ချယ်လ်ဆီး အသင်းဘက် မန်ယူ ဂိုးသွင်းနိုင်လျှင် မော်ရင်ညို အလွန်အကျွံ အောင်ပွဲခံမည် မဟုတ် ချယ်လ်ဆီး အသင်းနဲ့ ပြန်လည် ရင်ဆိုင်ရမယ့်ပွဲမှာ မန်ယူအသင်း ဂိုးသွင်းခဲ့မယ်ဆိုရင် ကလေး တစ်ယောက်လို အရူးအမူး အောင်ပွဲခံမှာ မဟုတ်ဘူးလို့ နည်းပြမော်ရင်ညိုက ပြောကြားလိုက်ပါတယ်။ မော်ရင်ညိုဟာ ပြီးခဲ့တဲ့ ဘောလုံးရာသီမှာ ချယ်လ်ဆီး အသင်းက ထုတ်ပယ်ခံခဲ့ရတဲ့ နည်းပြ ဖြစ်တဲ့အတွက် အခု မန်ယူအသင်းနဲ့အတူ ချယ်လ်ဆီးကို ပြန်လည် ရင်ဆိုင်တဲ့အခါ အားရပါးရ အောင်ပွဲခံပြီး လက်စားချေမှာလားလို့ မီဒီယာတွေက မေးမြန်းခဲ့တာ ဖြစ်ပါတယ်။ မော်ရင်ညိုရဲ့ မန်ယူအသင်းဟာ အခု တနင်္ဂနွေနေ့မှာ ချယ်လ်ဆီးအသင်းရဲ့ အိမ်ကွင်း စတမ်းဖို့ဒ်ဘရစ်ချ်ကို သွားရောက် ရင်ဆိုင်ရမှာ ဖြစ်ပါတယ်။ မော်ရင်ညိုက သူ့ထံမှာ ခံစားချက်ကို ထိန်းချုပ်နိုင်တဲ့ ရင့်ကျင့်မှု ရှိတယ်လို့လည်း ပြောခဲ့တာပါ။ “ကျွန်တော့်အသင်း ဂိုးသွင်းနိုင်ခဲ့ရင် ကလေး တစ်ယောက်လို အရူးအမူး အောင်ပွဲခံမှာလားလို့ ခင်ဗျားတို့က မေးပါတယ်။ ဒီလို မလုပ်ပါဘူး။ ကျွန်တော့်ကို မကောင်းမြင်စိတ်တွေနဲ့ ကွင်းထဲမှာ ပြောဆိုကြရင် တုန့်ပြန်မှာလားလို့ မေးတယ်။ ကျွန်တော် မလုပ်ပါဘူး။ ကျွန်တော့်ရဲ့ စိတ်ခံစားချက်ကို ထိန်းချုပ်နိုင်တဲ့ ရင့်ကျက်မှု ရှိပါတယ်”လို့ မော်ရင်ညိုက ပြောပါတယ်။ ချယ်လ်ဆီးအသင်းနဲ့ ပတ်သတ်ပြီး ကောင်းမွန်တဲ့ အမှတ်တရတွေကိုသာ သိမ်းဆည်းထားချင်လို့လည်း လက်ရှိမှာ မန်ယူနည်းပြ ဖြစ်နေသူ မော်ရင်ညိုက ဆိုခဲ့ပါတယ်
Source : https://goo.gl/RgczRr
via IFTTT
No comments:
Post a Comment