ဆူးေလစကြဲစီမံကိန္း ဒဏ္ေၾကးက်ပ္ႏွစ္ဘီလီယံ ေပးေဆာင္ရမည္

ဆူးလေစကွဲ (Sule Square) အထပ်မြင့် အဆောက်အအုံ စီမံကိန်းသည် မူလ အဆောက်အအုံ ဒီဇိုင်းကို ပြင်ဆင် ဆောက်လုပ်မှုကြောင့် ဒဏ်ကြေး ကျပ် နှစ်ဘီလီယံကျော် ပေးဆောင်ရမည် ဖြစ်ကြောင်း သတင်းရရှိသည်။ ဆူးလေရှန်ဂရီလာ ဟိုတယ်နှင့်ကပ်လျက် တည်ဆောက်သော အဆိုပါစီမံကိန်းသည် ၂၃ ထပ် မြင့်သည့် အဆောက်အအုံဖြစ်ပြီး အစိုးရသစ် လက်ထက်တွင် ပထမဆုံး အရေးယူသည့် ဆောက်လုပ်ရေးလုပ်ငန်း ဖြစ်ကာ မူလ ခွင့်ပြုထားသည့် စီမံကိန်းထက် အထပ်ပိုဆောက်ခဲ့၍ ယခုကဲ့သို့ ပြစ်ဒဏ်ပေးခြင်း ဖြစ်ကြောင်း ရန်ကုန် မြို့တော် စည်ပင်သာယာရေး ကော်မတီမှ အဆောက်အအုံဌာန ဌာနမှူး ဦးသန်းဌေးက ပြောသည်။ ‘‘တကယ်လို့ ဒဏ်ကြေး ဆောင်ရမယ်ဆိုရင် နှစ်ဘီလီယံ လောက်ရှိမယ်လို့ အကြမ်းဖျင်း တွက်ထားတာ နှစ်ဘီလီယံတောင် ကျော်နိုင်တယ်။ ငွေကတော့ မသွင်းရသေးဘူး’’ဟု ရန်ကုန်မြို့တော် စည်ပင်သာယာရေး ကော်မတီ အဆောက်အအုံဌာန အရာရှိတစ်ဦးက ပြောသည််။ ယခုကဲ့သို့ ဒဏ်ကြေးဆောင် ရန်အတွက် ပြီးခဲ့သည့် ဇူလိုင်လ က စစ်ဆေးသတိပေးမှုပြုလုပ်ခဲ့ ပြီး ခေါ်ယူညှိနှိုင်းမှုအချို့ ပြုလုပ်ခဲ့ ကြောင်းသိရသည်။ ဆူးလေစကွဲ သည် အဆောက်အအုံ မူလဒီဇိုင်း ကို ကျော်လွန်တည်ဆောက်၍ ဒဏ်ကြေး ပေးဆောင်မှုသည် ရန်ကုန်မြို့တွင် ပထမဆုံး ဖြစ်သည်။ နောက်ပိုင်းတွင် အခြား အဆောက်အအုံများကို ယခုကဲ့သို့ ထပ်မံစစ်ဆေးရန် အစီအစဉ်ရှိကြောင်း ဌာနမှူး ဦးသန်းဌေးကပြော သည်။ အဆိုပါစီမံကိန်းကို ၂၀၁၃ ဇန်န၀ါရီတွင် ရန်ကုန်စည်ပင် သာယာရေးကော်မတီက ခွင့်ပြု သောမူလဒီဇိုင်းမှာ မြေအောက် နှစ်ထပ်၊ မြေပေါ်အထပ် ၂၀ နှင့် ခေါင်မိုးပေါ်တွင် Penth House တို့ ပါ၀င်ခဲ့သည်။ သို့သော် ယခု နှစ် မတ်လကတင်ပြလာသည့် စီ မံကိန်းဒီဇိုင်းတွင် မြေအောက်တစ် ထပ်နှင့် အထပ်ပေါင်း ၂၃ ထပ် ပါ၀င်နေသည်။ သို့သော် အဆောက်အအုံ၏ အမြင့်သည် ရန်ကုန်မြို့တော် စည်ပင်သာယာရေးကော်မတီက ခွင့်ပြုထားသည့် အမြင့်ပေ ၃၀၂ ပေခန့်ထက် ပိုမိုဆောက်လုပ်ခြင်း မရှိဟု သတင်းရရှိသည်။ ထို့ပြင် အများပြည်သူအတွက် နေရာနှင့် အများသုံး အိမ်သာများအတွက် နေရာမှာ မူလတင်ခဲ့သော ပုံစံထက် လျော့ကျခဲ့ကြောင်း သတင်းရရှိသည်။ မူလကအများပြည်သူအသုံး ပြုနေရာကို စတုရန်းပေ ၅,၀၀၀ အစား စတုရန်းပေ ၁,၃၀၀ သို့ ပြင်ဆင်ခဲ့ပြီး၊ အများသုံးအိမ်သာများကို စတုရန်းပေ ၉၀၀ အစား စတုရန်းပေ ၅၀၀ မှ ၆၀၀ သို့ တင်ပြလာခဲ့ခြင်းဖြစ်သည်။ အဆိုပါကိစ္စနှင့် ပတ်သက်ပြီး အဆိုပါဆူးလေစကွဲသို့ ဆက်သွယ်ရာတွင် အဆိုပါကိစ္စအတွက် ဖြေကြားခွင့်မရှိကြောင်း အကြောင်းပြန်ခဲ့သည်။ ယခုနှစ်အတွင်း ပြီးစီးရန် ရည်ရွယ်ထားသည့် ယင်းစီမံကိန်းသည် ရှန်ဂရီလာလုပ်ငန်းစုက ပိုင်ဆိုင်သည့် စီမံကိန်းတစ်ခု ဖြစ်သည်။ ဆူးလေ ရှန်ဂရီလာဟိုတယ်က ပြုလုပ်ထားသည့် ကားပါကင်သည် အများပြည်သူပိုင်လမ်းပေါ် ရောက်ရှိနေသဖြင့် ဖျက်သိမ်းပေးရန် ရန်ကုန်စည်ပင်သာယာရေး ကော်မတီက မကြာသေးမီက ညွှန်ကြားခဲ့သည်။
Source : http://ift.tt/2cWnjeJ
via IFTTT