တောင်ဒဂုံမှာ စားသောက်ဆိုင်မီးလောင်ပြီး ဆိုင်ရှင်သားနဲ့ အလုပ်သမားလေးဦးသေဆုံး ၂၁၊ဇန်နဝါရီ၊ရန်ကုန်။ ဒဂုံမြို့သစ်တောင်ပိုင်း အမှတ် (၁၈) ရပ်ကွက်ရှိ အကွီစားသောက်ဆိုင်မီးလောင်မှုကြောင့် ဆိုင်ရှင်ရဲ့ သားအပါအဝင် ငါးဦးသေဆုံးခဲ့တယ်လို့ သိရပါတယ်။ ဒီကနေ့မနက်လေးနာရီခွဲကျော်မှာ စားသောက် ဆိုင်ရဲ့ မီးကျွှင်းမီးကျန်များနဲ့ဂတ်စ်အိုးကနေ စိမ့်ထွက်နေတဲ့ ဂတ်စ်များထိတွေ့ပြီးမီးလောင်မှုစတင်ဖြစ်ပွားခဲ့တယ်လို့ မီးသတ် တပ်ဖွဲ့ကထုတ်ပြန်ထားပါတယ်။ မီးလောင်မှုကြောင့် ဆိုင်ရှင််ဦးဖေဟန်ရဲ့သားဖြစ်သူ မောင်တုံတုံ (အသက် ၂၇နှစ်) ၊ အလုပ်သမားများဖြစ်ကြတဲ့တောင်ဒဂုံမြို့နယ်မှာနေထိုင်တဲ့ မောင်ကောင်းထက်စံ( ၁၃နှစ်)၊ မောင်မင်းမင်း (အသက်၁၉နှစ်)တွံတေးမြို့မှာနေထိုင်သူဖြစ်တဲ့မောင်နေလင်းဦး (အသက် ၁၇နှစ်)၊ ဝိုင်းတုံချစ်( အသက် ၁၂နှစ်)တို့ သေဆုံးခဲ့တယ်လို့သိရပါတယ်။ မောင်လွင်ဖြိုးဝေဆိုသူကိုလည်း အတွင်းလူနာအဖြစ် သင်္ဃန်းကျွှန်းစံပြဆေးရုံမှာတင်ပို့ထားတယ်လို့သိရပါတယ်။ “ကျွန်တော်သွားကြည့်တဲ့အချိန်မှာ ဆိုင်ရှင်သားအကြီးဆုံးက သေသွားပြီ၊ကလေးငယ်တစ်ယောက်ကတော့ ဒဏ်ရာတော်တော်ပြင်းထန်လို့ ဆေးရုံပို့ထားတယ်။ကျွန်တော်သွားတဲ့ အချိန်မှာမီးက အညွန့်ကျိုးသွားပြီ။”လို့ ရန်ကုန်တိုင်းဒေသကြီး တောင်ဒဂုံမြို့နယ်တိုင်းဒေသကြီးကိုယ်စားလှယ် အမှတ် (၁) ဦးညီညီကပြောပါတယ်။ မြန်မာနိုင်ငံရဲတပ်ဖွဲ့က မီးသတ်ဥပဒေပုဒ်မ (၂၈၅/ ၃ဝ၄ -က (ပ/၇၈/ ၁၇) နဲ့ပိုင်ရှင်ဖြစ်သူဦးဖေဟန်ကိုအရေးယူထားတယ်လို့သိရပါတယ်။ အေးအေးအောင်
Source : http://ift.tt/2kaAuXo
via IFTTT
No comments:
Post a Comment