အခ်စ္ေရး ေခတၱ ရပ္ဆိုင္းေနေပမယ့္ ေရေျမျခားမွာ အျခားသူနဲ႔ ဖက္လွဲတကင္းလုပ္ေနတဲ့ Selena Gomez

အချစ်ရေး ခေတ္တ ရပ်ဆိုင်းနေပေမယ့် ရေမြေခြားမှာ အခြားသူနဲ့ ဖက်လှဲတကင်းလုပ်နေတဲ့ Selena Gomez ကမ္ဘာကျော် အဆိုတော် စုံတွဲဖြစ်ကြတဲ့ အဆိုတော် Justin Bieber နဲ့ အဆိုတော် Selena Gomez တို့ဟာ အချစ်ရေး ခေတ္တ ရပ်ဆိုင်းထားကြပေမယ့်လည်း Selena Gomez ကတော့ Justin Bieber သူ့အနားမှာ မရှိလည်း သြစတြေးလျမှာ တော်တော်လေး ပျော်နေတာကို တွေ့ရပါတယ်။ အသက် ၂၅ အရွယ်၊ အဆိုတော် Selena Gomez ဟာ ချစ်သူ Justin Bieber နဲ့ အချစ်ဇာတ်လမ်း ခေတ္တ ရပ်ဆိုင်းနေချိန် သြစတြေးလျကို ရောက်လာတဲ့ အပန်းဖြေခရီးအတွင်းမှာ အခြားအမျိုးသားတဦးနဲ့ ပျော်မြူးနေခဲ့တာကို တွေ့ရပါတယ်။ Disney အဆိုတော်ဟောင်း Selena ဟာ မတ်လ ၁၉ ရက်နေ့က သြစတြေးလျနိုင်ငံ၊ ဆစ်ဒနေမြို့မှာ ရှိတဲ့ ရွက်လှေ တစင်းပေါ်မှာ အမျိုးသားတဦးနဲ့အတူ ရေကူးဝတ်စုံကို ဝတ်ဆင်ပြီး နေပူဆာလှုံနေခဲ့တာကို တွေ့ရပါတယ်။ အဲဒီ အမျိုးသားကတော့ Johnny Rays လို့ခေါ်ပြီး သူ့သူငယ်ချင်းတယောက်လည်း ဖြစ်ပါတယ်။ သူတို့နှစ်ယောက်ဟာ ပြုံးရွှင်နေခဲ့ကြပြီး ရွက်လှေပေါ်ကနေ Selena ကို တွန်းချဖို့ ဟန်လုပ်နေတဲ့ Johnny ဆိုသူရဲ့ ပုံရိပ်တွေကိုလည်း မြင်တွေ့ ရပါတယ်။ တခြားပုံမှာဆိုရင်တော့ အပေါ်ပိုင်းအဝတ်ဗလာ၊ ရေကူးဘောင်းဘီ အပြာရောင် ဝတ်ဆင်ထားတဲ့ Johnny ဟာ အပြာရောင် သဘက်ကို ခြုံထားတဲ့ Selena ကို ဖက်ထားတာတွေ့ရပါတယ်။ Selena သြစတြေးလျနိုင်ငံကို ရောက်လာတဲ့အကြောင်းက Hillsong Church Conference တက်ဖို့ ဖြစ်ပါတယ်။ Selena နဲ့ အတူရှိနေတဲ့ Johnny ကတော့ အဲဒီကို ဘာအကြောင်းနဲ့ ရောက်လာတာလဲဆိုတာ မသိရှိပါဘူး။ သူဟာ ဘုရားကျောင်းရဲ့ တီးဝိုင်းဖြစ်တဲ့ Young & Free ရဲ့ မန်နေဂျာ တဦးတော့ ဖြစ်ပါတယ်။ Justin နဲ့ တွဲရေးခွဲရေး အချစ်ဇာတ်လမ်း ရှု့ပ်နေတဲ့ Selena ရဲ့ သူငယ်ချင်း Johnny ဟာ ဆစ်ဒနီမှာ နေထိုင်တာ ဖြစ်ပါတယ်။ သူဟာ Hillsong Church ရဲ့ Sydney City Campus မှာ ကြီးပြင်းခဲ့သူလည်း ဖြစ်ပါတယ်။ Hillsong ရဲ့ ဝက်ဘ်ဆိုက် အဆိုအရ သူဟာ Sydney Conservatorium of Music ကျောင်းမှာ စာသင်ကြားခဲ့ပြီး ဆစ်ဒနီအခြေစိုက် ဒီဇိုင်းအေဂျင်စီ တခုမှာ ပရောဂျက် မန်နေဂျာ တယောက်ဖြစ်ပါတယ်။ Selena နဲ့အတူတူ ဘုရားကျောင်း အတူတူ တက်ကြတဲ့ Justin ကတော့ ဘာလို့ သြစတြေးလျမှာ လုပ်တဲ့ Hillsong Church Conference ကို တက်ရောက်ခြင်း မရှိလဲဆိုတာ ရှင်းရှင်းလင်းလင်း မသိရပါဘူး။ ကနေဒီယံ အဆိုတော် Justin ကတော့ လော့စ်အင်ဂျလိစ်မှာ ပြန်ရောက်နေပြီး မတ်လ ၁၈ ရက်နေ့မှာတော့ West Hollywood တခွင် လမ်းလျှောက် နေခဲ့တာကို မြင်တွေ့ခဲ့ကြရပါတယ်။ ဆက်စပ် သတင်းလင့်ခ် – Justin Bieber နဲ့ Selena Gomez တို့ အချစ်ရေး တခန်းရပ် သွားပြန်ပြီလား Ref : aceshowbiz The post အချစ်ရေး ခေတ္တ ရပ်ဆိုင်းနေပေမယ့် ရေမြေခြားမှာ အခြားသူနဲ့ ဖက်လှဲတကင်းလုပ်နေတဲ့ Selena Gomez appeared first on ဧရာဝတီ.
Source : http://ift.tt/2G5IGGT
via IFTTT