သီတင်းကျွတ်လပြည့်ည ကလေးပန်းချီ၊ ကာတွန်းမီးပုံးပွဲတော် ကျင်းပမည် ဇာတိမာန် စာဖတ်အသင်းမှ ကလေးများ၏လက်ရာ ကလေးပန်းချီနှင့် ကာတွန်းမီးပုံးပွဲတော်အား သီတင်းကျွတ်လပြည့်ညတွင် အောင်မြေသာစံ မြို့နယ် ၂၆ လမ်းနှင့် ၉၂ လမ်းထောင့်၌ ကျင်းပမည်ဖြစ်ကြောင်း သိရသည်။ အောက်တိုဘာလ ၁၆ ရက်နေ့ သီတင်းကျွတ်လပြည့် ညနေ ၆ နာရီမှ ည ၁၀ နာရီအထိ ကျင်းပမည်ဖြစ်ပြီး အသက် ၁၄ နှစ် အောက် သူငယ်တန်းမှ အဋ္ဌမတန်းအထိကလေးဦးရေ ၅၀ ခန့်၏ ကာတွန်းပေါင်း ၃၀ ကား၊ ပန်းချီကားပေါင်း ၇၀ ကျော် ပြသမည်ဖြစ်သည်။ သီတင်းကျွတ်ကလေးပန်းချီ၊ ကာတွန်းမီးပုံး ပွဲတော်အား ယခုနှစ်တွင် ဒုတိယအကြိမ်အဖြစ် ကျင်းပခြင်းဖြစ်ပြီး ပွဲတော်သို့ လာရောက်သည့် ကျောင်းသား၊ ကျောင်းသူများအနေဖြင့် ကျောင်းသားကဒ် ပြသနိုင်ပါက ပုံဆွဲစာအုပ်၊ ကာတွန်း၊ ပုံပြင်၊ Essay, Letter နှစ်သက်ရာ စာအုပ်တစ်အုပ်စီ လက်ဆောင်ပေးမည်ဖြစ်ကြောင်း ဇာတိမာန်အသင်းမှ ကိုနောင်(ရှုပ) က ပြောသည်။ ချစ်ကို
Source : http://ift.tt/2eF6EeP
via IFTTT
No comments:
Post a Comment