Justin Bieber နဲ႔ Selena Gomez တို႔ အခ်စ္ေရး တခန္းရပ္ သြားျပန္ၿပီလား

Justin Bieber နဲ့ Selena Gomez တို့ အချစ်ရေး တခန်းရပ် သွားပြန်ပြီလား ကမ္ဘာကျော် အဆိုတော်စုံတွဲ ဖြစ်ကြတဲ့ Justin Bieber နဲ့ Selena Gomez တို့ဟာ သဘောထားကွဲပြားမှုနဲ့ ရန်ဖြစ်ခဲ့ကြပြီးနောက် အချိန်ကာလ အနည်းငယ်ကြာ လမ်းခွဲခဲ့ကြတယ်လို့ သိရပါတယ်။ သတင်း အရင်းအမြစ်တခုက “သူတို့ဟာ မကြာသေးခင်တုန်းက သဘောထားကွဲလွဲမှု နည်းနည်းနဲ့ ရန်ဖြစ်ခဲ့ကြတာကြောင့် လမ်းခွဲဖို့ ဆုံးဖြတ်ခဲ့ကြပါတယ်။ ဒါပေမယ့် သူတို့ဟာ တချိန်လုံး အဆက်အသွယ် ရှိနေပြီးတော့ တဦးအပေါ်တဦး ထားရှိတဲ့ ခံစားချက်တွေကတော့ မပြောင်းလဲပါဘူး” လို့ E! News မီဒီယာကို ပြောပါတယ်။ အသက် ၂၄ နှစ်အရွယ်၊ ကနေဒါအဆိုတော် Justin Bieber နဲ့ အသက် ၂၅ နှစ်အရွယ် အဆိုတော် Selena Gomez တို့ဟာ တဦးအပေါ်တဦး အချိန်ပေးလိုကြောင်း သိရပါတယ်။ အတွင်း သတင်းတခုမှ ပုဂ္ဂိုလ်တဦးက “သူတို့ဟာ အတူတူ ပြန်ရှိနေကြဦးမှာပါ။ သူတို့ဇာတ်လမ်း မပြီးသေးပါဘူး။ ဒါပေမယ့် သူတို့ နှစ်ယောက်လုံးကတော့ တယောက်အတွက် တယောက် အချိန်ပေးဖို့ လိုအပ်နေပါတယ်” လို့ ပြောပါတယ်။ အခြား သတင်းအရင်းအမြစ် တခုကတော့ သူတို့စုံတွဲနဲ့ပတ်သက်လို့ အလားတူ အကြောင်းအရာကိုပဲ ပြောဆိုခဲ့ပြီး နောက်ထပ် သတင်းအရင်းအမြစ် တခုကလည်း သူတို့ဟာ လူသိရှင်ကြား ဆက်ဆံရေးကြောင့် ဖိအားရရှိခဲ့ပြီး ပြဿနာ ဖြစ်စေခဲ့တယ်လို့ ပြောဆိုလိုက်ပါတယ်။ အဆိုပါ သတင်းအရစ်အမြစ် ပြောကြားချက်အရ “သူတို့ဟာ နှစ်ယောက်သားရဲ့ လူသိရှင်ကြား ဆက်ဆံရေးကြောင့် ရရှိလာတဲ့ ဖိအား တော်တော်များများကြောင့် စိတ်ရှုပ်ခဲ့ရတယ်လို့ ဖွင့်ပြောခဲ့ကြပြီးတော့ ကိစ္စတွေအပေါ်မှာလည်း အမြင် မတူခဲ့ကြပါဘူး” လို့ ပြောပါတယ်။ ဒါ့အပြင် သူတို့နှစ်ဦးဟာ မတ်လ ၁ ရက်နေ့မှာ ကျရောက်ခဲ့တဲ့ Justin ရဲ့ မွေးနေ့ကတည်းက တွေ့ခဲ့ကြတာ မရှိဘူးလို့ ဆိုပါတယ်။ သူတို့နှစ်ယောက်ရဲ့ အချစ်ဇာတ်လမ်း တခန်း ပြန်ဆက်နေတာကို ကန့်ကွက်ထားတဲ့ မိခင်ဖြစ်သူ Mandy Teefey နဲ့ ဆက်ဆံရေးကိုလည်း Selena က ပြန်လည်ပြင်ဆင်ဖို့ ကြိုးစားနေတယ်လို့ သတင်းအချို့ကဆိုပါတယ်။ Justin နဲ့ Selena တု့ိကို ဂျမေကာနိုင်ငံမှာ Justin ရဲ့ ဖခင်ဖြစ်သူ လက်ထပ်ပွဲကို တက်ရောက်ခဲ့တဲ့ ဖေဖော်ဝါရီလ အတွင်းမှာ နောက်ဆုံးတွေ့မြင် ခဲ့ကြရတာပါ။ လူငယ်ချစ်သူ နှစ်ဦးဟာ အပြင်ထွက်ရာမှာလည်း ရေကူးကန် ဘေးမှာ အတူ တွဲတွေ့ရတာမျိုး၊ ပွေ့ဖက် နမ်းရှုံ့နေတာမျိုးကိုလည်း တွေ့ခဲ့ကြရပါတယ်။ ယခုလ အစောပိုင်းမှာ ကျရောက်ခဲ့တဲ့ Justin Biber ရဲ့ အသက် ၂၄ နှစ်ပြည့် မွေးနေ့မှာ အတူဖြတ်သန်းခဲ့ကြပုံ မရပေမယ့် Selena က သူ့ရဲ့ Instagram အကောင့်မှာ မွေးနေ့ဆုမွန်ကောင်း တောင်းပေးခဲ့ပါတယ်။ ဆက်စပ် သတင်းလင့်ခ် – Justin Bieber နဲ့ Selena Gomez တို့ရဲ့ အချစ်ရေး ဒီတခါ သေချာ ခိုင်မာသွားပြီလား Ref ; aceshowbiz The post Justin Bieber နဲ့ Selena Gomez တို့ အချစ်ရေး တခန်းရပ် သွားပြန်ပြီလား appeared first on ဧရာဝတီ.
Source : http://ift.tt/2IeovVt
via IFTTT