Anomalisa ရုပ်ရှင်ကားသည် ပြင်ပက ပကတိဇာတ်ကောင်များနှင့် ဖန်တီး တင်ဆက်ထားသော ရုပ်ရှင်ကားတစ်ကား မဟုတ်ချေ။ ကာတွန်းကားတစ်ကားဟု ယျေဘုယျအားဖြင့် ပြောလို့ရနိုင်သော်လည်း ကွန်ပျူတာ ထွန်းကားသည့် လက်ရှိခေတ်ကာလမှာ ကွန်ပျူတာ နည်းပညာများဖြင့် အထူးဖန်တီးထားခြင်း မဟုတ်ပေ။ Stop-motion ဟု ခေါ်ဝေါ်သော နည်းပညာဖြင့် ဖန်တီးထားသည့် ဇာတ်ကားတစ်ကား ဖြစ်ပါသည်။ ကျွန်တော် နားလည်မိသမျှ တင်ပြရလျှင် ယင်းနည်းပညာသည် တုတ်ထိုးရုပ်သေးရုပ်များနှင့် ဆင်တူပါသည်။ ဇာတ်အိမ်ထဲတွင် ထည့်သွင်းဖန်တီးထားသော ဇာတ်ကောင်များအတွက် ဇာတ်ကောင်စရိုက်နှင့် ထင်ဟပ်ထပ်တူကျနိုင်တဲ့ အရုပ်များအား ပြုလုပ်ကာ တင်ဆက်ဖန်တီးခြင်း ဖြစ်ပါသည်။ ဆက်တင်နောက်ခံတွေကို လက်ဖြင့်ပဲ တည်ဆောက်ကြရသည်။ ထို့နောက်မှာ အရုပ်ကလေးကို ထည့်သွင်း၍ တစ်ကွက်ခြင်း ရွှေ့ကာ ကင်မရာနည်းပညာ/အခြားစက်မှု နည်းပညာဖြင့် ပေါင်းစပ်ဖန်တီးခြင်း ဖြစ်သည်။ ယခုရုပ်ရှင်ကားသည် ထိုနည်းပညာဖြင့် ဖန်တီးရိုက်ကူးထားခြင်း ဖြစ်ပါသည်။
Source : https://goo.gl/xLT9tN
via IFTTT
No comments:
Post a Comment