လူတိုင္း အလြယ္တကူ လိုက္လုပ္ႏိုင္မယ့္ ဝိတ္တက္ နည္းလမ္း ၃ ခု

လူတိုင်း အလွယ်တကူ လိုက်လုပ်နိုင်မယ့် ဝိတ်တက် နည်းလမ်း ၃ ခု မိန်းကလေးတိုင်းက ဝိတ်ချချင်တဲ့ သူတွေချည်းပဲ မဟုတ်ပါဘူး။ ငယ်ငယ်တည်းက အတိုင်း အသက်ကြီးလာလည်း ကိုယ်အလေးချိန် မတက်ဘဲ ပိန်ပိန်ပါးပါး ဖြစ်နေဆဲသူတွေ အများကြီးပါ။ ဝတဲ့သူက ပိန်ချင်သလို ပိန်တဲ့သူကလည်း ပြည့်ပြည့်ဝဝနဲ့ လှချင်ကြပါတယ်။ ဝိတ်ကျအောင် နည်းလမ်းမှန်တဲ့ Diet Plan တွေ လုပ်သင့်သလို ဝိတ်တက်အောင် လုပ်မယ်ဆိုရင်လည်း စနစ်တကျ ဖြစ်ဖို့ လိုပါတယ်။ အလွယ်ကူဆုံးနဲ့ လူတိုင်း လိုက်လုပ်နိုင်မယ့် ဝိတ်တက်နည်းလမ်း ၃ ခု ရှိပါတယ်။ အဲဒီ နည်းလမ်း ၃ ခုကို ခန္ဓာကိုယ် အလှအပ ထိန်းသိမ်းချင်တဲ့ စာဖတ်သူ ပရိသတ်တွေအတွက် ဧရာဝတီကနေ အကြံပြုရေးသား လိုက်ပါတယ်။ (၁) အစားကို ပုံမှန် စားမယ်၊ များများ မစားဘူး ဝိတ်တက်ချင်သူတွေ အများဆုံး မှားကြတဲ့ ခံယူချက်က “ဝချင်ရင် များများစား” ဆိုတာပါပဲ။ တကယ်တော့ ပုံမှန် စားနေကျထက် ပိုစားမိရင် မျက်နှာ၊ ဝမ်းဗိုက်နဲ့ ခါးတဝိုက်မှာ အဆီတွေ တက်လာတာက စတာပါ။ တကယ်တမ်း နည်းလမ်း မမှန်တဲ့ စားသောက်မှု ပုံစံတွေကြောင့် ဝိတ်တက်တာ မဟုတ်ဘဲ အဆီတွေ တက်လာတာပါ။ ကိုယ်တွင်း အဆီခဲတွေက သင့်ကို ကျန်းမာရေးတောင် ထိခိုက်စေနိုင်ပါတယ်။ ဝိတ်တက်အောင် လုပ်မယ်ဆိုရင် အရင်ဆုံး စကျင့်သုံးရမယ့် နည်းလမ်းက အစားအများကြီး ပိုစားစရာ မလိုတဲ့ အချက်ပါ။ (၂) လေ့ကျင့်ခန်း များများ လုပ်မယ် လေ့ကျင့်ခန်းကတော့ ပုံမှန်လုပ်နေကျထက် ပိုလုပ်သင့်ပါတယ်။ ဝိတ်တက်အောင် လုပ်တဲ့ လေ့ကျင့်ခန်း၊ ဝိတ်ကျအောင် လုပ်တဲ့ လေ့ကျင့်ခန်းတွေ မတူဘူးဆိုတာ Gym ဆော့ဖူးသူတိုင်း သိပါတယ်။ လိုအပ်တဲ့နေရာမှာ ကြွက်သား အဖုအထစ်တွေ ရအောင် လေ့ကျင့်ခန်း ပိုလုပ်ပေးပါ။ (၃) ကယ်လိုရီ တွက်ချက် စားမယ်၊ ပရိုတိန်း များများ စားမယ် ဝိတ်တက်ချင်တယ် ဆိုရင် နေ့စဉ်စားတဲ့ အာဟာရတန်ဖိုးထက် ၂၀၀ ကယ်လိုရီ ပိုစားပေး သင့်ပါတယ်။ ပရိုတိန်းဓာတ်က လိုအပ်တဲ့ အာဟာရဓာတ် တန်ဖိုးကို ဖြည့်စွက်ပေးတာမို့ နေ့စဉ် စားမယ့် အစားအစာတွေမှာ ပရိုတိန်းဓာတ်ပါတာ များများ ရွေးစားပေးပါ။ နေ့စဉ် လိုအပ်တဲ့ ပရိုတိန်း၊ အဆီဓာတ်၊ ကာဗွန်ဟိုက်ဒရိတ် တန်ဖိုးတွေကို တွက်ချက်ကြည့်လို့ ရပါတယ်။ အွန်လိုင်းမှာ ကျန်းမာရေးနဲ့ သက်ဆိုင်တဲ့ စာမျက်နှာတွေမှာလည်း တင်ထားတာမို့ ကိုယ်စားတာတွေကို ကယ်လိုရီ ပြန်တွက်ချက် ကြည့်လို့ရပါတယ်။ တပတ်ကို အနည်းဆုံး ၄ ရက် လေ့ကျင့်ခန်း ပုံမှန်လုပ်ပြီး ကျန်းမာရေးနဲ့ သင့်တော်တဲ့ အစားအစာတွေ ရွေးချယ် စားသုံးခြင်းအားဖြင့် ကိုယ်လိုချင်တဲ့ ခန္ဓာကိုယ် အချိုးအစား ပုံစံကို ရရှိနိုင်မှာ ဖြစ်ပါတယ်။ Ref : betterme.tips The post လူတိုင်း အလွယ်တကူ လိုက်လုပ်နိုင်မယ့် ဝိတ်တက် နည်းလမ်း ၃ ခု appeared first on ဧရာဝတီ.
Source : http://ift.tt/2DViqdW
via IFTTT