မန္တလေး အနုပညာရပ်ဝန်းမှ ဖျော်ဖြေတင်ဆက်မည့် ပရဟိတ ရန်ပုံငွေပဒေသာကပွဲ အောက်တိုဘာ ၁၃ ရက်တွင် ကျင်းပမည် မန္တလေး စက်တင်ဘာ ၂၆ ဒေါ်ခင်ကြည်ဖောင်ဒေးရှင်းသို့ ပေးအပ် လှူဒါန်းနိုင်ရန်အတွက် မိတ်ကပ်အလှ ဖန်တီးရှင်များ၊ ဒီဇိုင်နာများ၊ ပန်းအလှဖန်တီးရှင်များ ပူးပေါင်းတင်ဆက်သည့် မန္တလေးအနုပညာရပ်ဝန်းမှ ဖျော်ဖြေတင်ဆက်ကပြမည့် ရန်ပုံငွေပဒေသာကပွဲ ကြီးကို အောက်တိုဘာ ၁၃ ရက် ညနေ ၄ နာရီခွဲမှ ၉ နာရီခွဲထိ မန္တလေးမြို့တော် ခန်းမ (၁)တွင် ကျင်းပသွားမည် ဖြစ်ကြောင်း သိရသည်။ ပဒေသာကပွဲတွင် မိတ်ကပ်အလှ ဖန်တီးရှင်များ၊ ဒီဇိုင်နာများ၊ ပန်းအလှ ဖန်တီးရှင်များနှင့်အတူ အလှမယ်များ၊ ကာယအလှမယ်၊ ကာယဗလမောင်၊ အိပ်မက်ဆုံရာနှင့် Myanmar IDOL မှ အဆိုတော်များလည်းပါဝင်ပြီး အဆိုအက၊ ပြဇာတ်များဖြင့် ဖျော်ဖြေတင်ဆက်သွားမည်ဖြစ်ကာ Star & Model နှင့် NYM တို့မှ မော်ဒယ်လေးများ၏ ဖျော်ဖြေတင်ဆက်မှုများလည်း ပါဝင်မည်ဖြစ်သည်။ အဆိုပါ ပရဟိတ ရန်ပုံငွေပွဲအား Linn Entertainment နှင့် Kiss Entertainment တို့မှ ပူးပေါင်းကာ စီစဉ်ကျင်းပခြင်းဖြစ်ပြီး ပဒေသာကပွဲမှ ရရှိမည့် အကျိုး အမြတ်များအားလုံးအား ဒေါ်ခင်ကြည်ဖောင်ဒေးရှင်းသို့ ပေးအပ်လှူဒါန်းမည် ဖြစ်သဖြင့် ပါဝင် လှူဒါန်းလိုသူများ အနေဖြင့် ရန်ပုံငွေပဒေသာက ပွဲကြီး ဖြစ်မြောက်ရေးကော်မတီ ဖုန်း ဝ၉-၂၅၆၂၆၂၆၄၂ နှင့် ဝ၉-၄၃ဝ၁၄၄၇၂ တို့သို့ ဆက်သွယ်နိုင်ကြောင်း သိရသည်။
Source : http://ift.tt/2cxMKNx
via IFTTT
No comments:
Post a Comment