ကလေးမြို့ တောင်ဇ လပ်ရပ်ကွက်ရှိ ရေမြောင်းတစ်ခု အတွင်း ကျားအင်္ဂါအဖြတ်ခံထား ရသည့် ဒဏ်ရာအပါအ၀င် ပြတ်ရှ၊ ထိုးသွင်းဒဏ်ရာများဖြင့် သေဆုံးနေသော အမျိုးသားတစ်ဦးအလောင်းကို တွေ့ရှိခဲ့ကြောင်း သတင်းရရှိသည်။ ကလေးမြို့ တောင်ဇလပ် ရပ်ကွက် နယ်မြေ (၉) တွင် နေ ထိုင်သော အသက် (၅၈)နှစ်အ ရွယ် ဦးတဲလ်ခွဆိုသူသည် ဇန်န ၀ါရီ ၃ ရက် နံနက် ၈ နာရီခန့်က နယ်မြေ (၆) ၌ နေထိုင်သည့် ဆွေမျိုးတော်စပ်သူ၏ နေအိမ်တွင် ပြု လုပ်သော ဆုတောင်းပွဲသို့ သွားရောက်ရာမှ နေအိမ်သို့ ပြန်မ ရောက်လာဘဲ နောက်တစ်နေ့ နံနက်တွင်မှ ၎င်း၏အလောင်းကို တွေ့ရှိခဲ့ကြောင်း စစ်ကိုင်းတိုင်းရဲ တပ်ဖွဲ့မှူးရုံးမှ ရဲအရာရှိတစ်ဦးက ဆိုသည်။ ‘‘သူ့အမျိုးတွေအိမ်မှာ လုပ် တဲ့ ဆုတောင်းပွဲကို သွားရင်းနဲ့ ပြန်မလာတော့တာပါ။ နောက်နေ့ မနက်ကျတော့မှ အိမ်နီးချင်းနေ တဲ့သူက သေဆုံးသူရဲ့ ဇနီးကို လာပြောတော့မှ ဒဏ်ရာတွေနဲ့ မြောင်းထဲမှာ သေနေတာကို တွေ့တာ’’ ဟု ၎င်းကဆိုသည်။ နေအိမ်မှထွက်သွားခဲ့ပြီး ဇန် န၀ါရီ ၄ ရက် နံနက်တွင် နယ်မြေ (၅) ရှိ ရေမြောင်းတစ်ခုအတွင်း သေဆုံးနေသည်ကို ဇနီးသည် ဒေါ်ခွန်နိုးက သိရှိခဲ့ပြီး ရဲစခန်း သို့ လာရောက်တိုင်တန်းခဲ့ခြင်း ဖြစ်ကြောင်း ကလေးမြို့မရဲစခန်း မှ သိရသည်။ ရေမြောင်းအတွင်း သေဆုံးနေသည့် ဦးတဲလ်ခွ၌ လည်ပင်းထက်၀က် ခန့်ပြတ်ရှဒဏ်ရာတစ် ချက်၊ မေးရိုးအောက်၌ ထိုးသွင်းဒဏ်ရာတစ်ချက်၊ ညာဘက်ပါး၌ပြတ်ရှဒဏ်ရာတစ်ချက်၊ ဘယ်ဘက်ရင်အုံ၌ ထိုးသွင်းဒဏ်ရာ တစ်ချက်၊ ကျားအင်္ဂါအရင်းမှ ဖြတ်ထားသည့် ဒဏ်ရာတစ်ချက်ရရှိထားကြောင်း စစ်ကိုင်းတိုင်းရဲ တပ်ဖွဲ့ရုံးမှ ရဲအရာရှိတစ်ဦးမှ ဆိုသည်။ ‘‘တရားခံကတော့ ပေါ်တော့ မှာပါ။ သိပ်မကြာတော့ပါဘူး။ ကွင်းဆက်တွေနဲ့ လိုက်နေတယ်။ သံသယရှိတဲ့သူတော့ တွေ့နေ ပြီ။ မသေချာသေးလို့ ထုတ်မ ပြောသေးတာပါ’’ဟု ၎င်းကဆို သည်။ ယင်းအမျိုးသားအလောင်း နှင့်ပတ်သက်၍ ကလေးမြို့မရဲစ ခန်းက ရာဇသတ်ကြီးပုဒ်မ ၃၀၂ ဖြင့် အမှုဖွင့် စုံစမ်းလျက်ရှိကြောင်း စစ်ကိုင်းတိုင်းရဲတပ်ဖွဲ့ရုံးမှ သိရ သည်။
Source : http://ift.tt/2iImczP
via IFTTT
No comments:
Post a Comment