Eleven Broadcasting

ရုရှားကို ထပ်မံ အရေးယူမှုများ ချမှတ်ခဲ့ခြင်းကို လက်တုံ့ပြန်သည့် အနေဖြင့် အမေရိကန် သံတမန်အမှုထမ်း ၇၀၀ ကျော်ကို ရုရှားနှင်ထုတ် (ရုပ်သံ) ရုရှားကို အမေရိကန်က ပိတ်ဆို့ အရေးယူမှုတွေ ထပ်မံ ချမှတ်လိုက်တာကို လက်တုံ့ပြန်တဲ့ အနေနဲ့ ရုရှားသမ္မတ ဗလာဒီမာပူတင်က အမေရိကန် သံတမန် အမှုထမ်း ၇၅၅ ဦးကို နိုင်ငံကနေ ထွက်သွားဖို့ အမိန့်ပေးထားတယ်လို့ သိရပါတယ်။
Source : http://ift.tt/2ucwV7v
via IFTTT

The Voice

YBS ၇ ယာဉ်လိုင်းကို Control Center မှ စတင် ထိန်းချုပ်မည် ရန်ကုန်၊ ဇူလိုင် ၃၁ ရန်ကုန်မြို့တွင်း YBS တံဆိပ်တပ်ယာဉ်လိုင်းများအနက် YBS ၇ ယာဉ်လိုင်းကို ဩဂုတ်လ ၁ ရက်မှစ၍ ရန်ကုန်မြို့ပြ အများပြည်သူ သယ်ယူပို့ဆောင်ရေး ကုမ္ပဏီ YUPT ၏ ထိန်းချုပ်စခန်း Control Center မှ စတင် ထိန်းချုပ်မည် ဖြစ်ကြောင်း အဆိုပါ ကုမ္ပဏီထံမှ သိရသည်။ YUPT ကုမ္ပဏီလက်အောက်တွင် YBS ၃၆၊ ၂၈၊ ၃၊ ၇၊ ၈၊ ၉၊ ၁၀၊ ၁၁၊ ၅၉၊ ၂၉၊ ၇ စသည့် ယာဉ်လိုင်း အပါအဝင် ယာဉ်လိုင်း ၂၀ ကျော် ပြေးဆွဲလျက်ရှိပြီး လက်ရှိ GPS တပ်ဆင်မှု ပြီးစီးနေပြီ ဖြစ်သော YBS ၇ ယာဉ်လိုင်းကို ကနဦး ထိန်းချုပ်ခြင်းဖြစ်ကြောင်း ယနေ့ (ဇူလိုင်လ ၃၁ ရက်) Control Center ဖွင့်ပွဲတွင် အဆိုပါ ကုမ္ပဏီအုပ်ချုပ်မှု ဒါရိုက်တာ ဦးမောင်မောင်လွင်က ပြောကြားသည်။ “၁ ရက်နေ့မှာ Control Center က ထိန်းချုပ်မှုကို စတင် လုပ်ငန်းလည်ပတ်မှာ ဖြစ်တယ်။နောက်ပိုင်းမှာ ယာဉ်လိုင်း ၂၀ ကျော်လုံး ထိန်းချုပ်နိုင်အောင် ဆောင်ရွက်နေတယ်”ဟု ၎င်းက ဆိုသည်။ တိုင်းအစိုးရအဖွဲ့မှ Control Center တည်ဆောက်ထားသော်လည်း မိမိယာဉ်လိုင်းများကို ကိုယ်တိုင် ထိန်းချုပ်ရန် Control Center တည်ဆောက်ရာတွင်လည်း အစိုးရအဖွဲ့နှင့် ပူးပေါင်း ဆောင်ရွက်ခြင်းဖြစ်ကြောင်း ရန်ကုန်မြို့ပြ အများပြည်သူ သယ်ယူပို့ဆောင်ရေး ကုမ္ပဏီ YUPT ထံမှ သိရသည်။ “အစိုးရ ထိန်းချုပ်တာက တစ်ပိုင်းပေါ့။ ယာဉ်တွေကို ကိုယ်တိုင် စည်းကမ်းထိန်းသိမ်းချင်တယ်။ ယာဉ်အားလုံးကို GPS နှစ်ခုတပ်မယ်။ အစိုးရက တစ်ခု၊ ကုမ္ပဏီက တစ်ခု စောင့်ကြည့်ဖို့ပါ”ဟု ဦးမောင်မောင်လွင်က ဆိုသည်။ အဆိုပါ ထိန်းချုပ်စခန်းမှာ ယခင်မထသ (ဗဟို) ရုံးဟောင်းနေရာတွင် တည်ရှိပြီး ၂၀၁၇ ခုနှစ် မေလလယ်က ပြင်ဆင် တည်ဆောက်ခဲ့ခြင်း ဖြစ်သည်။ YUPT ကုမ္ပဏီ၏ ယာဉ်လိုင်း ၂၀ ကျော်ကို နေ့စဉ် ယာဉ်သွားလာမောင်းနှင်မှုများ၊ ကျော်တက်မောင်းနှင်ခြင်း၊ အရှိန်လွန် မောင်းနှင်ခြင်း၊ ဂိတ်စ ဂိတ်ဆုံး မမောင်းခြင်းစသည့် စည်းကမ်းပျက်မှုများကို ထိန်းချုပ်မည် ဖြစ်သည်။ YBS ၇ ယာဉ်လိုင်းတွင် လက်ရှိ ယာဉ်စီးရေ ၁၈၀ စီးရှိပြီး GPS နှစ်ခု တပ်ဆင်ရန် ယာဉ်အနည်းငယ် ကျန်ရှိကြောင်း၊ အစိုးရနှင့် ကုမ္ပဏီ နှစ်ခုပေါင်း စည်းကမ်း ထိန်းချုပ်ခြင်းကြောင့် စည်းကမ်းလိုက်နာသည့် ယာဉ်မောင်းများအတွက် အနှောင့်အယှက် မဖြစ်ကြောင်း အဆိုပါ ယာဉ်လိုင်းမှ ဂိတ်မှူးက ပြောကြားသည်။ “ပိုကောင်းတယ်။ ဘာလို့လည်းဆိုတော့ အရှိန်လွန် မောင်းနေရင် သတိပေးလို့ ရတယ်။ ပြောရရင် အမှားအယွင်း ဖြစ်တော့မယ်ဆို ကြိုသတိပေးနိုင်တဲ့အတွက် ယာဉ်မတော်တဆမှုအတွက် အထိန်းဖြစ်တယ်”ဟု ၎င်းက ဆိုသည်။ YBS ၇ ယာဉ်လိုင်းမှာ တောင်ဒဂုံ၊ ရတနာပုံလမ်း၊ ကျန်စစ်သားလမ်း၊ လှော်ကားလမ်း၊ ဘုန်းကြီးကျောင်းကွေ့၊ ပြည်ထောင်စုလမ်း၊ တောင်မြောက်လမ်းဆုံ၊ စံပြဈေး၊ ဇဝန၊ တာမွေဗလီ၊မင်္ဂလာဈေး၊ သိမ်ဖြူ၊ အနော်ရထာလမ်း၊ မဟာဗန္ဓုလလမ်း၊ ဆူးလေတို့ကို ပြေးဆွဲလျက်ရှိသည်။ တိုင်းအစိုးရအဖွဲ့၏စီမံမှုဖြင့် ရန်ကုန်မြို့အတွင်း မော်တော်ယာဉ်များ အားလုံးကို စည်းကမ်းထိန်းချုပ်ရန် ပြည်သူ့ရင်ပြင်ရှိ ရန်ကုန်မီးပွိုင့် ဗဟိုထိန်းချုပ်ရေးစနစ် Traffic Control Center တည်ဆောက်မှုသည် ဇန်နဝါရီလ ၁၇ ရက်က ပြီးစီးခဲ့သော်လည်း လက်တွေ့တွင် စည်းကမ်း ဖောက်ဖျက်နေသည့်ယာဉ်များကို အရေးယူ ထိန်းချုပ်နေခြင်း မရှိသေးပေ။ Control Center မှ ထိန်းချုပ်ရန် ချိတ်ဆက်ဆောင်ရွက်နေသော ခေတ်မီဆင်ဆာမီးပွိုင့် ၁၅၄ ခုကို တပ်ဆင်ရာတွင်လည်း လက်ရှိ ၁၉ ခုသာ တပ်ဆင်ထားကြောင်း အမှတ် (၁) ယာဉ်ထိန်းရဲတပ်ဖွဲ့မှူးရုံး (နေပြည်တော်) ထံမှ သိရသည်။
Source : https://goo.gl/YPxhVE
via IFTTT

Monywa Gazette

Breaking News မုံရွာဆေးရုံကြီးတွင် သေဆုံးခဲ့သည့် လူနာ H1N1ပိုး မတွေ့ မုံရွာ ဇူလိုင် ၃၁ မုံရွာ ပြည်သူ့ဆေးရုံကြီးတွင် ဇူလိုင်လ၂၉ရက်နေ့က H1N1သံသယဖြင့် သေဆုံးခဲ့သည့် ဒီပဲယင်းမြို့နယ် ကြည်ရွာမှ လူနာသည် H1N1သေဆုံးခဲ့ခြင်း မဟုတ်ဟု လူမှုရေးဝန်ကြီး ဒေါက်တာဇော်ဝင်းက မုံရွာဂေဇက် သို့ပြောသည်။ ''ဒီနေ့ဘဲ အဖြေသိရတာပါ လူနာဟာ အခြားရောဂါနဲ့ သေဆုံးခဲ့ တာပါ" ဟု ၄င်းက ဆက်ပြောသည်။ ဇူလိုင်လ၂၉ရက်နေ့က နေပြည်တော် ဓာတ်ခွဲခန်းသို့ ပေးပို့ စစ်ဆေးချက်အရ ယနေ့ အဖြေသိခဲ့ရခြင်းဖြစ်သည်။ ဒီပဲယင်းမြို့နယ်တွင်လည်း ကျန်းမာရေးဌာနမှ အထူး ကြပ်မက် စောင့်ကြည့် ခဲ့ရသည်။ ဒီပဲယင်းမြို့နယ်တွင် အဆိုပါ တုတ်ကွေးရောဂါမျိုးဖြင့် ဆေးရုံတက် ကုသလူနာ ယနေ့ထိ မရှိကြောင်း ကျန်းမာရေးဌာနမှ သိရသည်။
Source : http://ift.tt/2uQyt9t
via IFTTT

မျက်လုံးထိခိုက်မှု လျော့နည်းအောင် အသစ်ထုတ်လုပ်လိုက်တဲ့ Philips လျှပ်စစ်ပစ္စည်း

မျက်လုံးထိခိုက်မှု လျော့နည်းအောင် အသစ်ထုတ်လုပ်လိုက်တဲ့ Philips လျှပ်စစ်ပစ္စည်း ကမ္ဘာတဝှမ်း လျှပ်စစ်ပစ္စည်းလုပ်ငန်းများ ဦးဆောင်နေတဲ့ Philips Lighting (Euronext Amsterdam ticker : LIGHT) မှ မြန်မာနိုင်ငံအတွင်း စွမ်းအင်ချွေတာပြီး အိမ်တွင်း၊ အိမ်ပြင် သုံးစွဲနိုင်တဲ့ လျှပ်စစ်ကုန်ပစ္စည်းအသစ်များကို ယနေ့၊ ဇူလိုင်လ ၃၁ ရက်နေ့၊ ရန်ကုန်မြို့ Melia ဟိုတယ်မှာ စတင်မိတ်ဆက်လိုက်ပါတယ်။ အသစ် မိတ်ဆက်လိုက်တဲ့ Philips လျှပ်စစ်ကုန်ပစ္စည်းများဟာ သုံးစွဲသူများရဲ့ မျက်လုံးထိခိုက်မှုကို လျော့နည်းအောင် အမြင်အာရုံကို သက်သောင့်သက်သာဖြစ်စေမယ့် နည်းပညာများ ထည့်သွင်းထုတ်လုပ်ထားပြီး စွမ်းအင်ချွေတာမှုကိုလည်း ၈၀ ရာခိုင်နှုန်းအထက် သက်သာစေအောင် ထုတ်လုပ်ထားတယ်လို့ သိရပါတယ်။ “ကျနော်တို့ ထုတ်လုပ်တဲ့ကုန်ပစ္စည်းတွေဟာ မျက်လုံးထိခိုက်မှု လျော့နည်းအောင် နည်းပညာများနဲ့ ထုတ်လုပ်ထားပြီး ဒီနည်းပညာက မြန်မာနိုင်ငံအတွက်တင် မျက်စိနဲ့ ပတ်သက်ပြီး စောင့်ရှောက်ဖို့ လိုအပ်တာ မဟုတ်ပါဘူး။ တကမ္ဘာလုံးအတွက် တကယ်ကို အရေးကြီးပါတယ်။ အခုလို နည်းပညာခေတ်မှာ အားလုံးက နည်းပညာရဲ့ သက်ရောက်မှုကို ခံရပါတယ်။ ဒီလိုမျိုးမဖြစ်အောင် ကျနော်တို့က တီထွင်ထုတ်လုပ်ထားပါတယ်” လို့ Philps Lighting in Singapore, Malaysia & Exports ရဲ့ Managing Director and Cluster Leader ဖြစ်သူ Mr.Alok Ghose က ပြောပါတယ်။ Philips Lighting လျှပ်စစ်ကုန်ပစ္စည်းများ မိတ်ဆက်ပွဲသီဟတိုး/ ဧရာဝတီ ဆက်လက်ပြီး “ကျနော်တို့ ထုတ်လုပ် တီထွင်ထားတဲ့ အလင်းရောင်တွေက ကလေးတွေပဲ ဖြစ်ဖြစ်၊ လူကြီးတွေပဲ ဖြစ်ဖြစ်၊ အိမ်မှာပဲဖြစ်ဖြစ် ကျောင်းသုံး ရုံးသုံး အကုန်လုံး အကျိုးကျေးဇူး ရရှိအောင် အကျိုးပြုပေးအောင် တီထွင် ထုတ်လုပ်ထားပါတယ်။ ကျေးလက်ဒေသတွေမှာလည်း ဒီလို မီး အလင်းရောင်တွေ လိုအပ်ပါတယ်။ ကျေးလက်တွေမှာတင်မကဘဲ လမ်းမီးတွေ၊ စက်ရုံ၊ အလုပ်ရုံ တွေမှာလည်း ဒီအလင်းရောင်ကို အသုံးပြုနိုင်ပြီး မျက်စိ မထိခိုက်တဲ့အတွက် ကောင်းကောင်းမွန်မွန် အလုပ်လုပ်နိုင်မယ်” လို့ Mr.Alok Ghose က ဆိုပါတယ်။ Philips Lighting လျှပ်စစ်ကုန်ပစ္စည်းများ မိတ်ဆက်ပွဲသီဟတိုး/ ဧရာဝတီ မြန်မာနိုင်ငံအတွက် အသစ် မိတ်ဆက်လိုက်တဲ့ ကုန်ပစ္စည်းအသစ်များကို ခင်းကျင်းပြသခဲ့ပြီး ပြသခဲ့တဲ့ လျှပ်စစ်ကုန်ပစ္စည်းတွေကတော့ Philips Essential LED Spot Lamp, Philips Ecofit LED Tube, Philips Snow White TLD နဲ့ Philips Downlights အမျိုးအစားများမှ တချို့ကို ပြသခဲ့တာ ဖြစ်ပါတယ်။ Philips Lighting လျှပ်စစ်ကုန်ပစ္စည်းများ မိတ်ဆက်ပွဲသီဟတိုး/ ဧရာဝတီ Philips လျှပ်စစ်ကုမ္ပဏီဟာ ၁၈၉၁ ခုနှစ်ကတည်းက စတင် တည်ထောင်ခဲ့တာဖြစ်ပြီး ကုမ္ပဏီ သက်တမ်း ၁၂၅ နှစ် ကျော်ပြီဖြစ်ပါတယ်။ ကမ္ဘာတဝှမ်း လျှပ်စစ်ပစ္စည်းထုတ်ကုန်၊ လျှပ်စစ်စနစ်နဲ့ လျှပ်စစ်လုပ်ငန်းကို ဦးဆောင်နေပြီး အင်တာနက် ချိတ်ဆက်ထားတဲ့ အိမ်သုံးလျှပ်စစ်ပစ္စည်းများ နေအိမ်၊ အဆောက်အဦးများနဲ့ မြို့ပြနေရာများမှာ ဝန်ဆောင်မှုပေးလျက်ရှိတယ်လို့ သိရပါတယ်။ The post မျက်လုံးထိခိုက်မှု လျော့နည်းအောင် အသစ်ထုတ်လုပ်လိုက်တဲ့ Philips လျှပ်စစ်ပစ္စည်း appeared first on ဧရာဝတီ.
Source : http://ift.tt/2tRj5Z0
via IFTTT

အမေရိကန်ရဲ့ ဒဏ်ခတ်မှု သံဝန်ထမ်းနှင်ထုတ်ခြင်းဖြင့် ရုရှားတုံ့ပြန်

အမေရိကန်ရဲ့ ဒဏ်ခတ်မှု သံဝန်ထမ်းနှင်ထုတ်ခြင်းဖြင့် ရုရှားတုံ့ပြန် အမေရိကန်ရဲ့ အသစ်ချမှတ်တဲ့ ဒဏ်ခတ်ပိတ်ဆို့ အရေးယူမှုနဲ့ ပတ်သက်ပြီး လက်တုံ့ပြန်တဲ့အနေနဲ့ အမေရိကန် သံဝန်ထမ်း ၇၅၅ ဦးကို ရုရှားကနေ ထွက်ခွာဖို့ သမ္မတ ဗလာဒီမာပူတင်က မနေ့က ပြောလိုက်ပါတယ်။ Rossiya 1 ရုပ်မြင်သံကြားဌာနရဲ့တွေ့ဆုံ မေးမြန်းခန်းမှာ သမ္မတ ပူတင်က ထိုသို့ပြောကြားလိုက်ခြင်း ဖြစ်ပါတယ်။ သမ္မတပူတင်က “ အရေးကြီးတဲ့ အချက်ကို ပြောရရင် အမေရိကန်နဲ့ ရုရှားဆက်ဆံရေးကို ထိခိုက် တာကလွဲလို့ ဘာမှဖြစ်မလာနိုင်တဲ့ လုပ်ရပ်တခုကို အမေရိကန်ဘက်က လုပ်လိုက်တယ်၊ အဲဒီလုပ်ရပ် မှာ ဥပဒေနဲ့ မညီတဲ့ ကန့်သတ်မှုတွေ၊ ကျနော်တို့ရဲ့ မဟာမိတ်တွေ၊ ကျနော်တို့နဲ့ ဆက်ဆံရေး တိုး တက်ချင်တဲ့ နိုင်ငံတွေကို သြဇာလွှမ်းမိုးဖို့ ကြိုးစားလာတာကို တွေ့ရတယ်” လို့ ပြောကြားလိုက်ပါ တယ်။ အမေရိကန်ရွေးကောက်ပွဲမှာ ရုရှားက အနိုင်ရအောင် နှောက်ယှက်မှုတွေ ပေးခဲ့တယ်လို့ဆိုကာ အမေရိကန် ကွန်ကရက်လွှတ်တော်က ရုရှား အပါအဝင် အီရန်၊ မြောက်ကိုရီးယား စတဲ့နိုင်ငံတွေကို ပိတ်ဆို့အရေးယူမှု အသစ်တွေချမှတ်ဖို့ ဆုံးဖြတ်ခဲ့တာဖြစ်ပါတယ်။ အမေရိကန်သံဝန်ထမ် ၁ထောင်ကျော်ဟာ ရုရှားမှာ လက်ရှိအလုပ်လုပ်ကိုင်လျှက်ရှိပြီး၊ ဝန်ထမ်း ၇၇၅ ဦးကို စက်တင်ဘာ ၁ရက်နေ့ နောက်ဆုံးထားပြီး ထွက်ခွာဖို့ ပြောဆိုလိုက်တာဖြစ်ပါတယ်။ အဲဒီလို လျော့ချလိုက်တဲ့အတွက် ရုရှား နဲ့ အမေရိကန်အကြား အလုပ်လုပ်ကိုင်နေတဲ သံဝန်ထမ်း အရေအတွက် ၄၄၅ဦးစီ ညီမျှသွားမယ်လို့ သိရပါတယ်။ သမ္မတပူတင်က “ အကောင်းဘက်ကို ပြောင်းလာမလားလို့ ကျနော်တို့ စောင့်နေပေမယ့် အခြေအနေ ကတော့ မဝေးတဲ့ အနာဂတ်အထိ ပြောင်းမယ်ပုံမပေါ်ဘူး၊ ဒီအချိန်မှာတော့ ကျနော်တို့ဘက်က မတုံ့ပြန်လို့မရဘူး၊ အချိန်ရောက်ပြီလို့ ကျနော်ဆုံးဖြတ်လိုက်တာ”လို့ ဆက်ပြောပါတယ်။ The post အမေရိကန်ရဲ့ ဒဏ်ခတ်မှု သံဝန်ထမ်းနှင်ထုတ်ခြင်းဖြင့် ရုရှားတုံ့ပြန် appeared first on ဧရာဝတီ.
Source : http://ift.tt/2vf9mPP
via IFTTT

H1N1 လူနာ ၂ ဦး ထပ်မံသေဆုံး၊ စုစုပေါင်း သေဆုံးသူ ၁၂ ဦးရှိလာ

H1N1 လူနာ ၂ ဦး ထပ်မံသေဆုံး၊ စုစုပေါင်း သေဆုံးသူ ၁၂ ဦးရှိလာ Seasonal Influenza A (H1N1) pdm 09 Positive ကြောင့် ယနေ့ ဇူလိုင် ၃၁ ရက်တွင် လူနာ ၂ ဦး ထပ်မံ သေဆုံးသွားကြောင်း ပြည်သူ့ကျန်းမာရေး ဦးစီးဌာန ဒုတိယ ညွှန်ကြားရေးမှူးချုပ် ဒေါက်တာ သန်းထွန်းအောင် က ဧရာဝတီသို့ အတည်ပြု ပြောကြားသည် သေဆုံးသူ ၂ ဦးမှာ မြောက်ဥက္ကလာ ဝေဘာဂီ ဆေးရုံတွင် တက်ရောက်ကုသနေသည့် ဧရာဝတီတိုင်းမှ အသက် ၄၇ နှစ်အရွယ် အမျိုးသမီးနှင့် ရန်ကင်း ကလေးဆေးရုံမှ အသက် ၂ နှစ် ၇ လ အရွယ် ယောင်္ကျားလေး တဦး ဖြစ်သည်။ H1N1 ကြောင့် သေဆုံးသူ ဦးရေမှာ ယနေ့ ဇူလိုင် ၃၁ ရက်နေ့ အထိ ရန်ကုန်တိုင်းဒေသကြီးတွင် ၆ ဦး၊ ပဲခူးတိုင်းဒေသကြီးတွင် ၂ ဦး၊ ဧရာဝတီတိုင်းဒေသကြီးတွင် ၃ ဦးနှင့် မွန်ပြည်နယ်တွင် ၁ ဦး ရှိပြီဖြစ်ရာ စုစုပေါင်း ၁၂ ဦးရှိပြီဖြစ်ကြောင်း ပြည်သူ့ကျန်းမာရေး ဦးစီးဌာနမှ သိရသည်။ ဇူလိုင်လ ၂၁ ရက်နေ့မှ ဇူလိုင်လ ၃၁ ရက်နေ့အထိ တနိုင်ငံလုံး အတိုင်းအတာဖြင့် ရာသီတုပ်ကွေးရောဂါ Seasonal Influenza A(H1N1) သံသယရှိသည့် လူနာ ၂၁၃ ဦး ၊ ရာသီတုပ်ကွေး Seasonal Influenza A(H1N1) pdm 09 Positive လူနာ စုစုပေါင်း ၆၂ ဦး နှင့် သေဆုံးသူ ၁၂ ဦးအထိ ရှိပြီဖြစ်သည်။ The post H1N1 လူနာ ၂ ဦး ထပ်မံသေဆုံး၊ စုစုပေါင်း သေဆုံးသူ ၁၂ ဦးရှိလာ appeared first on ဧရာဝတီ.
Source : http://ift.tt/2vl8Oc0
via IFTTT

Frontier Myanmar - Burmese

Myanmar Now က ကိုဆွေဝင်း အာမခံရရှိ၊ ဩဂုတ် ၃ ရက်နေ့တွင် စတင်ရုံးထုတ်ဖွယ်ရှိ စုံစမ်းထောက်လှမ်း ရေးသားတဲ့ သတင်းတွေကြောင့် လူသိများတဲ့ ကိုဆွေဝင်းဟာ “မဘသအဖွဲ့ကြီး၏ ဦးဆောင် ဆရာတော်တစ်ပါး ဖြစ်သူ ဦးဝီရသူကို အခြေအမြစ် မရှိသည့် စွပ်စွဲချက်များဖြင့် လူမှုကွန်ရက်တွင် ဝေဖန်ရေးသားခဲ့သည်” ဆိုတဲ့ စွပ်စွဲချက်နဲ့ မတ်လ ပထမပတ် ကတည်းက မန္တလေးမှာ အမှုဖွင့်ခံထားရတာ ဖြစ်ပါတယ်။ ထွန်းခိုင် ရေးသားသည်။ UPDATED on 3:04 PM. July 31 ရန်ကုန်အပြည်ပြည်ဆိုင်ရာလေဆိပ်မှာ ဇူလိုင် ၃၀ ရက်နေ့ ညနေပိုင်းက ထိန်းသိမ်းလိုက်တဲ့ Myanmar Now သတင်းဌာနက အယ်ဒီတာချုပ် ကိုဆွေဝင်းကို ရဲတပ်ဖွဲ့က ယနေ့ (ဇူလိုင် ၃၁ ရက်နေ့) နံနက်ပိုင်းမှာ မန္တလေးကို ခေါ်ဆောင် သွားပြီဖြစ်ပြီး လာမယ့် ဩဂုတ် ၃ ရက်နေ့မှာ ရုံးထုတ်ဖွယ်ရှိတယ်လို့ ကိုဆွေဝင်းရဲ့ ဥပဒေအကြံပေးဖြစ်သူက ပြောပါတယ်။ စုံစမ်းထောက်လှမ်းရေးသားတဲ့ သတင်းတွေကြောင့် လူသိများတဲ့ ကိုဆွေဝင်းဟာ “မဘသအဖွဲ့ကြီး၏ ဦးဆောင် ဆရာတော်တစ်ပါးဖြစ်သူ ဦးဝီရသူကို အခြေအမြစ်မရှိသည့် စွပ်စွဲချက်များဖြင့် လူမှုကွန်ရက်တွင် ဝေဖန်ရေးသားခဲ့သည်” ဆိုတဲ့ စွပ်စွဲချက်နဲ့ မတ်လ ပထမပတ်ကတည်းက မန္တလေးမှာ အမှုဖွင့်ခံထားရတာဖြစ်ပါတယ်။ “အရင်တုန်းက စစ်ဆေးဆဲအဆင့်မှာပဲ ရပ်ထားတာပေါ့။ ဥပဒေအကြံဉာဏ် တောင်းတယ်။ ဥပဒေအကြံပေးက တရားစွဲဖို့အကြံဉာဏ်ပေးလို့ (တရား)စွဲတင်တယ်လို့ ပြောပါတယ်။” ကိုဆွေဝင်းရဲ့ ဥပဒေအကြံပေး ဦးခင်မောင်မြင့်က ပြောပါတယ်။ ရန်ကုန်လေဆိပ်မှာ အဖမ်းခံရပြီးတဲ့နောက်မှာ ကိုဆွေဝင်းကို မင်္ဂလာဒုံရဲစခန်းမှာ ထိန်းသိမ်းထားခဲ့ပြီး ယနေ့နံနက် ၇ နာရီခွဲမှာ မင်္ဂလာဒုံတရားရုံးကို ချုပ်ရမန်ယူဖို့ ဆက်လက်ပို့ဆောင်ခဲ့တယ်လို့ ဦးခင်မောင်မြင့်က ဆက်လက် ပြောကြားပါတယ်။ အဲဒီကတဆင့် မော်တော်ကားနဲ့တစ်နာရီခန့်သွားရတဲ့ ထောက်ကြံ့ရဲစခန်းကို ခေါ်ဆောင်သွားပြီး မန္တလေးက ရဲတွေထံ ဆက်လက် လွှဲပြောင်းခဲ့တယ်လို့ ဦးခင်မောင်မြင့်က ပြောပါတယ်။ ပြီးခဲ့တဲ့လတွေအတွင်း သတင်းသမားတွေ ဖမ်းဆီးတရားစွဲခံခဲ့ရတဲ့ ဖြစ်စဉ်တွေအနက် ကိုဆွေဝင်းဖမ်းဆီးခံရမှုက နောက်ဆုံးဖြစ်စဉ်လည်း ဖြစ်ပါတယ်။ The Voice အယ်ဒီတာချုပ် ကိုကျော်မင်းဆွေဟာ ပုဒ်မ ၆၆ (ဃ) နဲ့ ဖမ်းဆီးခံထားရပြီး တရားရင်ဆိုင်နေရသလို ဧရာဝတီနဲ့ ဒီဗီဘီက သတင်းထောက် သုံးဦးဟာလည်း မတရားအသင်းဆက်သွယ်မှုနဲ့ အချုပ်ထဲကနေ တရားရင်ဆိုင်နေရပါတယ်။ ယနေ့ညနေပိုင်းမှာ ထပ်မံရရှိတဲ့ သတင်းတွေအရ ကိုဆွေဝင်းကို မန္တလေးမြို့၊ မဟာအောင်မြေတရားရုံးက အာမခံပေးလိုက်တယ်လို့ သိရပါတယ်။ မဟာအောင်မြေတရားရုံးမှာ ယနေ့မွန်းလွဲပိုင်းက ချုပ်ရက်ရမန်ယူချိန်မှာ ကိုဆွေဝင်းက အာမခံလျှောက်ထားခဲ့မှုကို တရားရုံးက ခွင့်ပြုခဲ့တာဖြစ်တယ်လို့ ဆိုပါတယ်။ ဒါကြောင့် ကိုဆွေဝင်းဟာ သူ့အပေါ်စွဲဆိုထားတဲ့ အမှုကို အချုပ်လွတ် ထုချေခွင့်ရရှိမှာ ဖြစ်ပါတယ်။ ကိုဆွေဝင်း ဘာကြောင့်အဖမ်းခံရတာလဲ မူဆလင်မုန်းတီးရေးတရားတွေ၊ အကဲဆတ်တဲ့ နိုင်ငံရေးသုံးသပ်ချက်တွေ မကြားခဏထုတ်ဖော်ဟောကြားတဲ့ ဦးဝီရသူကို အခြေအမြစ်မရှိတဲ့ စွပ်စွဲချက်တွေနဲ့ လူမှုကွန်ရက်ကနေ ဝေဖန်ရေးသားခဲ့တယ်ဆိုသည့် စွပ်စွဲချက်နဲ့ ကိုဆွေဝင်းကို အမျိုးဘာသာ၊ သာသနာ စောင့်ရှောက်ရေးအဖွဲ့၊ အထက်မြန်မာပြည် (မန်း၊ မဘသ) အဖွဲ့ဝင်တစ်ဦးက မန္တလေးမြို့ မှာ မတ် ၇ ရက်နေ့ညက အမှုဖွင့်တိုင်ကြားခဲ့တာ ဖြစ်ပါတယ်။ Ba Kaung အမည်ဖြင့် Facebook သုံးစွဲသူ Myanmar Now သတင်းထောက်ချုပ် ကိုဆွေဝင်းကို အမျိုးဘာသာ၊ သာသနာ စောင့်ရှောက်ရေးအဖွဲ့အား ဦးဆောင်သူတစ်ဦးဖြစ်သူ ဦးဝီရသူ၏ တပည့်အရင်းဟုဆိုသူ ဦးကျော်မျိုးရွှေက လာရောက်တိုင်ကြားသောကြောင့် ဆက်သွယ်ရေးဥပဒေ ပုဒ်မ ၆၆(ဃ) ဖြင့် အရေးယူရန် ပြင်ဆင်နေတယ်လို့ မန္တလေးမြို့၊ မဟာအောင်မြေမြို့နယ်၊ အမှတ်(၇)နယ်မြေရဲ စခန်းက တာဝန်ကျရဲအရာရှိက မတ်လအတွင်းမှာ Frontier ကို ပြောကြားခဲ့ပါတယ်။ “အခြေခံဥပဒေ ပြင်လိုသူတွေကို မဘသ သတိပေး”ဆိုတဲ့ Myanmar Now က ရေးသားထားသော သတင်းကို Ba Kaung အမည်နဲ့ Facebook သုံးစွဲသူ Myanmar Now သတင်းထောက်ချုပ် ကိုဆွေဝင်းက လူမှုကွန်ယက်မှာ မျှဝေခဲ့ခြင်းနှင့် ပတ်သက်ပြီး အရေးယူပေးဖို့ တိုင်ကြားချက်မှာ ပါဝင်တယ်လို့ အဲဒီရဲအရာရှိက ဆိုပါတယ်။ "ဒီပွဲမှာတော့ အနာဂတ် မြန်မာ့သာသနာအတွက် စိုးရိမ်မှုတွေ ကင်းပျောက်သွားလို့ စိတ်သက်သာရာတော့ ရလိုက်တယ်၊ ကြည်လင်းကို ကျေးဇူးတင်တယ်၊ အောင်ဝင်းဇော်ကို ကျေးဇူးတင်တယ်၊ အောင်ဝင်းခိုင်ကို ကျေးဇူးတင်တယ်၊ ဇေယျာဖြိုးကို ကျေးဇူးတင်တယ်" လို့ ဦးဝီရသူက ဖေဖော်ဝါရီ ၂၆ ရက်နေ့တွင် Facebook ပေါ်မှာ ရေးသားချက်ကို ပြန်လည်ကိုးကား ရေးသားခဲ့တဲ့ အဆိုပါသတင်းကို ကိုဆွေဝင်းက “ဝီရသူ ပါရာဇိကကျပြီး ရဟန်းဘဝ နိဌိတံသွားပြီဖြစ်ကြောင်း သိရပါတယ်။ ပါရာဇိက အခုမှကျတာတော့ မဟုတ်လောက်ဘူး”ဟု ထပ်ဆင့်ရေးသား မျှဝေခဲ့တာကို တရားစွဲဆိုသူများက ထည့်သွင်းတိုင်ကြားခဲ့တာလို့ရဲကဆိုပါတယ်။ ကြည်လင်း၊ အောင်ဝင်းဇော်၊ အောင်ဝင်းခိုင်နဲ့ ဇေယျာဖြိုးတို့ဟာ ပြီးခဲ့သည့် ဇန်နဝါရီလနှောင်းပိုင်းက ရန်ကုန်လေဆိပ်မှာ လုပ်ကြံသတ်ဖြတ်ခံခဲ့ရတဲ့ ရှေ့နေဦးကိုနီကိုသတ်ဖြတ်မှုနဲ့ သံသယရှိခံထားရသူတွေဖြစ်ပါတယ်။ ဒီတိုင်ကြားမှုတွေမလုပ်ခင် ဦးဝီရသူဘက်က သူ့ကိုလာတောင်းပန်ဖို့ ကိုဆွေဝင်းကို ကမ်းလှမ်းခဲ့ပေမယ့် ကိုဆွေဝင်းဘက်က ပယ်ချခဲ့ဖူးပြီး “လူသတ်ဝါဒကို အားပေးသည့် ဦးဝီရသူကို တောင်းပန်ရန် အကြောင်းအရင်းမရှိ” လို့လည်း မတ် ၈ ရက်နေ့က ရန်ကုန်မြို့လယ်က Myanmar Now ရုံးခန်းမှာ ပြုလုပ်တဲ့ သတင်းစာရှင်းလင်းပွဲမှာ ကိုဆွေဝင်းက တုန့်ပြန်ဖူးပါတယ်။ “(ဦးဝီရသူဟာ) တစ်ကြိမ်တစ်ခါတည်းဘဲ အမုန်းတရားတွေ ပြောနေတာမဟုတ်ဘူး။ အမြဲတမ်းပဲ တောက်လျှောက် တစ်နိုင်ငံလုံးကိုပတ်ပြီး မီးမွေးနေတဲ့ပုဂ္ဂိုလ်၊ ဒါတွေဟာ အားလုံးအသိဘဲ” လို့ အဲဒီသတင်း စာရှင်းလင်းပွဲမှာတုန်းက သူက ပြောခဲ့ဖူးပါတယ်။ အဲဒီတုန်းက အမုန်းတရားများနဲ့ သွေးထိုးလှုံ့ဆော်မှုတွေကို အရေးယူဖို့ ပျက်ကွက်နေပြီး သွေးထိုးလှုံဆော်သူတွေအကြောင်းကို ဖော်ထုတ်နေသူတွေကို ဖမ်းဆီးဖို့ ပြင်ဆင်နေတဲ့ အစိုးရရဲ့ လုပ်ရပ်ကိုလည်း ကိုဆွေဝင်းက ဝေဖန်ခဲ့ပါသေးတယ်။ “ဒီတိုင်းပြည်မှာ တရားဥပဒေစိုးမိုးရေးဆိုတာ ဟာသအဆင့်ဘဲ ရှိသေးတယ်”လို့ ကိုဆွေဝင်းကပြောကြားခဲ့တာဖြစ်ပါတယ်။ ဒီလိုပြောကြားခဲ့ပြီး နောက်လေးလအကြာမှာတော့ သူကိုယ်တိုင်လည်း အဖမ်းခံလိုက်ရပါတယ်။ ကိုဆွေဝင်းဆိုတာ ဘယ်သူလဲ အင်္ဂလိပ် မြန်မာ ဘာသာစကားနှစ်မျိုးနဲ့ ဖြန့်ချိတဲ့ Myanmar Now အွန်လိုင်းသတင်းဌာနမှာ ကိုဆွေဝင်းဟာ အယ်ဒီတာချုပ်နဲ့ သတင်းထောက်ချုပ်အဖြစ် တာဝန်ယူထားသူဖြစ်ပါတယ်။ ပြီးခဲ့တဲ့ ၁၀ နှစ်လောက်ကတည်းက မြန်မာသတင်းမီဒီယာလောကထဲ ဝင်ရောက်ခဲ့တဲ့ ကိုဆွေဝင်းဟာ ပြီးခဲ့တဲ့နှစ် အတွင်းက ရန်ကုန်တိုင်းဒေသကြီး၊ ကျောက်တံတားမြို့နယ်၊ လမ်း ၄၀၊ အထက်ဘလောက်က အင်းဝအပ်ချုပ်ဆိုင်မှာ အိမ်အကူအမျိုးသမီးငယ်တွေ နှိပ်စက်ညဉ်းပန်းခံရတဲ့အကြောင်း စုံစမ်ထောက်လှမ်းရေးသားရေးသားအပြီးမှာ လူသိများလာခဲ့သူပါတယ်။ သူ့ရဲ့ ဖော်ထောက်ရေးသားမှုကြောင့် လူမသိ၊ သူမသိနှိပ်စက်ညှဉ်းပန်းခံနေရတဲ့ အိမ်အကူတွေကို ကယ်တင်ဖို့ အသိစိတ်တွေ လူထုအကြား နိုးကြားလာခဲ့ပါတယ်။ ဒါ့အပြင် ရဲဘက်စခန်းတွေမှာ အကျဉ်းသားတွေကို ညှန်းပန်း နှိပ်စက်နေမှု၊ အမျိုးသားဒီမိုကရေစီအဖွဲ့ချုပ်ရဲ့ ဥပဒေပညာရှင် ဦးကိုနီ လုပ်ကြံခံရမှုနောက်ကွယ်က သံသယရှိသူတွေအကြောင်း တောက်လျှောက် ဖော်ထုတ်ရေးသားမှုတွေကြောင့် ကိုဆွေဝင်းနဲ့ သူ့သတင်းဌာနဖြစ်တဲ့ Myanmar Now ဟာ ပိုမိုလူသိများလာခဲ့ပါတယ်။ ကိုဆွေဝင်းရဲ့ကြိုးပမ်းအားထုတ်မှုတွေကို ဂုဏ်ပြုတဲ့အနေနဲ့ ပြီးခဲ့တဲ့နှစ်စက်တင်ဘာလတုန်းက နိုင်ငံတော်သမ္မတက သူ့ရဲ့ ဂုဏ်ပြုချီးမြှင့်လွှာကို ပြန်ကြားရေးဝန်ကြီးကတဆင့် ပေးအပ်ခဲ့ပါသေးတယ်။
Source : http://ift.tt/2vaExMD
via IFTTT

၂၀၁၈ တွင် JICA က မြန်မာ SMEs လုပ်ငန်းများသို့ ချေးငွေ သုံးဆတိုးပေးရန် ဆွေးနွေး

၂၀၁၈ တွင် JICA က မြန်မာ SMEs လုပ်ငန်းများသို့ ချေးငွေ သုံးဆတိုးပေးရန် ဆွေးနွေး ၂၀၁၈ ခုနှစ်တွင် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ(JICA) က မြန်မာ SMEs လုပ်ငန်းများသို့ ချေးငွေ ၃ဆတိုးပေးရန် စက်မှုကြီးကြပ်ရေးနှင့် စစ်ဆေးရေး ဦးစီးဌာန အသေးစားနှင့် အလတ်စားလုပ်ငန်းများ (SME) ဖွံ့ဖြိုးရေးဌာနနှင့် ဆွေးနွေးနေကြောင်း ယင်းဌာနမှ သိရသည်။ ပြည်တွင်း အသေးစား SME လုပ်ငန်းများနှင့် ပတ်သက်ပြီး ပို့ကုန်ထုတ်လုပ်နိုင်သော လုပ်ငန်းများနှင့် စီးပွားရေး လုပ်ငန်း များ တိုးတက်ရန် အလားအလာရှိသည့် လုပ်ငန်းများအတွက် ချေးငွေများရရှိရန် အားပေး လုပ်ဆောင်သွားမည်ဟု တာဝန် သူများက ပြောကြားထားကြောင်း SME ဖွံ့ဖြိုးရေးဌာန ညွှန်ကြားရေးမှူးချုပ် ဒေါ်အေးအေးဝင်းက ဇူလိုင်လ ၂၈ ရက်နေ့က UMFCCI တွင် သတင်းထောက်များအား ပြောကြားခဲ့သည်။ “JICA က ကျပ် ၅၀ ဘီလီယံ ပေးထားတယ်။ ၂၀၁၈ မှာတော့ ကျပ်၁၅၀ ဘီလီယံပေးဖို့ ဆွေးနွေးနေပါတယ်။ ဒီအချိန်မှာ ချေးငွေလိုချင်တဲ့သူက အရမ်းများတယ်။ တဦးတည်းကို ကျပ်သိန်း ၅၀၀၀ လောက်ပေးတာထက် SME လုပ်ငန်းတွေ ကျပ်သိန်း ၁၀၀၀ လောက်နဲ့ ရရင်ကိုအဆင်ပြေနိုင်မယ့် လုပ်ငန်းတွေ ရှိတယ်။တချို့ဆို လုံး၀ Product မထုတ်နိုင်ဘူး။ အရင်းအနှီး လုံးဝမရှိဘူး။ ကျပ်သိန်း ၈၀နဲ့ ၁၀၀ လောက် ပေးရင်ကို မားကက်ထဲကို သူ့ Product တွေ ဝင်လာတယ်။ ကျပ်သိန်း ၁၀၀၀ လောက် ပေးလိုက်ရင် ပိုကောင်းမယ်လို့ ပြောတာရှိပါတယ်” ဟု ၎င်းက ဆိုသည်။ SME လုပ်ငန်းများ၏ ၂၀၁၆ ခုနှစ် GDP (ပြည်တွင်း အသားတင် ကုန်ထုတ်လုပ်မှု) ကိုကြည့်လျှင် လယ်ယာကဏ္ဍတွင် ၂၆ ဒသမ ၃ ရာခိုင်နှုန်း၊ စက်မှုကဏ္ဍ၂၇ ဒသမ ၅ ရာခိုင်နှုန်းနှင့် ဝန်ဆောင်မှုကဏ္ဍက ၄၆ ဒသမ ၂ ရာခိုင်နှုန်း အများဆုံး တွေ့ရှိရသောကြောင့် GDP ၄၀ ရာခိုင်နှုန်းအထက် ရှိမှသာလျှင် စက်မှုနိုင်ငံဖြစ်မည်ဖြစ်၍ လိုအပ်ချက်များ ရှိနေကြောင်း ကုန်သည်စက်မှု အသင်းချုပ် ဥက္ကဋ္ဌ ဦးဇော်မင်းဝင်းက ပြောသည်။ ၂၀၁၇ ခုနှစ် စာရင်းဇယားများအရ အလုပ်အကိုင် ခန့်ထားမှု ၂၁ ဒသမ ၉ သန်းတွင် ၈၃ ရာခိုင်နှုန်းသည် မှတ်ပုံတင်ခြင်း မရှိသေးသော SME လုပ်ငန်းများ လုပ်ကိုင်ကြသူများ ဖြစ်သောကြောင့် အများစုမှာ ဥပဒေ၏ စောင့်ရှောက် ပံ့ပိုးကူညီမှုကို မရရှိကြောင်း၊ သို့ဖြစ်၍ ယင်းတို့ကို တရားဝင်ဖြစ်စေရန် လုပ်ဆောင်သွားမည်ဖြစ်ပြီး SME လုပ်ငန်း ဖွံ့ဖြိုး တိုးတက်လာ သည်နှင့် အမျှ နိုင်ငံ၏ လူမှုစီးပွားရေးမှာလည်း တိုးတက်လာမည် ဖြစ်ကြောင်း ၎င်းက ပြောသည်။ GDP ၄၀ ရာခိုင်နှုန်းရရှိစေရန် ငွေကြေးနှင့် နည်းပညာ ပံ့ပိုးမှုများ လိုအပ်နေပြီး မိမိထုတ်လုပ်မည့် စက်မှုလုပ်ငန်းများတွင် အခြေခံကုန်ကြမ်းများ ပြည်တွင်း၌ ရရှိနိုင်ရန်လည်း လိုအပ်ချက်များ ရှိနေကြောင်း SME လုပ်ငန်းရှင်များထံမှ သိရသည်။ စက်မှုကြီးကြပ်ရေးနှင့် စစ်ဆေးရေးဦးစီးဌာန SME ဖွံ့ဖြိုးရေးဌာနသို့ လက်ရှိအထိ မှတ်တင်ထားသော SME လုပ်ငန်း စုစုပေါင်းမှာ ၆ သောင်း ၃ ရာကျော်ရှိပြီး SME စက်မှုလုပ်ငန်းများမှာ လစဉ် လုပ်ငန်း ၃၀၀ ခန့် မှတ်ပုံတင်မှု တိုးတက် နေကြောင်း ယင်းဌာနမှ သိရသည်။ မွန်ပြည်နယ် ရော်ဘာစိုက်ပျိုး ထုတ်လုပ်သူများအသင်း ဗဟိုအလုပ်အမှုဆောင် ဦးသက်ဦးက“အထောက်အထား မပြည့်စုံ တဲ့ အပိုင်းတွေကြောင့် ဘဏ်တွေအနေနဲ့ချေးပေးဖို့ရာ အခုထိတော့ အဆင်သင့် မဖြစ်သေးဘူး။ အထောက်အထား တွေ ကလည်း များတယ်။ အဲဒါကြောင့် SME လုပ်ငန်းတွေ ချေးငွေအမှန်တကယ် ရနိုင်ဖို့ ဘဏ်တွေရဲ့ လုပ်ငန်းရှင်တွေ အပေါ် သတ်မှတ်ချက်တွေကို ပြန်ပြီးဖြေလျှော့ပေးဖို့လိုပါတယ်။ အခုက ကျနော်တို့ဆီကို ချေးငွေ ရောက်တာနည်းတယ်” ဟု ပြောသည်။ လက်ရှိတွင် JICA မှ ချေးပေးထားသည့် ကျပ်ငွေ ၅၀ ဘီလီယံကို ပြည်တွင်း SME လုပ်ငန်းများသို့ အပေါင်ပစ္စည်းမဲ့ ချေးယူ လျှင် အတိုးနူန်း ၁၃ ရာခိုင်နှုန်းနှင့် အပေါင်ပစ္စည်းပေး ချေးယူပါက အတိုးနှုန်း ၈ ဒသမ ၅ ရာခိုင်နှုန်းဖြင့် ထုတ်ချေး ပေးလျက် ရှိသည်။ ပထမဆုံးအကြိမ်အဖြစ် ချေးငွေ ၅ ဘီလီယံကို SME လုပ်ငန်းရှင် ၁၁ ဦးသို့လည်းကောင်း၊ ဒုတိယအကြိမ် ချေးငွေ ၃၀ ဘီလီယံကို လုပ်ငန်းရှင် ၁၇၉ ဦးသို့ လည်းကောင်း ပြည်တွင်းရှိ အသေးစားနှင့် အလတ်စား စက်မှုလုပ်ငန်းများ ဖွံ့ဖြိုးရေး ဘဏ် (SMIDB)၊ မြန်မာ့ရှေ့ဆောင်ဘဏ်၊ မြန်မာနိုင်ငံသားများဘဏ်၊ ကမ္ဘောဇဘဏ်၊ စီဘီဘဏ်၊ ဧရာဝတီဘဏ် စသည့် ပြည်တွင်းဘဏ် ၆ ခုက တဆင့်ခံ ငွေချေးပေးနေခြင်းဖြစ်ကြောင်း သိရသည်။ လက်ရှိ ချေးပေးရန် ကျန်ရှိသည့် ကျပ် ၁၅ ဘီလီယံကို ယခု ၂၀၁၇-၂၀၁၈ ဘဏ္ဍာနှစ်တွင်လည်း ထပ်မံ ထုတ်ချေး ပေးနိုင် ရန် ပြီးခဲ့သည့် ၂၀၁၆-၂၀၁၇ ဘဏ္ဍာနှစ်အတွင်း ထုတ်ချေးထားသည့် ဘဏ် ၆ ခု၏ ချေးငွေ ထုတ်ချေးပေးနေသည့် အခြေ အနေများ၊ မူဝါဒလုပ်ဆောင်ချက်များနှင့် SME လုပ်ငန်းရှင်များအပေါ် အကျိုးသက်ရောက်မှု ရှိ၊ မရှိကို JICA က ပြန်လည် သုံးသပ် စိစစ်နေကြောင်း သိရသည်။ The post ၂၀၁၈ တွင် JICA က မြန်မာ SMEs လုပ်ငန်းများသို့ ချေးငွေ သုံးဆတိုးပေးရန် ဆွေးနွေး appeared first on ဧရာဝတီ.
Source : http://ift.tt/2tWs3bu
via IFTTT

တရုတ်-မြန်မာ နယ်စပ်တွင် တရုတ်စစ်တပ်များ လုံခြုံရေးချထား

တရုတ်-မြန်မာ နယ်စပ်တွင် တရုတ်စစ်တပ်များ လုံခြုံရေးချထား တရုတ်-မြန်မာ နှစ်နိုင်ငံနယ်စပ်တလျှောက်တွင် တရုတ်စစ်တပ်များ လုံခြုံရေး ချထားခြင်းသည် မြန်မာနိုင်ငံဘက်တွင် တပ်မတော်နှင့် တိုင်းရင်းသား လက်နက်ကိုင်အဖွဲ့များ အကြား တိုက်ပွဲဖြစ်ပွားမည်ကို စိုးရိမ်၍ ဖြစ်နိုင်ကြောင်း သုံးသပ်မှုများ ရှိနေသည်။ နှစ်နိုင်ငံ နယ်စပ်ဖြစ်သည့် မုန်းကိုး၊ ကြူကုတ် (ပန်ဆိုင်း) နှင့် နမ့်ခမ်းမြို့အကြား နေရာတလျှောက်တွင် တရုတ် စစ်တပ်များကို ယခုလ ၂၅ ရက်နေ့ နောက်ပိုင်းကစပြီး လုံခြုံရေးချထားကြောင်း ပလောင် (တအာင်း) အမျိုးသားလွတ်မြောက်ရေး တပ်မတော် (TNLA) ပြောခွင့်ရ ပုဂ္ဂိုလ် ဗိုလ်မှူးချုပ် မိုင်းဘုန်းကျော် က ပြောသည်။ ဗိုလ်မှူးချုပ် မိုင်းဘုန်းကျော် က “တရုတ်နယ်စပ်ဘက်မှာက မုံးကိုးဘက်ကနေ ဒီဘက်တကြော တရုတ်စစ်တပ်တွေ ထူးထူး ခြားခြား တိုးချထားတာ တွေ့တယ်။ အဓိကကတော့ ကျနော်တို့အဖွဲ့တွေက လားရှိုး၊ မူဆယ်ဘက်ကို ဝင်ချမယ်၊ ဗုံးတွေခွဲမယ်၊ စသဖြင့် မြန်မာဘက်က ပေးတဲ့ သတင်းမှားတွေကြောင့် တရုတ်ဘက်ကလည်း လုံခြုံရေးတွေ ချတယ်လို့ဘဲ မြင်ပါတယ်” ဟု ဧရာဝတီသို့ ပြောသည်။ ၂၀၁၆ ခုနှစ် နိုဝင်ဘာလ ၂၀ ရက်နေ့ မနက်ပိုင်းက တရုတ်- မြန်မာနယ်စပ် ကြူကုတ် (ပန်ဆိုင်း)၊ မုန်းကိုး၊ ဖောင်းဆိုင်၊ သိန်းနီ၊ ကွတ်ခိုင်နှင့် မူဆယ် ၁၀၅ မိုင် တို့တွင် ကချင်လွတ်မြောက်ရေးတပ်မတော် (KIA)၊ ပလောင် (တအာင်း) အမျိုးသား လွတ်မြောက်ရေး တပ်မတော် (TNLA)၊ မြန်မာ အမျိုးသား ဒီမိုကရေစီ မဟာမိတ် တပ်မတော် – ကိုးကန့်အဖွဲ့ (MNDAA) နှင့် ရက္ခိုင့် တပ်မတော် (AA) ပူးပေါင်း မဟာမိတ်တပ်များက စစ်ဆင်ရေး ပြုလုပ်ခဲ့ကြသည်။ လတ်တလောတွင် ရှမ်းပြည်နယ် မြောက်ပိုင်း၌ တပ်မတော်စစ်ကြောင်းများနှင့် MNDAA နှင့် TNLA တို့အကြား တိုက်ပွဲများ ဆက်တိုက် ဆိုသကဲ့သို့ ဖြစ်ပွားနေသဖြင့် မြောက်ပိုင်းအင်အားစုများက ပြန်လည်စုဖွဲ့ပြီး စစ်ဆင်ရေး ပြန်လည် ပြုလုပ် လာနိုင်ဖွယ် ရှိနိုင်ကြောင်း တွက်ဆပြီး ယင်းသို့ ဖြစ်လာပါက တရုတ်နိုင်ငံဘက်ကို ထိခိုက်မှု မရှိစေရန် ကြိုတင် ပြင်ဆင်ခြင်း ဖြစ်နိုင်ကြောင်း ဖက်ဒရယ်နှင့် တိုင်းရင်းသား ရေးရာ သုတေသီ ဦးမောင်မောင်စိုး က ပြောသည်။ ဦးမောင်မောင်စိုး က “အရင်တုန်းကတော့ တိုက်ပွဲဖြစ်ပြီးမှ တရုတ်တပ်က သူ့နယ်စပ်လုံခြုံရေး ယူတာကိုး။ အခုကတော့ ကြိုတင်သတင်း ထောက်လှမ်းပြီး သူ့နယ်စပ်လုံခြုံရေးအတွက် ကြိုတင်ယူထားတယ်လို့ ယူဆရပါတယ်”ဟု ဧရာဝတီသို့ ပြောသည်။ ရှမ်းပြည်နယ်မြောက်ပိုင်း တရုတ်-မြန်မာ ကုန်သွယ်ရေး လမ်းကြောင်းပေါ်ရှိ မြို့နယ်အချို့တွင် မြောက်ပိုင်းမဟာမိတ်အဖွဲ့ အနေဖြင့် ၂၀၁၆ နှစ်ကုန်ပိုင်းက စစ်ဆင်ရေးများကဲ့သို့ လုပ်ဆောင်လာနိုင်ကြောင်း တရုတ် အစိုးရဘက်သို့ သတင်းမှားများ ပေးပို့နေသဖြင့် တရုတ်အစိုးရဘက်က ၎င်းတို့ထံ ဟုတ်၊ မဟုတ် အတည်ပြုချက် လှမ်းတောင်းမှုများ ရှိခဲ့ကြောင်း ဗိုလ်မှူးချုပ် မိုင်းဘုန်းကျော် က ပြောသည်။ လတ်တလောတွင် MNDAA နှင့် TNLA လှုပ်ရှား နယ်မြေများအတွင်း တိုက်ပွဲများ ဖြစ်ပွားလျှက်ရှိသော်လည်း ၂၀၁၆ ခုနှစ် နိုဝင်ဘာလ ၂၀ ရက်နေ့ မနက်ပိုင်းက စတင်ပြုလုပ်ခဲ့သော စစ်ဆင်ရေးမျိုးပြုလုပ်ရန် အစီအစဉ်မရှိကြောင်း ဗိုလ်မှူးချုပ် မိုင်းဘုန်းကျော် က ပြောသည်။ “မရှိပါဘူး။ ကျနော်တို့လည်း တရုတ်ဘက် (ထောက်လှမ်းရေးဌာနနှင့် နိုင်ငံခြားရေးဌာန) ကို ပြောပါတယ်။ မိုးတွင်းကာလလည်း ဖြစ်တယ်။ တိုက်ပွဲတွေ ပြင်းတာမှန်တယ်။ မလိုအပ်ဘဲနဲ့ အဲဒီလိုမလုပ်ဘူးဆိုတာကို” ဟု ဗိုလ်မှူးချုပ် မိုင်းဘုန်းကျော် က ပြောသည်။ ထိုကဲ့သို့ သတင်းထွက်ပေါ်နေမှုနှင့် ပတ်သက်၍ ဧရာဝတီက ကာကွယ်ရေးဝန်ကြီးဌာန ပြည်သူ့ဆက်ဆံရေးနှင့် စိတ်ဓာတ် စစ်ဆင်ရေး ညွှန်ကြားရေးမှူးရုံးသို့ တယ်လီဖုန်းဖြင့် ဆက်သွယ်မေးမြန်းခဲ့သော်လည်း တုန့်ပြန်ဖြေကြားခြင်း မရှိခဲ့ပါ။ တရုတ်-မြန်မာ နယ်စပ်အခြေစိုက် မြန်မာ့အရေး ကျွမ်းကျင်သူ ဒေါက်တာ လှကျော်ဇော က“အဲဒီငြိမ်းချမ်းရေး ဖြစ်စဉ်ကတော့ ပြတ်တောက်လိုက်၊ ပြန်ဆက်သွယ်လိုက်ပဲ ဖြစ်နေမယ်ထင်ပါတယ်။ ကြည့်ရတာ တသမတ်တည်းတော့ သွားနိုင်ချင်မှ သွားနိုင်မယ်လေနော်၊ အခုကာလက မိုးတွင်းကာလ ကလည်းဖြစ်တော့ စစ်ဆင်ရေးတွေ ဘာတွေကလည်း ဘာမှ သိပ်ပြဿနာကလည်း မပေါ်သေးဘူးဖြစ်တာကိုး။ ပွင့်လင်းရာသီဖြစ်လာရင်တော့ ဘာတွေဖြစ်လာဦးမလဲ မသိဘူးပေါ့” ဟု ဧရာဝတီသို့ ပြောသည်။ KIA၊ TNLA၊ MNDAA နှင့် AA တို့သည် “ဝ” ပြည်သွေးစည်းညီညွှတ်ရေး တပ်မတော် (UWSA) ဦးဆောင်သော တိုင်းရင်းသား လက်နက်ကိုင်အဖွဲ့ အစည်း ၇ ဖွဲ့ဖြင့် ဖွဲ့စည်းထားသည့် ပြည်ထောင်စု နိုင်ငံရေး ဆွေးနွေးရေး ကော်မတီ (FPNCC) တွင် ပါဝင်နေပြီး လတ်တလော အစိုးရနှင့် အပစ်ရပ်နိုင်ရေးအတွက် ဆွေးနွေးပွဲများ ရပ်တန့်လျှက်ရှိသည်။ The post တရုတ်-မြန်မာ နယ်စပ်တွင် တရုတ်စစ်တပ်များ လုံခြုံရေးချထား appeared first on ဧရာဝတီ.
Source : http://ift.tt/2tWkd1E
via IFTTT

အရက်သောက်သုံးသူတွေဟာ ငယ်စဉ်က သင်ယူခဲ့မှုတွေကို မှတ်မိလွယ်စေတယ်

အရက်သောက်သုံးသူတွေဟာ ငယ်စဉ်က သင်ယူခဲ့မှုတွေကို မှတ်မိလွယ်စေတယ် ကျနော်တို့တွေ အသက်အရွယ်ကြီးရင့်လာမှုနဲ့အတူ ငယ်စဉ်က ဖြစ်ပျက်ခဲ့၊ သင်ကြားခဲ့တာတွေကို မေ့ပျောက်သွားတတ်ကြ ပေမယ့် အရက်သောက်သုံးခြင်းကြောင့် အခုလို မေ့လျော့နေတတ်တဲ့ အကြာင်းအရာတွေကို ပြန်လည် မှတ်မိလွယ်စေတယ် လို့ နောက်ထပ်လေ့လာချက်တွေအရ သိလာရပါတယ်။ အထူးသဖြင့်တော့ မှတ်ဉာဏ်ပိုင်းချို့ယွင်းချက်ကို အရက်သောက်သုံးခြင်းနဲ့အတူ အတတ်နိုင်ဆုံး ကာကွယ်နိုင်လာတာ လည်း ဖြစ်ပါတယ်။ ဒါပေမယ့် အရက် အလွန်အကျွံသောက်သုံးမှုနဲ့ စစ်မှန်မှု မရှိတဲ့အရက်တွေကို သောက်သုံးမှုကတော့ မှတ်ဉာဏ်ပျက်စီးမှု ကိုတောင် အားပေးနေသလို ဖြစ်စေပါတယ်။ ပုံမှန်အနေနဲ့တော့ သင်ယူမှု မပြုသည့်တိုင်အောင် နေ့စဉ် ကျနော်တို့ တွေ့မြင်နေသမျှကို ဦးနှောက်က အလိုအလျောက် မှတ်သားထားတာ ဖြစ်ပြီး အရက်သောက်သုံးသူတွေဟာ သောက်သုံးနေချိန်မှာ မိမိ အရင်က အစောပိုင်းက ဘာတွေဖြစ်ခဲ့ တယ်၊ ဘယ်လို ခံစားရတယ်ဆိုတာတွေကို ပြန်လည်တွေးတောတတ်တာကြောင့် မှတ်ဉာဏ်ပိုင်း အမှတ်ရမှု ပိုလာစေတာ ဖြစ်တယ်လို့ သိရပါတယ်။ အင်္ဂလန်နိုင်ငံ၊ Exeter တက္ကသိုလ်က လေ့လာသူတွေက မိမိအိမ်မှာပဲ အရက်သောက်သုံးတတ်သူတွေဆီကို ကွင်းဆင်းလေ့ လာမှုတွေ လုပ်ဆောင်ခဲ့ပြီး စစ်တမ်းတွေ ထုတ်ဖော်ပြသလာခဲ့တာလည်း ဖြစ်ပါတယ်။ ကျနော်တို့ရဲ့လေ့လာချက်တွေဟာ အရက်သောက်သုံးမှုက ကောင်းမွန်တယ်၊ အရက်သောက်သင့်တယ်လို့ ဆိုချင်တာ မဟုတ် ပါဘူး၊ ဒါပေမယ့် အရက်သောက်သုံးသူတွေဟာ ပိုမိုတဲ့ မှတ်မိနိုင်စွမ်း ရှိတယ်ဆိုတာကို ပြချင်တာပဲ ဖြစ်ပါတယ်လို့ လေ့လာမှု အဖွဲ့ဝင်တဦးဖြစ်တဲ့ Celia Morgan က ပြောပါတယ်။ သင့်အနေနဲ့ လာမယ့်စာမေးပွဲမှာ ဖြေဆိုဖို့အတွက် စာတွေကို ပိုမို မှတ်သားကျက်မှတ်ချင်တယ် မဟုတ်လား၊ ဒါဆို အရက် နည်းနည်း ပုံမှန်သောက်ပေးမယ်ဆိုရင် မှတ်သားနိုင်စွမ်း ပိုလာစေပါလိမ့်မယ်။ မှတ်ဉာဏ်တို စွမ်းရည်ကိုတော့ အရက်က အားနည်းစေပြီး ခဏတွင်း မှတ်သားမှုမှာ အားနည်းစေချင်ပေမယ့် မှတ်ဉာဏ် ရှည် မှတ်သားနိုင်စွမ်းကိုတော့ ပိုမို ကောင်းမွန်စေတာ တွေ့ရပါတယ်။ ဖြစ်နိုင်မယ်ဆိုရင်တော့ နည်းနည်းလောက် သောက်ထားပြီဆိုတာနဲ့ လေ့လာမှု ဆက်မလုပ်ပါနဲ့တော့၊ ဆက်လက် မှတ်သား နိုင်မှု အားနည်းသွားပေမယ့် အရက်နည်းနည်းသောက်ပြီး လေ့လာမှု ရပ်နားလိုက်ခြင်းက တနေကုန် သင် လေ့လာထားသ မျှတွေက ဦးနှောက်ထဲမှာ ပိုမို အချိန်ကြာကြာ မှတ်မိနေစေပါတယ်။ ကျောင်းသား ၈၈ ယောက်ကို အုပ်စု ၂ စု ခွဲလိုက်တယ်၊ ဘာသာရပ်လေ့လာမှု ဆိုင်ရာ သင်ကြား မှတ်သားမှုကို လုပ်ဆောင် စေတယ်၊ တဖွဲ့က လေ့လာမှု လုပ်ဆောင်ပြီး အရက်သောက်တယ်၊ နောက်တဖွဲ့က လေ့လာမှု လုပ်ပြီး အရက် မသောက်ဘူး၊ နောက်နေ့မှာ သူတို့ကို တန်းတူ သင်ကြားပေးလိုက်တဲ့ ဘာသာရပ်သင်ခန်းစာတွေကို ပြန်လည် မေးခွန်း ထုတ် စစ်ဆေးချိန်မှာ အရက်သောက်ထားသူတွေက ပိုမို မှတ်မိ သိရှိနေတာ တွေ့လာရတာပါ။ ဦးနှောက်ရဲ့ Hippocampus အပိုင်းက အရမ်းအရေးကြီးပါတယ်၊ သူက မှတ်ဉာဏ်ရှည် မှတ်သားမှုအပိုင်းနဲ့ ချိတ်ဆက်နေ ပြီး မှတ်ဉာဏ်တိုမှတ်သားမှုကနေ မှတ်ဉာဏ်ရှည် မှတ်သားမှုကို အရက်ကြောင့် ပိုမို ထိရောက် ကောင်းမွန်လာစေတာဖြစ် တယ်လို့ Morgan ဆိုပါတယ်။ ဘာသာရပ်လေ့လာမှုနဲ့တင် မဟုတ်သေးဘဲ ပုံရိပ်ပိုင်းဆိုင်ရာ မှတ်သားမှု လေ့လာချက်တွေမှာဆိုရင် အရက်သောက်သုံးသူ တွေကို ပုံရိပ်တွေကို ပိုမို မှတ်မိနေကြတာလည်း ဖြစ်ပါတယ်။ ဒါပေမယ့် လေ့လာသူတွေက အရက်သောက်များရင်တော့ စိတ် ဖိစီးမှု ဖြစ်လာပြီး စိတ်ကျရောဂါ ခံစားရနိုင်သလို မှတ်ဉာဏ်အတွက်ရော ကျန်းမာရေးအတွက်ပါ ပိုမို ထိခိုက်ပျက်စီးမှု ရှိစေ မယ်လို့ ဆိုပါတယ်။ အရက်သောက်သုံးမှုက မှန်ကန်စနစ်ကျမယ်ဆိုရင် မှတ်ဉာဏ်အတွက် ပိုလို့ ကောင်းမွန်စေပါတယ်၊ အလွန်အကျွံမဖြစ်စေဖို့ သင့်တင့်ရုံပဲ သောက်သုံးသင့်ပါတယ်။ အကောင်းဆုံးကတော့ အရက် ၂ ပက်ထက် ပိုမသောက်သင့်သလို ၂ပက်လောက် ပုံမှန် သောက်သုံးပေးလို့ ရပါတယ်လို့ လေ့ လာချက်မှာ ဆိုထားတာ တွေ့ရပါတယ်။ Ref: http://ift.tt/2vkOSG2 The post အရက်သောက်သုံးသူတွေဟာ ငယ်စဉ်က သင်ယူခဲ့မှုတွေကို မှတ်မိလွယ်စေတယ် appeared first on ဧရာဝတီ.
Source : http://ift.tt/2wdwpYA
via IFTTT

မန္တလေးဆေးရုံကြီးသို့ ရောက်ရှိသည့် သံသယလူနာ ၂ ဦးတွင် H1N1 ပိုး မတွေ့ဟု ဆို

မန္တလေးဆေးရုံကြီးသို့ ရောက်ရှိသည့် သံသယလူနာ ၂ ဦးတွင် H1N1 ပိုး မတွေ့ဟု ဆို မန္တလေးဆေးရုံကြီးသို့ ဇူလိုင်လ ၃၀ ရက်နေ့ ညနေက H1N1 သံသယရှိ လူနာ ၂ဦး ရောက်ရှိလာသဖြင့် စမ်းသပ် စစ်ဆေးခဲ့ရာ ရောဂါပိုး မတွေ့ရှိကြောင်း မန္တလေးတိုင်း ကုသရေး ဦးစီးဌာနမှူး ဒေါက်တာဒေါ်သန်းသန်းမြင့်က ဧရာဝတီကို ပြောသည်။ ၎င်းလူနာအမျိုးသမီး ၂ ဦးသည် ဇူလိုင်လ ၃၀ ရက် ညနေက မန္တလေးဆေးရုံကြီးသို့ ရောက်လာခဲ့ပြီး H1N1 ရောဂါ သံသယလူနာဖြစ်သောကြောင့် ပိုးရှိ၊ မရှိ စမ်းသပ် စစ်ဆေးခဲ့ရာ အဖြေ “Negative” ထွက်သဖြင့် ရောဂါပိုး မရှိဟု သုံးသပ်ခြင်းဖြစ်ကြောင်း သိရသည်။ မန္တလေး အထွေထွေရောဂါကု ဆေးရုံကြီး ဆေးနှင့်လူမှုဆက်ဆံရေး အရာရှိ ဦးမင်းလွင်က “H1N1 ရဲ့ ရောဂါ လက္ခဏာတွေထဲက တချို့ကို တွေ့ရတော့ သံသယဖြစ်ပြီး ဖြစ်နိုင်ခြေ ရှိ၊ မရှိ စစ်ဆေးလိုက်တာပါ။ မတွေ့တဲ့အတွက် ခွဲခြား ဆက်ဆံတဲ့ပုံစံဖြစ်မှာ စိုးတဲ့အတွက် သီးသန့်ခန်းမှာ မထားတော့ဘဲ ဖျားနာဆောင်မှာပဲ ပြောင်းထားတော့မှာပါ” ဟု ဧရာဝတီကို ပြောသည်။ သို့သော် ၎င်းလူနာနှစ်ဦးအား အသက်ရှူလမ်းကြောင်းတလျှောက် ရှိသည့်အရည်ကို ဓာတ်ခွဲစစ်ဆေးရန် ရယူခြင်း (Nasopharyngeal Swab ) ပြုလုပ်ခဲ့ပြီး ရန်ကုန်ရှိ အမျိုးသားကျန်းမာရေး ဓာတ်ခွဲခန်းသို့ ပေးပို့၍လည်း ထပ်မံ စစ်ဆေးမှု ပြုလုပ်ထားကြောင်း မန္တလေးတိုင်း ကုသရေးဦးစီးဌာနမှ သိရသည်။ ပထမ ရောက်ရှိသည့် လူနာသည် ရမည်းသင်းမြို့နယ်နှင့် မိုင် ၂၀ ဝေးသည့်ကျေးရွာမှ ဖြစ်ပြီး အသက် ၆၀ အရွယ် အမျိုးသမီးဖြစ်ရာ မန္တလေးဆေးရုံကြီးသို့ နှလုံးသွေးကြောကျဉ်း ရောဂါပြသရန် ရောက်ရှိလာခြင်းဖြစ်ပြီး ရာသီ တုပ် ကွေး၏ ရောဂါလက္ခဏာအချို့ကို စစ်ဆေးတွေ့ရှိသဖြင့် သံသယလူနာအဖြစ် စစ်ဆေးမှုများ ပြုလုပ်ခဲ့ခြင်း ဖြစ်သည်ဟု ၎င်းက ရှင်းပြသည်။ ပုသိမ်ကြီးမြို့နယ် အုန်းချောကျေးရွာ(ရွှေစာရံအနီး)မှ လာရောက်သည့် လူနာအမျိုးသမီးမှာ အသက် ၂၀ အရွယ် ကိုယ်ဝန်ဆောင်ဖြစ်ပြီး H1N1 ရောဂါသံသယရှိ၍ လာရောက် ပြသခြင်းဖြစ်သည်ဟု သိရသည်။ ဇူလိုင်လ ၂၁ ရက်နေ့မှ ဇူလိုင်လ ၃၁ ရက်နေ့အထိ တနိုင်ငံလုံး အတိုင်းအတာဖြင့် ရာသီတုပ်ကွေးရောဂါ Seasonal Influenza A(H1N1) သံသယရှိသည့် လူနာ ၂၁၃ ဦး ၊ ရာသီတုပ်ကွေးSeasonal Influenza A(H1N1) pdm 09 Positive လူနာစုစုပေါင်း ၆၂ ဦး နှင့် သေဆုံးသူ ၁၂ ဦးအထိရှိပြီဖြစ်ကြောင်း ကျန်းမာရေးနှင့် အားကစားဝန်ကြီးဌာန စာရင်းများအရ သိရသည်။ The post မန္တလေးဆေးရုံကြီးသို့ ရောက်ရှိသည့် သံသယလူနာ ၂ ဦးတွင် H1N1 ပိုး မတွေ့ဟု ဆို appeared first on ဧရာဝတီ.
Source : http://ift.tt/2hfDHrZ
via IFTTT

ရာထူးတိုး ညီညွတ်မျှတရေးအတွက် ဖဲကြိုးပြာလှုပ်ရှားမှု စတင်

ရာထူးတိုး ညီညွတ်မျှတရေးအတွက် ဖဲကြိုးပြာလှုပ်ရှားမှု စတင် ပညာရေးဝန်ကြီးဌာနချင်းတူသော်လည်း ဦးစီးဌာနမတူ၍ဟုဆိုကာ ရာထူးတိုးသည့်အခါ မညီမျှမှုများ ကြုံတွေ့ ခံစားနေရသော နည်းပညာတက္ကသိုလ် (TU) နှင့် ကွန်ပျူတာတက္ကသိုလ် (CU) မှ ဆရာ၊ ဆရာမများက ပူးပေါင်း၍ ဖဲကြိုးပြာလှုပ်ရှားမှု (Blue Ribbon Campaign) ကို ယနေ့ ဇူလိုင် ၃၁ ရက်တွင် စတင်လိုက်ပြီဖြစ်ကြောင်း သိရသည်။ ဖဲကြိုးပြာလှုပ်ရှားမှုနှင့် TU၊ CU မှ ဆရာ၊ ဆရာမများ၏ နစ်နာမှုများနှင့်ပတ်သက်၍ သတင်းစာရှင်းလင်းပွဲတခုကို ရန်ကုန် မြို့၊ ၃၄ လမ်းရှိ မြန်မာဂျာနယ်လစ်ကွန်ရက်ရုံးခန်းတွင် ယနေ့ ပြုလုပ်ခဲ့ရာ ကမ်ပိန်းဆောင်ရွက်သူများက အထက်ပါအတိုင်း ပြောဆိုလိုက်ခြင်းဖြစ်သည်။ “လုပ်ပိုင်ခွင့်တွေ အရမ်းကိုမက်မောနေလို့ ဒါကို တောင်းဆိုနေတာမဟုတ်ပါဘူး။ ကျမတို့ ဝန်ထမ်းတယောက်မှာ ရသင့်ရ ထိုက်တဲ့ ရပိုင်ခွင့်လေးသည် ဒီရာထူးတိုးခံစားခွင့်လေးပဲ ရှိပါတယ်။ ဒါကို သက်ဆိုင်ရာတာဝန်ရှိလူကြီးတွေ သိအောင် ရင် ဘတ်ချင်းတူ နစ်နာနေတဲ့ ဆရာ၊ ဆရာမတွေက စုပေါင်းပြုလုပ်ရခြင်းဖြစ်ပါတယ်” ဟု နည်းပညာတက္ကသိုလ်(မှော်ဘီ)မှ လက်ထောက်ကထိက ဒေါ်သူသူအောင်က ရှင်းပြသည်။ ဆက်လက်၍ ၎င်းက လက်ရှိရာထူးတိုးမူဝါဒ မညီမျှမှုကြောင့် BE ဘွဲ့ရတယောက်သည် စက်မှုနှင့်သက်မွေးပညာဦးစီးဌာန (DTVET) လက်အောက်တွင် တွဲဖက် ပါမောက္ခ(ဒုတိယပါမောက္ခ)အထိ ဖြစ်ခွင့်ရှိသော်လည်း အဆင့်မြင့်ပညာ ဦးစီးဌာန အောက်ရှိ နည်းပညာတက္ကသိုလ်များ၌ တာဝန်ထမ်းဆောင်လျက်ရှိသော BE ဘွဲ့ရတယောက်၏ ရာထူးခံစားပိုင်ခွင့်သည် လက်ထောက်ကထိကတွင်သာ အဆုံး သတ်သွားမည်ဖြစ်ကြောင်း ပြောဆိုသည်။ ကျောင်းဆင်းနှစ်ချင်း၊ ဘွဲ့ချင်း၊ လုပ်သက်ချင်း၊ ဝန်ကြီးဌာနချင်းတူသော်လည်း စက်မှုနှင့်သက်မွေးပညာဦးစီးဌာန (DTVET) နှင့် အဆင့်မြင့်ပညာဦးစီးဌာနဟူသည့် ဌာနနှစ်ခုအောက်ရှိ ကွာခြားနေသည့် ရာထူးတိုးစနစ်များကြောင့် ဝန်ထမ်း အချင်း ချင်း အကြား မညီမျှမှုကိုခံစားရပြီး စိတ်ဒဏ်ရာများ ရလာခြင်း၊ တချို့မှာ အလုပ်ထွက်ချင်စိတ်ဖြစ်လာသည်အထိ စိတ်ဓာတ်ကျဆင်းမှုများ ရှိရာ သက်ဆိုင်ရာ တာဝန်ရှိသူများသိရှိစေရန် ရည်ရွယ်ပြုလုပ်ခြင်းဖြစ်ကြောင်း ကမ်ပိန်း ဦးဆောင်သည့် ဆရာ၊ ဆရာမများက ပြောသည်။ ရန်ကုန် အနောက်ပိုင်း နည်းပညာတက္ကသိုလ်တွင် နည်းပြတာဝန်ထမ်းဆောင်နေသူ ဒေါ်ဝင်းပပထွန်း ကလည်း “အခုလိုလုပ်နေတာတွေသည် မတော်မတရား ရပိုင်ခွင့်ကို တောင်းဆိုနေတာလည်း မဟုတ်ဘူး။ ရသင့်ရထိုက်တဲ့ ဝန်ထမ်း တယောက်အနေနဲ့ ခံစားခွင့်ရှိတဲ့ ရပိုင်ခွင့်ကို စည်းဘောင်အတွင်း ဥပဒေဘောင်အတွင်းကနေပြီးတော့ တောင်းဆို နေတာဖြစ်တယ်” ဟု ပြောသည်။ ကမ်ပိန်းဦးဆောင်သူများအနေဖြင့် တနိုင်ငံလုံးရှိ TU နှင့် CU မှ ဆရာ၊ ဆရာမများ၏ နစ်နာမှုစစ်တမ်းများကို ကောက်ယူ လျက်ရှိပြီး ပြန်လည်ဆန်းစစ်မှုများပြုကာ သြဂုတ်လအတွင်း အစီရင်ခံစာတစောင် ထုတ်ပြန်သွားမည်ဖြစ်ကြောင်း၊ အဆိုပါ အစီရင်ခံစာကို နိုင်ငံတော်သမ္မတ၊ နိုင်ငံတော်အတိုင်ပင်ခံရံုံး၊ လွှတ်တော်နှင့် တရားရုံးချုပ်သို့ ပေးပို့သွားမည်ဖြစ်ကြောင်း နည်းပညာတက္ကသိုလ်(မုံရွာ)မှ လက်ထောက်ကထိက ဦးမြင့်မောင်မောင်သန်းက ပြောသည်။ “နစ်နာမှုစစ်တမ်းကောက်ယူပြီး အစီရင်ခံစာတစောင် ထုတ်ပြန်နိုင်ဖို့ အမြန်ဆုံးကြိုးစားနေပါတယ်။ နောက်ဆုံး အဆင့်အနေ နဲ့ အစိုးရက လုံးဝမဖြေရှင်းပေးဘူးဆိုရင် တရားမျှတမှုရတဲ့အထိ ဆက်ပြီးလုပ်ဆောင်သွားမှာ ဖြစ်ပါတယ်” ဟု ၎င်းက ဆိုသည်။ ကမ်ပိန်းဦးဆောင်သူများက ရာထူးတိုးမှုများ မျှတရန်၊ ရာထူးတိုးမူဝါဒများ ညီညွတ်မျှတ၍ ပွင့်လင်းမြင်သာမှုရှိစေရန်၊ လူ ပြောင်း၊ မူပြောင်းမှုများကြောင့် မတည်ငြိမ်ခဲ့သော ရာထူးတိုးသတ်မှတ်ချက်များကို ညီညွတ်မျှတ၍ အတည်တကျ ဖြစ်စေရန် နှင့် နစ်နာခဲ့သော ဆရာ၊ ဆရာမများအတွက် အမြန်ဆုံးဖြည့်စွက် စဉ်းစားပေးရန်ဟူသည့် အချက်များကိုလည်း တောင်းဆို ထားသည်။ ဖဲကြိုးပြာလှုပ်ရှားမှုကို ဇူလိုင် ၃၁ ရက်မှ သြဂုတ် ၄ ရက်အထိ တနိုင်ငံလုံးရှိ နည်းပညာတက္ကသိုလ်နှင့် ကွန်ပျူတာတက္က သိုလ်တို့မှ နည်းပြ၊ သရုပ်ပြ၊ လက်ထောက်ကထိက ဆရာ၊ ဆရာမများက ကျောင်းတက်ချိန်အတွင်း ကျောင်းယူနီဖောင်း တွင် ဖဲကြိုးပြာတပ်ဆင်ပြီး ဆန္ဒပြု လှုပ်ရှားကြမည်ဖြစ်ပြီး ယနေ့တွင် ရန်ကုန်၊ ပြည်နှင့် မုံရွာမြို့တို့တွင် စတင်ခဲ့သည်။ ၎င်းကိစ္စနှင့် ပတ်သက်၍ နေပြည်တော်၊ ပညာရေးဝန်ကြီးဌာန သို့ ဧရာဝတီ သတင်းဌာနက ဆက်သွယ်မေးမြန်း သော်လည်း တာဝန်ယူ ဖြေကြားမည့်သူ မရှိသဖြင့် မေးမြန်း မရခဲ့ပါ။ The post ရာထူးတိုး ညီညွတ်မျှတရေးအတွက် ဖဲကြိုးပြာလှုပ်ရှားမှု စတင် appeared first on ဧရာဝတီ.
Source : http://ift.tt/2uc5CKt
via IFTTT

သရုပ်ဆောင် အဆိုတော် ဆုပန်ထွာ ဘာတွေ ပြုပြင်ခဲ့သလဲ

သရုပ်ဆောင် အဆိုတော် ဆုပန်ထွာ ဘာတွေ ပြုပြင်ခဲ့သလဲ သရုပ်ဆောင် ဆုပန်ထွာဟာ လွန်ခဲ့တဲ့ ၂ လခန့်လောက်က ကိုရီးယားနိုင်ငံကို သွားရောက်ကာ နှာခေါင်းနဲ့ မေးစေ့အောက်ရှိ အဆီပိုများကို ခွဲစိတ်ပြုပြင်ခဲ့တယ်လို့ သိရပါတယ်။ ဒီ ခွဲစိတ်ပြုပြင်မှုကိုတော့ ကိုရီးယားနိုင်ငံ ဆိုးလ်မြို့မှာရှိတဲ့ JW Plastic Surgery Medical Center မှာ ပြုလုပ်ခဲ့တာဖြစ်ပြီး ခွဲစိတ်မှုများအတွက် ငွေရေးကြေးရေးပါ တာဝန်ယူဆောင်ရွက်ပေးခဲ့တာ ဖြစ်တယ်လို့ သိရပါတယ်။ သူမရဲ့ ခွဲစိတ်ပြုပြင်မှုအတွေ့အကြုံများကတော့ “တော်တော်လှသွားတယ်လို့ ကိုယ့်ကိုယ်ကိုထင်တာပဲ။ တော်တော်လေးသိသာသွားတယ်။ ဆေးရုံကို ရောက်ရောက်ချင်းမှာ ဆရာဝန်နဲ့ပေးတွေ့တယ်။တိုင်ပင်တယ် ဘာလေးတွေလုပ်ရင်ကောင်းမလဲပေါ့။ နာကျင်မှုကတော့ မခံစားရပါဘူး။ ဟန်ဆောင်ပြီးတော့လည်း ပြောလို့မရဘူး။ ယောင်သာယောင်နေတာ ဘာမှမဖြစ်ဘူး။ အခုထိတော့ နည်းနည်းယောင်နေသေးတယ်။ လုပ်ထားတာက ၂ လ လောက်ပဲရှိသေးတယ်” လို့ ပြောပြပါတယ်။ ဗိုက်အဆီထုတ်ခြင်းကိုတော့ ကလေးမွေးထားတာ မကြာသေးတဲ့အတွက် မိခင်တယောက်ရဲ့ ခန္ဓာကိုယ် အချိုးအစားဖြစ်နေသေးတာကြောင့် ကလေးရဲ့အရွယ်တခုရောက်မှသာ ခွဲစိတ်ပေးမှာဖြစ်တယ်လို့ သိရပါတယ်။ အဆိုပါ ခွဲစိတ်ပြုပြင်မှုအတွက် ဆုပန်ထွာဟာ သူမရဲ့ခင်ပွန်းနှင့်အတူ မေလ ၁၆ ရက်နေ့က ကိုရီးယားနိုင်ငံ ဆိုးလ်မြို့ကို သွားရောက်ခဲ့တာ ဖြစ်ပါတယ်။ The post သရုပ်ဆောင် အဆိုတော် ဆုပန်ထွာ ဘာတွေ ပြုပြင်ခဲ့သလဲ appeared first on ဧရာဝတီ.
Source : http://ift.tt/2f0WLtr
via IFTTT

၆၆(ဃ)ဖြင့် တရားစွဲခံထားရသည့် လယ်ဝေး NLD ပါတီဝင် ၂ ဦး အာမခံရ

၆၆(ဃ)ဖြင့် တရားစွဲခံထားရသည့် လယ်ဝေး NLD ပါတီဝင် ၂ ဦး အာမခံရ ဆက်သွယ်ရေး ဥပဒေပုဒ်မ ၆၆(ဃ)ဖြင့် တရားစွဲခံထားရသည့် လယ်ဝေးမြို့နယ် အမျိုးသား ဒီမိုကရေစီ အဖွဲ့ချုပ်(NLD)မှ ဒေါ်သက်သက်မော်နှင့် ဦးကျော်မျိုးလွင်တို့ ၂ ဦးမှာ ယနေ့ နေ့လည်ပိုင်းက လယ်ဝေးမြို့နယ် တရားရုံးတွင် ပြုလုပ်သည့် ဒုတိယမြောက် ရုံးချိန်းအပြီးတွင် အာမခံရရှိသွားကြောင်း သတင်းရရှိသည်။ ဒေါ်သက်သက်မော်က “အမှန်တင်တာကို ဒီလိုလုပ်တာက နောင်လာနောက်သားတွေ ဒီလို မလုပ်နိုင်အောင်ပဲ စိတ်ကြောက်သွားမှာ ကိုပဲ ကျမ စိုးရိမ်တယ်။ အမှန်တရားကို မဖော်ထုတ်ရဲတဲ့ ကလေးတွေ ပေါ်လာမှာကိုပဲ စိုးရိမ်တယ်”ဟု ပြောသည်။ ၂၀၁၅ ခုနှစ်တွင် ဖြစ်ပွားခဲ့သည့် ကျေးရွာ ရန်ပုံငွေ အလွဲသုံးစားမှုဖြင့် အချုပ်ကျအဖြစ် အမှုရင်ဆိုင်နေရသူ လယ်ဝေးမြို့မှ ဒလန့်ချွန် ကျေးရွာ၏ အုပ်ချုပ်ရေးမှူးဟောင်း ဦးတင်ဌေး၏ ရုံးထုတ်မြင်ကွင်းတခုကို ဒေါ်သက်သက် မော်က ၎င်း၏ ဖေ့ဘုတ်စ် စာမျက်နှာတွင် ၂၀၁၇ ခုနှစ်၊ ဧပြီလဆန်းပိုင်းက တင်ပြခဲ့၍ ဦးတင်ဌေး၏ ဦးလေးတော်စပ်သူ ဦးမောင်ဝင်းဆိုသူက ပုဒ်မ ၆၆(ဃ) ဖြင့် အမှုဖွင့်ခဲ့ခြင်း ဖြစ်သည်။ ဒေါ်သက်သက်မော်၏ ဖေ့ဘုတ်ပို့စ်အား တဆင့်ဖော်ပြခဲ့သူ ဒလန့်ချွန်ရွာသား လယ်ဝေးမြို့နယ် NLD ပါတီဝင် ဦးကျော်မျိုးလွင်မှာလည်း ၂၀၁၇ ခုနှစ်၊ ဇူလိုင်လ ၁၉ ရက်နေ့တွင် ဆက်သွယ်ရေး ဥပဒေပုဒ်မ ၆၆(ဃ) ဖြင့် အဖမ်းခံရပြီး ၎င်းတို့ ၂ ဦးစလုံးမှာ လယ်ဝေး မြို့နယ် တရားရုံးတွင် ရုံးထုတ်စစ်ဆေးခံနေရသည်။ ပုဒ်မ ၆၆(ဃ)ဖြင့် အမှုရင်ဆိုင်နေရသူ ဒေါ်သက်သက်မော်က ၎င်းအနေဖြင့် မှန်ကန်သည့် ကိစ္စရပ်တခုကို ပြုလုပ်ခဲ့ ခြင်း ဖြစ်၍ ဆက်လက် ရင်ဆိုင်သွားမည် ဖြစ်ကြောင်း၊ ၎င်းတို့ ၂ ဦးမှာ တဦးလျှင် ကျပ် ၁၀ သိန်းစီ အာမခံဖြင့် အချုပ်မှ လွတ်မြောက်ခွင့် ရရှိတော့မည် ဖြစ်ကြောင်း၊ ရုံးချိန်းကို သြဂုတ်လ ၁၄ ရက်နေ့သို့ ထပ်မံချိန်းဆိုလိုက်ကြောင်း ၊ပထမ အကြိမ် ရုံးချိန်းကတည်းက အာမခံ ရရှိနိုင်သော်လည်း ရုံးထုတ်နောက်ကျ၍ အာမခံ မရရှိခဲ့ဘဲ မီဒီယာ သို့လည်း လွတ် လပ်စွာ ပြောဆိုခွင့် မရခဲ့၍ လူ့အခွင့်အရေး ဆုံးရှုံးရကြောင်း တရားရုံးထုတ်မှ အပြန်တွင် မီဒီယာများသို့ ပြောသည်။ ပုဒ်မ ၆၆(ဃ)သည် ၃ နှစ်ထက်မပိုသော ပြစ်ဒဏ်သာပေးနိုင်၍ တသက်တကျွန်းဒဏ် ထိုက်သင့်သည့် အမှုအမျိုးအစားတွင် မပါ ဝင်ခြင်း၊ ယခုအမှုတွင် တရားခံနှင့် တရားလိုတို့သည် သဟဇာတမဖြစ်၍ သက်သေများကို ဖျက်ဆီး အကြောင်း မရှိခြင်းနှင့် ခိုင်ခိုင် လုံလုံ အာမခံမည့်သူများကို ရုံးတော်ကို တင်ပြနိုင်သည့်အတွက် ရာဇဝတ်ကျင့်ထုံး ဥပဒေပုဒ်မ ၄၉၇ အရ အာမခံပေးခြင်း ဖြစ် ကြောင်း လယ်ဝေးမြို့နယ် တရားသူကြီး ဦးဝင်းဦးက မီဒီယာများသို့ ပြောသည်။ ၎င်းက “အာမခံပေးတယ်၊ မပေးဘူးဆိုတာက တရားရုံးရဲ့ ဆင်ခြေတုံတရား အပေါ်မှာ မူတည်တယ်။ ရာဇဝတ်ကျင့်ထုံး ဥပဒေအရ အာမခံ မပေးနိုင်တဲ့ အမှုအမျိုးအစားထဲမှာ ပါသော်လည်းပဲ တသက်တကျွန်းဒဏ် ထိုက်သင့်တဲ့ အမှုမဟုတ်ဘူးဆိုရင် အာမခံပေးနိုင်တယ် လို့ ပြဌာန်းထားပါတယ်”ဟု ရှင်းပြသည်။ တနိုင်ငံလုံးတွင် ပုဒ်မ ၆၆ (ဃ)ဖြင့် တရားစွဲခံရသည့် အမှုပေါင်း ၈၀ အထိ ရှိလာပြီး ၎င်းတို့ထဲတွင် ယခင်အစိုးရ လက်ထက်က အမှု ၇ မှုတွင် ပြစ်ဒဏ်ကျခံရသူ ၅ မှု၊ ယခုအစိုးရ လက်ထက်တွင် အမှုပေါင်း ၇၃ မှုတွင် ပြစ်ဒဏ်ကျပြီး ၁၁ မှု ၊ အာမခံ မရသည့်အမှု ၁၀ မှုနှင့် ကျန်မှုများမှာ ဆက်လက် စစ်ဆေးခံရသည့် အမှုများ ဖြစ်သည်ဟု သိရသည်။ ဆက်သွယ်ရေး ဥပဒေ ပုဒ်မ ၆၆(ဃ)တွင် ဆက်သွယ်ရေး ကွန်ရက်တခုခုကို အသုံးပြုပြီး ပုဂ္ဂိုလ် တဦးဦးအား ခြောက်လှန့် တောင်းယူခြင်း၊ အနိုင်အထက်ပြုခြင်း၊ မတရား တားဆီးကန့်ကွက်ခြင်း၊ အသရေဖျက်ခြင်း၊ နှောင့်ယှက်ခြင်း၊ မလျော်သြဇာ သုံးခြင်း သို့မဟုတ် ခြိမ်းခြောက်ခြင်း လုပ်သူများကို အရေးယူရန် ပြဌာန်းထားပြီး ယင်းဥပေဒကြမ်းကို ပြင်ဆင်ရန် အမျိုးသားလွှတ်တော်တွင် ကြိုးစားလျက်ရှိသည်။ The post ၆၆(ဃ)ဖြင့် တရားစွဲခံထားရသည့် လယ်ဝေး NLD ပါတီဝင် ၂ ဦး အာမခံရ appeared first on ဧရာဝတီ.
Source : http://ift.tt/2uPWAFb
via IFTTT

Myanmar Now အယ်ဒီတာချုပ် ကိုဆွေဝင်း အာမခံရ

Myanmar Now အယ်ဒီတာချုပ် ကိုဆွေဝင်း အာမခံရ ဆက်သွယ်ရေးဥပဒေပုဒ်မ ၆၆ (ဃ) ဖြင့် တရားစွဲခံထားရသည့် Myanmar Now သတင်းဌာန အယ်ဒီတာချုပ် ကိုဆွေဝင်းကို ယမန်နေ့က ရန်ကုန်အပြည်ပြည်ဆိုင်ရာ လေဆိပ်တွင် ဖမ်းဆီးခဲ့သော်လည်း ယနေ့တွင် မဟာအောင်မြေမြို့နယ် တရားရုံးက အာမခံ ပေးလိုက်ကြောင်း သိရသည်။ ကိုဆွေဝင်းသည် ဘန်ကောက်မြို့ရှိ Myanmar Now ရုံးချုပ်ထံ လုပ်ငန်း တာဝန်များ လွှဲပြောင်းပေးရန် သွားရောက်စဉ် မင်္ဂလာဒုံလေဆိပ်၌ ယမန်နေ့ညက ဖမ်းဆီးခံရပြီးနောက် မင်္ဂလာဒုံမြို့မ ရဲစခန်းမှ တဆင့် မန္တလေး မဟာအောင်မြေ မြို့နယ် အမှတ် (၇) ရဲစခန်း သို့ လွဲှပြောင်းထားခြင်းဖြစ်ပြီး ယနေ့တွင် အာမခံ ရရှိခြင်း ဖြစ်သည်။ ကိုဆွေဝင်းကို အမျိုး ဘာသာ သာသနာ စောင့်ရှောက်ရေး အဖွဲ့ (မဘသ) ဆရာတော် ဦးဝီရသူ ၏ တပည့် ဦးကျော်မျိုးရွှေ ဆိုသူက ဆက်သွယ်ရေး ဥပဒေပုဒ်မ ၆၆ (ဃ) ဖြင့် မန္တလေးမြို့ မဟာအောင်မြေမြို့နယ် အမှတ် ၇ ရဲစခန်းတွင် မတ်လ ၇ ရက် နေ့ကတည်းက အမှုဖွင့်ထားခြင်း ဖြစ်သည်။ ဆက်စပ်ဖတ်ရှုရန်လင့်ခ်- Myanmar Now အယ်ဒီတာချုပ် ကိုဆွေဝင်း အဖမ်းခံရ The post Myanmar Now အယ်ဒီတာချုပ် ကိုဆွေဝင်း အာမခံရ appeared first on ဧရာဝတီ.
Source : http://ift.tt/2f0kji3
via IFTTT

ဧရာဝတီတိုင်းတွင် H1N1 ကြောင့် လူ ၆ ဦး သေဆုံး

ဧရာဝတီတိုင်းတွင် H1N1 ကြောင့် လူ ၆ ဦး သေဆုံး ဧရာဝတီတိုင်းဒေသကြီးတွင် A – H1N1 လူတုပ်ကွေး ရောဂါကြောင့် တလအတွင်း ပုသိမ်၊ ညောင်တုန်း၊ ပန်းတနော်၊ ဒေးဒရဲ၊ ဖျာပုံနှင့် ကျုံပျော် စသည့် ဒေသ ၆ ခုမှ လူ ၆ ဦး သေဆုံးခဲ့ကြောင်း ဧရာဝတီတိုင်း ဒေသကြီး အစိုးရအဖွဲ့ ဝန်ကြီးချုပ် မန်းဂျော်နီ က ယနေ့ ပြောသည်။ ဧရာဝတီတိုင်းတွင် ဇူလိုင်လ ၁ ရက်နေ့မှ ၃၀ ရက်နေ့အတွင်း လူပေါင်း ၄၀၆ ဦး ဖျားနာခဲ့ပြီး အဆိုပါ ဖျားနာသူများထဲမှ သံသယလူနာ ၁၃ ဦးအား ဓာတ်ခွဲစစ်ဆေးခဲ့ရာ ၁၃ ဦးစလုံးတွင် A – H1N1 ရောဂါပိုးတွေ့ရှိခဲ့ကြောင်း၊ ထို လူနာ ၁၃ ဦး အနက် ၆ ဦးသေဆုံးခဲ့ကြောင်း ဝန်ကြီးချုပ် မန်းဂျော်နီက ပုသိမ်မြို့ ရှိ တိုင်းကျန်းမာရေး ဌာနတွင် ယနေ့ နံနက်ပိုင်းက ပြုလုပ်သည့် ရှင်းလင်းပွဲတွင် ပြောကြားခြင်း ဖြစ်သည်။ “အခုလို ရှင်းလင်းပွဲလုပ်တာက ရောဂါဖြစ်ပွားမှု၊ သေဆုံးမှု၊ ကာကွယ်နှိမ်နင်းနိုင်မှု အခြေအနေမှန်တွေကို ပြည်သူလူထုကို ချပြချင်တဲ့အတွက် ဖြစ်ပါတယ်။ ပြည်သူလူထုကို လိမ်လို့ မဖြစ်ပါဘူး”ဟု ဝန်ကြီးချုပ် မန်းဂျော်နီက ပြောသည်။ အမျိုးသားကျန်းမာရေးဌာန ဓာတ်ခွဲခန်း၏ စစ်ဆေးအတည်ပြုချက်အရ ဧရာဝတီတိုင်းအတွင်း A – H1N1 ဖြစ်ပွားလူနာ အရေအတွက်မှာ ပုသိမ်မြို့နယ်တွင် ၆ ဦး၊ ညောင်တုန်းမြို့နယ်တွင် ၂ ဦး၊ ရေကြည်မြို့နယ် အသုတ်မြို့၊ ပန်းတနော်မြို့၊ ဒေးဒရဲမြို့၊ ဖျာပုံမြို့နှင့် ကျုံပျော်မြို့တို့တွင် ၁ ဦးစီဖြစ်ပြီး စုစုပေါင်း ၁၃ ဦး ဖြစ်ကြောင်း သိရသည်။ ဧရာဝတီတိုင်းဒေသကြီး ပြည်သူ့ကျန်းမာရေး ဦးစီးဌာနအနေဖြင့် ရောဂါဖြစ်ပွားသည့် ဒေသတိုင်းအား ကွင်းဆင်း ၍ ရောဂါနှိမ်နင်းရေး လုပ်ငန်းများနှင့် ပညာပေးခြင်း လုပ်ငန်းများကိုလည်း ကျယ်ကျယ်ပြန့်ပြန့် လုပ်ဆောင်နေ ကြောင်း ဝန်ကြီးချုပ် မန်းဂျော်နီက ဆိုသည်။ “ကျန်းမာရေးဌာနအနေနဲ့ ပညာပေးမှုတွေ လုပ်ဆောင်နေသလို ပြည်သူလူထုအနေနဲ့လည်း ပညာပေးမှုတွေကို အထူးဂရုစိုက် လိုက်နာဖို့ လိုပါတယ်။ ပညာပေးတဲ့လူတွေ ကောင်းအောင် ဘယ်လောက်ပြောပြော ကိုယ်တိုင် လိုက်မလုပ်ဘူးဆိုရင် မဖြစ်ပါဘူး။ အဓိက သတင်းစကား ပါးချင်တာကတော့ ရာသီတုပ်ကွေး ရောဂါ သံသယ ရှိသူများမှာ အဖျားအလွန်ကြီးတာ၊ အသက်ရှူကြပ်တာ၊ ဂနာမငြိမ်တာ၊ သတိလစ်တာတွေဖြစ်လာရင် နီးစပ်ရာ ဆေးရုံဆေးခန်းတွေမှာ ချက်ချင်းကုသမှု ခံယူဖို့ တိုက်တွန်းပါတယ်”ဟု ဝန်ကြီးချုပ်က ပြောသည်။ ညောင်တုန်းမြို့နယ်၊ မိုးမခကျေးရွာရှိ ကျောင်းအုပ်ဆရာမကြီးမှာ A – H1N1 ရောဂါဖြင့် ကွယ်လွန်ဆုံးပါး ခဲ့သည့်အတွက် ၎င်းနေထိုင်ခဲ့သည့် အဆိုပါကျေးရွာသို့ ကျန်းမာရေးအဖွဲ့ စေလွှတ်ပြီး ရောဂါကူးစက်မှု ထိန်းချုပ်ရေးနှင့် ပညာပေးမှု လုပ်ငန်းများ ယနေ့ ဆောင်ရွက်နေကြောင်း ဧရာဝတီတိုင်းဒေသကြီး ပြည်သူ့ကျန်းမာရေး ဦးစီးဌာန ညွှန်ကြားရေးမှူး ဒေါက်တာ ထွန်းမြင့်ကလည်း ပြောပြသည်။ “ဆရာမကြီးနေထိုင်ခဲ့တဲ့ မိုးမခကျေးရွာကို ညောင်တုန်းမြို့နယ် ဆရာဝန်ကြီးကနေ ကျန်းမာရေး အဖွဲ့တဖွဲ့ စေလွှတ်ပြီး ဆောင်ရွက်နေပါပြီ။ ရောဂါဖြစ်ပွားမှု ထိမ်းချုပ်နိုင်ရေးနဲ့ ကာကွယ်မှု ပညာပေးမှုတွေကို ကျနော်တို့ ကျန်းမာရေးဌာနအနေနဲ့ အချိန်နဲ့တပြေးညီ လုပ်ဆောင်နေပါတယ်”ဟု သူက ပြောသည်။ ပုသိမ်မြို့ ပညာရေးကောလိပ်တွင် A – H1N1 ဖြစ်ပွားသူ ၄ ဦး တွေ့ရှိခဲ့ပြီး ကျန်းမာရေးဌာနမှ ဂရုစိုက် ကုသပေး ခဲ့ သည့်အတွက် လူနာ ၄ ဦးစလုံး ရောဂါပျောက်ကင်း သက်သာခဲ့ပြီး ရောဂါပျံ့နှံ့မှုမရှိစေရန် ထိန်းချုပ် နိုင်ခဲ့ ကြောင်း၊ ထို့ကြောင့် A – H1N1 ရောဂါဖြစ်သည်ဆိုတိုင်း ကြောက်စရာမလိုကြောင်း၊ အသိနောက်မကျစေဘဲ စောလျင်စွာ ကုသမှုခံယူလျှင် ပျောက်ကင်းကြောင်း ဒေါက်တာ ထွန်းမြင့်က ဆိုသည်။ A – H1N1 လူတုပ်ကွေး ရောဂါလက္ခဏာများမှာ အဖျားကြီးပြီး ရင်ဘတ်အောင့်လာခြင်း၊ အသက်ရှူ ကြပ်ခြင်း၊ အသက်ရှူမရခြင်း၊ ကြွက်သားနာကျင်ကိုက်ခဲခြင်း၊ ချောင်းဆိုးခြင်း၊ လည်ပင်းနာခြင်း၊ ဂနာမငြိမ် ဖြစ်ခြင်း၊ သတိလစ်ခြင်းများ ဖြစ်လေ့ရှိကြောင်း သိရသည်။ သာမာန်တုပ်ကွေးဖြစ် ဖျားနာသူတွင် အဆိုပါလက္ခဏာ ရပ်များ တွေ့ရှိရပါက နီးစပ်ရာ ကျန်းမာရေးဌာနနှင့် ဆေးရုံသို့ အမြန်ဆုံးတက်ရောက် ကုသမှုခံယူရန် ကျန်းမာရေးဌာနက တိုက်တွန်းထားသည်။ A – H1N1 လူတုပ်ကွေးရောဂါပိုး ကူးစက်မှုကို ကာကွယ်နိုင်ရန်အတွက် လူထူထပ်သည့် နေရာများကို ရှောင်ကျဉ်ရန်၊ အပြင်ကပြန်လာတိုင်း လက်ကိုဆပ်ပြာဖြင့် စင်ကြယ်စွာဆေးကြောရန်၊ ချောင်းဆိုးတိုင်း ပါးစပ်နှင့် နှာခေါင်းကို သေချာစွာ ဖုံးအုပ်ရန်၊ လူထူထပ်သည့် နေရာများ မဖြစ်မနေ သွားလာရပါက နှာခေါင်းစည်း (Mask) တပ် သွားလာရန်နှင့် ရောဂါကူးစက်ခံရသည်ဟု သံသယရှိပါက ချက်ချင်းဆေးကုသမှု ခံယူသည့်နည်းများဖြင့် ကာကွယ်နိုင်ကြောင်း တိုင်းကျန်းမာရေး ဌာနက သတင်းထုတ်ပြန်ထားသည်။ The post ဧရာဝတီတိုင်းတွင် H1N1 ကြောင့် လူ ၆ ဦး သေဆုံး appeared first on ဧရာဝတီ.
Source : http://ift.tt/2wd85WK
via IFTTT

Airbus ကုမ္ပဏီမှ A380 လေယာဉ်ထုတ်လုပ်မှုကို လျှော့ချ

Airbus ကုမ္ပဏီမှ A380 လေယာဉ်ထုတ်လုပ်မှုကို လျှော့ချ ဥရောပအခြေစိုက် လေယာဉ်ထုတ်လုပ်ရေးကုမ္ပဏီတစ်ခုဖြစ်တဲ့ Airbus ဟာ ၎င်းရဲ့ “A380 superjumbo” အမျိုးအစားဖြစ်တဲ့ လေယာဉ်ထုတ်လုပ်ရေးကို ယခုနှစ်အတွင်းမှာဘဲ ဒုတိယအကြိမ်မြောက်အနေနဲ့ လျှော့ချခဲ့ပါတယ်။ အဆိုပါ “A380 superjumbo”နှစ်ထပ်လေယာဉ် တင်ပို့မှုမှာလည်း ယခုနှစ်မှာ ၁၅ စီး၊ ၂၀၁၈ မှာ ၁၂ စီးနဲ့ ၂၀၁၉ မှာ ၈ စီးအထိ တဖြည်းဖြည်းချင်းလျော့နည်းလာတယ်လို့ Airbus ကုမ္ပဏီက ပြောကြားခဲ့ပါတယ်။ ကုမ္ပဏီရဲ့ တာဝန်ရှိ အကြီးအကဲတဦးဖြစ်သူ Tom Enders က “ဒီ A380 လေယာဉ် တင်ပို့ရောင်းချမှုဟာ ကာလတိုအတွင်းမှာ လိုအပ်သလောက် မြင့်မားလာမှာ မဟုတ်တော့ဘူး” လို့ ပြောကြားထားပါတယ်။ အဆိုပါ A380 လေယာဉ်ကို အော်ဒါအဖြစ် မှာယူခြင်းမရှိတော့တာဟာ ၂ နှစ်လောက်ရှိသွားပြီဖြစ်ကြောင်းနဲ့ အဆိုပါ လေယာဉ် အမျိုးအစား ထုတ်လုပ်မှုဟာလည်း အရှုံးပေါ်နေကြောင်းကို ကြာသပတေးနေ့က ပြောကြားသွားခဲ့ပါတယ်။ ဆက်လက်ပြီး Airbus ကုမ္ပဏီဟာ ဝင်ငွေစုစုပေါင်း ၁၅.၂၇ ဘီလျံမှာ အမြတ်ငွေရာခိုင်နူန်း ၂၇ ရာခိုင်နှုန်းအထိ ကျဆင်းခဲ့ကြောင်းကိုလည်း ထပ်မံပြောကြားခဲ့ပါတယ်။ Airbus ရဲ့ A380 လေယာဉ်တွေဟာ တစီးကို ၄၃၂.၆ မီလီယံတန်ကြေးရှိပြီးတော့ လူ ၆၀၀ နဲ့ အထက်ကို တပြိုင်နက်တည်း သယ်ဆောင်နိုင်တာပဲဖြစ်ပါတယ်။ ယခုလို လူပမာဏများပြားစွာ တင်ဆောင်နိုင်တဲ့ A380 လေယာဉ်ရဲ့ ကမ္ဘာအရပ်ရပ်မှ မှာယူမှုပမာဏ လျော့နည်းလာရခြင်းရဲ့အဓိကမှာ ပျံသန်းမှု ကုန်ကျစရိတ်ပဲဖြစ်ပါတယ်။ ခရီးသည်များပြားစွာတင်ဆောင်နိုင်ပေမယ့် ဆီစားနှုန်းကုန်ကျမှုဟာ တနာရီကို အမေရိကန်ဒေါ်လာ ၂၆၀၀၀ မှ ၂၉၀၀၀ အထိ ရှိနေတာပါ။ ပျှမ်းမျှအားဖြင့် တမိုင်ကို အမေရိကန်ဒေါ်လာ ၄၀.၁၉ မှ ၄၄.၈၂ အထိ ရှိနေတာပါ။ နောက်ထပ်ပြဿနာတခုကတော့ လေယာဉ်ရပ်နားဖို့နေရာပါ။ လေယာဉ်ကွင်းကြီးရှိတဲ့ နိုင်ငံတွေအတွက်တော့ ပြဿနာ မရှိနိုင်ပေမယ့် ကွင်းဧရိယာကြီးကြီးမားမားမရှိတဲ့ ဖွံ့ဖြိုးဆဲနိုင်ငံများအတွက်တော့ ဆင်းသက်ရ ခက်ခဲစေတာကြောင့်လို့ သိရပါတယ်။ Airbus ကုမ္ပဏီရဲ့ အဓိကပြိုင်ဘက်ကုမ္ပဏီဖြစ်တဲ့ Boeing ကုမ္ပဏီရဲ့ ရှယ်ယာရာခိုင်နှုန်းကတော့ ပြီးခဲ့တဲ့ ဗုဒ္ဒဟူးနေ့မှာ သိသိသာသာမြင့်တက်လာကြောင်းကို သတင်းကဖော်ပြထားပါတယ်။ ပြီးခဲ့တဲ့ ဇွန်လပိုင်းက Airbus ဟာ အဆင့်မြှင့်တင်ထားတဲ့ ကမ္ဘာ့အကြီးဆုံး ဂျက်လေယာဉ်ကို ပွဲထုတ်ပြသခဲ့ပါတယ်။ အဆိုပါလေယာဉ်နဲ့ပတ်သက်ပြီးဆီစားသက်သာကြောင်းကိုလည်း အာမခံထားပြီး ထိုင်ခုံနေရာများ ပိုမိုများပြားကြောင်း လည်း ပြောကြားခဲ့ပါတယ်။ ယခုလို လေယာဉ်သစ်ထုတ်လုပ်မှုဟာ လေကြောင်းလိုင်းတွေအနေနဲ့ Airbus ကို အော်ဒါပိုမို မှာယူလာနိုင်စေဖို့အတွက် အထောက်အကူတခုဖြစ်လာမယ်လို့ မျှော်လင့်ထားတယ်လို့လည်း သတင်းက ဖော်ပြထား ပါတယ်။ လက်ရှိမှာတော့ အဆိုပါလေယာဉ်ဟာ စမ်းသပ်ဆဲအဆင့်မှာသာရှိနေပြီး အင်ဂျင်ပိုင်းဆိုင်ရာမှာ ချို့ယွင်းချက် ရှိနေသေးကြောင်း၊ ထိုချို့ယွင်းချက်ကို မကြာမီမှာ ပြင်ဆင်နိုင်ဖို့ ကြိုးစားအဖြေရှာနေကြောင်း ဖော်ပြထားပါတယ်။ Ref: bbc.com/ http://ift.tt/2hfFxcf The post Airbus ကုမ္ပဏီမှ A380 လေယာဉ်ထုတ်လုပ်မှုကို လျှော့ချ appeared first on ဧရာဝတီ.
Source : http://ift.tt/2vWUEux
via IFTTT

အပြည်ပြည်ဆိုင်ရာ လူငယ်များ စက်ရုပ်ပြိုင်ပွဲတွင် မြန်မာအသင်း အဆင့် ၆ ရရှိခဲ့

အပြည်ပြည်ဆိုင်ရာ လူငယ်များ စက်ရုပ်ပြိုင်ပွဲတွင် မြန်မာအသင်း အဆင့် ၆ ရရှိခဲ့ ကမ္ဘာ့ပထမဦးဆုံး စက်ရုပ်အိုလံပစ်ပြိုင်ပွဲတွင် အဆင့် ၆ ရရှိခဲ့သော မြန်မာလူငယ်စက်ရုပ်အသင်းက ၎င်းတို့၏ အောင်မြင်မှုသည် နိုင်ငံအတွင်းရှိ အခြားသော လူငယ်များ STEM (သိပ္ပံ၊ နည်းပညာ၊ အင်ဂျီနီယာနှင့် သင်္ချာ) အတတ်ပညာများကို အသုံးချလာအောင် စေ့ဆော်မှု ဖြစ်စေရန် မျှော်လင့်ကြောင်း ဆိုသည်။ အမေရိကန် ပြည်ထောင်စု ဝါရှင်တန်မြို့တွင် ဇူလိုင်လ ၁၆ ရက်နေ့မှ ၁၈ ရက်နေ့အထိ ကျင်းပခဲ့သော အဆိုပါ စက်ရုပ်အိုလံပစ်ပြိုင်ပွဲတွင် ကမ္ဘာအနှံ့နှံ့မှ အသင်းပေါင်း ၁၆၃ သင်း ဝင်ရောက်ယှဉ်ပြိုင်ခဲ့ပြီး လူငယ်များ သိပ္ပံနှင့်နည်းပညာတွင် စိတ်ဝင်စားမှု မြှင့်တင်ရန် ရည်ရွယ်ချက်ဖြင့် ထိုပြိုင်ပွဲတွင် ဝင်ရောက်ယှဉ်ပြိုင်ခဲ့ခြင်းဖြစ်သည်။ အသက် ၁၇ နှင့် ၁၈ နှစ်သာ ရှိကြသေးသော အင်ဂျီနီယာကျောင်းသား ၇ ယောက်နှင့် ဖွဲ့စည်းသော မြန်မာစက်ရုပ်အသင်းသည် စက်ရုပ်တည်ဆောက်သည့်အတွေ့အကြုံနှင့် ပြိုင်ပွဲဝင်အတွေ့အကြုံများကို ပြီးခဲ့သည့် သောကြာနေ့က “ဖန်တီးရာ” ရုံးခန်းတွင် မီဒီယာများနှင့် တွေ့ဆုံကာ ရှင်းလင်းပြောပြခဲ့ကြသည်။ စက်ရုပ်အိုလံပစ်ပြိုင်ပွဲ၏ အကြောင်းအရာမှာ ရေသန့်စင်ရေးနှင့် ပတ်သက်သော ပြဿနာများကို ကိုင်တွယ်ဖြေရှင်းရေးဖြစ်သည်။ မြန်မာနိုင်ငံကိုယ်စားပြု လူငယ်စက်ရုပ်အသင်းတွင် ရန်ကုန်နည်းပညာတက္ကသိုလ်၊ သတင်းအချက်အလက်နှင့် နည်းပညာ တက္ကသိုလ်၊ ကွန်ပျုတာတက္ကသိုလ်၊ တူရကီနိုင်ငံ Bursa Orhangazi Üniversitesi နှင့် ILBC တို့မှ ကျောင်းသားလူငယ်များ ပါဝင်ကာ ဟာ့ဒ်ဝဲပိုင်းကျွမ်းကျင်သူ ကိုကြည်ဇော်ဝင်းက နည်းပြအဖြစ် ဆောက်ရွက်ပေးထားကြောင်း သိရသည်။ အသင်းခေါင်းဆောင် ဘုန်းသီဟကျော်က “တကယ်တန်းပြောရရင် အဆင့် ၁၀ အတွင်းဝင်ဖို့ မမျှော်လင့်ခဲ့မိပါဘူး” ဟု သောကြာနေ့ အခမ်းအနားတွင် ပြောကြားခဲ့ပြီး ကမ္ဘာတဝှမ်းမှ ပြိုင်ပွဲဝင်လူငယ်များနှင့် ၎င်းတို့တည်ဆောက်ထားသော စက်ရုပ်များကို ကြည့်ကာ များစွာသင်ယူလေ့လာခွင့်ရခဲ့ကြောင်း ဆိုသည်။ အဖွဲ့၏ ပြောရေးဆိုခွင့်ရှိသူ ကျော်ဇဇော်က နိုင်ငံအတွင်းရှိ တခြားသော လူငယ်များကို ကိုယ်တိုင်အတွက်သာ မဟုတ်ဘဲ ကိုယ့်ပတ်ဝန်းကျင် တိုးတက်စေရေးအတွက် ရရှိလာသော အခွင့်အရေးများကို သေချာအသုံးချစေလိုကြောင်း တိုက်တွန်းသည်။ “ဒီလို robotics ပြိုင်ပွဲတွေ STEM နယ်ပယ်နဲ့ ဆိုင်တဲ့ ပြိုင်ပွဲတွေကို ကျနော်တို့လို ကျောင်းသားတွေတင် မဟုတ်ဘဲ တခြားလူငယ်တွေလည်း အပြင်က resources အရင်းအမြစ်တွေကို အသုံးချပြီး ပြင်ဆင် ပြိုင်ပွဲဝင်ကြည့်စေချင်ပါတယ်” ဟု ဧရာဝတီကို ပြောသည်။ မြန်မာအသင်း၏ စက်ရုပ်အတွက် ဆော့ဖ်ဝဲပိုင်းဆိုင်ရာကို ပါဝင်လုပ်ဆောင်ခဲ့သူ၊ အဖွဲ့ဝင် မိန်းကလေး ၂ ဦးအနက် တဦးဖြစ်သူ ၁၇ နှစ်အရွယ် မမေပြည့်စုံကျော်သည် ပြိုင်ပွဲတွင် မိန်းကလေးများသာ ပါဝင်ဖွဲ့စည်းထားသော အခြားနိုင်ငံများမှ အသင်းအချို့ကို တွေ့ရသည့်အခါ စိတ်ဓာတ်တက်ကြွကာ ကိုယ့်ကိုယ်ကိုယ် ပိုမို ယုံကြည်မှု ရှိလာကြောင်း ဆိုသည်။ စက်ရုပ်တည်ဆောက်ခြင်းမှာ မိန်းကလေးများနှင့် မသက်ဆိုင် မလိုက်ဖက်သည့်အလုပ်ဟု မှားယွင်းသည့် အယူအဆသည် တခြားသောမိန်းကလေးအသင်းများကို မြင်တွေ့ရပြီးနောက် လုံးဝပျောက်ကွယ်သွားခဲ့ကြောင်း ပြောသည်။ ပြိုင်ပွဲတွင် ပွဲစဉ် ၆ ခု ယှဉ်ပြိုင်ခဲ့ရပြီး မြန်မာကိုယ်စားပြုအသင်းသည် ၅ ပွဲ အနိုင်ရကာ အဆင့် ၆ ရရှိခဲ့ကြောင်း သိရသည်။ ဥရောပ၊ ပိုလန်၊ အာမေးနီးယား၊ အစ္စရေးနှင့် ဂျာမနီ အဖွဲ့များက ပထမမှ ပဉ္စမ အသီးသီး ရရှိခဲ့ကြောင်း သိရသည်။ မြန်မာလူငယ်အသင်း သွားရောက် ယှဉ်ပြိုင်နိုင်ရေးအတွက် USAID က ထောက်ပံ့ပေးခဲ့ပြီး ဖန်တီးရာက လိုအပ်သော နည်းစနစ်ပိုင်းဆိုင်ရာ အကူအညီအထောက်အပံ့နှင့် လမ်းညွှန်မှုများကို ကူညီပေးခဲ့ကြောင်း သိရသည်။ ပြိုင်ပွဲသို့ သွားရောက်ယှဉ်ပြိုင်ရန် လျှောက်လွှာနှင့် လူရွေးချယ်မှုများကို ဖေဖော်ဝါရီလကတည်းက စတင်ခဲ့ပြီး ကျောင်းသား၊ ကျောင်းသူ ၇ ဦးကို စိစစ်ရွေးချယ်ကာ အဖွဲ့ကိုဖွဲ့စည်းပေးခဲ့ကြောင်း မြန်မာကိုယ်စားပြုအသင်း၏ လက်ထောက်နည်းပြဖြစ်သူ၊ ဖန်တီးရာ၏ Associate တဦးလည်းဖြစ်သူ ကိုမြင့်မြတ်အောင်ဇော်က ဆိုသည်။ ယခုကဲ့သို့ အောင်မြင်မှု ရရှိလာခဲ့မှုကြောင့် ရှေ့နှစ်များတွင် အလားတူ ဒေသတွင်းသော်လည်းကောင်း နိုင်ငံတွင်းသော်လည်းကောင်း စက်ရုပ်ပြိုင်ပွဲများ စီစဉ်နိုင်ရန် အထောက်အကူ များစွာပြုလာနိုင်လိမ့်မည်ဖြစ်ကြောင်း အဖွဲ့၏ လက်ထောက်နည်းပြ ကိုမြင့်မြတ်အောင်ဇော်က ပြောသည်။ မြန်မာလူငယ်များ၏ ကြိုးစားအားထုတ်မှုနှင့် စွမ်းဆောင်နိုင်ရည်ကို လက်တွေ့သိရှိထားပြီး ဖြစ်သဖြင့် မြန်မာလူငယ်အသင်း၏ ယခုအောင်မြင်မှုကို အံ့လည်း အံ့သြမိသလို မအံ့လည်း မအံ့သြမိကြောင်း အခမ်းအနားသို့ တက်ရောက်ခဲ့သည့် မြန်မာနိုင်ငံဆိုင်ရာ အမေရိကန်သံအမတ်ကြီး စကော့မာစီရယ်လ်က ပြောသည်။ “တီထွင်ဖန်တီးချင်စိတ်ရှိတဲ့လူငယ်တွေတွေ့ဆုံပြီး သူတို့ရဲ့ အိုင်ဒီယာတွေကို အကောင်အထည်ဖော်ဆောင်နိုင်ဖို့ အခုပြိုင်ပွဲက လူငယ်အသိုက်အဝန်းကောင်းတစ်ခုကို ဖန်တီးပေးနိုင်ခဲ့ပါတယ်” ဟု သံအမတ်ကြီးက ပြောကြားခဲ့သည်။ The post အပြည်ပြည်ဆိုင်ရာ လူငယ်များ စက်ရုပ်ပြိုင်ပွဲတွင် မြန်မာအသင်း အဆင့် ၆ ရရှိခဲ့ appeared first on ဧရာဝတီ.
Source : http://ift.tt/2uMu1Ka
via IFTTT

2017 ထုတ် Mazda MX-5 Miata RF Convertible အမိုးဖွင့်မော်ဒယ်

2017 ထုတ် Mazda MX-5 Miata RF Convertible အမိုးဖွင့်မော်ဒယ် ပြီးခဲ့တဲ့ နှစ်အတွင်းကမှ ဒီဇိုင်းဆွဲပြီး MX-5 Miata ရဲ့မော်ဒယ်ခွဲအနေနဲ့ နောက်ထပ်ရွေးချယ်နိုင်စရာ များပြားလာအောင် MX-5 Miata RF အဖြစ် ထုတ်လုပ်လာတာ ဖြစ်ပါတယ်။ ထူးခြားချက်ကတော့ အမိုးပိုင်းမှာ အခြား MX-5 Miata မော်ဒယ်တွေက အမိုးတခုလုံး အသိမ်းအထုတ် လုပ်နိုင်ပေမယ့် အခု MX-5 Miata RF ကတော့ ခရီးသည်ခန်းအပေါ်က အမိုးလောက်ကိုပဲ ခေါက်သိမ်းနိုင်မှာ ဖြစ်ပြီး အမိုးချထားတဲ့ အ ချိန်ထိအောင် အမိုးသား တခုလုံး သိမ်းထားသလို ဖြစ်နေမှာ မဟုတ်ပါဘူး။ မော်ဒယ်က အားသာချက်တွေအဖြစ်နဲ့ ရွေးချယ်နိုင်စရာ ကိုယ်ထည် အများအပြားရှိအောင် ထုတ်လုပ်ထားတယ်၊ နောက် ပြီး အမိုးအသေတပ် နှစ်ယောက်စီး ကိုယ်ထည်အနေနဲ့ပါ လိုချင်တယ်ဆိုရင်ရအောင် ထုတ်လုပ်ထားပြီး Converible ပုံစံ မဟုတ်ဘဲ ရနိုင်မှာလည်း ဖြစ်ပါတယ်။ ပြီးတော့ ပုံမှန် Miata မော်ဒယ်တွေထက်လည်း နည်းနည်း ပိုမြန်ပါတယ်။ နောက်ဆုံး သဘောကျစရာကောင်းတဲ့အချက်ကတော့ အမိုးကို လျှပ်စစ်စနစ်နဲ့ အသိမ်းအထုတ် လုပ်ဆောင်နိုင်မှာ ဖြစ်ပြီး အမိုးသိမ်းခန်းကြောင့် ခရီးသည်ခန်း ကျဉ်းသွားတာ၊ နောက်ဘက်ဝန်တင်ခန်း ကျဉ်းသွားတာမျိုးတွေမရှိဘဲ အတွင်းခန်း တွေ ကျယ်ဝန်းတာ တွေ့ရပါတယ်။ ဒါပေမယ့် အခု MX-5 Miata RF မော်ဒယ်က ပုံမှန် Miata မော်ဒယ်တွေထက်တော့ ကိုယ်ထည်ပိုင်းက နည်းနည်း ပိုလေး ချင်နေပါတယ်။ ပြီးတော့ အမိုးတခုလုံး သိမ်းလိုက်နိုင်မှာ မဟုတ်လို့ အမိုးဖွင့် မော်ဒယ်စစ်စစ်လိုချင်သူတွေအတွက်ကတော့ စိတ်ကြိုက် မဖြစ်နိုင်ပါဘူး။ နောက်ဆုံးတချက်ကတော့ ကိုယ်ထည်အရွယ်အစားနဲ့စာရင် အတွင်းခန်း ကျယ်ဝန်းတယ်ဆိုပေမယ့် အသေးစား ကိုယ်ထည် နဲ့ ဖြစ်နေလို့ အတွင်းခန်းက အရမ်းတော့ မကျယ်ပါဘူး။ ခရီးဝေးမောင်းနှင်မှုတွေအတွက် အဆင်ပြေ၊ မပြေ စစ်ဆေး ဝယ်ယူ ဖို့ သင့်ပါတယ်။ အခုနှစ် မော်ဒယ်က Sport ကားတန်းဝင် အမိုးဖွင့် မော်ဒယ်အနေနဲ့ ဖန်တီးထားတာ ဖြစ်ပြီး အမိုးအနေအထားကြောင့် မော် ဒယ်ကို မောင်းနှင်နေချိန်မှာ ရှေ့ဘက်လေကို ခွင်းရမှုအတွက် အရှိန် မြှင့်တင်နိုင်မှု အားနည်းခြင်းကို ပြင်ဆင်နိုင်အောင် အမိုး ကို အားလုံး မဟုတ်ဘဲ တဝက်တပျက်လောက်ပဲ သိမ်းနိုင်အောင် ဖန်တီးထားတဲ့ မော်ဒယ်ပါ။ အမိုး အသိမ်းအထုတ်ကို လျှပ်စစ်စနစ်နဲ့ လုပ်ဆောင်နိုင်အောင် ဖန်တီးထားပါတယ်၊ အင်ဂျင်ပိုင်းမှာလည်း စွမ်းအင်ထုတ် လုပ်နိုင်မှု ပိုကောင်းအောင် ဖန်တီးလာတာပါ။ မော်ဒယ်ခွဲအနေနဲ့ကတော့ ၂ မျိုးရနိုင်အောင် ထုတ်လုပ်ထားပြီး Clubနဲ့ Grand Touring တွေအဖြစ် ရနိုင်ပါတယ်။ နည်းပ ညာ ထည့်သွင်း ဖန်တီးမှု အပေါ်ကို မူတည်ပြီးတော့ မော်ဒယ်ခွဲ ကွဲပြားတာ ဖြစ်ပေမယ့် အင်ဂျင်စနစ်ကတော့ တခုတည်း ဖြစ် ပါတယ်။ အင်ဂျင်က ၂.၀ လီတာသုံး ပုံမှန် လေးလုံးထိုး အင်ဂျင်ကို တပ်ဆင်ထားတာ တွေ့ရပြီး သူက ရုန်းအား ၁၄၈ ပေါင်-ပေမှာ မြင်း ကောင်ရေ ၁၅၅ ကောင်အားထိအောင် ထွက်ရှိတာလည်း ဖြစ်ပါတယ်။ ဂီယာပိုင်းမှာတော့ Manual နဲ့လည်း ရနိုင်သလို Auto အဖြစ်လည်း လာပါတယ်။ Club မော်ဒယ်ခွဲမှာတော့ Bilstein Damper ကို ထည့်ထားတယ်၊ သူက Sport မော်ဒယ်ကို ရုပ်ထွက်ရော လေခွင်းစနစ်ပါ ပိုမို အားကောင်းစေတယ်၊ Grand Touring မှာက အလိုအလျောက် ရှေ့မီးကြီးစနစ်တွေ၊ ဂြိုလ်တု အခြေပြု မြေပုံစနစ်တွေ ပါလာလို့ ပိုပြီး အဆင့်မြင့်ပါတယ်။ အမြန်နှုန်း မြှင့်တင်မောင်းနှင်မှုအပိုင်းမှာတော့ မော်ဒယ်က တနာရီ မိုင် ၆၀နှုန်းကို အချိန် ၅ စက္ကန့်ဝန်းကျင်နဲ့ ရောက်အောင် မောင်းနှင်နိုင်ပြီး ဆီစားနှုန်းကတော့ တဂါလံကို ပျမ်းမျှ မိုင် ၃၀ကျော်ထိအောင် မောင်းနှင်နိုင်မှာ ဖြစ်ပါတယ်။ နိုင်ငံတကာ ဈေးကွက်မှာတော့ မော်ဒယ်ကို ဈေးနှုန်း ဒေါ်လာ ၃၂၈၆၀ နဲ့ ရောင်းချနေတာ တွေ့ရပြီး ပြည်တွင်းမှာ Mazda အရောင်းပြခန်း ရှိနေလို့ အဲဒီမှာ စုံစမ်းဝယ်ယူနိုင်မှာလည်း ဖြစ်ပါတယ်။ Ref: www.edmunds.com The post 2017 ထုတ် Mazda MX-5 Miata RF Convertible အမိုးဖွင့်မော်ဒယ် appeared first on ဧရာဝတီ.
Source : http://ift.tt/2tVNN7r
via IFTTT

ချယ်လ်ဆီးအသင်းရဲ့ ဂိုးသွင်းစက် ဒီယေဂို ကော်စတာ

ချယ်လ်ဆီးအသင်းရဲ့ ဂိုးသွင်းစက် ဒီယေဂို ကော်စတာ ဘရာဇီးမှာ မွေးဖွားပြီး စပိန်နိုင်ငံသား ခံယူထားတဲ့ ဒီယေဂို ကော်စတာရဲ့ ဖြတ်သန်းမှုက စိတ်ဝင်စားစရာပါ။ လက်ရှိ အင်္ဂလန်ရဲ့ အအောင်မြင်ဆုံး ဘောလုံး အသင်း တသင်းဖြစ်တဲ့ ချယ်ဆီးမှာ ကျောနံပါတ် ၁၉ ကို ဝတ်ဆင်ပြီး တိုက်စစ်မှာ နေရာရထားသူ ဒီယေဂို ကော်စတာ ရဲ့ နာမည် အပြည့်အစုံက Diego da Silva Coasta ဖြစ်ပါတယ်။ သူ့ကို ၁၉၈၈ ခုနှစ် အောက်တိုဘာလ ၇ ရက် ဘရာဇီးမှာ မွေးပါတယ်၊ အရပ်က ၆ ပေနဲ့ ၂ လက်မ ရှိပြီး ကလေးဘဝမှာတော့ ၂၀၀၄ ကနေ ၂၀၀၆ အထိ ဘာစီလိုနာ လူငယ် အသင်းမှာ ဖြတ်သန်းခဲ့တာ တွေ့ရပါတယ်။ဘရာဇီးမှာ မွေးဖွားပြီး စပိန်နိုင်ငံသား ခံယူထားတဲ့ ဒီယေဂို ကော်စတာရဲ့ ဖြတ်သန်းမှုက စိတ်ဝင်စားစရာပါ။ လက်ရှိ အင်္ဂလန်ရဲ့ အအောင်မြင်ဆုံး ဘောလုံး အသင်း တသင်းဖြစ်တဲ့ ချယ်ဆီးမှာ ကျောနံပါတ် ၁၉ ကို ဝတ်ဆင်ပြီး တိုက်စစ်မှာ နေရာရထားသူ ဒီယေဂို ကော်စတာ ရဲ့ နာမည် အပြည့်အစုံက Diego da Silva Coasta ဖြစ်ပါတယ်။ သူ့ကို ၁၉၈၈ ခုနှစ် အောက်တိုဘာလ ၇ ရက် ဘရာဇီးမှာ မွေးပါတယ်၊ အရပ်က ၆ ပေနဲ့ ၂ လက်မ ရှိပြီး ကလေးဘဝမှာတော့ ၂၀၀၄ ကနေ ၂၀၀၆ အထိ ဘာစီလိုနာ လူငယ် အသင်းမှာ ဖြတ်သန်းခဲ့တာ တွေ့ရပါတယ်။ စပိန်လူမျိုး ဘောလုံးသမား တစ်ဦး ဖြစ်ပြီး သူ့ရဲ့ သွင်းဂိုးတွေက အသင်းကို အောင်မြင်မှု ရရှိအောင် အကောင်းဆုံး ထောက်ပံ့ပေးနေတာပါ။ ခန္ဓာကိုယ် ကြံ့ခိုင်တောင့်တင်း သန်မာတယ်၊ ဂိုးသွင်းသေချာတယ်၊ မှန်ကန် တိကျတဲ့ ဖြတ်တင် ဘောလုံးတွေနဲ့ အတူ ပရိတ်သတ် အခိုင်အမာ ရရှိထားသူပါ။ ဒါပေမယ့် ပြိုင်ဖက် ကစားသမားတွေကို ပြင်းပြင်းထန်ထန် တွန်းတိုက်ကစားတတ်တာကြောင့် မကြာခဏ ကွင်းတွင်း ပြစ်ဒဏ် အပေးခံရသူလည်း ဖြစ်ပါတယ်။ ကြေးစား ဘောလုံး သမားဘဝကို ၂၀၀၆ ခုနှစ်မှာ စတင် ဝင်ရောက်လာတာပြီး ဘရာဂါအသင်းကို ရောက်သွားတယ်၊ ဒါပေမယ့် ဘရာဂါက ကော်စတာကို ပီနာဖီယယ် အသင်းကို အငှားချလိုက်လို့ ၂၀၀၆ ခုနှစ်မှာပဲ ပီနာဖီယယ်မှာ ၁၃ ပွဲ ကစားပြီး ၅ ဂိုး သွင်းပေးနိုင်ခဲ့ပါတယ်။ ဒီလို ခြေစွမ်းပြမှုတွေက စပိန်ကလပ် အက်သလက်တီကိုရဲ့ မျက်စိကျမှုကို ခံခဲ့ရသလို ၂၀၀၇ ခုနှစ်မှာ ကော်စတာ တစ်ယောက် အက်သလက်တီကို ရောက်လာပါတယ်။ ဒါပေမယ့် အသင်းအချင်းချင်း သဘောတူညီချက် အရ ကော်စတာအနေနဲ့ အက်သလက်တီကို ရောက်သွားတာ မှန်ပေမယ့် အက်သလက်က ဘရာဂါဆီကိုပဲ အငှားပြန်ချလို့ ၂၀၀၇ နှစ်မှာပဲ ဘရာဂါမှာ ပြန်ကစားတယ်၊ ၆ ပွဲပဲ ကစားခဲ့ရတယ်၊ ရာသီဝက် အရောက် ဘရာဂါကနေ ဆယ်တာကို အငှားနဲ့ ရောက်တယ်၊ ပွဲ ၃၀ ကစားပြီး ၆ ဂိုး သွင်းတယ်၊ ၂၀၀၈ ရောက်တော့ အယ်ဘက်စတီကို အငှားနဲ့ ထပ်ရောက်တယ်၊ ၃၅ ပွဲ ကစားပေးခဲ့ပြီး ၁၀ ဂိုးသွင်းတယ်၊ ဒီလိုနဲ့ အက်သလက်တီကို နာမည်ခံနဲ့ အသင်း အများအပြားနဲ့ အငှား ကစားနေရတဲ့ ကော်စတာဟာ ၂၀၀၉ ခုနှစ်မှာ ဗယ်လာဒိုလစ်ကို ရောက်လာတယ်၊ ၃၄ ပွဲ ကစားပြီး ၈ ဂိုး သွင်းပေးခဲ့တယ်။ ၂၀၁၀ ခုနှစ်မှာမှ အက်သလက်တီကို ပြန်ရောက်လာပြီး ပွဲထွက်ခွင့် ရလာသလို ၂၀၁၄ ခုနှစ်ထိအောင် ပွဲပေါင်း ၉၄ ပွဲ ကစားပြီး ၄၃ ဂိုး သွင်းပေးခဲ့သလို ကော်စတာရဲ့ အတောက်ပဆုံး အချိန် ဖြစ်လာပါတယ်။ ဒါတောင် ၂၀၁၀ ကနေ ၂၀၁၄ အတွင်း ၂၀၁၂ ခုနှစ်မှာ အက်သလက်တီကိုက ကော်စတာကို ရွိုှုင်ရယ်ဗယ်လီကာနိုကို အငှားချလို့ ခဏရောက်သွား သေးတာ တွေ့ရပြီး ဗယ်လီကာနိုမှာ ၁၆ ပွဲ ကစားပြီး ၁၀ ဂိုး သွင်းပေးခဲ့တာ တွေ့ရပါသေးတယ်။ ၂၀၁၄ ခုနှစ်မှာတော့ ချယ်လ်ဆီးကို ရောက်လာပြီး အခုချိန်ထိအောင် ၈၉ ပွဲပဲ ကစားရသေးပေမယ့် ဂိုးပေါင်း ၅၂ ဂိုး သွင်းပေးထားနိုင်တာတွေ့ ရပါတယ်။ နိုင်ငံအသင်း အတွက်ကတော့ ရှေ့ပိုင်းမှာ ကော်စတာက မွေးရပ် ဘရာဇီး အတွက် ၂၀၁၃ ခုနှစ်မှာ ၂ ပွဲ ကစားပေးခဲ့တာ တွေ့ရပေမယ့် နောက်ပိုင်းမှာတော့ သူ အခြေချရာ စပိန်မှာ နိုင်ငံသား ခံယူပြီး စပိန်နိုင်ငံ ကိုယ်စားပြု အသင်း အတွက် ဝင်ကစားပေးတာ တွေ့ရပါတယ်။ ၂၀၁၄ ခုနှစ်ကနေ အခုထိ ပွဲပေါင်း ၁၆ ပွဲ ကစားပေးထားပြီး ဂိုးပေါင်း ၆ ဂိုး သွင်းပေးထား ပါတယ်။ ကော်စတာရဲ့ ဆုတံဆိပ်ရရှိမှုကို ကြည့်မယ် ဆိုရင် ကလပ်အသင်းနဲ့ အတူ ရရှိမှုက အက်သလက်တီကိုနဲ့ အတူ လာလီဂါဖလားကို ၂၀၁၄ ခုနှစ်မှာ ရခဲ့တယ်၊ Copa del Rey ဖလားကို ၂၀၁၃ ခုနှစ်မှာ ရတယ်၊ UEFA Super Cup ကို ၂၀၁၀ နဲ့ ၂၀၁၂ ခုနှစ်တွေမှာ ၂ ကြိမ်ရဖူးတယ်၊ UEFA ချန်ပီယံလိဂ်ကိုတော့ ၂၀၁၄ ခုနှစ်မှာ ဒုတိယ နေရာနဲ့ ကျေနပ်ခဲ့ရ တယ်၊ Supercopa de Espana ကို ၂၀၁၃ ခုနှစ်မှာ ဒုတိယနေရာတွေ ရခဲ့ပါတယ်။ ချယ်ဆီးအသင်းနဲ့ ဆိုရင်တော့ ပရီးမီးယားလိဂ်ဖလားကို ၂၀၁၅ ခုနှစ်နဲ့ ၂၀၁၇ ခုနှစ်မှာ ၂ ကြိမ် ရထားတယ်၊ League Cup ကို ၂၀၁၅ ခုနှစ်မှာ ရရှိထားတာပါ။ တဦးချင်း အနေနဲ့ကတော့ Copa del Rey ရဲ့ ဂိုးသွင်း အများဆုံး ကစားသမား အဖြစ် ၂၀၁၃ ခုနှစ်က ရပ်တည်နိုင်ခဲ့တယ်၊ လာလီဂါ တလတာ အကောင်းဆုံးဆုကို ၂၀၁၃ ခုနှစ် စက်တင်ဘာလ အတွင်းက ရခဲ့တယ်၊ ၂၀၁၃-၁၄ ခုနှစ် လာလီဂါ အကောင်းဆုံး အသင်းစာရင်းမှာ ပါခဲ့တယ်၊ Trofeo EFE ၂၀၁၄ ခုနှစ် အဖြစ် သတ်မှတ်ခံရတယ်၊ ၂၀၁၃-၁၄ ခုနှစ် UEFA ချန်ပီယံလိဂ် အကောင်းဆုံ အသင်းကစားသမား အဖြစ် သတ်မှတ်ခံရတယ်၊ ပရီးမီးယားလိဂ် တလတာ အကောင်းဆုံး ကစားသမား အဖြစ် ၂၀၁၄ ခုနှစ် သြဂုတ်နဲ့ ၂၀၁၆ ခုနှစ် နိုဝင်ဘာလတွေမှာ သတ်မှတ်ခံခဲ့ ရသလို ၂၀၁၄-၁၅ ခုနှစ် ပရီးမီးယားလိဂ် အကောင်းဆုံး အသင်းသား စာရင်းမှာလည်း ထည့်သွင်း ဖော်ပြခံထားရတာ တွေ့ရပါတယ်။ ။ Ref: http://ift.tt/1nTw5C9 The post ချယ်လ်ဆီးအသင်းရဲ့ ဂိုးသွင်းစက် ဒီယေဂို ကော်စတာ appeared first on ဧရာဝတီ.
Source : http://ift.tt/2hfH1Ue
via IFTTT

ဇက်သတ်ထားရတဲ့ သရော်စာရေးသူ ဗြိတိသျှ ကိုကိုမောင်

ဇက်သတ်ထားရတဲ့ သရော်စာရေးသူ ဗြိတိသျှ ကိုကိုမောင် “ကျည်ထောင်စုသစ္စာ” ဟု အမည်ပေးထားသည့် ဆောင်းပါး The Voice သတင်းစာတွင် ဖော်ပြပြီးနောက် စာဖတ် ပရိတ်သတ်ကြား လှုပ်လှုပ်ရှားရှား ဖြစ်သွားခဲ့သည်။ ဆောင်းပါး ခေါင်းစဉ်ကြောင့်လည်း အချို့ စာဖတ်သူများက စိုးရိမ်မကင်း ဖြစ်ခဲ့ကြသည်။ ယခုဆောင်းပါး မတိုင်မီအထိ The Voice သတင်းစာ၏ ပင်တိုင် သရော်စာ ဆောင်းပါးရှင် ဗြိတိသျှကိုကိုမောင် ခေါ် ကိုကျော်စွာနိုင်၏ သရော်စာရေးသားမှုများမှာ အထိုက်အလျောက် လွတ်လွတ်လပ်လပ် ရှိခဲ့သည်။ သူ၏ သရော်စာများတွင် လွှတ်တော်၊ ပြည်ထောင်စုအဆင့် အစိုးရ အဖွဲ့အစည်းများ၏ လုပ်ဆောင်မှုများကို မေးခွန်း ထုတ်သည်။ တိုင်းဒေသကြီး အစိုးရများနှင့် ပြည်ထောင်စုအစိုးရ၏ လွဲမှားနေသော မူဝါဒများ၊ လုပ်ဆောင်မှုများကို ဝေဖန်ထောက်ပြသည်။ အခြေခံလူတန်းစားများ၊ ပြည်သူများ၏ အခက်အခဲ အဆင်မပြေမှုများကို ထုတ်ဖော် ရေးသားသည်။ သို့သော် တပ်မတော်မှ အရာရှိတဦးက စစ်တပ်၏ ဂုဏ်သိက္ခာကို ထိခိုက်စေသည် ဟု ဆိုကာ ဗြိတိသျှကိုကိုမောင် ရေးသားခဲ့သည့် “ကျည်ထောင်စုသစ္စာ” သရော်စာဆောင်းပါးကို အမှုဖွင့် တိုင်ကြားခဲ့ပြီးနောက် ဇွန်လ ၂ရက်နေ့တွင် ဖမ်းဆီးခံခဲ့ရသည်။ ထို့နောက် ဝေဖန်မှုများ ရှိနေသည့် နာမည်ကျော် ဆက်သွယ်ရေး ဥပဒေပုဒ်မ ၆၆ (ဃ) နှင့် တရားစွဲဆို ခံခဲ့ရသည်။ ယင်းဆောင်းပါးသည် လက်နက်ကိုင်ပဋိပက္ခနှင့် ငြိမ်းချမ်းရေး ဖြစ်စဉ်အကြောင်းကို ရေးသားထားခြင်း ဖြစ်သည်။ မတ်လ ၂၆ ရက်နေ့တွင် ပုံနှိပ်ဖော်ပြခဲ့သော သရော်စာသည် ၇၂ ကြိမ်မြောက် တပ်မတော်နေ့ ဂုဏ်ပြုဇာတ်လမ်း အဖြစ် ရိုက်ကူး ပြသခဲ့သည့် “ပြည်ထောင်စုသစ္စာ” ဇာတ်ကားအမည်ကို ယူကာ သရော်စာဆောင်းပါး ခေါင်းစဉ်ပေးထားခြင်း ဖြစ်သည်။ ဆောင်းပါးကို ပုံနှိပ်ဖော်ပြခဲ့သော The Voice သတင်းစာ၏ အယ်ဒီတာချုပ် ကိုကျော်မင်းဆွေသည်လည်း ဆောင်းပါးရှင် ကိုကျော်စွာနိုင်နှင့် အတူ ဖမ်းဆီး တရားစွဲဆို ခံခဲ့ရသည်။ ၂ ပတ်ခန့် ဖမ်းဆီးထိန်းသိမ်း ခံရပြီးနောက် ကိုကျော်စွာနိုင်သည် ပုဒ်မ ၆၆ (ဃ) နှင့်စွဲဆိုထားမှုမှ ကွင်းလုံးကျွတ် လွတ်မြောက်ခဲ့ပြီး အယ်ဒီတာချုပ် ကိုကျော်မင်းဆွေမှာမူ အဆိုပါပုဒ်မနှင့် ဆက်လက်တရားရင်ဆိုင်နေရဆဲ ဖြစ်ကာ ယခုအချိန်ထိ ထိန်းသိမ်းခံနေရဆဲ ဖြစ်သည်။ ပြီးခဲ့သည့်အပတ်တွင် ၎င်းတို့ ၂ ဦးစလုံးကို တပ်မတော်မှ ထပ်မံအမှုဖွင့်သဖြင့် မီဒီယာဥပဒေပုဒ်မ ၂၅ (ခ) နှင့် တရားစွဲဆို ခံခဲ့ရသည်။ ပထမအမှုနှင့် ဖမ်းဆီးထိန်းသိမ်းခံရစဉ် မိသားစုနှင့် ပတ်ဝန်းကျင်ရှိလူများ ထိခိုက်နစ်နာရမှုက ၎င်းကို ထင်မှတ် မထားသော နာကျင်မှုများကို ခံစားရစေခဲ့သည်။ သရော်စာ ဆောင်းပါးရှင် ကိုကျော်စွာနိုင် ခေါ် ဗြိတိသျှကိုကိုမောင်က မကြာသေးမီက ဧရာဝတီသတင်းဌာနနှင့် အင်တာဗျူးတွင် ဖမ်းဆီးထိန်းသိမ်း ခံခဲ့ရာက လွတ်မြောက်ပြီးနောက်ပိုင်း ၎င်း၏ ခံစားချက်များနှင့် သရော်စာ ရေးသားမှုအပေါ် မည်ကဲ့သို့ သက်ရောက်မှုရှိကြောင်း ပြောကြားထားသည် များကို ဧရာဝတီပရိသတ်များ အတွက် ဖော်ပြလိုက် ပါသည်။ မေး။ ။ အကိုရေးတဲ့ သရော်စာ အပေါ် ဖမ်းဆီးအမှုဖွင့်တယ်၊ ခု နောက်ထပ်တမှုနဲ့ ဖွင့်တယ် ဘာမှတ်ချက် ပြုချင်လဲ။ ဖြေ။ ။ နှစ် ၅၀ ရှိနေပြီ ဖြစ်တဲ့ ပြည်တွင်းစစ် တခုလုံးရဲ့ current ဖြစ်စဉ် တခုလုံးကို ခြုံပြီး အဒီအပေါ်မှာ satire စည်းမျဉ်း စည်းကမ်းနဲ့ အညီ ရေးလိုက်တာပါ။ ဘယ်လက်နက်ကိုင် အဖွဲ့အစည်း တစုံတယောက်ကိုမှ တိုက်ရိုက်ကြီး မပြောဆိုထားဘူး။ ဒါပေမယ့် ၆၆ (ဃ) နဲ့စွဲတယ်။ မီဒီယာဥပဒေပုဒ်မ ၂၅ (ခ) နဲ့ ထပ်စွဲတယ်။ တကယ်တမ်း ဖြစ်သင့်တာက မီဒီယာဥပဒေက ရှိပြီးသား အတည်ပြုပြီးသား ဖြစ်တဲ့ အတွက် မီဒီယာမှာ ဖော်ပြထားတဲ့ဟာ အတွက် စွဲရင် မီဒီယာဥပဒေနဲ့ပဲ စွဲသင့်ပါတယ်။ အဲဒီအတွက် ၂၅ (ခ) နဲ့ စွဲတာကိုတော့ ဘာမှ မှတ်ချက်မပြုချင်ဘူး။ ၆၆ (ဃ) သဘောတရားက အာမခံပေးရ၊ မပေးရ မပါဘဲ အဓိက ထောင်ဒဏ် ၃ နှစ် ချမှတ်ရမယ် ဆိုတဲ့ အချက်ပေါ် မူတည်ပြီး အာမခံ မပေးကြတာပေါ့။ ကျနော့်အမှုမှာ ဆိုရင် အမှုတည်ဆောက်ဆဲ ကာလမှာတင် အဖမ်းခံထားရတယ်။ ကျနော်နဲ့ ကိုကျော်မင်းဆွေက မှားတယ် မှန်တယ် မဆုံးဖြတ်ရသေးခင် ကြိုတင် အပြစ်ပေးသလို ဖြစ်တယ်။ ကျနော် ဆိုရင် ဆက်သွယ်ရေး ဝန်ကြီးဌာနက ဒီပုဒ်မက ဆက်သွယ်ရေး ပုဒ်မ ဖြစ်တယ် print media မှာ စာရေးတဲ့ သူနဲ့ မဆိုင်ဘူး ဆိုပြီးတော့မှ တရားစွဲဆိုရန် မသင့် ဆိုတဲ့ မှတ်ချက်နဲ့ လွတ်မြောက်လာတယ်။ ဒါပေမယ့် အဲ့ဒီအချိန်မှာကျနော်က ၁၄ ရက်နေပြီး သွားပြီ။ လူမှုရေးအရရော၊ စီးပွားရေး အလုပ်အကိုင်အရရော အများကြီး အဆုံးအရှုံးတွေ ဖြစ်တယ်၊ နောက်ဆုံး ကိုယ်ဝန် ၂ လ ရှိနေတဲ့ ကျနော့် အမျိုးသမီးက ကျနော့် အတွက် စိတ်ပူပန်မှုတွေ ဖြစ်ရ၊ အိမ်မှာလည်း လူခွဲ မရှိတော့ တရားရုံး၊ အင်းစိန်ထောင်နဲ့ ရဲစခန်းတို့ကို သွားလိုက်လာလိုက် လုပ်လိုက်ရတဲ့ အတွက် ကိုယ်ဝန် ပျက်ကျသွားတယ်။ အဲ့ဒါတွေ အတွက် ဘယ်သူက ကျနော်တို့ရဲ့ နစ်နာမှုအတွက် တာဝန်ယူပေးမှာလဲ။ မေး။ ။ ဒီလိုမျိုးနဲ့ တရားစွဲခံရဖို့ အဖမ်းခံရဖို့ တွေးမိဖူးလား။ ဖြေ။ ။ Satire ရေးတယ် ဆိုတာ တကယ်တမ်းတော့ ထောင်နှုတ်ခမ်းမှာ လမ်းလျှောက်နေရတာပဲ။ ဟိုဘက် ခေတ်မှာတော့ satire ကို အရမ်းကို သွယ်ဝိုက်ပြီး ရေးကြတယ်။ ဒီဘက်ခေတ် ရောက်လာတော့ သတင်း ခေတ်လည်း ဖြစ်လာတယ်။ လွတ်လပ်ခွင့်လည်း ရလာတယ်။ တို့စိတို့စိနဲ့ တိုးပြီး ရေးလာတယ်။ satire ဘောင်ကို မကျော်ပေမယ့်လည်း သတင်းကို ပြည်သူအလွယ် နားလည်နိုင်အောင် ရေးရတာပေါ့။ ကျည်ထောင်စုသစ္စာ ဆိုရင် ကျနော်ရေးပြီးတော့ စာကို သေချာပြန်ကြည့်တယ်။ တဖက်က လူကို ထိခိုက် သွားမလား အမြဲတွက်တယ်။ နောက်ဆုံး အသရေဖျက်မှု မမြောက်နိုင်အောင် ရှောင်ရေးတာပေါ့။ ဒီမှာဆို ရေးပြီး ၃ ခါ ပြန်ဖတ်ကြည့် တယ်။ ဖတ်ကြည့်တဲ့ သူလည်း သိပါတယ်။ ဒီထဲမှာ အဖွဲ့အစည်း တခုတစုံတရာကို ထိခိုက်စေလိုတဲ့ သဘောထက် စေတနာ ပိုပေါ်လွင်တာကတော့ ကျနော့်ကိုယ် ကျနော် ယုံကြည်တယ်။ ပြည်တွင်းစစ်မှာ ဖြစ်ပျက်နေတဲ့ လက်နက်ကိုင် အဖွဲ့တွေကြားက ခံစားမှုတွေ အားလုံး ထိခိုက်မှုတွေ နစ်နာမှုတွေပဲ ပါတာပါ။ အဲ့ဒီအတွက် ကျနော့်အနေနဲ့ကတော့ အခု အစွဲခံရတဲ့ အချိန်မှာ နည်းနည်း အံ့သြသွားတယ်။ မေး။ ။ Satire ရေးတာ ကြာပြီလား။ ဘယ်တုန်းက စရေးတာလဲ။ ဖြေ။ ။ 2012 က ဒီကလောင်နာမည်နဲ့ပဲ။ The Voice ၊ Myanmar Post နဲ့ တော်တော်များများမှာ ရေးတယ်။ မေး။ ။ လွတ်လာပြီးနောက်ပိုင်းရော သရော်စာ ဆက်ရေးဖြစ်သေးလား။ ဖြေ။ ။ ရေးဖြစ်တယ်။ The Voice မှာလည်း တပတ်ခြား ရေးဖြစ်တယ်။ မေး။ ။ ပုံမှန်ပို့နေကျ The Voice အပါအဝင် မီဒီယာတိုက်တွေကကော သရော်စာလက်ခံတဲ့ အပိုင်းမှာ ပိုစိစစ်လာတာ မျိုး ရှိလား။ ဖြေ။ ။ တောင်းကြပါတယ်၊ ပုံမှန်တောင်းနေကြလူတွေ။ တချို့တိုက်တွေကျတော့လည်း အကိုရေ တအားထိအောင် မရေးနဲ့ ဆိုတာမျိုးပေါ့။ ဥပမာတပ်မတော်၊ တချို့ကျတော့လည်းပိုင်ရှင်က တရုတ် ဖြစ်နေတာတော့ တရုတ်ကို မထိပါနဲ့ ဆိုတာမျိုး မေတ္တာရပ်ခံတဲ့ သဘောပေါ့။ အရမ်းကြီး ရှောင်နေရရင်လည်း အဲဒါမျိုးကျ ကျနော်တို့က အဆင်မပြေတော့ဘူး။ ကျနော့်အနေနဲ့ကတော့ ကျနော်ယုံကြည်ရာ စိတ်ပါရာ ရေးတာဆိုတော့ မရေးရရင် မပို့တော့ဘူး။ ကိုယ်ကလည်း သူတို့အတွက် ပြန်တွက်ပေးရတာပေါ့။ မေး။ ။ တပ်နဲ့ငြိမ်းချမ်းရေး အကြောင်းဆက်ပြီး သရော်စာ ရေးဖြစ်သေးလား။ ဖြေ။ ။ Satire သမားတယောက်ဖြစ်တဲ့ အတွက် တပ်ကိစ္စ တခုတည်းတင် မဟုတ်ဘဲ တခြားနိုင်ငံရေး ဖြစ်စဉ် current ဖြစ်တဲ့ ဟာတွေကို ကျနော်မြင်ရင် မြင်သလို ရေးတာပေါ့။ သူ့ကိစ္စချည်းပဲ သီးသန့်ရေးတာတော့ မရှိပါဘူး။ နောက်ကြုံလာရင်လည်း ရေးဦးမှာပါ။ အခုက နည်းနည်းဇက်သတ်ထားတဲ့ သဘောပေါ့ (ဟဲဟဲ) မေး။ ။ ပွင့်ပွင့်လင်းလင်း ပြောရရင် သိစိတ်မှာ ဖြစ်ဖြစ်၊ မသိစိတ်မှာဖြစ်ဖြစ် Self censorship ရှိသွားပြီလား။ ဖြေ။ ။ ကျနော့်အနေနဲ့ ငါယုံကြည်ရာ လုပ်တာ ဆိုပေမယ့် အဲဒီနောက်ပိုင်းမှာ ဘာဖြစ်လာလဲ ဆိုတော့ ကျနော့် အမျိုးသမီးဆိုလည်း ခံစားလိုက်ရတာ ရှိတယ်၊ ပြီးတော့ ကိုကျော်မင်းဆွေဆိုလည်း ကျနော်က လွတ်လာပေမယ့် သူ အချုပ်ထဲမှာ နေနေရတယ်။ သူ့အမျိုးသမီး၊ သူ့မိသားစုဆိုလည်း ရှိတယ်။ ခံစားခဲ့ကြရတယ်။ အဲတော့ တွေးရတာပေါ့ ဗျာ။ ကိုယ် တယောက်တည်း မဟုတ်ဘဲ ပတ်ဝန်းကျင်ကိုပါ သွားထိခိုက်တာမျိုး ရှိတာကို။ သွယ်ဝိုက်သော နည်းနဲ့ ဖြစ်ဖြစ်၊ တိုက်ရိုက် ဖြစ်ဖြစ် ကျနော့်အနေနဲ့ ငါ ဒီဟာကြီးကို ဆက်ချမယ်။ တော်လှန်ရေးကြီး ဒီဟာကြီးကို ဆက်ချမယ်ဆိုတဲ့ စိတ်မျိုးပေါ်လာခဲ့သည် ရှိသော် နောက်အတွေးတခုက ပေါ်လာပြီးတော့ ထိန်းချုပ်သွားတဲ့ သဘောပေါ့။ နောက်ထပ် ရေးရဲတဲ့ ရေးဝံ့တဲ့ မီဒီယာသမား၊ စာရေးဆရာ ဖြစ်လာမယ့်သူတွေ ဒီဖြစ်စဉ်ကို ကြည့်ပြီး လက်တွန့်လိုက်တာမျိုး ဖြစ်မှာကို စိတ်ပူတယ်။ အဲလိုဆိုရင်လည်း ဒီတိုင်းပြည်ရဲ့ ဒီမိုကရေစီ အတွက်ရော၊ စာနယ်ဇင်း လွတ်လပ်ခွင့် အတွက်ရော မကောင်းဘူး။ The post ဇက်သတ်ထားရတဲ့ သရော်စာရေးသူ ဗြိတိသျှ ကိုကိုမောင် appeared first on ဧရာဝတီ.
Source : http://ift.tt/2tVDhgi
via IFTTT

ျမန္မာ့ရာသီတုပ္ေကြး အစိုးရိမ္မလြန္ဖို ့ WHO တုိက္တြန္း

မြန်မာ့ရာသီတုပ်ကွေး အစိုးရိမ် မလွန်ဖို့ WHO တိုက်တွန်း မြန်မာနိုင်ငံမှာ လက်ရှိ ဖြစ်ပွားနေတဲ့ H1N1 ရာသီတုပ်ကွေးနဲ့ ပတ်သက်ပြီး ပြည်သူလူထုအနေနဲ့ အစိုးရိမ် မလွန်ကြဖို့ WHO ကမ္ဘာ့ကျန်းမာရေးအဖွဲ့ ဌာနေကိုယ်စားလှယ်က ပြောဆိုလိုက်ပါတယ်။ ဒီလိုရာသီမှာ ဒေသတွင်း ဖြစ်လေ့ဖြစ်ထရှိတဲ့ ရာသီတုပ်ကွေးဟာ၊ မြန်မာနိုင်ငံမှာ အရေးပေါ်အဆင့် သတ်မှတ်ရမယ့် အနေအထား မဟုတ်ကြောင်း ပြည်သူတွေအနေနဲ့ နှာခေါင်းစည်းတွေ တပ်ဆင်ပြီးကာကွယ်ကြတာထက်၊ လက်ကို သန့်ရှင်းအောင်မကြာခဏ ဆေးပေးတာက ရောဂါပိုး အမျိုးမျိုးကာကွယ်ရေးအတွက် ပိုပြီး ထိရောက်မှု ရှိတယ်လို့ WHO ဌာနေကိုယ်စားလှယ် Dr. Stephen Paul Jost က VOA ကိုပြောပါတယ်။ ဆက်သွယ်မေးမြန်းထားတဲ့ ဒေါ်ခင်စိုးဝင်းက ပြောပြပေးမှာပါ။ ကျန်းမာရေးဝန်ကြီးဌာနကနေ မြန်မာနိုင်ငံမှာ H1N1 ရာသီတုပ်ကွေး ဖြစ်ပွားမှု အခြေအနေနဲ့ ပတ်သက်ပြီး WHO ရန်ကုန်ရုံးခွဲကို ဇူလိုင်လ ၂၄ ရက်နေ့က တရားဝင် အကြောင်းကြားခဲ့ပြီး နောက်ပိုင်း အခြေအနေကို နေ့စဉ် အဆက်မပြတ် အကဲခတ် စောင့်ကြည့်နေပြီး အများပြည်သူအနေနဲ့ အစိုးရိမ် မလွန်ဖို့ ကမ္ဘာ့ကျန်းမာရေးအဖွဲ့ ဌာနေကိုယ်စားလှယ် Dr. Stephen Paul Jost က တိုက်တွန်းလိုက်ပါတယ်။ “အခုအခြေအနေက အရေးပေါ်အဆင့် မဟုတ်ပါဘူး။ လူအများအပြားကို ကူးစက်ပြန့်ပွားနေတဲ့ အခြေအနေလည်း မဟုတ်ပါဘူး။ Epidemic ကပ်ရောဂါ မဟုတ်သလို၊ Pandemic တနိုင်ငံလုံး ပြန့်ပွားတဲ့ရောဂါ အဆင့် မဟုတ်ပါဘူး။ ဒီလိုအဆင့်သတ်မှတ်ရလောက်အောင်၊ ရောဂါ ကျယ်ကျယ်ပြန့်ပြန့်ကူးစက်တဲ့ အခြေအနေ မဟုတ်ပါဘူး။ အခုလောလောဆယ် ကျန်းမာရေးဌာနက ဒီရာသီတုပ်ကွေး အခြေအနေအပေါ် မြန်မြန်ဆန်ဆန် သတင်းထုတ်ပြန်တာနဲ့အတူ၊ ကြိုတင် ကာကွယ်ရေးအတွက် ထိထိရောက်ရောက် ပညာပေးနေတာ တွေ့ရလို့၊ ကျေနပ်မိပါတယ်။” ဒေသတွင်း အိမ်နီးချင်း နိုင်ငံတွေမှာလည်း၊ ဒီလို မုတ်သုန်ရာသီမှာ H1N1 ရာသီတုပ်ကွေး ဖြစ်လေ့ဖြစ်ထ ရှိပြီး၊ ကျန်းမားရေး တာဝန်ရှိသူတွေနဲ့ အခြေအနေကို မျက်ခြေမပြတ် စောင့်ကြည့်ဖို့ လိုအပ်တယ်လို့ Dr. Jost က အခုလို အကြံပြုပါတယ်။ “ပထမအချက်ကတော့၊ ဖြစ်ပွားနေတဲ့ အခြေအနေကို စောင့်ကြည့်တာတွေ တိုးလုပ်ဖို့ အရေးကြီးပါတယ်။ ဒုတိယအချက်ကတော့ H1N1 virus ပိုးကူးစက်တာကိုဘဲ သီးခြားပစ်မှတ်ထား စောင့်ကြည့်တာမျိုးမဟုတ်ဘဲ၊ တခြား ဖြစ်နိုင်တဲ့ ကူးစက်မြန် ပြင်းထန် အသက်ရှူလမ်းကြောင်း ရောင်ယမ်းတဲ့ SARI virus ကိုလည်း စောင့်ကြည့်ဖို့ လိုပါတယ်။ ကျန်းမာရေးတာဝန်ရှိသူတွေက ဒါတွေကို စောင့်ကြည့်နေတယ်လို့ ယူဆပါတယ်။ H1N1 ရာသီတုပ်ကွေး ခံစားနေရတဲ့ လူနာတွေကို ပြုစုစောင့်ရှောက်နေကြတဲ့ ကျန်းမာရေး ဝန်ထမ်းတွေကိုလည်း အားပေး ကူညီဖို့လိုပါတယ်။” ရာသီတုပ်ကွေးနဲ့ ပတ်သက်ပြီး၊ ရန်ကုန်အပြင်၊ နိုင်ငံတဝန်းက အများပြည်သူတွေ သိအောင်လည်း ကြိုတင် ကာကွယ်ရေး၊ အသိပညာ ပြန့်ပွားအောင် ကျယ်ကျယ်ပြန့်ပြန့် လုပ်ဖို့အပြင်၊ မွေးမြူထားတဲ့ တိရစ္ဆာန်တွေရဲ့ ကျန်းမာရေးနဲ့လည်း ဆက်စပ်ပြီး အသိပညာပေးဖို့ လိုတယ်လို့ ဆိုပါတယ်။ H1N1 ရာသီတုပ်ကွေး မကူးစက်အောင်၊ ပြည်သူလူထုအကြား ပညာပေးတာတွေ လုပ်ဖို့အတွက်လည်း Dr. Stephen Jost က အခုလို အကြံပြုပါတယ်။ "ကြိုတင်ကာကွယ်ဖို့ အတွက်ဆိုရင် Influenza တုပ်ကွေး Virus ဟာ လူ့ခန္ဒာကထွက်တဲ့ အင်မတန်မှ သေးငယ်တဲ့ အရည်စက်ကလေးကနေ တဆင့်ကူးစက်တယ်ဆိုတာ သိဖို့ အရေးကြီးဆုံး ဆိုတာကို သတိရှိနေဖို့ပါဘဲ။ အဲဒီမမြင်နိုင်တဲ့ သေးငယ်တဲ့ အရည်စက်က များသောအားဖြင့် လက်ကတဆင့်ဖြစ်ဖြစ်၊ မျက်နှာက၊ နှာခေါင်း၊ မျက်စေ့ကနေဖြစ်ဖြစ်၊ ခန္ဒာကိုယ်ထဲ ဝင်လာနိုင်တာပါ။ အရေးကြီးဆုံးကတော့ လက်ကို ရေနဲ့ ဆပ်ပြာအသုံးပြုပြီး မကြာခဏ ဆေးပေးဖို့ပါဘဲ။ ရေနဲ့ ဆပ်ပြာမလွယ်ရင်၊ ပိုးသတ်လက်ဆေးရည်ကို သုံးဖို့ဖြစ်ပါတယ်။ လက်ဆေးဖို့က လူတိုင်းအတွက် အရေးကြီးဆုံးပါဘဲ။” မြန်မာနိုင်ငံမှာ H1N1 ရာသီတုပ်ကွေးအပြင် H5N1 ကြက်ငှက်တုပ်ကွေး ဖြစ်ပွားနေတဲ့ အပေါ်မှလည်း ရောဂါကာကွယ်ဖို့အတွက် လက်ဆေးကြဖို့ အကြံပြုလိုက်ပြီး၊ တကိုယ်ရေ သန့်ရှင်းရေး၊ ပတ်ဝန်းကျင်သန့်ရှင်းရေး ဂရုစိုက်ဖို့ Dr. Jost က တိုက်တွန်းပါတယ်။ “H1N1 နဲ့ H5N1 က တုပ်ကွေး Virus တွေဖြစ်ပေမဲ့၊ တိုက်ရိုက်ဆက်စပ်မှုမရှိပါဘူး။ ကူးစက်တဲ့ပုံစံကလည်းမတူပါဘူး။ H1N1 က လူလူချင်းကူးစက်ဖို့လွယ်ပါတယ်။ H1N1 Virus အုပ်စုတခုနဲ့ တခုလည်းမတူပါဘူး။ H5N1 ကတော့ တိရိစာ္ဆန်ကနေလူကို ကူးစက်ပေမဲ့ ပြင်းထန်မှသာကူးစက်တဲ့သဘောရှိပါတယ်။” လက်ဆေးတာအပြင်၊ အဟာရဖြစ်တဲ့အစားအသောက် စားဖို့၊ အိပ်ရေးဝဝ အိပ်ဖို့နဲ့ အသင့်အတင့် ကိုယ်လက်လှုပ်ရှား လေ့ကျင့်ခန်း လုပ်ဖို့လည်း Dr. Jost ကအကြံပေးပါတယ်။ "ရန်ကုန်မှာ လူတွေ အတော်များများ နှာခေါင်းစည်းတွေ တပ်ထားတာ ကျွန်တော် သတိထားမိပါတယ်။ နှာခေါင်းစည်း တပ်တာထက်၊ လက်ဆေးကြဖို့ ပိုအရေးကြီးပါတယ်။ လက်ဆေးတာက ရောဂါပိုးမှန်သမျှကို ကြိုတင်ကာကွယ်ဖို့အတွက် အကောင်းဆုံးဖြစ်ပါတယ်။ နှာခေါင်းစည်းကတော့ ဆေးရုံကဆရာဝန်တွေ၊ သူနာပြုတွေအတွက် ပိုပြီးသင့်တော်ပါတယ်။" ကျန်းမာရေး ဝန်ကြီးဌာနအနေနဲ့ WHO ရဲ့ဆေးပစ္စည်းနဲ့ နည်းပညာ ပံ့ပိုးကူညီမှုနဲ့ ကုသရေးနဲ့ ကြိုတင်ကာကွယ်ရေးအတွက် ဖိဖိစီးစီး ဆောင်ရွက်နေတာ ဖြစ်သလို၊ နေ့စဉ်ဖြစ်ထွန်းမှု အခြေအနေတွေကို မျက်ခြေမပြတ် စောင့်ကြည့်နေတာကြောင့်၊ ပြည်သူလူထုအနေနဲ့ အစိုးရိမ် မလွန်ကြဖို့ WHO ဌာနေကိုယ်စားလှယ် Stephen Paul Jost က တိုက်တွန်းလိုက်ပါတယ်။
Source : http://ift.tt/2v9GBo7
via IFTTT

တိုင်းရင်းသား စည်းလုံးညီညွတ်ရေး ယုံတမ်းစကား

တိုင်းရင်းသား စည်းလုံးညီညွတ်ရေး ယုံတမ်းစကား တိုင်းရင်းသား စည်းလုံးညီညွတ်ရေး ယုံတမ်းစကားသည် ခေတ်ပြိုင်မြန်မာနိုင်ငံတွင် ထင်ထင်ရှားရှား ရှိနေသေးသည်။ ယခင်စစ်အစိုးရနှင့် လက်ရှိ အမျိုးသားဒီမိုကရေစီအဖွဲ့ချုပ်ထံမှပင် မှားယွင်းသော သမိုင်းအယူအဆများကို ကြားရမည်ဟု မျှော်လင့်နေသည့် တချိန်တည်းတွင် နိုင်ငံရှိ လူမျိုးစုများ၏ အတိတ်သမိုင်းနှင့် ပတ်သက်ပြီး မှားယွင်းသည့် အယူအဆများသည် ပိုမို ရှုပ်ထွေးသည်သာမက ကရုဏာသက်စရာအဖြစ် ပုံဖေါ်ရန် ကြိုးစားသူများထံမှလည်း ပေါ်ထွက်လာတတ်သည်။ မကြာသေးမီက မြန်မာ့နိုင်ငံရေး သုတေသီ ဦးစည်သူအောင်မြင့် ရေးသားသော အတွေးအမြင်ဆောင်းပါးတပုဒ်သည် ထိုအချက်ကို ပြသနေသည့် ဥပမာကောင်းတခုဖြစ်သည်။ ၂၁ ရာစု ပင်လုံညီလာခံ တက်ရောက်ရန် ပြည်ထောင်စုမှ ခွဲမထွက်ရေး စည်းကမ်းချက်အား ကြိုတင်သဘောတူဖို့ လိုအပ်ခြင်းအပေါ် အငြင်းပွားမှုနှင့် ပတ်သက်၍ ဦးစည်သူအောင်မြင့်က ဗမာမဟုတ်သော လူမျိုးစု အများစု၏ သဘောထားကို ထောက်ခံရေးသားသည်။ လူမျိုးစုများသည် မြန်မာနိုင်ငံ၏ အစိတ်အပိုင်းအဖြစ် နေထိုင်မည်ဟု ကတိပေးပြီးဖြစ်သောကြောင့် အထက်ပါ စည်းကမ်းချက်သည် မလိုအပ်သည့်အပြင် စော်ကားခြင်းလည်းဖြစ်သည်ဟု ရေးသားခဲ့သည်။ သို့သော် သူသည် ထိုသို့ဆွေးနွေရာတွင် လွတ်လပ်ရေးခေတ်က ပြဿနာအရှိဆုံးနှင့် သမိုင်းမဆန်ဆုံး အမြင်များအနက် တခုကို သက်ဆိုးရှည်အောင် ဆက်လက်ကိုင်စွဲသည်။ ထိုအမြင်မှာ ဗမာနှင့် အခြားတိုင်းရင်းသား လူမျိုးစုများသည် လွတ်လပ်ရေးအတွက် ဗြိတိသျှကို လက်တွဲတိုက်ခဲ့သည်ဟူသော အမြင်ဖြစ်သည်။ ထိုအချက်မှာ မှန်ကန်ခြင်းမရှိပေ။ ဗမာလွှမ်းမိုးသော ဖက်ဆစ်တိုက်ဖျက်ရေး ပြည်သူ့လွတ်မြောက်ရေးအဖွဲ့ချုပ် (ဖဆပလ) တွင် ဗမာမဟုတ်သော လူမျိုးစုအုပ်စုများ၊ အခြားလူမျိုးစု မဟာမိတ်များပါဝင်သော်လည်း ဗမာမဟုတ်သော လူမျိုးစုအုပ်စုများအကြား ဗြိတိသျှကိုလိုနီ အုပ်ချုပ်ရေးနိဂုံးကို တုံ့ပြန်ပုံမှာ ကွဲပြားခဲ့သည်။ ပထမဆုံးအချက်မှာ မည်သူမဆို လွှတ်လပ်ရေးအတွက် ဗြိတိသျှကို တိုက်ခိုက်ခဲ့သည်မဟုတ်ပေ။ လွတ်လပ်ရေးသည် မြန်မာနိုင်ငံအတွက် ရုန်းကန်လှုပ်ရှားမှုဖြစ်သော်လည်း ဒုတိယကမ္ဘာစစ်အပြီးတွင် ဗြိတိသျှနှင့် စစ်မြေပြင်တိုက်ပွဲဖြစ်ပွားခြင်း မရှိခဲ့ပေ။ ထိုနိုင်ငံရေးလှုပ်ရှားမှုအတွင်းမှာပင် လူမျိုးစုအလိုက် အမြင်များ ကွဲပြားသည်။ ရှမ်းစော်ဘွားများသည် ဖိနှိပ်သော မြေရှင်ပဒေသရာဇ်များဖြစ်သည်ဟု ဗမာ အမျိုးသားရေးဝါဒီများက ပြင်းထန်စွာ ဝေဖန်သော်လည်း စော်ဘွားစနစ်ကို ထောက်ခံသူများသည် ဖဆပလ က အဆိုပြုသော နိုင်ငံရေးဗဟိုချုပ်ကိုင်မှုထက် ဗြိတိသျှပုံစံ ဒေသအလိုက် အုပ်ချုပ်ခွင့်ပြုခြင်းသည် ပိုမိုအကျိုးအမြတ်ရှိသည်ဟု မြင်ကြသည်။ ယင်းသို့မြင်သူများထဲတွင် ရုပ်ဝတ္တုအရ အကျိုးအမြတ်ရသူများသာမက ပိုမို အလှမ်းကျယ်ပြောသည့် တရားဝင်မှုကို ယုံကြည်သူများလည်း ပါဝင်သည်။ ၁၉၄၇ ပင်လုံညီလာခံဖြစ်ရပ်များကလည်း ဗြိတိသျှဆန့်ကျင်ရေးစိတ်ဓာတ် သို့မဟုတ် အမျိုးသားရေးစိတ်ဓာတ် ပေါ်ပေါက်လာခြင်းထက် ဗမာနှင့်ပေါင်းစည်းရေး အထောက်အပံ့ဖြစ်စေသော ပြောဆိုဆွေးနွေးမှုများဖြင့် ဗမာမဟုတ်သော လူမျိုးစုကိုယ်စားလှယ်အများစုကို စွဲဆောင်ခဲ့ရကြောင်း ရှင်းလင်းစွာ ဖော်ပြပြီး ဖြစ်သည်။ ခရစ်ယာန်ဘာသာသို့ ကူးပြောင်းခဲ့ကြပြီး ဘာသာရေးစိတ်က ပြုစုပျိုးထောင်ပေးလိုက်သည့် ကရင်ခေါင်းဆောင်များနှင့် ဗြိတိသျှစစ်သားများ၊ အုပ်ချုပ်သူများအကြား ခိုင်မာသော ဆက်ဆံမှုများကြောင့် ဗမာဦးဆောင်သော လွတ်လပ်ရေးလှုပ်ရှားမှုကို သံသယ အဝင်ဆုံးမှာ ကရင်လူမျိုးစုဖြစ်နိုင်သည်။ ထိုစဉ်က သီးခြားလွတ်လပ်သော ပြည်နယ်ထူထောင်လိုသည့် ကရင်များ၏ ဆန္ဒကို ထင်ရှားသောဗြိတိန်ခေါင်းဆောင်များ၏ အလားတူ လိုလားသော အရေးအသားများနှင့် အများပြည်သူသို့ ထုတ်ပြန်ကြေညာသော ကြေညာချက်များတွင်လည်းတွေ့နိုင်သည်။ ကရင်လူမျိုးစု အများအပြားအကြားတွင် အမြင်အမျိုးမျိုး ဖြစ်နေကြသော်လည်း ၁၉၄၀ ခုနှစ်များနှောင်းပိုင်း သြဇာအကြီးမားဆုံး ကရင်ခေါင်းဆောင်အချို့သည် ဗြိတိသျှဓနသဟာရအဖွဲ့ဝင် ကရင်နိုင်ငံတော်ဟူသော အယူအဆကို ထောက်ခံကြသည်။ ဗမာခေါင်းဆောင်သည့် လက်နက်ကိုင်အဖွဲ့များက ကရင်အသိုင်းအဝန်းအပေါ် ကျူးလွန်ခဲ့သော အတိတ်က အကြမ်းဖက်မှုကြောင့် သူတို့အများအပြားသည် သဘာဝကျစွာပင် ဗမာလွှမ်းမိုးသည့် လွတ်လပ်သောမြန်မာနိုင်ငံကို ကြောက်ရွံ့ခဲ့ကြသည်။ လွတ်လပ်ရေးလှုပ်ရှားမှုအတွင်း တိုင်းရင်းသား စည်းလုံးညီညွတ်ရေး တဘက်သတ်ပြောဆိုမှုများတွင် မဖော်ပြဘဲ ချန်လှပ်ခဲ့သည့် အချက်တခုလည်း ရှိသည်။ ယင်းမှာ ဖဆပလ၏ အဓိကခေါင်းဆောင်များဖြစ်လာမည့် ဗမာခေါင်းဆောင်အုပ်စုသည် ဒုတိယကမ္ဘာစစ်အတွင်းတွင် ဂျပန်နှင့်ဦးစွာ မဟာမိတ်ဖွဲ့ခဲ့ကြသည်။ မြန်မာပြည် စစ်မျက်နှာတွင် ဂျပန်နှင့် ဗမာကတဘက်၊ ဗြိတိန်နှင့် အခြားလူမျိုးစုများကတဘက် တိုက်ခိုက်ခဲ့ကြခြင်း ဖြစ်သည်။ စစ်အတွင်း အပြင်းအထန် တိုက်ခိုက်ခဲ့ကြပြီးနောက် ဂျပန်အုပ်ချုပ်ရေးကို မကျေနပ်သောကြောင့် ဗိုလ်ချုပ်အောင်ဆန်းနှင့် ဘက်ပြောင်းလာသူများက ၎င်းတို့သည် ဗြိတိသျှ မဟာမိတ်တပ်ဖွဲ့များနှင့် ပူးပေါင်းလိုကြောင်း ကြေညာသောအခါ သံသယများနှင့် ရင်ဆိုင်ခဲ့ကြရသည်။ ဂျပန်များကို မောင်းထုတ်ပြီးသည့်တိုင် မြန်မာနိုင်ငံတဝန်းလုံးတွင် လူမျိုးစုချင်း ပဋိပက္ခများ ဆက်လက်ရှိနေကြသည်။ သမိုင်းဝင် ပင်လုံညီလာခံမတိုင်မီ သို့မဟုတ် အပြီးတွင်ပင် ဆက်ဆံရေးတင်းမာနေခဲ့သည်။ ယင်းသည် တိုင်းရင်းသားလူမျိုးစုများ ညီညွတ်ကြသည်ဟုဆိုခြင်းမှာ မှားယွင်းကြောင်း သက်သေပြမှုများ ဖြစ်သည်။ လူမျိုးစု လက်နက်ကိုင်များဘက်မှ ထောက်ခံပြီး တစုံတရာ ပြောဆိုပေးသော ဆောင်းပါးတပုဒ်မှ သေးငယ်သော ထိုအမှားအယွင်းသည် မည်သည့်အတွက် အရေးပါနေရပါသနည်း။ ထို ဗြိတိသျှကို ဆန့်ကျင်သည့် ညီညွတ်ရေး ယုံတမ်းစကားသည် အတိတ်ကာလ မြန်မာနိုင်ငံတွင် သော့ချက်ကျပြီး ခိုင်ခန့်သော လှုပ်ရှားမှုတခု၏ လွန်းထိုး ရောယှက်နေသည့် တွန်းအားများကို ရည်ရွယ်ချက်ရှိရှိ လျစ်လျူရှုမှု ဖျက်လိုဖျက်စီးလုပ်မှု တခု ဖြစ်သည်။ လက်ရှိ ဗမာမဟုတ်သော လူမျိုးစု အသိုင်းအဝန်းများနှင့် ၎င်းတို့၏ လက်ရှိ နိုင်ငံရေး ရည်မှန်းချက်များကို တရားမဝင်ဖြစ်စေခြင်းသည် ဆက်လက်ဖြစ်တည်နေဆဲဟု ကျနော် ဆွေးနွေးချင်သည်။ ဗြိတိသျှ ကိုလိုနီမူဝါဒများကို ဝေဖန်ရန် အကြောင်းများစွာ ရှိပါသည်။ ဗမာအုပ်စုကို သွေးခွဲပြီး အင်အားနည်းသွားစေရန် ရည်ရွယ်ချက်ရှိရှိ လုပ်ဆောင်ခဲ့ခြင်း သို့မဟုတ် ရိုးရှင်းစွာပင် ထိုအချိန်က မြန်မာပြည်၏ သွင်ပြင်ပေါင်းစုံပါဝင်သော အမျိုးသားရေး သဘောသဘာဝကို နားမလည်မှုအပေါ် အခြေခံခြင်းနှင့် လမ်းမှားခြင်းတို့ ဖြစ်နိုင်ပါသည်။ လွတ်လပ်ရေးလှုပ်ရှားမှုအတွင်း ရန်သူအဖြစ် ရှည်ကြာစွာ ဖော်ပြခြင်းသည် ဗြိတိသျှတို့ကို ထောက်ခံရင်းနှီးခဲ့သော လူမျိုးစုအုပ်စုများကို မြန်မာနိုင်ငံ ထူထောင်ရာတွင် ကောင်းစွာ မပါဝင်သူများ၊ မျိုးချစ်စိတ်ကို သံသယရှိသူများ၊ အားလုံးအကျိုးထက် ကိုယ်ကျိုးစီးပွားအပေါ် အခြေခံပြီး လုပ်ဆောင်သူများ အဖြစ် ပုံဖော်ရာ ရောက်ပါသည်။ လွတ်လပ်ရေးမတိုင်မီခေတ် တိုင်းရင်းသားလူမျိုးစုညီညွတ်ရေးနှင့် ပတ်သက်ပြီး မတိကျသော ပြောဆိုမှုများသည် လူမျိုးစု လက်နက်ကိုင်အဖွဲ့များနှင့် ဗမာမဟုတ်သော လူမျိုးစုများ၏ လက်ရှိ နစ်နာမှုများကိုလည်း နားမလည်ရာကျသည်။ ၂၀၀၈ ခုနှစ်က ကျနော် ရေးသားခဲ့သည့် ပင်လုံယုံတမ်းစကား (The Myths of Panglong) ဆောင်းပါးတွင် ဖေါ်ပြခံသည့်အတိုင်း အမျိုးသားဒီမိုကရေစီ အဖွဲ့ချုပ်၏ ပင်လုံအပေါ် ချဉ်းကပ်တင်ပြချက်မှာ စစ်အုပ်ချုပ်ရေးကို သက်ဆိုးရှည်စေပြီး ၁၉၄၇ ပင်လုံညီလာခံမှ ထုတ်လုပ်ပေးလိုက်သည့် တန်းတူညီမျှရေး ကတိကဝတ်ကို ငြင်းပယ်နေခဲ့သည်။ ထိုတင်ပြချက်တွင် လွတ်လပ်ရေးကာလ မြန်မာတနိုင်ငံလုံးသည် ညီညွတ်ကြသည်၊ ၁၉၅၀ ခုနှစ်များအတွင်း စစ်ဘက် ထကြွမှုများနှင့် ၁၉၆၂ မှစတင်သော စစ်အုပ်ချုပ်ရေးသည် ညီညွတ်ရေးအိပ်မက်ကို ပျက်စီးစေခဲ့သည်ဟူသော ယုံတမ်းစကားအား လက်ခံခြင်းပေါ် မူတည်ထားသည်။ ယင်း ဆွေးနွေးချက်၏ ယုတ္တိရှိရှိ တွေးဆန့်ချက်မှာ အမျိုးသားဒီမိုကရေစီအဖွဲ့ချုပ်၏ အရပ်သားတပိုင်း အုပ်ချုပ်မှုသည် လွတ်လပ်ရေးခေတ် လူမျိုးစုညီညွတ်ရေးကို ပြန်လည်ရယူနိုင်မည်ဟူ၍ပင်။ ထို့ကြောင့် လူမျိုးစုအခြေခံ လှုပ်ရှားမှု၏ မည်သည့်နောက်ဆက်တွဲကိုမဆို တရားမဝင်ဟု ဆက်လက်ရှုမြင်ပြီး တနိုင်ငံလုံးအကျိုးထက် မိမိလူမျိုးစု၏ အကျိုးစီးပွားအပေါ် ကျဉ်းမြောင်းစွာ အာရုံစိုက်ခြင်းအဖြစ်သာ ယူဆတော့မည်ဖြစ်သည်။ ထိုအချက်ကို လွန်ခဲ့သောနှစ်များအတွင်းကတည်းက ကျနော် နားလည်သဘောပေါက်ခဲ့ပါသည်။ ရန်ကုန်တွင် ကျင်းပသော တိုင်းရင်းသားလူငယ်များ စုဝေးပွဲတခု၌ မိမိ၏ ပင်လုံလေ့လာချက်များနှင့်ပတ်သက်ပြီး ဖိတ်ခေါ်စကားပြောစေခဲ့စဉ် သူတို့၏ အမြင်နှင့် ပင်လုံနှင့်ဆက်လျဉ်းသော ယုံတမ်းစကားများက ယင်းသို့ ဖြစ်စေခဲ့သည်။ နောက်ဆက်တွဲဆွေးနွေးပွဲများ၏ အရေးပါသည်များမှာမူ စာရေးသူ၏ စာတမ်းအကြောင်း မဟုတ်တော့ဘဲ စာရေးသူကို သုတေသနအချို့ လုပ်ဆောင်ကူညီပေးနေသော ဗမာ လူငယ်ပညာရှင်တဦးက သူ့ ရင်တွင်းခံစားချက်ကို လူမျိုးစုလူငယ်များအား ပြောပြခြင်းဖြစ်သည်။ ထိုဗမာလူငယ်က သူ လွတ်လွတ်လပ်လပ် မလေ့လာတတ်သေးမီအထိ ကျောင်းသုံးဖတ်စာအုပ်များ ဆရာများ မိဘများက လက်ရှိလူမျိုးစုပဋိပက္ခသည် တရားဝင်သော နိုင်ငံရေးအရနစ်နာမှုအပေါ် အခြေမခံဘဲ အတ္တကြီးသော ရုပ်ဝတ္တုအကျိုးစီးပွားပေါ်တွင် အခြေခံသည်ဟု သင်ကြားပေးခဲ့ကြောင်း ပွင့်လင်းစွာ ပြောပြခဲ့သည်။ သူ၏တောင်းပန်ခြင်းနှင့် လူမျိုးစုပဋိပက္ခများ၏ အကြောင်းရင်းကို အသိအမှတ်ပြုခြင်းတို့ကြောင့် ထိုအခိုက်အတန့်အချိန်လေးသည် စွမ်းအားကြီးသည့် အချိန်ပင်ဖြစ်သည်။ သို့သော် ဗမာများသည် လွန်ခဲ့သော ဆယ်စုနှစ် ၅ ခုအတွင်း စစ်တပ်၏ လူ့အခွင့်အရေးချိုးဖေါက်မှုများ အပြင်းထန်ဆုံးခံစားခဲ့ရသော လူမျိုးစုများအပေါ် ကရုဏာသက်ကြသည့်တိုင် မြန်မာ့ လူမျိုးစုသမိုင်းနှင့်ပတ်သက်သော ဘက်လိုက် လိမ်ညာထားသည့် အမြင်များကို အနည်းဆုံး တစိတ်တပိုင်း ဆက်လက်ဆုပ်ကိုင်ထားနိုင်ဆဲ ဖြစ်သည်။ မြန်မာနိုင်ငံ၏ အမျိုးသားပြန်လည်သင့်မြတ်ရေးလုပ်ငန်းစဉ်သည် လုပ်ကြံတည်ဆောက်ထားသော စိတ်ကူးယဉ် လူမျိုးစုညီညွတ်ရေးအပေါ် အခြေမခံဘဲ ပင်လုံကို ညီညွတ်ရေး လှုံ့ဆော်မှု တွန်းအားအဖြစ် မြင်သင့်လှပေသည်။ ၁၉၄၇ ခုနှစ်က ဗမာ ခေါင်းဆောင်များသည် ၁၉၄၇ ခုနှစ် ဖွဲ့စည်းပုံအခြေခံဥပဒေအပါအဝင် မည်သည့်အခါကမှ မဖြည့်ဆီးပေးသည့် ကတိများကို ပေးခဲ့ကြသည်။ သို့သော် မူလ ပထမ ပင်လုံညီလာခံသည် ယနေ့ခေတ် ရေပေါ်ဆီများ လွှမ်းမိုးသည့် ညီလာခံထက်ပင် လူမျိုးစုမျိုးစုံ ပါဝင်မှုနည်းပြီး ထိုညီလာခံတွင် ရရှိခဲ့သော ပဏာမ သဘောတူညီချက်များသည် မြန်မာနိုင်ငံ၏ လူမျိုးစုတန်းတူညီမျှရေးအတွက် ဆက်လက်လှုပ်ရှားမှုတိုင်းအား ဖော်ပြနေသည့် သမိုင်းဇာတ်လမ်း၏ အရေးပါသော အစိတ်အပိုင်းတခုဖြစ်သည်။ မခွဲထွက်ရေး စည်းကမ်းချက်နှင့်ပတ်သက်သော သူတို့၏ သဘောထားကို ထောက်ခံသောကြောင့် ဦးစည်သူအောင်မြင့်ကို ဗမာမဟုတ်သော လူမျိုးစုများက ကျေးဇူးတင်ကြမည်မှာ သေချာသည်။ သို့သော် မြန်မာနိုင်ငံ၏ ရှုပ်ထွေးလှသော လူမျိုးစု အတိတ်သမိုင်းကို တိကျစွာ ကိုယ်စားပြုရန် မြန်မာပညာတတ်များ၏ စုပေါင်းအားထုတ်ခြင်းသည် ပိုမိုကျယ်ပြန့်သော လူမျိုးစုရေးရာများကို ပိုမိုအထောက်အကူပြုနိုင်ပြီး ထိုသို့လုပ်ဆောင်ရင်း အမျိုးသားပြန်လည်သင့်မြတ်ရေး ဆွေးနွေးပွဲများအတွက် အုတ်မြစ်ကို ရိုးသားမှု၊ အားလုံးပါဝင်မှုနှင့် အသိအမှတ်ပြုမှုတို့အပေါ် အခြေခံပြီး ချမှတ်ရမည်ဖြစ်သည်။ (မက်သယူး ဝေါ်လတန်၏ Myanmar’s Myths of Ethnic Unity ကို ဆီလျော်အောင် ဘာသာပြန်ဆိုသည်။ သူသည် အောက်စဖို့တက္ကသိုလ်၊ စိန့်အန်တိုနီကောလိပ်မှ ခေတ်သစ်မြန်မာ့ရေးရာဆိုင်ရာ သုတေသီဖြစ်သည်။ သူ၏ သုတေသနများသည် မြန်မာနိုင်ငံမှ ဗုဒ္ဓဘာသာနှင့် မြန်မာဗုဒ္ဓဘာသာ နိုင်ငံရေးအတွေးအခေါ်ကို အထူးပြုပြီး အရှေ့တောင်အာရှနိုင်ငံရေးနှင့် ဘာသာရေးကိုလည်း အထူးပြုသည်။ လူမျိုးစုရေးရာ၊ ပဋိပက္ခနှင့် မြန်မာ့နိုင်ငံရေးအကြောင်းများကိုလည်း ရေးသားသည်။) The post တိုင်းရင်းသား စည်းလုံးညီညွတ်ရေး ယုံတမ်းစကား appeared first on ဧရာဝတီ.
Source : http://ift.tt/2wcEpc2
via IFTTT

Thet

ကျန်းမာရေးနှင့် အားကစား ဝန်ကြီးဌာနရဲ့ သတင်းထုတ်ပြန်ချက်အမှတ်စဉ် (၇) အရ ဇူလိုင်လ (၃၀) ရက်နေ့၊ (၁၄:၀၀) နာရီအထိ တစ်နိုင်ငံလုံးမှာ ရာသီတုပ်ကွေးရောဂါ (Seasonal Influenza A(H1N1) pdm 2009) ဖြစ်ပွားမှု အခြေအနေပါ။ ဒီတစ်ခါ သတင်း ထုတ်ပြန်ချက်မှာတော့ Seasonal Influenza A(H1N1) pdm 09 အတည်ပြု အတွင်းလူနာ အဖြစ် တက်ရောက်နေသူ ဦးရေ ပါလာပါတယ်။
Source : http://ift.tt/2v9es0i
via IFTTT

The Voice

“သားဝ မယားဝ သမဝါယမ” မဖြစ်အောင် သင်ခန်းစာ ယူရန် ဧရာဝတီတိုင်း ဝန်ကြီးချုပ်ပြော ပုသိမ်၊ ဇူလိုင် ၃၀ သမဝါယမအသင်း ဦးဆောင်သူများနှင့် အသင်းသားများကို ယခင်တုန်းကကဲ့သို့ “သားဝ မယားဝ သမဝါယမ”မဖြစ်ရလေအောင် သင်ခန်းစာ ယူကြရမည်ဖြစ်ကြောင်း ဧရာဝတီတိုင်း ဝန်ကြီးချုပ် မန်းဂျော်နီက ပြောကြားသည်။ ဇူလိုင်လ ၂၈ ရက်က ပုသိမ်မြို့တော် ခန်းမတွင်ပြုလုပ်သော ဧရာဝတီ တိုင်းဒေသကြီးရှိ စိုက်ပျိုး ထုတ်လုပ်ရေး သမဝါယမ အသင်းများသို့ အသေးစား အရင်းအနှီး ချေးငွေနှင့် လယ်ယာမြေ အဆင့်မြှင့်တင်ခြင်းအတွက် ချေးငွေနှင့် လယ်ယာသုံး စက်ကိရိယာများ ပေးအပ်ပွဲ အခမ်းအနားတွင် ဝန်ကြီးချုပ်က အထက်ပါအတိုင်း ပြောကြားခဲ့သည်။ “တစ်ချိန်က ဖြစ်ခဲ့တဲ့ သမဝါယမ၊ “သားဝ မယားဝ သမဝါယမ”လို့ ပြောခံခဲ့ရတဲ့ကိစ္စ ကနေ့ ဒါတွေပြီးဆုံးခဲ့ပါပြီ၊ ပြန်ပြောင်း အပြစ်ပြောနေတာ မဟုတ်ဘူး။ သင်ခန်းစာ ယူကြဖို့ပါ၊ အရင်လို မဟုတ်တော့ဘူး ယနေ့ သမဝါယမ လုံးဝ ကျောခိုင်းခဲ့ပါပြီ”ဟု ဧရာဝတီ တိုင်းဒေသကြီး ဝန်ကြီးချုပ် မန်းဂျော်နီက ပြောသည်။ သမဝါယမကို ဦးဆောင်သူများ၊ အမှုဆောင်များ၊ ဝန်ထမ်းများနှင့် အသင်းသူ အသင်းသားများက ပွင့်လင်း ရိုးသားရန် လိုအပ်ကြောင်း၊ တောင်သူများဘဝ ရေရှည် ဖွံ့ဖြိုးတိုးတက်ရန် အသင်းသားများ အားလုံးက ဟန်ချက်ညီ လုပ်ဆောင်ပါက အောင်မြင်မည် ဖြစ်ကြောင်း၊ ကျေးလက်ဒေသ ဖွံ့ဖြိုးတိုးတက်ရန် ငွေကြေး အရင်းအနှီးမှာ အဓိက အချက်ဖြစ်ပြီး အတိုးနှုန်းနည်းပါးစွာဖြင့် ငွေချေးပေးသော အဖွဲ့အစည်းများ ရှိနေသော်လည်း လိုအပ်မှုကို ချင့်ချိန် ချေးယူကာ အကျိုးရှိစွာ အသုံးချတတ်ရန် လိုအပ်ပြီး ချေးငွေများကိုလည်း ပြန်လည် ပေးဆပ်ရန် လိုအပ်ကြောင်း အသင်းသားများကို ဝန်ကြီးချုပ်က မှာကြားသည်။ “စိုက်ဘဏ်က ငွေချေးပေးတယ်၊ သမကလည်း ငွေချေးပေးတယ်၊ အိမ်ပြန် မပါဘူး။ လမ်းမှာတင် ကုန်သွားတဲ့ တောင်သူတွေ ရှိနေတယ်၊ သီးနှံစိုက်ဖို့ ငွေချေးတာ ဖြစ်ပါတယ်၊ စနစ်တကျ လုပ်ကြဖို့လည်း လိုပါတယ်။ ဒါမှအကျိုး ဖြစ်ထွန်းမယ်။ လူမှုဘဝတွေ မြင့်တက်လာမယ်”ဟု ၎င်းက ပြောသည်။ ၂၀၁၇ - ၂၀၁၈ ခုနှစ် ဘဏ္ဍာနှစ်တွင် ဧရာဝတီ တိုင်းဒေသကြီး သမဝါယမ အသင်းတွင် စိုက်ပျိုး ထုတ်လုပ်ရေး သမဝါယမ အသင်းပေါင်း ၆၁၂၇ သင်းရှိ အသင်းသားပေါင်း ၅၄၄ ၁၉၀ ဦးကို အသေးစား အရင်းအနှီး ချေးငွေ ကျပ် ၉၃ ၃၂၁ ဒသမ ၅၄၆ သန်း ထုတ်ချေးထားကြောင်း၊ လယ်ယာသုံး စက်ကိရိယာများကို အသင်းပေါင်း ၂၅၆ သင်းရှိ အသင်းသား ၄၈၉ ဦးကို ကျပ် ၂၂၅၅ ဒသမ ၈၉၆ သန်းရှိ စက်ကိရိယာ အစီးပေါင်း ၄၈၅ စီး အရစ်ပေးချေ စနစ်ဖြင့် ပံ့ပိုးရောင်းချပေးထားကြောင်း အဆိုပါ အသင်းရုံးထံမှ သိရှိရသည်။
Source : https://goo.gl/JvjVyu
via IFTTT

7Day News Journal

ရန်ကုန်ရှိ နည်းပညာတက္ကသိုလ် သုံးခုတွင် လုပ်ငန်းခွင် ကျွမ်းကျင်မှု နည်းပညာ သက်မွေးသင်တန်းများ ဖွင့်မည် ရန်ကုန်တိုင်းရှိ နည်း ပညာတက္ကသိုလ်သုံးခုတွင် လုပ်ငန်းခွင်ကျွမ်းကျင်မှု နည်းပညာ သက်မွေး သင်တန်းများကို ယခု နှစ်အတွင်း ဖွင့်လှစ်မည်ဟု ရန်ကုန်တိုင်းဝန်ကြီးချုပ် ဦးဖြိုးမင်း သိန်းက ပြောသည်။ သန်လျင်၊ လှိုင်သာယာ၊ မှော်ဘီမြို့နယ်တို့ရှိ နည်းပညာ တက္ကသိုလ်များတွင် ညပိုင်းသင် တန်းများ ဖွင့်လှစ်နိုင်ရန် စီစဉ်နေ ပြီး နိုင်ငံတကာကဲ့သို့ပင် စက်မှုဇုန်များကို နောက်ခံထားသည့် တက္က သိုလ်များဖြစ်အောင် ဆောင်ရွက် မည်ဟု ဝန်ကြီးချုပ်က ပြောကြားသည်။ ဖွံ့ဖြိုးပြီး နိုင်ငံများတွင် စက် မှုဇုန်များကို တက္ကသိုလ်များက နည်းပညာနှင့် ကျွမ်းကျင်လုပ် သားများ မွေးထုတ်ပေးနေသည့် အခြေအနေတစ်ရပ်ကိုလည်း ဝန် ကြီးချုပ် ဦးဖြိုးမင်းသိန်းက ဇူလိုင် ၂၉ ရက် ရန်ကုန်မြို့၌ ပြုလုပ်သည့် အသေးစား၊ အလတ်စား ဖွံ့ဖြိုးတိုးတက်ရေး မဟာဗျူဟာရေးဆွဲ နိုင်ရန် အလုပ်ရုံဆွေးနွေးပွဲ အဖွင့် မိန့်ခွန်းတွင် ထည့်သွင်းပြောကြား သည်။ ‘‘နိုင်ငံတကာမှာဆိုရင် စက် မှုဇုန်နဲ့ နည်းပညာတက္ကသိုလ်တွေ က ချိတ်ဆက်ထားတယ်။ စက်မှု ဇုန်တွေအတွက် လိုအပ်တဲ့ နည်း ပညာပိုင်းနဲ့ အတတ်ပညာပိုင်းက တက္ကသိုလ်တွေကပဲ ပံ့ပိုးပေးနေ တာဖြစ်ပါတယ်’’ဟု ဦးဖြိုးမင်း သိန်းက ပြောသည်။ ရန်ကုန်တိုင်းဒေသကြီးရှိ နည်းပညာ တက္ကသိုလ်များတွင် အသက်မွေးဝမ်းကျောင်း နည်း ပညာကာလတို သင်တန်းများ ဖွင့်လှစ်ရန် တက္ကသိုလ်များ၌ သင်ရိုးညွှန်းတမ်း၊ သင်ကြားရေးဆရာ၊ ဆရာမ အဆင်သင့်ရှိနေပြီး ပညာရေးဝန်ကြီးဌာနက ညွှန်ကြားသည်နှင့် စတင်သင်ကြားပေးနိုင်ပြီဟု သိရသည်။ ‘‘ရန်ကုန်က နည်းပညာ တက္ကသိုလ်တွေမှာဖွင့်ဖို့ စီစဉ်နေ တာရှိတယ်။ Mechanical ပိုင်းဆိုရင် စက်ပြင်ဆင်တဲ့ သင်တန်း တွေ၊ မော်တော်ယာဉ်နဲ့ပတ်သက် တဲ့ သင်တန်းတွေ ပါမယ်။ နောက် လျှပ်စစ်နည်းပညာ သင်တန်းတွေ၊ ဆောက်လုပ်ရေးနဲ့ပတ်သက်တဲ့ သင်တန်းတွေပါမယ်။ ဒေသမှာရှိတဲ့ အလုပ်လက်မဲ့အားလုံး အလုပ်အကိုင်ရဖို့ အခွင့်အလမ်းတွေရသွားမယ်။ ဒီလို ကျောင်းတွေမှာ ဖွင့်တဲ့အတွက် ဆရာမတို့က သူတို့ကို အသိအမှတ်ပြု လက်မှတ်တွေလည်း ပေးလို့ရတယ်။ စနစ်တကျလည်း သင်ပေးနိုင်တယ်။ အဲဒီတော့ ကျွမ်းကျင်လုပ်သားအင်အားလည်း တက်လာတာပေါ့’’ဟု သန်လျင် နည်းပညာတက္ကသိုလ် ပါမောက္ခချုပ်က ပြောသည်။ လုပ်ငန်းခွင်အတွင်း နည်း ပညာ ကျွမ်းကျင်လုပ်သားအင် အား လုံလောက်စေရေးနှင့် နည်း ပညာ၊ သက်မွေးပညာရေး လမ်း ကြောင်းကို ပြည်သူများ ရွေးချယ် နိုင်ရန် ရည်ရွယ်ကာ အစိုးရက နည်းပညာ၊ သက်မွေးကာလတို သင်တန်းများကို ၂၀၁၅ က စတင်ဖွင့်လှစ်ခဲ့သည်။ လက်ရှိတွင် ရန်ကုန်တိုင်းဒေသကြီး နတ်မောက်လမ်း၌ စင်ကာပူ - မြန်မာ နည်းပညာသက်မွေးသင်တန်းကျောင်း ဖွင့်လှစ်ထားပြီး အင်ဂျင်နီယာ နည်းပညာနှင့် ဟိုတယ်ခရီးသွား ဆိုင်ရာ ခြောက်လသင်တန်းများ ပို့ချနေသည်။
Source : http://ift.tt/2tPoQXi
via IFTTT

Myanmar Now အယ်ဒီတာချုပ် ကိုဆွေဝင်း အဖမ်းခံရ

Myanmar Now အယ်ဒီတာချုပ် ကိုဆွေဝင်း အဖမ်းခံရ Myanmar Now သတင်း အေဂျင်စီ အယ်ဒီတာချုပ် ကိုဆွေဝင်း မင်္ဂလာဒုံ အပြည်ပြည်ဆိုင်ရာ လေဆိပ်တွင် ဖမ်းဆီးခံလိုက်ရ ကြောင်း ကိုဆွေဝင်း၏ ရှေ့နေ ဦးခင်မောင်မြင့် က မင်္ဂလာဒုံမြို့နယ်တွင် ယနေ့ညပိုင်းက သတင်း မီဒီယာများကို ရှင်းလင်း ပြောဆိုသည်။ ကိုဆွေဝင်းကို အမျိုး ဘာသာ သာသနာ စောင့်ရှောက်ရေး အဖွဲ့ (မဘသ) ဆရာတော် ဦးဝီရသူ ၏ တပည့် ဦးကျော်မျိုးရွှေ ဆိုသူက ဆက်သွယ်ရေး ဥပဒေပုဒ်မ ၆၆ (ဃ) ဖြင့် မန္တလေးမြို့ မဟာအောင်မြေမြို့နယ် အမှတ် ၇ ရဲစခန်းတွင် မတ်လ ၇ ရက် နေ့က ဖွင့်ဆိုထားသော အမှုဖြင့် ဖြစ်ကြောင်း သိရသည်။ ကိုဆွေဝင်းက ထိုအမှုနှင့် ပတ်သက်ပြီး ရင်ဆိုင်ဖြေရှင်းရန် အတွက် ဘန်ကောက်မြို့ရှိ Myanmar Now ရုံးချုပ်ထံ လုပ်ငန်း တာဝန်များ လွှဲပြောင်းပေးရန် သွားရောက်စဉ် မင်္ဂလာဒုံလေဆိပ်၌ အဖမ်းခံလိုက်ရခြင်း ဖြစ်ကြောင်း ဦးခင်မောင်မြင့် က ရှင်းပြသည်။ “မာန်အောင်မြေရဲစခန်းက ထွက်ပြေး တိမ်းရှောင်တယ်လို့ သူတို့က ယူဆတယ်။ ယူဆတဲ့ အတွက်လည်း တရားဝင် စာထုတ်တယ် မာန်အောင်မြေ ရဲတပ်ဖွဲ့မှူးက နေပြီးတော့မှ ဦးဆွေဝင်းက အမှုကို ရင်မဆိုင်ဘဲနဲ့ ပြည်ပကို ထွက်ပြေးတိမ်းရှောင်ဖို့ အလားအလာရှိတယ်။ ဒါကြောင့်မို့ မင်္ဂလာဒုံ လေဆိပ်မှာ ထိန်းသိမ်းထားဖို့ စာထွက်တယ်။ အဲဒီစာထွက်လိုက်တဲ့ ဘန်ကောက်ကို သွားမယ့် ဒီညခရီးစဉ် မှာ ဖမ်းဆီးထိန်းသိမ်းလိုက်တယ်” ဟု ဦးခင်မောင်မြင့်က ပြောသည်။ ကိုဆွေဝင်းကို မင်္ဂလာဒုံမှတဆင့် ညချင်းတွင်း လွှဲပြောင်းဖွယ်ရှိပြီး ယင်းသို့ လွှဲပြောင်းယူရန်အတွက် မန္တလေး မဟာအောင်မြေ မြို့နယ် အမှတ် (၇) ရဲစခန်း တာဝန်ရှိသူများ လာရောက်နေပြီဖြစ်သည်ဟုဆိုသည်။ Ba Kaung အမည်ဖြင့် လူမှုကွန်ရက် ဖေ့စ်ဘုတ် စာမျက်နှာ ကို အသုံးပြုသူ ကိုဆွေဝင်း၏ အကောင့်တွင် မဘသ ဆရာတော် ဦးဝီရသူကို ပုတ်ခတ်ရေးသားသည်ဟု ဆိုသည့် အကြောင်းပြချက်ဖြင့် ဦးကျော်မျိုးရွှေက အမှုဖွင့် ထားခြင်းဖြစ်သည်။ ရဲတပ်ဖွဲ့ထံက ရရှိထားသည့် မှတ်တမ်းများ အရ ဖေ့စ်ဘုတ်ပေါ်မှ Ba Kaung အကောင့်တွင် ၂၀၁၇ ခုနှစ် ဖေဖော်ဝါရီ ၂၇ ရက်စွဲဖြင့် “ရွေးကောက်ပွဲ ပြီးသွားကတည်းက အသံတိတ်သွားတဲ့ မဘသ ပြန်လာပြီ” ဟု လည်းကောင်း၊ ဖေဖော်ဝါရီ ၂၈ ရက်စွဲဖြင့် “ဝီရသူ ပါရာဇိက ကျပြီး ရဟန်းဘဝ နိဋ္ဌိတံသွားပြီ ဖြစ်ကြောင်း သိရပါတယ်။ ပါရာဇိက အခုမှ ကျတာတော့ မဟုတ်လောက်ပါဘူး” ဟု စသည့် ရေးသားချက်များအပေါ် မကျေနပ်သဖြင့် တိုင်ကြားခြင်းဖြစ်ကြောင်း သိရသည်။ ကိုဆွေဝင်းသည် အင်းဝအပ်ချုပ်ဆိုင်၌ အလုပ်သမများ ညှင်းပန်းနှိပ်စက်မှုကို ဖော်ထုတ်ရေးသားခဲ့သူဖြစ်ပြီး အမျိုးသား ဒီမိုကရေစီ အဖွဲ့ချုပ် (NLD) ၏ ဥပဒေရေးရာ အကြံပေးအဖွဲ့ဝင် ရှေ့နေ ဦးကိုနီ လုပ်ကြံခံရမှု သတင်းတို့ကို ဖော်ထုတ် ရေးသား မှုများတွင် လူသိများလာခဲ့သည့် သတင်းထောက် ဖြစ်သည်။ သူသည် ဦးကိုနီ လုပ်ကြံသတ်ဖြတ်ခံရမှု သတင်းရေးသား ဖော်ထုတ်မှုနှင့် ပတ်သက်ပြီးနောက် အစွန်းရောက်များ၏ ခြိမ်းခြောက်မှုများကို ခံခဲ့ရကြောင်းသိရသည်။ The post Myanmar Now အယ်ဒီတာချုပ် ကိုဆွေဝင်း အဖမ်းခံရ appeared first on ဧရာဝတီ.
Source : http://ift.tt/2vjg08D
via IFTTT

ပုပ်ရဟန်းမင်းကြီး ဖရန်စစ် မြန်မာနှင့် ဘင်္ဂလားဒေ့ရှ့်သို့ သွားရောက်မည်

ပုပ်ရဟန်းမင်းကြီး ဖရန်စစ် မြန်မာနှင့် ဘင်္ဂလားဒေ့ရှ့်သို့ သွားရောက်မည် ကက်သလစ် ခရစ်ယာန်ဘာသာဝင်တို့၏ ခေါင်းဆောင် ပုပ်ရဟန်းမင်းကြီး ဖရန်စစ် သည် လာမည့် နိုဝင်ဘာလ အတွင်း မြန်မာနှင့် ဘင်္ဂလားဒေ့ရှ်သို့ သွားရောက်မည်ဖြစ်ကြောင်း အာဂျင်တီးနားသတင်းအေဂျင်စီ Telam ကဆိုသည်။ မြန်မာနှင့် ဗာတီကန်သည် ပြီးခဲ့သည့် မေလအတွင်းက သံတမန်ဆက်ဆံရေးကို အပြည့်အဝထူထောင်ထားပြီး ဖြစ်သည်။ ယခုထွက်ပေါ်လာသည့် ပုပ်ရဟန်းမင်းကြီး၏ မြန်မာနှင့် ဘင်္ဂလားဒေ့ရှ် သို့ သွားရောက်မည့် သတင်းနှင့် ပတ်သက်၍ ဗာတီကန်မှ လည်း ငြင်းဆိုခြင်းမရှိကြောင်း သိရသည်။ ပုပ်ရဟန်းမင်းကြီး၏ ခရီးစဉ်မှာ လာမည့် နိုဝင်ဘာ ၂၆ ရက်မှ ၃၀ ရက် အတွင်းဖြစ်ပြီး၊ မြန်မာပြည်သို့ လာ ရောက်မည်ဆိုပါက ဤသည်မှာ ပထမဆုံးအကြိမ်ဖြစ်ပြီး၊ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် သည် ပြီးခဲ့သည့် မေလအတွင်းက ပုပ်ရဟန်း မင်းကြီးရှိရာ ဗာတီကန်သို့ သွားရောက်ပြီး တွေ့ဆုံခဲ့သေးသည်။ ဘင်္ဂလားဒေ့ရှ်နိုင်ငံသို့မူ ၁၉၈၆ခုနှစ် ပုပ်ရဟန်းမင်းကြီး ဂျွန်ပေါလ် လက်ထက်က ပထမအကြိမ် သွားရောက် လည်ပတ်ပြီးနောက် ပုပ် ဖရန်စစ်လက်ထက်တွင် ဒုတိယအကြိမ် သွားရောက်ခြင်းဖြစ် သည်။ The post ပုပ်ရဟန်းမင်းကြီး ဖရန်စစ် မြန်မာနှင့် ဘင်္ဂလားဒေ့ရှ့်သို့ သွားရောက်မည် appeared first on ဧရာဝတီ.
Source : http://ift.tt/2viwIVz
via IFTTT

အမျိုးသားတွေ ဆီးကျိတ်ကင်ဆာရောဂါ ဖြစ်နိုင်ခြေ နည်းစေဖို့

အမျိုးသားတွေ ဆီးကျိတ်ကင်ဆာရောဂါ ဖြစ်နိုင်ခြေ နည်းစေဖို့ အမျိုးသားတွေရဲ့လိင်စိတ်ဖြေဖျောက်မှုနဲ့ ပတ်သက်ပြီး တကယ်တော့ သုတ်လွှတ်မှုအပိုင်းမှာ ကိုယ်ကိုယ်တိုင် စိတ်ဖြေ သိမ့် မှုနဲ့အတူ လက်ကို အသုံးပြုပြီး သုတ်လွှတ်စေမှုလည်း ဖြစ်စေနိုင်သလို အခြား လိင်ဆက်ဆံမှုအနေအထားမှာလည်း သုတ် လွှတ်မှု ရှိစေနိုင်ပါတယ်။ အခု နောက်ဆုံး ဟားဗက်တက္ကသိုလ်ရဲ့လေ့လာချက်တွေအရ အမျိုးသားတယောက်အနေနဲ့ ဆီးကျိတ်ကင်ဆာ ဖြစ်နိုင် ခြေကို အကောင်းဆုံး ကာကွယ်တားဆီးနိုင်ဖို့အတွက် တလကို အနည်းဆုံး သုတ်လွှတ်မှု ၂၁ ကြိမ် အနည်းဆုံး လိုအပ်တယ်လို့ တွေ့လာရတာပဲ ဖြစ်ပါတယ်။ လေ့လာချက်တွေအရတော့ မကြာခဏ သုတ်လွှတ်တတ်သူတွေဟာ ဆီးကျိတ်ကင်ဆာ ဖြစ်နိုင်ခြေကို ရာခိုင်နှုန်း သုံးချိုး တချိုးလောက်ထိအောင် လျော့နည်းစေတာလည်း ဖြစ်ပါတယ်။ အခု လေ့လာချက်မှာ အမျိုးသားပေါင်း ၃၁၉၂၅ ယောက်ကို လေ့လာခဲ့တာ ဖြစ်ပြီး အနည်းဆုံး အသက် ၁၈နှစ်နဲ့ အထက် ရှိသူတွေကိုပဲ လေ့လာခဲ့တာဖြစ်ပြီး အထူးသဖြင့်တော့ အသက် ၂၀ကနေ ၂၉နှစ်အတွင်း အုပ်စုနဲ့ အသက် ၄၀ကနေ ၄၉နှစ် အတွင်း ရောဂါဖြစ်နိုင်ခြေများလာတဲ့ အသက်အရွယ်ရှိ အုပ်စုတွေကို အလေးထား လေ့လာချက် ပြုလုပ်ထားတာလည်း ဖြစ်ပါတယ်။ ဒါကြောင့် သဘာဝအတိုင်း နေထိုင်မှုနဲ့ စိတ်ကျေနပ်မှု ရှိခြင်းဟာ ကင်ဆာ ဖြစ်နိုင်ခြေကို အကောင်းဆုံး လျော့ကျ ထိန်းချုပ် နိုင်လာစေတာ တွေ့ရပြီး အချို့တွေမှာ သဘာဝလွန် လိင်ဆန္ဒနဲ့ သုတ်လွှတ်မှု နည်းပါးတဲ့သူတွေအတွက်ကတော့ ကင်ဆာ ဖြစ် နိုင်ခြေ ပိုများနိုင်တယ်ဆိုတာ သိရှိလာရတာလည်း ဖြစ်ပါတယ်။ အမေရိကန်နိုင်ငံ၊ ကင်ဆာ အဖွဲ့အစည်းရဲ အဆိုအရတော့ အမေရိကန်မှာ အမျိုးသား ၇ယောက်မှာ ၁ယောက်ဟာ ဆီး ကျိတ် ကင်ဆာ ဖြစ်နိုင်ခြေ ရှိနေတာ ဖြစ်ပြီး ပြီးခဲ့တဲ့နှစ်အတွင်းက ဆီးကျိတ်ကင်ဆာ ရောဂါဖြစ်ပွားနေသူ ၁၆၁၃၆၀ ထဲကနေ ၂၇၀၀၀ခန့် သေဆုံးခဲ့တယ်လို့လည်း စာရင်းတွေ အရ သိရပါတယ်။ ဒီထဲကမှ ဆီးကျိတ်ကင်ဆာ ဖြစ်ပွားသူ အားလုံးရဲ့ ၈၅ရာခိုင်နှုန်းဟာ အသက် ၆၅နှစ်နဲ့ အထက်မှာမှ စတင် ဖြစ်ပွားခဲ့ကြ တာ ဖြစ်ပြီး အဆိုပါ ရောဂါခံစားနေရသူတွေအနေနဲ့လည်း ငယ်စဉ်အချိန်မှာ သုတ်လွှတ်မှု နည်းပါးတယ်လို့ သိရပါတယ်။ နောက်ဆက်တွဲ တွေ့ရှိချက်အရတော့ အသက်အရွယ်ကြီးလာလေလေ ဆီးကျိတ်ကင်ဆာ ဖြစ်နိုင်ခြေလည်း ပိုများလေလေ ဖြစ် လာတာ တွေ့ရပါတယ်။ လေ့လာသူတွေကတော့ ကင်ဆာရောဂါနဲ့ ပတ်သက်ပြီး အခုချိန်ထိအောင် ကုသပေးနိုင်မှု မရှိသေးတာကြောင့် အကောင်းဆုံး အနေနဲ့ ကာကွယ်မှု လုပ်ဆောင်ဖို့သာ အကောင်းဆုံး ဖြစ်တယ်လို့ ဆိုသလို အခုလို သဘာဝအတိုင်း သုတ်လွှတ်မှုကို တလ ၂၁ ကြိမ်ထက် မနည်းအောင် နေထိုင်ရင်း ဆီးကျိတ်ကင်ဆာ ဖြစ်နိုင်ခြေကိုလည်း လျော့ချ ကာကွယ်ထားသင့်တယ် လို့ ဆိုပါ တယ်။ ဒါအပြင် ကျန်းမာရေးနဲ့ ညီညွတ်တဲ့ စားသောက်နေထိုင်မှု၊ လေ့ကျင့်ခန်း လုပ်ဆောင်မှုနဲ့ ပုံမှန် ကျန်းမာရေး စစ်ဆေးချက် တွေ လုပ်ဆောင်ပြီး ကြိုတင်ကာကွယ်မှုတွေ လုပ်ဆောင်နိုင်မှာ ဖြစ်တယ်လို့လည်း သိရပါတယ်။ Ref: http://ift.tt/2vin0lR The post အမျိုးသားတွေ ဆီးကျိတ်ကင်ဆာရောဂါ ဖြစ်နိုင်ခြေ နည်းစေဖို့ appeared first on ဧရာဝတီ.
Source : http://ift.tt/2waRjHy
via IFTTT

ဂျင်းဈေးသွား တောလား

ဂျင်းဈေးသွား တောလား “ဟျောင့် ဂျင်းကောင်.. မင်းကိုဂျင်းထည့်ဖို့ The SQUARE ကကောင်တွေ စောင့်နေတယ် ” ထိုစာသားကို ရုတ်တရက် ဖတ်မိလျှင် ဖေ့စ်ဘွတ်ပေါ်တွင်ရေးသားထားခြင်းဟု ထင်မြင်မိပါလိမ့်မည်။ အမှန်တကယ် တော့ မန္တလေးမြို့တွင် မကြာမီက ဖွင့်လှစ်ခဲ့သည့် ရတနာပုံညဈေး(Yadanarbon Night Market)ရှိ ဈေးဆိုင်တဆိုင်၏ ဆိုင်းဘုတ်တွင် အဆိုပါစာတန်းကို မြင်တွေ့ရခြင်းဖြစ်သည်။ ရတနာပုံညဈေးဆိုသည်မှာ ပြီးခဲ့သည့် ဇွန်လအတွင်းက ဈေးပွဲတော်အဖြစ် သုံးရက်တာ စမ်းသပ်ဖွင့်လှစ်ခဲ့ရာ ပထမဆုံး နေ့တွင်ပင် ရောင်းချသည့်ပစ္စည်းများ ဈေးကြီးသည်ဟု ဆိုကာ ဂျင်းဈေးဟု နာမည်ကျော်ခဲ့သော ဈေးဖြစ်သည်။ ရတနာပုံညဈေးကို မန္တလေးတောင်ခြေ ယခင် ရတနာပုံရေကူးကန်ဝင်းအတွင်း ဖွင့်လှစ်ထားခြင်းဖြစ်ပြီး ၄ ဒသမ ၁၃ ဧက ကျယ်ဝန်းသည်။ ဈေးကြီးအတွင်း ဆိုင်ခန်းပေါင်း ၁၆၀ ခန့်ကို ဇုန် ၃ ဇုန် ခွဲခြား ဖွင့်လှစ်ထားသည်။ DCIM100MEDIADJI_0008.JPG ထိုကဲ့သို့ ဖေ့စ်ဘုတ်နှင့် လူမှုကွန်ရက်စာမျက်နှာများတွင် “အကြီးကြီး ဂျင်းထည့်ခံလိုက်ရတဲ့ တကယ့်ဂျင်း” ဟု နာမည်ကြီး ခဲ့သော်လည်း ဈေးပွဲတော်ကာလအတွင်း ဈေးသို့သွားရာ လမ်း တလျှောက် ဈေးနှင့်အတော်ဝေးသည့်နေရာအထိ ယာဉ် ရပ်နားစရာမရှိအောင်ပင် မန္တလေး တမြို့လုံးမှ လာရောက်ကြသူများဖြင့် အုန်းအုန်းကျွက်ကျွက် အံ့မခန်း စည်ကားခဲ့သည်။ ဈေးကြီး၏ ပင်မဝင်ပေါက်မှ ဝင်လျှင်ဝင်ချင်း ချစ်စရာကွန်တိန်နာနှစ်ထပ် Bar ဆိုင်ကလေးကို ဦးစွာ တွေ့မြင်ရမည်ဖြစ်သည်။ အရှေ့တူရူတွင် ချင်းမိုင်မှ လာရောက်ရောင်းချနေသည့် ဖက်ရှင် ဆန်းဆန်းနှင့် ဈေးသည်များ၏ ၈ ပေပတ်လည် ရွက်ဖျင်တဲ အစားအသောက်ဆိုင်ခန်းလေးများ ဖြစ်သည်။ ယိုးဒယားသင်္ဘောသီးထောင်း၊ ကဏန်းချဉ်စပ်ကြော်၊ ကြက်ကြော်၊ ပင်လယ်စာ အကင်မျိုး စုံတို့ကို အကန့်လိုက် အစီအရီချထားသည်။ မဆလာရနံ့ သင်းနေသော စားဖွယ်ရာများ၊ သွားရည်ကျစရာ အကင်များအကြား ဖြတ်လျှောက်ပြီး ရှေ့နားသို့ရောက်လျှင် အမောပြေ ရင်အေးစရာ ဖျော်ရည်ဆိုင်ကလေးများကို တွေ့မြင်ရမည် ဖြစ်သည်။ ချစ်စဖွယ် ဒီဇိုင်းဆန်းဆန်း အအေး ခွက်ကလေးများနှင့် အရောင်အသွေးစုံ ဖျော်ရည်ပုလင်း ကလေးများ စီတန်း၍ ရောင်းချနေသည်မှာ မျက်စိပသာဒဖြစ်လှ သည်။ ဈေးတန်းအတွင်းသို့ ဆက်၍ တိုးဝင်သွားလျှင်တော့ အထည်၊ ဖိနပ်၊ အိတ်နှင့် အလှအပပစ္စည်းများ ရောင်းချသည့် ဆိုင်ခန်းများကို တွေ့ရသည်။ ဈေးတန်း နောက်ဘက်အစွန်တွင်တော့ မြန်မာမလေး၊ တောသူမ၊ အရီးတောင်း စသည့် မြန်မာ့ရိုးရာ အစားအစာ ရောင်းချ သည့် ဆိုင်ခန်းများရှိသည်။ ဘေးပတ်ပတ်လည်တွင် ဈေးဝယ်သူများ ဝယ်ယူ လာသည့် အစားအသောက်များကို တင်၍ စားသောက်နိုင်ရန် စားပွဲဝိုင်းသဖွယ် စည်ပိုင်းငယ်ကလေးများ ထားရှိကာ ဓာတ်ပုံရိုက်ရန် အလှဆင်ပေးထားသော နေရာများ၊ ရေပန်းများ၊ ရေကူးကန်၊ အားကစား ခန်းမနှင့် ယာဉ်ရပ်နားရန် နေရာတို့ကိုပါ တွေ့နိုင်သည်။ ရတနာပုံညဈေးကို မန္တလေးမြို့၏ အထင်ကရ နေရာတခုဖြစ်လာစေရန်၊ နိုင်ငံခြား ခရီးသွား ဧည့်သည်များ လာရောက် လည်ပတ်နိုင်ရန်၊ ဒေသအစားအစာများ မြည်းစမ်းကြည့်နိုင်ရန်၊ လာရောက် ရောင်းချသူများ အလုပ်အကိုင်နှင့် ဝင်ငွေ များနိုင်ရန် ရည်ရွယ်ဖွင့်လှစ်ရခြင်းဖြစ်ကြောင်း Myanmar Da Yi Co.; Ltd မှအထွေအထွေမန်နေဂျာ ဦးတည်ကြည်အောင်က ပြောသည်။ ဂျင်းဈေးဟု နာမည်ကြီးရခြင်းနှင့် ပတ်သက်၍ မန္တလေးမှရောင်းချသည့် ဆိုင်များအပြင် နယ်မှ လာရောက် ရောင်းချ သည့်ဆိုင်များ ပါရှိနေ၍ သယ်ယူပို့ဆောင်ရေး ကုန်ကျစရိတ်များကြောင့် ဈေးမြင့်သွားခြင်းဖြစ်ကြောင်း ၎င်းကပြောသည်။ “ မြို့နေလူတန်းစား အလွှာစုံအတွက် ဦးတည်ပြီး ဖွင့်တာပါ၊ ဒီတခေါက် ဖွင့်တဲ့အခါမှာ သွားလာရေး အဆင်ပြေအောင် လမ်းတွေချဲ့ထားတယ် ၊ ဈေးနှုန်းတွေလည်း လျှော့ချထားပါတယ် ” ဟု ဦးတည်ကြည်အောင်က ပြောသည်။ ညဈေးသို့ သွားရောက်လည်ပတ်ခဲ့သူ မယဉ်မျိုးသွယ်က ပစ္စည်းဈေးနှုန်းများမှာ ပုံမှန်ထက် ပိုများနေပြီး ဖန်စီ လက်ဝတ်လက်စားနှင့် အဝတ်အထည်များ ဈေးနှုန်း နှစ်ဆကျော် ပိုများနေကြောင်း ပြောသည်။ “ ယမ်ယမ်ချဉ်စပ်တစ်ပွဲမှာ ပုဇွန်နှစ်ကောင်ပါတယ်၊ ကြက်အူချောင်းပါတယ်၊ ၁ထောင်၊ ၁ထောင့်ငါးရာ ရှိသင့်တာကို ၂ထောင့်ငါးရာပေးရတယ်၊ မဖြစ်မနေမို့စားတာ၊ နောက်တစ်ခေါက်ထပ်မစားတော့ဘူး၊ ချဉ်စပ်တစ်ပွဲ ၂ထောင့်ငါးရာဆိုတာ အဲကွန်းနဲ့ သက်သောင့်သက်သာကော်ဖီဆိုင်တွေမှာ သွားစား ရတာ တန်တယ်၊ နေပူကျဲတဲ ရွက်ဖျင်တဲ မှာကမတန်ဘူး၊ အခြေခံမပြောနဲ့ လူလတ်တန်းစား အတွက် တောင် အဆင်မပြေဘူး၊ နောက်မသွားတော့ဘူး ” ဟု ၎င်းကဆိုသည်။ ထို့အပြင် ညဈေးကို မန္တလေးမြို့၏ မြောက်ဘက်ပိုင်း ချောင်ကျသောနေရာတွင် ဖွင့်လှစ်ထား၍ ညဘက်သွားလာရန် အဆင်မပြေဘဲ မိသားစုလိုက်ကားဖြင့် သွားမှသာ အဆင်ပြေနိုင်ကြောင်း မယဉ်မျိုးသွယ်က ဆိုသည်။ ရတနာပုံညဈေးအကြိုဖွင့်ပွဲ ဈေးပွဲတော်ကို ဇူလိုင် ၂၁ရက်မှ ၂၅ရက်အထိကျင်းပခဲ့ပြီး မြို့ခံ ဈေး သည်များ၊ ချင်းမိုင်မှ လာရောက်ရောင်းချသည့် ဈေးသည်များအပါအဝင် ဆိုင်ခန်းစုစုပေါင်း ၁၀၀ကျော် ကို ဖွင့်လှစ် ရောင်းချခဲ့သည်။ “ စာမေးပွဲပြီးရင် ဂျင်းဈေးကို သွားမှာ၊ ဘာမှတော့ ဝယ်စားဖြစ်မယ်မထင်ဘူး၊ ဈေးကြီးတယ်လေ၊ ဖေ့စ်ဘုတ်မှာ ပုံတွေ ရိုက်ပြီး တင်ကြလို့ အသစ်အဆန်းတစ်ခုအနေနဲ့ ဘာတွေရှိမလဲ သွားကြည့်ချင်တာ၊ သူငယ်ချင်း တော်တော်များများ ကတော့ ဈေးကြီးတယ်၊ နှပ်ခံရတယ်၊ နောက်မသွားတော့ ဘူးလို့ ပြောတယ် ” ဟု ရတနာပုံညဈေးသို့ တကြိမ်မှ မရောက်ဖူးသေးသည့် နိုင်ငံခြားဘာသာ တက္ကသိုလ်မှ ဂျာမန်ဘာသာကျောင်းသူ မဇင်ဇင်အောင်က ပြောသည်။ ဈေးပွဲတော်အပြီး ယခုတခေါက် ညဈေး ဖွင့်လှစ်ရာတွင် ရောင်းဈေးကို ၂၀ရာခိုင်နှုန်းလျှော့၍ ရောင်းချသော်လည်း လာရောက်လည်ပတ်သူ နည်းပါးသွားကြောင်း ဈေးသည်များက ပြောသည်။ “ ဒီတစ်ခေါက် အဆင်မပြေဘူး၊ ရာသီဥတုကြောင့်လည်း ပါမယ်၊ အရင်တစ်ခေါက် ဆိုင်တိုင်းလိုလို အရမ်းရောင်းရတယ်၊ ဈေးကွက်ထဲမှာ အသစ်အဆန်းလေးဖြစ်ပြီး မရင်းနှီးသေးတဲ့ပုံစံမျိုး ဖြစ်မှာပါ၊ ဆိုင်ခန်းခ၊ စရိတ်တွေနဲ့ဆို ဈေးများတယ် ပြောလို့မရပါဘူး ” ဟု ရန်ကုန်မြို့မှ ရှမ်းရိုးရာ အစား အစာများ လာရောက်ရောင်းချသူ ကိုအာကာက ပြောသည်။ ညဈေးအတွင်း ဆိုင်ခန်းများကို ဇုန် အေ၊ ဘီ၊ စီ ဟူ၍ ခွဲထားပြီး စတီးအဆောက်အအုံနှင့် ရွက်ဖျင်တဲ ဟူ၍ နှစ်မျိုးရှိသည်။ ဆိုင်ခန်းငှားရမ်းခများမှာ တလလျှင် ဇုန်အေအတွင်း (ပေ၂၀ x ပေ၄၀) စတီး ဆိုင်ခန်းတခန်းကို ကျပ်၈သိန်း၊ ဇုန်ဘီ အတွင်း (ပေ ၁၀ x ပေ ၂၀) စတီးဆိုင်ခန်းတခန်း ကျပ် ၄သိန်း၊ ဇုန်စီ အတွင်း ( ၈ ပေ x ၈ ပေ) ရွက်ဖျင်တဲဆိုင်ခန်းကို အသုံးအဆောင်နှင့် အဝတ်အထည်ဆိုင် ကျပ် ၁၂၀၀၀၀ ၊ အစားအသောက်ဆိုင် ကျပ်၁၅၀၀၀၀ ဟူ၍ သတ်မှတ်ထား သည်။ ဇွန်လအတွင်းက ဖွင့်လှစ်ခဲ့သည့် Yadanarbon BKK Night Market သို့ သွားရောက်လည်ပတ်ခဲ့သူ မယဉ်ယဉ်ခန့်က ထိုင်းနိုင်ငံမှ ညဈေးများနှင့်ယှဉ်၍ “ နိုင်ငံတကာက BKK Night Market တွေမှာ တော့ ပစ္စည်းအရည်အသွေး ကောင်း တယ်၊ ဈေးချိုတယ်၊ နိုင်ငံခြားသားဧည့်သည်တွေ အနေနဲ့လည်း ဒေသ အမှတ်တရ လက်ဆောင်လေးတွေ ဝယ်သွား နိုင်တယ်၊ ဒီမှာ ဈေးများတယ်၊ အချိုရည်ပုံး သေးသေးလေးကို ၄ ထောင်ဖြစ်နေတယ်” “ဈေးအနည်းဆုံးက ၂ ထောင်၊ ၁ ထောင်ပဲ၊ အစားအသောက်တွေလည်း အရမ်းဈေးများတယ်၊ ပိုက်ဆံရှိတဲ့ လူတွေလောက်ပဲ သွားနိုင်တဲ့ဈေးမျိုး ဖြစ်နေတယ်၊ ရတနာပုံ ညဈေးကိုသွားပြီး ဘာမှမဝယ်နိုင်၊ မစားနိုင်ဘဲ ပြန်လာရတဲ့သူတွေ အများကြီး တွေ့ရတယ်၊ ပထမတခေါက် ဖွင့်ပြီးကတည်းက သိပ်မသွားကြတော့ဘူး ” ဟု ၎င်း၏အမြင်ကို ပြောသည်။ ညဈေးကို မိသားစု သိုက်သိုက်ဝန်းဝန်း သွားရောက်စား သောက်ကာ ပျော်ပျော်ပါးပါး ဈေးဝယ် ပြန်လာနိုင်သည့် လူ အများစု လက်လှမ်းမီသော ဈေးမျိုး ဖြစ်စေလိုကြောင်း မယဉ်ယဉ်ခန့်က ပြောသည်။ ရတနာပုံညဈေးကို မန္တလေးမြို့တော် စည်ပင်သာယာရေး ကော်မတီက Myanmar Da Yi Co.; Ltd အား တည် ဆောက်လုပ်ဆောင် လွှဲပြောင်းစနစ်ဖြင့် ၇နှစ်ငှားရမ်းခြင်းဖြစ်ပြီး တနှစ်လျှင် ကျပ်သိန်း၃ထောင်ဖြင့် နှစ်စဉ် ၁၀ရာခိုင်နှုန်း တိုးကာ တနှစ်ချင်း စာချုပ်ချုပ်ရမည် ဖြစ်ကြောင်း သိရသည်။ “ ပထမ နိုင်ငံခြားသားတွေအတွက် ရည်ရွယ်တယ်၊ စွန့်ဦးလုပ်တာဖြစ်တယ်၊ မန္တလေးရဲ့ပြယုဂ်တ ခုပေါ်လာတဲ့အတွက် သဘောကျပါတယ်” ဟု မန္တလေးမြို့တော် စည်ပင်သာယာရေးကော်မတီ၊ တွဲဖက်အတွင်းရေးမှူး ဦးသက်နိုင်ထွန်းက ဆိုသည်။ နောင်လာမည့် ညဈေးများကို ခွင့်ပြုရာတွင် ထိုက်သင့်သည့် နေရာအနေအထား၊ ယာဉ်ရပ်နားရာနေရာနှင့် အုပ်ချုပ်မှုများ ရှိမှသာ ခွင့်ပြုပေးသွားမည် ဖြစ်ကြောင်းနှင့် လက်ရှိတွင် ညဈေးဖွင့်ရန် ခွင့်ပြုမိန့်တောင်းခံထားသူ မရှိ သေးကြောင်း ၎င်းကဆိုသည်။ တချိန်က မင်းနေပြည်တော်ဖြစ်ခဲ့ရာ မန္တလေးရွှေမြို့တော်ကြီးတွင် လွန်ခဲ့သောနှစ် ၆၀ အတွင်း အထင်ကရရှိခဲ့ပြီး ယခု တိမ်ကောစပြုနေသော ဈေးချိုညဈေးနှင့် ပြီးခဲ့သည့် လေး၊ ငါးနှစ်ကစ၍ စည်ကားလာခဲ့သော ၃၄လမ်း ဒိုင်းမွန်း ပလာဇာအနီးမှ တရုတ်တန်း ညဈေးတို့ ရှင်သန်ဖွံ့ဖြိုး နိုင်မှု ရှိ ၊ မရှိ။ ထပ်မံဖွင့်လှစ်လိုက်သည့် ရတနာပုံညဈေးက ဈေးဝယ်သူများကို မည်မျှ ဆွဲဆောင်နိုင်မည်မှု ရှိ၊ မရှိ ဆိုသည်ကိုတော့ ဆက်လက် စောင့်ကြည့်ရဦးမည်ဖြစ်သည်။ The post ဂျင်းဈေးသွား တောလား appeared first on ဧရာဝတီ.
Source : http://ift.tt/2uNaZ4N
via IFTTT

သူဌေးအများဆုံး ရှိရာ နိုင်ငံ ၁၀ နိုင်ငံ

သူဌေးအများဆုံး ရှိရာ နိုင်ငံ ၁၀ နိုင်ငံ တကယ်တော့ ဆောင်းပါးရဲ့ခေါင်းစဉ်က ဒေါ်လာ မီလီယံ(သန်း)ချီ ချမ်းသာတဲ့သူတွေ အများဆုံးရှိရာ နိုင်ငံတွေအကြောင်း ဖြစ်ပြီး လက်ရှိ ကမ္ဘာပေါ်မှာ ဘီလျံနာ (သန်းတထောင်)ချမ်းသာသူတွေကတော့ သောင်းဂဏန်းဝန်းကျင်ပဲ ရှိပေမယ့် မီလျံနာ တွေကတော့ အများအပြား ရှိနေပြီလည်း ဖြစ်ပါတယ်။ အခု ဆက်ပြီး ဘယ်နိုင်ငံတွေမှာ မီလျံနာတွေ အများဆုံး ရှိနေသလဲ ကြည့်ရအောင်ပါ။ (၁) အမေရိကန် အရွယ်ရောက် လူဦးရေ ၂၄၅.၉၇ သန်း ရှိပြီး ပျမ်းမျှ အရွယ်ရောက် ပြည်သူတဦးရဲ့ချမ်းသာမှု ဒေါ်လာ ၄၄၉၇၇ ရှိ ပါတယ်။ မီလျံနာကတော့ အမေရိကန်မှာ ၁၃၅၅၄၀၀၀ ဦးထိအောင် ရှိနေပြီး ကမ္ဘာမှာ မီလျံနာ အများဆုံး ရှိတဲ့ အချမ်းသာဆုံး နိုင်ငံ ဖြစ်နေပါတယ်။ (၂) ဂျပန် မထင်မှတ်ဘဲ အာရှရဲ့စီးပွားရေး အကောင်းဆုံးနိုင်ငံက တရုတ်၊ တောင်ကိုရီးယားနဲ့ ထိုင်ဝမ်တွေကို ကျော်တက်ပြီး လူချမ်း သာ အများဆုံး ရှိနေပါတယ်။ အရွယ်ရောက် လူဦးရေ ၁၀၄.၂၂ သန်း ရှိပြီး ပျမ်းမျှတဦးကို ၁၂၀၄၉၃ ဒေါ်လာ ပိုင်ဆိုင်ထား ကြပါတယ်။ မီလျံနာကတော့ ၂၈၂၆၀၀၀ ဦး ရှိပါတယ်။ (၃) အင်္ဂလန် ဥရောပရဲ့အင်အားကြီးနိုင်ငံက အရွယ်ရောက် ပြည်သူ ၄၈.၉၉ သန်းပဲ ရှိပေမယ့် တယောက်ကို ပျမ်းမျှ ၁၀၇၈၆၅ ဒေါ် လာလောက်ထိအောင် ချမ်းသာတာ တွေ့ရသလို မီလျံနာ ၂၂၂၅၀၀၀ ဦးလောက်ထိအောင် ရှိနေပါတယ်။ (၄) ဂျာမနီ ဒုတိယကမ္ဘာစစ်ရဲ့စစ်ရှုံးနိုင်ငံက စီးပွားရေး ပြန်လည် ဦးမော့မှု အားကောင်းလာပြီး လက်ရှိ အရွယ်ရောက် ပြည်သူ ၆၇.၀၇ သန်း ရှိသလို တဦးကို ပျမ်းမျှ ဒေါ်လာ ၄၂၈၃၃ပဲ ချမ်းသာပေမယ့် မီလျံနာ ဦးရေကတော့ ၁၆၃၇၀၀၀ ထိအောင် ရှိနေတာ ပါ။ (၅) ပြင်သစ် ဂျာမနီနဲ့ အနီးဆုံး စီးပွားပြိုင်ဘက်နိုင်ငံ ဖြစ်နေသလို အရွယ်ရောက် ပြည်သူ ၄၈.၆၆ သန်းပဲ ရှိပေမယ့် ပျမ်းမျှ တဦးကို ဒေါ် လာ ၉၉၉၂၃ ထိအောင် ပိုင်ဆိုင်ထားပါတယ်။ တနိုင်ငံလုံးမှာတော့ မီလျံနာ ၁၆၁၇၀၀၀ လောက်ထိအောင် ရှိနေပါတယ်။ (၆) တရုတ် စီးပွားရေးတိုးတက်မှု အမြန်ဆုံး ဖြစ်နေပေမယ့် လူဦးရေ များပြားတဲ့နိုင်ငံ ဖြစ်လို့ မီလျံနာဦးရေ အများဆုံးရှေ့ပိုင်းမှာ မ ရောက်သေးတာပါ။ အရွယ်ရောက် ပြည်သူ ၁.၀၂၃ ဘီလီယံထိအောင် ရှိပြီး ပျမ်းမျှ တဦးကို ဒေါ်လာ ၄၈၈၅ လောက်ပဲ ချမ်း သာပါတယ်။ မီလျံနာကတော့ ၁၅၉၀၀၀၀ ထိအောင် ရှိပါတယ်။ (၇) အီတလီ ဥရောပ အင်အားကြီးနိုင်ငံ ဖြစ်ပေမယ့် ပြင်သစ်နဲ့ ဂျာမနီတွေလောက် မချမ်းသာဘူးလို့ ဆိုရမလိုပါ။ အရွယ်ရောက် ပြည် သူ ၄၉.၃သန်းပဲ ရှိပြီး တဦးကို ပျမ်းမျှ ဒေါ်လာ ၁၀၄၁၀၅ ထိအောင် ပိုင်ဆိုင်ထားကြပါတယ်။ မီလျံနာကတော့ ၁၁၃၂၀၀၀ ဦး ရှိ ပါတယ်။ (၈) ကနေဒါ အမေရိကန်နဲ့အတူ အင်အားကြီးနိုင်ငံ ဖြစ်လာနေပြီး အရွယ်ရောက် ပြည်သူ ၂၈သန်းပဲ ရှိပေမယ့် တဦးကို ပျမ်းမျှ ဒေါ်လာ ၉၆၆၆၄ ပိုင်ဆိုင်ထားပါတယ်။ မီလျံနာလည်း ၁၁၁၇၀၀၀ ဦး ထိအောင် ရှိနေပါတယ်။ (၉) သြစတြေးလျ ဒေသတွင်း အချမ်းသာဆုံး နိုင်ငံအဖြစ်ပါ ရပ်တည်နေနိုင်သလို မီလျံနာလည်း အများစု ရှိနေပါတယ်။ အရွယ်ရောက် ပြည် သူက ၁၇.၁၂သန်းပဲ ရှိပါတယ်။ တဦးကို ဒေါ်လာ ၁၆၂၈၁၅ထိအောင် အများဆုံး ပိုင်ဆိုင်ထားကြတာပါ။ မီလျံနာ ဦးရေ ၁၀၆၀၀၀၀ ထိအောင် ရှိပါတယ်။ (၁၀) ဆွစ်ဇာလန် လူဦးရေ နည်းပေမယ့် တဦးချင်းပိုင်ဆိုင်မှုမှာ ကမ္ဘာ့ထိပ်တန်းအဆင့် ရှိပါတယ်။ အရွယ်ရောက် ပြည်သူ ၆.၁၉ သန်းပဲ ရှိပါ တယ်။ ဒါပေမယ့် တဦးချင်း ပျမ်းမျှ ၂၄၄၀၀၂ လောက်ထိအောင် ချမ်းသာပါတယ်။ မီလျံနာကလည်း ၇၁၆၀၀၀ လောက်ရှိ နေပါသေးတယ်။ အခြား မီလျံနာအများဆုံးရှိတဲ့ နိုင်ငံတွေအဖြစ်ကတော့ ဆွစ်ဇာလန်ရဲ့နောက်မှာ တောင်ကိုရီးယား၊ စပိန်၊ ထိုင်ဝမ်၊ ဘယ်ဂျီ ယမ်၊ နယ်သာလန်၊ ဆွီဒင်နဲ့ ဒိန်းမတ်နိုင်ငံတွေ အစဉ်လိုက် ရှိနေတာလည်း ဖြစ်ပါတယ်။ Ref: http://ift.tt/eKERsB The post သူဌေးအများဆုံး ရှိရာ နိုင်ငံ ၁၀ နိုင်ငံ appeared first on ဧရာဝတီ.
Source : http://ift.tt/2vUz2io
via IFTTT

Single ဆိုတဲ့ တကိုယ်ရေသမားတွေရဲ့ အားသာချက် ၅ ချက်

Single ဆိုတဲ့ တကိုယ်ရေသမားတွေရဲ့ အားသာချက် ၅ ချက် ယနေ့ခေတ်ကာလ ပြည်တွင်းမှာလည်း Facebook အသုံးပြုမှု တိုးတက်လာခြင်းနဲ့ အတူ လူမှုဝန်းကျင်မှာ Single is the best လို့ ကောင်လေးတွေရော ကောင်မလေးတွေပါ ကြွေးကြော်လာကြတာ တွေ့ရသလို လေ့လာချက်တွေ အရ တယောက်တည်း တကိုယ်ရေ နေသူတွေဟာ စုံတွဲနဲ့ နေသူတွေထက် ပိုပြီး ကောင်းမွန်တဲ့ အားသာချက်တွေ ရှိတယ် လို့ ဆိုပါတယ်။ Single သမားတွေက ဘယ်လို အားသာချက်တွေ ပိုပါသလဲ။ (၁) Single သမားတွေဟာ ပေါင်းသင်းဆက်ဆံရေး ပိုမို ကောင်းမွန်ပြေပြစ်တယ် ဟုတ်ပါတယ်၊ သူတို့ဟာ တခြား ချစ်သူတွေနဲ့ စုံတွဲတွေထက်ရော မင်္ဂလာဆောင်ပြီး လင်မယားတွေထက်ပါ ပေါင်းသင်း ဆက်ဆံရေး အပိုင်းမှာပိုမို အားကောင်းကြပါတယ်။ အဓိက အကြောင်းအရင်းကတော့ ကိုယ်ပိုင် အချိန်ရှိတာနဲ့ အတူ သူငယ်ချင်း မိတ်ဆွေတွေကို အချိန်ပိုပေးနိုင်တာကြောင့် အပေါင်းအသင်းတွေရဲ့ အလေးထား ချစ်ခင်မှုကို ပိုမို ရရှိတာ ဖြစ်ပါတယ်။ (၂) Single သမားတွေဟာ ရုပ်ပိုင်းဆိုင်ရာ ကြံ့ခိုင်မှုမှာလည်း ပိုမို ကျန်းမာကောင်းမွန်ကြတယ် လေ့လာချက်တွေ အရတော့ အသက် ၁၈ နှစ်ကနေ ၆၄ နှစ် အတွင်း Single သမားပေါင်း ၁၃၀၀၀ ခန့်ကို လေ့လာကြည့်ရာမှာ တကိုယ်ရေ သမားတွေဟာ စုံတွဲရှိသူတွေ ထက် အားကစားလေ့ကျင့်ချိန် ပိုမို ပေးခြင်း၊ ကျန်းမာအောင် နေထိုင်ခြင်းတွေ တွေ့ရသလို ၂၀၁၅ ခုနှစ် အတွင်းက Social Science and Medicine ဂျာနယ်မှာလည်း ဥရောပက လူဦးရေ ၄၅၀၀ အပေါ်မှာ လေ့လာချက်တွေ အရ Single သမားတွေဟာ ကိုယ်အလေးချိန်မှာရော ကျန်းမာမှုမှာပါ ပိုမို ကောင်းမွန်တာတွေ့ရတယ် ဆိုပါတယ်။ (၃) Single ဟာ အခြားသူတွေထက် ပိုမို သာလွန်တဲ့ လေ့လာတတ်မြောက်မှုတွေ ရှိကြတယ် National Survey of Families and Households ရဲ့ လေ့လာချက်တွေအရ Single သမား ၁၀၀၀ နဲ့ စုံတွဲ ၃၀၀၀ အကြား လေ့လာချက်မှာကိုပဲ တကိုယ်ရေ သမားတွေဟာ ဘဝတိုးတက်မှုပိုင်းဆိုင်ရာမှာ အလေးပေးကြတာ တွေ့ရပါတယ်။ အဖွဲ့အစည်းက လေ့လာချက်မှာ အဓိက မေးခွန်း ၂ ခုကို စစ်ဆေးသွားပြီး Single သမားတွေက အဆိုပါ မေးခွန်း ၂ ခုလုံးကို လက်ခံနှစ်သက်ကြ တာပါ။ အဆိုပါ မေးခွန်းတွေကတော့ (၁) ဘဝဆိုတာ လေ့လာဖို့၊ ပြောင်းလဲဖို့၊ တိုးတက်အောင် ကြံစည်ဖို့ ဖြစ်တယ် (၂) ကျနော်တို့ဟာ ကမ္ဘာအတွက် အသုံးဝင်အောင်၊ ပြောင်းလဲ တိုးတက်နိုင်အောင် လုပ်ဆောင်သင့်တဲ့ သူတွေ ဖြစ်တယ် ဆိုတဲ့ အချက်တွေကို Single သမားတွေက ပိုမို လက်ခံကြသလို ကြိုးစား လုပ်ဆောင်နေကြ တာလည်း တွေ့ရပါတယ်။ (၄) Single အမျိုးသားတွေဟာ သဘောထားကြီးကြတယ် ဒါပေမယ့် လက်ထပ်ပြီး ဒါမှမဟုတ် ချစ်သူရပြီးရင် သဘေားထားသေးလာတတ်တယ်။ DePaulo ဆိုတဲ့ လေ့လာသူ တဦးက အမေရိကန်မှာ ၁၉၈၇-၈၈ ခုနှစ်ကနေ နောက်ပိုင်း ၅ နှစ် ကာလလောက်ထိ အမျိုးသားတွေရဲ့ သူတို့ရဲ့ သူငယ်ချင်း မိတ်ဆွေတွေနဲ့ ပတ်သတ်ပြီး ငွေသုံးစွဲမှုရော ဆွေးမျိုးတွေဆီကို ထောက်ပံ့မှုတွေကိုပါ လေ့လာ မှတ်တမ်း တင်ခဲ့ပါတယ်။ ပထမဆုံး အိမ်ထောင်ကျသွားတာနဲ့ ပျမ်းမျှ ဒေါ်လာ ၁၈၇၅ လောက်ပဲ အသုံးပြု ထောက်ပံ့တော့တာ တွေ့ရပြီး ဒီပမာဏက အခြားသူတွေရဲ့ အသုံးနှုန်းထက် လျော့နည်းတာလည်း ဖြစ်ပါတယ်။ ကွာရှင်းမှု တခုခု ရှိခဲ့သူတွေ ကတော့ အဆိုပါ နှုန်းထက် ပိုပြီး အသုံးပြုလာတာ တွေ့ရပါသတဲ့။ အကယ်၍ နောက်တကြိမ် အိမ်ထောင်ပြုလိုက်ချိန်မှာတော့ ဝင်ငွေကို သူငယ်ချင်းနဲ့ ဆွေမျိုးတွေ အတွက် အသုံးပြုမှု ပြန် နည်းသွားတာလည်း တွေ့ရပါတယ်။ ဒီလိုနဲ့ DePaulက Singled Out စာအုပ်မှာ Single သမားတွေဟာ သူငယ်ချင်းနဲ့ ဆွေမျိုးတွေကို ပိုမို ထောက်ပံ့ပေးကမ်းမှုတွေ ရှိပြီး လူချစ်လူခင် ပိုတယ် လို့ ရေးသားထားတာ တွေ့ရပါတယ်။ (၅) Single သမားတွေဟာ အချိန်ပို ရရှိတတ်ပြီး စုံတွဲတွေထက် အချိန်ကို အကျိုးရှိအောင် ပိုသုံးတတ်ကြတယ် စိတ်ပညာရှင် Amy Morin ရဲ့ အဆိုအရ စိတ်ကျန်းမာရေး ပိုင်းမှာ Single သမားတွေက စုံတွဲရှိသူတွေထက် ပိုမို စိတ်ခိုင် ပျော်ရွှင်အောင် နေတတ်တယ် လို့ ဆိုပါတယ်။ တကိုယ်ရေသမားတွေမှာ အချိန်ပိုတွေ ရှိကြတယ်၊ ဒါပေမယ့် သူတို့ဟာ အဲဒီ အချိန်ပိုတွေနဲ့ သူတို့ ဘဝကို ပိုကောင်းအောင် ဖန်တီးလေ့ရှိတယ် လို့ ဆိုပါတယ်။ အခြား လေ့လာချက် တခုမှာလည်း တကိုယ်ရေ အတွေးနဲ့ နေထိုင် လုပ်ဆောင်မှုဟာ ပိုမို ကောင်းမွန်တဲ့ ဖန်တီးမှုတွေကို လုပ်ဆောင်နိုင်ကြတယ် လို့ တွေ့ရှိရတာပဲ ဖြစ်ပါတယ်။ Ref: http://ift.tt/eKERsB The post Single ဆိုတဲ့ တကိုယ်ရေသမားတွေရဲ့ အားသာချက် ၅ ချက် appeared first on ဧရာဝတီ.
Source : http://ift.tt/2uJYLvi
via IFTTT