bidhayak Das သည် အိန္ဒိယနှင့် ဒေသတွင်းရှိ သတင်းစာများတွင် ရေးသားခဲ့သော အကြီးတန်း ဂျာနယ်လစ်တဦး ဖြစ်သည်။ ယခုအခါ ဧရာဝတီ အင်္ဂလိပ်ပိုင်းတွင် Contributing Editor အဖြစ် ဆောင်ရွက်နေသည်။ ၎င်း၏ Transnational Terrorism and ARSA’s Fight for a ‘Just Cause’ ကို ဘာသာပြန်ဆိုသည်။ ) The post နယ်စပ်ဖြတ်ကျော် အကြမ်းဖက်ဝါဒနှင့် ARSA appeared first on ဧရာဝတီ.
Source : http://ift.tt/2GO5306
via IFTTT