လှည်းတန်းလမ်းဆုံအနီး ပြည်လမ်းမဘေး၌ ဇန်နဝါရီ ၁၂ ရက် ည ၁ဝ နာရီခွဲခန့်တွင် အမျိုးသားနှစ်ဦးအား ဓားထောက်လုယက်သူလေးဦးအား ဖမ်းမိခဲ့ကြောင်း သတင်းရရှိသည်။ လှည်းတန်းခုံးကျော်တံတား အနီး ပြည်လမ်းမဘေး ပလက် ဖောင်းပေါ်တွင် လမ်းလျှောက်နေ သည့် အမျိုးသားနှစ်ဦးအား အမျိုး သားလေးဦးက နောက်မှလိုက် ကာ ဓားဖြင့်ထောက်၍ လုယက် နေစဥ် ပြည်သူတစ်ဦးက တွေ့မြင် ပြီး အနီးရှိ အငှားယာဥ်မောင်းများ၊ ပြည်သူအချို့အား အကူအညီ တောင်းကာ လုယက်သူများအား ဖမ်းဆီးခဲ့သည်။ အငှားယာဥ်မောင်းများနှင့် ပြည်သူအချို့၏ ကူညီမှုကြောင့် လုယက်သူအမျိုးသား လေးဦးအ နက် တစ်ဦးကို ဖမ်းဆီးနိုင်ခဲ့ပြီး ရဲ လက်သို့အပ်နိုင်ခဲ့ကြောင်း ကိုယ် တိုင်ပါဝင်ကူညီခဲ့သူတစ်ဦးက ပြောသည်။ လုယက်ခံရသူအမျိုးသားနှစ်ဦးအနက်တစ်ဦးမှာ ညာဘက်တင်ပါးတွင် ဒဏ်ရာရရှိခဲ့ပြီး မိုဘိုင်းဖုန်းတစ်လုံး ပါသွားကြောင်း ကာယကံရှင်အမျိုးသားက ပြောသည်။ ထွက်ပြေးသွားသည့် လု ယက်သူအမျိုးသားသုံးဦးအား နာရီပိုင်းအတွင်း ဖမ်းဆီးနိုင်ခဲ့ ကြောင်း ရန်ကုန်တိုင်းရဲတပ်ဖွဲ့က ဇန်နဝါရီ ၁၃ ရက်တွင် သတင်း ထုတ်ပြန်သည်။ ရဲတပ်ဖွဲ့၏ သတင်းထုတ် ပြန်ချက်တွင် လုယက်သူများထံမှ ဆွဲကြိုးတစ်ကုံး၊ လက်ကိုင်ဖုန်း ရှစ်လုံး၊ အရိုးအသွား ၁၁ လက်မ ခန့်ရှိသည့် ဓားဦးချွန် တစ်ချောင်း၊ ခရီးဆောင်ကျောပိုးအိတ်တစ် လုံး၊ ဓားအိမ်တစ်ခုတို့အား သိမ်း ဆည်းရရှိခဲ့ပြီး ၎င်းတို့အား ကမာ ရွတ်မြို့မရဲစခန်းတွင် ရာဇသတ် ကြီးပုဒ်မ ၃၉၂ ဖြင့် အမှုဖွင့်အရေး ယူထားကြောင်း သိရသည်။
Source : http://ift.tt/2ivf2y9
via IFTTT
No comments:
Post a Comment