မူးယစ္ေရာင္းရေငြမ်ားအား ခ၀ါခ်ေပးေနသည္ဆိုကာ ျမန္မာအမ်ိဳးသမီး အား ထိုင္းရဲမွ ဖမ္းဆီး

မူးယစ်ရောင်းရငွေများအား ခဝါချပေးနေသည်ဆိုကာ မြန်မာအမျိုးသမီး အား ထိုင်းရဲမှ ဖမ်းဆီး မူးယစ်ကုန်သွယ်သူများ၏ ငွေများအား တရားမဝင် ခဝါချပေးခြင်းများ လုပ်ဆောင်နေသည့် မြန်မာအမျိုးသမီး တစ်ဦးအား ထိုင်းရဲတပ်ဖွဲ့ဝင် များက ဖမ်းဆီးထိန်းသိမ်းလိုက်ကြောင်း ထိုင်းနိုင်ငံ ဘန်ကောက်ပိုစ် သတင်းတစ်ရပ်မှာ ဖော်ပြထားသည်။ “ကျွန်ုပ်တို့အနေနဲ့ လွန်ခဲ့တဲ့ ဆယ်စုနှစ်တစ်စု သူမရဲ့ ဘဏ်အကောင့် ကနေ ထိုင်းဘတ်ငွေ ၁၀ ဘီလီယံလောက်ဟာ နှစ်စဉ် စီးဆင်းနေတာကို စစ်ဆေးတွေ့ရှိခဲ့ပါတယ်” ဟု ထိုင်းနိုင်ငံ မူးယစ်ထောက်လှမ်းရေးဗျူရို အကြီးအကဲ ဗိုလ်မှူကြီး ဆွမ်မိုင် ကွန်ဝီဆိုင်းဆခ် က ယမန်နေ့က ပြုလုပ်သည့် သတင်းစာ ရှင်းလင်းပွဲတွင် ပြောသည်။ ၎င်းတို့အနေဖြင့် အသက် ၄၁ နှစ်အရွယ် မြန်မာအမျိုးသမီး နန်းမြင့်သိန်းအေးကို စစ်ဆေးတွေ့ရှိကြောင်း ဆိုသည်။ “၎င်းအနေနဲ့ ထိုင်းနိုင်ငံနဲ့ မြန်မာနယ်စပ်တွေမှာ ရှိတဲ့ ကျောက်မျက် ရတနာနဲ့ ဟိုတယ်တွေမှာ အသုံးချနေတယ်လို့ သက်သေတွေပြောဆိုချက် အရ သိရပါတယ်”ဟု ပြောသည်။ သို့သော်လည်း နန်းမြင့်သိန်းအေးက ထိုင်းရဲတပ်ဖွဲ့မှ စွပ်စွဲချက်ကို ငြင်းဆိုထားပြီး ၎င်းအနေဖြင့် မြန်မာနှင့် ထိုင်းနိုင်ငံရှိ ငွေလဲလှယ်ရေး ဆိုင်တွေ လုပ်ကိုင်လည်ပတ်ရှိကြောင်း ထိုင်းအာဏာပိုင်တွေ ပြောဆိုထားကြောင်း ဆိုသည်။ “တစ်ရက်ကို ကျွန်မ ဘဏ်အကောင့်ကနေ ဘတ် ၁သန်းကနေ့ ၂သန်းကြား ပုံမှန်စီးဆင်းနေပါတယ်” ဟု သူမက ပြောသည်။ သူမအနေဖြင့် မူးယစ်ဆေးဝါးလုပ်ငန်းများနှင့် မည်သည့် အခါမှ ပါဝင်ခဲ့ခြင်းမရှိကြောင်းနှင့် ယခုကဲ့သို့ ဖမ်းဆီးထိန်းသိမ်းခံရခြင်းနှင့် ပတ်သက်ပြီး နားမလည်နိုင်အောင် ဖြစ်နေကြောင်း ထပ်လောင်းပြောဆိုသည်။ ထိုင်းနိုင်ငံ NSB ခေတ္တလက်ထောက်အကြီးအကဲမှူးကြီး Tanai Apichartsenee က သူမအား မေ ၁၅ ရက် နေ့စွဲဖြင့် ဖမ်းဝရမ်းထုတ်ခြင်း ဖြစ်ကြောင်း ပြောသည်။ “သူမအနေနဲ့ ထိုင်းနိုင်ငံမှ မြန်မာနိုင်ငံသို့ မူးယစ်မှောင်ခိုကုန်သည်များ၏ တရားမဝင် ငွေကြေးများ လွဲပြောင်း ပေးနေသည်ကို ကျွန်ုပ်တို့ စုံစမ်းသိရှိထားပါတယ်” ဟု ပြောသည်။ Tanai ကဆက်လက်ပြီး ၎င်းတို့ စုံစမ်းထောက်လှမ်းရေး သမားများအနေဖြင့် နှစ်ပေါင်းများစွာ အချက်အလက် အများအပြားကို နောက်ပြန်ကြည့် လုပ်ဆောင်ခြင်း ဖြစ်ကြောင်းပြောသည်။ “သူမအနေနဲ့နောက်ပြီး Fong Pathummanee သို့မဟုတ် Je Fong နဲ့ အဆက်အသွယ် ရှိနိုင်တယ်” ဟု မူးယစ်ကုန်သည် တစ်ဦးအား ရည်ညွန်းပြောဆိုသည်။ Fong သည် ထိုင်းနိုင်ငံမှ အလိုရှိသည့် စာရင်းတွင် ပါဝင်သည့်အတွက် အိမ်နီးချင်းတိုင်းပြည်သို့ ထွက်ပြေး တိမ်းရှောင် နေကြောင်း သတင်းတွင် ဖော်ပြထားသည်။ Ref: Bangkok Post
Source : http://ift.tt/2jxpIvC
via IFTTT

ပုပ္ရဟန္းမင္းႀကီး ခရီးစဥ္မတိုင္မီ ဘဂၤလားေဒ့ရွ္တြင္ ကက္သလစ္ဘုန္းေတာ္ႀကီးတပါး ေပ်ာက္ဆုံး

ပုပ်ရဟန်းမင်းကြီး ခရီးစဉ်မတိုင်မီ ဘင်္ဂလားဒေ့ရှ်တွင် ကက်သလစ်ဘုန်းတော်ကြီးတပါး ပျောက်ဆုံးနေ ပုပ်ရဟန်းမင်းကြီး ဖရန်စစ်၏ သမိုင်းဝင် ခရီးစဉ်မတိုင်မီ ကက်သလစ် ဘုန်းတော်ကြီးတပါး ပျောက်ဆုံးနေခဲ့သောကြောင့် ဘင်္ဂလားဒေ့ရှ် လေဆိပ်တွင် လုံခြုံရေး တင်းကျပ်ထားခဲ့ကြောင်း သိရသည်။ ကက်သလစ်ကျောင်းတကျောင်း၏ ကျောင်းအုပ်ဖြစ်သူ အသက် ၄၀ အရွယ် ဝေါ်တာ ဝီလျံ ရိုဆာရီယို အမည်ရှိ ဘုန်းတော်ကြီးသည် ဘင်္ဂလားဒေ့ရှ် နိုင်ငံမြောက်ပိုင်း ကျေးရွာတခုတွင် နိုဝင်ဘာလ ၂၇ ရက်နေ့က ပျောက်ဆုံးသွားခြင်းဖြစ်သည်။ ထိုကျေးရွာတွင် ယခင်နှစ်က ကက်သလစ် ကုန်စုံဆိုင်ပိုင်ရှင်တဥိးကို အစ္စမစ် အစွန်းရောက်ဟု သံသယရှိသူများက သတ်ဖြတ်ခဲ့ဖူးသည်။ ထိုဘုန်းတော်ကြီးကို ဖမ်းဆီးထားသည်ဟု ယူဆရပြီး ဒေသအတွင်းရှိ ကက်သလစ်ဘာသာဝင်များ လွန်စွာ စိုးရိမ်ပူပန်နေသည်ဟု ထိုရွာအနီးရှိ မြို့တမြို့ဖြစ်သော ရပ်ဂျ်ရှာဟီမှ ဘုန်းတော်ကြီး ဂျာ့ဗ် ရိုဆာရီယိုက ပြောသည်။ “သူက ဒါကာကို လူ ၃၀၀ လောက် စုသွားပြီး ပုပ်ရဟန်းမင်းကြီးရဲ့ ဝတ်ပြုဆုတောင်းပွဲ တက်ဖို့ စီစဉ်နေတာ။ အခု သူပျောက်နေတော့ ကျန်တဲ့သူတွေ မပျော်နိုင်ကြတော့ဘူး။ ဒါကာကိုလည်း မသွားချင်ကြတော့ဘူး” ဟု ဘုန်းတော်ကြီးက ရှင်းပြသည်။ နှစ်ပေါင်း ၃၀ အတွင်း ပထမဆုံးအကြိမ်ဖြစ်သော ပုပ်ရဟန်းမင်းကြီး၏ ခရီးစဉ်အတွက် မြို့တော် ဒါကာတွင် လုံခြုံရေးတိုးမြှင့်ထားစဉ် ယခုကဲ့သို့ ကက်သလစ် ဘုန်းတော်ကြီး ပျောက်ဆုံးသည့် သတင်းထွက်လာခြင်းဖြစ်သည်။ ကက်သလစ်ကျောင်းတော်၏ ၂၂၆ ယောက်မြောက် ပုပ်ရဟန်းမင်းကြီး ဖရန်စစ်သည် ဝန်ကြီးချုပ် ရှီအိုက် ဟက်စီနာနှင့် ကက်သလစ် ဘုန်းတော်ကြီးများ ညီလာခံ၏ ဖိတ်ကြားမှုအရ ဒါကာတွင် သုံးရက်ကြာ လည်ပတ်ရန် မြန်မာနိုင်ငံမှတဆင့် ယနေ့ရောက်ရှိသွားသည်။ ဘင်္ဂလားဒေ့ရှ် သမ္မတ အဗ္ဗဒူလ် ဟာမစ် ကပုပ်ရဟန်းမင်းကြီး ဖရန်စစ်ကို ဟက်ဇ်ရက် ရှာဂျာလား နိုင်ငံတကာလေလဆိပ်တွင် ညနေ ၃ နာရီက ဂုဏ်ပြုတပ်ဖွဲ့ဖြင့် ကြိုဆိုခဲ့သည်။ ပုပ်ရဟန်းမင်းကြီး ဖရန်စစ်သည် နှစ်ပေါင်း ၃၀ အတွင်း ဘင်္ဂလားဒေ့ရှ် နိုင်ငံသို့ လာရောက်သော ပထမဆုံး ပုပ်ရဟန်းမင်းကြီးဖြစ်သည်။ ၁၉၇၀ ခုနှစ်က အသေအပျောက်များသော ဆိုင်ကလုန်း မုန်တိုင်း တိုက်ခိုက်မှုအပြီး နိုဝင်ဘာလ ၂၆ ရက်နေ့တွင် ဧကဒဿမမြောက် ပုပ်ရဟန်းမင်းကြီ ဂျွန်ပေါသည် ဘင်္ဂလားဒေ့ရှ်နိုင်ငံ လေဆိပ်သို့ တနာရီကြာ ဆိုက်ရောက်ခဲ့ဖူးသည်။ ပုပ်ရဟန်းမင်းကြီး ဂျွန်ပေါလ် ၁၉၈၆ ခုနှစ်တွင် ဘင်္ဂလားဒေ့ရှ်နိုင်ငံသို့ ဒုတိယအကြိမ် သွားရောက်လည်ပတ်ခဲ့သည်။ ပုပ်ရဟန်း မင်းကြီးဖရန်စစ်သည် ဘင်္ဂလားဒေ့ရှ် ခရီးစဉ်အတွင်း ရိုဟင်ဂျာ ခေါ် ဘင်္ဂါလီ ဒုက္ခသည် ၁၅ ဦးကို ဒါကာတွင် တွေ့ဆုံမည်ဖြစ်ကြောင်းလည်း သိရသည်။ နိုင်ငံတကာ ရွှေ့ပြောင်း အခြေချမှုအဖွဲ့ – IOM က ဒုက္ခသည် ၁၅ ဦးကို ဒါကာသို့ စေလွှတ်ရန် ရွေးချယ်ထားပြီး အမျိုးသမီးများနှင့် ကလေးငယ်များ ပါဝင်သည်။ တချိန်တည်းတွင် မြန်မာနိုင်ငံ ခရီးစဉ်အတွင်း “ရိုဟင်ဂျာ”ဟူသော ဝေါဟာရကို ပုပ်ရဟန်းမင်းကြီး ဖရန်စစ်က ထုတ်ဖော်ပြောဆိုခြင်း မရှိသောကြောင့် လူ့အခွင့်အရေးအဖွဲ့များက ဝေဖန်နေကြသည်ကို ဗာတီကန်နန်းတော်က ခုခံကာကွယ်ပြောကြားလိုက်သည်။ “ပုပ်ရဟန်းမင်းကြီးရဲ့ ကျင့်ဝတ်ဆိုင်ရာ ဩဇာက ရှိနေပါတယ်။ ပြောခဲ့တာတွေ၊ မပြောခဲ့တာတွေကို ဝေဖန်လို့ ရပါတယ်။ ဒီအတွက်နဲ့တော့ ပုပ်ရဟန်းမင်းကြီးရဲ့ကျင့်ဝတ်ဆိုင်ရာ ဩဇာ ကျဆင်းသွားပြီလို့တော့ ပြောလို့မရပါဘူး” ဟု ဗာတီကန် ပြောခွင့်ရသူ ဂရက် ဘာ့ခ်ကပြောသည်။ ရိုဟင်ဂျာ ဟူသော စကားလုံးကို မြန်မာနှင့် ဘင်္ဂလားဒေ့ရှ် ခရီးစဉ်အတွင်း မသုံးရန်နှင့် သတိထားပြီး စကားပြောရန် မြန်မာပြည်မှ ကက်သလစ်ကျောင်းတော်က ပေးသော အကြံဉာဏ်ကို ပုပ်ရဟန်းမင်းကြီးက အလေးထားသည်ဟုလည်း ဗာတီကန် ပြောခွင့်ရသူက ဆိုသည်။ ဗာတီကန်သည် မကြာသေးမီကမှ မြန်မာနိုင်ငံနှင့် သံတမန်ဆက်ဆံရေး ထူထောင်ခဲ့ပြီး မြန်မာနိုင်ငံမှ ကက်သလစ်အသင်းတော်သည် သေးငယ်လှကြောင်းနှင့် ဗာတီကန်အတွက် ကျယ်ပြန့်သော အကျိုးအမြတ်မှာ စစ်အုပ်ချုပ်ရေး ရာစုနှစ်များစွာမှ လွန်မြောက်လာနေသာ ဗုဒ္ဓဘာသာလွှမ်းမိုးသည့် မြန်မာနိုင်ငံနှင့် ပေါင်းကူးနိုင်ခြင်းဖြစ်သည်ဟုလည်း ပြောကြောင်း သိရသည်။ ပုပ်ရဟန်းမင်းကြီးဖရန်စစ်သည် ယခင်က “ရိုဟင်ဂျာ ညီအကို မောင်နှမများ”ဟု ခေါ်ဝေါ်သုံးစွဲခဲ့ပြီး ၎င်းတို့အပေါ် ညှင်းပမ်းနှိပ်စက်မှုများကို ပြစ်တင်ရှုတ်ချခဲ့ပြီး ၎င်းတို့၏ ကိုးကွယ်ယုံကြည်မှုကြောင့် ဒုက္ခခံစားနေရသည်ဟု ဆိုကာ ၎င်းတို့အတွက် အခွင့်အရေး အပြည့်အဝပေးရန် တောင်းဆိုခဲ့သည်။ ကိုးကား ။ ။ AP နှင့် AFP The post ပုပ်ရဟန်းမင်းကြီး ခရီးစဉ်မတိုင်မီ ဘင်္ဂလားဒေ့ရှ်တွင် ကက်သလစ်ဘုန်းတော်ကြီးတပါး ပျောက်ဆုံးနေ appeared first on ဧရာဝတီ.
Source : http://ift.tt/2kcgCZ7
via IFTTT

အာဆီယံ အတြင္းေရးမႉးခ်ဳပ္ေဟာင္း ဆူရင္ပစ္ဆူဝမ္ ကြယ္လြန္

အာဆီယံ အတွင်းရေးမှူးချုပ်ဟောင်း ဆူရင်ပစ်ဆူဝမ် ကွယ်လွန် အရှေ့တောင်အာရှ နိုင်ငံအသင်း(အာဆီယံ) အတွင်းရေးမှူးချုပ်ဟောင်း နှင့် ထိုင်းနိုင်ငံခြားရေး ဝန်ကြီးဟောင်း ဆူရင်ပစ်ဆူဝမ်ဟာ (၆၈နှစ်)ဟာ နှလုံးရောဂါနဲ့ ယနေ့ ကွယ်လွန်သွားကြောင်း Bangkok Post သတင်းက ဆိုပါတယ်။ ဖန်ငခရိုင်မှာ ဘီတက်မှာ ပြုလုပ်တဲ့ ဟာလာ ဘာသာရေး ညီလာခံမှာ မိန့်ခွန်းပြောဖို့ ပြင်ဆင် နေစဉ် မှာပဲ လဲကျသွားပြီးနောက် ရမ်ခမ်ဟန် ဆေးရုံကို ခေါ်ဆောင်သွားပေမယ့် နောက်ပိုင်း ကွယ်လွန် သွားကြောင်း ကြေညာခဲ့တာဖြစ်ပါတယ်။ ဆူရင်ပစ်ဆူဝမ်ဟာ ၁၉၄၉ခုနှစ် အောက်တိုဘာ ၂၈ရက်နေ့မှာ ထိုင်းတောင်ပိုင်း နခွန်ဆီ ထမာရတ် မှာ မွေးဖွားခဲ့တဲ့ အစ္စလာမ်ဘာသာဝင်တဦးဖြစ်ပြီး၊ ၁၉၇၂ ခုနှစ်မှာ အမေရိကန်နိုင်ငံ ကယ်လီဖိုးနီးယားရှိ ကလဲမောင့် ကောလိပ်မှ နိုင်ငံရေး သိပ္ပံနှင့် ဘွဲ့ရခဲ့ပြီး၊ မဟာဘွဲ့ကိုတော့ ဟားဗတ်ဒ် တက္ကသိုလ်က ရရှိခဲ့ပါတယ်။ ၁၉၈၆ ခုနှစ်မှာ ထိုင်းနိုင်ငံရေး လောကထဲကို ဝင်ရောက်ခဲ့ပြီးနောက် ဒီမိုကရက်တစ်ပါတီရဲ့ ကိုယ်စားလှယ်လောင်းအဖြစ် သူ့ဇာတိ နခွန်ဆီ ထမာရတ်မှ ဝင်ရောက်အရွေးခံရာ အနိုင်ရခဲ့ပါတယ်။ ၁၉၉၂ ခုနှစ်မှ ၁၉၉၅ ခုနှစ်အထိ ဒုနိုင်ငံခြားရေး ဝန်ကြီး တာဝန်ယူပြီးနောက်မှာ ၁၉၉၇ ခုနှစ်မှ ၂၀၀၁ အထိ နိုင်ငံရေးဝန်ကြီးရာထူးနဲ့ ဝန်ကြီးချုပ် ချွန်လိပိုင် အစိုးရထဲမှာ တာဝန်ယူခဲ့ပါတယ်။ ၂၀၀၈ခုနှစ်မှာ အာဆီယံအဖွဲ့ အတွင်းရေးမှူးရာထူးကို ရယူခဲ့တဲ့ ပထမဆုံးသော ထိုင်းလူမျိုးဖြစ် လာခဲ့ပြီး ၅နှစ် သက်တမ်းကို တာဝန်ထမ်းဆောင်ပြီးနောက် ဒီမိုကရက်တစ်ပါတီကို ပြန်လည်ရောက် ရှိခဲ့ပါတယ်။ သူဟာ Bangkok Post သတင်းစာရဲ့ ဆောင်းပါးရှင်တဦးလည်း ဖြစ်ပါတယ်။ သူ့ရဲ့ ဈာပနကို နွန်သဘူရီပြည်နယ် ပက်ခက်ခရိုင် သအစ်ဗလီမှာ မနက်ဖြန် ကျင်းပမှာဖြစ်တယ်လို့ သိရပါတယ်။ The post အာဆီယံ အတွင်းရေးမှူးချုပ်ဟောင်း ဆူရင်ပစ်ဆူဝမ် ကွယ်လွန် appeared first on ဧရာဝတီ.
Source : http://ift.tt/2AJ4zJI
via IFTTT

ၿငိမ္းခ်မ္းေရးအတြက္ ဘာသာေရးေခါင္းေဆာင္မ်ား အေရးႀကီးဟု ပုပ္ရဟန္းမင္းႀကီးႏွင့္ မဟန သေဘာတ

ငြိမ်းချမ်းရေးအတွက် ဘာသာရေးခေါင်းဆောင်များ အရေးကြီးဟု ပုပ်ရဟန်းမင်းကြီးနှင့် မဟန သဘောတူ မြန်မာနိုင်ငံတွင် အမြင့်ဆုံး သံဃာ့အဖွဲ့အစည်း ဖြစ်သည့် သံဃမဟာနာယက အဖွဲ့ နှင့် နိုဝင်ဘာလ ၂၉ ရက်နေ့က တွေ့ဆုံ ရာတွင် ပုပ်ရဟန်းမင်းကြီး ဖရန်စစ်က ငြိမ်းချမ်းရေး နှင့် သဟဇာတရှိမှုကို စောင့်ရှောက်ထိန်းသိမ်းရာတွင် ဘာသာရေး ခေါင်းဆောင်များ၏ အခန်းကဏ္ဍကို မြန်မာနိုင်ငံမှ ဗုဒ္ဓဘာသာ ဦးဆောင် ဆရာတော်များနှင့် အတူ ဆွေးနွေးခဲ့သည်။ ကက်သလစ်ကျောင်းတော်၏ အကြီးအကဲဖြစ်သော ပုပ်ရဟန်းမင်းကြီး ဖရန်စစ်က ၄ ရက်ကြာခရီးစဉ်အဖြစ် မြန်မာနိုင်ငံသို့ နိုဝင်ဘာလ ၂၇ ရက်နေ့က ရောက်ရှိလာခဲ့ခြင်းသည် အရှေ့တောင်အာရှမှ ဗုဒ္ဓဘာသာ လူများစုဖြစ်သည့် နိုင်ငံသို့ ပုပ်ရဟန်းမင်းကြီး တဦးအနေဖြင့် ပထမဆုံးသော ခရီးစဉ် ဖြစ်လာသည်။ မြန်မာနိုင်ငံတွင် ခရစ်ယန်ဘာသာဝင်များက လူဦးရေ ၏ ၆.၂ ရာခိုင်နှုန်း၊ မွတ်ဆလင်က ၅ ရာခိုင်နှုန်းဝန်းကျင်နီးပါး ရှိကြသည်။ ပုပ်ရဟန်းမင်းကြီးက ဗုဒ္ဓဘာသာနှင့် ခရစ်ယန်ဘာသာတို့သည် သည်းမခံနိုင်မှု၊ အဂတိတရား နှင့် အမုန်းပွားမှု ပုံစံအားလုံး ကို ကျော်လွှားရန် တူညီသော ရည်ရွယ်ချက်များ ရှိကြောင်းကို ၁၂ ရာစုခေတ် ကက်သလစ် သူတော်စင် ဖရန်စစ် St. Francis of Assisi ၏ ဆုတောင်းစကားနှင့် ဗုဒ္ဓ၏ ဟောကြားမှုများကို စုစည်းထားသည့် ဓမ္မပဒတို့ကို ကိုးကားပြောကြားခဲ့သည်။ “ဗုဒ္ဓမြတ်စွာဘုရားရဲ့ ဒေသနာတော်က လမ်းပြထားပါတယ်။ ဒေါသကို စိတ်ရှည်ခြင်းနဲ့ အနိုင်ယူပါ။ အဆိုးကို အကောင်းနဲ့ အနိုင်ယူပါ။ လောဘကို စေတနာနဲ့ အနိုင်ယူပါ။ လိမ်လည်မှုကို အမှန်တရားနဲ့ အနိုင်ယူပါ။ ဓမ္မပဒမှာ ပြောထားတာကို မှတ်သားခဲ့ရဖူးပါတယ် (ဓမ္မပဒ၊ ၁၇၊ ၂၂၃) ။ ဒီအဆုံးအမများဟာ စိန့်ဖရန်စစ် အစီစီရဲ့ ဆုတောင်း ပတ္ထနာနဲ့ ဆင်တူတာကို တွေ့ရပါတယ်။ ‘သခင်ဘုရား၊ တပည့်တော်ကို ငြိမ်းချမ်းခြင်းအတွက် လက်သုံးတန်ဆာ ဖြစ်စေပါ၊ အမုန်းရှိသည့် နေရာတွင် မေတ္တာတရားကို လည်းကောင်း၊ ထိခိုက်စော်ကားမှုများ ရှိသည့်နေရာတွင် မေတ္တာတရားကိုလည်းကောင်း၊ မှောင်မိုက်သည့်နေရာတွင် အလင်းကိုလည်းကောင်း၊ စိတ်ဆင်းရဲခြင်းနေရာတွင် ပျော်ရွှင်ခြင်းကိုလည်းကောင်း သယ်ဆောင်နိုင်ရန် ကူညီတော်မူပါလို့’ သူ ဆုတောင်းခဲ့ပါတယ်” ဟု ပုပ်ရဟန်းမင်းကြီးက ပြောကြားခဲ့သည်။ “ဤကဲ့သို့သော တရားသဘောက ဘာသာမတူ လူမျိုးမတူ ယဉ်ကျေးမှု မတူသူများကြားမှာ နှစ်ပေါင်းများစွာ ရှိခဲ့တဲ့ ခွဲခြားမှု ပဋိပက္ခ ဒဏ်ရာများကို ကုသပေးပြီး နားလည်မှု စိတ်ရှည်မှုများအတွက် ကြိုးစား အားထုတ်ရာမှာ ဉာဏ်အလင်း ခွန်အား ရစေပါတယ်” ဟု ပုပ်ရဟန်းမင်းကြီးက ပြောသည်။ အသံမဲ့သူများ၏ အသံကို ကြားနိုင်ရေး အစိုးရ တာဝန်ရှိသူများ၊ အရပ်ဖက် လူမှုအဖွဲ့အစည်းများနှင့် ဘာသာရေးခေါင်းဆောင်များက ကြိုးစား အားထုတ်ရန် တာဝန်ရှိသည် ဟုလည်း တွေ့ဆုံပွဲတွင် ပြောကြားခဲ့သည်။ လက်ရှိပြုလုပ်နေသော ပင်လုံငြိမ်းချမ်းရေး ညီလာခံကိုလည်း ပုပ်ရဟန်းမင်းကြီးက ချီးမွမ်း၍ မြန်မာနိုင်ငံတွင် နေထိုင်သူ အားလုံး ပိုမိုပါဝင်နိုင်ရေး အတွက် ဆုတောင်းခဲ့သည်။ “ဤကြိုးစားအားထုတ်မှုက အဓွန့်ရှည်သော အသီးအပွင့်များ ပေါ်ထွက်လာမှာ သေချာပြီး ဘာသာရေးခေါင်းဆောင်များရဲ့ လက်တွဲပါဝင် ဆောင်ရွက်ခြင်းကိုလည်း လိုအပ်လာမှာ ဖြစ်ပါတယ်” ဟု ပုပ်ရဟန်းမင်းကြီးက ပြောသည်။ “မြန်မာပြည် ငြိမ်းချမ်းရေး တရားဥပဒေစိုးမိုးရေး တို့အတွက် ဘာသာရေး ခေါင်းဆောင်များ အချင်းချင်း တွေ့ဆုံခြင်း နှီးနှော ဖလှယ်ခြင်းတို့ဟာ အလွန်အရေးပါကြောင်း သက်သေပြနေပါတယ်” ဟု သူက ထပ်ပြောသည်။ နိုင်ငံတော် သံဃမဟာနာယက အဖွဲ့ ဥက္ကဌ ဒေါက်တာ ဘဒ္ဒန္တ ကုမာရာဘိဝံသက ဘာသာတရား အားလုံးမှ ခေါင်းဆောင်များ အနေဖြင့် သက်ဆိုင်ရာ ဘာသာတရားများ၏ သင်ကြားဆုံးမှုများမှ တဆင့် ဟန်ချက်ညီမျှသော လူ့အဖွဲ့အစည်းတခု၏ တည်ဆောက်သူများအဖြစ် ဆောင်ရွက်ရန် ကြိုးပမ်းအားထုတ်မည် ဖြစ်ကြောင်း ပြောသည်။ “မတူကွဲပြားသည့် ဘာသာဝင်များကြားတွင် အပြန်အလှန် နားလည်မှု၊ လေးစားမှုနှင့် ယုံကြည်မှု တည်ဆောက်လျက် ငြိမ်းချမ်းလုံခြုံသာယာသော လူ့ဘောင်ဘဝ တည်ဆောက်နိုင်ရန် လွန်စွာ အရေးတကြီး လိုအပ်ပါတယ်။” အမုန်းစကား ပုံစံအမျိုးမျိုး၊ မမှန်ကန်သော ဝါဒဖြန့်ချီမှုများ၊ ပဋိပက္ခ စစ်ပွဲများနှင့် ထိုသို့ ဖြစ်အောင် ထောက်ပံ့သူများကို ရှုတ်ချရင်း သံဃ မဟာနာယက အဖွဲ့ ဥက္ကဌဆရာတော်က ကမ္ဘာ့ငြိမ်းချမ်းရေး အတွက် တံတားများထိုးရာတွင် ပူးပေါင်းပါဝင်ကြရန်နှင့် ဘာသာရေးကို အလွဲသုံးစားပြုလုပ်ခြင်းကို ဆန့်ကျင်ကြောင်း အများပြည်သူ သိရှိစေရေး ထုတ်ဖော်ပြောဆိုရန် ဘာသာရေး အဖွဲ့ဝင်များကို တောင်းဆိုခဲ့သည်။ နာယကအဖွဲ့ ဥက္ကဌဆရာတော်က ဘာသာရေး ယုံကြည်မှု ခေါင်းစဉ်အောက်မှ အကြမ်းဖက်ဝါဒနှင့် အစွန်းရောက် ဝါဒကိုလည်း ဆန့်ကျင်ခဲ့ပြီး ကိုးကွယ်ရာဘာသာတို့၏ မူလ အဆုံးအမများကို “ဘာသာရေးသမားအချို့က” ကြိုးကိုင်ချယ် လှယ်ခဲ့သောကြောင့် ဖြစ်သည်ဟု ဆိုသည်။ “ကိုးကွယ်ရာ ဘာသာအယူဝါဒ၏ မူရင်းသင်ကြားချက်များကို ကိုးကွယ်သူတို့က မိမိတို့၏ ဆန္ဒ၊ ဒေါသ၊ ဘယာ၊ မောဟ ဟူသော အဂတိတရားတို့နှင့် ရောနှောလျက် ပြုပြင်ဖန်တီးကြသောကြောင့်သာလျှင် အကြမ်းဖက်မှုနှင့် အစွန်းရောက်မှုတို့ ဖြစ်ပေါ်လာရသည်ဟု ကျွန်ုပ်တို့ ယုံကြည်ထားပါတယ်” ဟု ဒေါက်တာ ဘဒ္ဒန္တ ကုမာရာဘိဝံသက တွေ့ဆုံပွဲတွင် ပြောကြား ခဲ့သည်။ ပုပ်ရဟန်း မင်းကြီးသည် နိုဝင်ဘာလ ၂၉ ရက်နေ့ မနက်ပိုင်းက ရန်ကုန်မြို့တွင် မစ္ဆားတရားတော် ပူဇော် ဆုတောင်းခြင်း အခန်းအနားကို ပရိသတ်များနှင့် အတူပြုလုပ်ခဲ့သည်။ ခရီးစဉ်ပြီးဆုံးသည့် နိုဝင်ဘာလ ၃၀ ရက်နေ့တွင် ဘင်္ဂလားဒေ့ရှ် နိုင်ငံသို့ ဆက်လက်ထွက်ခွာသွားသည်။ The post ငြိမ်းချမ်းရေးအတွက် ဘာသာရေးခေါင်းဆောင်များ အရေးကြီးဟု ပုပ်ရဟန်းမင်းကြီးနှင့် မဟန သဘောတူ appeared first on ဧရာဝတီ.
Source : http://ift.tt/2j1TkSm
via IFTTT

နားၾကပ္တခုကို ႏွစ္ေယာက္မွ် မသုံးပါနဲ႔

နားကြပ်တခုကို နှစ်ယောက်မျှ မသုံးပါနဲ့ အခုခေတ်မှာ နားကြပ်လေး တခုကို တယောက်တဖက်စီ တပ်ပြီး သီချင်း အတူတူ နားထောင်ကြတဲ့ ချစ်သူတွေ၊ သူငယ်ချင်းတွေ၊ ဒါမှမဟုတ် နားကြပ်တစ်ခုကိုပဲ ကြုံရင် ကြုံသလို သူငယ်ချင်းတွေ မျှသုံးကြတာတွေ ရှိပါတယ်။ ချစ်သူတွေကတော့ Romance ဆန်တယ် ဆိုပြီး ပိုလို့တောင် သုံးကြပါတယ်။ ဒါပေမယ့် တကယ်တော့ ကျန်းမာရေး ရှုထောင့်က ကြည့်မယ်ဆိုရင် မကောင်းပါဘူး။ အသေးစိတ်ကို မပြောခင် အရေးကြီးတဲ့ အချက်လေး နည်းနည်းလောက် တွေးစရာ ပြောပါ့မယ်။ ကျနော်တို့ရဲ့ နားအတွင်းမှာ နားဖာချေးတွေ အနည်းနဲ့အများ ရှိပါတယ်။ ဒါက သဘာဝအလျောက် ထွက်ရှိနေတဲ့အရာဖြစ်ပြီး သူက ကူးစက်ရောဂါ(ရောဂါပိုး)တွေကို ကာကွယ်ပေးပါတယ်။ အဲဒီလို နားဖာချေးဆိုတဲ့ အညစ်အကြေးမှာရော ရောဂါပိုးတွေ မရှိဘူးလားဆိုတော့ ရှိပါတယ်။ သို့ပေမယ့် အနည်းငယ်ပေ့ါ။ အဆိုပါ ရောဂါပိုးက လူကို အန္တရာယ်မပေးနိုင်ပါဘူး။ ဒီလိုနဲ့ နားထဲကို နားကြပ်ထည့်ပြီး သီးချင်းနားထောင်တယ်၊ နားအတွင်းသားက ဘက်တီးရီးယားတွေဟာ နားကြပ်ထဲကို ကူးသွားကြတယ်၊ တချို့ နားကြပ်တွေမှာလည်း သန့်ရှင်းမှု မရှိလို့ နဂိုကတည်းက ဘက်တီးရီးယား ပါရှိနေမှု ရှိနိုင်ပါတယ်။ ဒီတော့ သဘောတရားက နားကြပ် အသစ်ဆိုရင်လည်း မိမိ နားထဲက ရောဂါပိုးတချို့ နားကြပ်ကိုရောက်တယ်၊ ပိုးပါရှိတဲ့ နားကြပ်ဆိုရင်လည်း အဆိုပါ ပိုးတချို့ နားထဲကို ဝင်တယ်၊ အပြန်အလှန်ပေါ့။ အထူးသဖြင့်တော့ နားထဲမှာရှိတဲ့ ဘက်တီးရီးယားတွေရဲ့ တိုးပွားမှုနဲ့ အန္တရာယ်ပေးနိုင်မှု ကို နားဖာချေးက ထိန်းထားနိုင်ပေမယ့် နားကြပ်ထဲမှာတော့ ပဋိပစ္စည်း မရှိလို့ ရောဂါပိုးတွေ တိုးမြင့် ပေါက်ဖွားလာနိုင်တယ်လို့ အမေရိကန်နိုင်ငံ၊ အရီဇိုးနားတက္ကသိုလ်က ပါမောက္ခ Kelly Reynoldsဘ က ရှင်းပြပါတယ်။ ဒီလိုနဲ့ ဘက်တီးရီးယားတွေ အရမ်းများလာရင်တော့ ကူးစက်ရောဂါဖြစ်ဖို့ အားကောင်းလာပါပြီလို့ ကယ်လီဖိုးနီးယားပြည်နယ်မှာရှိတဲ့ တောင်ကယ်လီဖိုးနီးယား ဦးနှောက်နဲ့ လည်ပင်းကျန်းမာရေး ဌာနက MD ဖြစ်သူ ဒေါက်တာ Abbas Anwar က ဆက်ပြောပါတယ်။ Abbdas ကပဲ နားကြပ်တွေဟာ နားရဲ့ အတွင်းသားထဲမှာ ထည့်သွင်း နားထောင်ရတဲ့ နားကြားကိရိယာ ဖြစ်ပြီး အိပ်နေရင်း တပ်ဆင်ထားမှု၊ လေ့ကျင့်ခန်းလုပ်ချိန်တွေနဲ့ အချိန်ကြာ တပ်ဆင် အသုံးပြုမှုတွေက နားအတွင်းသားမှာ ပြတ်ရှမှုလေးတွေ ဖြစ်စေနိုင်ပါတယ်၊ ဒီလို ပြတ်ရှမှုတွေရှိလာရင်တော့ နားကြပ်ထဲက ဖြစ်စေ၊ နားအတွင်းသားထဲက ဖြစ်စေ ရောဂါးပိုးတွေ အရေပြားထဲ ဝင်နိုင်ဖို့ အခွင့်အလမ်း ရှိလာပြီး နားဖာချေးကလည်းကာကွယ်မပေးနိုင်တောဘူးလို့ ရှင်းပြပါတယ်။ ဒီတော့ ကိုယ့်နားကြပ်နဲ့ ကိုယ် ဆိုရင်တောင်မှ မိမိ နားမှာ၊ နားကြပ်မှာရှိတဲ့ ရောဂါပိုး ဝင်နိုင်မှု အခွင့်အလမ်း ရှိပြီး အများစုသုံးတဲ့ နားကြပ်ဆိုရင်တော့ ပိုလိ့ုတောင် ရောဂါပိုး အစုံ ရှိနေနိုင်တာလည်း ဖြစ်ပါတယ်။ သင့် သူငယ်ချင်းရဲ့ နားကြပ်က သန့်၊ မသန့် ဆိုတာ သင် မသိပါဘူး၊ စားပွဲပေါ်တွေ အိတ်ကပ်နေရာစုံတွေကနေ ရောဂါပိုး အစုံလည်း ပါရှိနေနိုင်ပါတယ်၊ ဒါဟာ နားကနေတဆင့်ဖြစ်တဲ့ အရေပြား ကူးစက်ရောဂါ ဖြစ်နိုင်ချေကို အများဆုံး အားပေးနေတယ်လို့ ဒေါက်တာ Anwar က ဆက်ရှင်းပြပါတယ်။ ဒီတော့ သူတို့အနေနဲ့ ဖြစ်စေချင်တဲ့ ဆန္ဒကတော့ နားကြပ်တခုကို လူနှစ်ယောက်၊ အများသုံးမလုပ်ဖို့၊ ဖြစ်နိုင်မယ်ဆိုရင် မိမိ နားကြပ်ကို ကိုယ်တိုင် သန့်ရှင်းအောင် ထားရှိအသုံးပြုဖို့၊ နားကြပ်ထည့်ဖို့ သီးသန့် အိတ်ဝယ်သုံးပြီး သန့်သန့်လေးထားမယ်၊ သူငယ်ချင်းကို ပေးမသုံးဘူး၊ အရက်ပြန်လို အရည်မျိုးနဲ့ သုတ်သင် သန့်စင်ပေးမယ်၊ အမြဲတမ်းခြောက်သွေ့အောင် ထားမယ်၊ ဒါဆိုရင်တော့ သင့်အနေနဲ့ နားကြပ်ကနေ နားနဲ့ ပတ်သက်တဲ့ ကူးစက်ရောဂါတွေကို အကောင်းဆုံး ကာကွယ်တားဆီးနိုင်မှာ ဖြစ်တယ်လို့ ဆိုပါတယ်။ www.rd.com တွင်ဖော်ပြထားတဲ့ Here’s why you should never, ever share earbuds with anyone ဆောင်းပါးကို ဆီလျော်အောင် ဘာသာပြန်ဆိုသည်။ The post နားကြပ်တခုကို နှစ်ယောက်မျှ မသုံးပါနဲ့ appeared first on ဧရာဝတီ.
Source : http://ift.tt/2kbeWPE
via IFTTT

တိုက္ခ်င္းပစ္ ဒုံးလက္နက္ စမ္းသပ္မႈအတြက္ သမၼတ ကင္ဂ်ဳံအန္း ေအာင္ပြဲခံ

တိုက်ချင်းပစ် ဒုံးလက်နက် စမ်းသပ်မှုအတွက် သမ္မတ ကင်ဂျုံအန်း အောင်ပွဲခံ တိုက်ချင်းပစ် ဒုံးလက်နက် စမ်းသပ်ပစ်လွှတ်သည့်အတွက် ကုလသမဂ္ဂက အပါအဝင် ကမ္ဘာတလွှား နိုင်ငံများက အပြင်း အထန် ရှုတ်ချနေသည့်ကြားမှ မြောက်ကိုရီးယားခေါင်းဆောင် ကင်ဂျုံအန်းဟာ ပြုံးရွင်စွာနဲ့ ဒုံးပျံစခန်းတွေကို ယနေ့ သွားရောက် စစ်ဆေးပြီး အောင်ပွဲခံခဲ့တဲ့ ဓာတ်ပုံများ အစိုးရပိုင် KCNA က ထုတ်ပြန်ပါတယ်။ ခေါင်းဆောင်ကြီး ကင်ဂျုံအန်းက မြောက်ကိုရီးယားအတွက် သမိုင်းဝင် နျူကလီးယား ဒုံးပျံတပ်ဖွဲ့ကို တည်ဆောက် နိုင်ပြီဖြစ်တယ်လို့ ပြောဆိုကြောင်းလည်းပါရှိပါတယ်။ မြောက်ကိုရီးယားဟာ အမေရိကန်ရဲ့ ခြိမ်းခြောက်နေတဲ့ကြားမှ Hwasong-15 အမျိုးအစား တိုက်ချင်းပစ် ဒုံးလက်နက်ကို မနေ့နံနက် စောစောပိုင်းက ဂျပန်ပင်လယ်ထဲကို ပစ်လွှတ်လိုက်ခြင်းဖြစ်ပြီး၊ အဆိုပါ ဒုံးလက်နက်ဟာ ဂျပန်စီးပွားရေး ဇုန်ထဲကို ကျရောက်သွားပါတယ်။ ထိုသို့ ဒုံးပျံပစ်လွှတ်စမ်းသပ်ပြီး မကြာမီပါပဲ အမေရိကန်၊ ဂျပန်နဲ့ တောင်ကိုရီးယားတို့က ကုလသမဂ္ဂ လုံခြုံရေးကောင်စီ အရေးပေါ် အစည်းအဝေး ချက်ချင်းခေါ်ဖို့ တောင်းဆိုခဲ့ပါတယ်။ ကုလသမဂ္ဂ ဆိုင်ရာ အမေရိကန်သံအမတ်ကြီး နစ်ကီ ဟေလီက ကမ္ဘာနိုင်ငံများ အနေဖြင့် မြောက်ကိုရီးယားနိုင်ငံနဲ့ ပတ်သက်တဲ့ စီးပွားရေး၊ သံတမန်ဆက်ဆံရေးနဲ့ စစ်ရေးအပါအဝင် တခြားသော ဆက်ဆံရေးများ ကို ဖြတ်တောက်ဖို့ တိုက်တွန်းလိုက်သလို မြောက်ကိုရီးယား ခေါင်းဆောင်ဟာ ကမ္ဘာကြီးကို စစ်ပွဲအတွင်း ဆွဲသွင်းနေတယ်လို့ ပြောဆိုလိုက်ပါတယ်။ မြောက်ကိုရီးယားက ဒုံးလက်နက်ပစ်လွှတ်လိုက်ခြင်းကြောင်း အိမ်းနီးချင်းနိုင်ငံများရဲ့ လုံခြုံရေးကို အဖျက်သဘောမဆောင် ကြောင်း ပြောဆိုပေမယ်၊ သူတို့ရဲ့ ဒုံးလက်နက်ဟာ အမေရိကန်အထိ ရောက်ရှိနိုုင်တယ်လို့လည်း ပြောလိုက်ပါတယ်။ ယနေ့မှာတော့ မြောက်ကိုရီးယား အရေးနဲ့ ပတ်သက်ပြီး ကုလသမဂ္ဂ လုံခြုံရေးကောင်စီ အရေးပေါ်အစည်းအဝေး ပြုလုပ် နေပါတယ်။ The post တိုက်ချင်းပစ် ဒုံးလက်နက် စမ်းသပ်မှုအတွက် သမ္မတ ကင်ဂျုံအန်း အောင်ပွဲခံ appeared first on ဧရာဝတီ.
Source : http://ift.tt/2BoPREd
via IFTTT

ေဒၚေအာင္ဆန္းစုၾကည္ တ႐ုတ္ႏိုင္ငံသို႔ ခ်စ္ၾကည္ေရးခရီးထြက္ခြာ

ဒေါ်အောင်ဆန်းစုကြည် တရုတ်နိုင်ငံသို့ ချစ်ကြည်ရေးခရီးထွက်ခွာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်သည် တရုတ်အစိုးရ၏ ဖိတ်ကြားချက်အရ ယနေ့နံနက် ၈နာရီ ၁၅ မိနစ်မှာ နေပြည်တော်မှ မြန်မာအမျိုးသား လေကြောင်းလိုင်း အထူးလေယာဉ်ဖြင့် တရုတ်နိုင်ငံသို့ အလုပ်သဘော ချစ်ကြည်ရေး ခရီးသွားရောက်ခဲ့ပါတယ်။ ဒေါ်အောင်ဆန်းစုကြည်ဟာ တရုတ်သမ္မတ ရှီကျင့်ဖျင်နှင့် ဘေကျင်းမြို့တွင် တွေ့ဆုံမည်ဖြစ်ပြီး၊ တရုတ်ကွန်မြူနစ်ပါတီ နှင့် ပြည်ပနိုင်ငံရေးပါတီများ၏ အဆင့်မြင့်ခေါင်းဆောင်များ ဆွေးနွေးပွဲ ဖွင့်ပွဲ အခမ်းအနားသို့ တရုတ်အစိုးရ အထူးဧည့်သည်တော်အဖြစ် တက်ရောက် မိန့်ခွန်းပြောကြားမယ်လို့ သိရပါတယ်။ နိုင်ငံတော်အတိုင်ပင်ခံပုဂ္ဂိုလ်နှင့် အတူ လျှပ်စစ်နှင့် စွမ်းအင်ဝန်ကြီးဌာနနှင့် ဆောက် လုပ်ရေး ဝန်ကြီးဌာန ပြည်ထောင်စုဝန်ကြီး ဦးဝင်းခိုင်၊ မန္တလေးတိုင်းဒေသကြီးဝန်ကြီးချုပ် ဦးဇော်မြင့်မောင်၊ သမ္မတရုံးဝန်ကြီးဌာန ဒုတိယဝန်ကြီး ဦးမင်းသူ နှင့်တာဝန်ရှိသူများ လိုက်ပါသွားတယ်လို့ နိုင်ငံတော် အတိုင်ပင်ခံရုံးမှ ထုတ်ပြန်ပါတယ်။ ရခိုင်ပဋိပက္ခကြောင့် အမေရိကန်အပါအဝင် အနောက်နိုင်ငံများက ဖိအားပေးများ ကြုံတွေ့နေရချိန်တွင် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ဟာလည်း တရုတ်နိုင်ငံသို့ သွားရောက်ပြီး သမ္မတ ရှီကျင့်ဖျင်နှင့် တကွ စစ်ဘက်ဆိုင်ရာများနှင့် တွေ့ဆုံခဲ့ပါသေးတယ်။ The post ဒေါ်အောင်ဆန်းစုကြည် တရုတ်နိုင်ငံသို့ ချစ်ကြည်ရေးခရီးထွက်ခွာ appeared first on ဧရာဝတီ.
Source : http://ift.tt/2ni1jza
via IFTTT

“၂၀၂၀ က်ရင္ အေျဖေပၚမွာပဲ”လို႔ ဆိုတဲ့ မေကြးတိုင္း ဝန္ႀကီးခ်ဳပ္

“၂၀၂၀ ကျရင် အဖြေပေါ်မှာပဲ”လို့ ဆိုတဲ့ မကွေးတိုင်း ဝန်ကြီးချုပ် အစိုးရသစ်သက်တမ်း ၁ နှစ်ခွဲကျော် ကာလအတွင်း မကွေးတိုင်း ဒေသကြီး၏ ဒေသဖွံ့ဖြိုးရေး လုပ်ငန်းဆောင်ရွက်ခဲ့မှု အခြေအနေ၊ သဘာဝ သယံဇာတ စီမံခန့်ခွဲမှု အခြေအနေများနှင့် ပတ်သက်၍ မကွေးတိုင်းဒေသကြီး ဝန်ကြီးချုပ် ဒေါက်တာ အောင်မိုးညိုကို ဧရာဝတီသတင်းဌာနမှ သတင်းထောက် ဇူးဇူးနှင့် ထွန်းထွန်းတို့က သွားရောက် တွေ့ဆုံးမေးမြန်းထားပါသည်။ မေး ။ ။ ဝန်ကြီးချုပ် တာဝန်ယူတဲ့ ကာလအတွင်း မကွေးတိုင်းဒေသကြီး အတွင်းမှာ ဆောင်ရွက်ခဲ့တဲ့ လုပ်ငန်းတွေနဲ့ အဲဒီထဲမှာ မှ ဘယ်လုပ်ငန်းကို အားရကျေးနပ်မှု ရှိပါသလဲ ဖြေကြားပေးပါ။ ဖြေ ။ ။ ကျနော်တို့က ပြောင်းလဲချိန်တန်ပြီ ဆိုတဲ့ စကားနဲ့ အညီ ရွေးကောက်ပွဲ ဝင်ခဲ့သလို တတ်နိုင်သမျှ ကြိုးစားဆောင်ရွက် တယ်။ ဒီအတွက် ကိုယ့်ကိုယ်ကိုယ် ကျေနပ်တယ်။ ဝေဖန်တဲ့ သူတွေကတော့ အပြုသဘောနဲ့ ဝေဖန်တာ စေတနာနဲ့ ဝေဖန်တာ ရှိသလို အပြစ်မရှိ အပြစ်ရှာပြီး ဝေဖန်တာတွေလည်း ရှိတယ်။ ပြောရရင် အခုလိုမျိုး လွတ်လွတ်လပ်လပ် ဝေဖန်ခွင့်ရ တာကိုက တိုးတက်မှု တခုလို့ ကျနော်ပြောချင်တယ်။ ကျနော်တို့ တိုင်းဒေသကြီး အစိုးရ အဖွဲ့ရဲ့ ပြီးခဲ့တဲ့ တနှစ်တာ အတွင်း ဆောင်ရွက်ချက်တွေက ပြောခဲ့ပြီးပြီ။ သတင်းစာ၊ ဂျာနယ်၊ မဂ္ဂဇင်းတွေမှာလည်း ပါတယ်။ သတင်းစာ ရှင်းလင်းပွဲလည်း လုပ်ခဲ့တော့ သိပ်မပြောတော့ဘူး။ ဒီတော့ ဘတ်ဂျက်နှစ် အသစ် ဧပြီ ၁ ရက်နေ့ကစပြီး ဖွံ့ဖြိုးရေး၊ ရပ်ရွာအေးချမ်းရေးနဲ့ ပတ်သက်ပြီး ဘာတွေ လုပ်ခဲ့သလဲ။ ဘယ်လိုဆောင်ရွက်ခဲ့သလဲ ဆိုတာတွေကို ပဲ မှတ်သားမိသလောက် ပြောပြမယ်။ ပထမဆုံး ပြောချင်တာက ဧပြီလထဲမှာ မုန်တိုင်းဝင်လို့ မန်းရွှေစက်တော်မှာ ရေကြီးတယ်။ ဘယ်လောက်ထိ ရေကြီးသလဲ ဆိုတော့ ပွဲခင်းထဲ ပေါင်လယ်လောက်ထိ ၃ ပေကျော်လောက် ရေတွေတက်လာတယ်၊ မုန်တိုင်းမိုးကြောင့်…။ မကွေးတိုင်းဒေသကြီး အစိုးရ အဖွဲ့ကမုန်တိုင်းလာပြီ ဆိုတဲ့ သတင်းကို ၁၄ ရက်နေ့ည ကတည်းက စပြီးသိရတယ်။ ညချင်းပဲ လုံနယ်ဝန်ကြီးကို အကြောင်းကြား တယ်။ ၁၅ ရက် မနက် လုံနယ်ဝန်ကြီးက မန်းရွှေစက်တော်မှာ လိုအပ်တာတွေ စီမံခန့်ခွဲပြီး ၁၆ ရက် ညနေ မှာပဲ ဆိုင်တွေ ပြောင်းရွှေ့ဖို့ အားလုံး စီစဉ်ပြီးသွားနိုင်တယ်။ ပွဲခင်းကို ၁၅/၁၆ ကျမှ လာတဲ့ သူတွေကိုလည်း လမ်းကနေတားပြီး ပြန်လွှတ်တာ တွေ ရှိတယ်။ ထိထိရောက်ရောက် အောင်အောင်မြင်မြင် ဆောင်ရွက်နိုင်ခဲ့တယ်။ ဘာမှ အသေအပျောက် အဆုံးအရှုံး မရှိဘူး။ သို့သော် ကြံဖန်ပြီး အပြစ်မရှိ အပြစ်ရှာ ဝေဖန်တာတွေလည်း ကြုံရတယ်။ အစိုးရက ပိတ်ပွဲ မတိုင်ခင် ၂ ရက် ကြိုပိတ်တဲ့ အတွက် ဒါ တောစောင့်နတ် တောင်စောင့်နတ် နတ်ကောင်း နတ်မြတ်တွေက မုန်းတိုင်းနဲ့ တိုက်တယ် ဆိုပြီး ကြံဖန်ဝေဖန်တာ ခံရတယ်။ ကျနော်တို့ဆောင်ရွက်ချက်က မုန်တိုင်းလာမှန်း သိလို့ အသေအပျောက် မရှိ၊ ဆုံးရှုံးမှု မရှိအောင် ကြိုပိတ်လိုက်တာ။ ပိတ်လိုက်လို့ မုန်တိုင်းလာတာ မဟုတ်ဘူး။ ဒါ ကျနော်တို့ရဲ့စီမံခန့်ခွဲမှု အတွက် ဂုဏ်ယူ ဝမ်းသာစရာပဲ။ နောက်တချက် ပြောချင်တာက ယခုနှစ်ထဲမှာ အဆင့်မြှင့်ပြီး တိုးပေးတဲ့ ကျောင်းတွေ ရှိတယ်။ မူလတန်းကို မူလတန်းခွဲ လုပ်တယ်။ အ.လ.က ကို အ.ထ.ကခွဲ လုပ်တယ်။ အ.ထ.ကခွဲ ကို အ.ထ.က အဆင့်မြှင့်တယ်။ တနိုင်ငံလုံးမှာမှ ၅၀၀၀ လောက်ပဲ ရှိတဲ့ အနက်မကွေးတိုင်းဒေသကြီးက အဆင့်မြှင့်တင်ပေးခဲ့တဲ့ ကျောင်းစုစုပေါင်း ၁၀၁၂ ကျောင်း ရှိတယ်။ တနိုင်ငံလုံးရဲ့ ၅ ပုံ တပုံလောက် ရှိတယ်။ ဒါကို ကြည့်ခြင်းအားဖြင့် ကျနော်တို့ မကွေးတိုင်းဒေသကြီး အစိုးရအဖွဲ့ တိုင်းပညာရေးမှူးနဲ့ လွှတ်တော်ကိုယ်စားလှယ် တွေရဲ့ပညာရေးမှာ စွမ်းဆောင်ရည် ဘယ်လိုရှိတယ် ဆိုတာ ခန့်မှန်းလို့ ရတယ်။ နိုင်ငံနဲ့ အဝှမ်းမှာ ရပ်ကွက် ကျေးရွာအုပ်စု အုပ်ချုပ်ရေးမှူးရုံးတွေ ဆိုတာသာ ရှိတယ်…၊ တရားဝင်ရုံး ဆောက်ဖို့တော့ ဘတ်ဂျက် ချထားပေးတာ မရှိသေးဘူး။ တချို့ဆို ရပ်ကွက်ကျေးရွာအုပ်စု အုပ်ချုပ်ရေးမှူးအိမ်မှာ ရုံးလုပ်ထားရတယ်။ တနိုင်ငံလုံးရဲ့ အုပ်ချုပ်ရေးယန္တရားမှာ အခြေခံကျဆုံး ဖြစ်တဲ့ ရပ်/ကျေးရုံးမှာ လုပ်ငန်းဆောင်တာတွေ ထိထိရောက်ရောက် ဆောင်ရွက်နိုင်ဖို့ ရပ်/ကျေးရုံး တရုံးကို သိန်း ၁၀၀ (၁၀ သန်း) အကုန်ကျခံပြီး ဆောက်ပေးမယ်။ သို့သော် ဘတ်ဂျက်ခွဲတမ်း မပြည့်စုံတဲ့အ တွက် ၂၅ မြို့နယ်မှာ ၁ မြို့နယ် ၁ရုံးနှုန်းနဲ့ ၂၅ ရုံးပဲ ဆောက်ပေးနိုင်သေးတယ်။ အခု စလုပ်နေပြီ။ မကွေးတိုင်းရန်ပုံငွေက ဒီထက် အဆင်ပြေရင် ပြေသလို ရွာတွေ တိုးတိုးပြီး ဆောက်ဖို့ရှိတယ်။ လောလောဆယ် ဆောက်ပေးနိုင် တာကတော့ မြေရှိတယ်၊ အဆောက်အဦ ဆောက်ပေးဖို့ပဲ လိုတဲ့ဟာတွေ။ တချို့ကျတော့ မြေလည်း မရှိ၊ နေရာလည်း မရှိဘူး ဆိုတာမျိုးကျ မစဉ်း စားနိုင်သေးဘူး။ ရပ်ကွက်ကျေးရွာအုပ်စု အုပ်ချုပ်ရေးမှူးရုံးတွေ ဆောက်ပေးခြင်း အားဖြင့် တရားဥပဒေ စိုးမိုးရေး၊ ဖွံ့ဖြိုးရေး ကျန်းမာရေးတွေမှာ အများကြီး အထောက်အကူပြုနိုင်မယ် လို့ ကျနော်ထင်တယ်။ မေး ။ ။ ဝန်ကြီးချုပ် လက်ထက်မှာ ဒေသဖွံ့ဖြိုးရေး လုပ်ဖို့ အရင်ကထက် ဘတ်ဂျတ်ပိုရလာတယ် လို့ သိရတယ်။ ဘယ် လောက်ရပြီး ဒါတွေကို ဘယ်လို စီမံခန့်ခွဲပါသလဲ။ ဖြေ ။ ။ ကျနော်တို့ တိုင်းဒေသကြီးတွေကို ပြည်ထောင်စုက အချိုးကျထောက်ပံ့တဲ့ ငွေသည် ယခင်ထက် စာလို့ရှိရင် ၁၀ ဆလောက်ကို ပိုတိုးရတယ်။ အခွန်အတုပ်တွေ ဆိုလည်း ကျနော်တို့က ပိုတိုးရအောင် လုပ်နိုင်တယ်။ ဥပမာ အားဖြင့် ပြီးခဲ့တဲ့ အစိုးရလက် ထက်က ရခဲ့တဲ့ အခွန်အတုပ်ထက် စာရင် စည်ပင်လိုင်စင်ကြေးတွေ ဘာတွေ ဝက်လိုင်စင် အမဲလိုင်စင် စည်ပင်သာယာအခွန် လိုင်စင် စသဖြင့် အခွန်အရပ်ရပ်က ရတဲ့ စုစုပေါင်းသည် ကျပ်ငွေသိန်းပေါင်း ၁၇၀၀ လောက် ပိုရတာ ရှိတယ်။ ကုန်သွယ်လုပ်ငန်းခွန်တွေ ဘယ်လောက်တိုးရတယ် ဆိုတာ ပြောချင်တာ။ ပြီးခဲ့တဲ့ဟာထက် ဆယ်ဆလောက် တိုးရတယ်။ ဒီလိုတိုးရတော့ ပခုက္ကူ၊ သရက်၊ မင်းဘူး ခရိုင်မြို့ကြီးတွေမှာ ဝန်ထမ်းတွေ အတွက် အိမ်ယာဆောက်ဖို့ ပြည်ထောင်စု အစိုးရ ခွဲတမ်းချပေးတဲ့ ကုန်သွယ်လုပ်ငန်းခွန်က ရတဲ့ ငွေထဲက ၁ လုံးကို သန်း ၁ ထောင်လောက် တန်တဲ့ အိမ်ယာတွေ မကြာခင် ဆောက်မယ်။ တင်ဒါ ခေါ်ထားပြီးပြီ။ ဒီလိုဆောက်လို့ရှိရင် ဝန်ထမ်းတွေမှာ အိမ်လခ ၇ ထောင်လောက်နဲ့ လူရိုသေရှင်ရိုသေ နေရမယ်။ အေးအေးချမ်းချမ်း လုံလုံခြုံခြုံနေရမယ်။ အခုကျ သူတို့ အပြင်မှာ ၅ သောင်း ၁ သိန်းပေးနေရတယ်။ ရတဲ့ လခနဲ့ ဘယ်လိုမှ မကာမိဘူး။ ဘယ်တုန်းကမှ ဒီလိုမျိုး လုပ်မပေးခဲ့တာကို ကျနော်တို့ လက်ထက်မှာ ဝန်ထမ်းတွေရဲ့ သက်သာချောင်ချိရေး အတွက် လုပ်ပေးနိုင်တဲ့ အတွက် အင်မတန်ကို ဝမ်းသာစရာပဲ။ ဒါနဲ့ပတ်သက်ပြီး ဆောက်သင့်တဲ့ နေရာမှာ ဆောက်ဖို့ မြေတွေဘာတွေ အကုန်လုံး စီစဉ်ပြီးပြီ။ မကွေးတိုင်းဒေသကြီးမှာ လွှတ်တော် မရှိသေးဘူး။ အခုက အထွေထွေအုပ်ချုပ်ရေး ဦးစီးဌာနရဲ့ ခန်းမတခုကိုယူပြီး ကျပ်ကျပ် ညပ်ညပ်နဲ့ အလုပ် လုပ်နေရတယ်။ ကျပ်ငွေသန်းပေါင်း ၄၀၀၀ ကျော် ၅၀၀၀ လောက်ကုန်ကျမယ့် တိုင်းဒေသကြီး လွှတ်တော် အသစ် ဆောက်ဖို့ ကျနော်တို့ စတင်နေပြီ ဖြစ်တယ်။ စည်းနဲ့ကမ်းနဲ့ တင်ဒါခေါ်တယ်။ အစိုးရဘက် ဝန်ကြီးချုပ်က သော်လည်းကောင်း၊ လွှတ်တော်ဥက္ကဋ္ဌက သော်လည်းကောင်း၊ ဆောက်လုပ်ရေးဝန်ကြီးက သော်လည်းကောင်း ဘာမှ နာမည် မထွက်ဘူး။ ဘယ်သူ့ ပေးဝေသနည်း၊တရားသနည်း၊ မတရားသနည်း ဘာမှ မကြားရဘူး။ စည်းနဲ့ ကမ်းနဲ့ တိုင်းအဆင့် ခရိုင် အဆင့် တင်ဒါခေါ်ပြီးမှ လုပ်ခွင့် ပေးလိုက်တယ်။ နောက်တခုက ကျန်တဲ့ တိုင်းနဲ့ ပြည်နယ်တွေ ဘယ်မှာမှ မလုပ်သေးတဲ့ မွေးကင်းစကလေးသူငယ်များ စွန့်ပစ်ခြင်းက ကာကွယ် တားဆီးရေး အတွက် မကွေးမှာ သားဖွားမီးယပ်ပါရဂူ အဖြစ် ၅ နှစ် တာဝန် ထမ်းဆောင်သွားတဲ့ လူကယ်ပြန် ပြည်ထောင်စုဝန်ကြီး ဦးဝင်းမြတ်အေးဇနီး ဆရာမကြီးက သားဆက်ခြားဖို့ ဘယ်လို လုပ်ရမလဲ။ ကိုယ်ဝန် မရှိအောင် ဘယ်လိုနေ ထိုင်ရမယ်။ ကွန်ဒုံးတွေ သုံးရမယ် စသဖြင့် ပညာပေး လုပ်ငန်းတွေ လုပ်တယ်။ ဒါ မကွေးတိုင်းက ပထမဆုံးပါ ဆိုတော့။ ဒါ ပြောရမှာပဲ မပြောမပြီး မတီးမမြည်။ ဥပမာ စာပေးစာယူလာဖြေကြတယ်။ တချို့ လူငယ်တွေပီပီ စိတ်လွတ်ကိုယ်လွတ် နေတယ်။ မလိုအပ်ဘဲ သားသမီးရှိတယ်။ ဖျက်ချတယ်။ သေတယ်။ ဒါမျိုးတွေကအစ ကာကွယ်တားဆီးနိုင်အောင် ကြိုးစားနေတဲ့ လုပ်ရပ်တခုပေါ့။ နောက်တခုက မကွေးတိုင်းမှာ ဖြစ်တဲ့ သက်ငယ်မုဒိမ်းမှုတွေနဲ့ ပတ်သက်လို့ အထောက်အထား ခိုင်လုံတယ်။ ပြစ်မှုထင်ရှားတယ် ဆိုရင် ကျူးလွန်သူကို ဥပဒေအရ ထောင်ဒဏ် အနှစ် ၂၀ ချဖို့ ဆုံးဖြတ်ထားတယ်။ ဥပဒေရုံးတွေ တရားရုံးတွေက လည်း ဒီအတိုင်းပဲ ကျနော့်ကို ပြောတယ်။ ထိထိရောက်ရောက် အရေးယူ အပြစ်ပေးဖို့ လုပ်ထားတယ်။ မူးယစ်ဆေးဝါးကိစ္စ တွေမှာလည်း ထိထိ ရောက်ရောက် အရေးယူဆောင်ရွက်ဖို့ တိုင်းအစိုးရအဖွဲ့က ညွန်ကြားထားတယ်။ မဟာဓာတ်အားလိုင်း မရောက်နိုင်တဲ့ နေရာတွေ ၁၀ မိုင်အထက် ၁၅ မိုင်၊ မိုင် ၂၀ ဝေးတဲ့ ကျေးလက် တောရွာတွေမှာ ဆိုလာနဲ့ လျှပ်စစ်မီး ပေးနိုင်အောင် ကြိုးပမ်းဆောင်ရွက်ခဲ့တာတွေ ရှိတယ်။ ပခုက္ကူခရိုင်ဘက်မှာ မြိုင်တို့ ရေစကြိုတို့ ကျောက် တောင်တို့ နာမည်တော့တချို့မေ့နေတယ်။ အဲဒီရွာတွေမှာလုပ်ပေးခဲ့တယ်။ ဒီလိုလုပ်ပေးခြင်းအားဖြင့် လူမှုစီးပွားအရ ပိုပြီးဖွံ့ ဖြိုးလာတယ်။ ရွာတိုင်းတော့ လုပ်မပေးနိုင်သေးဘူး။ လေးငါးရွာပဲ ရှိသေးတယ်။ ရွာတိုင်းကို လုပ်မပေးနိုင်တာက ပြည်ထောင်စုအစိုးရ ကျေးလက်ဦးစီးဌာနက ၆၀ ရာခိုင်နှုန်း ကုန်ကျစရိတ် ထည့်ရတယ်။ သက်ဆိုင်ရာ ဖွံ့ဖြိုးမှုလုပ်တဲ့ ကုမ္ပဏီက ၂၀ ရာ ခိုင်နှုန်းထည့်ပြီး မီတာခကို သူတို့က ၅ နှစ်ယူမယ်။ ပြီးရင်တော့ ကျေးလက် မီးကော်မတီကကျေးလက်ဖွံ့ဖြိုးရေး ဆက်လုပ်ပေါ့။ ရပ်ရွာက ၂၀ ရာခိုင်နှုန်း ထည့်ရတယ်။ ဒါကို မထည့်နိုင်လောက်အောင် ဆင်းရဲချို့တဲ့တဲ့ ရွာကျရင် ကျနော်တို့က လုပ်မပေးနိုင်ဘူး။ နွားစာ ရိတ်စက်တွေ၊ ရေခဲသေတ္တာတွေ၊ ပန်ကာတွေ၊ အပေါ်စက် အောက်စက်တွေ၊ ထမင်းပေါင်းအိုးတွေထိ သုံးနိုင်ပြီ ဆိုရင် ကျန်းမာရေး၊ ပညာရေး၊ သစ်တောပြုန်းတီးမှု စတာတွေကို အများကြီး အကျိုးပြုမယ်။ မေး ။ ။ ဝန်ထမ်းတွေ အတွက် အိမ်ယာတွေ ဆောက်လုပ်မယ် ဆိုတော့ စီမံကိန်းက စနေပြီလား။ ဘယ်တော့လောက် အပြီး ဆောက်မယ် လို့ ခန့်မှန်းထားပါသလဲ။ ဖြေ ။ ။ ဒါက ၂၀၁၇-၂၀၁၈ မကွေးတိုင်း ဒေသကြီး အစိုးရအဖွဲ့ ရန်ပုံငွေနဲ့ ဆောက်မှာ။ ကုန်သွယ်လုပ်ငန်းခွန်က ရတဲ့ ပိုက်ဆံ တွေနဲ့ ဆောက်မှာ။ တလုံးကို သန်း ၁၀၀၀ လောက် တန်တယ် ဆိုသော်လည်းပဲ ဖြည့်စွက်ရန်ပုံငွေမှာ ပြည်ထောင်စုကို ဘတ်ဂျက်တွေ တင်တဲ့အခါ ကျပ်သန်းပေါင်း ၅၀၀၀ လောက် ဖြတ်တောက် ခံလိုက်ရတာတွေ ရှိတယ်။ ဒီတော့ ဆောက်မယ့်နေရာ တွေကို ကျပ်သန်း ၆၀၀ စီပေးမယ်။ အခု တင်ဒါခေါ်ထားပြီ ဖြစ်တဲ့ အတွက် လာမယ့် ဒီဇင်ဘာလထဲမှာကို စဆောက်နိုင်မယ် ထင်တယ်။ လောလောဆယ် ကျပ်သန်း ၆၀၀ စီပေးထားမယ်။ လိုတဲ့ ဘတ်ဂျက်ကတော့ လာမယ့် ၂၀၁၈-၂၀၁၉ ဘတ်ဂျက်မှာ ပါလာမှာပေါ့။ မေး ။ ။ ယခင်ဝန်ကြီးချုပ်ဟောင်း ဦးဘုန်းမော်ရွှေ ပြန်သွင်းတဲ့ ပိုက်ဆံတွေကိုရော ဘယ်နေရာတွေမှာ အသုံးပြုနေပါသလဲ။ ဖြေ ။ ။ ပြီးခဲ့တဲ့ အစိုးရ လက်ထက်တုန်းက စာရင်း မတွေ့တဲ့ ကျပ်သန်းပေါင်း ၇၀၀၀ ကျော် ရှိတယ်။ အဲဒါကို ပြည်ထောင်စု အစိုးရအဖွဲ့ နိုင်ငံတော်သမ္မတကြီးရဲ့ ညွှန်ကြားချက် အရ ဘယ်ပစ္စည်းတွေ ပြန်တောင်းပါ ဆိုလို့ မီနီဘတ်စ် ၃ စီး၊ ဒက်ဘယ် ကပ်ကား တစီး၊ဘက်ဟိုး တစီး ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီဆီက ပြန်ရတယ်။ ရွှေသုခ ငွေချေးလုပ်ငန်းကနေ ပိုက်ဆံတွေ ပြန်ရတယ်။ ပြီးခဲ့တဲ့ ၂၀၁၇ ဇူလိုင် ၃၁ မှာ သူတို့ ပြောထားတဲ့ ကတိအတိုင်း ပေးခဲ့တဲ့ ငွေတွေသည် ကျပ်ငွေ သန်း ပေါင်း ၃၂၇၉ သန်း (၃ ဒသမ ၂၇၉ ဘီလီယံ)ရှိတယ်။ ဒီပိုက်ဆံတွေ ရပြီလား။ ဒါတွေကို ဘယ်မှာ သုံးမှာလဲ ဆိုပြီး ပြည်ထောင်စု အစိုးရက မေးထားတာ ရှိတယ်။ ဒါကြောင့် အခု ဖြည့်စွက် ရန်ပုံငွေတောင်းခံပြီး သုံးတဲ့ ကာလမှာ ဒါတွေကို ပြည်ထောင်စုအစိုးရကို စည်းနဲ့ ကမ်းနဲ့ အညီသုံးဖို့ တင်ပြထားတာ ရှိတယ်။ သုံးခွင့်လည်း ရမှာပဲ။ ဘာတွေသုံးမလဲ ဆိုရင် တိုင်းဒေသကြီး အစိုးရအဖွဲ့မှာ ဌာနဆိုင်ရာတွေ ရှိတယ်။ အဲဒီက ညွှန်မှူးတွေ ဒုညွှန်မှူးတွေ တိုင်းထဲမှာ ပတ်ပြီး သွားနေရတဲ့ အခါ သုံးရတဲ့ကားတွေက ပြောရရင် ချိုကျိုးနားရွက်ပဲ့။ မန်းမှုတ်ပြီး သုံးနေရတာ။ ကားအစုတ်တွေ ပေါ့။ ဒါကြောင့် တတိုင်းလုံး အတွက် တကယ်တမ်းလှုပ်ရှားသွားလာရတဲ့ သစ်တောတို့ စိုက်ပျိုးရေးတို့ ပညာရေးတို့ မြေစာရင်း ဦးစီးဌာနတို့ ခုနောက်ဆုံးဖွဲ့တဲ့ အစားအသောက်နဲ့ ဆေးဝါးကွပ်ကဲရေး (FDA) တို့အတွက် လိုအပ်တဲ့ ပစ်ကတ်ကားလေးတွေ ဝယ်ပေးဖို့ အဲဒါ သန်း ၂၀၀ လျာထားတယ်။ မဟာဓာတ်အားလိုင်းနဲ့ ဝေးတဲ့ နေရာတွေမှာ တိုက်နယ်ဆေးရုံတွေ ရှိတယ်။ သေရေးရှင်ရေး မိုးထဲ ရေထဲကျရင် ခွဲဖို့ စိတ်ဖို့ သူတို့မှာ ဒီဇယ်နဲ့ လည်တဲ့ အင်ဂျင်တွေကိုပဲ အားကိုးရတာ။ ဒီဇယ်အင်ဂျင်တွေ လည်ပတ်ဖို့ တိုက်နယ်ဆေးရုံ ၂၉ ခု ၁၀ သိန်းနှုန်းနဲ့ ထောက်ပံ့တော့ ၂၉ သန်း ပေးထားတာ ရှိတယ်။ နောက်ပြီး အပြည်ပြည်ဆိုင်ရာနဲ့ ဆက်သွယ်တာပဲ ဖြစ်ဖြစ်၊ ပြည်ထောင်စု အစိုးရနဲ့ ချိတ်ဆက်တဲ့ နေရာမှာပဲ ဖြစ်ဖြစ် ပွင့်လင်းမြင်သာမှု၊ မြန်ဆန်မှု၊ တခြားသော အာဆီယံနိုင်ငံတွေနဲ့ တန်းတူလုပ်နိုင်ဖို့ E-Government လုပ်နိုင်ဖို့အတွက် အဲဒီထဲကနေ ကျပ်ငွေ သန်း ၁၀၀ သုံးတယ်။ မကွေးတိုင်း ၂၅ မြို့နယ် အတွက် အမှိုက်သိမ်းယာဉ် brand new တော့ မဝယ်နိုင်ဘူး။ ဂျပန်မှာ လေးငါးနှစ်သုံးပြီးသား အမှိုက်သိမ်း ယာဉ်တွေ ဝယ်ဖို့ ခရိုင် ၅ ခရိုင် မြို့နယ်ပေါင်း ၂၅ မြို့နယ်အတွက် ၃၃ စီးဝယ်ဖို့ ကျပ်ငွေသန်းပေါင်း ၉၉၀ လျာထားတယ်။ တချို့မကွေးတိုင်းထဲမှာ ရွာကြီးတွေ တိုက်နယ်ကြီးတွေ ရှိတယ်။ ဥပမာ မြစ်ခြေ၊ ကျောင်းတော်ရာ၊ ပလို့၊ လယ်ကိုင်းလိုမျိုးတွေ အတွက် မီးသတ်ကား၊ ရေသယ်ယာဉ်၊ မီးသတ်စခန်း စသဖြင့် လိုအပ်သလို အသုံးချနိုင်ဖို့ အတွက် ကျပ်ငွေသန်းပေါင်း ၉၁၀ လျာထားတယ်။နောက်တခါ ရွှေစက်တော်လို ဘုရားပွဲတော်ကြီးတွေမှာ သုံးဖို့ ရေဆိုးစုပ်တဲ့ဟာ မိလ္လာစုပ်ထုတ်ဖို့ ကားတွေ မရှိဘူး။ ဒီလို စည်ပင်သာယာ အတွက်လိုအပ်မယ့် ခရိုင် ၅ ခရိုင်အတွက် တခရိုင်တစီး ကား ၅ စီးဝယ်ဖို့ အတွက် သန်း ၁၅၀ လျာထားတယ်။ များများစားစား သုံးတာကတော့ လက်ရှိမှာ မကွေးတိုင်းက ကုတင် ၂၀၀ ဆံ့ တိုင်းဆေးရုံကြီးကို ကုတင် ၅၀၀ ဆေးရုံဖြစ်ဖို့ အဆင်မြှင့်တဲ့ အနေနဲ့ ၅ ထပ် တိုးချဲ့လူနာဆောင် ဆောက်နေပြီ။ အရင် အစိုးရလက်ထက် တောင်းသွားတာကတော့ ၂ ထပ် လူနာဆောင်ပဲ။ ၅ ထပ်ဆောင်ဆောက်ဖို့ အတွက် ကျပ်ငွေ သန်းပေါင်းများစွာ ကုန်မယ်။ ခွဲ စိတ်ခန်းတွေလည်း ပါမှာပေါ့။ ဒါ ဆောက်ဖို့ ပြည်ထောင်စု ဘတ်ဂျက်နဲ့ လုပ်ရတာ ဆိုတော့ တနှစ်ကို သန်း ၄၀၀ ပေးလိုက်။ သန်း ၇၀၀ ပေးလိုက်။ အလီလီ ပေးနေရတော့ ငါးနှစ်ခြောက်နှစ်ကြာမှ ဒီဆေးရုံက ပြီးမယ့် သဘောရှိတယ်။ မြန်မြန်ပြီးလေ မကွေးတိုင်းပြည်သူတို့ အတွက် အများကြီး အထောက်အကူ ရလေ ဖြစ်တဲ့ အတွက်ကြောင့် တိုင်းဆေးရုံကြီး တိုးချဲ့ ၅ ထပ်ဆောင် ဆောက်ဖို့ အတွက် မကွေးတိုင်း ရန်ပုံငွေထဲ ကနေ သန်း ၅၀၀ ပေးလိုက်တယ်။ မကွေးတိုင်းဒေသကြီး ရဲတပ်ဖွဲ့မှာ အချိန်နဲ့ တပြေးညီဆောင်ရွက်နိုင်ဖို့ ဆိုင်ကယ်တွေ လိုတယ်။ သူတို့မှာလည်း သူတို့လခနဲ့ ဘယ့်နှယ့်လုပ် ဝယ်နိုင်မှာလဲ။ နိုင်ငံတော် ဘတ်ဂျက်ကလည်း ခွဲစိတ်ပေး နေရတော့ မလောက်ငတဲ့ အတွက်ကြောင့် ဆိုင်ကယ် ၁၃၇ စီး လိုပါတယ် ဆိုပြီး တင်ပြတယ်။ တစီးကို ၈ သိန်းခွဲ လောက်နဲ့။ ဂျပန်၊ ယိုးဒယားလောက်တော့ မဝယ်နိုင်ဘူး။ တရုတ်ဘီး ကောင်းကောင်းလောက်ကို ၈ သိန်းခွဲနဲ့ ဝယ်ဖို့ ၁၁၅ သန်း။ နောက်တခုက မကွေးတိုင်းမှာ လယ်သမား ယာသမားတွေ အတွက် တကယ်ကောင်းတဲ့ စံမီတဲ့ အထွက်နှုန်းကောင်းတဲ့ မျိုးစေ့ကောင်းတွေ ရဖို့ဆိုရင် မျိုးစေ့ဘဏ် ကောင်းကောင်းရှိဖို့လိုတယ်။ မျိုးစေ့ဘဏ်က မကွေးတိုင်း တတိုင်းလုံးမှာ ပွင့်ဖြူနဲ့ မကွေး နှစ်မြို့ပဲ ရှိတယ်။ မျိုးစေ့ကောင်းကောင်း ရဖို့အတွက် လိုအပ်သလို ဆောင်ရွက်ဖို့ ငွေရှိမှ ဖြစ်မှာ။ ငွေလိုပါတယ် ပြောလို့ တိုင်းစိုက်ပျိုးရေး မန်နေဂျာကို သန်း ၁၅၀ (သိန်း ၁၅၀၀) ပေးထားတယ်။ ဘယ်က ပိုက်ဆံတွေနဲ့ ပေးသလဲ ဆိုတော့ ပြီးခဲ့တဲ့ အစိုးရ လက်ထက်တုန်းက ရခဲ့တဲ့ ရေနံနဲ့ လက်ယက်တွင်း ဖွံ့ဖြိုးမှု လုပ်ငန်းရှင်တွေ ထည့်တဲ့ ကျပ်ငွေ သန်းပေါင်း ၃၂၇၉ သန်းကနေ လုပ်ပေးခဲ့တာ။ ပြီးခဲ့တဲ့ အစိုးရက ရခဲ့တဲ့ ငွေတွေကို အလေလွင့် မရှိအောင် စည်းနဲ့ ကမ်းနဲ့ သုံးမယ်။ ပြည်ထောင်စုကိုလည်း တင်ပြမယ်။ ပြည်ထောင်စုကလည်း ခွင့်ပြုမှာပဲ။ မေး ။ ။ အမ်းမှာ ဆူပူမှုတွေ လုပ်ဖို့ တယောက် ၅ သိန်းနဲ့ လူစု စည်းရုံးတဲ့ကိစ္စ ဝန်ကြီးချုပ်က အမှုဖွင့်တယ် လို့ သိရတယ်။ အဲဒါ အခု ဘယ်လိုအခြေအနေ ရှိပါသလဲ။ ဖြေ ။ ။ Facebook မှာ အကောင့်အတုတွေနဲ့ မြှောက်ထိုးပင့်ကော် လုပ်တာ၊ သွေးဆူအောင်လုပ်တာတွေ ရှိတယ်။ ဒေါ်အောင်ဆန်းစုကြည် က ဘင်္ဂါလီတွေကို ရခိုင်ပြည်နယ် အလယ်ပိုင်းမှာ တသန်းလောက် နေရာချထားမယ် ဆိုပြီး Facebook မှာ တက် လာတယ်။ဒါတွေနဲ့ တပြိုင်တည်းမှာ အမ်းမြို့ကို ဆူပူအောင်လုပ်ဖို့ ဆိုပြီး ကျနော့် မကွေးမြို့မှာ လာပြီးတော့ လိုက်ခဲ့၊ ၅ သိန်း ပေးမယ်။ ဘာလုပ်ရမှာတုန်း ဆိုတော့ အမ်းမှာ ဆူပူမှုအုံကြွအောင် သွေးထိုးလှုံ့ဆော်ရမယ်။ ၅ သိန်းက ဒီပြန်လာမှ ရမှာ။ လမ်းမှာ အရက် သောက်ချင်သောက်။ စားချင်တာစား။ ပွေချင်ရှုပ်ချင်တယ် ဆိုရင် ပြည့်တန်ဆာမတောင် ရှာပေးအုံးမယ် ဆို ပြီး ပြောတယ်။ အသံဖိုင်တွေ ရှိတယ်။ အထောက်အထား သက်တွေနဲ့ သက်ဆိုင်ရာက အဲဒီလူကို ပုဒ်မ ၁၂၄ (က) နဲ့ အမှုဖွင့် စစ်ဆေး နေတယ်။ အထွေထွေအုပ်ချုပ်ရေး ဦးစီးဌာနက ညွန်ကြားရေးမှူး ဦးသန်းစိုးက တာဝန်ယူပြီးတော့ အမှုအထောက် အထားတွေနဲ့ ထွက်ဆိုမှုတွေကို စုံစမ်းမှုတွေ လုပ်နေတုန်း ဆိုတော့ အခုမှ လုပ်ငန်းစဉ် စရုံရှိသေးတယ်။ အဲဒီလူ ဘယ်သူ ဘယ်ဝါ ဆိုတာတော့ နာမည်တော့ ထုတ်မပြောချင်ဘူး။ မေး ။ ။ ဝန်ကြီးချုပ်တို့ အစိုးရလက်ထက် တိုင်းအတွင်း အခွန်ကောက်ခံမှု အခြေအနေ ဘယ်လိုရှိပါသလဲ။ ဖြေ ။ ။ ရေနံ လက်ယက်တွင်းတွေ သာမကဘဲ ကျောက်မီးသွေးတို့၊ အုတ်၊ သဲ၊ ကျောက်တို့ဆီကလည်း အခွန်အတုတ်တွေ ကောက်နေတယ်။ ရေနံ လက်ယက်တွင်းကနေ ကောက်တဲ့ ၁ ဧက ကျပ် ၃၀၀၀ ဆိုတာက ပြည်ထောင်စု ဘတ်ဂျက်ထဲကို ဝင်တယ်။ ကျနော်တို့မှာရေနံချက်ဖို မရှိတဲ့အတွက် စစ်ကိုင်းတိုင်း မုံရွာမှာ ရှိတဲ့ ကျောက္ကာ ရေနံချက်ဖိုကို သွားပြီးချက်ဖို့ အတွက် ဖြတ်သန်း သယ်ဆောင်ရာမှာ ဖွံ့ဖြိုးရေး ရန်ပုံငွေအနေနဲ့ ရေနံတပီပါကို ကျပ် ၃၀၀၀ နှုန်း ကောက်တယ်။ တချို့လ တွေဆိုရင် သယ်ဆောင်ခွင့် မျှောစာက ရတဲ့ဝင်ငွေက ကျပ်သိန်း ၂၀၀၀ ကျော် ၃၀၀၀ နီးပါးရှိတယ်။ မေး ။ ။ မကွေးတိုင်းထဲမှာကော ရေနံချက်ဖို လုပ်ဖို့ မရှိဘူးလား။ ဖြေ ။ ။ ဒါအတွက် ကြိုးစားနေကြတယ်။ ကျနော်တို့ အစိုးရအနေနဲ့က မြေနေရာပေးဖို့ အဆင်သင့်ပဲ။ ချက်ဖို ဆိုရင် အန္တရာယ် များတယ်။ ရေနံစက်ရုံ အသေးစားပေါ့။ လုပ်ငန်းရှင်တွေကလည်း ကြိုးစားနေကြတယ်။ အကောင်အထည်တော့ မပေါ်သေးဘူး။ စက်ရုံ အသေးစားလုပ်ဖို့ ကတော့ တရုတ်ကပဲ လာတော့တယ်။ ဂျပန်နဲ့ တခြားဟာတွေတော့ မလာတော့ဘူး။ ဖြစ်လာဖို့ ကြိုးစား နေကြပါတယ်။ ကျနော်တို့ဘက်က မြေပေးဖို့ အဆင်သင့်ရှိပေမယ့် စိုက်ပျိုးလို့ ရတဲ့ မြေဆိုရင်တော့ မပေးဘူး။ စိုက်ပျိုး မြေက ရှားလာပြီလေ။ မေး ။ ။ ရေနံလက်ယက်တွင်းတွေကနေ ရန်ပုံငွေတွေ ရနေပေမယ့် အားလုံးကို စိစစ်နိုင်ရဲ့လား။ ဖြေ ။ ။ လစ်ဟာမှုတွေတော့ ရှိတယ်။ အကုန်လုံးတော့ တတွင်းချင်း လိုက် မစစ်နိုင်ဘူး။ ဥပဒေညွန်ကြားချက်တွေ အရ ခွင့်ပြု ထားတာကတော့ ပေ ၁၀၀၀ အထိပဲ တူးပါ ဆိုပေမယ့် တချို့ကျတော့ ပေ ၁၀၀၀ ကျော်မှ တူးလို့ ရတာတွေ ရှိတယ်။ လိုက် စစ်ဖို့ ကျတော့ ရဲ၊မြေစာရင်း၊ ထွေ/အုပ်စတဲ့ ဝန်ထမ်းအင်အားက မပြည့်စုံဘူး။ အခက်အခဲတွေ ရှိတယ်။ မေး ။ ။ ဒေသမှာ လုပ်ကိုင်နေတဲ့ သူတွေက ရေနံလက်ယက်တွင်းတွေကို တရားဝင်လုပ်ခွင့် ရဖို့ တင်ပြထားတွေ ရှိပေမယ့် ကြန့်ကြာမှုတွေ ရှိနေတယ် လို့ ပြောကြတယ်။ ဘာကြောင့်များပါလဲ။ ဖြေ ။ ။ တင်ပြလျှောက်ထားတာ တွေက ရပ်/ကျေး အုပ်ချုပ်ရေးမှူးတွေ ကနေ စတယ်။ အဆင့်ဆင့် စာတင်လာတဲ့ အခါ တူးခွင့် ပေးလိုက်ပါ ဆိုပြီး တရားဝင် ခွင့်ပြုပေးဖို့ ကျနော်တို့မှာ အာဏာ မရှိဘူး။ ထောက်ခံပေးလို့ပဲ ရတယ်။ ဒါကိုမှ ပြည်ထောင်စု အဆင့်က တူးခွင့်ချပေးဖို့ ဆုံးဖြတ်တာ။ ထောက်ခံပေးတာမှာလည်း ရှေးဟောင်းယဉ်ကျေးမှု နယ်မြေမှာ ပါသလား။ သစ်တော ကြိုးဝိုင်းထဲ ပါသလား။ တပ်မတော်ရဲ့ စီမံကိန်းထဲ ပါသလား စတဲ့ အချက်တွေကို စိစစ်ပြီးမှ ထောက်ခံပေးရတာ။ မထောက်ခံလိုက် တာတွေလည်း ရှိတယ်။များသောအားဖြင့် ထောက်ခံပေးတာကတော့ ဒေသခံတွေကို ပါပဲ။ မေး ။ ။ ဝန်ကြီးချုပ်တို့ ဆီမှာ ရေနံမြေ အသစ် တွေ့ထားတယ် ဆိုတာရော ဘယ်လို ဖြစ်သွားပြီလဲ။ ထုတ်ဖို့ မဖြစ်နိုင်ဘူး ဆိုတဲ့ သုံးသပ်မှုတွေလည်း ကြားနေလို့ပါ။ ဖြေ ။ ။ အဲ့ဒါက ထောက်ရှာပင်နဲ့ မန်းရေနံမြေ အနောက်ဘက်က နေရာကို ပင်စင်ယူထားတဲ့ ဘူမိဗေဒပညာရှင် တဦးက ဒီနေရာက အလားအလာ ကောင်းပါတယ် ဆိုပြီးပြောလို့ ကျနော် နိုင်ငံတော်အတိုင်ပင်ခံ ပုဂ္ဂိုလ်ဆီ တင်ပြလိုက်တယ်။ ဒါကို MOGE က ပညာရှင်တွေက ကွင်းဆင်းစစ်ဆေးတဲ့ အခါ ဒီနေရာက ရေနံတွေ့နိုင်တဲ့ မြေသဘာဝ မဟုတ်တဲ့ အတွက် မတွေ့နိုင်ပါဘူး ဆိုပြီး ကျနော်တို့ အစိုးရအဖွဲ့ကို လာရှင်းပြတယ်။ MOGE ကတော့ ဒီနေရာမှာ နေရံရှာဖွေရေး မလုပ်မှာ သေချာတယ်။ ဒါကို စိတ်ဝင်စားတဲ့ ပုဂ္ဂလိက လုပ်ငန်းရှင်တချို့က လေ့လာနေတယ်။ ကျနော်တို့ကို ပြောတဲ့ ပညာရှင်ကတော့ ရေနံရှိနိုင်တဲ့မြေ အမျိုးအစား မဟုတ်သော်လည်းပဲ ရေနံရှိနိုင်မယ့်နှုန်း မြင့်မားတယ် လို့ သုံးသပ်ထားတာကို လုပ်ငန်းရှင်တချို့ကို ပြောပြထားတယ်။ ဒါကို တူးဖြစ်မဖြစ်ကတော့ ကျနော်လည်း မသိဘူး။ မေး ။ ။ မကွေးတိုင်းထဲမှာ သစ်ခိုးထုတ်တဲ့ ကိစ္စတွေလည်း ရှိနေတယ် လို့ သိရပါတယ်။ ဒါကိုရော ဝန်ကြီးချုပ်တို့ ဘယ်လို စီမံ ဆောင်ရွက်နေပါသလဲ။ ဖြေ ။ ။ သစ်ခိုးထုတ်တဲ့ ကိစ္စတွေနဲ့ ပတ်သက်လို့ မိအောင်ဖမ်းနိုင်ဖို့ဆိုတာ ရဲတပ်ဖွဲ့အင်အား ပြည့်စုံမှ ရမှာ။ အပြည်ပြည်ဆိုင်ရာ စံနှုန်းအရ ဆိုရင် ကျနော်တို့ မကွေးတိုင်းထဲမှာ နိုင်ငံသား ၄၀၀ မှာ ရဲ ၁ ယောက်လောက် ရှိရမယ့် နေရာမှာ နိုင်ငံသား ၁၀၀၀ ကျော်မှ ရဲ ၁ ယောက်လောက် ရှိတော့ မပြည့်စုံ မလုံလောက်ဘူး။ ဒါကြောင့် ဂန်ဂေါနဲ့ သရက်ခရိုင်မှာ သစ်တောရဲ ဆိုပြီး နေပြည်တော်က ပို့ပေးထားတာရှိတယ်။ ဖမ်းမိတဲ့ အထဲက ထွက်ပြေးနေတဲ့ တရားခံတွေ ရှိတယ်။ ဖမ်းမိထားတဲ့ သစ်တွေကို နိုင်ငံတော်ကနေလေလံတင်ပြီး ပြန်လည် ရောင်းချနေပါတယ်။ သစ်တင် မကပါဘူး။ နွားမှောင်ခိုတွေ ဆိုရင်လည်း မွေးမြူရေး ဝန်ကြီး ကိုယ်တိုင် ဆင်းဖမ်းပါတယ်။ မေး ။ ။ ဝန်ကြီးချုပ် တာဝန်ယူတာ အခုဆို နှစ်နှစ်နီးပါးပြည့်တော့မယ်ပေါ့ နော်။ ဒီကာလတွေ အတွင်းမှာ ဝန်ကြီးချုပ်အနေနဲ့ ဘယ်လို အခက်အခဲတွေ ကြုံတွေ့ရပါသလဲ။ ဖြေ ။ ။ အခက်အခဲကတော့ နှစ်ပေါင်း ၅၀ လောက် ဇောက်ထိုးမိုးမျှော် ဖြစ်နေတာတွေ။ အဂတိ လိုက်စားမှု အများဆုံး။ တရား ဥပဒေစိုးမိုးမှု အနည်းဆုံး။ ပြည်သူလူထုကို ကျန်းမာရေး ဝန်ဆောင်မှုပေးတဲ့ အထဲမှာ အညံ့ဖျင်းဆုံးဆိုတဲ့ အနေအထားတွေကနေ ကျနော်တို့ စတင် ဆောင်ရွက်နေကြရတာ။ အရင်အစိုးရ လက်ထက်ကတည်းက လွှတ်တော်ဥက္ကဋ္ဌတွေ ကိုယ်တိုင် ထိုင်းဘက်ကို လေ့လာရေးသွားကြတော့ အဲဒီမှာ ခန္ဓာကိုယ်ကို ရင်းနှီးပြီး လုပ်စားနေကြတဲ့ ပြည့်တန်ဆာတွေထဲမှာ ၉၀ ရာခိုင် နှုန်းလောက်က မြန်မာပြည်က ဖြစ်နေတယ် လို့ တဖက်က ပြောလိုက်တာကို သူတို့ကိုယ်တိုင် သိခဲ့ရတာ။ ဒါ ၂၀၁၃/၂၀၁၄ လောက်ကသိခဲ့ရတာ။ ဒီထဲမှာ နယ်စပ်က တိုင်းရင်းသူတွေတင် မကပဲ မကွေးကတောင် ပါသေးတယ် လို့ ပြောကြတယ်။ ထိုင်းမှာ ရောက်နေတဲ့ မြန်မာ ဆရာဝန်မလေး တယောက်ကလည်း ပြောတယ်။ အဲဒီမှာ ၈၀ ရာခိုင်နှုန်းလောက်က မြန်မာက ဆိုတာကို။ သေချာတာကတော့ ၇၀ နဲ့ ၈၀ ရာခိုင်နှုန်းလောက်က မြန်မာပြည်က ဖြစ်နေတယ်။ ဒီအနေအထားကို ကျနော်တို့က အမွေဆက်ခံပြီးမှ ပုံမှန် ပြန်ရောက်အောင် လုပ်ရတဲ့ နေရာမှာ အခက်အခဲကတော့ အများကြီးပဲ။ ကျနော်တို့ မကွေးတိုင်းအစိုးရရဲ့ လုပ်ဆောင်ချက်တွေ ကတော့ ပြည်သူလူထု အားရကျေနပ်လိမ့်မယ် လို့ ယုံကြည်တယ်။ ကျနော်တို့ ပြည်သူလူထုအပေါ် အထောက်အကူပြုလား မပြုဘူးလား ဆိုတာကတော့ ၂၀၂၀ ကျရင် အဖြေပေါ်မှာပဲ။ အဲဒီ အချိန်ကျရင်လည်း အောင်မြင်မှုရလိမ့်မယ် လို့ ယုံကြည်တယ်။ ။ The post “၂၀၂၀ ကျရင် အဖြေပေါ်မှာပဲ”လို့ ဆိုတဲ့ မကွေးတိုင်း ဝန်ကြီးချုပ် appeared first on ဧရာဝတီ.
Source : http://ift.tt/2AiOiKR
via IFTTT

The Flash ဇာတ္လမ္းတြဲ အပိုင္းသစ္iflixမွာ ၾကည့္ရႈႏိုင္

The Flash ဇာတ်လမ်းတွဲ အပိုင်းသစ် iflix မှာ ကြည့်ရှုနိုင် “Warner Bros” မှ ထွက်ရှိလာတဲ့ နာမည်ကြီး DC Super Hero တီဗွီဇာတ်လမ်းတွဲဖြစ်တဲ့ The Flash ရဲ့ နောက်ဆုံးဇာတ်လမ်းတွဲသစ်ကို U.S ရုပ်သံလိုင်းမှာ ပြသပြီးပြီးချင်း ၂၄ နာရီအတွင်း iflix မှာပါ ကြည့်ရှုနိုင်ပြီလို့ သိရပါတယ်။ အဆိုပါ The Flash ဇာတ်လမ်းတွဲ အပိုင်းသစ်များကို iflix ဝန်ဆောင်မှုကို ရရှိတဲ့နိုင်ငံများဖြစ်တဲ့ မလေးရှား၊ ဖိလစ်ပိုင်၊ ထိုင်း၊ အင်ဒိုနီးရှား၊ သီရိလင်္ကာ၊ ပါကစ္စတန်၊ ဗီယက်နမ်၊ မြန်မာ၊ ကမ္ဘောဒီးယား စတဲ့ နိုင်ငံများမှာ အပတ်စဉ် ဗုဒ္ဓဟူးနေ့တိုင်း ကြည့်ရှုနိုင်မှာ ဖြစ်ပါတယ်။ “The Flash” ဇာတ်လမ်းတွဲက အပိုင်း ၃ ပိုင်း ထွက်ရှိထားပြီး ယခုအခါ အသစ်ထွက်ရှိလာမယ့် အပိုင်းသစ်က အပိုင်းတွဲ ၄ (Season 4) ပဲ ဖြစ်ပါတယ်။ The Flash ဇာတ်လမ်းတွဲ မိတ်ဆက်ပွဲ The Flash အပိုင်းတွဲ ၄ ခု မြောက်မှာတော့ Flash အဖွဲ့ဟာ ခြိမ်းခြောက်မှု မှန်သမျှကို Scarlet Speedster မပါဘဲ သူတို့ အကောင်းဆုံး လုပ်ဆောင်ခဲ့ကြပြီး Central မြို့ထဲကို သြဇာကြီးမားတဲ့ ဗီလိန်အသစ် ရောက်လာတဲ့အခါ သူတို့အဖွဲ့ထဲမှာ The Flash တဦးတည်းကသာလျှင် ကယ်တင်နိုင်မှာဖြစ်ကြောင်း သိရှိလာပါတော့တယ်။ The Flash အဖွဲ့က မြို့ကို မပျက်စီးအောင် ကယ်တင်နိုင်တဲ့ သူရဲကောင်း The Flash ကို အရှိန်စွမ်းအားထဲက ပြန်လည် လွတ်မြောက်အောင် သူတို့အဖွဲ့က စီစဉ်ရပါတော့တယ်။ အသစ် ထွက်ရှိလာတဲ့ ဇာတ်လမ်းတွဲမှာ အဓိက စူပါဗီလိန် တယောက်အနေနဲ့ Central မြို့ကို ရောက်ရှိလာသူကတော့ The 100 ဇာတ်လမ်းတွဲထဲက Neli Sandilands ဖြစ်ပါတယ်။ DC ရဲ့ ဗီလိန်အဖြစ် သရုပ်ဆောင်ထားတဲ့ Clifford DeVoe (aka The Thinker) ဆိုတဲ့ စိတ်စွမ်းအားရှင်တဦးဖြစ်တဲ့ “စိတ်အမြန်ဆုံးလူသား”နဲ့ The Flash “အလျင်မြန်ဆုံးလူသား” တို့ အကြား ရန်ပွဲတို့ စတင်ခဲ့ခြင်း ဖြစ်ပါတယ်။ Warner Bros မှ တီဗွီဇာတ်လမ်းတွဲဖြစ်တဲ့ The Flash ဟာ အမေရိကားမှ လျင်လျင်မြန်မြန် ရောက်ရှိလာတဲ့ နိုင်ငံတကာ ဇာတ်လမ်းတွဲတခုလည်း ဖြစ်ပါတယ်။ The Flash ဇာတ်လမ်းတွဲ မိတ်ဆက်ပွဲ iflix ဟာ နိုင်ငံတကာ ရုပ်ရှင်၊ ဗီဒီယိုနဲ့ တီဗွီဇာတ်လမ်းတွဲများကို အင်တာနက်မှတဆင့် ဒေါင်းလော့ရယူပြီး သို့မဟုတ် တိုက်ရိုက်ကြည့်ရှုနိုင်တဲ့ Website & Application ဝန်ဆောင်မှုဖြစ်ပြီး ဖုန်း၊ Laptop, Tablet, TV အပါအဝင် Device များနဲ့ အချိန်နေရာမရွေး ကြည့်ရှုနိုင်တဲ့ ဝန်ဆောင်မှုတခု ဖြစ်ပါတယ်။ ယခုအခါ အာရှ၊ အရှေ့အလယ်ပိုင်းနဲ့ အာဖရိကတို့မှာရှိတဲ့ နိုင်ငံပေါင်း ၂၄ နိုင်ငံမှာ လူပေါင်း ၁ ဘီလီယံကျော်က iflix ဝန်ဆောင်မှုကို အသုံးပြုလျက်ရှိတယ်လို့ သိရပါတယ်။ The post The Flash ဇာတ်လမ်းတွဲ အပိုင်းသစ် iflix မှာ ကြည့်ရှုနိုင် appeared first on ဧရာဝတီ.
Source : http://ift.tt/2Alzitk
via IFTTT

7Day News Journal

မောင်တောတွင် စိတ်ကြွဆေးပြား တစ်သန်းကျော်ကို တရားခံငါးဦးနှင့်အတူ ဖမ်းမိ ယမန်နေ့က ဖမ်းဆီးရမိသော စိတ်ကြွဆေးပြားများကို ရဲတပ်ဖွဲ့က စစ်ဆေးနေစဉ် (ဓာတ်ပုံ − မောင်တောခရိုင် ရဲတပ်ဖွဲ့မှူးရုံး) မောင်တောတွင် နို ဝင်ဘာ ၂၉ရက်နံနက်ကနာရီပိုင်း အတွင်း စိတ်ကြွဆေးပြား စုစု ပေါင်း တစ်သန်းကျော်ကိုတရားခံ ငါးဦးနှင့်အတူ ဖမ်းဆီးရမိကြောင်း အစိုးရ သတင်းထုတ်ပြန်ရေး ကော်မတီက ထုတ်ပြန်သည်။ သတင်းအရ လုံခြုံရေးတပ် ဖွဲ့ဝင်များက မောင်တော ကြိမ် ချောင်းကားလမ်းတစ်ဝိုက် ပိတ်ဆို့စောင့်ဆိုင်းစဉ် မောင်တောမြို့ နယ် သရေကုန်းဘောင် (နတလ)ရွာနေ ယာဉ်မောင်းဝင်းတင်(၁၈) နှစ်၊ ယာဉ်နောက်လိုက် ကျော်ကျော်လင်း (၁၆)နှစ်နှင့် မောင် သိန်း (၁၉)နှစ်တို့ မောင်းနှင်လာ သည့် ဟိုက်ဂျက်အမျိုးအစား ယာဉ်သည် ဇူလရွာအနီးတွင် ရပ်တန့်ပြီး မသင်္ကာဖွယ်အထုပ်များ ကို လမ်းဘေးတွင်ချကာ ရွာသား ၁၅ ဦးခန့်က အထုပ်များကို လာရောက်သယ်ဆောင်၍ ဇူလရွာ ဘက်သို့ ထွက်ပြေးသည်ကို တွေ့ရှိသဖြင့် လုံခြုံရေးတပ်ဖွဲ့ဝင်များ က လိုက်လံဖမ်းဆီးရာ အထုပ်များ ကို လယ်ကွင်းအတွင်းသို့ချ၍ ထွက်ပြေးခဲ့ကြောင်း အစိုးရသ တင်းထုတ် ပြန်ရေးကော်မတီက ထုတ်ပြန်ခဲ့သည်။ လိုက်လံဖမ်းဆီးရာ တန်ဖိုး ကျပ်သိန်း ၁၉,၁၁၀ တန်ဖိုးရှိ WY/R စာတန်းပါ ပန်းရောင် စိတ် ကြွဆေးပြား ၉၅၅,၅၀၀ ပြား၊ဟိုက်ဂျက်ယာဉ်၊ ယာဉ်မောင်း ဝင်းတင်နှင့် ယာဉ်နောက်လိုက်နှစ် ဦးတို့ကို ဖမ်းဆီးရမိခဲ့သည်။ ထို့အတူ ဘူးသီးတောင်မြို့ အနောက်ရပ်ကွက်ရှိ ဂန္ဓာရီဘုန်း ကြီးကျောင်းဝင်း ဓမ္မာရုံအတွင်းမှ ကျပ်သိန်း ခြောက်ထောင့်သုံးရာ ကျော်တန်ဖိုးရှိ စိတ်ကြွရူးသွပ် ဆေးပြား သုံးသိန်းခန့်ကို နိုဝင်ဘာ ၂၉ ရက်၌ ဖမ်းဆီးရမိကြောင်း၊ ပရိုဘောက်စ်တစ်စီးက မူးယစ် ဆေးဝါးဟု ယူဆရသောအထုပ် နှစ်ထုပ်ကို အဆိုပါ ဘုန်းကြီး ကျောင်းဝင်းအတွင်း ပစ်ချထား ကြောင်း သတင်းအရသွားရောက်စစ်ဆေးရာ ဖမ်းဆီးရမိကြောင်း အထက်ပါ ရဲအရာရှိတစ်ဦးကဆို သည်။ စိတ်ကြွဆေးများ လာ ရောက်ပစ်ထားသည့် ယာဉ်ကို လိုက်လံရှာဖွေရာ ရန်ကုန်မြို့လှိုင်သာယာမြို့နယ်မှ ယာဉ်မောင်း တစ်ဦးနှင့်ဘားအံမြို့မှ အမျိုးသား တစ်ဦးကို ဘူးသီးတောင်မြို့ မီးရ ထားဆိပ်ရပ်ကွက် ဗိုလ်ချုပ်လမ်း ပေါ်တွင် ကားနှင့်အတူ ဖမ်းဆီးရ မိကြောင်း ၎င်းရဲအရာရှိက ပြော သည်။ ဖမ်းဆီးရမိသူများက အဆို ပါစိတ်ကြွဆေးပြားများကို ၎င်းတို့ ကိုယ်တိုင် သွားရောက်ချထားခြင်း ဖြစ်ပြီး ၎င်းတို့ကို မူးယစ်ဆေးဝါး ဥပဒေဖြင့် အမှုဖွင့်ထားသည်။
Source : http://ift.tt/2ByBBtm
via IFTTT

The Voice

စည်ပင်က ခွေးဂေဟာဖွင့်၊ ခွေးကောင်ရေ ၃၀ဝ ခန့် ပထမဆုံး စတင်လက်ခံ ရန်ကုန်၊ နိုဝင်ဘာ ၂၉ ရန်ကုန်မြို့တော် စည်ပင်သာယာ ရေးကော်မတီပထမဆုံး ခွေးဂေဟာကို ထိန်ပင်သုသာန်အနီးတွင် ဖွင့်လှစ်ခဲ့ပြီး လေလွင့်ခွေး သုံးရာခန့်ကို လက်ခံထားပြီဖြစ်ကြောင်း တိရစ္ဆာန်ဆေးကုနှင့် သားသတ်ရုံများဌာနထံမှ သိရသည်။ ရန်ကုန်မြို့တွင် လေလွင့်ခွေး မွေးဖွားမှုနှုန်း မြင့်တက်လာခြင်းကြောင့် ရန်ကုန်မြို့တော်ဝန်၏ အစီအစဉ်ဖြင့် ခွေးကောင်ရေ တစ်ထောင်ဆံ့ ခွေးထိန်းသိမ်းရေး ဂေဟာကို အောက်တိုဘာလကုန်က စည်ပင်သာယာဘတ်ဂျက် အသုံးပြုကာ ဖွင့်လှစ်ခဲ့ပြီး လေလွင့်ခွေးများ စတင် လက်ခံခြင်းဖြစ်ကြောင်း တိရစ္ဆာန်ဆေးကုနှင့် သားသတ်ရုံများဌာန၊ အကြီးတန်း တာဝန်ရှိသူတစ်ဦးက ပြောကြားသည်။ “ရန်ကုန်မှာ လမ်းပေါ်လေလွင့်နေတဲ့ ပိုင်ရှင်မဲ့ခွေး ပေါလာတယ်။ လူတွေနဲ့ နီးစပ်လာရင် ခွေးရူးရောဂါအန္တရာယ်က ရှိတယ်။ နေရာလေး သတ်သတ်မှတ်မှတ်နဲ့ ထိန်းနိုင်အောင် စည်ပင်ပိုင်မြေလွတ်မှာ စီစဉ်တာပါ။ တဖြည်းဖြည်း တိုးလက်ခံမှာပေါ့နော်”ဟု ၎င်းကဆိုသည်။ ခွေးဂေဟာသည် လှိုင်သာယာမြို့နယ်၊ ထိန်ပင်သုသာန်အနီးရှိ စည်ပင်ဌာနပိုင် အလျားပေ ၅၅၀ နှင့် အလျားပေ ၂၅၀ ကျယ်ဝန်းသော ခြံမြေအလွတ်တွင် ခွေးများ ထားရှိမည်ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီထံမှ သိရသည်။ ပိုင်ရှင်မဲ့ လေလွင့်ခွေးများကို လှိုင်သာယာ၊ ရွှေပြည်သာ၊ မင်္ဂလာတောင်ညွှန့်၊ ကျောက်တံတား၊ လသာ၊ ပန်းဘဲတန်းနှင့် လမ်းမတော်မြို့နယ်များမှ ခေါ်ယူစုဆောင်းခဲ့ခြင်းဖြစ်ကြောင်း တိရစ္ဆာန်ဆေးကုနှင့် သားသတ်ရုံများဌာနထံမှ သိရသည်။ “စည်ပင်အနေနဲ့ မြို့ပြအင်္ဂါနဲ့ညီဖို့ မဖြစ်မနေ စီစဉ်ဆောင်ရွက်ရတာပါ။ ကျွန်တော်တို့ တစ်ဖက်တစ်လမ်းကလည်း ခွေးမျိုးပွားမှုထိန်းရေး ဆောင်ရွက်နေတယ်။ ပြည်သူတွေကလည်း ကိုယ်နိုင်တဲ့ဘက်က ပူးပေါင်းကူညီဖို့ လိုတယ်”ဟု ရန်ကုန်မြို့တော်ဝန် ဦးမောင်မောင်စိုးက ရန်ကုန်တိုင်းလွှတ်တော်တွင် ယခုနှစ် စက်တင်ဘာလက ပြောကြားဖူးသည်။ ရန်ကုန်မြို့တော် စည်ပင်သာယာရေး ကော်မတီ၏ မှတ်တမ်းအရ ယခုနှစ်ကုန်တွင် ရန်ကုန်မြို့တွင် ခွေးကောင်ရေ နှစ်သိန်းခန့်ရှိလာသည်ဟု ခန့်မှန်းထားပြီး တစ်နှစ်လျှင် မျိုးပွားနှုန်းမှာ ခွေးကောင်ရေ သုံးသောင်းနှင့် ငါးသောင်းကြား ရှိနေကြောင်း အဆိုပါ ကော်မတီထံမှ သိရသည်။
Source : https://goo.gl/uBFWGM
via IFTTT

မြန္းသူအိမ္ သို႔မဟုတ္ ေရွး႐ိုးစြဲကို ခ်ိဳးေဖာက္သူ

မွန်းသူအိမ် သို့မဟုတ် ရှေးရိုးစွဲကို ချိုးဖောက်သူ ၁၉၉၅ ခုနှစ်ဖွား မွန်းသူအိမ်ဟာ ဒီစုစည်းမှုထဲမှာ ပါတဲ့ အငယ်ဆုံးကဗျာဆရာမ ဖြစ်ပါတယ်။ လိင်ပိုင်းဆိုင်ရာကိစ္စများကို ပွင့်လင်းရဲတင်းစွာ ထုတ်ဖော်ရေးသားခြင်းဖြင့် မြန်မာ့ယဉ်ကျေးမှု အတွင်း အခိုင်အမာတည်ရှိထားသော ရှေးရိုးအစဉ်အလာများကို ချိုးဖောက်ခဲ့သူဖြစ်သည်။ မေး။ ။ ပရော်ဖက်ရှင်နယ် ကဗျာဆရာမ တယောက် ဖြစ်ချင်လာတယ်ဆိုတာကို ဘယ်အချိန်မှာ စသတိထားမိလာတာလဲ ဖြေ။ ။ ပရော်ဖက်ရှင်နယ် ကဗျာဆရာမ၊ အပျော်တန်း ကဗျာဆရာမရယ်လို့ ရည်ရွယ်ခဲ့တာမျိုး သက်သက်တော့မရှိဘူး။ ကိုယ်နှစ်သက်တဲ့ ကဗျာဆရာ/မတွေက ကိုယ့်ကို ကဗျာဆရာမလို့ မြင် ပေးကြရင်ကိုပဲ ကိုယ့်မှာ ကြိတ်ဂုဏ်ယူနေရပါပြီ။ ကဗျာတွေကို ချစ်ပြီး၊ ကဗျာရေး ရတာကိုလည်း ချစ်လို့ကိုပဲ ကဗျာရေးနေတာပါ။ ကိုယ် ၂၀၁၂လောက်ကစပြီး ကဗျာစရေးဖြစ်ခဲ့ပါတယ်။ မေး။ ။ ဘယ်လိုမျိုးရေးလဲ ရေးရိုးရေးစဉ်ရယ် လို့တော့ မရှိဘူး။ ကဗျာရေးချင်စိတ်ပေါ်လာတဲ့အခါ ရေးတယ်။ တခါတလေ လမ်းပေါ်မှာ လမ်းလျှောက်နေရင်းနဲ့ ဒါမှမဟုတ် သူငယ်ချင်းတွေနဲ့ တွေ့နေတုန်း ရေးချင်စိတ်ဖြစ် လာတာမျိုးတွေ ရှိတယ်။ အဲဒီ့အခိုက်အတန့်ကို မလွတ်သွားဖို့ နည်းနည်းချရေးဖို့ ကြိုးစားတယ်။ စာကြည့်စားပွဲမှာ ထိုင်ပြီး အဲဒီ့အခိုက်အတန့်နဲ့ ခံစားမှုကို ပြန်ပြီးခံစားကြည့်တယ်။ ပြီးတော့ ရေးဖို့ကြိုးစားတယ်။ ကဗျာရေးတဲ့အခါ လွတ်လွတ်လပ်လပ် ရေးတဲ့ပုံစံအနေနဲ့ပဲ ရေးတယ်။ နောက်ဆုံး ကိုယ့်ဆီမှာ စကားလုံးတွေ ဗလာ မဖြစ်သွားခင်အထိ ကိုယ့်ဆီကနေ ထွက်လာနေသမျှ စကားလုံးတိုင်းကို ချရေးတယ်။ မေး။ ။ ကဗျာတစ်ပုဒ်ကို ပြန်ပြင်တာ ပြန်ရေးတာက ကဗျာအတွက် အလုပ်ဖြစ်ရဲ့လား ဖြေ။ ။ ကိုယ့်အတွက်ကတော့ ကဗျာဟာ ကဗျာဖြစ်သွားပြီ ဆိုတာနဲ့ကို လှနေပြီးပြီ။ ကိုယ့်ရဲ့ ကဗျာ ကို ပြန်ပြီး အလှပြင်တဲ့အခါ ပိုပြီးတောင် လှကောင်းလှသွားနိုင်ပါတယ်။ ဒါပေမယ့် ပြင်လွန်းရင် လည်း ဖင်ချွန်းသွားတတ်တာလည်း ရှိသေးတာကိုး။ အနုပညာနဲ့ လက်မှုပညာဟာ ညီညီညွှတ် ညွှတ်လေးရှိသင့်တယ် ထင်တာပါပဲလေ။ မေး။ ။ ကဗျာမရှိတဲ့ဘဝကို စိတ်ကူးဖူးလား ဖြေ။ ။ No ပါ၊ မကူးဖူးပါဘူး။ ကဗျာဆိုတာက ကိုယ့်အတွက် နတ်သဒ္ဓါတစ်ခုကို စားလိုက်ရ သလိုပါပဲ။ အရသာရှိတဲ့ အစားအစာကို စားရတာကလည်း တကယ့် သာယာမှုအစစ်တခုပဲလေ။ မေး။ ။ မလွတ်လပ်တဲ့ လူမှုအဖွဲ့အစည်းတစ်ခုမှာ နေထိုင်ရတဲ့အတွက် အရေးအသားအပေါ် ဘယ်လို အကျိုးသက်ရောက်တာတွေရှိလဲ ဖြေ။ ။ လူ့အဖွဲ့အစည်းက ကိုယ့်ရဲ့ ကဗျာတွေကို အကျိုးသက်ရောက်တယ်လို့တော့ မထင်ဘူး။ မလွတ်လပ်တဲ့ လူ့အဖွဲ့အစည်းတခုအကြောင်းကို ကိုယ့် ရေးချင်ရေးမယ်။ ဒါပေမယ့် အဲဒီ့လူ့အဖွဲ့ အစည်းက ကိုယ်ရဲ့ စကားလုံးတွေအပေါ်တော့ လာပြီး ထိန်းချုပ်တာမျိုးကိုတော့ ကိုယ် လက်မခံ ပါဘူး။ လွတ်လပ်စွာပြောဆိုမှုအပေါ်မှာ ထားတဲ့ တားမြစ်ချက်တွေကိုလည်း ကိုယ် စိတ် မဝင်စားပါဘူး။ ကိုယ့်စည်းကမ်းနဲ့ပဲ ကိုယ်နေချင်ပါတယ်။ ကိုယ့်အတွက် ကိုယ်တိုင် ချထားတဲ့ စည်းကမ်းတွေနဲ့ပေါ့။ ကိုယ်ရဲ့ ကဗျာတွေအတွက် ကိုယ် တာဝန်ယူဖို့လည်း ဝန်မလေးပါဘူး။ မေး။ ။ မွန်းသူအိမ်ရဲ့ ကဗျာတွေက မြန်မာနိုင်ငံမှာ ငယ်ရွယ်တဲ့ မိန်းမတယောက်အတွက် ဘဝ က ဘယ်လိုဆိုတာကို မကြာခဏ စူးစမ်းရှာဖွေတယ်နော်။ ဖြေ။ ။ လိင်ပိုင်းဆိုင်ရာ လွတ်လပ်ခွင့်အကြောင်း ကဗျာရေးခဲ့တဲ့ အကြောင်းရင်းတွေထဲက တခု က ဒီကိစ္စနဲ့ပတ်သက်ပြီး အမျိုးသမီးအသံတွေ သိပ်မရှိဘူး။ မိန်းမတယောက် လူသားတစ်ယောက် အနေနဲ့ ဘာတွေးတယ်ဆိုတယ်ဆိုတဲ့ အသံတစ်ခုကို ပြောပြနိုင်တာကို ကိုယ် ကဗျာရေးသူ တယောက် နဲ့ ဂုဏ်ယူပါတယ်။ ဒါပေမယ့် ကိုယ့် ကို အမျိုးသမီးဝါဒီကဗျာဆရာမ ဒါမှမဟုတ် လိင်ပိုင်းဆိုင်ရာနဲ့ ပတ်သက်တာတွေကိုပဲ ရေးတဲ့ ကဗျာဆရာမဆိုပြီး ဝါးလုံးရှည်နဲ့ သိမ်းရမ်းတာ မျိုးကိုတော့ မကြိုက်ပါ ဘူး။ ကိုယ်က အမျိုးသမီးတယောက်ဖြစ်ပြီး ကိုယ် ရဲ့ ကဗျာတွေက အမျိုးသမီးသံ ပေါက်နေလိမ့်မယ်။ ဒါ ဘာထူးဆန်းလဲ။ ဒါပေမယ့် ကိုယ် ရဲ့ ကဗျာတွေအပေါ် မူတည်ပြီး လူတွေက ကိုယ့် ကို ဘယ်လိုမြင်တယ်ဆိုတာကို ဂရုကို မစိုက်မိအောင်ကြိုးစားပါတယ်။ ဘာလို့လဲဆိုတော့ တစ်ခါတုန်းက ခပ်ရမ်းရမ်းဝေဖန်မှု တချို့ ကြောင့် ကိုယ် ကဗျာရေးတဲ့အခါ လွတ်လွတ်လပ်လပ်ရေးတဲ့ အကျင့်ကို လာပြီး ပိတ်ပင်သလို ဖြစ်သွားတာမျိုး ရှိခဲ့တယ်။ အဲဒီ့ခံစားမှုမျိုးကို ကိုယ် မကြိုက်ဘူး။ အဲ့ဒီလိုဝေဖန်မှုကြောင့် ကိုယ့်ယုံကြည်ချက်နဲ့ ကိုယ်မရပ် တည် သလိုမျိုး ဖြစ်ခဲ့တဲ့အတွက် စိတ်ပျော့ညံ့လိုက်တာလို့ ခံစားမိခဲ့တယ်။ ဒါကြောင့် အပြုသဘော မဆောင်တဲ့ ဝေဖန်မှုတွေကို အပြုသဘောဆောင်တယ်လို့ ယူဆတဲ့ လောင်စာဆီအနေနဲ့ ပြောင်းလဲ မြင့်မြင့်ပျံနိုင်ဖို့အတွက်ပေါ့။ ကဗျာက ကိုယ့်ရဲ့ တခြားဘဝတခုလို့ ယုံမှတ်ပါတယ်။ အဲ့ဒီဘဝကို တကယ့်ဘဝရဲ့ အကျိုးသက် ရောက်မှုတွေက ပုံသွင်းတာမျိုး မဖြစ်သင့်ပါဘူး။ ကဗျာက ကမ္ဘာကြီးရဲ့ ကိုယ့်လွတ်လပ်မှုရဲ့ ကိုယ့် ဖြစ်တည်နေမှုရဲ့ တံခါး ဖြစ်ပါတယ်။ ဖြစ်တည် နေမှုဆိုတာက လွတ်လပ်မှုနဲ့ ဝင်ပေါက်ပဲလို့ ကျွန်မထင်တယ်။ ဘယ်လိုပြောရမလဲ။ ကိုယ့်မှာ စိတ်ဓာတ်ကျတာတွေ၊ စိတ်ခံစားမှုတွေနဲ့ ဝမ်းနည်းကြေကွဲမှုတွေ ရှိပါတယ်။ နာကျင်ခါးသီးရဖို့က လွယ်ပါတယ်။ ဒါပေမယ့် ပျော်ရွှင်ရဖို့က ခက်ခဲပါတယ်။ အဲ့ဒါကြောင့်လည်း ကဗျာရေးတာ။ ဘယ်သူ့ကိုမှ မပြောဖြစ်တဲ့ အကြောင်းအရာတွေဆီကနေ ကိုယ့်ကိုကိုယ် လွတ်လပ်မှုပေးလိုက် တဲ့အနေနဲ့။ လူတိုင်းမှာ ဒီလိုမျိုး စိတ်ခံစားမှုတွေ ရှိကြတာပဲ။ ကိုယ့်မှာလည်း ရှိတာပဲ။ အဲဒီ့ စိတ်နေစိတ်ထားတွေကို ချရေးလိုက်တဲ့အနေနဲ့ ကဗျာတွေကို ရေးတယ်။ ဒိုင်ယာရီ ရေး သလိုမျိုးပေါ့။ ကိုယ့်ရဲ့ အချစ်ဆုံးသူငယ်ချင်းတွေကိုတောင်မှ ပြောပြလို့မရတဲ့ အရာဆိုရင်တော့ အဲဒီ့ခံစားချက်တွေကို ကဗျာတွေထဲ ပစ်ထည့်လိုက်ပါတော့တယ်လေ။ မေး။ ။ အခု အမေရိကမှာ ကျောင်းတက်နေတယ်နော်။ ဖြေ။ ။ ကွန်ပျူတာသိပ္ပံက အဓိကဘာသာရပ်ပါ။ တခြားဘာသာရပ် အနေနဲ့တော့ အနုပညာကို ယူထားပါ တယ်။ ဒီဂရီတခု ရဖို့မျှော်လင့်ပြီး ကျောင်းပြီးသွားတဲ့အခါ ကွန်ပျူတာသိပ္ပံနဲ့ အလုပ်တစ်ခု ရဖို့ကိုလည်း မျှော်လင့်ပါတယ်။ အိမ်ဝေးဖြစ်နေတဲ့အခါမှ ကိုယ့် တိုင်းပြည်ကို ဘယ်လောက်ချစ်တယ်ဆိုတာကို သဘောပေါက်လာ တယ်။ Petr Lom နှင့် ခင်အောင်အေး စီစဉ်သည့် ကဗျာဆရာ ၁၇ဦး၏ ရှိရင်းစွဲ အမြင်များကို မှတ်တမ်းတင် ထားတဲ့ “မြန်မာပုံပြင်စာအုပ်”မှ ကောက်နှုတ်ဖော်ပြခြင်းဖြစ်ပြီး၊ ယင်း “မြန်မာပုံပြင်စာအုပ်” ကို လှတယ်၊ အင်းဝစာအုပ်ဆိုင်၊ Myanmar Book Centre နဲ့ ကမ်းနား ဟိုတယ်၊ Yangon Book Plaza တို့မှာ ရောင်းချနေပါတယ်။ ဆက်စပ်ဖတ်ရှုရန် – မြန်မာကဗျာဆရာတွေရဲ့ “မြန်မာပုံပြင်စာအုပ်” အောင်ချိမ့် သို့မဟုတ် အနုပညာကို ဘာနဲ့မှ မလဲနိုင်သူ သုခမိန်လှိုင် သို့မဟုတ် ကမ္ဘာကြီးကို ရရှိသူ ပန်ဒိုရာ သို့မဟုတ် ရဲရင့်စွာ ကဗျာရေးသူ ဇေယျာလင်း သို့မဟုတ် ဘာသာဗေဒအခြေပြု ကဗျာ ဖန်တီးသူ မယ်ယွေး သို့မဟုတ် ၂၀မှာ ၁နှစ် ပေါင်းဦးမယ့် သူမ ခင်အောင်အေး သို့မဟုတ် “ကဗျာများ-၁၉၉၀” မောင်ပြည့်မင်း သို့မဟုတ် နှစ်ယောက်ညချမ်း အောက်မေ့ဖွယ် ဇာတ်ဝင်ခန်း မိုးဝေး သို့မဟုတ် ကဗျာစစ်စစ်ကိုသာ ရေးချင်သူ မောင်ယုပိုင် သို့မဟုတ် ရေခဲပြင်ကြီးအောက်က ကဗျာဆရာ မြတ် သို့မဟုတ် အတွေးအခေါ် ဘောင်ခတ်ထားမှုမှ ဖောက်ထွက်ချင်သူ ဟံလင်း သို့မဟုတ် တကယ်တမ်းက ဒီလို ဆူးရင့် သို့မဟုတ် သံယောဇဉ်ကြိုးကို ဖြတ်တောက်သူ The post မွန်းသူအိမ် သို့မဟုတ် ရှေးရိုးစွဲကို ချိုးဖောက်သူ appeared first on ဧရာဝတီ.
Source : http://ift.tt/2AoSJUD
via IFTTT

The Voice

YBS ယာဉ်လိုင်းသစ် နှစ်လိုင်းတိုး ရန်ကုန်၊ နိုဝင်ဘာ ၂၉ ယာဉ်လိုင်း လေးလိုင်းကို တာဝန်ယူ ပြေးဆွဲနေသည့် Omni Focus ကုမ္ပဏီ အနေနှင့် YBS ၈၂၊ ၈၃ ယာဉ်လိုင်းများအတွက် ပြေးဆွဲခွင့်ကျပြီ ဖြစ်သည့်အတွက် ဒီဇင်ဘာလတွင် စတင်ပြေးဆွဲမည်ဖြစ်ကြောင်း အဆိုပါ ကုမ္ပဏီထံမှ သိရသည်။ YBS ၈၂ ယာဉ်လိုင်းသည် ယာဉ်စီးရေ ၈၀ ဖြင့် လှိုင်သာယာ-အင်းစိန်-ပြည်လမ်း-သခင်မြ ပန်းခြံခရီးစဉ်ကို ပြေးဆွဲမည်ဖြစ်ပြီး YBS ၈၃ ယာဉ်လိုင်းသည် ယာဉ်စီးရေ ၁၀ဝ ဖြင့် လှိုင်သာယာ-ရှစ်မိုင်-စံပြဈေး-တောင်ဒဂုံ (မောင်း မကန်လမ်း)-စည်ပင်လမ်း-လေးထောင့် ကန်လမ်းခရီးစဉ်ကို ပြေးဆွဲမည်ဖြစ်ကြောင်း Omni Focus ကုမ္ပဏီထံမှ သိရသည်။ “ခရီးစဉ်လမ်းကြောင်းသစ်က လေးခု လျှောက်ထားတာပါ။ ပြီးခဲ့တဲ့ နှစ်လလောက်ကတည်းက YBS ၈၂၊ ၈၃ လိုင်းနှစ်ခုက ခွင့်ပြုချက် ကျတယ်။ နှစ်ခု ကျန်တယ်”ဟု ဉာညငင်္ သခကျ ကုမ္ပဏီ မန်နေဂျင်းဒါရိုက်တာ ဦးထွန်းတောက်ဝင်းက ဆိုသည်။ ကျန်ရှိနေသည့် YBS ယာဉ်လိုင်းအသစ်၏ ခရီးစဉ်လမ်းကြောင်းများမှာ ကြည့်မြင်တိုင် (အရိုးအထူးကုဆေးရုံ)၊ လှိုင်သာယာ နည်းပညာ တက္ကသိုလ်၊ အောင်ဇေယျတံတား၊ ဘီအိုစီ၊ ဘုရင့်နောင်လမ်း၊ ဟံသာဝတီ၊ ဆင်မလိုက်၊ ဆူးလေ၊ ဗိုလ်တထောင်၊ သီလဝါ စီးပွားရေးဇုန် ခရီးစဉ်တို့ကို ထပ်တိုးပြေးဆွဲမည်ဖြစ်ပြီး လက်ရှိ YBS နံပါတ်နှင့်ခွင့်ပြုချက် မကျသေး ကြောင်း Omni Focus ကုမ္ပဏီထံမှ ဆက်လက် သိရသည်။ ယခုပြေးဆွဲမည့် YBS ၈၃ ယာဉ်လိုင်းသည် လက်ရှိ ပြေးဆွဲလျက်ရှိသည့် ဒဂုံဧရာ အဝေးပြေးမှ တောင်ဒဂုံ(သစ်ဆိပ်) ခရီးစဉ်နှင့် နံပါတ်တူပြီး ခရီးစဉ် မတူသည့်ယာဉ်လိုင်းဖြစ်သည်။ လက်ရှိတွင် YBS ၂၀၊ ၂၇၊ ၅၆၊ ၈၃၊ ၈၅ ယာဉ်လိုင်းတို့ကို ယာဉ်စီးရေ ၂၃၀ ကျော်ဖြင့် ခရီးသည် ပို့ဆောင်လျက်ရှိပြီး ရန်ကုန်မြို့အတွင်း ယာဉ်လိုင်း ၉၂ လိုင်းကျော်ရှိကာ ယာဉ်စီးရေ ၄၀ဝ၀ ကျော်ဖြင့် နေ့စဉ် ပြေးဆွဲလျက်ရှိသည်။ ရန်ကုန်မြို့ပြ အများပြည်သူ သယ်ယူပို့ဆောင်ရေးကုမ္ပဏီ YUPT က ခရီးစဉ်လမ်းကြောင်းသစ်တစ်ခု လျှောက်ထားခြင်းနှင့် Power Eleven ကုမ္ပဏီက ခရီးစဉ်လမ်းကြောင်းသစ်ငါးခု လျှောက်ထားမှုတို့မှာ YRTA ၏ ခွင့်ပြုချက် မကျသေးကြောင်း အဆိုပါကုမ္ပဏီထံမှ သိရသည်။
Source : https://goo.gl/F22KfW
via IFTTT

ဒီတပတ္ ရန္ကုန္႐ုပ္ရွင္

ဒီတပတ် ရန်ကုန်ရုပ်ရှင် ဇာတ်ကားအမည် – ငါက ဗိုလ်အောင်ဒင် ဒါရိုက်တာ – ကိုဇော် (အာရုံဦး) သရုပ်ဆောင်များ – မင်းမော်ကွန်း၊ ပြေတီဦး၊ အိချောပို၊ ခင်လှိုင်၊ တက္ကသိုလ်ဂွမ်းပုံ ပြသမည့်ရုပ်ရှင်ရုံ – မင်္ဂလာ (၁) သိမ်ကြီးဈေး (၂၄၃၀၅၇ ၊ ၂၄၃၀၅၈) ၊ – မင်္ဂလာ (၂) -ဒဂုံစင်တာ (၂)မြေနီကုန်း (၀၉-၇၃၂၅၄၀၉၁)၊ (၀၉-၇၃၂၅၄၀၉၂)၊ – MINGALAR CINEPLEX (1,2,3,4) ( ဂမုန်းပွင့်) လှည်းတန်း၊ စံရိပ်ငြိမ် (၀၉-၇၇၉၀၅၄၆၇၁ ၊ ၀၉-၇၇၉၀၅၄၆၇၂ ၊ ၀၉-၇၇၉၀၅၄၆၇၃)၊ – TOP ROYAL (စိန်ဂေဟာပါရမီ) (၀၉-၄၂၀၁၈၆၂၉၁ ၊ ၀၉-၄၂၀၁၈၆၂၉၂)၊ -ရှေ့ဆောင် (၂၅၂၁၁၃ ၊ ၃၈၈၀၃၄) MINGALAR SANPYA CINEPLEX (1,2,3,) (၀၉-၂၆၀၈၈၇၀၃၅ ၊ ၀၉-၂၆၀၈၈ ၇၀၃၆)။ ဇာတ်ကားအမည် – တာတေကြီး ဒါရိုက်တာ – ဝိုင်း သရုပ်ဆောင်များ – နေတိုး၊ ရွှေသမီး ပြသမည့်ရုပ်ရှင်ရုံ – သမ္မတ (၂၄၆၉၆၂ ၊ ၂၄၆၉၆၃) ၊ – သွင် (၃၇၂၅၉၄ ၊ ၀၉-၇၃၂၃၅၅၆၀) ၊ – MINGALAR SANPYA CINEPLEX (1,2,3,) (၀၉-၂၆၀၈၈၇၀၃၅ ၊ ၀၉-၂၆၀၈၈ ၇၀၃၆)၊ – MINGALAR CINEPLEX (1,2,3,4) ( ဂမုန်းပွင့်) လှည်းတန်း၊ စံရိပ်ငြိမ် (၀၉-၇၇၉၀၅၄၆၇၁ ၊ ၀၉-၇၇၉၀၅၄၆၇၂ ၊ ၀၉-၇၇၉၀၅၄၆၇၃)၊ – မင်္ဂလာဝဇီရာ (လှိုင်သာယာ) (၀၉-၂၆၁၉၀၁၁၅၅၊ ၀၉-၂၆၁၉၀၁၁၆၆၊ ၀၉-၂၆၁၉၀၁၁၇၇)။ ဇာတ်ကားအမည် – ဖေ့စ်ဘုတ်ဘုရင်မ ဒါရိုက်တာ – ပြည်ဟိန်းသီဟ သရုပ်ဆောင်များ – လူမင်း၊ ကျော်ကျော်ဗို၊ ခင်လှိုင်၊ ရွှေမှုံရတီ၊ တက္ကသိုလ်ဂွမ်းပုံ ပြသမည့်ရုပ်ရှင်ရုံ -ရှေ့ဆောင် (၂၅၂၁၁၃ ၊ ၃၈၈၀၃၄) ။ ဇာတ်ကားအမည် – မယားကြောက်ရွာ ဒါရိုက်တာ – ကိုဇော် (အာရုဏ်ဦး) သရုပ်ဆောင်များ – လူမင်း၊ ခန့်စည်သူ၊ ညီထွဋ်ခေါင်၊ စိုးမြတ်သူဇာ၊ ခိုင်သင်းကြည်၊ သွန်းဆက် ပြသမည့်ရုပ်ရှင်ရုံ – ရှေ့ဆောင် (၂၅၂၁၁၃ ၊ ၃၈၈၀၃၄)။ ဇာတ်ကားအမည် – Manhunt (3D) ဒါရိုက်တာ – John Woo သရုပ်ဆောင်များ – Ha Jiwon, Zhang Hanyu,Masaharu Fukuyama, Qi Wei, Jun Kunimura ဇာတ်လမ်းအမျိုးအစား – Action & Adventure, Drama ကြာမြင့်ချိန် – 106mins ဖြန့်ချိ – Media Asia Films ပြသမည့်ရုပ်ရှင်ရုံ – နေပြည်တော် CINEPLEX (1,2,3) (၂၅၁၂၇၇ ၊ ၂၅၁၂၈၈)၊ MINGALAR CINEPLEX (1,2,3,4) ( ဂမုန်းပွင့်) လှည်းတန်း၊ စံရိပ်ငြိမ် (၀၉-၇၇၉၀၅၄၆၇၁ ၊ ၀၉-၇၇၉၀၅၄၆၇၂ ၊ ၀၉-၇၇၉၀၅၄၆၇၃)။ ဇာတ်ကားအမည် – Justice League (3D) ဒါရိုက်တာ – Zack Snyder သရုပ်ဆောင်များ – Ben Affleck, Henry Cavill, Amy Adams, Gal Gadot, Jason Momoa, Ezra Miller, ဇာတ်လမ်းအမျိုးအစား – Action & Adventure, Drama, Science Fiction & Fantasy ကြာမြင့်ချိန် – 110mins ဖြန့်ချိ – Warner Bros. Pictures ပြသမည့်ရုပ်ရှင်ရုံ – နေပြည်တော် CINEPLEX (1,2,3) (၂၅၁၂၇၇ ၊ ၂၅၁၂၈၈)၊ – MINGALAR SANPYA CINEPLEX (1,2,3,) (၀၉-၂၆၀၈၈၇၀၃၅ ၊ ၀၉-၂၆၀၈၈ ၇၀၃၆)၊ – MINGALAR CINEPLEX (1,2,3,4) ( ဂမုန်းပွင့်) လှည်းတန်း၊ စံရိပ်ငြိမ် (၀၉-၇၇၉၀၅၄၆၇၁ ၊ ၀၉-၇၇၉၀၅၄၆၇၂ ၊ ၀၉-၇၇၉၀၅၄၆၇၃)။ The post ဒီတပတ် ရန်ကုန်ရုပ်ရှင် appeared first on ဧရာဝတီ.
Source : http://ift.tt/2inSYIN
via IFTTT

ပလက္ဝေဒသတြင္ တိုက္ပြဲမ်ား ပိုမိုျပင္းထန္လာႏိုင္ဟု AA ေျပာ

ပလက်ဝဒေသတွင် တိုက်ပွဲများ ပိုမိုပြင်းထန်လာနိုင်ဟု AA ပြော အိန္ဒိယ- မြန်မာ နယ်စပ်အနီး ချင်းပြည်နယ် ပလက်ဝဒေသရှိ ရက္ခိုင့်တပ်မတော် (AA) လှုပ်ရှားရာ ဒေသသို့ မြန်မာ့ တပ်မတော်က စစ်ဆင်ရေး ပြုလုပ်လာသဖြင့် လာမည့်ရက်ပိုင်းတွင် တိုက်ပွဲများ ပိုမိုပြင်းထန်လာမည်ဟု ခန့်မှန်းရကြောင်း AA ပြောရေးဆိုခွင့်ရှိသူ ခိုင်သုခက ဧရာဝတီသို့ ပြောသည်။ နိုဝင်ဘာလ ၂၉ ရက်နေ့က နေရာ ၆ ခုတွင် တိုက်ပွဲများ ဖြစ်ပွားခဲ့ရာ တပ်မတော်မှ ရဟတ်ယာဉ် ၂ စီး အသုံးပြု၍ တိုက် ခိုက်ခဲ့ကြောင်း၊ တိုက်ပွဲအတွင်း ပိတ်မိနေသည့် ၎င်းတို့၏ တပ်ဖွဲ့များကို ကယ်ထုတ်နိုင်ရန် ရဟတ်ယာဉ် အသုံးပြုခြင်း ဖြစ်ကြောင်း၊ AA အဖွဲ့ အနေဖြင့် ခုခံစစ်ပုံစံဖြင့် ပြန်လည် တုန့်ပြန်သွားမည်ဟု ၎င်းက ပြောသည်။ “တိုက်ပွဲ အကြီးအကျယ် ဖြစ်နေတာက အိန္ဒိယ၊ ဘင်္ဂလားဒေ့ရှ်နဲ့ မြန်မာနယ်စပ် ပလက်ဝဘက်မှာပေါ့။ တိုက်ပွဲက တော်တော်ပြင်းတယ်။ တပ်မတော်ဘက်ကလည်း အကျအဆုံးတွေ များတယ်။ သူတို့ဘက်က ဒီလိုပဲ ဆက်တိုက် လာရင်တော့ ကျနော်တို့ဘက်ကလည်း မဖြစ်မနေ ခုခံရမှာ ဖြစ်လို့ တိုက်ပွဲက ပိုပြင်းလာဖို့ပဲ ရှိတယ်”ဟု ခိုင်သုခက ပြောသည်။ နိုဝင်ဘာလဆန်းပိုင်းက စတင်ခဲ့သည့် ပလက်ဝဒေသတိုက်ပွဲများအတွင်း AA ဘက်မှ အနည်းဆုံး ၅ ဦးကျဆုံးခဲ့ရပြီး ထိခိုက်ဒဏ်ရာ ရသူများလည်း ရှိကြောင်း၊ တပ်မတော်ဘက်မှ အကျအဆုံးကို စာရင်းတိတိကျကျ မသိနိုင်သော်လည်း အကျအဆုံး များနိုင်ကြောင်း၊ သို့သော် ၎င်းတို့အဖွဲ့ ပလက်ဝဒေသတွင် မည်သည့်အချိန်တွင် စတင်လှုပ်ရှားသည်ကိုမူ လုံခြုံရေးအရ မပြောနိုင်ကြောင်း AA အဖွဲ့က ပြောသည်။ မနေ့က ညနေပိုင်းတွင် တိုက်ပွဲများကြောင့် စိုးရိမ်ထိတ်လန့်နေသည့် ပလက်ဝဒေသခံ ၃၅၀ ခန့်သည် အိန္ဒိယဘက်ခြမ်းသို့ ထွက်ပြေးလာသဖြင့် ပြီးခဲ့သည့် တပတ်က ရောက်ရှိနေသည့် စစ်ရှောင် ဒုက္ခသည် ၁၅၀၀ နှင့် ပေါင်းပါက လူဦးရေ ၂၀၀၀ နီးပါး ရှိလာနေပြီ ဖြစ်ကြောင်း အိန္ဒိယဘက်ခြမ်းတွင် သီတင်းသုံးနေသည့် ဆရာတော် ဦးပညာဇောတက ဧရာဝတီသို့ မိန့်သည်။ “အကူအညီတွေ မရှိသေးဘူး။ ရခိုင်ရွာတွေကပဲ တတ်နိုင်သလောက် ကူညီနေကြတယ်။ အိန္ဒိယ အစိုးရက ပြီးခဲ့တဲ့ရက်က တအိမ်ထောင်ကို ဆန် ၁ ပြည်ဝေငှတယ်။ မနေ့က လူ ၃၅၀ လောက်ထပ် ရောက်လာတယ်။ အရင်က ၁၅၀၀ လောက်ရှိ တော့ တိုး လာတာပေါ့။ မနေ့က ညနေ ၄ နာရီခွဲလောက် မှာ ဗုံးကြဲတဲ့အတွက် မနေရဲလို့ ထွက်ပြေးလာကြတာ”ဟု ဆရာတော်က မိန့်သည်။ AA အဖွဲ့သည် ဒီမိုကရေစီ အစိုးရဟု ခေါ်သော သမ္မတဦးသိန်းစိန် လက်ထက်ရောက်မှ ပေါ်ပေါက်လာ သည့် အဖွဲ့ဖြစ်၍ ငြိမ်းချမ်းရေး ဆွေးနွေးရန် မရှိကြောင်း ၎င်းတို့၏ သဘောထားကို ၂၀၁၆ ခုနှစ်က အမျိုးသား လွှတ်တော်တွင် ကာကွယ် ရေး ဝန်ကြီး ဒုတိယ ဗိုလ်ချုပ်ကြီး စိန်ဝင်းက ပြောဆိုထား သည်။ ၂၀၁၇ ခုနှစ် နိုဝင်ဘာလ ၁၈ ရက်နေ့ကလည်း ချင်းပြည်နယ် တောင်ပိုင်း ပလက်ဝဒေသတွင် ရက္ခိုင့် တပ်မတော်(AA)၏ ခြုံခိုတိုက်ခိုက်မှု ကြောင့် မြန်မာ့တပ်မတော်မှ အရာရှိ ၂ ဦး၊ အခြားအဆင့် ၉ ဦး စုစုပေါင်း ၁၁ ဦး ကျဆုံးသွားပြီး ၁၄ ဦး ဒဏ်ရာ ရရှိသွားခဲ့ရသည်။ ၎င်းနောက်ပိုင်းတွင် တပ်မတော်က AA အဖွဲ့ထံသို့ ထိုးစစ်များ အကြီးအကျယ် ဆင်နွဲလာခြင်း ဖြစ်သည်ဟု ယင်းဒေသခံများက ပြောသည်။ နိုဝင်ဘာလ၂၈ ရက်နေ့က ပလက်ဝဒေသ နေရာ ၆ နေရာတွင် တိုက်ပွဲကြီး၊ တိုက်ပွဲငယ်များ ဆက်လက်ရှိနေခဲ့ပြီး၊ နိုဝင်ဘာလ ၂၅ ရက်နေ့က စတင်ကာ မြိတ်ဝရွာအနီးတွင် ၅ ရက်ဆက်တိုက်ပွဲ များ ဖြစ်ပွားခဲ့ကြောင်း၊ နိုဝင်ဘာ ၂၉ရက် ညပိုင်း ၉ နာရီ ၌လည်း နေရာ ၂ ခုတွင် တိုက်ပွဲ ပြင်းထန် ခဲ့ကြောင်း AA က သတင်းထုတ်ပြန်ထားသည်။ နိုဝင်ဘာလ ၂၉ ရက်နေ့ တိုက်ပွဲများအတွင်း တပ်မတော်ဘက်မှ အကျအဆုံး၊အထိအခိုက်များရှိခဲ့ပြီး တပ်မတော်ထံမှ ၆၀ မမနှစ်လက်၊ ၆၀ မမကျည် (၇၀) လုံးနှင့် လက်နက်ခဲယမ်းအချို့နှင့် စစ်အသုံး အဆောင် ပစ္စည်းများကို သိမ်းဆည်း ရမိခဲ့ကြောင်း၊ တပ်မတော်မှ နောက်ထပ်စစ်ကူများ၊ လက်နက်ကြီးများကို ထပ်မံအင်အား ဖြည့်တင်း လာနေသောကြောင့် နောက်ရက်များတွင်လည်း တိုက်ပွဲများ ထပ်မံပြင်းထန်လာနိုင်ကြောင်းလည်း AA က ဆိုသည်။ အဆိုပါ တိုက်ပွဲများနှင့် ပတ်သက်၍ တပ်မတော်သို့ ဧရာဝတီက တဆက်သွယ်မေးမြန်းသော်လည်း ပြန်လည်ဖြေဆိုခြင်း ရှိသကဲ့သို့ တပ်မတော်ဘက်မှလည်း သတင်းထုတ်ပြန်ခြင်းမရှိပေ။ The post ပလက်ဝဒေသတွင် တိုက်ပွဲများ ပိုမိုပြင်းထန်လာနိုင်ဟု AA ပြော appeared first on ဧရာဝတီ.
Source : http://ift.tt/2AJv1mD
via IFTTT

MOI Webportal Myanmar

ညောင်ပုထိုးကျေးရွာတွင် မြစိမ်းရောင် စီမံကိန်းချေးငွေ ကျပ် (၃၉၁) သိန်း တတိယအကြိမ် ထုတ်ချေး ဒီပဲယင်း နိုဝင်ဘာ ၃ဝ စစ်ကိုင်းတိုင်းဒေသကြီး၊ ရွှေဘိုခရိုင်၊ ဒီပဲယင်းမြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာနက အကောင်အထည်ဖော် ဆောင်ရွက်လျက်ရှိသော အရင်းမပျောက် လည်ပတ်ရန်ပုံငွေဖြင့် မြစိမ်းရောင်စီမံကိန်ချေးငွေ တတိယအကြိမ် ထုတ်ချေးခြင်းကို ညောင်ပုထိုးကျေးရွာ၊ မြစိမ်းရောင်ကြီးကြပ်မှုကော်မတီ ဥက္ကဋ္ဌ နေအိမ်တွင် နိုဝင်ဘာလ ၂၉ ရက်နေ့က ပြုလုပ်ခဲ့သည်။ အဆိုပါချေးငွေပေးအပ်ပွဲတွင် မြို့နယ်ကျေးလက်ဒေသ ဖွံ့ဖြိုးတိုးတက်ရေးဦးစီးမှူး ဒေါ်ခင်မီမီအောင်က ကျေးရွာမြစိမ်းရောင် ကော်မတီဝင်များ၊ မြစိမ်းရောင်အသင်းဝင်များနှင့် တွေ့ဆုံပြီး စီမံကိန်းကာလနှစ်နှစ်အတွင်း အရင်းမပျောက် လည်ပတ်ရန်ပုံငွေကျပ်သိန်း(၃ဝဝ)နှင့် အတိုးရငွေကျပ် (၉၁) သိန်း စုစုပေါင်း ငွေကျပ် (၃၉၁) သိန်းနှင့် ပတ်သက်၍ ရှင်းလင်းခြင်း၊ စီမံကိန်းဆောင်ရွက်ရာတွင် တွေ့ကြုံခဲ့ရသည့် လုပ်ငန်းများ၏ အားသာချက်၊ အားနည်းချက်များ၊ တတိယအကြိမ်ထုတ်ချေးမည့် လုပ်ငန်းများနှင့် ပတ်သက်၍ ရှင်းလင်းဆွေးနွေးခဲ့ပြီး ချေးငွေများကို တတိယအကြိမ် ထုတ်ချေးပေးခဲ့ကြောင်း သိရသည်။ (ခင်ဦးစိုးဝေ)
Source : http://ift.tt/2ilS0g5
via IFTTT

Eleven Broadcasting

ဆေးပညာ မဟာသိပ္ပံ အောင်စာရင်းများနှင့်ပတ်သက်၍ သက်ဆိုင်ရာ တက္ကသိုလ် အသီးသီးကို လွတ်လပ်စွာ ဆုံးဖြတ်ပိုင်ခွင့် ပေးရန် ဆေးတက္ကသိုလ်ကျောင်းသား သမဂ္ဂများ တောင်းဆို (ရုပ်သံ) ဆေးပညာ မဟာသိပ္ပံ အောင်စာရင်းများနဲ့ပတ်သက်ပြီး ကျန်းမာရေးနှင့် အားကစားဝန်ကြီးဌာနက ဗဟိုချုပ်ကိုင်မှု နဲ့ ဆုံးဖြတ်နေကြောင်းနဲ့ အဲ့ဒီအတွက် သက်ဆိုင်ရာ တက္ကသိုလ်အသီးသီးကို လွတ်လပ်စွာဆုံး ဖြတ်ပိုင်ခွင့်ပေးဖို့ ရန်ကုန်နဲ့ မန္တလေး ဆေးတက္ကသိုလ်ကျောင်းသား သမဂ္ဂတွေက တောင်းဆိုလိုက်ပါတယ်။
Source : http://ift.tt/2kcBLCn
via IFTTT

၂၀၁၈ ကမာၻ႔ဖလားမွာ ဗိုလ္စြဲဖို႔ ေရပန္းအစားဆုံး အသင္း ဂ်ာမနီ

၂၀၁၈ ကမ္ဘာ့ဖလားမှာ ဗိုလ်စွဲဖို့ ရေပန်းအစားဆုံး အသင်း ဂျာမနီ ပြီးခဲ့တဲ့ အောက်တိုဘာလ အထိ FIFA ရဲ့ အဆင့်သတ်မှတ်ချက် အရ ရမှတ် ၁၆၃၁ မှတ်နဲ့ ကမ္ဘာ့ အဆင့် ၁ နေရာမှာ အကောင်းဆုံး အသင်း အဖြစ် ရပ်တည်နေတဲ့ အသင်းက ဂျာမနီပါ၊ လာမယ့် ၂၀၁၈ ခုနှစ် ကမ္ဘာ့ဖလားမှာလည်း ဗိုလ်စွဲမယ် လို့ ရေပန်းအစားဆုံး အသင်းတွေထဲက တသင်း၊ ကမ္ဘာ့ဖလားကို ၅ ကြိမ်ထိအောင် အများဆုံး ရယူထားနိုင်တဲ့ ဘရာဇီးရဲ့ စံချိန်ကို အမီလိုက်ချင်နေတဲ့ စိတ်အား အထက်သန်ဆုံး အခွင့်အလမ်း အများဆုံး ရှိနေတဲ့ အသင်းဆိုရင်လည်း မမှားပါဘူး။ ဂျာမနီ အသင်းဟာ ၁၉၀၈ ခုနှစ်ကတည်းက နိုင်ငံတကာ ဘောလုံးပြိုင်ပွဲတွေမှာ ပါဝင် ယှဉ်ပြိုင်နေတဲ့ အသင်း ဖြစ်ပြီး အဖွဲ့ချုပ် အမည်ကိုတော့ Germany national football team လို့ အမည်ပေးထားပါတယ်။ German Football Association ဆိုတဲ့ ဂျာမန်ဘောလုံး အဖွဲ့ချုပ်ရဲ့ လက်အောက်ခံ အဖြစ် ရှိနေတာလည်း ဖြစ်ပါတယ်။ ၁၉၀၀ ပြည့်နှစ်မှာ စတင် တည်ထောင်ခဲ့တဲ့ အခု နိုင်ငံလက်ရွေးစင် အသင်းက ကနဦးမှာ ဂျာမနီ နှစ်ခြမ်းကွဲနေချိန်မှာ ကိုယ်စားပြု အသင်းက ၂ သင်းကွဲသွားခဲ့ပါသေးတယ်။ ဆားနယ်မြေကို ကိုယ်စားပြု Saarland အဖြစ်နဲ့ ၁၉၅၀ ကနေ ၁၉၅၆ နဲ့ အရှေ့ဂျာမနီကို ကိုယ်စားပြု German Democratic Republic အဖြစ်နဲ့ ၁၉၅၂ ကနေ ၁၉၉၀ ထိ ခွဲခြား ယှဉ်ပြိုင်မှုတွေ လုပ်ဆောင်ခဲ့ပါတယ်။ ၁၉၉၀ ရောက်တော့ ဂျာမနီ ပြန်လည် ပေါင်းစည်းမှုနဲ့ အတူ အသင်း၂ သင်းလည်း ၁ သင်းတည်း ပြန်ဖြစ်သွားပါတယ်။ အသင်းကို အမည်ပြောင် အနေနဲ့တော့ Nationaleft အဖြစ်(နိုင်ငံသူရဲကောင်း ၁၁ ယောက်) နဲ့ Die Mannschaft (The Team) အဖြစ်နဲ့ရော ခေါ်ကြပါတယ်။ ဥရောပ ဘောလုံး အဖွဲ့ချုပ် UEFA ရဲ့ လက်အောက်ခံ အသင်း တသင်း ဖြစ်ပါတယ်။ လက်ရှိ အသင်း နည်းပြရာထူးကို Joachim Low က ကိုင်တွယ်နေပြီး အသင်း ခေါင်းဆောင် ရာထူးကိုတော့ မန်ညူဝယ် နူးဝါး (Manuel Neuer) က ထမ်းဆောင်နေပါတယ်။ အသင်းရဲ့ အိမ်ကွင်း ဝတ်စုံ အနေနဲ့ဆိုရင် အဖြူပေါ်မှာ လှိုင်းတွန့်အနက်စင်းပါ အင်္ကျီ၊ အနက်ရောင် ဘောင်းဘီနဲ့ အဖြူရောင် ခြေအိတ်ကို အနက်ရောင် အစင်း အကွပ်လေးတွေနဲ့ ဝတ်ဆင် ကစားပါတယ်၊ အဝေးကွင်းမှာတော့ အင်္ကျီက အနက်ရောင် ဖြစ်သွားပြီး ဘောင်းဘီးက အဖြူရောင်နဲ့ ခြေအိတ်မှာတော့ အဖြူရောင်ကို အနက်ရောင် ဘောင်ကွပ်နဲ့ ဖြစ်ပါတယ်။ လက်ရှိ နိုဝင်ဘာမှာတော့ FIFA ရဲ့ အဆင့် သတ်မှတ်ချက်မှာ ကမ္ဘာ့ အဆင့် ၂ ဖြစ်နေပြီး သမိုင်းတလျှောက် ကမ္ဘာ့ အကောင်းဆုံး အဆင့် ၁ နေရာကို ၅ ကြိမ်ထိ ရောက်ရှိဖူးထားတာ ဖြစ်ပါတယ်။ ပထမဆုံး ကမ္ဘာ့ အဆင့် ၁ နေရာကို ၁၉၉၂ ခုနှစ် ဒီဇင်ဘာမှာ ဖြစ်ခဲ့ပြီး ၉ လကြာ ထိန်းထားနိုင်ခဲ့ပြီး ၁၉၉၃ ခုနှစ် သြဂုတ်လအထိ အဆင့် ၁ ဖြစ်ခဲ့ပါတယ်။ ဒုတိယ အကြိမ် အနေနဲ့ ၁၉၉၃ ခုနှစ် ဒီဇင်ဘာမှာ ပြန်ဖြစ်လာပြီး ၄ လကြာ ဆက်ထိန်းထားနိုင်ပြီး ၁၉၉၄ ခုနှစ် မတ်လထိ ထိန်းထားနိုင်ခဲ့ပါတယ်။ တတိယ အကြိမ်မှာတော့ ၁ လပဲ ကြာပြီး ၁၉၉၄ ခုနှစ် ဇွန်လမှာ ဖြစ်ခဲ့ပါတယ်။ စတုတ္ထအကြိမ် ကတော့ ၂၀၁၄ ခုနှစ် ဇူလိုင်မှာ ပြန်ဖြစ်ခဲ့ပြီး ၁၂လကြာထိ အကြာဆုံး အဆင့် ၁ အဖြစ် ထိန်းထားနိုင်ခဲ့ပြီး ၂၀၁၅ ခုနှစ် ဇွန်လအထိ ဖြစ်ခဲ့ပါတယ်။ အခု နောက်ဆုံး ၅ ကြိမ်မြောက် အဆင့် ၁ ကတော့ ၂၀၁၇ ခုနှစ် ဇူလိုင်ကတည်းက ဖြစ်နေခဲ့တာ ဖြစ်ပြီး ၄ လကြာ အောက်တိုဘာ လကုန်ထိ အဆင့် ၁ ဖြစ်ထားတာ တွေ့ရပါတယ်။ သမိုင်းတလျှောက် အဆင့် အနိမ့်ဆုံး ကျဆင်းမှုကို ၂၀၀၆ ခုနှစ် မတ်လ အတွင်းက ကြုံခဲ့ရပြီး အဆင့် ၂၂ ထိအောင် အနိမ့်ဆုံး ကျဖူးတာ တွေ့ရပါတယ်။ အသင်းရဲ့ ပထမဆုံး နိုင်ငံတကာ ပွဲစဉ်ကို ၁၉၀၈ ခုနှစ် ဧပြီ ၅ ရက်နေ့က ဆွစ်ဇာလန်နဲ့ စတင် ကစားခဲ့ပြီး ၅ ဂိုး ၃ ဂိုးနဲ့ ရှုံးခဲ့လို့ ပွဲဦးထွက်တော့ မျက်နှာပန်း မလှခဲ့ပါဘူး။ သမိုင်း တလျှောက် အကြီးမားဆုံး နိင်ပွဲကို ၁၉၁၂ ခုနှစ် ဇူလိုင် ၁ ရက်နေ့က ကစားတဲ့ပွဲမှာ ရခဲ့ပြီး ဆွီဒင်နိုင်ငံ၊ စတော့ဟုမ်းမှာ ကစားခဲ့တဲ့ ဒီပွဲမှာ ရုရှအင်ပါယာ (Russian Empire) အသင်းကို ၁၆ ဂိုး ဂိုးမရှိနဲ့ နိုင်ခဲ့တာ ဖြစ်ပါတယ်။ ဒါပေမယ့် အကြီးမားဆုံး ရှုံးပွဲကို ကြည့်မယ် ဆိုရင်လည်း ၁၉၀၉ ခုနှစ်က အင်္ဂလန်နိုင်ငံ၊ အောက်ဖို့မှာ ကစားတဲ့ England Amateurs အသင်းနဲ့ပွဲမှာ ၉ ဂိုး ဂိုး မရှိနဲ့ ရှုံးခဲ့ဖူး ပါတယ်။ ကမ္ဘာ့ဖလားနဲ့ ပတ်သက်ပြီး ၁၉၃၄ ခုနှစ်ကတည်းက စတင် ပါဝင်ခွင့်ရခဲ့ပြီး အခုချိန်ထိ ၁၈ ကြိမ် ဝင်ခွင့်ရထားပါတယ်။ ချန်ပီယံ အဖြစ်နဲ့တော့ ၁၉၅၄၊ ၁၉၇၄၊ ၁၉၉၀ နဲ့ ၂၀၁၄ တွေမှာ ရထားပြီး ဘရာဇီးရဲ့ ချန်ပီယံ ၅ ကြိမ် ရယူထားနိုင်မှု စံချိန်ကို အမီလိုက်နိုင်ဖို့ အခွင့်အလမ်း များနေတာလည်း ဖြစ်ပါတယ်။ လာမယ့် ကမ္ဘာ့ ဖလား အတွက် ဂျာမနီ အတွက် ကံကောင်းတာက အဓိက ချန်ပီယံ ၄ ကြိမ်စီ ရယူထားနိုင်တဲ့ အင်အားကြီး အသင်း အီတလီက ကမ္ဘာ့ဖလား ဝင်ခွင့် ဆုံးရှုံးထားလို့ပဲ ဖြစ်ပါတယ်။ ဥရောပ ချန်ပီယံ ဖလားပွဲတွေမှာလည်း ၁၉၇၂ ခုနှစ်ကနေ ပထမဆုံး စတင် ပါဝင်နေခဲ့ပြီး အခုချိန်ထိအောင် ၁၂ ကြိမ် ဝင်ခွင့် ရထားသလို ချန်ပီယံ ၃ ကြိမ် ဖြစ်ထားပါ တယ်။ Confederation ဖလား ပွဲစဉ်ကိုတော့ ၁၉၉၉ ခုနှစ်ကနေ စပြီး ၃ ကြိမ် ဝင်ပြိုင်ဖူးပေမယ့် ချန်ပီယံ ၁ ကြိမ်ပဲ ဖြစ်ထားပါတယ်။ ဖလားရရှိမှု အပြင် အဓိက ပြိုင်ပွဲကြီးတွေ ဖြစ်တဲ့ ကမ္ဘာ့ဖလားမှာ ဒုတိယ ၄ ကြိမ်၊ ဥရောပ ဖလားမှာ ဒုတိယ ၃ ကြိမ်၊ ကမ္ဘာ့ဖလားမှာ တတိယ ၄ ကြိမ် ရရှိထားတာတွေကတော့ နိုင်ငံ့ အသင်းတွေထဲမှာ အောင်မြင်မှု အများအဆုံး ထိပ်ပိုင်းက အသင်း အဖြစ် ရပ်တည်နေလာနိုင်စေတာလည်း ဖြစ်ပါတယ်။ ၁၉၇၆ ခုနှစ် အတွင်းက အရှေ့ဂျာမနီ အသင်း အနေနဲ့ ရှိနေစဉ် ကလည်း အိုလံပစ်မှာ အနိုင်ရဖူးသေးတယ်။ ပြီးတော့ ထူးခြားချက်က ဂျာမနီဟာ အမျိုးသားရော အမျိုးသမီး ဘောလုံး အသင်းတွေမှာ ကမ္ဘာ့ဖလားကို ရယူထားနိုင်တဲ့ တခုတည်းသော နိုင်ငံ အသင်းလည်း ဖြစ်နေသလို Confederation ဖလားကို ရယူနိုင်မှု အပိုင်းမှာလည်း အမျိုးသား အသင်းရော အမျိုးသမီး အသင်း အနေနဲ့ပါ ကမ္ဘာမှာ ၄ သင်းပဲ ရှိပြီး ဘရာဇီး၊ အာဂျင်တီးနား၊ ပြင်သစ်တို့နဲ့ အတူ အောင်မြင်မှု အများဆုံး အသင်း အဖြစ် ရပ်တည်ထားနိုင်လာတာပါ။ ၂၀၁၄ ခုနှစ် ကမ္ဘာ့ဖလား အပြီးမှာလည်း Elo ရဲ့ ရမှတ်ပေးမှု အပိုင်းမှာ သမိုင်းတလျှောက် နိုင်ငံ အသင်း တခု အတွက် အမြင့်ဆုံး ရမှတ် သတ်မှတ်ပေးမှု ခံရပြီး ၂၂၀၅ မှတ်ထိအောင် ရခဲ့သလို အခုချိန်ထိအောင် အဆိုပါ ရမှတ်ကို ကျော်ဖြတ် အောင်မြင်တဲ့ အခြား အသင်း ပေါ်မလာသေးပါဘူး။ နောက်ဆုံး အနေနဲ့ ဂျာမနီအသင်းရဲ့ အားသာချက်၊ အားနည်းချက်လေးတွေကို ပြောရမယ် ဆိုရင် တိုက်စစ်ကောင်းတယ်၊ ကွင်းလယ် ကောင်းတယ်၊ တွန်းတွန်းတိုက်တိုက် ကစားတတ်တယ်၊ တောင်ပံ ထိုးဖောက်အားကောင်းတယ်၊ လူငယ် တိုက်စစ်မှူးတွေ အားထားစရာ ရှိတယ်၊ ကစားကွက်ထက် သွက်လက်မှုကို ပိုမို ဦးစားပေးဟန်နဲ့ ကစားတယ်လို့ အများစုက သုံးသပ်ကြပြီး အခု နောက်ပိုင်း ပွဲစဉ်တွေမှာ ခံစစ်ပိုင်း အနည်းငယ် အားနည်းချက် ရှိတယ်လို့ ဝေဖန်နေသူတွေ ရှိပါတယ်။ နောက်ဆုံး ကစားထားတဲ့ နိုဝင်ဘာ ၁၄ ရက်နေ့က ပြင်သစ်နဲ့ ပွဲစဉ်မှာ ၂ ဂိုး ၂ ဂိုး သရေကျခဲ့သလို အချိန် မိနစ် ၉၀+၃ မိနစ်မှာမှ သရေဂိုးသွင်းနိုင်ခဲ့လို့ အသင်းရဲ့ နောက်တန်း ခံစစစ်ကို အခုထက် ပိုကောင်းအောင် လုပ်ဆောင်ဖို့ လိုအပ်နေတယ်လို့ ထောက်ပြရမှာပါ။ လက်ရှိမှာတော့ ဂျာမနီ အသင်းအနေနဲ့ နောက်ထပ် နိုင်ငံ ပွဲစဉ် ကစားရဖို့ မရှိသေးလို့ ကမ္ဘာ့ဖလား အတွက် အကောင်းဆုံး ပြင်ဆင်ချိန် ရနေပြီး လာမယ့် ၂၀၁၈ ခုနှစ် မတ်လ ၂၃ မှာ စပိန်၊ ၂၇ ရက်မှာ ဘရာဇီးတွေနဲ့ ချစ်ကြည်ရေးပွဲ ကစားဖို့ စီစဉ်ထားတာပဲ အနီးဆုံး ရှိနေတာပါ။ အသင်း အတွက် ပွဲအများဆုံး ကစားထားပေးသူကတော့ ၁၉၈၀ ကနေ ၂၀၀၀ ခုနှစ်ထိအောင် ကစားခဲ့တဲ့ Lothar Matthaus ဖြစ်ပြီး ပွဲ ၁၅၀ ကစားထားပါတယ်။ ဂိုးအများဆုံး သွင်းယူထားသူကတော့ ၂၀၀၁ ခုနှစ်ကနေ ၂၀၁၄ ခုနှစ်ထိအောင် ကစားပေးခဲ့ပြီး ဂိုးပေါင်း ၇၁ ဂိုး သွင်းပေးခဲ့တဲ့ Miroslav Klose ပဲ ဖြစ်ပါတယ်။ တနှစ်တာ အကောင်းဆုံး ကစားသမားဆုကိုတော့ နောက်ဆုံး နှစ်တွေ အနေအထား ကြည့်မယ် ဆိုရင် ၂၀၁၁ ခုနှစ်ကနေ ၂၀၁၆ အထိအောင် ၆ နှစ် အတွင်း Mesut Ozil က ၅ ကြိမ်ထိ ရယူ ထားနိုင်တာလည်း ဖြစ်ပါတယ်။ Ref: en.m.wikipedia.org The post ၂၀၁၈ ကမ္ဘာ့ဖလားမှာ ဗိုလ်စွဲဖို့ ရေပန်းအစားဆုံး အသင်း ဂျာမနီ appeared first on ဧရာဝတီ.
Source : http://ift.tt/2j22Wg3
via IFTTT

ေဈးႏႈန္းသင့္ နည္းပညာလည္းျမင့္မားတဲ့ Nissan ရဲ႕ 2018 Infiniti Q60 Coupe ေမာ္ဒယ္သစ္

ဈေးနှုန်းသင့် နည်းပညာလည်းမြင့်မားတဲ့ Nissan ရဲ့ 2018 Infiniti Q60 Coupe မော်ဒယ်သစ် ဂျပန် အခြေစိုက် Nissan ကားကုမ္ပဏီကြီးရဲ့ ဇိမ်ခံ မော်ဒယ်ထုတ် Infiniti က အခု နောက်ပိုင်း Lexus နဲ့ Acura လို အာရှ ဇိမ်ခံ အမှတ်တံဆိပ်တွေရဲ့ အရည်အသွေးနဲ့ ဈေးကွက်ကို ယှဉ်ပြိုင်လာတာ တွေ့ရပါတယ်။ ပြီးတော့ မော်ဒယ်ခွဲရော ကိုယ်ထည်ပိုင်းမှာ ပါ ရွေးချယ်နိုင်စရာ များအောင် မော်ဒယ်တွေ ထုတ်လုပ်လာတဲ့ အပြင် အရင်က ဆီဒင် ကိုယ်ထည် အနေနဲ့ပဲ ရနိုင်ခဲ့တဲ့ Q60 ကို အခုတော့ နှစ်ယောက်စီး ကိုယ်ထည် Coupe အနေနဲ့ပါ ရနိုင်အောင် ထုတ်လုပ်လာတာ တွေ့ရပါတယ်။ ဒီ မော်ဒယ်က နည်းပညာပိုင်း အထူး အားကောင်းအောင် ဖန်တီးထားပြီး ယာဉ်မောင်း အကူအညီပေးစနစ်မှာ အချက်ပြစနစ် တွေ၊ ပတ်လည် ရိုက်ကူး ကင်မရာစနစ်တွေနဲ့ လိုလေသေး မရှိအောင် ပြည်စုံလာပါတယ်။ အရေးပေါ် ဘရိတ်စနစ် ဆိုရင်လည်း မောင်းနှင်သူက ဘရိတ်ဖမ်းရုံနဲ့ အမြန်နှုန်း အနေအထား အပေါ်ကို မူတည်ပြီးတော့ အလိုအလျောက် ဝင်ရောက် ထိန်းချုပ် ကူညီမှု ပေးပါတယ်၊ သဘောကျစရာပါ။ Red Sport 400 မော်ဒယ်ခွဲတွေ ဆိုရင် စွမ်းအင် ထုတ်လုပ်မှု အထူး ကောင်းမွန်တဲ့ V6 အင်ဂျင်စနစ်ကို တပ်ဆင်ထားပြီး ပြိုင်ကားတွေရဲ့ စွမ်းဆောင်ရည်ကို အမီလိုက်နိုင်လောက်အောင် အမြန်နှုန်း မြှင့်တင်မောင်းနှင်နိုင်ပါတယ်။ နောက်ဆုံး သဘောကျစရာ ကောင်းတဲ့ အချက်ကတော့ အတွင်းခန်း အပြင်အဆင် ဖြစ်ပြီး ဇိမ်ခံစစ်စစ် နှစ်ယောက်စီး မော်ဒယ်တွေထဲမှာ အကောင်းဆုံး အပြင်အဆင်နဲ့ ဆက်စပ် ပစ္စည်း အရည်အသွေး အကောင်းဆုံး ပါရှိတဲ့ မော်ဒယ် ဖြစ်လာပါတယ်။ ဒါပေမယ့် အားနည်းချက်တချို့ကို ထုတ်နုတ်ပြရရင် ကိုယ်ထည် ဒီဇိုင်းနဲ့ ရုပ်ထွက်က ဆွဲဆောင်မှု အားနည်းနေပါတယ်။ များသောအားဖြင့် ဈေးကွက်ဝင် နှစ်ယေက်စီး မော်ဒယ်တွေက ဆွဲဆောင်မှု ကောင်းအောင် ဦးစားပေး ထုတ်လုပ်ပေမယ့် အခု Q60 Coupe ကတော့ သိသာပေါ်လွင်တဲ့ ရုပ်ထွက်ပုံစံကို ဦးစားပေးထားတာပါ။ တခြား မော်ဒယ်တွေနဲ့ ယှဉ်ရပ်ထားရင် သိသာ ပေမယ့် လှပသေသပ်မှု အားနည်းပါတယ်။ နောက်ပြီး အတွင်းခန်း နည်းနည်းကျဉ်းနေပါတယ်။ နှစ်ယောက်စီး မော်ဒယ်တွေမှာ အထူးသဖြင့် ရှေ့ခန်းက သိသိသာသာ ကျယ်ပေမယ့် အခုတော့ မော်ဒယ်က အတွင်းခန်း တခန်းလုံး ပြိုင်ဘက် မော်ဒယ်တွေထက် ကျဉ်းနေသလို ပါပဲ။ အခုနှစ် Q60 Coupe ကို ရွေးချယ်နိုင်စရာ မော်ဒယ်ခွဲ ၅ မျိုး ထုတ်လုပ်ထားတာ တွေ့ရပါတယ်။ မော်ဒယ်ခွဲတွေကတော့ 2.-t pure ၊ 2.0t Luxe ၊ 3.0t Luxe ၊ 3.0t Sport နဲ့ Red Sport 400 တွေ ဖြစ်ပါတယ်။ 2.0, 3.0 ဆိုတဲ့ ဂဏန်းတွေက အင်ဂျင် အရွယ်အစားအပေါ် မူတည်ပြီး ခွဲခြား အမည်ပေးထားတာ ဖြစ်ပါတယ်။ 2.0t မော်ဒယ်ခွဲတွေမှာ အင်ဂျင်စနစ်က ၂.၀ လီတာသုံး ပုံမှန် လေးလုံးထိုး အင်ဂျင်ကို တပ်ဆင်ထားတာ တွေ့ရပြီး ဒီအင်ဂျင်က ရုန်းအား ၂၅၈ ပေါင်/ပေမှာ မြင်းကောင်ရေ ၂၀၈ ကောင်အားထိ ထွက်ရှိမှာ ဖြစ်ပါတယ်။ 3.0t မော်ဒယ်ခွဲတွေမှာ အင်ဂျင်က ၃.၀ လီတာသုံး V6 အင်ဂျင်ကို တပ်ဆင်ထားပြီး အင်ဂျင်က ရုန်းအား ၂၉၅ ပေါင်/ပေမှာ မြင်းကောင်ရေ ၃၀၀ အားထိအောင် ထွက်ရှိပြီး 400 မော်ဒယ်ခွဲမှာတော့ အင်ဂျင်က ၃.၀ လီတာသုံး V6 အင်ဂျင်ဖြစ်ပေမယ့် စွမ်းဆောင်ရည် မြှင့်ထားလို့ ရုန်းအား ၃၅၀ ပေါင်/ပေမှာ မြင်းကောင်ရေ ၄၀၀ အားထိအောင် ထွက်ရှိတာ တွေ့ရပါတယ်။ မော်ဒယ်က ၁၉ လက်မနဲ့ ၂၀ လက်မ အရွယ် ဘီးတွေနဲ့ ရနိုင်ပါတယ်။ အသံပိုင်းအတွက် စပီကာ ၁၃ လုံး ထည့်ထားတယ်၊ နောက်ထပ် အဆင့်မြှင့်ဖို့ မလိုတော့ပါဘူး။ နောက်ကြည့်မှန်တွေက အပူပေးစနစ် ပါလာတယ်၊ Keyless နဲ့ သုံးနိုင်တယ်၊ Fog light ပါတယ်၊ ထိုင်ခုံတွေရဲ့ အနေအထားကို Power နဲ့ ချိန်ညှိ အသုံးပြုလာနိုင်တယ်။ အတွင်းခန်း အပြင်အဆင် အားလုံး သားရေသားတွေနဲ့ ဖြစ်ပြီး Bluetooth ချိတ်ဆက်နိုင်တယ်။ USB ပေါက်လည်း ပါတယ်။ ၈ လက်မ အရွယ် Touch စနစ်နဲ့ သုံးနိုင်မယ့် အချက်အလက်ပြ စနစ် ပါလာတယ်။ Sunroof ထည့် ထားတယ်။ HD ရေဒီယိုလည်း ဖမ်းယူနိုင်တယ်။ နောက်ဘက် ရိုက်ကူးကင်မရာစနစ် ပါတယ်၊ နောက်ဘက် ပါကင်အာရုံခံ စနစ် လည်း ထည့်ထားတယ်။ လက်ကိုင်ဘီးတွေကလည်း အပူပေးနိုင်တယ်။ ယာဉ်မောင်းထိုင်ခုံက Memory စနစ်ပါလို့ မိမိ စိတ်ကြိုက် အနေအထားကို မှတ်ထားနိုင်သေးတယ်။ InTouch အရေးပေါ် ချိတ်ဆက် စနစ်ပါလာပြီး အချက်ပြ ခေါ်ဆိုမှုတွေ၊ ဂြိုလ်တု အခြေပြု မြေပုံပြစနစ်တွေ သုံးနိုင်လာပါတယ်။ မော်ဒယ်က နည်းပညာ အားကောင်းတယ်၊ ဆီတဂါလံကို ၂၅ မိုင်လောက်ထိ မောင်းနိုင်တယ်။ အင်ဂျင် စွမ်းဆောင်ရည်လည်း ကောင်းတယ်။ ရုပ်ထွက် ဆွဲဆောင်မှု အားနည်းချင်တာလေးနဲ့ အတွင်းခန်း ကျဉ်းမြောင်းမှု ၂ ခုပဲ ပြောစရာ ရှိတဲ့ Q60 Coupe ကို ၂၀၁၈ အတွက် ဈေးကွက်ဝင်လာတဲ့ နှစ်ယောက်စီး မော်ဒယ်တွေထဲက အကောင်းဆုံး မော်ဒယ်တခုလို့ ဆိုချင်ပါတယ်။ ဈေးနှုန်းကလည်း နိုင်ငံတကာ ဈေးကွက်မှာ အနိမ့်ဆုံး မော်ဒယ်ခွဲကို ဒေါ်လာ ၃၉၉၄၅ ကနေ အမြင့်ဆုံး မော်ဒယ်ခွဲကို ဒေါ်လာ ၄၉၀၀၀ ကျော်နဲ့ ရောင်းချနေတာ တွေ့ရလို့ ဈေးလည်း သင့်ပါတယ်။ တန်းတူ မော်ဒယ်တွေထက် ဈေးမများပေမယ့် အရည် အသွေးကို စိတ်ကြိုက်ဖြစ် လို့ ရွေးချယ်ဖို့ အကောင်းဆုံး မော်ဒယ် တခုလို့ သတ်မှတ်ချင်ပါတယ်။ ။ www.edmunds.com The post ဈေးနှုန်းသင့် နည်းပညာလည်းမြင့်မားတဲ့ Nissan ရဲ့ 2018 Infiniti Q60 Coupe မော်ဒယ်သစ် appeared first on ဧရာဝတီ.
Source : http://ift.tt/2i4gRkK
via IFTTT

Eleven Broadcasting

ထိုင်းအထွဋ်အမြတ်ဘုရားဝင်းအတွင်း မဖွယ်မရာဓါတ်ပုံရိုက်ကူးပြီး အင်တာနက် စာမျက်နှာပေါ်တင်ထားခဲ့သူ အမေရိကန်လိင်တူစုံတွဲအား ထိုင်းရဲတပ်ဖွဲ့ဖမ်းဆီး (ရုပ်သံ) ထိုင်းနိင်ငံကိုအလည် အပတ်ရောက်ရှိခဲ့တဲ့ အမေရိကန်နိုင်ငံသား လိင်တူစုံမက်သူစုံတွဲဟာ နိုင်ငံတွင်းက ဘာသာရေး အထွဋ်အမြတ်ထားရာ ဘုရားပရဝုဏ်ထဲမှာ မဖွယ်မရာပုံတွေရိုက်ကူးခဲ့တဲ့အတွက် ထိုင်းရဲအဖွဲ့က ယခုသီတင်းပတ်အတွင်း ဖမ်းဆီးထိန်းသိန်းခဲ့ပြီး တရားစွဲဆိုသွားမှာဖြစ်တယ်လို့ ထိုင်းနေးရှင်းသတင်းစာမှာ ဖော်ပြခဲ့ပါတယ်။
Source : http://ift.tt/2inmcY4
via IFTTT

7Day TV

တရုတ် ကွန်မြူနစ်ပါတီနဲ့ တွေ့ဖို့ ပြည်ခိုင်ဖြိုးခေါင်းဆောင်တွေ တရုတ်သွား နိုဝင်ဘာ - ၂၉ ၊၂၀၁၇ တရုတ်ကွန်မြူနစ်ပါတီနဲ့ ပြည်ပနိုင်ငံရေးပါတီတွေအကြား အဆင့်မြင့်ခေါင်းဆောင်တွေ တွေ့ဆုံဆွေးနွေးပွဲကို အာဏာရ ပါတီဟောင်း ပြည်ထောင်စုကြံခိုင်ရေးနဲ့ဖွံ့ဖြိုးရေးပါတီကလည်း တက်ရောက်မယ်လို့ သိရပါတယ်။ အဲဒီဆွေးနွေးပွဲကိုတော့ တရုတ်ကွန်မြူ နစ်ပါတီ အထွေထွေအတွင်းရေးမှူး ဖြစ်သူ တရုတ်သမ္မတ ရှီကျင့်ဖျင် ရဲ့ ဖိတ်ကြားချက်အရ တက်ရောက်တာလို့ ပြည်ခိုင်ဖြိုးရဲ့ ပြောခွင့်ရ ပုဂ္ဂိုလ် ဒေါက်တာနန္ဒလှ မြင့်က သူရဲ့ ဖေ့ဘွတ်ခ်စာမျက်နှာမှာတင်ထားတာပါ။ ဒီကနေ့မှာ ပြည်ခိုင်ဖြိုး ပါတီ ဥက္ကဌ ဦးသန်းဌေး ဦးဆောင်တဲ့ အဖွဲ့ဟာ ဆွေးနွေးပွဲတက်ရောက်ဖို့ အတွက် ရန်ကုန်မြို့ကနေ ထွက်ခွာသွားတယ်လို့ သိရပါတယ်။ ငါးနှစ်တစ်ကြိမ်ကျင်းပတဲ့ တရုတ်ကွန်မြူနစ်ပါတီရဲ့ ညီလာခံ ဟာ မကြာခင်က ကျင်းပပြီးစီးသွားတာဖြစ်ပြီး ပါတီထိပ်ပိုင်းခေါင်းဆောင်တွေအဖြစ် ရွေးချယ်ခံရသူတွေက ပြည်ပ ပါတီတွေကို ဖိတ်ခေါ်ပြီး တွေ့ဆုံ ဆွေးနွေးဖို့စီစဉ်တာဖြစ်ပါတယ်။ တရုတ်ကွန်မြူ နစ်ပါတီရဲ့ ဖိတ်ကြားချက်အရ တွေ့ဆုံပွဲကို ပြည်ပက ပါတီ နှစ်ရာနီးပါတက်ရောက်ဖို့ ရှိတယ်လို့လည်း သတင်းတွေအရ သိရပါတယ်။ မကြာခင်ရက်ပိုင်းအတွင်းမှာလည်း တရုတ်နိုင်ငံကို တရုတ်သမ္မတရဲ့ ဖိတ်ကြားချက်အရ နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်လည်း သွားရောက်ဖို့ရှိနေတာပါ။ အခုလထဲမှာလည်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က တရုတ်နိုင်ငံကို ချစ်ကြည်ရေးခရီးစဉ် သွားရောက်ခဲ့ပါသေးတယ်။ ရုပ်သံသတင်းထောက် အိမ့်မြတ်နိုးဇော် #တရုတ်ကွန်မြူနစ်ပါတီ #ပြည်ခိုင်ဖြိုးခေါင်းဆောင် #ရှီကျင့်ဖျင် #LocalNews #7DayNews #7DayTV (7Day News ဂျာနယ်နှင့် 7Day Daily သတင်းစာရဲ့ ရုပ်သံတင်ဆက်မှုတွေကို 7Day TV ဖေ့စ်ဘွတ်စာမျက်မှာ ဝင်ရောက် ကြည့်ရှုနိုင်မှာဖြစ်ပါတယ်။) အောက်ပါလင့်ခ်များတွင်လည်း ဝင်ရောက်ကြည့်ရှုနိုင်ပါတယ် http://ift.tt/2ioCkbJ https://youtu.be/UaHguqtME9M
Source : http://ift.tt/2AoTgWL
via IFTTT

Eleven Media Group

ပုပ်ရဟန်းမင်းကြီး၏ ခရီးစဉ်မတိုင်မီ ဘင်္ဂလားဒေ့ရှတွင် ကက်သလစ်ဘုန်းကြီး ပျောက်ဆုံးသွားခဲ့ နိုဝင်ဘာ ၂၉ ရက်က ဒါကာရှိ ခရစ်ယာန်ဘုရားကျောင်းမှ ထွက်ခွာလာသော ခရစ်ယာန်သီလရှင်များနှင့် ဝတ်ပြုသူများ (Photo – AFP) အစ္စလာမ္မစ်အစွန်းရောက်မှုကို ကြုံနေရသည့် ဘင်္ဂလားဒေ့ရှသို့ ပုပ်ရဟန်းမင်းကြီး၏ သမိုင်းဝင်ခရီးစဉ်မတိုင်မီ ဘင်္ဂလားဒေ့ရှ မြောက်ပိုင်းမှ ကက်သလစ်ဘုန်းတော်ကြီး တစ်ဦးသည် ပျောက်ဆုံးသွားခဲ့ကြောင်း ရဲတပ်ဖွဲ့က နိုဝင်ဘာ ၂၉ ရက်တွင် ပြောကြားခဲ့သည်။ ပုပ်ရဟန်းမင်းကြီး ဖရန်စစ်သည် နိုဝင်ဘာ ၃၀ ရက်တွင် ဘင်္ဂလားဒေ့ရှသို့ ခရီးစဉ် စတင်မည်ဖြစ်သည်။ ဘင်္ဂလားဒေ့ရှမြောက်ပိုင်း နာတိုရီခရိုင်မှ ကက်သလစ် ခရစ်ယာန်ဘာသာရေးကျောင်းအုပ်လည်းဖြစ်သူ ဝေါ်တာဝီလျံရိုဆာရီရိုသည် ပျောက်ဆုံးနေကြောင်း မိသားစုက သတင်းပို့ခဲ့ပြီးနောက် ရှာဖွေရေးဆောင်ရွက်နေသည်ဟု ရဲတပ်ဖွဲ့က ပြောကြားခဲ့သည်။ 3 “သူက တနင်္လာနေ့ (နိုဝင်ဘာ ၂၇ ရက်) ကတည်းက ပျောက်နေခဲ့ပါတယ်။ သူ့မိုဘိုင်းဖုန်းကလည်း စက်ပိတ်ထားပါတယ်” ဟု ဒေသခံရဲမှူး ဘစ်လော့ဘီဂျွိုင်းတာလူကဒါက အေအက်ဖ်ပီကို ပြောကြားခဲ့သည်။ အသက် ၄၀ အရွယ် ဝေါ်တာဝီလျံရိုဆာရီရိုသည် ပြန်ပေးဆွဲခံထားရသည်ဟု ယုံကြည်ကြောင်း အနီးအနားရှိ ရာရှာဟီမြို့မှခရိုင် ဘုန်းတော်ကြီး ဂါဘတ်ရိုဆာရီယိုက ပြောကြားခဲ့သည်။ “သူက ဒါကာမှာ ပုပ်ရဟန်းမင်းကို သွားတွေ့ဖို့ ကက်သလစ် ၃၀၀ လောက်ကို စုစည်းစီစဉ်နေခဲ့ပါတယ်။ ဒါပေမဲ့ သူပျောက်ဆုံးသွားတာကြောင့် သွားတွေ့မယ့်လူတွေက မပျော်ကြတော့ဘူး။ ဒါကာကို မသွားချင်ကြတော့ပါဘူး” ဟု ဂါဘတ်ရိုဆာရီယိုက ပြောကြားခဲ့သည်။ ရိုဆာရီယို၏ ဖုန်းနံပါတ်ဖြင့် ပြန်ပေးငွေတောင်းဆိုသည့် ဖုန်းဆက်သွယ်မှုကို မိသားစုက ရရှိခဲ့ကြောင်း သို့သော်လည်း ထိုဖုန်းဆက်သွယ်မှုသည် လိမ်ညာမှုဟု ရဲတပ်ဖွဲ့က ယူဆကြောင်း ရဲမှူးတာလူကဒါက ပြောကြားခဲ့သည်။ အစ္စလာမ္မစ်အစွန်းရောက်တို့က ပြန်ပေးဆွဲမှုဖြစ်နိုင်ခြေကို ရဲများက ပယ်ချမထားခဲ့ပေ။ ပြီးခဲ့သည့် လေးနှစ်အတွင်း ဘင်္ဂလားဒေ့ရှတွင် အစ္စလာမ္မစ်အစွန်းရောက်တို့က အနည်းစု ဘာသာဝင်အုပ်စုများအား အကြမ်းဖက်မှုများ ဆောင်ရွက်ထားခဲ့ကြသည်။ ပုပ်ရဟန်းမင်းကြီး ဖရန်စစ်သည် ၃၁ နှစ်အတွင်း ပထမဆုံးအကြိမ် ဘင်္ဂလားဒေ့ရှသို့ လာရောက်သည့် ပုပ်ရဟန်းမင်းကြီးဖြစ်မည် ဖြစ်သည်။ ဘင်္ဂလားဒေ့ရှ၏ လူဦးရေ သန်း ၁၆၀ တွင် ခရစ်ယာန်ဘာသာဝင် ၀ ဒသမ ၅ ရာခိုင်နှုန်းအောက်သာရှိပြီး မကြာသေးခင်နှစ်များအတွင်း အစ္စလာမ္မစ်အစွန်းရောက်တို့၏ တိုက်ခိုက်မှုများကို ခရစ်ယာန်တို့ ကြုံထားခဲ့ရသည်။ ၂၀၁၅ ခုနှစ်နောက်ပိုင်းမှစပြီး အစ္စလာမ်ဘာသာမှ ကူးပြောင်းလာသူနှစ်ဦး အပါအဝင် ခရစ်ယာန်သုံးဦးသည် ဓားထိုးအသတ်ခံခဲ့ရပြီး ယင်းတိုက်ခိုက်မှုများအတွက် အကြမ်းဖက် Jamayetul Mujahideen Bangladesh (JMB) ကို ဘင်္ဂလားဒေ့ရှအစိုးရက အပြစ်တင်ထားသည်။ Ref ; AFP
Source : http://ift.tt/2jwUmFy
via IFTTT

Facebook ေပၚမွာ ေဝဖန္ခံရတဲ့အေပၚ ဝမ္းသာဂုဏ္ယူတယ္ဆိုတဲ့ သႏၲာလႈိင္

Facebook ပေါ်မှာ ဝေဖန်ခံရတဲ့အပေါ် ဝမ်းသာဂုဏ်ယူတယ်ဆိုတဲ့ သန္တာလှိုင် မော်ဒယ်လ် သန္တာလှိုင်က လွန်ခဲ့တဲ့ရက်ပိုင်းက သူမရဲ့ Facebook စာမျက်နှာတွင် ခင်ပွန်းဖြစ်သူကို မနက်စာ ပြင်ဆင်ပေးနေတဲ့ ပို့စ်တခုကို တင်ခဲ့ရာမှ ဝေဖန်ခံရတဲ့အပေါ် ဂုဏ်ယူပြီး ပျော်ပါတယ်လို့ ဧရာဝတီကို ပြောပါတယ်။ “အစ်မပေးလိုက်တဲ့ Message တခုခုကို ပရိသတ်က ဝေဖန်တာပဲဖြစ်ဖြစ် ထောက်ခံတာပဲဖြစ်ဖြစ် တခုခုတုံ့ပြန်လာပြီဆိုရင် အစ်မပြောချင်တဲ့အကြောင်းကို ပရိသတ်တွေက တကယ်ပဲကြားပြီး တကယ်နားထောင်လို့ တုံ့ပြန်တယ်လို့ ယူဆတဲ့အတွက် အရမ်းကိုဝမ်းသာပါတယ်။ နောက်ပြီးတော့ Troll တွေ တက်လာတော့ပိုပြီးတော့ ပျော်သွားတယ်။ တော်ရုံတန်ရုံလူက Troll လုပ်ခံရတာမဟုတ်ဘူး။ ဒါက တကယ်ကြီးကို လူတွေအာရုံစိုက်လို့ Troll လုပ်ခံရတာဆိုတော့ အဲ့ဒီအတွက်လည်း အရမ်းဂုဏ်ယူပါတယ်” လို့ သန္တာလှိုင်က ပြောပါတယ်။ အဲဒီနေ့က တင်ခဲ့တဲ့ ပို့စ်မှာ မနက်စာ စားရင်း ခင်ပွန်းဖြစ်သူအတွက် မနက်စာပြင်ပေးဖြစ်တာကို တင်ခဲ့ခြင်းဖြစ်ပြီး အိမ်ထောင်ရေးမှာ မအောင်မြင်ခဲ့ခြင်းများ၊ ကြုံတွေ့ရတဲ့အခက်အခဲများကို ဝေမျှရင်း ဆောင်ရန်၊ ရှောင်ရန်များကို တင်ဖြစ်ခဲ့ခြင်း ဖြစ်တယ်လို့လည်း သူက ပြောပါတယ်။ “အဲဒီနေ့က တင်လိုက်တဲ့ပို့စ်လေးမှာလည်း ကိုယ်ကတော့ မနက်စာစားရင်းနဲ့ ကိုယ့်ယောင်္ကျားအတွက် မနက်စာ လုပ်ပေးတာကို တင်လိုက်တာပဲ။ အိမ်ထောင်ရေးမှာ အစ်မကြုံခဲ့ရတဲ့အခက်အခဲမျိုးတွေ အစ်မ မအောင်မြင်ခဲ့တဲ့အရာတွေကို မျှဝေပေးချင်တယ်။ ရှောင်လို့ရတဲ့အရာလေးတွေ ဆောင်ရမယ့်အရာလေးတွေကို မျှဝေပေးတဲ့သဘောပါ။ ကိုယ့်ရဲ့ စေတနာကိုတော့ ပရိသတ်တွေကတော့ နားလည်မှာပါ” လို့ သန္တာလှိုင်က ပြောပါတယ်။ မော်ဒယ်လ် သန္တာလှိုင်က Facebook စာမျက်နှာတွင် “Thandar Hlaing” သန္တာလှိုင်အမည် Page ဖြင့် အိမ်ထောင်ရေးနဲ့ ပတ်သက်သော အကြောင်းအရာများ၊ အလှအပနဲ့ ပတ်သက်သော အကြောင်းအရာများ၊ အမျိုးသမီးများနဲ့ ပတ်သက်သော အကြောင်းအရာများကို တနေ့လျှင် အကြောင်းအရာတခု တင်ဖြစ်အောင်ကြိုးစားလျက်ရှိတယ်လို့လည်း သိရပါတယ်။ မော်ဒယ်လ် သန္တာလှိုင်ဟာ ယခင် အိမ်ထောင်ဖြင့် သားသမီးနှစ်ဦးထွန်းကားခဲ့ပြီး ယခုလက်ရှိ ခင်ပွန်းဖြစ်သူမှာတော့ သူမထက် အသက် ၁၀ နှစ်ငယ်သူဖြစ်ကာ အောက်တိုဘာလ ၆ ရက်နေ့တွင် ရန်ကုန်မြို့ရှိ ဂျပ်ဆင်ဘုရားကျောင်းတွင် လက်မှတ်ရေးထိုး လက်ထပ်ခဲ့တာဖြစ်ပါတယ်။ The post Facebook ပေါ်မှာ ဝေဖန်ခံရတဲ့အပေါ် ဝမ်းသာဂုဏ်ယူတယ်ဆိုတဲ့ သန္တာလှိုင် appeared first on ဧရာဝတီ.
Source : http://ift.tt/2ApNyDO
via IFTTT

“အျခားသူမ်ား”အျဖစ္ ခြဲျခားရႈျမင္မႈကို ဘယ္လိုျငင္းပယ္မလဲ

“အခြားသူများ”အဖြစ် ခွဲခြားရှုမြင်မှုကို ဘယ်လိုငြင်းပယ်မလဲ အလျှင်အမြန် ပြောင်းလဲနေသော ကမ္ဘာ၏ အလယ်တွင် ကျနော်တို့ ရောက်နေပါသည်။ သူတို့ နိုင်ငံ၏ အပြင်ဘက်တွင် လက်ရှိ နေထိုင်နေရသူက သန်း ၃၀၀ ကျော်ရှိသည်။ ကမ္ဘာ၏ နောက်ဆုံးပေါ် လူမျိုးဖြုတ်သတ်ဖြတ်ခြင်းဟု အများအပြားက ပြောကြသော ရိုဟင်ဂျာများ မြန်မာနိုင်ငံမှ ထွက်ပြေးကြခြင်းမှသည် သမ္မတ ဒေါ်နယ်ထရမ့်က အပြစ်တင်ဝေဖန်ရန် ပြတ်ပြတ်သားသား ငြင်းဆန်ခဲ့သော ဗာဂျီးနီးယားပြည်နယ် ရှားလော့စ်ဗေးလ်၏ လမ်းများပေါ်မှ နာဇီလက်သစ်တို့၏ ချီတက်ပွဲအထိ လူမျိုးရေးကို အခြေခံသော အမျိုးသားရေး ဝါဒက မြင့်တက်လာနေသည်။ လူသားများအနေဖြင့် ကာလတိုတခုအတွင်း စိုးရိမ်ကြောင့်ကြမှု မကြုံတွေ့ရဘဲ ပမာဏ အကန့်အသတ်ရှိသည့် ပြောင်းလဲရေးုကို ပြုလုပ်နိုင်ပါသည်။ ၎င်းက လူသားတို့၏ သဘာဝ တုန့်ပြန်မှု ဖြစ်သည်။ သို့သော်လည်း ထိုစိုးရိမ်မှုကို မည်သို့ တုန့်ပြန်သည် ဆိုသည်က လူမှုရေး ဖြစ်သည်။ လူ့အသိုင်းအဝိုင်းများက ကြီးမားသော၊ လျှင်မြန်သော အပြောင်းအလဲများနှင့် တွေ့သည့် အချိန်တွင် အများအားဖြင့် ပြုတတ်သော တုန့်ပြန်မှုမှာ မည်သူက လူ့အဖွ့ဲ့ အစည်း၏ အဖွဲ့ဝင် အပြည့်အဝ ဖြစ်သနည်းဟု ဖွင့်ဆိုရန် ဖြစ်သည်။ ထိုဖြစ်စဉ်ကို “အခြားသူများ (Others)” အဖြစ် သတ်မှတ်ခွဲခြားခြင်းဟု ကျနော်က ခေါ်ပါသည်။ အခြားသော တုန့်ပြန်မှုမှာ ပြောင်းလဲမှုကို အပြုသောဆောင်သည့် အနေဖြင့် မြင်ခြင်းနှင့် ကျနော်တို့၏ ဘဝနှင့် ကျနော်တို့ မည်သူဆိုသည်ကို မြှင့်တင်ပေးခြင်းအဖြစ် သဘောထားခြင်းတို့ ဖြစ်ပါသည်။ ၎င်းကို ကျနော်က “ပတ်သက်ခြင်းနှင့် ဆက်သွယ်ခြင်း (Belonging and bridging)” ဟု ရည်ညွှန်းပါသည်။ အမေရိကန်ပြည်ထောင်စု ဗာဂျီးနီးယားပြည်နယ် ရှားလော့စ်ဗေးလ်ရှိ လူဖြူကြီးစိုးမှု ထောက်ခံသူများ/Reuters “အခြားသူ”ဟု သတ်မှတ်ခြင်းက တစုံတယောက်ကို နှစ်ချိုက်ခြင်း သို့မဟုတ် မနှစ်ချိုက်ခြင်းနှင့် မဆိုင်ပါ။ သိစိတ်က ဖြစ်စေ မသိစိတ်က ဖြစ်စေ အဖွဲ့အစည်း အသိုင်းအဝိုင်း တခုခုက မိမိသဘောကျသည့် အဖွဲ့အစည်း အသိုင်းအဝိုင်းအတွက် ခြိမ်း ခြောက်မှု ဖြစ်စေသည်ဟု ယူဆခြင်းအပေါ်ကို အခြေခံသည်။ ဆက်ဆံထိတွေ့မှုကို ဆန့်ကျင်သည့် အနေဖြင့် ဖြစ်ပြီး နိုင်ငံရေးသမားများနှင့် မီဒီယာက အဓိက မောင်းနှင်သည်။ များသောအားဖြင့် ၎င်းတို့က အခြားသူများအဖြစ် ခွဲခြားထားသူများကို အများပြည်သူများက မရိပ်မိပါ။ ထို့ကြောင့် ဂလိုဘယ်လိုက်ဇေးရှင်း၊ နည်းပညာနှင့် စီးပွားရေးပြောင်းလဲမှုတို့က ကမ္ဘာ့ စိုးရိမ်ကြောင့်ကြမှုတွင် ပါဝင်နေချိန်၌ လူဦးရေဆိုင်ရာကိစ္စက “အခြားသူများ”အဖြစ် ခွဲခြားသည့်ကိစ္စတွင် အဓိကနေရာမှ ပါဝင်နေသည်။ “အခြားသူ”အဖြစ် သတ်မှတ်ခွဲခြား ယူဆခြင်းက နေရာအလိုက် ကွဲပြားနေပြီး လူမျိုး၊ ကိုးကွယ်သည့် ဘာသာ၊ နိုင်ငံသား သို့မဟုတ် ဘာသာ စကား တို့ကို အခြေခံနိုင်ပါသည်။ အဆိုပါ သတ်မှတ် ယူဆချက်များ ကိုယ်တိုင်က ပြဿနာရှိနေသည်မက ၎င်းတို့က လူများကို အသံတိတ်စေသည်၊ ချယ်လှယ်သည်။ ထို့ကြောင့် ယနေ့ ခေတ်၏ အာဏာဖွဲ့စည်းမှုများတွင် အခြားသူအဖြစ် ခွဲခြားသတ်မှတ်ခြင်းက မည်သို့ ရောက်လာသည်ဆိုခြင်းနှင့် ပတ်သက်၍ ကျနော် အထူး စိုးရိမ်ပါသည်။ အပြောင်းအလဲက အဓိပ္ပါယ်ရှိစေရေး ကျနော်တို့ကို ကူညီရာတွင် လူ့အဖွဲ့အစည်း ခေါင်းဆောင်များနှင့် ယဉ်ကျေးမှုက ကြီးမားလွန်းသော အခန်းကဏ္ဍမှ ပါဝင်နေသည်။ စိုးရိမ်ကြောင့်ကြမှုကို ကျနော်တို့ ဘယ်လိုတုန့်ပြန်သည်ဆိုသည့်အပေါ် ကြီးစွာ သက်ရောက်စေသည်။ အမေရိကန်ပြည်ထောင်စု ဗာဂျီးနီးယားပြည်နယ် ရှားလော့စ်ဗေးလ်ရှိ လူဖြူကြီးစိုးမှု ကန့်ကွက်ဆန္ဒပြသူများ/Reuters ဥပမာပြရလျှင် အမေရိကန်နိုင်ငံတွင် နိုင်ငံရေးသမားများက “အဲဒီ မက္ကဆီကန်တွေ”၊ “အဲဒီ မွတ်ဆလင်တွေ” အစရှိသဖြင့် သူတို့ မည်သည့်အခါမျှ ပြောကြမည် မဟုတ်ပါ။ သို့သော်လည်း သမ္မတ ဒေါ်နယ်ထရမ့်က လူများ ပို၍ တိတိလင်းလင်း ပြောဆိုရဲလာအောင် လမ်းဖွင့်ပေးခဲ့သည်။ ယခုအခါတွင် ကျနော်တို့၏ ခေါင်းဆောင်ပိုင်းမှသာလျှင် မဟုတ်ဘဲ ကျနော်တို့၏ သတင်းအချက်အလက် ကွန်ရက် အများအပြားတွင် ခွဲခြားရန် နှင့် လူသားဂုဏ်သိက္ခာ နိမ့်ကျစေရန် ပွင့်ပွင့်လင်းလင်း တောင်းဆိုမှုများ အကျယ်တဝင့် ရှိနေပြီ ဖြစ်သည်။ ဒေါ်နယ်ထရမ့် ထံမှ ထွက်လာသည့် အပြောအဆိုများနှင့် စကားလုံးများက “အခြားသူ”အဖြစ် ခွဲခြားခြင်း ဖွင့်ဆိုချက်နှင့် ပုံမှန်ကိစ္စတခုလို သတ်မှတ်ခြင်း ၂ ခုလုံးကို စတင်စေခဲ့သည်။ ကျနော်တို့ တန်ဖိုးထားသည့် အရာအားလုံးအတွက် ခြိမ်းခြောက်မှု ဖြစ်ပါသည်။ အဖြစ်မှန်များနှင့် တိုက်ရိုက်ဆန့်ကျင်၍ မက္ကဆီကန်များကို “မုဒိန်းကောင်များ၊ မူးယစ်ဆေးရောင်း သူများ” အဖြစ် ခေါ်သည့် အချိန်တွင် သူတို့ကို နိုင်ငံမှ ပြန်လည်နှင်ထုတ်ရန် နှင့် ကျနော်တို့ကို ပိုင်းခြားမည့် တံတိုင်းတခု တောင်းဆိုရန် ပိုမို၍ လွယ်ကူသော ခြေလှမ်းဖြစ်လာသည်။ ဖယ်ထုတ်ခြင်းနှင့် လူအဖြစ်မှ လျော့ချခြင်း နိုင်ငံ ခေါင်းဆောင် အများအပြားက သုံးစွဲနေသည့် စကားလုံးများက “အခြားသူ”ဟု သတ်မှတ်ခြင်းခံရသူများနှင့် ပတ်သက် ၍ ပြည်သူတို့၏ စိုးရိမ်ပူပန်မှုနှင့် ကြောက်လန့်မှုကို အသက်ဝင်စေသည်သာမက ဖယ်ထုတ်ခြင်းနှင့် လူသား ဂုဏ်သိက္ခာ ထိခိုက်ကျဆင်းစေရေး ဖြစ်စဉ် အသစ်များကိုလည်း ဖန်တီးပေးခဲ့သည်။ လက်ယာစွန်း အမျိုးသားရေး ဝါဒီများနှင့် အခြားသူအဖြစ် ခွဲခြားခြင်းများ မြင့်တက်လာခြင်းနှင့် ပတ်သက်၍ ဖွင့်ဆိုရန် အ များစုက စီးပွားရေး ကျဆင်းမှုအပေါ်တွင်သာ အာရုံစိုက်ကြသော်လည်း ၎င်းတခုတည်းက ကမ္ဘာတလွှားမှ စိုးရိမ်ပူပန်မှုများကို ဖြစ်စေသည် မဟုတ်ပါ။ စီးပွားရေး ကျဆင်းခြင်း မရှိသော်လည်း ဆွီဒင်နိုင်ငံတွင် အမျိုးသားရေးဝါဒ အခြေပြု အဖွဲ့အစည်းများ မြင့်တက်လာခြင်းနှင့် ရင်ဆိုင်နေရသည်။ ဒေါ်နယ်ထရမ့်ကို မဲပေးခဲ့သူများထဲတွင် ချမ်းသာကြွယ်ဝသော လူဖြူများလည်း ပါဝင်သည်။ ဆင်းရဲ နွမ်းပါးသူများ နှင့် အလုပ်သမား လူတန်းစားများ သက်သက်သာ မဟုတ်ပါ။ စီးပွားရေးက အရေးမကြီးဟု ဆိုလိုခြင်း မဟုတ်ပါ။ စီးပွားရေးတခုတည်းနှင့် ဇာတ်ကြောင်းတခုလုံးကို ရှင်းမပြနိုင်ဟု ဆိုလို ခြင်းသာ ဖြစ်ပါသည်။ ၁၉၆၀ နှစ်များအတွင်းတွင် အမေရိကန်နိုင်ငံ၌ နိုင်ငံသား အခွင့်အရေး ဆိုင်ရာ အရေးပါသော အောင်မြင်မှု အများအပြား ရရှိခဲ့ပြီးနောက် အဆိုပါ အောင်မြင်မှုများ အပေါ် တောင်ပိုင်းသားလူဖြူတို့၏ နာကျည်းမှုကို တငွေ့ငွေ့ လောင်ကျွမ်းစေရန် အခွင့်ကောင်းယူ၍ ရှေးရိုးစွဲဝါဒီ အထက်တန်းလွှာများက ဗျူဟာချမှတ်ခဲ့သည်။ လူဖြူတို့၏ မခံမရပ်နိုင်မှုကို မီးထိုးပေးသည့် တောင်ပိုင်းဗျူဟာနှင့် အတူ ရီပတ်ဘလစ်ကင်ပါတီ ပြန်လည် ပြင်ဆင်ရေးတွင် သူတို့ အောင်မြင်မှု ရရှိခဲ့သည်။ နောက်ဆုံးတွင် ပြည်သူတို့အား ကာကွယ်ရေးမှ အရင်းရှင် ကာကွယ်ရေးသို့ အစိုးရက ပြောင်းသွားသည်။ “အခြားသူ”များအပေါ် ကြောက်ရွံ့မှုကို ဗျူဟာမြောက်စွာဖြင့် မည်သို့ ဖန်တီးရမည်၊ အသုံးပြုရမည် ဆိုသည်ကို ရှေးရိုးစွဲ အထက်တန်းလွှာများက ကောင်းစွာ သိကြသည်။ သမ္မတ နစ်ဆင်က “ဥပဒေနှင့် အမိန့်” ဆိုသည့် စကားလုံးကို စတင်သုံးစွဲခဲ့ချိန်တွင် သူ့အပေါ် လူကြိုက်များမှု အခိုင်အမာ ရရှိခဲ့ခြင်းမှာ သူက ရှေးရိုးစွဲဝါဒီ လူဖြူတို့၏ ကြောက်ရွံ့မှု ပုံစံတမျိုးကို ဖော်ပြနေသောကြောင့် ဖြစ်သည်။ အလုပ်အကိုင်များကြောင့် အဓိက မဟုတ်ပါ။ လူမှုရေး အစီအစဉ် ပြောင်းလဲခြင်းကြောင့် ဖြစ်ပါသည်။ စီးပွားရေး ကျဆင်းမှုတခုကြောင့် ဟုလည်း အတိကျ မဟုတ်ခဲ့ပါ။ နစ်ဆင်၏ ဗျူဟာမှ ရလဒ်က ချမ်းသာကြွယ်ဝသူများအတွက် အကျိုးဖြစ်စေသည့် စီးပွားရေးတခုကို သေချာစေခဲ့သည်။ အခြားသော အုပ်စုတခုကို ကြောက်ရွံ့ရန် လိုအပ်နေခြင်း အပေါ် ပြည်သူများက ကိုယ်တိုင်ဖော်ထုတ်ခြင်းလည်း မပြုခဲ့ ကြပါ။ ခေါင်းဆောင်ပိုင်းက အဓိကကျသည့် အခန်းကဏ္ဍမှ ပါဝင်ခဲ့သည်။ နှစ်ပေါင်းများစွာ အတူနေထိုင်ခဲ့သူများအတွက် ပင်လျှင် အဆိုပါ ကွဲပြားခြားနားမှုများက ခြိမ်းခြောက်မှု ဖြစ်လာနေကြောင်း ရုတ်တရက် ခံစားသွားအောင် ပြုလုပ်လေ့ရှိသည်။ လတ်တလောတွင် အမေရိကန်တွင် စာရွက်စာတမ်း အထောက်အထားမရှိဘဲ နေထိုင်သူများ (အများအပြားမှာ သူတို့ သက်တမ်း တလျှောက်လုံး အမေရိကန်တွင် နေထိုင်ခဲ့ကြသူများ) နှင့် ပတ်သက်၍ ပြောဆိုနေမှုများက လူသန်းပေါင်းများစွာအတွက် ကြောက်ရွံ့မှုများ ဖန်တီးခဲ့သည်။ ကလေးငယ်များကို ခြိမ်းခြောက်ခဲ့သည်။ အသိုင်းအဝိုင်းများ ကြားတွင် ယခင်က မရှိခဲ့သော သံသယနှင့် ဒေါသများကို ဖန်တီးခဲ့သည်။ အကယ်၍ စားသောက်ဆိုင်မှ စားပွဲထိုးတယောက်တွင် စာရွက်စာတမ်း အထောက်အထားများ မရှိဟု သံသယရှိပါက သက်ဆိုင်ရာသို့ တိုင်ရန် သင့် မသင့် သူ၏ ဖခင် ဖြစ်သူက မေးနေကြောင်း တောင်ပိုင်းမှ ကျနော့် မိတ်ဆွေတယောက်က ပြောပြပါသည်။ လွန်ခဲ့သော ၅ နှစ်လောက်ကဆိုလျှင် ထိုထက် သူ့ကို ဝန်ဆောင်မှု ပေးနေခဲ့သော စားပွဲထိုးနှင့် ပတ်သက်၍ ထို အတွေးမျိုး သူ တွေးမိလိမ့်မည် မဟုတ်ပါ။ အဆိုပါ စိုးရိမ်မှုကို မည်သူက လှုံ့ဆော်ခဲ့ပါသနည်း။ စကားလုံးများ၏ စွမ်းအားနှင့် ပြည်သူတို့၏ ဘဝတွင် တွေကြုံရသော အရေးပါသည့် အချက်များ၏ နက်ရှိုင်းမှုကို ပရိသတ်ကို လှုံဆော်ပေးနိုင်သူ နိုင်ငံရေးသမားက နားလည်သည်။ အဆိုပါ နိုင်ငံရေးသမားများက သူတို့ပြောသည့် စကားကို သူတို့ ယုံကြည်ရန် မလိုအပ်ပါ။ ကျနော်တို့ ပြောသော၊ ကျနော်တို့ နေထိုင်သော ဇာတ်ကြောင်းများက အချက်အလက်များ မဟုတ်ပါ။ သို့သော်လည်း ကျနော်တို့၏ တန်ဖိုးများ၊ ကြောက်ရွံ့မှုများနှင့် မျှော်လင့်ချက်များ ဖြစ်ပါသည်။ အားလုံးက အတိုင်းအတာတခုအထိ သြဇာ သက်ရောက်နိုင်ပါသည်။ ကျနော်တို့ပြောသော ဇာတ်ကြောင်းများက ရောင်ပြန်ဟပ်ခြင်း သက်သက ်မဟုတ်ပါ။ ပုံဖော်ခြင်းလည်း ဖြစ်နိုင်ပါသည်။ အပြောင်းအလဲနှင့် ပတ်သက်၍ စိုးရိမ်ကြောင့်ကြခြင်းက သဘာဝ ဖြစ်ပါသည်။ သို့သော်လည်း အခြားသူအဖြစ် ခွဲခြားခြင်းက သဘာဝမဟုတ်ပါ။ လူမှုရေးအရ၊ ယဉ်ကျေးမှုအရ တည်ဆောက်ထားခြင်း ဖြစ်ပါသည်။ အောက်တိုဘာလအတွင်း ရန်ကုန်မြို့တွင် ပြုလုပ်ခဲ့သော ဘာသာပေါင်းစုံ ဆုတောင်းပွဲ/သက်ထွန်းနိုင်/ဧရာဝတီ ထို့ကြောင့် ယနေ့ ခေတ်၌ ကျနော်တို့တွင် ပေါင်းစုနေသော စိုးရိမ်ကြောင့်ကြမှုများကို မည်သို့ တုန့်ပြန်မည်နည်း။ ကျနော်တို့တွင် ကွဲပြားခြားနားမှုများ ရှိနေသည်ကို အသိအမှတ်ပြုရင်း အခြားသော အဖွဲ့အစည်းများဆီနှင့် ကျနော်တို့၏ ပင်ကိုယ်ဗီဇ ကြားတွင် လူသားဆန်မှုနှင့် ဆက်သွယ် ဝေမျှမည့် တံတားတခု ထိုးမည်လား။ သို့ မဟုတ် ကျနော်တို့က အခြားသော လူ့အဖွဲ့အစည်းများနှင့် ဝေးရာသို့ ခွဲခွာခြင်းအားဖြင့် “ငါတို့ နှင့် သူတို့” ဆိုသည့် ပုံပြင်မှားများကို ပြောရန်၊ ယုံကြည်ရန် ပြုလုပ်ရင်း လူသား ဂုဏ်သိက္ခာ ကျဆင်းစေမည့် အလေ့အထများကို အားပေးမည်လား။ “အခြားသူ”အဖြစ် ခွဲခြားသတ်မှတ်ခြင်းကို ဖြေရှင်းမည့် အဖြေက ကျနော်တို့ ပြောသော ဇာတ်ကြောင်းများမှ လာရမည် ဖြစ်သည်။ ကမ္ဘာက သိမ်မွေ့နက်နဲသော အပြောင်းအလဲများ ရှိနေချိန်တွင် စစ်မှန်စွာ သက်ဆိုင်ပါဝင်မှုရှိသည့် လူမှုအသိုင်းအဝိုင်းများ ကျနော်တို့ မည်သို့ တည်ဆောက်မည်နည်း။ ကနေဒါနိုင်ငံကို အပြုသဘောဆောင်သော နမူနာတခုအဖြစ် ကြည့်နိုင်ပါသည်။ ခက်ခဲသော ပြဿနာများ ရှိနေသော်လည်း ကနေဒါနိုင်ငံက “ကိုယ်ပိုင်စရိုက် လက္ခဏာကို ထိန်းထားသည့်” လူမျိုးစု စုံလင်သော လူဦးရေ တခုအဖြစ် ပြောနိုင်ပါသည်။ ကနေဒါနိုင်ငံသားများသည် “အခြားသူ”များနှင့် ဆက်သွယ်ရင်း သူတို့၏ ဘာသာရေးနှင့် လူမျိုးရေး နောက်ခံအကြောင်းများကို ထိန်းထားနိုင်ခဲ့သည်။ ကနေဒါမှ လက်ယာစွန်းရောက်များက ၁၀ ရာခိုင်နှုန်း မရှိပါ။ အကယ်၍ ကျနော်တို့က ကမ္ဘာတလွှားမှ အစွန်းရောက်ဝါဒလှိုင်းကို ရင်ဆိုင်မည်ဆိုလျှင် ကွဲပြားခြားနားမှုများကြားမှ ဆက်သွယ်ပေါင်းကူးမှုများကို ဖန်တီးရမည် ဖြစ်သည်။ ကျနော်တို့၏ စိုးရိမ်ကြောင့်ကြမှုများက ဗျူဟာမြောက် အနိုင်ယူမှုများကို ခုခံရမည် ဖြစ်သည်။ ဆက်သွယ်ပေါင်းကူးရာတွင် ကျနော်တို့က အခြားသူများအတွက် တံခါးဖွင့်ရမည်သာမက ကျနော်တို့ ကိုယ်တိုင်လည်း ပြောင်းလဲရန် တံခါးဖွင့်ရမည် ဖြစ်သည်။ ကျနော်တို့ အားလုံးနှင့် သက်ဆိုင်သော လူ့အသိုင်းအဝိုင်းတခု ပူးပေါင်း ဖန်တီးရေးတွင် တက်ကြွစွာ ပါဝင်ရမည် ဖြစ်သည်။ “အခြားသူများ”အဖြစ် ခွဲခြားသတ်မှတ်ခြင်း၏ ဆန့်ကျင်ဖက်က တူညီခြင်း (Saming) မဟုတ်ပါ။ ပတ်သက်ခြင်း (Belonging) ဖြစ်ပါသည်။ ပတ်သက်ခြင်းက ကျနော်တို့ အားလုံး တူညီသည်ဟု ဆိုလိုခြင်း မဟုတ်ပါ။ ကျနော်တို့ အားလုံးပါဝင်နေသည့် လူ့အဖွဲ့အစည်းတခုတွင် ကျနော်တို့၏ ကွဲပြားခြားနားမှုများကို အသိအမှတ်ပြုခြင်း၊ လက်ခံခြင်းဟု အဓိပ္ပါယ်ရပါသည်။ (John A Powell သည် ကယ်လီဖိုးနီးယားတက္ကသိုလ် ဘာကလေရှိ Haas Institute for a Fair and Inclusive Society မှ ဒါရိုက်တာဖြစ်ပါသည်။ သတင်းစာပါ ၎င်း၏ Us vs them: the sinister techniques of ‘Othering’ – and how to avoid them ကို ဘာသာပြန်ဆိုသည်။) The post “အခြားသူများ”အဖြစ် ခွဲခြားရှုမြင်မှုကို ဘယ်လိုငြင်းပယ်မလဲ appeared first on ဧရာဝတီ.
Source : http://ift.tt/2AgzKeL
via IFTTT

7Day News Journal

ပုပ်ရဟန်းမင်းကြီး၏ မြန်မာနိုင်ငံခရီးစဉ်သည် မြန်မာ- ဗာတီကန် သံတမန်ဆက်ဆံရေး အရ လာရောက်သည့် ခရီးစဉ်ဖြစ် ပြီး ဒုက္ခသည်များ၊ ရွှေ့ပြောင်းသူ များအတွက် သီးသန့်လာရောက် ခြင်းမဟုတ်ဟု ပုပ်ရဟန်းမင်းကြီး၏ ပြောရေးဆိုခွင့်ရှိသူ Mr. Greg Burke က ပြောကြားသည်။ ပုပ်ရဟန်းမင်းကြီး၏လေး ရက်ကြာ မြန်မာနိုင်ငံခရီးစဉ်နှင့် ပတ်သက်သည့် သတင်းစာရှင်း လင်းပွဲကို နိုဝင်ဘာ ၂၉ ရက်က ပြုလုပ်ရာ နိုင်ငံတကာမီဒီယာ များက ခရီးစဉ်အတွင်း ရခိုင်ပြည် နယ်ရှိ မွတ်စလင်များအရေးကို ပုပ်ရဟန်းမင်းကြီးက ထည့်သွင်း ပြောကြားမှုမရှိခြင်းအပေါ် မေး မြန်းမှုကို ၎င်းက ယင်းသို့ ပြန်လည်ဖြေကြားခြင်းဖြစ်သည်။ ‘‘ဒီခရီးစဉ်က မြန်မာအစိုးရ ရဲ့ ဖိတ်ကြားချက်အရ လာရောက်တဲ့ မြန်မာ-ဗာတီကန်သံတမန် ဆက်ဆံရေးအတွက်၊ ကက်သ လစ်ဘာသာဝင်တွေကို အားပေး လိုတဲ့အတွက် လာရောက်တာ ဖြစ်ပါတယ်။ ဒုက္ခသည်စခန်းတွေ၊ ဒုက္ခသည်တွေ၊ ရွှေ့ပြောင်းသူ တွေရှိတဲ့နေရာကို သီးသန့်လာ ရောက်တဲ့ခရီးစဉ်မဟုတ်ပါဘူး’’ ဟု Mr.Greg Burke က ဆိုသည်။ပုပ်ရဟန်းမင်းကြီးအနေဖြင့် မြန်မာနိုင်ငံရှိ ကက်သလစ်ဘုန်း တော်ကြီးများကို ရခိုင်နယ်စပ်သို့ သွားရောက်ကူညီရန် ပြောကြား ခြင်းရှိ၊ မရှိ မေးမြန်းမှုကို လက်ရှိ အချိန်ထိ ယင်းသို့ပြောကြားခြင်း မရှိကြောင်း မြန်မာနိုင်ငံကက်သ လစ်ဆရာတော်များအဖွဲ့ချုပ်မှ ဆရာတော် John Hsane Hgyiက ဖြေကြားသည်။ ‘‘ပုပ်ရဟန်းမင်းကြီးက ဒုက္ခ သည်အကြောင်း၊ ရခိုင်က ကိစ္စ တွေအကြောင်း ဘာမှ မပြောဘူး လားလို့ သတင်းထောက်တွေ မေး ကြတယ်။ သူ နေပြည်တော်မှာ ပြောသွားတဲ့စကားရှိတယ်။ အစိုး ရရဲ့ကြိုးပမ်းအားထုတ်မှုတွေဟာ နိုင်ငံအတွင်းမှာ ဖြစ်နေတဲ့ ကိစ္စ တွေနဲ့ ပတ်သက်ပြီး နှစ်သက်အား ရမှုရှိတယ်လို့ ပြောရုံကလွဲပြီး ဘာမှ မရှိပါဘူးလို့ ပြောသွား တယ်။ I have nothing to say express than appreciation လို့ ပြောသွားတယ်။ ဒီကိစ္စနဲ့ပတ် သက်ပြီး ဗာတီကန်အနေနဲ့ မြန်မာ နိုင်ငံကို စွပ်စွဲပြောဆိုစရာ ဘာမှ မရှိဘူးလို့ Mr. Greg Burke က လည်း ပြောပါတယ်’’ဟု ပုပ်ရဟန်းမင်းကြီးခရီးစဉ်ဆိုင်ရာ မီဒီယာ ပြောရေးဆိုခွင့်ရှိသူ ဖာသာမာရီ ရာနိုစိုးနိုင်က ပြောသည်။ ပုပ်ရဟန်းမင်းကြီး ဖရန်စစ် သည် ယခင်က ‘Our Rohinja Brothers and Sisters’ ဟု သုံးနှုန်းကာ ရခိုင်ပြည်နယ်အရေးနှင့် ပတ်သက်ပြီး ပြောကြားမှုများရှိခဲ့ရာ မြန်မာနိုင်ငံခရီးစဉ်အတွင်း အဆိုပါအသုံးအနှုန်းကို မသုံးစွဲရန် ကုလသမဂ္ဂအတွင်းရေးမှူးချုပ်ဟောင်း ကိုဖီအာနန်က တိုက်တွန်းခဲ့သည်။ ပုပ်ရဟန်းမင်းကြီးအနေဖြင့် ယခင်က မြန်မာနိုင်ငံရှိ ရခိုင်ဒေသ အရေးနှင့်ပတ်သက်ပြီး တစ်ဆင့် ကြားသိရခြင်းမျိုးသာ ဖြစ်ခြင်း ကြောင့် အဆိုပါအသုံးအနှုန်းဖြင့် ပြောဆိုခဲ့သော်လည်း ယခုခရီးစဉ် မတိုင်မီ မြန်မာနိုင်ငံအရေး ၎င်း ကိုယ်တိုင် ကြိုတင်လေ့လာမှု၊ ကိုဖီအာနန်၏ တွေ့ဆုံရှင်းပြမှုနှင့် ၎င်းမြန်မာနိုင်ငံသို့ ရောက်ရှိချိန် တွင် တွေ့ရှိ၊ သိရှိမှုများကြောင့် ရခိုင်အရေးနှင့်ပတ်သက်ပြီး သီး ခြားပြောဆိုခဲ့ခြင်း မရှိခြင်းဖြစ် ကြောင်း ဖာသာမာရီရာနိုစိုးနိုင်က ပြောသည်။ ပုပ်ရဟန်းမင်းကြီး၏မြန်မာ နိုင်ငံခရီးစဉ်အတွင်း ရခိုင်အရေး နှင့်ပတ်သက်၍ အထူးပြုပြော ကြားခဲ့ခြင်းမရှိသည့်အပေါ် နိုင်ငံ တကာအသိုင်းအဝိုင်းအချို့နှင့် ပြည်ပမီဒီယာများ၊ လူ့အခွင့်အ ရေးစောင့်ကြည့်လေ့လာသည့်အ ဖွဲ့များက စိတ်ပျက်ရကြောင်း ရေး သားဖော်ပြခဲ့ကြသည်။ ပုပ်ရဟန်းမင်းကြီးသည် နိုဝင်ဘာ ၂၇ ရက်မှ ၃၀ ရက်အထိ မြန်မာနိုင်ငံသို့ သမိုင်းဝင်ခရီးစဉ် အဖြစ် လာရောက်ခြင်းဖြစ်ပြီး ဘင်္ဂလားဒေ့ရှနိုင်ငံသို့ ဆက်လက် သွားရောက်မည်ဖြစ်သည်။
Source : http://ift.tt/2zzMo5b
via IFTTT

ရခိုင္ ပဋိပကၡက ေရနံႏွင့္ ဓာတ္ေငြ႕ တူးေဖာ္ေရး ရင္းႏွီးျမႇဳပ္ႏွံမႈကို ထိလာ

ရခိုင် ပဋိပက္ခက ရေနံနှင့် ဓာတ်ငွေ့ တူးဖော်ရေး ရင်းနှီးမြှုပ်နှံမှုကို ထိလာ ရခိုင်ပြည်မြောက်ပိုင်း လူသားချင်းစာနာ ထောက်ထားမှုဆိုင်ရာ ပြဿနာများကြား မြန်မာနိုင်ငံမှ စွမ်းအင်ကုမ္ပဏီများ အပေါ် ဖိအားများ တိုးလာခြင်းကြောင့် ရင်းနှီးမြှုပ်နှံသူတချို့ စတင် စွန့်ခွာနေသော ရေနံနှင့် သဘာဝ ဓာတ်ငွေ့ တူးဖော်ထုတ်လုပ်ရေး လုပ်ငန်း ကဏ္ဍအတွက် အချိန်ဆိုးသို့ ရောက်လာသည်။ အောင်မြင်မှု ကြီးမားခဲ့သော လိုင်စင်ချထားမှုများရှိခဲ့ပြီး ထိပ်တန်းရေနံကုမ္ပဏီများက ရှာဖွေရေးလုပ်ကွက်များ ရရှိခဲ့သည်ကို မြင်တွေ့ခဲ့ရသော ၂၀၁၄ ခုနှစ်မှစ၍ မြန်မာနိုင်ငံသည် ရေနံနှင့် သဘာဝဓာတ်ငွေ့ တူးဖော် ထုတ်လုပ်ရေး လုပ်ငန်းများ အတွက် အလွန်ဆွဲဆောင်မှုရှိသော နေရာတခု ဖြစ်ခဲ့သည်မှာ အနည်းဆုံး ၂၀၁၇ ခုနှစ် အစောပိုင်း အထိဖြစ်သည်။ သို့သော်လည်း လတ်တလောလများ အတွင်းတွင် ကုမ္ပဏီများက အောင်မြင်ရန် အလားအလာနည်းပါးသော အကြောင်း များကြောင့် လုပ်ကွက်များကို စတင် စွန့်လွှတ်ခဲ့ကြသည်။ ပထမအဆင့် ရှာဖွေရေး လုပ်ငန်းများ အတွက် နောက်ဆုံးသတ်မှတ်ထားချိန် ဖြစ်သော ၂၀၁၈ ခုနှစ် မတ်လနှင့် နီးလာသည်နှင့် အမျှ လာမည့်လများအတွင်းတွင် မြန်မာပြည်မှ ပြန်လည်ထွက်ခွာခြင်းများ ပိုများလာမည်ဟု မျှော်လင့်ရပါသည်။ ရေနံကုမ္ပဏီများ အနေဖြင့် အရေးကြီးသော ဆုံးဖြတ်ချက် ပြုလုပ်ရမည့် အခြေအနေရောက်နေချိန်တွင် ရိုဟင်ဂျာ ခေါ် ဘင်္ဂါလီများအပေါ် လူ့အခွင့်အရေးချိုးဖောက်မှုများ ကျူးလွန်မှုများအတွက် ပြစ်တင် ဝေဖန်ခံနေရသော မြန်မာ အစိုးရနှင့် စီးပွားရေး ပူးပေါင်းဆောင်ရွက်မှုများ ရှိနေသည့် ရင်းနှီးမြှုပ်နှံသူများကို လော်ဘီ အဖွဲ့ အစည်းများက စတင် ပစ်မှတ်ထားလာသဖြင့် ယခုအခါ ကုမ္ပဏီ ဂုဏ်သိက္ခာနှင့် နိုင်ငံရေးဆိုင်ရာ စွန့်စားရမှုများက စိုးရိမ်စရာ ဖြစ်လာခဲ့သည်။ “မြန်မာနိုင်ငံရဲ့ ရေနံနဲ့ သဘာဝဓာတ်ငွေ ရှာဖွေတူးဖော်ရေး လုပ်ငန်းကဏ္ဍရဲ့ အရှိန် ကုန်သွားပြီ။ နာမည်ကြီးခဲ့တဲ့အတိုင်း ဖြစ်နိုင်တုန်းပဲ ဆိုတာကို ပြသစရာ ကျနော်တို့ အတွက် အရိပ်အယောင် တချို့ လိုအပ်ပါတယ်” ဟု အင်္ဂလန် အခြေစိုက် စွမ်းအင် သုတေသနနှင့် အတိုင်ပင်ခံ လုပ်ငန်းတခု ဖြစ်သည့် Wood Mackenzie မှ ရှာဖွေရေး နှင့် တူးဖော်ရေးဆိုင်ရာ လေ့လာဆန်းစစ်သူ တဦးဖြစ်သော Jean-Baptiste Berchoteau က ပြောသည်။ မြန်မာနိုင်ငံ၏ အလားအလာကို လုံးဝ ပယ်ဖျက်ပစ်ရန်လည်း စောလွန်းနေဆဲဟု သူက ပြောသည်။ သို့သော်လည်း ပြီးခဲ့သည့် လ အနည်းငယ် အတွင်းတွင် အရှေ့တောင် အာရှမှ မြန်မာ နိုင်ငံ၏ ရေနံ နှင့် သဘာဝဓာတ်ငွေ့ လုပ်ငန်းက အားလျော့လာခဲ့သည့် အသွင်ရှိပါသည်။ “စွန့်လွှတ်သွားတဲ့ သို့မဟုတ် စွန့်လွှတ်တော့မယ့် လုပ်ကွက် ၄ ကွက် ၅ ကွက်လောက် ရှိပါတယ်။ ခုချိန်မှာ ကျနော့်ကို သေချာမလား မေးရင် ရိုဟင်ဂျာ ကိစ္စက အထောက်အကူ မဖြစ်ပါဘူး ” ဟု Jean-Baptiste Berchoteau က ပြောသည်။ အရောင်မှိန်လာခြင်း ရေနံ ကုမ္ပဏီများက ရေနံဈေးနှုန်း ကျဆင်းမှုနှင့် ကြီးမားသော (ရေနံ နှင့်သဘာဝ ဓာတ်ငွေ့) တွေ့ရှိမှုများ မရှိသောကြောင့် ရှာဖွေရေးနှင့် တူးဖော်ရေး အသုံးစရိတ်များ လျှော့ချနေသည့် အချိန်တွင် မြန်မာနိုင်ငံက အရှေ့တောင် အာရှတွင် ရေနံနှင့် သဘာဝဓာတ်ငွေ့ ရှာဖွေရေးအတွက် ရေပန်းစားသော နေရာခု ဖြစ်လာခဲ့သည်။ ကုမ္ပဏီများက ဈေးနှုန်း ကျဆင်းသော်လည်း ရှာဖွေရေးစရိတ် နည်းပါးခြင်းဖြင့် ရေနံကို ဈေးပေါပေါ ထုတ်လုပ်ရေး နောက်ထပ် ရှုထောင့်တခုကိုလည်း အားသာချက် ရယူရန် လုပ်ကိုင်ကြသည်။ ဥပမာအားဖြင့် သြစတြေးလျနိုင်ငံမှ Woodside Energy က ၂၀၁၄ ခုနှစ် မတိုင်မီက လုပ်ပိုင်ခွင့်ရရှိခဲ့သော လုပ်ကွက်များတွင် အပူတပြင်း ရှာဖွေမှုများ ပြုလုပ်ခဲ့သည့် ရလဒ် အဖြစ် ဓာတ်ငွေ့ရရှိနိုင်မည့် နေရာအမြောက်အများ တွေ့ရှိခဲ့သည်။ အာရှ-ပစိဖိတ်တွင် အကြီးဆုံးအဖြစ် ဓာတ်ငွေ့ ၁.၅ ထရီလီယံ ကုဗပေ တွေ့ရှိရခြင်း အပါအဝင် အဆိုပါ တွေ့ရှိမှုများက မြန်မာနိုင်ငံကို ရေနံနှင့် သဘာဝဓာတ်ငွေ့ ရှာဖွေရေး မြေပုံပေါ်သို့ တင်ပေးခဲ့သည်ဟု Jean-Baptiste Berchoteau က ဆိုသည်။ လိုင်စင်အသစ် ချထားပေးမှုများ မရှိသည့် အချိန်တွင် ၂၀၁၄ ခုနှစ် အတွင်းက ချထားပေးခဲ့သော လုပ်ကွက်များတွင် လေ့လာသည့် ပထမအဆင့်အတွက် သတ်မှတ်ကာလ ပြီးဆုံးရန် နီးကပ်လာသည်။ သတ်မှတ်ကာလ မကုန်မီ ကုမ္ပဏီ များက တူးဖော်သည့် နောက်တဆင့်ကို ဆက်လက်ဆောင်ရွက်ရန် ဆန္ဒ ရှိ၊ မရှိကို အစိုးရသို့ အသိပေးရမည် ဖြစ်သည်။ အသိပေး အကြောင်းကြားမှုများကို လုပ်ကွက်များ လုပ်ကိုင်ခွင့်ရရှိခဲ့သည့် အချိန်ကာလပေါ် မူတည်၍ ၂၀၁၇ စက်တင်ဘာ လ နှင့် ၂၀၁၈ ခုနှစ် မတ်လ အတွင်း တင်သွင်းရမည် ဖြစ်သည်။ ကုမ္ပဏီ အချို့က သူတို့၏ လုပ်ကွက်များကို စွန့်လွှတ်ခဲ့ပြီး ဖြစ်သည်။ အောက်တိုဘာလလယ်ပိုင်းတွင် အိန္ဒိယနိုင်ငံမှ Reliance Industries က လေ့လာရေးကာလ ပြီးဆုံးသည့် အချိန်တွင် လုပ်ကွက် M17 နှင့် M18 တို့ကို စွန့်လွှတ်တော့ မည် ဖြစ်ကြောင်း ပြောကြားခဲ့သည်။ Shell ကုမ္ပဏီက သူတို့၏ စီးပွားဖက်များနှင့် အတူ လုပ်ကွက် ၃ ခု(တနင်္သာရီ ကမ်းရိုးတန်း မှ လုပ်ကွက် MD-5 နှင့် ရခိုင်ကမ်းရိုးတန်း ဘင်္ဂလားပင်လယ်အော်မှ လုပ်ကွက် AD-9 နှင့် AD-11 တို့ကို စွန့်လွှတ်ခဲ့သည်ကို ဝန်ကြီးဌာနသို့ အသိပေးပြီး ဖြစ် ကြောင်း နိုဝင်ဘာလ ၁၅ ရက်နေ့တွင် ပြောသည်။ “ကျနော်တို့ ဒီလုပ်ကွက်တွေကို မြန်မာ အစိုးရဆီ ပြန်ပေးခဲ့ပြီးပါပြီ။ ဘာကြောင့်လဲဆိုတော့ သုံးဖက်မြင် မြေလွှာစမ်းသပ် တွက်ချက်မှုတွေ အရ ဒီ လုပ်ကွက်တွေက စီးပွားရေးအရ စိန်ခေါ်မှု အလွန်များလို့ ဖြစ်ပါတယ်” ဟု ကုမ္ပဏီ၏ ပြောရေးဆိုခွင့်ရှိသူက ပြောသည်။ Oil India နှင့် သြစတြေးလျ စတော့အိတ်ချိန်းတွင် စာရင်းသွင်းထားသော Tap Oil တို့ လည်း ရရှိထားသော လုပ်ကွက်များကို ပြန်လည်စွန့်လွှတ်ပြီး သို့မဟုတ် စွန့်လွှတ်လု နီးပါးဖြစ်သည်။ ကုမ္ပဏီ အများစုက နောက်ထပ် ဆက်လက်ဆောင်ရွက်တော့မည် မဟုတ်ကြောင်း Jean-Baptiste Berchoteau က ပြောသည်။ မေးမြန်းစုံစမ်းမှုများကို Tap Oil က တုန့်ပြန်ခဲ့ ခြင်း မရှိပါ။ Oil India ထံမှ မှတ်ချက် မရရှိနိုင်ခဲ့ပါ။ Woodside ကလည်း ၎င်းတို့၏ ရှာဖွေတွေ့ရှိမှုကို သိသိသာသာ တိုးတက်အောင် မပြုလုပ်နိုင်ခဲ့ဟု Jean-Baptiste Berchoteau က ပြောသည်။ ၁ ထရီလီယံ ကုဗပေ တွေ့ရှိခြင်းကလည်း ကမ်းလွန်ရေနက်လုပ်ငန်း သို့မဟုတ် ဝေးလံ ခက်ခဲသည့် စီမံကိန်းများအတွက် စီးပွားရေးအရ အကျိုးအမြတ်ရရန် အလွန်ခက်ခဲသည့်အတွက် လုံလောက်လိမ့်မည် မဟုတ်ဟု သူက ဆိုသည်။ အထူးသဖြင့် မြန်မာနိုင်ငံ၏ တင်းကျပ်သော ဘဏ္ဍာရေး ဆိုင်ရာ သတ်မှတ်ချက်များကြောင့် ဖြစ်သည်။ “တကယ်လို့ ဓာတ်ငွေ့ ကုဗပေ ၄ ထရီလီယံက နေ ၅ ထရီလီယံ လောက်အထိ တွေ့တာမျိုး မဟုတ်ခဲ့ရင် ငွေရှာဖို့ အရမ်း ကို ခက်ပါတယ်” ဟု သူက ပြောသည်။ နိုင်ငံရေးအရ စွန့်စားရမှု ပိုကြီးလာ ရိုဟင်ဂျာတွေအပေါ် ကျူးလွန်ခဲ့သည့် အကြမ်းဖက်မှုများနှင့် စစ်အင်အား အလွန်အကျွံသုံးစွဲမှုကို ကုလသမဂ္ဂ လုံခြုံရေးကောင်စီက လူသိရှင်ကြား အပြစ်တင်ခဲ့သည့် နိုဝင်ဘာလ အစောပိုင်းလောက်မှ စ၍ နိုင်ငံတကာ ရင်းနှီးမြှုပ်နှံသူများ စိတ်တထင့်ထင့် ပိုဖြစ်လာခဲ့ကြသည်။ ယခုအချိန်အထိ မြန်မာနိုင်ငံမှ မည်သည့် စီးပွားရေးလုပ်ငန်းမှ ပြန်လည်ထွက်ခွာသွားခြင်း မရှိသေးသော်လည်း ကုမ္ပဏီ များမှာ အနောက်တိုင်းမှ အရေးယူပိတ်ဆို့မှုများ ပြန်လည်ရောက်ရှိလာမည်ကို ကြီးမားစွာ စိုးရိမ်ခြင်းနှင့်အတူ သူတို့၏ ဂုဏ်သိက္ခာ လျော့ကျသွားမည်ကို ပူပန်နေကြသည်။ လူသားချင်းစာနာ ထောက်ထားမှုဆိုင်ရာ ပြဿနာများ ရပ်တန့်ပြေလည်သွားစေရေး ပျက်ကွက်ခဲ့သည့်အတွက် မလေးရှား အစိုးရပိုင် ရေနံကုမ္ပဏီ ဖြစ်သော Petronas ကို မြန်မာနိုင်ငံမှ ပြန်လည်ထွက်ခွာရန် မလေးရှား နိုင်ငံရေး သမား ၄၇ ဦးပါဝင်သော အဖွဲ့က တောင်းဆိုခဲ့သည်။ Petronas သည် ဝေဖန်ခံရသော ပထမဆုံး ကုမ္ပဏီမဟုတ်ပါ။ အောက်တိုဘာလအတွင်းတွင် ၎င်းတို့၏ စီမံခန့်ခွဲမှုအောက်၌ ပိုင်ဆိုင်မှု အမေရိကန်ဒေါ်လာ ၅၃ ဘီလီယံကျော်ကို ကိုယ် စားပြုသည့် ရင်း နှီးမြှုပ်နှံသူများက ရေနံနှင့် သဘာဝဓာတ်ငွေ့လုပ်ငန်း ကုမ္ပဏီ ၆ ခု ဖြစ်သည့် China National Offshore Oil Corp၊ Daewoo၊ PetroChina၊ Petronas၊ Total နှင့် Woodside Petroleum တို့ထံသို့စာရေး၍ လူ့အခွင့်အရေးချိုး ဖောက်မှုများရှိနေသည့် အချိန်တွင် မြန်မာနိုင်ငံမှ သူတို့၏ သဘောတူညီမှုများကို ပြန်လည်စဉ်းစား သုံးသပ်ရန် တောင်းဆို ခဲ့သည်။ အဆိုပါ လှုပ်ရှားမှုကို Azzad Asset Management ၏ တစိတ်တပိုင်း ကျောထောက်နောက်ခံမှုဖြင့် ပြုလုပ်ခြင်း ဖြစ်သည်။ သြဂုတ်လအတွင်း Azzad Asset Management က Chevron ကုမ္ပဏီသို့ ရှယ်ယာပိုင်ရှင်များ၏ ကိုယ်စား စာတစောင် ရေးသားပေးပို့၍ Chevron ၏ မြန်မာနိုင်ငံမှ စီးပွားရေး လုပ်ငန်းများကို ပြန်လည်သုံးသပ်မှုများ ပြုလုပ်ရန် တောင်းဆိုခဲ့သည်။ “Chevron က မြန်မာနိုင်ငံ ရခိုင်ပြည်နယ်က ပဋိပက္ခ ကိစ္စနဲ့ ပတ်သက်လို့ ရှယ်ယာရှင်တွေနဲ့ ပြုလုပ်နေတဲ့ ဆွေးနွေးမှု တွေကို တန်ဖိုးထားပါတယ်။ အမေရိကန်ရဲ့ ရင်းနှီးမြှုပ်နှံမှုက စီးပွားရေးတိုးတက်မှုနဲ့ ဖွံ့ဖြိုးရေးအတွက် အင်အားကောင်းတဲ့ ယန္တယားတခု ဖြစ်တယ်ဆိုတာ ကျနော်တို့ ယုံကြည်ပါတယ်” ဟု ကုမ္ပဏီ၏ ပြောရေးဆို ခွင့်ရှိသူ တဦးကပြောသည်။ Chevron က မြန်မာနိုင်ငံတွင်း အပါအဝင် အားလုံးကို လွှမ်းခြုံနိုင်သည့် လူ့အခွင့်အရေးကို လေးစားသော စီးပွားရေးကို ဆောင်ရွက်နေခြင်း ဖြစ်သည်ဟုလည်း ထပ်ပြောသည်။ ရခိုင်ပြည်နယ်မှ အခြေအနေက ၎င်းတို့၏ လုပ်ငန်းဆောင်ရွက်မှုများကို တိုက်ရိုက်သက်ရောက်စေခြင်း မရှိသော်လည်း အနာဂတ်တွင် တူးဖော်ရေး လုပ်ငန်းများ မပြုလုပ်မီ ဆောင်ရွက်ရန် လိုအပ်သည့် မြောက်ပိုင်းမှ ငါးဖမ်းကျေးရွာများမှ ပြည်သူ အသိုင်းအဝိုင်း အချို့နှင့် တွေ့ဆုံညှိနှိုင်းမှုများ ပြုလုပ်ရေးကို ပယ်ဖျက်ခဲ့ကြကြောင်း သြစတြေးလျနိုင်ငံမှ Woodside ကုမ္ပဏီက ပြောသည်။ “လုံခြုံရေး အခြေအနေကြောင့် ကျနော်တို့ အနေနဲ့ လူမှုရေး အစီအစဉ်တချို့ကို ရပ်ဆိုင်းထားရပါတယ်” ဟု ကုမ္ပဏီ ပြော ရေးဆိုခွင့် ရှိသူကပြောသည်။ လက်ရှိ ဖြစ်ပေါ်နေသည့် အခြေအနေနှင့် ပတ်သက်၍ Woodside က စိုးရိမ်ကြောင်းနှင့် ရေရှည်ခိုင်မြဲ၍ ငြိမ်းချမ်းသော အဖြေတခုကို မျှော်လင့်ကြောင်းလည်း ထပ်ပြောသည်။ အခြား အဓိက လုပ်ငန်းကြီးများ ဖြစ်ကြသည့် Total၊ Petronas နှင့် PTTEP တို့က သူတို့၏ မြန်မာနိုင်ငံနှင့် ပတ်သက်သော သဘောထားကို မေးမြန်းခြင်းကို ပြန်လည်ဖြေကြားခဲ့ခြင်း မရှိပါ။ လန်ဒန်အခြေစိုက် စီးပွားရေး အတိုင်ပင်ခံလုပ်ငန်းတခု ဖြစ်သည့် The Economist Intelligence Unit မှ အာဆီယံ လေ့လာဆန်းစစ်ရေး အဖွဲ့ခေါင်းဆောင် Miguel Chanco က“မလေးရှားနိုင်ငံမှာ လွှတ်တော်ကိုယ်စားလှယ်တွေက တောင်းဆိုတဲ့ ကိစ္စနဲ့ ပတ်သက်လို့ ကျနော် သိပ်အများကြီး မတွေးပါဘူး” ဟု Petronas အပေါ် တောင်းဆိုမှုကို ရည်ညွှန်း၍ ပြောသည်။ “ဒီလွှတ်တော်ကိုယ်စားလှယ်တွေက အများစိတ်ဝင်စားမှုကို ရယူချင်တဲ့ သဘောမျိုးရှိတယ်လို့ ကျနော် သံသယ ရှိတယ်။ အထူးသဖြင့် မွတ်ဆလင် လူများစုဖြစ်တဲ့ မလေးရှားနိုင်ငံမှာ ရွေးကောက်ပွဲအတွက် အရှိန်တက်နေတဲ့ အချိန်မှာပါ” ဟု သူက ဆိုသည်။ မလေးရှားနိုင်ငံတွင် နိုင်ငံရေး အခြေအနေက အကဲဆတ်မှု တိုးလာနေသည့်ကြား Petronas က မည်သို့ တုန့်ပြန်မည် ဆိုသည်ကို ဆက်လက် စောင့်ကြည့်ရန်သာ ရှိပါသည်။ (စွမ်းအင်ဆိုင်ရာ သတင်းဌာန S&P Global Platts မှ Eric Yep ၏ Rohingya crisis hits Myanmar’s upstream at critical investment phase ကို ဘာသာပြန်ဆိုသည်) The post ရခိုင် ပဋိပက္ခက ရေနံနှင့် ဓာတ်ငွေ့ တူးဖော်ရေး ရင်းနှီးမြှုပ်နှံမှုကို ထိလာ appeared first on ဧရာဝတီ.
Source : http://ift.tt/2AmkOMz
via IFTTT

ဆင္းရဲေသာ ေက်ာင္းမ်ားႏွင့္ အလႉရွင္မ်ားကို မြန္ေဖာင္ေဒးရွင္းက ဆက္စပ္ေပးေန

ဆင်းရဲသော ကျောင်းများနှင့် အလှူရှင်များကို မွန်ဖောင်ဒေးရှင်းက ဆက်စပ်ပေးနေ ကျောင်းသားကျောင်းသူများသည် လက်များဝှေ့ယမ်းပြီး ဧည့်သည်တော် မွန်တေးဂီတအဖွဲ့က တီးခတ်နေသည့် လူသိများသော သီချင်းသံစဉ်အတိုင်း သီဆိုနေကြသည်။ စာသင်ခန်းမမှလည်း အခြားသော ကျောင်းသူကျောင်းသားများသည် ထိုသီချင်းကို ပျော်ရွှင်စွာ သီဆိုရင်း အဆုံးပိုင်းသို့ရောက်ရှိသွားသောအခါ သီဆိုသူများကို အားပေးသောအားဖြင့် လက်ခုပ်တီးကြသည်။ “မွန်ကျောင်းသားတွေ ဂီတကို လာခံစားပြီး စာကြိုးစားဖို့အားပေးချင်လို့ပါ” ဟု လူသိများသော မွန်အဆိုတော် နိုင်စပိုင်က ကျောင်းသားများကို ပြောသည်။ “ကျနော်တို့မှာ ပညာတတ်တွေ ပိုမို များပြားလာတဲ့တနေ့မှာ ကျနော်တို့ လွတ်လပ်ရမယ်” ဟုလည်း သူက မွန်ပြည်နယ်နိုင်ငံရေးအခြေအနေကို ရည်ညွှန်းပြောသည်။ မွန်အစိုးရကျောင်း အများစုကဲ့သို့ပင် အန်းဒင် အထက်တန်းကျောင်းသည် ရင်းမြစ်နှင့် ဘဏ္ဍာရေးထောက်ပံ့မှု မရှိခဲ့ပါ။ သို့သော် ယနေ့တွင်မူ မွန်အသိုင်းအဝန်းသည် ထိုကျောင်းသို့ လာရောက်လှူဒါန်းကြပြီး မွန်ကလေးငယ်များ၏ ပညာရေးကို ထောက်ပံ့ကြသောကြောင့် အခြားသောကျောင်းများနှင့် အနည်းငယ် ခြားနားလာသည်။ အားအာ သည် ဆရာတော် အုတ်ဂျေးဘွဲ့အမည်ရှိ ဘုန်းတော်ကြီး တပါးဦးဆောင်သည့် အလှူဒါနပြုအဖွဲ့ဖြစ်သည်။ ထိုဘုန်းတော်ကြီးသည် အန်းဒင်ကျေးရွာ အထက်တန်းကျောင်းအတွက် အဖြူရောင် ပလပ်စတစ် သင်ပုန်းများ လာရောက် လှူဒါန်းသူလည်းဖြစ်သည်။ ဆရာတော် အုတ်ဂျေးသည် အဖြုရောင်သင်ပုန်း တဒါဇင်ခန့်ကိုလာရောက်လှူဒါန်းရင်း သူနှင့်အတူ မွန် အဆိုတော်များကိုလည်း ခေါ်ဆောင်လာခဲ့သည်။ မွန်ဖျော်ဖြေရေး အဖွဲ့များကလည်း ကျောင်းသားများကို ဖျော်ဖြေကြသည်။ သင်ပုန်းဖြူများအပြင် ဆရာတော်သည် ကျောက်သင်ပုန်းငယ်များကိုလည်း ကျောင်းသားများကို ပေးသည်။ ဆရာတော်သည် ထိုသို့ လာရောက်လှူဒါန်းသည်မှာ ယခု အကြိမ်နှင့်ဆိုလျှင် ၃ ကြိမ်ရှိပြီဖြစ်သည်။ “ဦးဇင်းက ကျောင်းသားတွေ ၈၀၀၀ လောက်ကို ကျောက်သင်ပုန်း လှူပြီးသွားပြီ။ သင်ပုန်းဖြူတွေကတော့ ကျောင်းတွေအတွက်ပဲ” ဟု ဆရာတော်က မိန့်သည်။ ယခုနှစ်အတွင်း စာရေးကိရိယာများအတွက် ငွေ ကျပ် ၄၅ သန်းလှူဒါန်းပြီးဖြစ်သည်ဟုလည်း ပြောသည်။ ဆရာတော်သည် ယခင်က မွန်အမျိုးသား တက်ကြွလှုပ်ရှားသူဖြစ်ခဲ့ပြီး ထောင် ၁၅ နှစ်ချခံရဖူးသည်။ သမ္မတ ဦးသိန်းစိန်က တနိုင်ငံလုံးမှ နိုင်ငံရေးအကျဉ်းသားများကို ပြန်လွှတ်ပေးသောအခါ ဆရာတော် ထောင်တွင်းတွင် ၂ နှစ်ကြာ နေထိုင်ခဲ့ရပြီးသွားပြီဖြစ်သည်။ ဆရာတော်သည် ထိုင်း၊ မလေးရှားနှင့် အမေရိကန်ပြည်ထောင်စုတို့သို့လည်းသွားရောက်ခဲ့ဖူးပြီး ထိုဒေသများမှ မွန်အသိုင်းအဝန်းများက အလှူငွေများ ပေးအပ်ခဲ့သည်။ ထိုငွေကို ဆရာတော်က မြန်မာနိုင်ငံမှ မွန်ကျောင်းများကို ထောက်ပံ့ရန် အသုံးပြုသည်။ အဖွဲ့အစည်း၏ အမည်ဖြစ်သော အားအာ ဟူသောဝေါဟာရ၏ အဓိပ္ပါယ်ကို ဆရာတော်က ရှင်းပြသည်။ ထိုဝေါဟာရသည် “ လှူကြ၊ သွားကြ” ဟု အဓိပ္ပါယ်ရှိသည်ဟု သူရှင်းပြသည်။ ပညာရေးနှင့် အခြားကိစ္စများအတွက် ငွေလှူဒါန်းလိုသော မွန်အမျိုးသားများနှင့်တွေ့ဆုံသောအခါ ထိုအလှူရှင်များ သူနှင့်အတူ လိုက်ပါဆောင်ရွက်ကြရန်လည်း ဆရာတော်က ဖိတ်ခေါ်သည်ဟု ဆိုသည်။ “သူတို့က ဆရာတော်ကို ဒီလိုပြောလာတာနဲ့ အလှူလိုနေတဲ့ ကျောင်းကို အတူူသွားလိုက်ကြတာပဲ” ဟု ဆရာတော်က ရှင်းပြသည်။ ထိုရန်ပုံငွေကို ကျောင်းများ တည်ဆောက်ရန်နှင့် စစ်သင်တန်းတက်နေသော မွန်လူမျိုးစု လက်နက်ကိုင်များအတွက် ရိက္ခာ ဝယ်ရန်လည်း အသုံးပြုသည်။ “အလှူရှင်ပေးချင်တဲ့ အကူအညီ အမျိုးအစားပေါ်မှာ မူတည်ပါတယ်” ဟု ဆရာတော်က ရှင်းပြသည်။ ထို အလှူရှင်များအပြင် မွန်အဆိုတော်များသည်လည်း ဆရာတော်ကို ကြည်ညိုလေးစားပြီး ဆရာတော်၏ လုပ်ရပ်များကို သဘောကျသောကြောင့် ထိုသို့သော ခရီးစဉ်များတွင် လိုက်ပါလိုကြောင်း ပြောကြသည်။ “မွန်ကလေးတွေအတွက် ပညာရေးက ပထမ ဦးစားပေးပဲ၊ တခြား ဖွံ့ဖြိုးပြီးနိုင်ငံတွေကို ကြည့်ဖို့ လိုတယ်။ သူတို့ဆီမှာ ပညာရေးက ပထမ ဦးစားပေးပဲ” ဟု ဆရာတော်က ရှင်းပြသည်။ ယနေ့ အန်းဒင် ကျေးရွာ အထက်တန်းကျောင်းသည် ၎င်းတို့၏ အမဲရောင် သင်ပုန်းဟောင်းများကို ဆရာတော်လှူဒါန်းသည့် အဖြူရောင်သင်ပုန်းသစ်များနှင့် လဲလှယ်ကြသည်။ သင်ပုန်းတခုလျှင် ၅ သောင်းကျပ် ကုန်ကျသည်။ ကျောင်းတွင် မူလတန်းအဆင့်မှ ၁၀ တန်းအဆင့်ရှိ ကျောင်းသား ၃၀၀ ခန့်ရှိသည်။ ထိုကျောင်းသည် ပညာရေးဝန်ကြီးဌာန၏ကျောင်း တစိတ်တပိုင်းဖြစ်သော်လည်း မွန်ပြည်သစ်ပါတီ၏ ထိန်းချုပ်မှုအောက်ရှိ မွန်အမျိုးသားပညာရေးဌာန ကြီးကြပ်မှုကို ခံယူသည်။ မွန်ပြည်သစ်ပါတီသည် ၁၉၉၂ ခုနှစ်တွင် ပြည်ထောင်စုအစိုးရနှင့် အပစ်အခတ်ရပ်စဲခဲ့ပြီး ဖြစ်သော်လည်း ပြည်နယ်၏ တစိတ်တပိုင်းကို ထိန်းချုပ်ထားသည်။ မွန်ပြည်သစ်ပါတီသည် ၁၉၇၂ ခုနှစ်မှစတင်ပြီး မွန်အမျိုးသားပညာရေးဌာနအောက်တွင် ကိုယ်ပိုင်ကျောင်းများ ထားရှိသည်။ မွန်ပြည်သစ်ပါတီသည် ကျောင်းစုစုပေါင်း ၁၅၆ ကျောင်း ထူထောင်ထားပြီး ကျောင်းသား ၁ သောင်း ၇ ထောင်ခန့်ကို သင်ကြားရန် ဆရာ၊ ဆရာမ ၈၀၀ ခန့်ထားသည်။ “တပည့်တော်တို့ ကျောင်းကို လာလှူလို့ အရမ်းဝမ်းသာပါတယ်။ အရမ်းကို ကြီးမားတဲ့ အကူအညီပါ” ဟု ကျောင်းဆရာတဦးဖြစ်သူ နိုင်မဂျောက ဆရာတော်ထံသို့ လျှောက်သည်။ ကျောင်းတွင် လစာ ၉ သောင်းကျပ်စီ ရရှိသော ဆရာ၊ ဆရာမ ၁၈ ယောက်ရှိသည်။ ထိုလစာငွေသည် နည်းပါးသော်လည်း ဆရာ ဆရာမများသည် မွန်အသိုင်းအဝန်းကို ကူညီချင်ကြသောကြောင့် အဆင်ပြေသည်ဟုလည်း နိုင်မဂျောက ရှင်းပြသည်။ (ဧရာဝတီ အင်္ဂလိပ်ပိုင်းပါ လဝီဝမ်၏ Give and Go: Foundation Connects Donors with Poor Mon Schools ကို ဘာသာပြန်သည်) The post ဆင်းရဲသော ကျောင်းများနှင့် အလှူရှင်များကို မွန်ဖောင်ဒေးရှင်းက ဆက်စပ်ပေးနေ appeared first on ဧရာဝတီ.
Source : http://ift.tt/2BmLhpZ
via IFTTT