အသက္ ၁၂ ႏွစ္ျပည့္ၿပီးမွ ကစားသင့္တဲ့ အားကစားနည္း

အသက် ၁၂ နှစ်ပြည့်ပြီးမှ ကစားသင့်တဲ့ အားကစားနည်း အားကစားနည်းတိုင်းက ကျန်းမာမှုကို ပေးတယ်၊ သွက်လက် သန်မာစေတယ်ဆိုတာ မှန်ပေမယ့် အခု အားကစားနည်းက တော့ အသက် ၁၂ အရွယ်ပြည့်ပြီးမှပဲ ကလေးတွေကို ဆော့ကစားဖို့ ခွင့်ပေးသင့်ပါတယ်။ အဓိကအကြောင်းကတော့ အမြင်အာရုံပိုင်းဖွံ့ဖြိုးမှုကိုလည်း အားနည်းစေသလို အသက်ကြီးလာချိန်တွေမှာ ပိုမိုတဲ့ အမြင် အာရုံပိုင်းအားနည်းမှု ဖြစ်စေနိုင်တာကြောင့်ပါ။ ဘယ် ကစားနည်းပါလဲ။ အမေရိကန်Football လို့ လူသိများတဲ့ အမေရိကန်မှာ လူကြိုက်အများဆုံး ဘောလုံးကစားနည်းပါ။ အာရုံစိုက်မှုအပိုင်းတွေ ထဲက အမြင်အာရုံစိုက်မှု အပိုင်းမှာ အားစိုက်ရလို့ ကလေးတွေအတွက် အခု ကစားနည်းက အဆင်မပြေစေပါဘူး။ မျက်လုံးက မြင်တယ်၊ ဦးနှောက်ကို အာရုံပေးဖို့တယ်၊ ဦးနှောက်က အခြားကိုယ်လက်အပိုင်းတွေကို ဘာဆက်လုပ်ရမယ်ဆို တာ စီစဉ်ခိုင်းစေတယ်၊ ဒီနေရာမှာ ကစားမှုအတွင်း အနိုင်ရလိုမှုဇောနဲ့အတူ အမြင်အာရုံနဲ့ ဦးနှောက်အကြားလုပ်ဆောင်မှု မြန်ဆန်ချင်လာပြီး အသက် ၁၂နှစ် အရွယ်ထိအောင် အမြင်ပိုင်းဖွံ့ဖြိုးမှုကအကောင်းဆုံးမဖြစ်သေးတာကြောင့် ဖွံ့ဖြိုးဆဲအနေ အထားမှာ ဖိအားပေးသလို ဖြစ်သွားရင် ဖွံ့ဖြိုးမှုလည်း နောက်ကျ အားနည်းသွားစေနိုင်သလို ပုံမှန်အတိုင်း အကောင်းဆုံး အ မြင်အာရုံပိုင်းဖွံ့ဖြိုးမှု မရှိနိုင်တာကြောင့် အခုကစားနည်းကို အမြင်အာရုံကောင်းမွန်ပြီ ဖြစ်တဲ့ အသက် ၁၂ နှစ်နဲ့ နောက်ပိုင်း မှာမှ ကစားဖို့ ပြောနေတာ ဖြစ်ပါတယ်။ အခြား ကြံ့ခိုင်မှု ဦးစားပေး အားကစားနည်းတချို့မှာလည်း ထိခိုက်မှုနဲ့ နောက်ဆက်တွဲရလဒ်တွေ ရှိပေမယ့် အခု အမေရိကန် နဲ့ အနောက်နိုင်ငံတွေမှာ ခေတ်စားနေတဲ့ National Football League အဖြစ် လူသိများတဲ့ အမေရိကန်ဘောလုံးကစား နည်းက ကလေးတွေကို အမြင်ပိုင်းဖွံ့ဖြိုးမှု အားနည်းစေနိုင်တယ်လို့ The New York Times မှာ ဖော်ပြမှုနဲ့အတူ သိလာရ တာ ဖြစ်ပါတယ်။ အခုလေ့လာချက်ကို ဘော်စတွန်တက္ကသိုလ်လေ့လာရေးအဖွဲ့တွေကနေ လုပ်ဆောင်ခဲ့တာ ဖြစ်ပြီး သူတို့က နှစ်ပေါင်းများစွာ ကြာအောင် NFLလို ကြေးစားအဆင့်ကစားသမား ၆၈ ယောက်၊ တက္ကသိုလ်ကောလိပ်ကျောင်းအသင်းတွေမှာ ကစားနေသူ ၁၀၃ ဦးနဲ့ အထက်တန်းကျောင်းတွေမှာ ကစားနေသူ ၄၃ ဦး၊ စုစုပေါင်း ဘောလုံးကစားသမား ၂၁၄ ယောက်ကို လေ့လာမှု တွေ လုပ်ခဲ့တာပါ။ အဆိုပါ ကစားသမားတွေထဲက အသက်၁၂ နှစ်အရွယ်မတိုင်ခင်ကတည်းက အမေရိကန်ဘောလုံး ကစားလာသူတွေဟာ ပုံမှန် အာရုံကြောလှုံ့ဆော်မှုစနစ် မဟုတ်ဘဲ အားနည်းတာတွေ၊ အာရုံစူးစိုက်နိုင်မှု အားနည်းခြင်းတွေနဲ့ ကိုယ်လက်ထိန်းချုပ်မှု အပိုင်းတွေမှာ အကောင်းဆုံးအနေအထားထိ မရတာတွေကို တွေ့လာရတာပဲ ဖြစ်ပါတယ်။ ဦးနှောက်ဟာ အဓိကအနေနဲ့ အသက် ၁၀နှစ်ကနေ ၁၂နှစ် အတွင်းကာလတွေမှာ အကောင်းဆုံး ကြီးထွားမှု ရှိနေပြီး အဲဒီ လိုအချိန်တွေမှာ အာရုံစူးစိုက်မှု ပြင်းပြင်းထန်ထန် သွားပေးလိုက်ရင် ကြီးထားမှု အားနည်းသွားတတ်ပါတယ်လို့ လေ့လာ ရေး အဖွဲ့ဝင်တဦးဖြစ်သူ Robert Stern က ပြောပါတယ်။ အဖွဲ့ဟာ အသက်ကြီးပိုင်းဘောလုံးကစားသမားတွေထဲက အာရုံကြောနဲ့ ဦးနှောက်ပိုင်းဆိုင်ရာ အားနည်းနေသူတွေကိုပါ ခွင့်တောင်းပြီး လေ့လာမှုတွေ လုပ်ဆောင်ခဲ့ရာမှာလည်း အထက်မှာ ပြောသလို အသက်၁၂နှစ် မတိုင်ခင်နဲ့ အသက် ၁၀နှစ် ဝန်းကျင်တွေမှာ ဖိအားပေး ဘောလုံးကစားမှုတွေ လုပ်ဆောင်ခဲ့တာမို့ အသက်အရွယ်ကြီးရင့်လာမှုနဲ့အတူ အာရုံကြောနဲ့ ဦး နှောက်ပိုင်းအားနည်းမှုတွေ ရှိလာတာတွေ့လာရတယ်လို့လည်း ဆိုပါတယ်။ ကံကောင်းတာတခုကတော့ စာရင်းတွေအရ အသက် ၆ နှစ်ကနေ ၁၂ နှစ်အတွင်း ကလေးတွေရဲ့အမေရိကန်ဘောလုံးကစား မှုက ပြီးခဲ့တဲ့ ၈နှစ် အတွင်း ၂၀ရာခိုင်နှုန်းလောက်ထိအောင် လျော့ကျနေတာမို့ တော်ပါသေးတယ်။ ၂၀၁၅ ခုနှစ်မှာတော့ ကစားနှုန်း ၁.၂ရာခိုင်နှုန်း ပြန်တက်လာပေမယ့် အခုတွေ့ရှိချက်နဲ့အတူ ကလေးတွေကို ဘောလုံးကစား စေမှု ထိန်းချုပ်မှု ရှိလာနိုင်ပြီး အာရုံကြောပိုင်းဖွံ့ဖြိုးမှုကို မှန်ကန်ကောင်းမွန်အောင် မိဘတွေက ဝင်ထိန်းပေးသင့်နေတာ လည်း ဖြစ်ပါတယ်။ လေ့လာသူတွေကတော့ ကလေးတွေကို အခု ဘောလုံးကစားနည်းအစား အေရိုးဘစ် (Aerobic) ကစားနည်းမျိုးပဲ အဆိုပါ အသက် ၁၀နှစ်နဲ့ ၁၂နှစ် အကြားအရွယ်တွေကို ကစားစေသင့်တယ်လို့ အကြံပေးတာလည်း တွေ့ရပါတယ်။ www.rd.com The post အသက် ၁၂ နှစ်ပြည့်ပြီးမှ ကစားသင့်တဲ့ အားကစားနည်း appeared first on ဧရာဝတီ.
Source : http://ift.tt/2yNiOct
via IFTTT

ကမာၻ႔အေကာင္းဆုံး ေမာ္ေတာ္ဆိုင္ကယ္ အမွတ္တံဆိပ္မ်ား

ကမ္ဘာ့အကောင်းဆုံး မော်တော်ဆိုင်ကယ် အမှတ်တံဆိပ်များ လက်ရှိ ကမ္ဘာ့ဆိုင်ကယ်ဈေးကွက်ကို လေ့လာမှုတွေနဲ့ ဆိုင်ကယ်နှစ်သက်သူတွေဆီကနေ ပြန်လည်ရရှိတဲ့ စစ်တမ်းကောက်ခံချက်တွေအရ ဘယ်ဆိုင်ကယ် အမှတ်တံဆိပ်က အကောင်းဆုံး ဖြစ်နေသလဲ ဆိုတာ ကြည့်ရအောင်ပါ။ (၁) Honda လက်ရှိ ဂျပန်အခြေစိုက်ကုမ္ပဏီက ကမ္ဘာ့ဆိုင်ကယ်ဈေးကွက်မှာ ပြိုင်ဘက် မရှိလောက်အောင် ကိုယ်ထည် အမျိုးမျိုးသော ဆိုင်ကယ်တွေကို ထုတ်လုပ်ရောင်းချနေသလို လူကြိုက်အများဆုံးအဖြစ် ရပ်တည်နေပါတယ်။ စီးနင်းသူတွေရဲ့အကြိုက်ဆုံးအဖြစ် သတ်မှတ်ခံရမှု ရရှိထားတာပါ။ အထူးသဖြင့်တော့ အိမ်စီး ဆိုင်ကယ်တွေတင်မဟုတ်ဘဲ SportBike, Cruiserနဲ့ Touringမော်ဒယ်တွေကို ကောင်းကောင်း ထုတ်လုပ်လာနိုင်လို့ အမေရိကန်အခြေစိုက် အမှတ်တံ ဆိပ်တွေကို ကျော်တက်အောင်မြင်မှု ရသွားတာ ဖြစ်ပါတယ်။ (၂) Harley Davidson အမေရိကန်မှာတော့ သက်တမ်းအရင့်ဆုံး ဆိုင်ကယ်ကုမ္ပဏီပါ။ သူက အိမ်စီးဆိုင်ကယ် ထုတ်လုပ်မှု မရှိတာကြောင့် အ စီးရေ အများအပြား ထုတ်လုပ်ရောင်းချနိုင်မှု မရှိဘဲ ရွေးချယ်ဝယ်ယူနိုင်စရာ နည်းလို့ Hondaရဲ့ကျော်တက်ခြင်းကို ခံ လိုက်ရတာပါ။ ဘီးကြီးလို့ ြ့ပည်တွင်းမှာ ခေါ်တဲ့ အနေအထားမှာတော့ Cruiserနဲ့ Customလို မော်ဒယ်တွေ ထုတ်လုပ်မှု မှာတော့ အကောင်းဆုံး ဖန်တီးနိုင်သူအဖြစ် ရပ်တည်နေပါတယ်။ (ဒီဇိုင်း- ကျော်မျိုးထိုက်/ ဧရာဝတီ) (၃) Kawasaki ကမ္ဘာပေါ်မှာ Sportbike အကောင်းဆုံး ထုတ်လုပ်နိုင်သူအဖြစ် Hondaနဲ့အတူ တွဲဖက် သတ်မှတ်ခံထားရပါတယ်။ သူ လည်း ပုံမှန် အိမ်စီးမော်ဒယ်ထုတ်လုပ်မှု တော်တော်ကို နည်းပါတယ်။ Do လို့ ပြည်တွင်းမှာ အခေါ်များတဲ့ Dual Purpose ကိုယ်ထည်နဲ့ Sportbike တွေ အများဆုံး ထုတ်လုပ်အောင်မြင်မှု ရနေတာပါ။ ဆိုင်ကယ်အစီးရေ အများအပြား ရောင်းချနိုင်မှု မရှိပေမယ့် အကောင်းဆုံး မော်ဒယ်ကို ထုတ်လုပ်နိုင်သူ အဖြစ် နာမည်ကြီးပါတယ်။ (၄) Yamaha တန်ဖိုးသင့်နဲ့ တန်ဖိုးနည်းပြိုင်ဆိုင်ကယ်လို့ လူသိများတဲ့ Standardတွေကို ဈေးနှုန်း အစုံ၊ ရွေးချယ်နိုင်စရာအစုံ ရ နိုင်အောင် ထုတ်လုပ်ရောင်းချပြီး နာမည်ကြီးပါတယ်။ ၁၉၇၇ ခုနှစ်က ထုတ်လုပ်မိတ်ဆက်ခဲ့တဲ့ XT500 ကနေ စပြီး အောင်မြင်မှု စတင် ရရှိခဲ့တာဖြစ်ပြီး ကမ္ဘာ့အနှံ့အပြားမှာ Yamaha ဆိုတဲ့ အမည်တလုံး ရခဲ့ပါတယ်။ ပတ်လမ်းမောင်း ဆိုင်ကယ်ပြိုင်ပွဲတွေမှာလည်း Honda, Kawasaki လို တံဆိပ်တွေနဲ့အတူ လူကြိုက်များ နာမည်ကြီးပါတယ်။ (၅) Suzuki Hondaလိုပဲ အိမ်စီးရော ကိုယ်ထည် အမျိုးစုံသော ဆိုင်ကယ်တွေကို ရွေးချယ်နိုင်စရာ များများရအောင် ထုတ်လုပ်နိုင်မှုနဲ့ အတူ နာမည်ကြီးပါတယ်။ အခုခေတ်ထဲမှာ 2 Strokeတွေ လူကြိုက် နည်းသွားပေမယ့် 2 Strokeအင်ဂျင်ပုံစံနဲ့ စွမ်းဆောင်ရည်မြင့် မော်ဒယ်တွေ ထုတ်လုပ်နိုင်မှုနဲ့ အတူ နာမည်ကြီးပါတယ်။ GSXR 750 ဆိုရင်လည်း ဈေးကွက်မှာရော ပြိုင်ပွဲတွေမှာပါ အောင်မြင်မှုတွေ အများကြီး ရရှိထားတဲ့ မော်ဒယ်ဖြစ်ပြီး ကုမ္ပဏီထုတ် မော်ဒယ်ပေါင်း များစွာနဲ့ ပြိုင်ပွဲ အများအပြားမှာ စံချိန်မျိုးစုံ တင်ထားနိုင်တာလည်း ဖြစ်ပါတယ်။ (၆) KTM လက်ရှိ ပြည်တွင်းမှာပါ ဈေးကွက်ဝင်လာနေပြီ ဖြစ်တဲ့ သြစတီးယား အခြေစိုက် နာမည်ကျော် အမှတ်တံဆိပ် တစ်ခုပါ။ ဆိုင်ကယ်ထုတ်လုပ်မှုတွေကို ပတ်လမ်းမှာ စမ်းသပ်မောင်းနှင်မှုအပြင် စမ်းသပ်ခန်းတွေထဲမှာပါ ကွန်ပျူတာတွေနဲ့ ချိတ်ဆက်ပြီး စွမ်းအင် ထုတ်လုပ်နိုင်မှု၊ အမြန်ဆုံး မောင်းနှင်နိုင်မှုနဲ့ ဖန်တီးမှုဆိုင်ရာ နည်းပညာ အားဖြည့်မှုတွေ လုပ်ဆောင်ထုတ်လုပ်လို့ အရည်အသွေး ကောင်းမွန် စိတ်ချရပြီး လူကြိုက်များပါတယ်။ Dual Purpose ဆိုင်ကယ်တွေကို အကောင်းဆုံးထုတ်လုပ်နိုင်သူအဖြစ် လူသိများပါတယ်။ (ဒီဇိုင်း- ကျော်မျိုးထိုက်/ ဧရာဝတီ) (၇) Triumph ပြည်တွင်းမှာ လူသိနည်းတဲ့ အမှတ်တံဆိပ်ပါ။ အင်္ဂလန် အခြေစိုက် ကုမ္ပဏီက ၁၉၈၀ပြည့်လွန်နှစ်တွေမှာ ဆိုင်ကယ် ထုတ်လုပ်မှု ခဏတာ ရပ်နားသွားပေမယ့် အခုတော့ အရည်အသွေးကောင်းတဲ့မော်ဒယ်တွေ ပြန်လည် ထွက်ရှိလာ တာ တွေ့ရပါတယ်။ မြန်နှုန်းမြှင့်တင်နိုင်မှု အားကောင်းတယ်၊ ကိုယ်ထည်က ဘယ်လို ကိုယ်ထည်အနေနဲ့ပဲ ထုတ်လုပ်ထားသည် ဖြစ်စေ အထူး တည်ငြိမ် ကောင်းမွန်တယ်၊ Daytona 675 မော်ဒယ်ကတော့ ဈေးကွက်မှာ လူကြိုက်အများဆုံး ကုမ္ပဏီထုတ် မော်ဒယ် အဖြစ် လူကြိုက်များနေတပါတယ်။ (၈) Victory ၁၉၉၀ပြည့်နှစ်တွေမှာ စပြီး Cruiser မော်ဒယ်တွေကို အကောင်းဆုံး ထုတ်လုပ်အောင်မြင်လာတဲ့ အမေရိကန်အခြေစိုက် ကုမ္ပဏီတစ်ခုပဲ ဖြစ်ပါတယ်။ Harleyရဲ့ မော်ဒယ်တွေကို အကောင်းဆုံး ပြိုင်ဆိုင်နိုင်လောက်သည်ထိအောင် အ ရည်အသွေးရော စွမ်းဆောင်ရည်ပါ ကောင်းမွန်ပါတယ်။ အထူးသဖြင့်တော့ စွမ်းဆောင်ရည်မြင့် V-Twin အင်ဂျင်စနစ်တွေကို အောင်မြင်အောင် ဖန်တီးနိုင်မှု စွမ်းဆောင် ရည်မြင့်မော်ဒယ်တွေ ထွက်ရှိလာပြီး လူကြိုက်များလာတာပဲ ဖြစ်ပါတယ်။ (၉) Ducati အီတလီ အခြေစိုက် ကုမ္ပဏီကတော့ လက်ရှိမှာ ကမ္ဘာ့အကောင်းဆုံး Sport Bike ထုတ်လုပ်နိုင်သူအဖြစ် သတ်မှတ်ကြ တာလည်း တွေ့ရပါတယ်။ ဥရောပတဝန်းမှာ အောင်မြင်မှု အများဆုံး အမှတ်တံဆိပ်ပါ။ ဈေးကွက် ချဲ့ထွင်ရောင်းချမှုအား နည်းချင်တာကြောင့် ဂျပန် အခြေစိုက် အမှတ်တံဆိပ်တွေလောက် နေရာတိုင်းမှာ မတွေ့ရတာ ဖြစ်ပါတယ်။ ဈေးနှုန်း မြင့်သလောက် စွမ်းဆောင်ရည် မြင့်မားအောင် ဦးစားပေး ထုတ်လုပ်လေ့ရှိတာ တွေ့ရပါတယ်။ အိမ်စီးနဲ့ Cruiser လို မော်ဒယ်တွေ ထုတ်လုပ်မှု နည်းချင်ပါတယ်။ (၁၀) BMW အားလုံး သိကြတဲ့ ဇိမ်ခံ ကားကုမ္ပဏီက ကနဦးပိုင်းမှာ မော်တော်ဆိုင်ကယ် ထုတ်လုပ်မှုမှာ ပိုပြီး လူသိများပါတယ်။ ဒုတိယ ကမ္ဘာစစ် မတိုင်ခင်ကတည်းက ကုမ္ပဏီထုတ် မော်ဒယ်တွေက စွမ်းဆောင်ရည် အထူးကောင်းမွန်လို့ လူကြိုက်များကြပါ တယ်။ K1600 မော်ဒယ်က ပေါ့ပါးတယ်၊ သွက်လက်တယ်၊ လူကြိုက် အများဆုံး မော်ဒယ် တခုပါ။ S 1000 RR လို Sport မော် ဒယ်ကလည်း လူငယ်တိုင်း နှစ်သက်လက်ခံနိုင်လောက်အောင် တကမ္ဘာလုံးမှာ အောင်မြင်မှုရပြီး ဈေးနှုန်း မြင့်မားမှုနဲ့အတူ Ducatiနဲ့ အနီးဆုံး ပြိုင်ဖက်အဖြစ် ရှိနေတာပါ။ The post ကမ္ဘာ့အကောင်းဆုံး မော်တော်ဆိုင်ကယ် အမှတ်တံဆိပ်များ appeared first on ဧရာဝတီ.
Source : http://ift.tt/2xMIJ5q
via IFTTT

ေပၚလစီသီခ်င္းေတြကို မေရးခ်င္လည္း ေရးခဲ့ရတာပါပဲလို႔ဆိုတဲ့ ေတးေရးႏိုင္မင္းနဲ႔ ေတြ႕ဆုံျခင

ပေါ်လစီသီချင်းတွေကို မရေးချင်လည်း ရေးခဲ့ရတာပါပဲလို့ဆိုတဲ့ တေးရေးနိုင်မင်းနဲ့ တွေ့ဆုံခြင်း ဂီတအနုပညာသမား တေးရေးဆရာ နိုင်မင်းကို မဇ္ဈိမလှိုင်းနဲ့တွဲပြီး လူသိများတယ်။ သူဖန်တီးခဲ့တဲ့ တေးသီချင်းတွေများစွာရှိတယ်။ အသံချိုချို အေးအေးလေးနဲ့ သူ့သီချင်းတွေက ဂီတပရိတ်သတ်ကို ဖမ်းစားနိုင်ခဲ့တယ်။ ပထမဆုံး တေးသီချင်းဖြစ်တဲ့ အတွေးပန်းချီသီချင်းက သူ့ကို တေးရေးဆရာတယောက်အဖြစ် ပရိတ်သတ်က အသိအမှတ်ပြုခဲ့ကြတယ်။ အဆိုတော်ခင်မောင်တိုးအတွက် တခွေလုံး သီချင်းတွေ ရေးဖွဲ့ခဲ့သလို ပန်းပျိုးသူတို့အလင်္ကာ၊ ပိတောက်ပင်လယ် စတဲ့ ရုပ်ရှင်သီချင်းတွေလည်း ရေးဖွဲ့ခဲ့သူဖြစ်တယ်။ သူ့နေအိမ်မှာ ပြင်သစ်လို ဒဏ္ဍာရီ (Leyenda Classical Guitar Class)လို့ အမည်ပေးထားတဲ့ ကလပ်စစ်ကယ်လ်ဂစ်တာသင်တန်းဖွင့်ထားတယ်။ ကျနော်တို့ တေးရေး ကိုနိုင်မင်း အိမ်ရောက်ချိန်မှာ တေးရေးဆရာ ကိုလင်းခိုင်နဲ့ ကိုနိုင်မင်း တန်းလျားခုံမှာ စကားလက်ဆုံကျနေကြတယ်။ သူ့အိမ်ထဲမှာ ကလပ်စ်ကယ်လ် ဂစ်တာသုံးလက် နံရံမှာ ချိတ်ဆွဲထားတာ တွေ့ရတယ်။ ကိုနိုင်မင်းရဲ့ပုံတူပန်းချီကားကို အိမ်အတွင်းက နံရံမှာ ဘောင်ကြပ်ချိတ်ဆွဲထားတယ်။ တေးရေးဆရာ နိုင်မင်းက တေးသီချင်းတွေ ရေးဖွဲ့ရုံမက ကိုယ်တိုင် သီဆိုတီးခတ်သူလည်းဖြစ်တယ်။ ဘယ်အရာတွေက သီချင်းရေးဖို့ တွန်းအားဖြစ်စေခဲ့သလဲ။ သီချင်းတပုဒ် ဖန်တီးဖို့ သူဘယ်လို အားထုတ်သလဲ။ မြန်မာ့ဂီတနဲ့ ကမ္ဘာ့ဂီတ ဘယ်လိုတွေ ဆက်စပ်မှုရှိနိုင်သလဲ။ သူဖြတ်သန်းခဲ့ရတဲ့ ဂီတအနုပညာလောကမှာ ဘာတွေကြုံတွေ့ခံစားခဲ့ရသလဲသိဖို့ ကိုနိုင်မင်း နေထိုင်ရာ မန္တလေးမြို့ ၈၆လမ်း (ကုန်စည်ဒိုင်အနီး)က ဧရာဝတီရဲ့ပင်တိုင်ဆောင်းပါးရှင် သန်းနိုင်ဦးက နေအိမ်မှာ သွားရောက်တွေ့ဆုံမေးမြန်းထားပါတယ်။ ကလပ်စစ်ကယ်လ် ဂစ်တာကြိုးညှိနေတဲ့ ကိုနိုင်မင်းက ကျနော်တို့ကိုမြင်တော့ နှုတ်ဆက်စကား ဆိုတယ်။ စကားစမြည်ပြောပြီးတော့ ကျနော်တို့ရဲ့တွေ့ဆုံမေးမြန်းမှုကို စတင်ပါတယ်။ မေး ။ ။ ဘယ်အရွယ်မှာ ကိုယ်ပိုင် ဂစ်တာတလက် စဝယ်ပါသလဲ။ ဖြေ ။ ။ အသက် ၁၅နှစ်အရွယ်မှာ ကိုယ်ပိုင်ဂစ်တာ စဝယ်တယ်။ အိမ်က အားပေးတာလည်း မဟုတ် ကန့်ကွက်တာလည်း မဟုတ်။ ဒီအတိုင်းပဲ ကြည့်နေလိုက်ကြတယ်။ ဘာမှတော့ မပြောဘူး။ ကျနော် ဂစ်တာ စဝယ်တော့ စိုင်းထီးဆိုင်ရဲ့မန္တလေးရောက် ရှမ်းတယောက်သီချင်း နာမည်ကြီးနေချိန်။ ကျနော်က ၈ တန်းကျောင်းသား ဘဝရှိသေးတာ။ သူငယ်ချင်းတွေက ကျနော်ကို ဂစ်တာတီးသင်ပေးကြတယ်။ မေး ။ ။ ကိုနိုင်မင်းကိုယ်တိုင် ကဗျာအချို့ကို ဂီတသံစဉ်သွင်းပြီး သီချင်းရေးစပ်ခဲ့တာ ရှိတယ်။ ဂီတနဲ့ ကဗျာ ဘယ်လောက် ဆက်စပ်မှုရှိသလဲ။ မေး ။ ။ ဆက်စပ်မှုရှိတာပေါ့။ ကျနော် တဦးတည်းအမြင်အရ ကဗျာက ပိုလွတ်လပ်တယ်။ ဂီတကတော့ သံစဉ်နဲ့ ထိန်းချုပ်ထားတယ်။ ဒါပေမယ့် ဂီတနဲ့ကဗျာဆိုတာ အနုပညာ ညီအကိုမောင်နှမတွေပါပဲ။ မေး ။ ။ သီချင်းတပုဒ် ရဖို့ ဘယ်လိုတွေ မုဒ် သွင်းရပါသလဲ။ ဖြေ ။ ။ အမျိုးမျိုး စဉ်းစားရတယ်။ တချို့က ခေါင်းစဉ်ပေးပြီး သီချင်းရေးဖွဲ့ခိုင်းတာရှိတယ်။ ဥပမာ ပန်းပျိုးသူတို့အလင်္ကာလို ရုပ်ရှင်သီချင်းတွေပေါ့။ ခေါင်းစဉ်ပေးပြီး အပ်တာက ပိုပြီး အားစိုက်ရတယ်။ ကျနော်က များသောအားဖြင့် သီချင်းရေးပြီးမှ သီချင်းခေါင်းစဉ် ပေးလေ့ရှိတယ်။ မေး ။ ။ ကိုနိုင်မင်း လေးစားအားကျခဲ့ရတဲ့ တေးရေးဆရာတွေက ဘယ်သူတွေလဲ။ ဘယ်သူတွေက ခေတ်ပြိုင်တွေ ဖြစ်မလဲ။ ဖြေ ။ ။ ကိုမောင်မောင်၊ ကိုနေဝင်း၊ စိုင်းခမ်းလိတ်၊ ကိုရဲလွင်တို့ကို လေးစားအားကျတယ်။ ကျနော်က မန္တလေးသား ဖြစ် တော့ ဆရာငြိမ်း(မြို့မငြိမ်း)တို့ ဆရာတင်( နန်းတော်ရှေ့ ဆရာတင်) တို့လည်း ငယ်စဉ်ကတည်းက နားယဉ်ပြီး စွဲလန်းခဲ့ရတယ်။ ဆရာ ရွှေပြည်ဧကတော့ နည်းနည်းအသက်ကြီးမှ ကြိုက်လာတဲ့တေးရေးဆရာပေါ့။ ကိုဆူးတို့ကိုဆဲလ်တို့က ကျနော့်ထက် ရှေ့နည်းနည်းစောတယ်။ သော်ဒီဝေ၊ ဝင်းမင်းထွေး၊ နိုင်းနိုင်၊ မြင့်မိုးအောင်တို့ကတော့ ရှေ့ဆင့်နောက်ဆင့်ပါပဲ။ တေးရေးဆရာ နိုင်မင်း မေး ။ ။ ဂီတလောကထဲ ဘယ်လိုရောက်လာတာလဲ။ ဖြေ ။ ။ကိုခင်မောင်တိုးရဲ့မဟာဆန်သူခွေ (၁၉၈၅) မှာ ကျနော့်သီချင်း အတွေးပန်းချီ စပါလာတယ်။ အဲဒီသီချင်းက မှတ်မှတ်ရရ ၁၉၈၄ မန္တလေးမှာ ဦးကျားကြီးဝင်း မီးလောင်တော့ မီးလောင်ပြင်ထဲမှာ သွားရင်းလာရင်း အချိန်တွေမှာ ရေးဖွဲ့ခဲ့တာပါပဲ။ အဲဒီသီချင်းအတွက် မှတ်မှတ်ရရ သီချင်းရေးခ ကျပ် ၅၀၀ ရတယ်။ အိမ်ကို တဝက်ပေးလိုက်တယ်။ ကျန်တဝက်ကို သူငယ်ချင်းတွေနဲ့ သုံးလိုက်ကြတယ်။ ကိုခင်မောင်တိုးအတွက် ရေးဖွဲ့ပေးခဲ့တဲ့ သီချင်းတွေကတော့ အများကြီးပါပဲ။ မေး ။ ။ သီချင်းစာသားတွေကို စိစစ်ရေးတင်ခဲ့ရတဲ့ကာလက အခြေအနေတွေ ပြောပြပေးပါဦး။ ဖြေ။ ။ ကျနော်ရေးဖွဲ့တဲ့ သီချင်းတွေလည်း နှစ်ခါသုံးခါ စိစစ်ရေးဖြုတ်လို့ ပယ်ခဲ့ရတာတွေ ရှိတယ်။ ကျစ်ကျစ်လစ်လစ် ရေး ဖွဲ့ထားတဲ့ သီချင်းတွေက စိစစ်ရေးကြောင့် ပြင်လိုက်ရတဲ့အခါ ပျက်သွားရတာတွေလည်း ရှိတာပေါ့။ ကိုခင်မောင်တိုး၊ စိုင်းထီးဆိုင်၊ စံလင်း ၃ ယောက်ပေါင်းခွေမှာ ကျနော့်သီချင်း တပုဒ်လုံး အဖြုတ်ခံရတော့ ကိုအောင်ဝင်းက ရေးပေးတယ်။ အဲဒီတုန်းက သီချင်းခွေတိုင်းမှာ ပေါ်လစီသီချင်း (အကျိုးပြုသီချင်း) မပါမနေရ ထည့်ခဲ့ကြရတယ်။ ပေါ်လစီသီချင်းတွေကို မရေးချင်လည်း ရေးခဲ့ရတာပါပဲ။ ပေါ်လစီသီချင်းတွေလည်း ပေါက်တဲ့အခါ ပေါက်သွားတာပဲ။ ကျနော်ရေးခဲ့တဲ့ ရှေ့သို့အားမာန် ဆိုတာ ပေါက်ခဲ့တဲ့ပေါ်လစီ သီချင်းပေါ့။ စိစစ်ရေး ပြင်ခိုင်းလိုက်လို့ မူလစာသားထက် ကောင်းခဲ့တဲ့ သီချင်းတွေလည်း ရှိတယ်။ ဒါပေမယ့် စိစစ်ရေးကြောင့် ပျက်သွားတာကတော့ ပိုများတယ်။ မေး ။ ။ ကိုနိုင်မင်းက သီချင်းရေးဖွဲ့ပေမယ့် ဝိုင်းတွေမှာ ကိုယ်တိုင်မတီးခတ်တာ ဘာလို့လဲ။ ဖြေ ။ ။ ကျနော်ကိုယ်တိုင်က Player ပလေယာမှ မဟုတ်တာ မတီးပါဘူး။ မေး ။ ။ ကိုခင်မောင်တိုး သီချင်းတွေထဲက ဘယ်သီချင်းကို အကြိုက်ဆုံးလဲ။ ဖြေ ။ ။ ကိုမောင်မောင်ရေးဖွဲ့ခဲ့တဲ့ နက္ခက်ပွဲသဘင်ကို အကြိုက်ဆုံးပဲ။ အဲဒီသီချင်းကို စာရေးဆရာ ကိုနိုင်ဇော်တို့အဖွဲ့က ဆုပေးဖူးတယ်။ သီချင်းစာသားတွေက သွက်တယ်။ ဂီတသံစဉ်က မြန်တယ်။ နုတယ်။ သံစဉ်တွေ စကားလုံးတွေကလည်း ပြေပြစ်တယ်။ မေး ။ ။ တေးရေး ကိုမောင်မောင်ရဲ့လွှမ်းမိုးမှုက ဘယ်လောက်ထိ ရှိခဲ့သလဲ။ ဖြေ ။ ။ ကိုမောင်ကြောင့် ကလပ်စစ်ကယ်လ်နဲ့အတူ ဂီတအခြေခံကို ကောင်းကောင်း သိခဲ့ရတယ်။ စာပေရေးရာတွေကို လေ့လာဖြစ်ခဲ့တယ်။ စာဖတ်ဖို့ စာပေလေ့လာဖို့ အမြဲတိုက်တွန်းခဲ့တယ်။ သူကိုယ်တိုင်လည်း အင်္ဂလိပ်စာအုပ်တွေ ဖတ်ခဲ့တဲ့သူဖြစ်တယ်။ အနေအေးဆေးသူလည်း ဖြစ်တယ်။ မေး ။ ။ ကိုယ်ပိုင်သီချင်းခွေ ထုတ်ခဲ့ပုံလေး ပြောပြပါဦး။ ဖြေ ။ ။ ၁၉၉၄ ခုနှစ်မှာ သီချင်းသစ်ပင်ဆိုတဲ့ ကိုယ်ပိုင်သံစဉ်သီချင်းခွေ ထုတ်ခဲ့တယ်။ တေးရေးတွေက ကိုရဲလွင်၊ ကို မောင်မောင်၊ ကိုအောင်ဝင်း၊ ကိုလင်းခိုင်၊ ကိုထွန်းထွန်းတို့ရဲ့သီချင်းတွေနဲ့ ထုတ်ခဲ့တာပေါ့။ မေး ။ ။ အရှေ့တိုင်း ဂီတနဲ့ အနောက်တိုင်းဂီတ ဘယ်လို ကူးလူးကြလဲ။ ဖြေ ။ ။ ဂီတရဲ့သဘောက ကူးလူးဆက်စပ်မှု ရှိတယ်။ ကလပ်စစ်ကယ်လ်ဂီတမှာ အရှေ့တိုင်းပုံရိပ်တွေ အနောက်တိုင်း ဂီတတွေမှာ တွေ့ရတယ်။ အခုခေတ်စားနေတဲ့ အိုရမ်ဘာဘာဆိုတာ အီတလီက တေးရေးဆရာပဲ။ အယ်လ်ဂျီးရီးယားလူမျိုး ပြင်သစ်နိုင်ငံသား ရိုလင်းဒိုင်းရဲ့တေးသွားတွေမှာလည်း အရှေ့တိုင်း အငွေ့အသက်တွေ တွေ့နေရတယ်။ မေး ။ ။ ဂီတနဲ့ မူးယစ်ဆေးဝါး ဘယ်လိုဆက်စပ်မှု ရှိသလဲ။ (ဒီမေးခွန်းကို အရဲစွန့်ပြီး မေးပါတယ်။ ကိုနိုင်မင်းက ကျ နော့်မေးခွန်းကို ချက်ချင်းမဖြေဘဲ ပြုံးပါတယ်။ အခုအခါ ကိုနိုင်မင်းက ဆေးလိပ်တောင် မသောက်တော့ပါဘူး။) ဖြေ ။ ။ ကျနော်ကိုယ်တိုင် မူးယစ်ဆေးကို စမ်းသပ်ဖူးတယ်။ မူးယစ်ဆေးကို မသုံးပါနဲ့။ မသုံးတာက ပိုကောင်းပါတယ်။ သက္ကရာဇ် ၂၀၀၀ နောက်ပိုင်းမှာ ရေးခဲ့တဲ့ သီချင်းတွေနဲ့ အဲဒီအရင် ရေးခဲ့တဲ့ သီချင်းတွေ နှိုင်းယှဉ်ကြည့်ရင် မသုံးတော့တဲ့အချိန်မှာ ရေးဖွဲ့ခဲ့တဲ့ အနုပညာတွေကို ပိုပြီး အားရကျေနပ်မိတယ်။ တူရိယာတွေကို တီးခတ်ရာမှာလည်း မူးယစ်ဆေး မသုံးဘဲ တီးခတ်တာက ပိုကောင်းပါတယ်။ မေး ။ ။ အရင်ခေတ်က သီချင်းတွေမှာ နိုင်ငံရေး နိမိတ်ပုံတွေ ထည့်သွင်းရေးဖွဲ့ခဲ့ကြတာ ဟုတ်ပါသလား။ ဖြေ ။ ။ သေချာတာပေါ့။ ခင်မောင်တိုးရဲ့ဝေးခဲ့ပြီ ပန်းခရမ်းပြာတို့ မွန်းအောင်ရဲ့ညလွင်ပြင်၊ ထူးအိမ်သင်ရဲ့ရာဇဝင်များရဲ့ သတို့သမီး သီချင်းတွေက နိုင်ငံရေးအရိပ်အငွေ့ပါတဲ့ သီချင်းတွေပေါ့။ သီချင်းထွက်လာကတည်းက ကျနော်တို့ အချင်းချင်းက သိတယ်။ ကိုမောင်မောင် ရေးဖွဲ့ခဲ့တဲ့ ကြိုးကြာသံ၊ ကိုနေဝင်းရဲ့ လွန်ခဲ့သောနေ့ သီချင်းတွေကလည်း နိုင်ငံရေးပုံရိပ်တွေ ထည့်သွင်းရေးဖွဲ့ခဲ့ကြတာပါပဲ။ The post ပေါ်လစီသီချင်းတွေကို မရေးချင်လည်း ရေးခဲ့ရတာပါပဲလို့ဆိုတဲ့ တေးရေးနိုင်မင်းနဲ့ တွေ့ဆုံခြင်း appeared first on ဧရာဝတီ.
Source : http://ift.tt/2x3wKNu
via IFTTT

စစ္ပြဲၾကားက ေဆးဆရာမမ်ား

စစ်ပွဲကြားက ဆေးဆရာမများ “စစ်ပွဲကြောင့် မွေးလူနာတဦးကို ဆေးရုံလွှဲပြောင်းလို့မရ၊ သွေးတွေကလည်း သွန်နေပြီ၊ သတိလစ်ပြီး နောက်ဆုံး တော့ ကျမလက်လွှတ်ဆုံးရှုံးခံလိုက်ရတယ်” လို့ သူ့အတွက် ဘယ်လိုမှ မေ့ဖျောက်လို့ မရတဲ့ အဖြစ်အပျက် တခုကို ဆရာမ နော်ဆာမူးနာထူးက သတိတရ ပြန်ပြောပါတယ်။ နှစ်ပေါင်း ၂၀ ကျော်ကြာခဲ့ပြီဖြစ်ပေမယ့် ကိုယ်တိုင် မကယ်တင်နိုင်လိုက်တဲ့ ဒီဖြစ်ရပ်က သူမရဲ့ အတွေးအာရုံတွေထဲ စွဲထင်နေဆဲ ဖြစ်တယ် ဆိုတာ ဒီအကြောင်းကို ပြန်ပြောပြနေတဲ့ ဆရာမ နော်ဆာမူးနာထူး ရဲ့ မျက်ဝန်းအိမ်တွေက သက်သေထူလို့ နေပါတယ်။ ဒါဟာ ၁၉၉၇-၉၈ ကာလက ကရင့် အမျိုးသားအစည်းအရုံုး (KNU)၊ တပ်မဟာ ၃ နယ်မြေ၊ ညောင်လေးပင်ကျေးရွာမှာပါ။ အဲဒီ အချိန်တုန်းက KNU နဲ့ တပ်မတော်တို့ ဖြစ်ပွားခဲ့တဲ့တိုက်ပွဲကြောင့် အသက် မဆုံးရှုံးသင့်ပဲ ဆုံးရှုံးခဲ့ရတဲ့ ဖြစ်ရပ်တခုပါ။ “အဲဒီနေ့က ဆေးရုံလွှဲပြောင်းခွင့်သာရခဲ့မယ်ဆိုရင် ကိုယ်ဝန်ဆောင် မိခင်နဲ့ ကလေး၊ နှစ်ဦးစလုံး အသက်ရှင်နိုင်မှာပါ” လို့ ဆရာမ နော်ဆာမူးနာထူး ကပြောပါတယ်။ တိုက်ပွဲဖြစ်တဲ့အခါ ကိုယ်ဝန်အရင့် အမာနဲ့ အမျိုးသမီးတွေ အနေနဲ့ သေမင်းခံတွင်းဝကို တိုးဝင်ရသလိုပါပဲ။ တိုက်ပွဲ ကြားထဲက စစ်သားတွေ၊ ကျည်ဆန်တွေ၊ ဗုံးဆံတွေက မီးဖွားခါနီး ကိုုယ်ဝန်ဆောင်ရယ်လို့ ကရုဏာသက်တတ် ကြတာမဟုတ်တော့ သန်သန်မာမာ လူတွေနဲ့အပြိုင် ဘေးလွတ်ရာ ပြေးကြရပါတယ်။ စစ်ပွဲကြောင့် သေနတ်ဒဏ်ရာနဲ့ သေဆုံးမှုတွေရှိသလို ဒဏ်ရာကြောင့် သွေးလွန်မှုတွေ၊ မသေဆုံးသင့်ဘဲ သေရတဲ့ အဖြစ် အပျက်တွေကို ကိုယ်တိုင်ကြုံတွေ့ရတာကြောင့် စစ်ပွဲဆိုတဲ့အသံကို မကြားချင်တော့ဘူးလို့ ဆရာမ နော်ဆာမူးနာထူးက ပြောပါတယ်။ “စစ်ပွဲကြောင့်ဖြစ်လာတဲ့ ဆိုးကျိုး ပြဿနာတွေက အများကြီးပါဘဲ။ ဒီတိုင်းပြည်၊ ဒီဒေသမှာ စစ်ပွဲသာ မရှိဘူး။ အစိုးရ စစ်တပ်သာ မရှိဘူးဆိုရင်၊ ထိုးစစ်တွေလည်းမရှိခဲ့ရင် ကျမတို့ ရွာတွေ သဘာဝအတိုင်း သူဖာသာသူရှိနေမှာပါ” လို့ ဆရာမ နော်ဆာမူးနာထူးက ယုံယုံကြည်ကြည်ပြောပါတယ်။ ငယ်စဉ်အရွယ်ကတည်းက စစ်ပွဲကြောင့် မကြာခဏ ထွက်ပြေးတိမ်းရှောင်နေရပြီး တိုက်ပွဲတွေကြား မသေသင့်ဘဲ သေကြတဲ့ ပြည်သူတွေဟာ သူ့ကိုဆေးမှူး တဦး ဖြစ်လာဖို့ တွန်းအားပေးခဲ့တယ်လို့ ဆိုပါတယ်။ စစ်ပွဲနယ်မြေမှာ ကြုံခဲ့တဲ့ အဓိကအခက်အခဲကတော့ လမ်းပန်းခက်ခဲမှု၊ ဆက်သွယ်ရေးခက်ခဲမှု၊ သယ်ယူပို့ဆောင် ရေး ခက်ခဲမှုတွေပါပဲ။ တိုက်ပွဲကြောင့် ကျေးရွာတွေမှာ ဆေးဝါးပစ္စည်းပြတ်လပ်မှုတွေ၊ မလုံလောက်မှုတွေ ဖြစ်ခဲ့သလို လူနာတွေ အချိန်မှီ ဆေးရုံ လွှဲပြောင်းရမယ့်နေရာမှာ အခက်အခဲတွေကြောင့် အသက်မသေဆုံးသင့်ဘဲ သေခဲ့တာတွေကို နော်ဆာမူးနာထူးဟာ လွန်ခဲ့တဲ့ နှစ် ၂၀ အတွင်း အများအပြား တွေ့ကြုံခဲ့ရပါတယ်။ “ကလေးတယောက် ဦးနှောက်ထဲငှက်ဖျားပိုးဝင်တယ်။ သတိမေ့နေတဲ့ကလေးကို ဆေးထိုးဖို့ ပစ္စည်းမလုံလောက်တာ။ ကလေးကို အကြောရှာမတွေ့တာ။ နောက်ဆုံး ကျမသင်တန်းတက်တုန်းက ရခဲ့တဲ့အပ်သေးလေးကြောင့် ကလေးကို အကြောဆေးသွင်းနိုင်ခဲ့ပြီး သတိပြန်ရလာတယ်” လို့ သူကြုံခဲ့ရတာကို ပီတိ အပြုံးတွေနဲ့ ပြန်ပြောပြပါတယ်။ ပဋိပက္ခဖြစ်နေတဲ့နေရာတွေမှာ အမျိုးသမီးတွေ နည်းမျိုးစုံနဲ့ ခံစားနေရပြီး တိုက်ပွဲကြောင့် မိခင်တွေ၊ ကလေးတွေ အမြဲရွှေ့ပြောင်းနေရတဲ့အတွက် ကလေးတွေနဲ့ မိခင်တွေရဲ့ အစာအဟာရ လုံလောက်မှုမရှိပဲ ကျန်းမာရေးထိခိုက်မှု ရှိကြောင်းကိုလည်း စစ်ပွဲနယ်မြေမှာ ဆေးလိုက်လံကုသပေးတဲ့ ဆေးမှူးဆရာမတွေက ဆိုပါတယ်။ ၂၀၁၅ ခုနှစ်မှာထုတ်တဲ့ မြန်မာနိုင်ငံ အရှေ့ဖက်ဒေသ ကျန်းမာရေး အစီရင်ခံစာအရ ပဋိပက္ခဖြစ်ပွားတဲ့ နေရာဒေ သတွေမှာ မွေးကင်းစ ကလေးငယ်နဲ့ အသက် ၅ နှစ်အောက် ကလေးငယ်သေဆုံးမှုနှုန်းက မြင့်တက်နေသေးကြောင်း သိရပါတယ်။ ၂၀၁၁ ခုနှစ်နောက်ပိုင်း လူမျိုးစုတွေ နေထိုင်တဲ့ဒေသတွေမှာ အပစ်အခတ်ရပ်စဲရေး သဘောတူညီချက်အရ တိုက်ပွဲတွေ သိသာထင်ရှားစွာ လျော့ကျလာပေမယ့် ပဋိပက္ခဖြစ်ပွားတဲ့နေရာမှာ နေထိုင်တဲ့အသိုက်အဝန်းကတော့ တိုက်ပွဲကြောင့် ထိခိုက်သေကြေတာတွေ လျော့သွားတာကလွဲလို့ နေ့စဉ်ကျန်းမာရေး စောင့်ရှောက်မှုဆိုင်ရာ အခြေ အနေကတော့ ပြောင်းလဲမှု မရှိသေးပါဘူး။ တဘက်က မြန်မာနိုင်ငံတောင်ပိုင်းမှာ တိုက်ပွဲတွေ လျော့ကျလာနေချိန်မှာပဲ ၂၀၁၀ ခုနှစ်နောက်ပိုင်း ရှမ်းပြည်နယ် မြောက်ပိုင်းမှာ တပ်မတော် နဲ့ တအာင်း(ပလောင်) အမျိုးသားလွတ်မြောက်ရေး တပ်မတော် (TNLA) တို့ကြားတိုက်ပွဲ ဆက်တိုက် ဖြစ်ပွားလာပါတယ်။ ဒီစစ်ပဋိပက္ခကို တိုက်ရိုက်ခံစားနေကြရတာကတော့ အပြစ်မဲ့ အမျိုးသမီးတွေနဲ့ ကလေးငယ်တွေရယ်ပါ။ မွေးလူနာတွေရှိရင် ပြေးဖို့မလွယ်ကူတာ၊ စစ်ပွဲကြောင့် အမျိုးသမီးတွေ ဒုက္ခမျိုးစုံကြုံနေကြတာတွေကို တအာင်း အမျိုးသမီးဆေးမှူး တဦးဖြစ်တဲ့ မိခင်နဲ့ ကလေး ကျန်းမာရေး ကူညီနေတဲ့ ဆရာမ Lway Katwe Nyime က ပြောပါတယ်။ “တိုက်ပွဲဖြစ်နေချိန် လေယာဉ်နဲ့ ပစ်နေချိန် မွေးလူနာက ကိုယ့်ကိုလာခေါ်ပြီး ကလေးလာမွေးပေးဦး ဆိုရင် သွားမွေး ပေးရတယ်။ ဆေးကုနေချိန် ကိုယ့်အနား ဗုံးတွေ၊ ကျည်ဆံတွေ ဘယ်အချိန် ရောက်လာမှာလဲဆိုတာ တွေးပြီး ကြောက်နေရတယ်။ လူနာကုရင်လည်း စိတ်က စစ်ပွဲတွေ၊ သေနတ်တွေဆီပဲ ရောက်နေတာ” လို့ Lway Katwe Nyime က ဆိုပါတယ်။ တိုင်းရင်းသားတပ်တွေနဲ့ အစိုးရတပ်အကြား စစ်ပွဲတွေဖြစ်နေချိန်မှာ လူနာကလည်း အသည်းအသန်ဖြစ်လို့ မြို့ပေါ်ပို့ချင်ပေမယ့် စစ်ပွဲကြောင့် သွားလာမှု အဆင်မပြေလို့ မသေသင့်ဘဲ သေဆုံးသွားတဲ့သူတွေ အများကြီးရှိပါ တယ်လို့ တအာင်း ဆရာမက ပြောပါတယ်။ Lway Katwe Nyime က “တခါတလေမှာ စစ်ပွဲတွေကြောင့် မွေးလူနာက မသေသင့်ဘဲ သေရတယ်၊ ရောဂါသည်ဆိုလည်း ဆိုးရွားတဲ့ အခြေ အနေ မရောက်သင့်ပဲ ရောက်သွားရတယ်” လို့ သူတွေ့ကြုံခဲ့ရပုံကို ရှင်းပြပါတယ်။ စစ်ပွဲတွေဖြစ်တဲ့နေရာ မငြိမ်းချမ်းနေရာတွေမှာ ပြည်သူတွေက ကျန်းမာရေးကို ဂရုမစိုက်နိုင်ဘဲ စားဝတ်နေရေးပဲ ရုန်းကန်နေရပါတယ်။ စစ်ပွဲကြောင့် စီးပွားရေးက အဆင်မပြေတော့ အမျိုးသားတွေ၊ အလုပ်လုပ်နိုင်တဲ့သူတွေ တရုတ်ပြည်ကို သွားကြရပြီး၊ ရွာတွေမှာ အမျိုးသမီးနဲ့ ကလေးတွေပဲ ကျန်ခဲ့ကြောင်း၊ ထွက်ပြေးလာရင် အမျိုးသမီးတွေနဲ့ ကလေးတွေ အများဆုံးဖြစ်ကြောင်း တအာင်းဆေးမှူး က ပြောသည်။ “တချို့ရွာဆို အမျိုးသမီးနဲ့ ကလေးတွေပဲရှိတယ်။ အမျိုးသမီးတွေပဲ ကျန်ခဲ့တဲ့အိမ်ဆိုရင် ကလေးတွေကိုလည်း ကြည့်ရ တိုက်ပွဲဖြစ်ရင် ကလေးတွေကို ချီရ၊ ကလေးတွေရဲ့ပစ္စည်းတွေသယ်ရ။ နေမကောင်းရင်လည်း ကလေးကို ကြည့်ရ ပြုစုရနဲ့” လို့ ကိုယ်တိုင်မြင်တွေ့ခဲ့ရတဲ့ မြင်ကွင်းတွေကို ပြန်ရှင်းပြပါတယ်။ စစ်ပွဲဖြစ်ရင် ဆေးပြတ်တာတွေ၊ စစ်ပွဲကြောင့် မြို့ပေါ်တက် ဆေးမယူနိုင်တဲ့အခါ ဆေးပြတ်လပ်မှုတွေ ဖြစ်ပွားပြီး ဆေးမကု လိုက်ရတာတွေလည်း ကြုံဖူးကြောင်း စစ်ပဋိပက္ခနယ်မြေတွေထဲမှာ ဆေးကုသမှု လိုက်ပေးနေကြတဲ့ နယ်လှည့် ကျောပိုးအိတ်အဖွဲ့မှ အမျိုးသမီးဆေးမှူးတွေက ပြောပြပါတယ်။ ဒါ့အပြင် စစ်ပွဲအတွင်း အများဆုံးကြုံရတဲ့ အခက်အခဲကတော့ မိခင်တွေအဟာရ ပြတ်လပ်မှုနဲ့ ကလေးတွေ အဟာရ ရှိတဲ့ အစားအစာတွေ မစားရတဲ့ပြဿနာကိုလည်း ကြီးမားစွာ ရင်ဆိုင်နေရတယ်လို့ တအာင်းဆရာမ Lway Katwe Nyime က ဆိုပါတယ်။ “ မွေးလူနာတွေ အားပြတ်ပြီး မမွေးနိုင်တာတွေ၊ ကိုယ်ဝန်ဆောင် တယောက်အနေနဲ့ ဘာစားရမယ်၊ ဘယ်လိုစားရင် အဟာရ ရှိမယ်ဆိုတာသိပေမယ့် မရှိတော့ မစားနိုင်ကြဘူးလေ” လို့ စစ်မြေပြင်က ကိုယ်ဝန်သည်တွေ အကြောင်းကို ပြောပြပါတယ်။ စစ်ပဋိပက္ခတွေကြားမှာ ဆေးကုပေးနေရတဲ့ ဆရာမ တွေမှာလည်း အချိန်မရွေးမြေမြှုပ်မိုင်းနင်းမိနိုင်သလို အချိန်မရွေး လက်နက်ကြီး၊ လက်နက်ငယ်တွေ ထိမှန် သေဆုံးနိုင်ပါတယ်။ တခါတရံမှာ တပ်မတော် စစ်ကြောင်းတွေနဲ့ ထိပ်တိုက်တွေ့လို့ အသက်လုပြေးခဲ့ကြရတာတွေလည်း ရှိတယ်လို့ဆိုပါတယ်။ နှစ်ပေါင်းများစွာ ဖြစ်ပွားနေတဲ့တိုက်ပွဲတွေ ရပ်တန့်စေလိုပြီး စစ်ပွဲအတွင်းမှာ အမျိုးသမီးတွေရဲ့ ခံစားချက်တွေ၊ အခက်အခဲတွေကို မမေ့သင့်သလို စစ်ပွဲဆိုတဲ့အသံကို မကြားချင်တော့ဘူးလို့လည်း စစ်မြေပြင်မှာ ဆေးကုသပေး နေတဲ့ နယ်လှည့်ကျောပိုးအိတ် ကျန်းမာရေးလုပ်သား အမျိုးသမီးဆေးမှူးတွေက ပြောပြပါတယ်။ နိုင်ငံတော် အစိုးရနဲ့ တိုင်းရင်းသား လက်နက်ကိုင် အဖွဲ့အစည်းတွေအကြား စေ့စပ်ဆွေးနွေးမှုတွေ ပြုလုပ်နေကြတဲ့ ငြိမ်းချမ်းရေး ဆွေးနွေးပွဲတွေမှာ စစ်ပဋိပက္ခဇုန်ထဲ ရုန်းကန်နေရတဲ့ အမျိုးသမီးနဲ့ ကလေးငယ်တွေရဲ့ အသံတွေ ပါဝင်နိုင်ဖို့ အတွက် ငြိမ်းချမ်းရေး ဆွေးနွေးပွဲတွေမှာ အမျိုးသမီးတွေ ထိထိရောက်ရောက် ထည့်သွင်းသင့်တယ်လို့ အမျိုးသမီးအရေး လှုပ်ရှားသူတွေ ကလည်း အကြိမ်ကြိမ် ပြောဆိုနေကြပါတယ်။ ဆရာမ နော်ဆာမူးနာထူးက အမျိုးသမီးတွေကို အမျိုးသားတွေက လစ်လျူရှုမထားဘဲ ပံ့ပိုးဖို့လည်း လိုအပ်နေကြောင်း၊ အမျိုးသမီးအရေး၊ အမျိုးသမီးဘဝကို သိဖို့လည်း လိုအပ်ကြောင်း ထောက်ပြ ပြောဆိုပါတယ်။ ဒါ့အပြင် သူမရဲ့ မျှော်လင့်ချက်နဲ့ ပတ်သက်ပြီး “ပထမဆုံး အရေးကြီးဆုံးက ငြိမ်းချမ်းရေးပါပဲ။ တကယ်ငြိမ်းချမ်းတဲ့ဝန်းကျင်ရှိမှ လူတွေလည်း ငြိမ်းချမ်းမယ်၊ ကောင်းကောင်းမွန်မွန် အလုပ်လုပ်နိုင်မယ်။ ကျန်းမာရေးတွေ လူမှုရေးတွေလည်း ပိုဂရုစိုက်လာနိုင်မယ်” လို့ ဆရာမ နော်ဆာမူးနာထူးက ပြောပါတယ်။ Hiburma.net မှဆောင်းပါးကို ပြန်လည်ဖော်ပြခြင်းဖြစ်သည်။ The post စစ်ပွဲကြားက ဆေးဆရာမများ appeared first on ဧရာဝတီ.
Source : http://ift.tt/2kc2TkM
via IFTTT

ျမန္မာ့အေရးေဆြးေႏြးပြဲေၾကာင့္ လုံၿခဳံေရးေကာင္စီအတြင္း အကြဲအၿပဲထင္ရွားလာ

မြန်မာ့အရေးဆွေးနွေးပွဲကြောင့် လုံခြုံရေးကောင်စီအတွင်း အကွဲအပြဲထင်ရှားလာ ကုလသမဂ္ဂ လုံခြုံရေးကောင်စီ၏ ၈နှစ်တာကာလအတွင်း ပထမဆုံး မြန်မာ့အရေးဆွေးနွေးပွဲ၌ တရုတ်နှင့် ရုရှားနိုင်ငံတို့က မြန်မာကို ထောက်ခံကြပြီး အမေရိကန်၊ ဗြိတိန်နှင့် ပြင်သစ်တို့က ရိုဟင်ဂျာဆိုသူ မွတ်ဆလင်များအား မျိုးနွယ်စုသုတ်သင်ရှင်းလင်းခြင်း ရပ်တန့်ရန်တောင်းဆိုသဖြင့် လုံခြုံရေး ကောင်စီအတွင်း နက်ရှိုင်းသော အကွဲအပြဲမှာ ထင်ရှားလာသည်။ ပြီးခဲသည့် သြဂုတ်လ ၂၅ ရက်နေ့မှ စတင်ပြီး ဘင်္ဂလားဒေ့ရှ်နိုင်ငံသို့ထွက်ပြေးသူဦးရေ ၅သိန်းခန့် ရှိလာသောကြောင့် အရေးယူဆောင်ရွက်ပေးရန် ကုလသမဂ္ဂအထွေထွေ အတွင်းရေးမှူးချုပ် အန်တိုနီယို ဂူတာရက်စ်က သြဇာအကြီးမားဆုံးဖြစ်သော လုံခြုံရေး ကောင်စီကို ကြာသပတေးနေတွင် တိုက်တွန်းခဲ့သည်။ စစ်ဆင်ရေးများရပ်တန့်ပေးရန်၊ လူသားချင်းစာနာမှု အကူအညီများ အကန့်အသတ်မဲ့ ပေးပို့ခွင့်ပြုရန် နှင့် ထွက်ပြေးသွားသူများ အားလုံးပြန်ခွင့်ပြုရန်လည်း သူက မြန်မာအာဏာပိုင်များ ကိုတောင်းဆိုခဲ့ သည်။ ကုလသမဂ္ဂ ဆိုင်ရာ အမေရိကန်သံအမတ် နစ်ကီဟေလီကလည်း မြန်မာနိုင်ငံ၏ ယခင်အမည်ဖြစ်သော ဘားမားကို ခေါ်ဝေါ်သုံးစွဲပြီး လုံခြုံရေးကောင်စီအား “မြန်မာအာဏာပိုင်တွေရဲ့လုပ်ရပ်ကို မြင်တဲ့ အတိုင်းပြောဖို့ ကြောက်မနေနိုင်ဘူး။ လူနည်းစုတခုကို သုတ်သင်ရှင်းလင်းဖို့ရေရှည် လုပ်ဆောင်နေ တဲ့ရက်စက်ကြမ်းကြုတ်တဲ့လုပ်ရပ်ပဲ” ဟု ပြောသည်။ “ကောင်းမွန်တဲ့ ရည်ရွယ်ချက်နဲ့ သံတမန်စကားတွေပြောရမယ့် အချိန်ကုန်ဆုံးသွားပြီ၊ အခွင့်အရေး ချိုးဖေါက်မှုတွေလုပ်ပြီး နိုင်ငံသားတွေကြားမှာ အမုန်းတရားမီးထိုးပေးရာမှာ ပါဝင်ပတ်သက်နေတဲ့ မြန်မာလုံခြုံရေးတပ်ဖွဲ့တွေကို အရေးယူဖို့ အခုစဉ်းစားရမယ်” ဟုလည်း နစ်ကီဟေလီက ပြောသည်။ ရိုဟင်ဂျာဆိုသူများကို ရက်စက်ကြမ်းကြုတ်သော တိုက်ခိုက်မှုအတွက် တာဝန်ရှိသူများကို အရေးယူ ခြင်း ပြုလုပ်သည်အထိ မြန်မာ့တပ်မတော်သို့လက်နက်ရောင်းချမှုဆိုင်းငံ့ထားရန်လည်း နိုင်ငံအားလုံး ကို သူက တောင်းဆိုသည်။ တိုက်ခိုက်မှုများ ချက်ခြင်းရပ်စဲရန်နှင့် လုံခြုံရေးကောင်စီက ပြင်းပြင်းထန်ထန် တုံ့ပြန်ရန် အမေရိကန်၊ ဗြိတိန်နှင့် ပြင်သစ်တို့၏ တောင်းဆိုမှုကို လုံခြုံရေးကောင်စီဝင်နိုင်ငံ အများအပြားကလည်း ထောက်ခံ ကြသည်။ မြန်မာ့တပ်မတော်သို့ လက်နက်ရောင်းချမှုပိတ်ပင်ခြင်းနှင့် ရာဇဝတ်မှုနှင့် လူ့အခွင့်အရေးချိုးဖေါက်မှု အတွက် တာဝန်ရှိသူများကို တဦးချင်းပစ်မှတ်ထားသော ဘာဏ္ဍာရေးပိတ်ဆို့မှုပြုလုပ်ရေးအတွက် အလေးအနက် စဉ်းစားရန် လူမှုအခြေပြုနှင့် လူ့အခွင့်အရေးအဖွဲ့ ၈၈ ဖွဲ့ ပါဝင်သော နိုင်ငံတကာ မဟာမိတ်များက လုံခြုံရေးကောင်စီကို တိုက်တွန်းခဲ့သည်။ သို့သော် တရုတ်နှင့် ရုရှားနိုင်ငံတို့ မြန်မာအစိုးရ၏ ရခိုင်အရေးကိုင်တွယ်ပုံကို ထောက်ခံသောကြောင့် ပြင်းထန်သော တုံ့ပြန်မှုဖြစ်လာမည့် အလားအလာမရှိပေ။ ကုလသမဂ္ဂဆိုင်ရာ တရုတ်နိုင်ငံ၏ ဒုတိယသံအမတ်ကမူ မြန်မာအစိုးရ ရင်ဆိုင်နေရသော အခက် အခဲများကို ဓမ္မဓိဌာန်ကျ သော အမြင်ဖြင့် ရှုမြင်ရန်၊ စိတ်ရှည် ကြရန်နှင် ပံ့ပိုးကူညီကြရန် နိုင်ငံတကာ အသိုင်းအဝန်းကို တိုက်တွန်းသည်။ ရခိုင်ပြည်နယ်မှ သဘောထားကွဲလွဲမှု အများအပြားနှင့် ရန်သဘောဆောင်မှုများ ဖြစ်ပွားနေသည်မှာ ကြာမြင့်လှပြီဖြစ်သောကြောင့် အလျင်အမြန်ဖြေရှင်းနိုင်မည်မဟုတ်ကြောင်း တရုတ် ဒုတိယသံအမတ် ဝူဟိုက်တောက်က အလေးထားပြောသည်။ “ကျနော်တို့ အခုလိုဆွေးနွေးနေချိန်မှာ မြေပြင်အခြေအနေက စတင်တည်ငြိမ်နေပါပြီ။ ဒီအရှိန်အဟုန် ကို အားလုံးက အပြုသဘော ဝိုင်းဝန်းကူညီကာ အခြေအနေတင်းမာမှု လျှော့ချပြီး လူသားချင်း စာနာမှု အခြေအနေ ကောင်းမွန်လာအောင် တဆင့်ပြီး တဆင့်လုပ်သင့်တယ်” ဟု သူကပြောသည်။ ကုလသမဂ္ဂ ဆိုင်ရာ ရုရှား သံအမတ် ဗက်စလီနီ ဘန်ဇီယာကလည်း မြန်မာအစိုးရကို အလွန်အကျွံ ဖိအားပေးခြင်းသည် မြန်မာနှင့် ပတ်ဝန်းကျင်ဒေသများတွင် အခြေအနေပိုမိုဆိုးရွားသွားစေလိမ့်မည်ဟု ဆိုသည်။ ရခိုင်ပြည်နယ်မှ ရှည်ကြာရှုပ်ထွေးသော အကျပ်အတည်းကို နိုင်ငံရေးနည်းဖြင့် လူမျိုးစုအားလုံး၊ ဘာသာတရား အားလုံးပါဝင်သော တွေဆုံဆွေးနွေးခြင်းဖြင့် ဖြေရှင်းရန်မှ တပါးအခြား ရွေးစရာမရှိ ကြောင်း လည်းသူပြောသည်။ “ကျနော်တို့ဟာ ဘက်အားလုံးက လုပ်ဆောင်နေတဲ့ တိုက်ခိုက်မှုတွေနဲ့ ဒီလိုတိုက်ခိုက်မှု တွေ ဖြစ် ပေါ်စေတဲ့စကားတွေကို ရပ်တန့်ပစ်ဖို့လိုတယ်” ဟု သူကဆက်ပြောသည်။ ရုရှားသံအမတ်နှင့် ကုလသမဂ္ဂ အထွေထွေအတွင်းရေးမှူးချုပ်တို့က ရိုဟင်ဂျာအကျပ်အတည်းသည် ပျံ့နှံ့သွားနိုင်သည်ဟုသတိပေးသည်။ စနစ်တကျတိုက်ခိုက်မှုများကို ကိုင်တွယ်ဖြေရှင်းရန် ပျက်ကွက်ခြင်းသည် ရခိုင်ပြည်နယ် အလယ်ပိုင်း သို့ပါ အကျပ်အတည်းကူးစက်သွာနိုင်ပြီး ထိုနေရာမှ မွတ်ဆလင် ၂သိန်း ၅သောင်းခန့် ထပ်မံနေရပ် စွန့်ခွာ ထွက်ပြေးစေနိုင်ကြောင်း ဂူတာရက်ဇ်ကပြောသည်။ လူသားချင်း စာနာမှု အကျပ်အတည်းသည် အစွန်းရောက် အခြေခံဝါဒ၊ ရာဇဝတ်ဂိုဏ်းများနှင် လူမှောင်ခိုများကို မွေးဖွာပေးသောနေရာဖြစ်သည်ဟုလည်း သူက သတိပေးသည်။ အကျပ်အတည်း ပိုမိုကျယ်ပြန့်လာပါက အိမ်နီးချင်းနိုင်ငံများသာမက ဒေသတခုလုံး အတွက် အသိုင်း အဝန်းများကြား ပဋိပက္ခ အပါအဝင်ပြဿနာ အမျိုးမျိုးဖြစ်စေနိုင်သည်ဟုလည်း ဂူတာရက်ဇ်က ဆက် ပြောသည်။ အကြမ်းဖက်သမားများနှင့် အစွန်းရောက်များ အရှေ့တောင်အာရှတွင် အမြစ်တွယ်နိုင်ရန် ကြိုးစား နေကြောင်းနှင့် ဒေသတွင်းတွင် အစွန်းရောက် အခြေခံဝါဒ သွပ်သွင်းခြင်းကိုလက်မခံ နိုင်ကြောင်း ကုလသမဂ္ဂ ဆိုင်ရာ ရုရှား သံအမတ် နီဘန်ဇီယာကပြောသည်။ လုံခြုံရေးကောင်စီ အစည်းအဝေးအတွင်း မြန်မာနှင့် ဘဂ်လားဒေ့ရှိနိုင်ငံတို့ အကြားတင်းမာမှုများ ကိုလည်းထည့်သွင်းဆွေးနွေးခဲ့သည်။ မြန်မာအမျိုးသားလုံခြုံရေး အကြံပေးက ရခိုင်ပြည်နယ် အကျပ်အတည်းအတွက် အကြမ်းဖက်ဝါဒကို အပြစ်တင်ပြီး မြန်မာနိုင်ငံတွင် ”မျိုးနွယ်စုအား သုတ်သင်ရှင်းလင်းခြင်း (Ethnic cleansing) ” နှင့် ”လူမျိုးတုံးသတ်ဖြတ်ခြင်း(Genocide)” မရှိကြောင်းကြေညာသည်။ စစ်ဆင်ရေးများကို စက်တင်ဘာလ ၅ ရက်နေ့ကတည်းကပင် ရပ်ဆိုင်းထားကြောင်းနှင့် ထွက်ပြေးသူ အများစုမှာ အကြမ်းဖက်သမားများကလှုံ့ဆော်သော ကြောက်လန့်မှုများကြောင့် ထွက်ပြေးခြင်း ဖြစ် ကြောင်း ဦးသောင်းထွန်းကပြောသည်။ ရခိုင်ပြည်နယ်ရှိ ကျေးရွာများ၏ ၅၀ ရာခိုင်နှုန်းကျော်သည် အရာမယွင်းဘဲရှိကြောင်း၊ ပြည်သူများသည် အိမ်နီးချင်းများနှင့် ငြိမ်းငြိမ်းချမ်းချမ်းနေထိုင်ကြ ကြောင်းလည်းသူရှင်းပြသည်။ သံတမန်များနှင့် မီဒီယာများ ရခိုင်ပြည်နယ်မြောက်ပိုင်းသို့ လာမည့်တနင်္လာနေ့ တွင်သွားရောက်မည် ဖြစ်ကြောင်းသူကကြေညာပြီး ကုလအတွင်းရေးမှူးချုပ် ဂူတာရက်ဇ်ကိုလည်း မြန်မာနိုင်ငံသို့ လာရောက်ရန်ဖိတ်ကြားထားသည်ဟုသူပြောသည်။ “ဒီမိုကရေစီ အခိုင်အမာ အမြစ်တွယ်အောင်လို့ နိုင်ငံတကာအသိုင်းအဝန်းက ကူညီဖို့အရေးကြီး တယ်။ လုံခြုံရေးကောင်စီဟာ ရခိုင်ပြည်နယ် အခြေအနေကို မပြေလျှော့စေဘဲ ပိုမိုတင်းမာစေမယ့် လုပ်ရပ်တွေ မလုပ်ရဘူး။ အခြေအနေပြေလျော့သွားအောင် သူတို့ လုပ်နိုင်တယ်၊ လုပ်လည်း လုပ်ရ မယ်” ဟု သူကပြောသည်။ အစိုးရက စစ်ဆင်ရေးများ ပြီးဆုံးကြောင်း ပြောသော်လည်း လက်တွေ့တွင်မပြီးဆုံးသေးကြောင်း၊ မိသားစုများ ထွက်ပြေးစေရန်အတွက် အဓမ္မပြုကျင့်ခြင်းကို လက်နက်သဖွယ် အသုံးပြုနေကြောင်း၊ ရွာများမီးရှို့ခံနေရကြောင်း၊ လုယက်မှုများ၊ အခွင့်အရေးချိုးဖောက်ခံရမှုများ ရှိနေကြောင်း ကုလသမဂ္ဂ ဆိုင်ရာ ဘင်္ဂလားဒေ့ရှ် သံအမတ်က လုံခြုံရေးကောင်စီတွင် စွပ်စွဲပြောဆိုသည်။ “ရခိုင်ပြည်နယ်မြောက်ပိုင်းမှာ လူတွေကိုမောင်းထုတ်ပြီး မြေကိုသိမ်းယူဖို့ မြန်မာအစိုးရက လုပ်နေ တယ်ဆိုတာ ဒီရက်စက်ကြမ်းကြုတ်မှုတွေက သက်သေပြနေတယ်” ဟုသူက ဆက်ပြောသည်။ သြဂုတ်လ ပထမပတ်အတွင်း အမြောက်ကြီးများနှင့် သံချပ်ကာများ တပ်ဆင်ထားသော မြန်မာ့ တပ်မတော်၏ တပ်မ ၂ ခု ဘင်္ဂလားဒေ့ရှ်နယ်စပ်တွင်ချထားသည်ကို လုံခြုံရေးကောင်စီ အနေဖြင့် ထည့်သွင်းစဉ်းစားသင့်သည်ဟုလည်း ဘင်္ဂလားဒေ့ရှ်သံအမတ်ကပြောသည်။ သြဂုတ်လ ၂၅ ရက်နေ့နောက်ပိုင်းတွင် လူ ၅သိန်း ရောက်ရှိလာသောကြောင့် ဘင်္ဂလားဒေ့ရှ်သည် လက်ရှိတွင် လူ ၉သိန်းခန့်ကို လက်ခံထားရကြောင်းနှင့် အခြေအနေမှာ အကာအကွယ်မဲ့နေကြောင်း ပြောပြီး မြန်မာနိုင်ငံအတွင်းတွင် ဘေးကင်းဇုန်များသတ်မှတ်ရန် ကုလသမဂ္ဂကိုထပ်မံတောင်းဆိုသည်။ The post မြန်မာ့အရေးဆွေးနွေးပွဲကြောင့် လုံခြုံရေးကောင်စီအတွင်း အကွဲအပြဲထင်ရှားလာ appeared first on ဧရာဝတီ.
Source : http://ift.tt/2fDphlz
via IFTTT

မုတ္ဆိတ္ရိတ္သုံး ကရင္မ္ေတြရဲ႕ဆိုးက်ိဳးမ်ား

မုတ်ဆိတ်ရိတ်သုံး ကရင်မ်တွေရဲ့ဆိုးကျိုးများ ကျနော်တို့ အမျိုးသားတွေ မျက်နှာမှာ နှုတ်ခမ်းမွှေး၊ မုတ်ဆိတ်မွှေးတွေ အနည်းနဲ့ အများတော့ အရွယ်ရောက်ချိန်ကနေ စတင်ပြီး ပေါက်တတ်ကြပြီး တချို့လည်း ထူထူထဲထဲ ပေါက်တတ်ကြပါတယ်။ အထူးသဖြင့်တော့ ပါးသိုင်းမွှေးထိအောင်ပါ ပေါက်ရောက်တတ်သူတွေကတော့ မုတ်ဆိတ်ရိတ်ချိန်မှာ မျက်နှာပြင်လည်း ကျယ်ကျယ်၊ အမွှေးလည်းများများ ရိတ်ရတဲ့အတွက် ဆပ်ပြာလို ချောစေတဲ့ အရာတွေကနေ နောက်ဆုံး မုတ်ဆိတ်ရိတ် အသင့်သုံး ကရင်မ်တွေကိုပါ အသုံးပြုတတ်ကြပါတယ်။ အများစုကတော့ အနောက်နိုင်ငံတွေနဲ့ ပြည်တွင်းမှာဆို မြို့ပြနေထိုင်သူတွေက အသင့်သုံး မုတ်ဆိတ်ရိတ်ကရင်မ်တွေကို အ သုံးပြု ရိတ်လေ့ရှိတာ တွေ့ရပါတယ်။ ဒါပေမယ့် တကယ်တော့ အခုလို မုတ်ဆိတ်ရိတ်ကရင်မ်တွေကို အသုံးပြုပြီး မုတ်ဆိတ်ရိတ်တာ မကောင်းဘူးလို့် နောက်ဆုံး လေ့လာချက်တွေ အရ သိလာရပါပြီ။ ဘာအတွက် မကောင်းတာပါလဲ အဓိက ဆိုးကွက်ကတော့ အမျိုးသားတွေရဲ့သုတ်ကို အားနည်းစေ၊ သုတ် သေစေမှုတွေ ဖြစ်လာစေတာ ဖြစ်ပြီး ကလေးရနိုင်မှု အတွက် နှောင့်နှေး နှောက်ယှက်မှု ပေးလာတာပဲ ဖြစ်ပါတယ်။ သိပ္ပွံပညာရှင်တွေရဲ့အဆိုအရ အခု မုတ်ဆိတ်ရိတ်ကရင်မ်တွေမှာ Phthalates ဆိုတဲ့ ဓာတုပစ္စည်း ပါဝင်ပြီး အဆိုပါ ဓာတု ဓာတ်က သင့်ရဲ သုတ်ပိုးထဲက DNA ကို သွားရောက် ထိခိုက်ပျက်စီးစေမှု ရှိစေပြီး မျိုးအောင် (ကလေး ရဖို့) ခက်ခဲလာစေ တာပဲ ဖြစ်ပါတယ်။ တချို့က သုတ်တွေ သေသည်ထိအောင် ဖြစ်စေတယ်၊ တချို့ကတော့ အတွင်းပိုင်း DNA ကို ပျက်စီးစေပြီး ကလေးရဖို့ ခက် စေတယ်၊ ဒါက မိမိ အသုံးပြုတဲ့ မုတ်ဆိတ်ရိတ်ကရင်မ်မှာ ပါတဲ့ Phthalates ပါဝင်နှုန်းနဲ့ မိမိ မကြာခဏ အသုံးပြုမှုနှုန်း တွေအပေါ်မှာ မူတည်တာ ဖြစ်တယ်လို့ သိရပါတယ်။ ဇူလိုင်လအတွင်းက နောက်ဆုံး စစ်ဆေးချက်တွေ အရဆိုရင် အနောက်နိုင်ငံတွေက အဆိုပါ မုတ်ဆိတ်ရိတ်ကရင်မ် သုံး သူ တွေ အားလုံးရဲ့ ၅၉.၃ ရာခိုင်နှုန်းလောက်ထိအောင် သုတ်အရေအတွက် လျော့ကျသွားတာကို တွေ့ခဲ့ရတာလည်း ဖြစ်ပါ တယ်။ ဒါဟာ အလွန်များပြားတဲ့ နှုန်းဖြစ်လာပြီး ကလေးရနိုင်ခြေကို အများဆုံး လျော့ကျသွားစေတဲ့အချက်တခု ဖြစ်လာနိုင်တာ လည်း ဖြစ်ပါတယ်။ အခြား လေ့လာမှု တခုမှာလည်း အခုလို မုတ်ဆိတ်ရိတ်ကရင်မ်အသုံးပြုသူ အိမ်ထောင်ဖက်ရှိတဲ့ အမျိုးသား ၄၈ ယောက်ကို လေ့လာကြည့်ရာမှာ ၁၂ ယောက်လောက်က လိင်ပိုင်းနဲ့ သုတ်ပိုင်းဆိုင်ရာ အားဖြည့်ဆေးတွေကို အသုံးပြုနေရတာ တွေ့လာရ တာလည်း ဖြစ်ပါတယ်။ လေ့လာသူတွေက အခု မုတ်ဆိတ်ရိတ်ကရင်မ်တွေ အသုံးပြုမှုနဲ့ နောက်ဆက်တွဲ ရလဒ်တွေကို သိဖို့အတွက် လေ့လာခံ အမျိုး သားတွေရဲ့သုတ်နဲ့ ဆီးတွေကို လေ့လာမှုတွေ လုပ်ဆောင်ခဲ့ပြီး အထူးသဖြင့်တော့ အမျိုးသား သုတ်ကောင်ရဲ့ အစိတ်အပိုင်း ပေါင်း ၁၃၁ ခု ထဲက ဆဲလ်ကြီးထွားမှု အပိုင်း၊ အခြေခံ ဆဲလ်တည်ဆောက်မှု အပိုင်းနဲ့ ဖွံ့ဇြိုးမှု အပိုင်းတွေမှာ အားနည်းချက် ဖြစ်စေပြီး သုတ်သေဆုံးမှု၊ အရေအတွက် လျော့ကျမှုတွေ ဖြစ်စေပြီး ကလေးရဖို့ ခက်စေလာတာ ဖြစ်ပါ တယ်။ တွေ့ရှိချက်တွေအရ ဆေးလိပ်သောက်သုံးတဲ့၊ အရက်သောက်သုံးတဲ့ မိခင်ကြောင့် ကလေးရနိုင်မှု လျော့ကျနှုန်းထက်ကိုပဲ သိ သိသာသာ ကလေးရနိုင်ခြေ နည်းလာစေနိုင်တာလည်း ဖြစ်ပါတယ်လို့ အခု လေ့လာချက်ကို လုပ်ဆောင်နေတဲ့ မက်ဆီချုး ဆက်တက္ကသိုလ်က ဆေးပညာရှင် Richard Pilsner က ပြောပါတယ်။ သူကပဲ မုတ်ဆိတ်ရိတ်ကရင်မ်က သုတ်ဖြစ်တည်မှုနဲ့ ရှင်သန်မှုကို တော်တော်လေး သက်ရောကင်မှု များစေပြီး အကောင်းဆုံး က ဓာတုပစ္စည်း ပါဝင်မှု ရှိနေတဲ့မုတ်ဆိတ်ရိတ်ကရင်မ်တွေကို မသုံးတာ ကောင်းပါတယ်လို့ အကြံပေးပါတယ်။ ဆပ်ပြာလို အခြား အစားထိုးအရာတွေနဲ့ မုတ်ဆိတ်ရိတ်နိုင်ပြီး အလွယ်ကြိုက်အဖြစ် အသင့်ဆုံး မုတ်ဆိတ်ရိတ်ကရင်မ်တွေ ကို မသုံးတာပဲ ဖြစ်ဖြစ်၊ ပါဝင်ပစ္စည်းမှာ Phthalates မပါတဲ့ ကရင်မ်၊ နည်းတဲ့ ကရင်မ်တွေ အသုံးပြုတာ အကောင်းဆုံး ဖြစ် ပါတယ်လို့ ဆိုပါတယ်။ www.maxim.com The post မုတ်ဆိတ်ရိတ်သုံး ကရင်မ်တွေရဲ့ဆိုးကျိုးများ appeared first on ဧရာဝတီ.
Source : http://ift.tt/2k6y2G2
via IFTTT

ေအာင္ဝင္းခိုင္ကို လက္စေဖ်ာက္လိုက္ၿပီဟု ယူဆေၾကာင္း အင္းစိန္ ေအာင္စိုးေျပာ

အောင်ဝင်းခိုင်ကို လက်စဖျောက်လိုက်ပြီဟု ယူဆကြောင်း အင်းစိန် အောင်စိုးပြော အမျိုးသား ဒီမိုကရေစီ အဖွဲ့ချုပ် (NLD) ပါတီ၏ ဥပဒေအကြံပေး ရှေ့နေကြီး ဦးကိုနီ လုပ်ကြံ သတ်ဖြတ်ခံရမှုတွင် ပါဝင် သည့် အဓိက တရားခံ တဦးဖြစ်သူ အောင်ဝင်းခိုင် သည် လက်စဖျောက်ခံလိုက်ရပြီဟု ယူဆကြောင်း အင်းစိန်အောင်စိုးက ပြောသည်။ ဦးကိုနီ အား လုပ်ကြံ သတ်ဖြတ်ခဲ့သူ ကြည်လင်းအပါအဝင် အောင်ဝင်းထွန်း၊ အောင်ဝင်းဇော်နှင့် ဇေယျာဖြိုးတို့ကို ရန်ကုန်မြို့ မြောက်ပိုင်းခရိုင် တရားရုံးတွင် ၂၉ ရက်နေ့က ၂၆ ကြိမ်မြောက် ရုံးထုတ်ခဲ့ပြီး ထိုရုံးချိန်းကို တရားလိုပြ သက်သေ အဖြစ် ရောက်ရှိလာသူ ဦးအောင်စိုး က သတင်းမီဒီယာများကို ယင်းသို့ ပြောဆိုလိုက်ခြင်း ဖြစ်သည်။ ဦးအောင်စိုး က “ကျနော်တို့က ပညာတတ်လည်း မဟုတ်ဘူး။ လူဆိုးဘဝက လာတဲ့ကောင်ဆိုတော့ ကျနော်တို့ အတွေး အမြင် အရပြောမယ် ဆိုရင်တော့ အောင်ဝင်းခိုင်က အခုလောက်ဆိုရင် မရှိလောက်တော့ဘူးလို့ ယူဆတယ်။ ကျနော့် တယောက်တည်း အတွေးအမြင်ပေါ့။ ကျနော်သာ သူ့အထက်ကလူဆိုရင် သူ့ကြောင့် ခေါင်းနောက်မခံတော့ဘူးဗျ။ ရှင်းထုတ် ပစ်လိုက်တော့မယ်” ဟု ပြောသည်။ ဦးအောင်စိုးသည် ယခုတပတ် ရုံးချိန်းကို အခြား တရားလိုပြသက်သေ ၃ ဦးနှင့်အတူ တက်ရောက်ခဲ့ပြီး ဦးကိုနီ သတ်ဖြတ် မှုနှင့် ပတ်သက်သည့် ကွင်းဆက်တရားခံကို ဖော်ထုတ်ပေးနိုင်ရေး အတွက် လူသတ်တရားခံများနှင့် ဆက်စပ်မှုကို တရား ရုံး တွင် တင်ပြခဲ့သည်ဟု ဆိုသည်။ ရန်ကုန်တိုင်း ဒေသကြီး ရဲတပ်ဖွဲ့က ဖေဖော်ဝါရီလ ၂၅ ရက်တွင် ပြုလုပ်သော သတင်းစာ ရှင်းလင်းပွဲတွင် တရားခံ အောင်ဝင်းခိုင် သည် ရောင်ဝါဖြိုး ကုမ္ပဏီ ဒါရိုက်တာ တဦးဖြစ်သော ရဲထွဋ်လှိုင်နှင့်အတူ နေပြည်တော်သို့ သွားစဉ် နေပြည်တော် ပရဆေး ဥယျာဉ် ရှေ့ အရောက်တွင် ကားရပ်တန့်ခိုင်းပြီး လူတယောက် လာခေါ်မည်ဟု ပြော၍ ကားပေါ်မှ ဆင်းသွားကြောင်း ထုတ်ဖော် ပြောဆိုထားသည်။ ယင်းနောက်ပိုင်း ကတည်းက အောင်ဝင်းခိုင် ပျောက်ဆုံးနေခြင်း ဖြစ်သည်။ ဦးအောင်စိုးသည် ဦးကိုနီလုပ်ကြံမှုတွင် ပါဝင်သူ ကြည်လင်း၊ အောင်ဝင်းဇော်တို့နှင့် လွန်ခဲ့သော ၁၀ နှစ်ကျော်က မန္တလေး ထောင်တွင် တဆောင်တည်း အတူနေထိုင်ခဲ့ဖူးကြောင်း ဆယ်နှစ်ကျော် ကင်းကွာခဲ့ပြီးနောက်ပိုင်း အောင်ဝင်းဇော်က လူတဦးကို သတ်ပေးရန် လာရောက် ငှားရမ်းခဲ့ကြောင်း ယနေ့ တရားရုံးတွင် ထွက်ဆိုခဲ့သည်ဟု ဆိုသည်။ “ကျနော့်ဆီကို အောင်ဝင်းဇော် ဖုန်းအဆက်အသွယ်နဲ့ ရောက်လာပြီးတော့ နိုင်ငံခြား သံတမန် တဦးကို သတ်ဖို့ဆိုပြီး ငှားရမ်း တယ်။ လက်ရှိ စရန် သိန်း ၃ ရာပါတယ်လို့ ပြောတယ်။ သိန်း ၃ ရာကို ပြဖို့ ခုံကို လှန်တယ်။ ကျနော်က အလှန် မခံဘူး။ ပိုက်ဆံမြင်ရင် စိတ်ပြောင်းသွားမှာစိုးလို့။ သူက မေးတယ်။ မင်း ၅ ရာယူမလား၊ ၁ ထောင်ယူမလားတဲ့၊ ပိုက်ဆံ တော့ တကယ် လိုအပ်တယ်။ ဒါပေမယ့် ငြင်းလိုက်ပါတယ်” ဟု ၎င်း က ထွက်ဆိုချက်ကို ပြန်ရှင်းပြသည်။ လူသတ်ပေးရန်အတွက် အောင်ဝင်းဇော်က ၎င်းကို လူချင်းတွေ့၍ တကြိမ်ကမ်းလှမ်းခဲ့သလို တယ်လီဖုန်းဖြင့်လည်း ၃-၄ ကြိမ် ဆက်သွယ်ခဲ့ကြောင်း သို့သော်လည်း လက်မခံခဲ့သဖြင့် ဆက်သွယ်လာခြင်း မရှိတော့ကြောင်း ဦးအောင်စိုးက ပြော သည်။ ယခုနှစ် ဇန်နဝါရီလ ၂၉ ရက်နေ့က ရန်ကုန် အပြည်ပြည်ဆိုင်ရာ လေဆိပ်တွင် ဦးကိုနီအားလုပ်ကြံသူ တရားခံ ကြည်လင်း ကို တွေ့မြင်လိုက်ရစဉ် နောက်ကွယ်တွင် အောင်ဝင်းဇော်တို့ ပတ်သက်မှု ရှိလိမ့်မည်ဖြစ်ကြောင်း တွေးမြင်ခဲ့သဖြင့် Myanmar Now အယ်ဒီတာချုပ် ကိုဆွေဝင်းနှင့် ဆက်သွယ်ပြီး အများသိစေရန် ဖော်ထုတ်ခဲ့ခြင်းဖြစ်သည်ဟုလည်း ဆိုသည်။ “Facebook ပေါ်မှာ ကြည်လင်းပုံကိုတွေ့ပြီးတော့ ဆက်စက်စဉ်းစားတဲ့ အခါမှာ အကျဉ်းထောင်မှာ တချိန်တုန်းက အတူ နေခဲ့တယ်။ စားခဲ့တယ်။ အတူနေထိုင်ခဲ့သူတွေဖြစ်တဲ့ အတွက် ကျနော်တွေးမိသလောက်ကတော့ ကျနော့်ကို ငှားလို့ မရလို့ အောင်ဝင်းဇော်က ကြည်လင်းကို ငှားတယ်လို့ အတွေးအထင်နဲ့ ကိုဆွေဝင်းနဲ့ ပူးပေါင်းပြီးတော့ သတင်းဖြန့်လိုက် တယ်။ ကျနော့် အတွေးအထင် မမှားဘူးဆိုတာလည်း လက်ရှိအချိန်မှာ အားလုံးသိနေတာပဲ” ဟု ဦးအောင်စိုးက ပြောဆို သည်။ မြောက်ပိုင်းခရိုင် တရားရုံးတွင် ယနေ့ပြုလုပ်သော ၂၆ ကြိမ်မြောက် ရုံးချိန်းတွင် ဦးအောင်စိုး၏ ထွက်ဆိုချက်သည် အရေး ပါ ကြောင်း အမှုကွင်းဆက်များလည်း ရုပ်လုံးပေါ်လာကြောင်း ဦးကိုနီအမှုကို လိုက်ပါဆောင်ရွက် ပေးနေသည့် ရှေ့နေ ဦးနေလ က သတင်း မီဒီယာများကို ရှင်းပြသည်။ ဦးနေလ က “ဒီအမှုဖော်ထုတ်တဲ့နေရာမှာ ကိုအောင်စိုးရဲ့ အခန်းကဏ္ဍက တော်တော်လေး အရေးပါတာကို တွေ့ရပါတယ်။ ကိုအောင်စိုးရဲ့ ထွက်ဆိုချက်အရ ၂ ချက်ပဲ ကျနော်ပြောချင်ပါတယ်။ တချက်က သူတို့ရဲ့ ဌာနကနေ တာဝန် ပေးထား တယ် ဆိုတဲ့ သဘောလား။ ဘယ်ဌာနက တာဝန်ပေးလို့ အောင်ဝင်းဇော်တို့က ဆောင်ရွက်တယ် ဆိုတဲ့ ကိစ္စ ခင်ဗျားတို့ ဆက်စပ် စဉ်းစားလို့ ရမယ်ထင်ပါတယ်” ဟု ပြောသည်။ ယနေ့တရားရုံးတွင် ဦးအောင်စိုးအား ကြည်လင်း၏ ရှေ့နေက အောင်ဝင်းဇော်အကြောင်း မေးမြန်းသလို အောင်ဝင်းဇော်၏ ရှေ့နေက ကြည်လင်းအကြောင်းကို မေးကြောင်း၊ ယင်းသို့ မေးမြန်းမှုသည် ကိုအောင်စိုးနှင့် အောင်ဝင်းဇော်တို့ တွေ့ဆုံ ကြောင်းကို ဝန်ခံပြီး မေးသွားပုံများဖြစ်သည်ဟု ရှေ့နေ ဦးနေလက ဆိုသည်။ “အားလုံးကို ခြုံကြည့်မယ်ဆိုရင် သူတို့ရဲ့ အပြန်အလှန် စစ်ဆေးချက်အရ ကိုအောင်စိုးနဲ့ အောင်ဝင်းဇော်တို့ တွေ့ဆုံတဲ့ အပိုင်းကို ဝန်ခံပြီးတော့ မေးသွားတယ်။ သူတို့နှစ်ယောက် မတွေ့ဘူးလို့ မငြင်းသွားဘူး။ ဒီနေ့စစ်ဆေးချက်တွေ အားလုံးကို ခြုံပြီးပြောမယ် ဆိုရင်တော့ တရားခံရှေ့နေတွေအားလုံးက ဘောသမားစကားနဲ့ပြောရရင်တော့ ကိုယ့်ဂိုးကို ပြန်သွင်း သွားကြတာကို တွေ့ရပါတယ်” ဟု ရှေ့နေ ဦးနေလ က ပြောသည်။ The post အောင်ဝင်းခိုင်ကို လက်စဖျောက်လိုက်ပြီဟု ယူဆကြောင်း အင်းစိန် အောင်စိုးပြော appeared first on ဧရာဝတီ.
Source : http://ift.tt/2x2b0WS
via IFTTT

ကုလသမဂၢ၏ ျပင္းထန္ေသာ အသုံးအႏႈန္းမ်ား သတင္းထုတ္ျပန္ေရးေကာ္မတီ ရႈတ္ခ်

ကုလသမဂ္ဂ၏ ပြင်းထန်သော အသုံးအနှုန်းများ သတင်းထုတ်ပြန်ရေးကော်မတီ ရှုတ်ချ ရခိုင်ပြည်နယ် အခြေအနေကို ဖော်ပြရန် ကုလသမဂ္ဂ လက်အောက်ခံ အဖွဲ့အစည်း အများအပြားက သုံးစွဲခဲ့သည့် “ရက်စက် ကြမ်းကြုတ်ခြင်း (Atrocities)”၊ “မျိုးနွယ်စုအားသုတ်သင်ရှင်းလင်းခြင်း (Ethnic Cleansing)” နှင့် “လူမျိုးတုံး သတ်ဖြတ် ခြင်း (Genocide)” စသည့် စကားလုံးများကို ခိုင်မာသည့် အထောက်အထား မရှိဘဲ သုံးစွဲခြင်းကို မြန်မာနိုင်ငံက ကန့်ကွက် လိုက်သည်။ ခိုင်လုံသော အထောက်အထားမရှိဘဲ ထိုစကားလုံးများ သုံးစွဲခြင်းကို ရှုတ်ချသည်ဟု အစိုးရသတင်း ထုတ်ပြန်ရေး ကော်မတီမှ ဗုဒ္ဓဟူးနေ့က ထုတ်ပြန်သော ကြေညာချက်တွင် ဖော်ပြထားသည်။ ပြီးခဲ့သည့် တနင်္လာနေ့က နယူးယောက်တွင် ကျင်းပသည့် ကုလသမဂ္ဂ အထွေထွေညီလာခံ အပြီးသတ် အပြန်အလှန် ဆွေးနွေးပွဲတွင် အထက်ပါ စွပ်စွဲချက်များကို ကုလသမဂ္ဂ ဆိုင်ရာ မြန်မာအမြဲတမ်း ကိုယ်စားလှယ် သံအမတ်ကြီး ဦးဟော်ဒိုဆွမ်းက ပြန်လည်တုံ့ပြန်ခဲ့ခြင်း ဖြစ်သည်။ “ရခိုင်ပြည်နယ် အခြေအနေကို မျိုးနွယ်စုအား သုတ်သင်ရှင်းလင်းခြင်း “Ethnic Cleansing” အဖြစ် အခြေအမြစ် မရှိဘဲ ထပ်တလဲလဲ စွပ်စွဲ ပြောကြားနေကြသည်မှာ အလွန် စိတ်မကောင်းဖွယ်ဖြစ်သည်” ဟု သံအမတ်ကြီးက ပြောသည်။ နိုင်ငံတကာ အကူအညီပေးရေး အေဂျင်စီများ၏ ခန့်မှန်းချက်အရ ရခိုင်ပြည်နယ်အတွင်း လက်နက် ကိုင် တိုက်ခိုက်မှုများ ကြောင့် ယနေ့အထိ ရိုဟင်ဂျာ ဆိုသူ လူဦးရေ ၄ သိန်း ၈ သောင်းခန့် ဘင်္ဂလားဒေ့ရှ်နိုင်ငံသို့ ထွက်ပြေး ခိုလှုံနေကြရပြီး ဗုုဒ္ဓဘာသာနှင့် ဟိန္ဒူဘာသာဝင် ၃၀၀၀၀ ခန့်သည်လည်း ရခိုင်ပြည်နယ် အတွင်းမှာပင် နေရပ်စွန့်ခွာ ထွက်ပြေး ခိုလှုံနေရသည်။ သြဂုတ်လ ၂၅ ရက်နေ့တွင် အကြမ်းဖက်သမားစစ်သွေးကြွများက ရဲကင်းများကို အချိန်ကိုက် တိုက်ခိုက်မှုများ ပြုလုပ်ခဲ့ပြီး နောက်တွင် ထိုဒေသကို တပ်မတော်၏ နယ်မြေ ရှင်းလင်းမှု စစ်ဆင်ရေးများ ပြုလုပ်ခဲ့ခြင်း ဖြစ်သည်။ နိုင်ဂျီးရီးယား၊ ပြင်သစ်၊ တူရကီ၊ အာဖဂန်နစ္စတန်၊ ပါကစ္စတန်၊ အာရပ်စော်ဘွားများနိုင်ငံ၊ မလေးရှား၊ မော်လဒိုက်၊ ချဒ်နှင့် ဘင်္ဂလားဒေ့ရှ် နိုင်ငံများက မြန်မာနိုင်ငံသည် မျိုးနွယ်စုအား သုတ်သင်ရှင်းလင်း ခြင်းနှင့် လူမျိုးတုံးသတ်ဖြတ်ခြင်း တို့ကို ကျူးလွန်သည် ဟု ၇၂ ကြိမ်မြောက် ကုလသမဂ္ဂ အထွေထွေညီလာခံတွင် စွပ်စွဲခဲ့သည်။ မြန်မာအမြဲတမ်း ကိုယ်စားလှယ် သံအမတ်ကြီး ဦးဟောက်ဒိုဆွမ်းက ထို အသုံးအနှုန်းများကို ပေါ့ပေါ့တန်တန် အသုံးမပြု သင့်ကြောင်းနှင့် ရခိုင်ပြည်နယ် မြောက်ပိုင်းရှိ အထိခိုက်ခံ နယ်မြေမှ မွတ်စလင် အသိုက်အဝန်းသည် သတင်းများတွင် ဖော်ပြနေသကဲ့သို့ လူနည်းစု မဟုတ်ပါကြောင်း၊ စင်စစ်အားဖြင့် ၎င်းတို့သည် ယင်းဒေသရှိ လူဦးရေစုစုပေါင်း၏ ၉၅ ရာခိုင်နှုန်းဖြစ်ပါ ကြောင်း၊ ပြောကြားပြီး မွတ်စလင်လူနည်းစုဟု ဖော်ပြနေသော သတင်းများကိုလည်း ဝေဖန်သည်။ ၂၀၁၄ ခုနှစ် သန်းကောင်စာရင်းအရ မြန်မာနိုင်ငံလူဦးရေ၏ ၉၀ ရာခိုင်နှုန်းသည် ဗုဒ္ဓဘာသာဝင်များ ဖြစ်ပြီး မွတ်စလင်နှင့် ခရစ်ယာန်ဘာသာဝင် အရေအတွက်မှာ ၄ ရာခိုင်နှုန်းစီ ရှိသည်။ သို့သော်ထိုဒေသတွင် ဒိုင်းနက်၊ မြို၊ သက်၊ မရမာကြီး ကဲ့သို့သော တိုင်းရင်းသား လူနည်းစုများနှင့် ဟိန္ဒူဘာသာဝင် လူနည်းစုများ နေထိုင်တည်ရှိမှုနှင့် ၎င်းတို့၏ ဒုက္ခကို ကမ္ဘာ့နိုင်ငံ အတော်များများက မသိရှိပါကြောင်းလည်း မြန်မာ သံအမတ်က ကုလသမဂ္ဂတွင် ပြောသည်။ ဘင်္ဂလားဒေ့ရှ်နိုင်ငံ ဝန်ကြီးချုပ် ရှိတ်ခ်ဟာစီနာကလည်း မွတ်စလင်များ အပေါ် ရက်စက်ကြမ်းကြုတ် မှုများ အတွက် စက်တင်ဘာလ ၁၁ ရက်နေ့က မြန်မာနိုင်ငံကို ဝေဖန်ခဲ့သည်။ ကုလသမဂ္ဂလူ့အခွင့်အရေး ဆိုင်ရာ မဟာမင်းကြီး ဇီယာ အက် အယ်လ်ဟူစိန် ကလည်း စက်တင်ဘာလ ၁၂ ရက်နေ့က ဂျီနီဗာရှိ လူ့အခွင့်အရေးကောင်စီသို့ မိန့်ခွန်းပြောကြားရာတွင် မြန်မာနိုင်ငံတွင် ဖြစ်ပွားနေသော ဖြစ်ရပ်များသည် လူမျိုးတုံး ရှင်းလင်းသတ်ဖြတ်မှု အတွက် ဖတ်စာအုပ်တွင် ထည့်သွင်းရမည့် ဥပမာဟု သုံးနှုန်းပြောဆိုခဲ့သည်။ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်မှာလည်း ရခိုင် အကျပ်အတည်းကြောင့် ပြည်ပမှ ဝေဖန်မှု ဖိအားများ ခံနေရသည်။ ရခိုင်ပြည်နယ် အခြေအနေနှင့် ပတ်သက်ပြီး စက်တင်ဘာလ ၁၉ ရက်နေ့က ပြောကြားသော မိန့်ခွန်းတွင် ဒေါ်အောင်ဆန်း စုကြည် က မြန်မာနိုင်ငံတွင် အကြမ်းဖက်ဝါဒ တိုက်ဖျက်ရေး အတွက် နိုင်ငံတကာ မဟာမိတ်များနှင့် ပူးပေါင်းဆောင်ရွက် သွားမည်ဟု ပြောကြားခဲ့ပြီး ရခိုင်ပြည်နယ် လူ့အခွင့်အရေး ချိုးဖောက်မှုများ၊ အကြမ်းဖက်မှုများ အားလုံးကို ရှုတ်ချသည် ဟုလည်း ဆိုသည်။ ရခိုင်ပြည်နယ်တခုလုံးတွင် ငြိမ်းချမ်းရေး၊ တည်ငြိမ်ရေးနှင့် တရားဥပဒေစိုးမိုးရေးတို့ကို ပြန်လည် ထိန်းသိမ်းရန်လုပ်ဆောင် မည်ဟုလည်းဆိုသည်။ ၂၀၁၇ ခုနှစ် ဧပြီလက BBC သတင်းထောက်နှင့် တွေ့ဆုံမေးမြန်းခန်းတွင် ဒေါ်အောင်ဆန်းစုကြည် က မျိုးနွယ်စုအား သုတ်သင်ရှင်းလင်းခြင်း ဟုတ်မဟုတ် မေးခွန်းကို ဖြေကြားရာတွင် “မျိုးနွယ်စုကို သုတ်သင်ရှင်းလင်းနေတာတွေ ဖြစ်နေ တယ်လို့ ကျမတော့ မထင်ဘူး။ ဒီစကားလုံးဟာ လက်ရှိ ဖြစ်ပျက်နေတာတွေ အတွက် အရမ်းကို ပြင်းထန်တဲ့ စကားလုံးလို့ ကျမ ထင်ပါတယ်” ဟု ဖြေသည်။ အခြားနိုင်ငံများက လက်ရှိဖြစ်ပွားနေသော အဖြစ်အပျက်များကို လူမျိုးတုံး သတ်ဖြတ်ခြင်း ဖြစ်သည် ဟု သတ်မှတ် ပြောဆို လျက်ရှိသည်။ ၁၉၄၈ ခုနှစ် ကုလသမဂ္ဂ လူမျိုးတုံး သတ်ဖြတ်မှု တားဆီးအပြစ်ပေးရေး သဘောတူညီချက်အရ ထိုနိုင်ငံတကာ ရာဇဝတ်ပြစ်မှုသည် လူတစုကို သတ်ဖြတ်ခြင်း၊ မွေးဖွားမှု တားဆီးခြင်း၊ ပြင်းထန်သော အန္တရာယ် ဖြစ်စေခြင်းနှင့် ရည်ရွယ်ချက်ဖြင့် ဖျက်ဆီးခြင်း ဟု ဖွင့်ဆိုသည်။ လူမျိုးတုံး သတ်ဖြတ်မှုဆိုတဲ့ စကားဟာ ဥပဒေကြောင်းအရ၊ တရားစီရင်ရေး အရ သုံးသပ်မှုတွေ လိုအပ်တဲ့ အင်မတန် ပြင်းထန်လေးနက်တဲ့ စကားလုံးဖြစ်ပါတယ် ဟု ရခိုင်ပြည်နယ်ဆိုင်ရာ အကြံပေး ကော်မရှင် ဥက္ကဌနှင့် ကုလသမဂ္ဂ အထွေထွေအတွင်းရေးမှူးချုပ်ဟောင်း ကိုဖီအာနန်က ၂၀၁၆ ခုနှစ် ဒီဇင်ဘာလက ရန်ကုန်တွင် ပြောကြားခဲ့သည်။ ဧရာဝတီ အင်္ဂလိပ်ပိုင်းတွင် ဖော်ပြထားသည့် သူသူအောင်၏ Govt Information Committee Objects to UN Terminology on Rakhine ကို ဘာသာပြန်သည်။ The post ကုလသမဂ္ဂ၏ ပြင်းထန်သော အသုံးအနှုန်းများ သတင်းထုတ်ပြန်ရေးကော်မတီ ရှုတ်ချ appeared first on ဧရာဝတီ.
Source : http://ift.tt/2x28n7O
via IFTTT

၀န္ႀကီးခ်ဳပ္ေဟာင္း ယင့္လပ္ကို ရွာေဖြရန္ အင္တာပိုလ္ကို အကူအညီေတာင္းထား

၀န်ကြီးချုပ်ဟောင်း ယင့်လပ်ကို ရှာဖွေရန် အင်တာပိုလ်ကို အကူအညီတောင်းထား လန်ဒန်၌ နိုင်ငံရေး ခိုလှုံခွင့်ရရှိရန် ကြိုးစားနေသည်ဟု သတင်းထွက်နေသည့် ပြည်ပြေး ဝန်ကြီး ချုပ် ဟောင်း ယင့်လပ် ရှင်နာဝပ်အား ရှာဖွေရန် နိုင်ငံတကာရဲတပ်ဖွဲ့ (အင်တာပိုလ်)ကို အကူအညီ တောင်း ထားကြောင်း ကာကွယ်ရေးဝန်ကြီး ပရာဝစ် ဝေါင်ဆူဝမ်၏ ပြောကြားချက်ကို ကိုးကားပြီး CNN သတင်းကဆိုပါတယ်။ ယင့်လပ်၏ ဖုယာ့ထိုင်း ပါတီမှ သတင်းရင်းမြစ်၏ ပြောဆိုချက်အရ သူမဟာ စက်တင်ဘာလ ၁၁ရက် နေ့ကတည်း အာရပ်စော်ဘွားများ ပြည်ထောင်စု(UAE)မှ လန်ဒန်သို့ နိုင်ငံရေးခိုလှုံခွင့် တောင်းခံရန် ထွက်ခွာသွားကြောင်း သိရပါတယ်။ ဒါ့ကြောင့်လည်း ထိုင်း ကာကွယ်ရေးဝန်ကြီး ဗိုလ်ချုပ်ကြီး ပရာဝစ်ရဲ့ စက်တင်ဘာ ၁၇ရက်နေ့က သွား ရောက်တဲ့ လန်ဒန်ခရီးစဉ်မှာ ပြည်ပြေးဝန်ကြီးချုပ်ဟောင်း သက်ဆင် ရှင်နာဝပ်နဲ့ တွေ့ဆုံခဲ့တယ်ဆိုတဲ့ သတင်းတွေလည်း ထွက်ပေါ်လာခဲ့သေးပါတယ်။ ဒါပေမယ့် ထိုင်းကာကွယ်ရေးဝန်ကြီးက ယင့်လပ် လက်ရှိ အင်္ဂလန်မှာ ဘယ်လိုပုံစံနဲ့ နေထိုင်တယ် ဆိုတာကို မသိကြောင်း၊ UAE အာဏာပိုင်တွေကတော့ ယင့်လပ်ရဲ့ နိုင်ငံရေးလှုပ်ရှားမှုတွေကို တား မြစ်ပေးမယ်လို့ စောစောပိုင်းက ကတိပေးကြောင်းဆိုပါတယ်။ ဝန်ကြီးချုပ်ဟောင်း ယင့်လပ်ကို သူမအစိုးရ တာဝန်ကို ယူစဉ်က ဆန်စပါးဝယ်ယူရေး အစီအစဉ်နှင့် ပတ်သက်၍ အဂတိ လိုက်စားမှုနှင့် ဆုံးရှုံးမှုများအတွက် တရားစွဲဆိုထားရာ တရားရုံးစီရင်ချက်ချ မည့်နေ့တွင် တရားခွင်သို့ လာရောက်မရှိတော့ဘဲ၊ နိုင်ငံခြားသို့ ထွက်ပြေးသွားသည့်အတွက် စက်တင်ဘာ ၂၇ ရက်နေ့မှာ မျက်ကွယ်၌ ထောင်ဒဏ် ၅နှစ်ချမှတ်ခံထားရပါတယ်။ The post ၀န်ကြီးချုပ်ဟောင်း ယင့်လပ်ကို ရှာဖွေရန် အင်တာပိုလ်ကို အကူအညီတောင်းထား appeared first on ဧရာဝတီ.
Source : http://ift.tt/2k8Ee0m
via IFTTT

အစားထိုးေျမဧက ရရွိေရး လက္ပံေတာင္းေဒသခံမ်ား ဆႏၵျပ

အစားထိုးမြေဧက ရရှိရေး လက်ပံတောင်းဒေသခံများ ဆန္ဒပြ စစ်ကိုင်းတိုင်းဒေသကြီး၊ လက်ပံတောင်းကြေးနီစီမံကိန်းရှိ ဒေသခံ တောင်သူများသည် သိမ်းဆည်းခံထား ရသည့် မြေယာများအတွက် အစားထိုးမြေဧကရရှိရန် ယနေ့ စက်တင်ဘာလ ၂၉ ရက်နေ့တွင် လူအင်အား ၁၀၀ နီးပါးဖြင့် မိုးကြိုပြင်ရွာမှ စကာ ဝမ်ပေါင်ကုမ္ပဏီ ရုံးရှေ့အရောက် ချီတက်ဆန္ဒပြကြခြင်း ဖြစ်ကြောင်း သိရသည်။ ဒေါ်ရီဝင်းက “ကိုယ်ကတောင်းဆိုနေတာလည်း များနေပြီ။ များတိုင်းလည်း ကိုယ့်ဒေသခံတွေ တောင်းဆိုတဲ့ အချက်အလက်တွေကို သူတို့က တခုမှ ဆောင်ရွက်ပေးခြင်း မရှိတော့ ကိုယ်ပြောနေတာတွေက အပိုတွေလို ဖြစ်နေတယ်။ ဒါပေမယ့် ကိုယ့်တောင်သူ လယ်သမားတွေကတော့ မြေယာရှိမှ အလုပ်ဖြစ်မှာမို့လို့ မြေအစားထိုး ပြန်ပေးမယ်ဆိုရင်တော့ မြေကိုပဲ လိုချင်ပါတယ်လို့ပြောချင်ပါတယ်။ စုံစမ်းစစ်ဆေးရေး အစီရင်ခံစာထဲမှာပါတဲ့ မြေဧက ၁၉၀၀ ကို ဖော်ဆောင်ပေးရမယ် ဆိုတဲ့အချက်ကို တောင်းဖို့ပါ” ဟုပြောသည်။ ဒေသခံများသည် အစီရင်ခံစာတွင်ပါဝင်သော အစားထိုးမြေ ဧက ၁၉၀၀ ဖော်ထုတ်ပေးရန် ၊ အစီရင်ခံစာအား မလိုက်နာသည့် လက်ပံတောင်းတောင်ကြေးနီစီမံကိန်းအား စစ်ဆေးအရေးယူပေးရန် နှင့် လက်ပံတောင်းတောင်ကြေးနီစီမံကိန်းအား ရပ်ဆိုင်းပေးရန် စသည့်အချက် ၃ ချက်ကို တောင်းဆိုခဲ့သည်။ စစ်ကိုင်းတိုင်း ဆားလင်းကြီးမြို့နယ် ပြည်နယ်လွှတ်တော် ကိုယ်စားလှယ် ဒေါက်တာသိန်းနိုင်က “အစားထိုးမြေဧက ရှိတဲ့နေရာက ကျောက်ကုန်းတွေ၊ သစ်တောမြေတွေ အစိုးရက အစားထိုးပေးလို့တော့ ရတာပေါ့။ ဒီမြေတွေကို စိုက်ဖို့ဆိုတာကလည်း စိုက်လို့မှ မဖြစ်တဲ့မြေတွေ စိုက်ဖြစ်အောင် ပြင်ပေးရင်တော့ အဆင်ပြေမှာ။ ဒါပေမယ့်လည်း စိုက်နိုင်ရင်တောင် ဒေသခံတွေက ဝေးလို့သွားမစိုက်နိုင်ဘူး။ အနီးမှာတော့ ဖော်ထုတ်စရာမြေတွေက အစိုးရအနေနဲ့ မရှိဘူး” ဟု ဧရာဝတီသို့ပြောသည်။ ယနေ့ ဆန္ဒပြတောင်းဆိုခြင်းကို ဒေသခံများက ခွင့်ပြုမိန့်တင်ထားသဖြင့် ခွင့်ပြုထားကြောင်း ဆားလင်းကြီး မြို့နယ် အုပ်ချုပ်ရေးမှူး ဦးအောင်မြင့်ထွန်းက ဧရာဝတီသို့ ပြောသည်။ ၂၀၁၃ ခုနှစ် မတ်လ ၁၁ ရက်နေ့က ဒေါ်အောင်ဆန်းစုကြည် ဦးဆောင်ခဲ့သည့် လက်ပံတောင်းတောင် ကြေးနီစီမံကိန်း စုံစမ်းစစ်ဆေးရေးကော်မရှင်မှ ထွက်ပေါ်ခဲ့သော အစီရင်ခံစာ၌ သဘာဝပတ်ဝန်းကျင် ကို မထိခိုက်စေသည့် စံချိန်စံညွှန်းများနှင့် စီမံကိန်းကို ဆက်လက်လုပ်ကိုင်မည်ဖြစ်ကြောင်း၊ ဒေသခံ များကို ကာလပေါက်ဈေးအတိုင်း မြေယာလျော်ကြေးပေးရန်နှင့် ဒေသအတွင်း အသေးစားနှင့် အလတ်စားလုပ်ငန်းများ လုပ်ကိုင်နိုင်ရေး အခွင့်အလမ်းများဖန်တီးပေးရန် စသည့်အချက်များ ပါဝင်ခဲ့ သည်။ လက်ပံတောင်းတောင်ကြေးနီစီမံကိန်းကို တပ်မတော်ပိုင် မြန်မာ့စီးပွားရေးဦးပိုင်ကော်ပိုရေးရှင်းနှင့် တရုတ်နိုင်ငံသားပိုင် ဝမ်ပေါင် ကုမ္ပဏီ တို့ ပူးပေါင်း၍ Myanmar Wa nbao Mining Copper ltd အဖြစ် ၂၀၁၀ ခုနှစ် မေလတွင် စတင် လုပ်ကိုင်ခဲ့ခြင်းဖြစ်သည်။ The post အစားထိုးမြေဧက ရရှိရေး လက်ပံတောင်းဒေသခံများ ဆန္ဒပြ appeared first on ဧရာဝတီ.
Source : http://ift.tt/2xG4Jxo
via IFTTT

၂၀၁၇ ခုႏွစ္မွာ ဘယ္လို ဖိတ္စာဒီဇိုင္းေတြ ေခတ္စားေနလဲ

၂၀၁၇ ခုနှစ်မှာ ဘယ်လို ဖိတ်စာဒီဇိုင်းတွေ ခေတ်စားနေလဲ မကြာခင် ဝါလကင်းလွတ် သီတင်းကျွတ်အချိန်ကာလကို ရောက်တော့မယ်ဆိုတော့ သီတင်းကျွတ် ချိန်ခါမှာ မင်္ဂလာပွဲဆင်နွှဲဖို့ ပြင်ဆင်နေကြတဲ့ မင်္ဂလာမောင်နှံတွေအတွက် မင်္ဂလာပွဲမှာ အဓိက အခန်းကဏ္ဍမှာ မပါမဖြစ် ပထမဆုံး စဉ်းစားရမယ့် မင်္ဂလာဆောင်ဖိတ်စာက အရေးကြီးပါတယ်။ မြန်မာဓလေ့ ထုံးတမ်းအရ ခမ်းခမ်းနားနား ဆင်နွှဲလေ့ရှိတဲ့ မင်္ဂလာပွဲအခမ်းအနားကို လာရောက် ချီးမြှင့်ဖို့ ဖိတ်ကြားတဲ့ “မင်္ဂလာဆောင်ဖိတ်စာ”ကိုလည်း အရင်လို သမားရိုးကျ ပုံစံမျိုး မဟုတ်ဘဲ ယနေ့ခေတ်မှာ အိုင်ဒီယာဆန်းဆန်းနဲ့ ဒီဇိုင်းဆန်းဆန်း ဖန်တီးထားတဲ့ Handmade ဖိတ်စာတွေ ပိုပြီး အသုံးများလာကြပါတယ်။ ယနေ့ခေတ်မှာ အသုံးများလာတဲ့ ဖိတ်စာ ဒီဇိုင်းဆန်းတွေနဲ့ ပတ်သက်ပြီး မန္တလေးမြို့၊ ၄၃ လမ်း၊ ၈၀x၈၁ လမ်းကြားမှာ တည်ရှိတဲ့ “ရွှေဝတ်လွှာ” Handmade ဖိတ်စာလုပ်ငန်းရဲ့ ဖိတ်စာဒီဇိုင်းများ ကိုယ်တိုင်ဖန်တီးသူ ကိုသုတအောင်ကို ဧရာဝတီ အကြီးတန်း သတင်းထောက် သီဟတိုးက မေးမြန်းထားပါတယ်။ မေး။ ။ ဒီနှစ်မှာ ဖိတ်စာတွေ ဘယ်လို ဒီဇိုင်း၊ ဘယ်လို အရောင်တွေ ခေတ်စားလဲ သိချင်ပါတယ်။ ဖြေ။ ။ ဒီနှစ်မှာ ဖိတ်စာတွေက ဘယ်လို ဒီဇိုင်းတွေ ခေတ်စားလဲဆိုရင် Pre-Wedding ပုံတွေကို ဖိတ်စာရဲ့ ကာဗာမှာ တပ်လာကြတယ်။ သူတို့ရဲ့ Pre-Wedding မှာ ရိုက်ထားတဲ့ ပုံလှလှလေးတွေကို ဖိတ်စာမှာ တွဲပြီး သုံးလာကြတယ်။ ဘယ်လို အရောင်တွေ ခေတ်စားလဲဆိုရင် ဒီနှစ်မှာတော့ ပန်းသခွားရောင် အသုံးများကြတယ်။ အစ်ကို့ဆီမှာဆို Baby Pink (ပန်းရောင်) မဟုတ်တဲ့ ပန်းသခွား အရောင်မျိုးကို ဒီနှစ်မှာ သုံးလာကြတယ်။ မေး။ ။ မနှစ်ကနဲ့ ဒီဇိုင်းတွေ ဘာကွာခြားသွားလဲ။ ဖြေ။ ။ မနှစ်ကနဲ့ ဘာကွာခြားသွားလဲဆိုရင် မနှစ်တုန်းက ဖိတ်စာကို စက္ကူပေါ်မှာ လေဆာနဲ့ဖောက်တဲ့ ဒီဇိုင်းတွေ အများဆုံး သုံးကြပြီး ဒီနှစ်မှာဆိုရင် ဇာတွေ၊ ကျောက်တွေနဲ့ သုံးတဲ့ ဖိတ်စာဆိုတာထက် လေဆာဖိတ်စာချင်း အတူတူမှ စက္ကူနဲ့ဖောက်တဲ့ လေဆာမျိုး မဟုတ်ဘဲ သစ်သားပေါ်မှာ လေဆာ ခြစ်ပြီး သစ်သားကနုတ်တွေနဲ့ သုံးတာမျိုး ခေတ်စားလာတယ်၊ သုံးလာကြတယ်။ သစ်သား ကနုတ် ဖိတ်စာလေးတွေကို ရွေးချယ်မှု ပိုများလာတယ်။ မေး။ ။ အစ်ကို့ဆီမှာ မှာတဲ့ Customere တွေက ဘယ်လို ဒီဇိုင်းတွေ မှာတာ အများဆုံးလဲ။ ဖြေ။ ။ ဇာတွေ၊ ကနုတ်တွေနဲ့ ဖိတ်စာတွေအပြင် လေဆာကနုတ် ဖိတ်စာလေးတွေ ဒီနှစ်မှာ မှာတာ များလာကြတယ်။ လေဆာနဲ့ ဖောက်တယ်။ လေဆာ Cutting ဖိတ်စာတွေ အစ်ကို့ကို ပိုပြီး များများ မှာကြတယ်။ အရင်နှစ်တွေတုန်းကလို ဖဲကြိုးတွေ၊ ကျောက်တွေ၊ ဇာတွေ သုံးတဲ့ ဖိတ်စာမျိုးတွေထက် လေဆာဖိတ်စာတွေကို ပိုပြီး မှာလာကြပါတယ်။ “ရွှေဝတ်လွှာ” Handmade ဖိတ်စာလုပ်ငန်းရဲ့ ဖိတ်စာဒီဇိုင်းများ ကိုယ်တိုင်ဖန်တီးသူ ကိုသုတအောင် မေး။ ။ ၂၀၁၇ ရဲ့ Handmade ဖိတ်စာ ရောင်းအားအခြေအနေကို သိချင်ပါတယ်။ မနှစ်ကထက် ပိုများ လာလား။ ဖြေ။ ။ ၂၀၁၇ ရဲ့ ဖိတ်စာ ရောင်းအားအခြေအနေက ဒီနှစ်မှာတော့ ပုံမှန်၊ အခုဆို ဝါကျွတ်တော့မှာ ဆိုတော့ ဝါကျွတ်ကာလ ရာသီမှာ ဒီနှစ်က ဆောင်ကြပါတယ်။ မနှစ်ကထက်တော့ ပိုလာတယ်လို့ ပြောရမယ်။ မနှစ်က ဒီချိန်ဆို အလုပ်အရမ်း မရှုပ်သေးဘူး။ ဒီနှစ်မှာတော့ လုပ်ငန်းက သိသိသာသာ ပိုပြီး လက်ဝင် လာလို့လားမသိဘူး။ ရွေးချယ်မှု ပိုများလာလို့ မနှစ်ကထက်တော့ နည်းနည်း ပိုဝင် လာတယ်။ မေး။ ။ အစ်ကို့ရဲ့ ဖိတ်စာလက်ရာ ဒီဇိုင်းတွေကရော ဒီနှစ်မှာ ဘယ်လို အိုင်ဒီယာအသစ်တွေနဲ့ ဖန်တီးထားလဲ သိချင်ပါတယ်။ ဖြေ။ ။ ဖိတ်စာ လက်ရာတွေကို ဒီနှစ်မှာဆိုရင် အစ်ကို သစ်သားကနုတ် ဖိတ်စာတွေ ထုတ်ထားတယ်။ ပြီးလို့ရှိရင် နောက်ထပ် ဒီနှစ်မှာ ထူးခြားမှုအနေနဲ့က ဒီနှစ်မှာ လက်ထပ်စာချုပ်တွေကို 24K Gold Founder တွေ အသုံးပြုပြီး ဖန်တီးထားတယ်။ အဲဒီခါကျတော့ Customer တွေ၊ မင်္ဂလာမောင်နှံတွေ အနေနဲ့ကလည်း ကြိုက်တယ်၊ ရွေးချယ်စရာများလာတော့ Gold Founder တွေနဲ့ လုပ်ထားတဲ့ လက်ထပ်စာချုပ်တွေကို ပိုပြီး ရွေးလာတယ်။ Pre-Wedding ပုံတွေနဲ့ ဖန်တီးထားတဲ့ ဖိတ်စာတွေ တော်တော်များများကို သူတို့ ကြိုက်ကြတယ်။ သစ်သားကနုတ် ဖိတ်စာတွေ ထူးထူးခြားခြား အကို လုပ်ထားတယ်။ ပြီးရင် Pre-Wedding ကိုပဲ Caricature (ရုပ်ပြောင်ပုံ) ပုံစံ ပြောင်းထားပြီး ဒီဇိုင်းနဲ့ ဖိတ်စာတွေ အစ်ကို ဒီနှစ်မှာ ဖန်တီးထားတယ်။ မေး။ ။ မင်္ဂလာဖိတ်စာကို မင်္ဂလာမဆောင်ခင် ဘယ်လောက် အချိန်ယူပြီး ကြိုတင်မှာယူရပါသလဲ။ ဖြေ။ ။ မင်္ဂလာဆောင် မတိုင်ခင် အချိန်ဘယ်လောက် ယူသင့်လဲဆိုတော့ အချိန်ရမယ်ဆိုရင် သေချာ စိတ်အေးလက်အေး အချိန်ယူပြီး အနည်းဆုံး အစ်ကိုတို့ အချိန် ၂ လလောက် စောပေးထားရင် အဆင်ပြေမယ်။ အဲဒီလိုဆိုရင် အမှားအယွင်းနည်းမယ်။ သေချာ စနစ်တကျ သေသေသပ်သပ်၊ လှလှပပ ဖြစ်နိုင်ဖို့ဆို အချိန် ၂ လလောက် ပေးထားတာ ပိုကောင်းမယ်။ ဒါပေမဲ့ တချို့ Customer တွေကျတော့ အချိန်ဗြုန်းစားကြီး စီစဉ်ရတာဆိုတော့ ချက်ချင်းကြီး မရနိုင်တဲ့၊ အချိန်မပေးနိုင်တဲ့ အခြေအနေမျိုးမှာလည်း အမြန်ဆုံး ရနိုင်အောင် လုပ်ပေးရတာပေါ့။ အနည်းဆုံးတော့ ၂ ပတ်လောက် ကြိုပြောပေးနိုင်ရင် ပိုပြီး အဆင်ပြေပါတယ်။ မေး။ ။ “ရွှေဝတ်လွှာ”မှာ တန်ဖိုးအများဆုံးနဲ့ ဖန်တီးရတာ လက်ဝင်တဲ့ ဒီဇိုင်းက ဘယ်လိုဖိတ်စာမျိုးလဲ။ ဖြေ။ ။ အစ်ကို့ “ရွှေဝတ်လွှာ”မှာ တန်ဖိုးအများဆုံးနဲ့ ဖန်တီးရတာ လက်အဝင်ရဆုံး ဒီဇိုင်းက ဘယ်လို ဖိတ်စာလဲ ဆိုတော့ ၂ ဖက် ဂျက်ထူ အထူကို အခုဆို ဆိုဒ် အကြီးတွေကို လေဆာ Cutting တွေ ပါလာတယ်။ ပြီးရင် သူ့ကို ထည့်တဲ့ဘူးတွေက မြင်နေကျပုံမှန် တထပ်ဘူး မဟုတ်ဘဲနဲ့ အဖွင့်အပိတ် ဘူး ခေါ်မှာပေါ့။ အဲဒီလို အဖွင့်အပိတ် ဘူးတွေနဲ့ ထည့်တဲ့ ဖိတ်စာမျိုးတွေ၊ ပြီးရင် မင်္ဂလာဧည့်ခံပွဲ စာလုံးတွေကို အစ်ကိုတို့ Laser ပြားကို လေဆာ Cutting ဖြတ်ပြီး နာမည်စာလုံး အတိုလေးတွေ ကပ်ကြတယ်။ အဲဒီလို ဖိတ်စာတွေကို ပိုပြီးရွေးလာကြတယ်။ ဇာတွေ ကျောက်တွေအစား လေဆာ Cutting နဲ့ စတဲ့ မင်္ဂလာမောင်နှံ နာမည်အတိုကောက်လေးတွေကို ဖန်တီးပြီး ကပ်တဲ့ ဒီဇိုင်းတွေက လက်လည်း ဝင်တယ်။ ကုန်ကျစရိတ်လည်း ပိုများတယ်။ ခန့်မှန်းတန်ဖိုးဆို ၃၅ဝဝ ပတ်ချာလည် လောက်ထိ ရှိတယ်။ မေး။ ။ မင်္ဂလာပွဲတခုမှာ မင်္ဂလာဝတ်စုံအပြင် မင်္ဂလာဖိတ်စာရဲ့ အခန်းကဏ္ဍက ဘယ်လောက်ထိ အရေးပါလဲ။ ဖြေ။ ။ ဘယ်လောက်အရေးပါလဲ ဆိုရင် မင်္ဂလာဝတ်စုံက မင်္ဂလာပွဲနေ့ကျမှ မြင်တွေ့ရမှာပေါ့နော်။ လာမယ့် ဧည့်သည်တွေက ပထမဆုံး အဆင့်အနေနဲ့က မြင်တွေ့ရမှာ ဖိတ်စာပေါ့နော်။ ဧည့်သည်တွေကို ဖိတ်ကြားမယ့် အဆင့်မှာ ဖိတ်တဲ့ လူကလည်း ဖိတ်ခံရမယ့်သူကို ဘယ်လောက် တန်ဖိုးထားတယ်ဆိုတဲ့ အကြောင်းပြခွင့်ရမယ်။ ပထမဦးဆုံး ဒီ မင်္ဂလာပွဲ ဘယ်လို ခမ်းခမ်းနားနား လုပ်ထားတယ်၊ ရိုးရိုးတန်းတန်းလား၊ ခမ်းခမ်းနားနား ဆောင်မှာလား၊ သမရိုးကျပဲလားဆိုတာက ဖိတ်စာရောက်လာတဲ့ အခြေအနေအပေါ် မူတည်ပြီး လူတွေက ဆုံးဖြတ်ကြတာလေ။ အဲဒီအခါကျ မင်္ဂလာဖိတ်စာက အရေးကြီးဆုံးလို့ အစ်ကို ထင်တယ်။ ဘာလို့လဲဆိုတော့ ပထမဦးဆုံး မင်္ဂလာပွဲတခုအတွက် လာဖို့ လိုအပ်တဲ့နေရာမှာ ဒီဟာက နံပါတ် ၁ ဖြစ်နေတယ်။ အဲဒီတော့ ဒီဖိတ်စာကို ပြီးပြီးရော လုပ်ထားမယ်ဆိုရင် ကိုယ့်မင်္ဂလာပွဲမှာ အဖိတ်ခံရတဲ့ ဧည့်သည်အပေါ် မလေးစားရာ ရောက်တယ်လို့ အစ်ကို မြင်ပါတယ်။ ။ “ရွှေဝတ်လွှာ” Handmade ဖိတ်စာလုပ်ငန်းရဲ့ လိပ်စာကတော့ (၄၃) လမ်း၊ ၇၉ x ၈၀ လမ်းကြား၊ သံလမ်းအနီး၊ မန္တလေးမြို့။ Facebook Page – http://ift.tt/2fWpI7B ဆက်စပ်သတင်းလင့်ခ် – ေခတ္စားလာတဲ့ “Handmade” မဂၤလာေဆာင္ ဖိတ္စာမ်ား The post ၂၀၁၇ ခုနှစ်မှာ ဘယ်လို ဖိတ်စာဒီဇိုင်းတွေ ခေတ်စားနေလဲ appeared first on ဧရာဝတီ.
Source : http://ift.tt/2xKMmZX
via IFTTT

ပန္းခ်ီေက်ာ္ျဖဴစံ ခံစားတင္ျပတဲ့ ဗုဒၶဝင္ပန္းခ်ီကားမ်ား

ပန်းချီကျော်ဖြူစံ ခံစားတင်ပြတဲ့ ဗုဒ္ဓဝင်ပန်းချီကားများ နှစ်ပေါင်း၂၅၀၀ ကျော်ခဲ့ပေမယ့်လည်း ဂေါတမဗုဒ္ဓရဲ့ အဆုံးအမတွေကို အောက်မေ့ ကြည်ညိုသူတွေထဲမှာ ပန်းချီ ကျော်ဖြူစံ လည်း အပါအဝင် ဖြစ်ပါတယ်။ `မြတ်စွာဘုရားဟာ လူသားတွေရဲ့ အသိဉာဏ်ကို ပွင့်လင်းစေသူပါ။ လူသားတွေရဲ့ စိတ်ကို တည်ငြိမ်စေတယ်။ အေးချမ်းစေတယ်’ လို့ ပန်းချီကျော်ဖြူစံ က ဆိုပါတယ်။ ပန်းချီကျော်ဖြူစံဟာ ENLIGHTENMENT လို့ အမည်ပေးထားတဲ့သူ့ရဲ့ ၆ ကြိမ်မြောက် တကိုယ်တော် ပန်းချီ ပြပွဲကို လောကနတ် ပန်းချီ ပြခန်းမှာ စက်တင်ဘာ ၃၀ ကနေ အောက်တိုဘာ ၉ ရက်နေ့ အထိပြုလုပ်သွားမှာ ဖြစ်ပြီး ပန်းချီပြပွဲမှာ ဂေါတမဗုဒ္ဓရဲ့ဘဝဖြစ်တော်စဉ် သရုပ်ဖော် ပန်းချီကားတွေနဲ့ မြန်မာ့ကျေးလက် ဓလေ့သရုပ်ဖော် ပန်းချီကား တချို့ကို ပြသသွားမှာ ဖြစ်ပါတယ်။ ပန်းချီ ကျော်ဖြူစံ ဟာ မြန်မာနိုင်ငံမှာ ဗုဒ္ဓဝင်သရုပ်ဖော် ပန်းချီကားတွေနဲ့ ဗုဒ္ဓဝင် ရုပ်ပြစာအုပ်တွေကို နှစ်ပေါင်း ၃၀ ကျော် စဉ်ဆက် မပြတ် ရေးဆွဲလာခဲ့သူ တဦး ဖြစ်ပါတယ်။ သူ့ဗုဒ္ဓဝင် သရုပ်ဖော်ပုံတွေကို မြန်မာနိုင်ငံမှာသာ မက အင်ဒိုနီးရှား၊ ဂျပန် စတဲ့ နိုင်ငံတွေမှာ ထုတ်ဝေတဲ့ ဗုဒ္ဓဝင် စာအုပ်တွေမှာလည်း ဖော်ပြကြပါတယ်။ သူ့ရဲ့ ၆ ကြိမ်မြောက် ပန်းချီပြပွဲနဲ့ ပတ်သက်လို့ `ဒီပွဲမှာ အဓိက ပြသသွားမှာကတော့ ဇာတ်တော်ကြီး ဆယ်ဘွဲ့ သရုပ်ဖော် ပန်းချီကားတွေပါ။ ဒီဇာတ်တော်ကြီး ဆယ်ဘွဲ့မှာ လူတွေက မဟော်သဓာ၊ သုဝဏ္ဏသာမ၊ ဝေဿန္တရာ၊ ဇနကစတဲ့ ဇာတ်တော်တွေကိုပဲသိကြတာများတယ်။ ဥပမာ – ဇနက ဇာတ်တော်ဆိုရင် ဇနကမင်းသားကို မေခလာနတ်သမီး ကယ်တာကိုပဲ လူသိများတယ်။ ဇနကမင်းကြီး တောထွက်ခန်း ဆိုရင် ပညာယူစရာ၊ သခန်းစာယူစရာတွေ အများကြီး ပါတယ် ။ အဲဒါကြောင့် ဒီပွဲမှာ တခြားဇာတ်တော်တွေနဲ့ လူတွေ သတိ မထားမိကြတဲ့ ဇာတ်ကွက်တွေကို သရုပ်ဖော်ထား ပါတယ်။ နောက်ပြီး မြန်မာ့ကျေးလက် ရိုးရာဓလေ့ သရုပ်ဖော် ပန်းချီကား တချို့လည်း ပါပါတယ်’ လို့ ပန်းချီ ကျော်ဖြူစံက ပြောပါတယ်။ ပန်းချီကျော်ဖြူစံရဲ့ ENLIGHTENMENTပန်းချီပြပွဲမှ ပန်းချီကားတချို့ ဘုရားဖြစ်တော်စဉ် ဇာတ်တော်ကြီး ဆယ်ဘွဲ့ကို တေ၊ ဇ၊ သု၊ နေ၊ မ၊ ဘူ၊ စန်၊ နာ၊ ဝိ၊ ေ လို့ အတိုကောက် အမှအသား ပြုပါတယ်။ တေမိယဇာတ်၊ ဇနကဇာတ်၊ သုဝဏ္ဏသာမဇာတ်၊ နေမိဇတ်၊ မဟောသဓာဇာတ်၊ ဘူရိဒတ္ထဇာတ်၊ စန္ဒကုမာရ၊ နာရဒဇာတ်၊ ဝိဓူရဇာတ်၊ ဝေဿန္တရာဇာတ်တို့ ဖြစ်ပါတယ်။ ပြပွဲနေ့မှာ ပန်းချီကျော်ဖြူစံရဲ့ ဗုဒ္ဓဝင် သရုပ်ဖော် စာအုပ်တွေ ကိုလည်း ခင်ကျင်းပြသသွားမှာပါ။ ပန်းချီ ကျော်ဖြူစံ ဟာ ဗုဒ္ဓဝင်ပန်းချီကားတွေ ရေးဆွဲနိုင်ဖို့ အတွက် ဗုဒ္ဓစာပေကို အထူးကျွမ်းကျင်တဲ့ ရဟန်းပုဂ္ဂိုလ်၊ လူပုဂ္ဂိုလ်တွေကို မေးမြန်းခဲ့ရသလို ဗုဒ္ဓစာပေနဲ့ သမိုင်း စာအုပ်တွေကိုလည်း ဖတ်ရှု လေ့လာခဲ့ရပါတယ်။ `ဗုဒ္ဓမြတ်စွာ ပွင့်ခဲ့တာ အိန္ဒိယမှာ။ ဒါပေမယ့် ဗုဒ္ဓဝင် သရုပ်ဖော်ပန်းချီကားမှာတော့ ခေတ်အခြေအနေနဲ့ ဝတ်စားဆင်ယင်မှု ကို ကုန်းဘောင်ခေတ်ဟန် အတိုင်း ရေးဆွဲထားပါတယ်။ ဝိဒူရအမတ်ကြီးကို ရေးဆွဲတဲ့အခါမှာလည်း အမတ်ကြီးရဲ့ ဝတ်စုံဟာ အနီရောင်လား၊ အစိမ်းရောင်လား ဆိုတာကိုမမှားဖို့ လိုပါတယ်။ အဲဒီလို အခါမျိုးမှာ ကျွမ်းကျင်တဲ့ ဆရာကြီးတွေကို မေးမြန်းရပါတယ်’ လို့ ဆိုပါတယ်။ ENLIGHTENMENT ပန်းချီပြပွဲမှာ ပန်းချီကားပေါင်း ၃၆ ကား ပြသသွားမှာ ဖြစ်ပြီး ပန်းချီကား ဈေးနှုန်းတွေကတော့ ဒေါ်လာ ၅၀၀ ကနေ ၁၃၀၀ အထိ သတ်မှတ်ထားပါတယ်။ The post ပန်းချီကျော်ဖြူစံ ခံစားတင်ပြတဲ့ ဗုဒ္ဓဝင်ပန်းချီကားများ appeared first on ဧရာဝတီ.
Source : http://ift.tt/2kbtwq7
via IFTTT

ေတာင္ဒဂုံ ကေလး ၃ ေယာက္အမႈ ကြင္းလုံးကြၽတ္လြတ္ေျမာက္

တောင်ဒဂုံ ကလေး ၃ ယောက်အမှု ကွင်းလုံးကျွတ်လွတ်မြောက် ဒဂုံမြို့သစ် (တောင်ပိုင်း)မြို့နယ်၊ အောင်ဗောဓိဘုရားဝင်းအတွင်းရှိ အလှူခံပုံးအတွင်းမှ ငွေ ၃၀၀ ကျပ် ယူသည်ဆိုကာ ကလေး ၃ ဦးအား ဂေါပက တဦးမှ ရဲလက်အပ်၍ တရားစွဲဆိုခဲ့သည့်အမှုမှာ စက်တင်ဘာ ၂၈ ရက် ညနေပိုင်းတွင် ကွင်းလုံးကျွတ်လွတ် မြောက်သွားပြီဖြစ်ကြောင်း သိရသည်။ “၁၈ ရက်မှာ ရဲစခန်းကနေပြီးတော့ ဥပဒေအကြံတောင်းတင်တယ်။ မနေ့က အကြံတောင်း ပြန်ကျပါတယ်။ ပုဒ်မ ၃၇၉ နဲ့ စပ်လျဉ်းပြီး ကလေးငယ်တွေကို စွဲချက်တင်ထားတဲ့အမှုဟာ တင်ရန်မသင့်ပါလို့ ဆုံးဖြတ်တာဖြစ်တဲ့အတွက် ကလေးငယ် တွေရဲ့အမှုဟာ ဥပဒေရုံးမှာတင် ဆုံးဖြတ်သွားပြီး ကွင်းလုံးကျွတ် လွတ်မြောက်သွားပါတယ်ဆိုတဲ့အကြောင်းကို တောင်ဒဂုံ မြို့နယ် ရဲစခန်းမှူးကြီးကနေ ကျနော်တို့ကို အသိပေးအကြောင်းကြားလာတာပါ ” ဟုု အမှုအား လိုက်ပါကူညီဆောင်ရွက် ပေးနေသူ တောင်ဒဂုံမြို့နယ် လွှတ်တော်ကိုယ်စားလှယ် ဦးညီညီက ဧရာဝတီကို ပြောသည်။ အဆိုပါ ကလေးငယ် ၃ ဦးသည် စက်တင်ဘာ ၁၃ ရက် ညနေတွင် အောင်ဗောဓိဘုရားဝင်းအတွင်း ထားရှိသော အလှူခံပုံး အတွင်းမှ ငွေ ၃၀၀ ကျပ်ကို အမွှေးတိုင်ဖြင့် ကော်ထုတ်ယူနေသည်ကို တွေ့ရှိခဲ့သောကြောင့် ဂေါပကလူကြီးမှ ရဲလက်သို့ အပ်ခဲ့ခြင်းဖြစ်သည်။ သက်ဆိုင်ရာမိဘများကို ရဲစခန်းမှ ခေါ်ယူသတိပေးပြီး မိဘထံပြန်အပ်ခဲ့သော်လည်း ဂေါပကလူကြီးက မကျေနပ်သဖြင့် ၎င်းကိုယ်တိုင် တရားလိုပြုလုပ်ကာ ပုဒ်မ ၃၇၉(ခိုးမှု)ဖြင့် အမှုဖွင့်ခဲ့ပြီးနောက် ကလေး ၃ ဦးကို ပြန်လည်ခေါ်ယူကာ ရဲစခန်း တွင် ချုပ်ထားပြီးနောက် သန်လျင်လူငယ်သင်တန်းကျောင်း ပို့ဆောင်ခဲ့ရာ စာမေးပွဲဖြေဆိုရန်ရှိသဖြင့် ခွင့်ယူထားခြင်းဖြစ် သည်။ ကလေးငယ် ၃ ဦးအား ပုဒ်မ ၃၇၉ ဖြင့် မတရားစွပ်စွဲထားမှုများ ဖယ်ရှားပေးရေးနှင့် တရားစွဲဆိုခဲ့သည့် ဂေါပလူကြီး နှုတ် ထွက်ပေးရေးအတွက်ကို ရပ်ကွက်နေပြည်သူများက နှစ်ကြိမ်တိတိ ဆန္ဒဖော်ထုတ်မှုများ ရှိခဲ့ကြောင်း သိရသည်။ The post တောင်ဒဂုံ ကလေး ၃ ယောက်အမှု ကွင်းလုံးကျွတ်လွတ်မြောက် appeared first on ဧရာဝတီ.
Source : http://ift.tt/2ycpYtM
via IFTTT

မိသားစုသုံး MVP ေမာ္ဒယ္ 2018 ထုတ္ Honda Odyssey

မိသားစုသုံး MVP မော်ဒယ် 2018 ထုတ် Honda Odyssey မိသားစုသုံး မော်ဒယ်ဖြစ်တာနဲ့အညီ အတွင်းခန်း ကျယ်ဝန်းအောင် အလေးပေး ဖန်တီးလာပြီး အခု မော်ဒယ်မှာ ထူးခြား ချက်က နောက်ဘက် ခရီးသည် ထိုင်ခုံတန်းကို ခေါက်သိမ်းနိုင်ရုံတင် မဟုတ်ဘဲ စိတ်ကြိုက်အနေအထားထိအောင် ပြင်ဆင် နိုင်ဖို့ ဖန်တီးထားတာ တွေ့ရပါတယ်။ ယာဉ်ပေါ်ပါ ခရီးသည်တွေအတွက် လုံခြုံစိတ်ချရမှုစနစ်အပိုင်းမှာ နောက်ဆုံးပေါ်နည်းပညာတွေရော ဇိမ်ခံမော်ဒယ်တွေမှာ ပါ တပ်ဆင်ထည့်သွင်းလေ့ရှိတဲ့ အလိုအလျောက် အကူအညီပေးစနစ်တွေကိုပါ ထည့်သွင်းဖန်တီးထားတာ တွေ့လာရပါ တယ်။ အင်ဂျင်စနစ်မှာ V6 အင်ဂျင်က စွမ်းအင်ထုတ်လုပ်နိုင်မှုရော ရုန်းအားပါ ကောင်းမွန်လာသလို လက်ကိုင်ပိုင်းကလည်း မြန် နှုန်းမြင့် မောင်းနှင်နိုင်မယ့် မော်ဒယ်မဟုတ်သည့်တိုင်အောင် လမ်းကြောင်းစုံမှာ အထူး တည်ငြိမ်အောင် ဖန်တီးထား တာ တွေ့ရပါတယ်။ ပြီးတော့ Elite မော်ဒယ်ခွဲအသစ် ထွက်လာပြီး ရွေးချယ်ဖို့ အသင့်ဆုံး မော်ဒယ်ကောင်းတခု ဖြစ်လာပါ တယ်။ နောက်ဘက် ဝန်တင်ခန်း နည်းနည်း ကျဉ်းချင်နေပါတယ်။ တခု ခံသာတာက နောက်ဘက် ခရီးသည်ထိုင်ခုံတန်းကို စိတ် ကြိုက် ပြင်ဆင်နိုင်လို့ ဝန်တင်ဆောင်နိုင်မှု မဆိုးပါဘူး။ တတိယထိုင်ခုံတန်းလည်း ထည့်သွင်းဖန်တီးထားပေမယ့် အဆိုပါ ထိုင်ခုံတန်းကို အသိမ်း၊ အထုတ်အပိုင်းမှာ Power နဲ့ မ သွားဘဲ လက်နဲ့ သွားရမှာ ဖြစ်လို့ အဆင့်မြင့် မော်ဒယ်အဖြစ် သတ်မှတ်ဖို့ ခက်စေပါတယ်။ ပြီးတော့ ပတ်လည်ကင်မရာ စနစ် မရနိုင်တာတခုက ကိုယ်ထည်ကြီးတဲ့ MPV မော်ဒယ်တခုအတွက် အားနည်းချက် ဖြစ်နေစေပါတယ်။ အခုနှစ်၂၀၁၈ မော်ဒယ်ကို အားလုံးနီးပါး အသစ်ဖြစ်အောင် ပြန်လည် ပြင်ဆင်ထုတ်လုပ်ထားတာ တွေ့ရပါတယ်။ ဒုတိယ ထိုင်ခုံတန်းမှာ သိသာတဲ့ဒီဇိုင်းရော ခေါက်သိမ်းနိုင်မှု အားကောင်းအောင် ဖန်တီးလာတယ်။ အင်ဂျင်က စွမ်းအင်ထုတ်လုပ်မှု ပိုကောင်းလာတယ်၊ လက်ကိုင်စနစ် တည်ငြိမ်မှု ပိုလာတယ်၊ တန်ဖိုးသင့်မော်ဒယ် ဖြစ်ပေ မယ့် ဇိမ်ခံမော်ဒယ်တွေက နည်းပညာပိုင်း ထည့်သွင်းဖန်တီးမှုတွေ တွေ့လာရပါတယ်။ Elite မော်ဒယ်ခွဲသစ် ရွေးချယ်နိုင် စရာ ပိုထုတ်လာပါတယ်၊ အခုနှစ် Odysseyကို ရွေးချယ်နိုင်စရာ မော်ဒယ်ခွဲ ၆ခုထိရအောင် ဖန်တီးထားတာ တွေ့ရပါတယ်။ LX, EX, EX-L, EX-L Navi & RES, Touringနဲ့ Eliteတွေ ဖြစ်ပါတယ်၊ ၁၈ လက်မဘီးတွေ၊ နောက်ဘက် ရိုက်ကူးကင်မရာ၊ ရှေ့ဘက်ထိုင်ခုံတွေ က Power နဲ့ သွားတယ်၊ ၅ လက်မ Touch စနစ်နဲ့ မျက်နှာပြင်စနစ်တွေ၊ Bluetooth ချိတ်ဆက်နိုင်မှုနဲ့ စပီကာ ၇လုံး ထည့် ထားပါတယ်။ လျှောတံခါးက Power နဲ့ ဖြစ်လာတယ်၊ Keyless စနစ် သုံးနိုင်လာတယ်၊ Remote နဲ့ အင်ဂျင်စက်နှိုးနိုင်မယ်၊ ယာဉ်မောင်း ထိုင်ခုံကို အနိမ့်၊ အမြင့် ချိန်ညှိနိုင်မှုက Power နဲ့ ဖြစ်လာတယ်၊ ရှေ့ဘက်ထိုင်ခုံတွေက အပူပေးစနစ် ပါလာတယ်၊ နောက် ဘက်တံခါးတွေမှာ နေကာတွေ ပါလာတယ်၊ ၈ လက်မ Touch စနစ် ပြသမျက်နှာပြင်စနစ်၊ လမ်းကျဉ်းအချက်ပြစနစ်တွေ ပါလာပါတယ်။ အင်ဂျင်စနစ်ကတော့ တခုတည်း ဖြစ်ပြီး သူက ၃.၅လီတာသုံး V6အင်ဂျင် ဖြစ်ပြီး ရုန်းအား ၂၆၂ပေါင်-ပေမှာ မြင်းကောင် ရေ ၂၈၀ အား ထိအောင် ထွက်ရှိလာပါတယ်။ အရင်နှစ် မော်ဒယ်ထက် စွမ်းဆောင်ရည် တော်တော်လေး ကောင်းလာပါတယ်။ ရှေ့ဘီးယက်စနစ်နဲ့ ဖြစ်ပြီး ၉ ချက်သုံး Auto နဲ့ သွားပါတယ်။ Touring နဲ့ Elite မှာတော့ ၁၀ ချက်သုံး Auto နဲ့ သွားပါတယ်။ LX ကတော့ ၇ယောက်စီး မော်ဒယ် ဖြစ်ပေမယ့် ကျန်မော် ဒယ်တွေ အားလုံးက ၈ယောက်စီးပါ။ နိုင်ငံတကာဈေးကွက်မှာတော့ မော်ဒယ်ကို ဒေါ်လာ ၃၀၄၅၀ ကနေ ၄၅၉၂၅ အတွင်း မော်ဒယ်ခွဲအပေါ် မူတည်ရောင်းချ နေ တာ တွေ့ရပြီး ပြည်တွင်း ဈေးကွက်မှာလည်း ကားသစ်တွေပဲ ဦးစားပေး တင်သွင်းခွင့် ပုံစံ မူဝါဒအရ မော်ဒယ်သစ်ကို စီး နင်းမှု များလာနိုင်ပါတယ်။ www.edmunds.com The post မိသားစုသုံး MVP မော်ဒယ် 2018 ထုတ် Honda Odyssey appeared first on ဧရာဝတီ.
Source : http://ift.tt/2x1pxSZ
via IFTTT

ေရာင္းအား မျပည့္၍ ဝန္ထမ္းမ်ား ကတုံးတုံး ရျခင္းမဟုတ္ဟု Oppo တာဝန္ရွိသူမ်ား ရွင္းလင္း

ရောင်းအား မပြည့်၍ ဝန်ထမ်းများ ကတုံးတုံး ရခြင်းမဟုတ်ဟု Oppo တာဝန်ရှိသူများ ရှင်းလင်း Oppo ဖုန်းကုမ္ပဏီအနေဖြင့် သတ်မှတ်ရောင်းအား မပြည့်၍ ယောက်ျားလေး ဝန်ထမ်းများအား ကတုံးတုံး အပြစ်ပေးခဲ့သည် ဆိုခြင်းမှာ မဟုတ်ကြောင်း ရန်ကုန်ရုံးမှ တာဝန်ရှိသူများက ယမန်နေ့က မော်လမြိုင်မြို့သို့ လာရောက် ရှင်းလင်း ပြောဆိုသည်။ “ကျနော်ကနေ တိုက်ရိုက်ညွှန်ကြားပြီး မင်းတို့ ဒါလုပ်ရမယ် ၊ မင်းတို့ ကတုံးတုံး ရမယ်ဆိုတဲ့ဟာမျိုး လည်း မရှိဘူး၊ ကတုံး တုံးတယ်ဆိုတဲ့ အဖြစ်ကတော့ ရှိတယ်၊ Oppo ရုံးချုပ်ကနေ မင်းတို့ ဒါလုပ်ရ မယ်လို့ ပေးတာ မဟုတ်သလို သူ့တို့ကိုလည်း သူတို့ အကြီးအကဲက ဒါလုပ်ပါလို့ ခိုင်းစေတာလည်း မဟုတ်ဘူး” ဟု Oppo မြန်မာရုံးချုပ်မှ ပြင်ပဆက်ဆံရေး တာဝန်ခံ (PR Specialist ) ကိုဝေဖြိုးအောင် က မော်လမြိုင် မြန်မာပြည်တောင်ပိုင်း ဂျာနယ်လစ်ကွန်ရက်ရုံး၌ လာရောက်၍ ရှင်းလင်းပြောဆိုသည်။ ပြီးခဲ့သည့် စက်တင်ဘာ ၂၇ရက်နေ့က Oppo မြန်မာ မော်လမြိုင်ရုံး အရောင်းမြှင့်တင်ရေး ဝန်ထမ်း မခင်ထက်ထက်လွင် မှ အလုပ်သမားအခွင့်အရေး ချိုးဖောက်ခံရမှုများနှင့် ပတ်သက်၍ မြန်မာပြည် တောင်ပိုင်း ဂျာနယ်လစ် ကွန်ရက်ရုံးသို့ လာ ရောက် ပြောဆိုခဲ့သည့်အပေါ် ကုမ္ပဏီတာဝန်ရှိသူများက ယခုကဲ့သို့ ပြန်လည်၍ ရှင်းလင်းခဲ့ခြင်းဖြစ်သည်။ မခင်ထက်ထက်လွင်က “အကြောင်းပြချက် မရှိဘဲ အလုပ်ထုတ်တယ်၊ အလုပ်ထုတ်ခံရတဲ့အထဲမှာ ညီမအပါအဝင် ၁၄ ဦး ပါတယ်၊ သူတို့ အကြောင်းပြချက်ပေးတာက ရောင်းအားကျလို့ တခုပဲ ပြောတယ် တခြား ဘာတခုမှ မပြောဘူး၊ လွှတ်တော် တိုင်ထားတာကတော့ အကြောင်းပြချက် မရှိဘဲ အလုပ်ထုတ်တာ ၊ သတ်မှတ်ချက် မပြည့်ရင် ကတုံးတုံးတာ စတဲ့ အချက် ၄ ချက်နဲ့ တိုင်ထားတယ်” ဟု ပြောဆိုခဲ့ခြင်းဖြစ်သည်။ ထို့အပြင် မွန်ပြည်နယ် လွှတ်တော်တိုင်စာ အသနားခံစာနှင့် အထွေထွေကိစ္စရပ်များ စုံစမ်းရေး ကော်မီတီဆီသို့လည်း မော်လမြိုင် Oppo ရုံးမှ တာဝန်ရှိသူများ အနေဖြင့် အကြောင်းပြချက် မရှိဘဲ အလုပ်ထုတ်ခြင်း၊ အလုပ်ချိန် အကန့်အသစ် မရှိဘဲ ခိုင်းစေနေခြင်း၊ ဝန်ထမ်းများအား အလုပ်သမား စာချုပ်ချုပ် ဆိုထားခြင်း မရှိခြင်း၊ အရောင်းအား မပြည့်၍ ကတုံးတုံး စေခြင်း စသည့်အချက်များကို ပြုလုပ်ခဲ့ကြောင်း ပြီးခဲ့သည့် စက်တင်ဘာ ၂၆ ရက်နေ့၌ တိုင်ကြား ထားခဲ့ပြီး ဖြစ်သည်ဟု သိရသည်။ ရန်ကုန် Oppo ရုံးချုပ်မှ တာဝန်ရှိသူ များ မော်လမြိုင်သို့ လာရောက် ရှင်းလင်းခဲ့စဉ်ဟင်္သာနီ/ဧရာဝတီ Oppo ကုမ္ပဏီ၏ မွန်ဒေသ အရောင်းတာဝန်ခံ ကိုဖြိုးအောင်နှင့် ရန်ကုန်ရုံး ဝန်ထမ်းရေးရာ တာဝန်ခံ ကိုကျော်မင်းကိုတို့ ကမူ အလုပ်ရှင် အလုပ်သမား သဘောတူစာချုပ် မချုပ်ဆိုနိုင် သေးခြင်းမှာ ၃လ အစမ်းခန့် ကာလ၌ ထွက်သွားကြသည့် ဝန်ထမ်းဦးရေများသဖြင့် စာချုပ် ချုပ်ဆိုထားနိုင်ခြင်း မရှိသေးခြင်းကြောင်း ပြန်လည်၍ ရှင်းလင်းခဲ့သည်။ ကတုံးတုံးခဲ့သည်ဆိုခြင်းမှာလည်း သက်ဆိုင်ရာနယ်မြေ အရောင်းတာဝန်ခံ ခေါင်းဆောင်များမှ မိမိတို့ သဘောဆန္ဒ အလျောက် ရောင်းအား မပြည့်ခြင်းအပေါ် တာဝန်ခံလို၍ တုံးခဲ့ခြင်းသာဖြစ်ပြီး အချို့နယ် များ၌မူ ရောင်းအား မပြည့်သည့် အပေါ် ပိုက်ဆံပြန်လျော်ခဲ့ကြကြောင်း ကိုယ်တိုင် ကတုံးတုံးခဲ့သူ မော်လမြိုင် Oppo ရုံးမှ ခေါင်းဆောင်ကိုအေးမင်းက ပြောသည်။ “ကျနော်တို့ ခေါင်းဆောင်ပိုင်းက ညှိနှိုင်းပြီးတော့ မော်လမြိုင်ကို ရောင်းအားတက်အောင် ဘယ်လိုလုပ် မလဲ၊ ကျနော်တို့ ဘာသာ လုပ်ချင်လို့ လုပ်တယ်၊ ဒိုက်ထိုးမယ်ဆိုရင် ထိုးမယ်၊ ဖားခုန်မယ်ဆိုရင် ခုန်မယ်၊ ကတုံးတုံးမယ်ဆိုရင် တုံးမယ် ၊ ဒါဟာ ကျနော်တို့ ဘာသာ ကျနော်တို့ လုပ်တာပါ” ဟု ကိုအေးမင်းက ပြန်၍ ရှင်းပြသည်။ သို့သော်လည်း ဝန်ထမ်းမှ စွပ်စွဲပြောဆိုထားသည့်အတိုင်း အလုပ်သမားများအား အလုပ်မှ ထုတ်ပယ် ထားခြင်း မရှိ ကြောင်းနှင့် ၎င်းတို့ဆန္ဒအလျောက်သာ အလုပ်မဆင်းခြင်းသာ ဖြစ်ကြောင်း မော်လမြိုင် Oppo ရုံးမှ မွန်ဒေသ အရောင်း တာဝန်ခံနှင့် ရန်ကုန် ရုံးချုပ်မှ ဝန်ထမ်းရေးရာ မန်နေဂျာတို့က ပြန်၍ ရှင်းလင်း ပြောကြားခဲ့သည်။ မော်လမြိုင် Oppo ရုံးမှ မွန်ဒေသ အရောင်းတာဝန်ခံ ကိုဖြိုးအောင်က “ဒီလမကုန်ခင် သူတို့ဘာသာ သူတို့ နားသွားတယ်၊ ဝန်ထမ်းအကျႌဝတ်ပြီးတော့ လျှောက်သွားနေတယ်၊ ဒါပေမယ့် အလုပ်မဆင်း ကြဘူး၊ နောက်အစည်းအဝေး ခေါ်တော့ လည်း မလာကြဘူး၊ ထုတ်လိုက်တာ မဟုတ်ဘူး ၊ သူတို့ ဘာသာ သူတို့ မလာတော့တာ” ဟု ကိုဖြိုးအောင်က ပြောသည်။ Oppo မြန်မာ ရန်ကုန်ရုံးချုပ်မှ ဝန်ထမ်းရေးရာ မန်နေဂျာ ကိုကျော်မင်းကိုက “သတ်မှတ်ထားတဲ့ ဝန်ထမ်းအင်္ကျီဝတ်တယ် ၊ ရုံးမလာဘူး၊ အပြင်မှာ ပန်းခြံတွေ သွားတယ်၊ လျှောက်လည်တယ်၊ အလုပ် မလာဘူးလား ဆိုတော့ ထွက်သွားပြီတဲ့၊ ဒီ အတိုင်းပဲ စုပြီး ပြောသွားတယ်၊ စာလည်း မတင်ထားဘူး” ဟု ကိုကျော်မင်းကိုက ပြောသည်။ ထိုကဲ့သို့ အလုပ်သမားအခွင့်အရေး ချိုးဖောက်မှုခံထားရသည်နှင့် ပတ်သက်၍ မွန်ပြည်နယ် လွှတ်တော်သို့ တိုင်ကြား ထားသည့် တိုင်ကြားစာအား လက်ခံ ရရှိထားပြီး ဖြစ်ကြောင်း တိုင်ကြားစာ ကော်မီတီ ဥက္ကဋ္ဌ ဦးအောင်ကျော်သူက ဆိုပါသည်။ ၎င်းကိစ္စအား လွှတ်တော် ဥက္ကဋ္ဌက မွန်ပြည်နယ်လွှတ်တော်၏ အစည်းအဝေး ဆုံးဖြတ်ချက်ဖြင့် ထိုအမှုတွင် တိုင်ကြား ခံထားရသူများအား ဆင့်ခေါ်နိုင်ရန် ညွှန်ကြားထားပြီး ဌာနဆိုင်ရာများနှင့် ပူးတွဲ၍ ဆင့်ခေါ်ရမည် ဖြစ်သဖြင့် လာ မည့် အောက်တိုဘာ ပထမအပတ်ခန့်၌ ထိုတိုင်စာအား စစ်ဆေးသွားရန် ရှိကြောင်း ၎င်းက ဆိုပါသည်။ Oppo မြန်မာမှ မော်လမြိုင် မြို့တွင်း၌ အရောင်းဝန်ထမ်း ၂၈ ယောက်ခန့် ရှိပြီး မွန်ပြည်နယ် တခုလုံး၌ အရောင်းဝန်ထမ်း ၇၃ဦး ရှိသည်။ The post ရောင်းအား မပြည့်၍ ဝန်ထမ်းများ ကတုံးတုံး ရခြင်းမဟုတ်ဟု Oppo တာဝန်ရှိသူများ ရှင်းလင်း appeared first on ဧရာဝတီ.
Source : http://ift.tt/2fwiW7W
via IFTTT

ေမာင္ေတာေဒသ ရွာေတြ႕ ဟိႏၵဴအေလာင္းမ်ားကို ယေန႔ သၿဂိဳလ္

မောင်တောဒေသ ရှာတွေ့ ဟိန္ဒူအလောင်းများကို ယနေ့ သဂြိုလ် ရခိုင်ပြည်နယ် မောင်တောမြို့နယ် ရဲဘော်ကျကျေးရွာမှ ပျောက်ဆုံးသွားသော ဟိန္ဒူဘာသာဝင် ၁၀၀ ကျော်အနက် အလောင်း ၄၅ လောင်းကို ရှာဖွေတူးဖော် တွေ့ရှိခဲ့ရာ ယနေ့ စက်တင်ဘာလ ၂၈ ရက်နေ့ မွန်းလွဲ ၂ နာရီ ၂၀ မိနှစ် အချိန်က ဟိန္ဒူဘာသာဝင်များ၏ ဓလေ့ထုံးတမ်းအရ သဂြိုလ် လိုက်ပြီ ဖြစ်ကြောင်း သတင်း ရရှိသည်။ အဆိုပါ အလောင်းများကို သဂြိုလ်သည့်နေရာသို့ ဟိန္ဒူဘာသာရေးခေါင်းဆောင်များနှင့် သေဆုံးသွားသည့် မိသာစုဝင်များ အပါအဝင် လူပေါင်း ၇၀ ကျော်တက်ရောက်ပြီး ယင်းတို့၏ ဓလေ့ထုံးတမ်းအရ ဆောင်ရွက် လုပ်ကိုင်ကာ သဂြိုလ်ပေးလိုက်ပြီ ဖြစ်ကြောင်း ၎င်းနယ်မြေတွင် တာဝန်ကျနေသော နယ်ခြားစောင့်ရဲတပ်ဖွဲ့မှ ရဲမှူးကြီး ဥက္ကာကို က ဧရာဝတီသို့ ပြောသည်။ ရဲမှူးကြီး ဥက္ကာကို က “ အလောင်းအားလုံးကို ဒီနေ့ပဲ သဂြိုလ်ပါတယ်။ မီးသဂြိုလ်တာပါ ။ သူတို့ရဲ့ ဓလေ့ထုံးတမ်းအရ ဟိန္ဒူဘာသာရေး ခေါင်းဆောင်တွေက ဆောင်ရွက်ပါတယ်။ ကျနော်တို့ကတော့ သူတို့ရဲ့ လိုအပ်ချက်တွေကို ပံ့ပို့ပေးပါတယ်။ သဂြိုလ်တဲ့နေရာကတော့ အဲဒီအလောင်းထားတဲ့ အနီးက နေရာတခုမှာ သူတို့ ထုံးတမ်းအရ လုပ်ကိုင်ဆောင်ရွက်ပြီးတော့ သဂြိုလ်လိုက်တာပါ ” ဟုပြောသည်။ အဆိုပါ ဟိန္ဒူဘာသာဝင် အလောင်းများအား ရှာဖွေ တွေ့ရှိခဲ့ခြင်းမှာ ARSA အကြမ်းဖက်သမားများ၏ တိုက်ခိုက်မှု လုပ်ရပ်များကြောင့် စစ်တွေမြို့သို့ နေရပ်စွန့်ခွာ ထွက်ပြေး ရောက်ရှိနေသည့် မောင်တောမြို့နယ်၊ လေးမိုင်ရွာနေ ဟိန္ဒူဘာသာဝင် ကူညီရေးခေါင်းဆောင် ဦးနီမော်လ် ထံသို့ ဘင်္ဂလားဒေ့ရှ် နိုင်ငံသို့ ရောက်ရှိနေသည့် ရဲဘော်ကျကျေးရွာနေ ဟိန္ဒူဘာသာဝင် အမျိုးသမီးတဦးက ဖုန်းဆက် အကြောင်းကြားချက်အရ ရှာဖွေ တွေ့ ရှိခဲ့ခြင်း ဖြစ်ကြောင်း သိရသည်။ တူးဖော်တွေ့ရှိထားသော အလောင်းများနှင့်ပတ်သက်ပြီး စက်တင်ဘာလ ၂၇ ရက်နေ့တွင် အာဏာပိုင်များက ပြည်တွင်း ပြည်ပ သတင်းမီဒီယာများကို ခေါ်ယူပြသခဲ့သည်။ မောင်တောမြို့နယ် ခမောင်းဆိပ်မြို့ ရဲဘော်ကျ ဟိန္ဒူကျေးရွာနှင့် တောင်ဟိန္ဒူကျေးရွာသားများ ပျောက်ဆုံးနေရာခြင်းကို သိရှိပြီးနောက် သတင်းအရ စက်တင်ဘာလ ၂၄ ရက်နေ့မှ စတင်ပြီး အလောင်းများကို ရှာဖွေခဲ့ရာ စက်တင်ဘာလ ၂၄ ရက်နေ့က ၂၈ လောင်းနှင့် စက်တင်ဘာလ ၂၅ ရက်နေ့က ၁၇ လောင်း ပေါင်း ၄၅ လောင်း တွေ့ရှိခဲ့ခြင်း ဖြစ်သည်။ The post မောင်တောဒေသ ရှာတွေ့ ဟိန္ဒူအလောင်းများကို ယနေ့ သဂြိုလ် appeared first on ဧရာဝတီ.
Source : http://ift.tt/2ybJruw
via IFTTT

Big Bag နဲ႔ အတူ သီခ်င္းဆိုခြင့္ ရလို႔ ဝမ္းသာေနတဲ့ Mary

Big Bag နဲ့ အတူ သီချင်းဆိုခွင့် ရလို့ ဝမ်းသာနေတဲ့ Mary တမူထူးခြားတဲ့ ဆိုဟန်နဲ့ ပရိသတ်ရင်ထဲကို ရောက်ရှိလာတဲ့ အဆိုရှင် Mary က Big Bag နဲ့ အတူတွဲ သီဆိုထားတဲ့ Accident လို့ အမည်ပေးထားတဲ့ သီချင်းလေး မကြာခင် ထွက်လာမှာ ဖြစ်လို့ ရင်ခုန်ပြီး ဝမ်းသာနေပါတယ် လို့ ပြောပါတယ်။ အဲဒီ သီချင်းကို Big Bag ရေးတာပါ။တမူထူးခြားတဲ့ ဆိုဟန်နဲ့ ပရိသတ်ရင်ထဲကို ရောက်ရှိလာတဲ့ အဆိုရှင် Mary က Big Bag နဲ့ အတူတွဲ သီဆိုထားတဲ့ Accident လို့ အမည်ပေးထားတဲ့ သီချင်းလေး မကြာခင် ထွက်လာမှာ ဖြစ်လို့ ရင်ခုန်ပြီး ဝမ်းသာနေပါတယ် လို့ ပြောပါတယ်။ အဲဒီ သီချင်းကို Big Bag ရေးတာပါ။ “Mary က သီချင်း လေ့ကျင့်ရင် Big bag သီချင်းတွေနဲ့ လေ့ကျင့်ခဲ့တာ ဆိုတော့ အခုလို သီချင်းတွဲဆိုခွင့် ရတာကို အသံသွင်း နေရင်းနဲ့တောင် ဒါက အိမ်မက်ကြီးလား ဆိုပြီးတော့ အရမ်း ဝမ်းသာနေတာ” လို့ ပြောပါတယ်။ Mary ဟာ သူမကိုယ်တိုင် ရေးစပ် သီဆိုထားတဲ့ “ဝဲ”၊ “Mask”၊ “3 am” စတဲ့ သီချင်းတွေနဲ့ အွန်လိုင်းမှာ လူသိများလာတာ ဖြစ်ပြီး Big Bag နဲ့ အတူ သီဆိုတားတဲ့ Accident ဆိုတဲ့ သီချင်းကိုလည်း မကြာခင်မှာ အွန်လိုင်းမှတဆင့် ပရိသတ်ဆီ ပို့ဆောင်ပေးမှာ ဖြစ်တယ် လို့ ဆိုပါ တယ်။ အရင်က လွတ်လွတ်လပ်လပ် ပေါ့ပေါ့ပါးပါး နေထိုင်ခဲ့ပေမယ့် အခုလို လူသိများ လာတာကြောင့် အနေအထိုင် ဆင်ခြင်ရတဲ့ အကြောင်းနဲ့ ပတ်သက်ပြီး – “Mary က လွတ်လွတ်လပ်လပ် နေရတာကို ကြိုက်တယ်၊ အခုလို လူတွေသိသွားတဲ့ အတွက် အနေအထိုင် ဆင်ခြင်ရတာတွေ ရှိလာတယ်၊ ဝတ်တာ စားတာက အစ ဂရုစိုက်ရတာတွေ ရှိတယ်” လို့ Mary က ပြောပါတယ်။ လက်ရှိမှာတော့ Mary ဟာ ဂျပန်နိုင်ငံက တက္ကသိုလ်တခုမှာ တက်ရောက် ပညာသင်ယူလျက် ရှိပြီး ကျောင်းပိတ်ရက် တွေမှာ မြန်မာပြည် ပြန်လာပြီး သီချင်းရေး၊ သီချင်းဆို စတဲ့ အနုပညာ အလုပ်တွေ လုပ်နေတာ ဖြစ်ပါတယ်။ တဖက်က ကျောင်းတက်နေဆဲ ဖြစ်တဲ့ အတွက် တကိုယ်တော် အခွေ မစီစဉ်နိုင်သေးဘဲ ရတဲ့ အချိန်အတွင်း သီချင်းလေး တွေကို ပရိသတ် အတွက် ဖန်တီး ပေးနေပြီး ကျောင်းပြီးတဲ့ အခါ အနုပညာ အလုပ်ကို သေသေချာချာ လုပ်ကိုင် သွားမှာ ဖြစ်တယ် လို့လည်း Mary က ပြောပါတယ်။ “ကျောင်းတက်လိုက်၊ ပြန်လာလိုက်နဲ့ပဲ။ စနေ၊ တနင်္ဂနွေဆို ပြန်လာပါတယ်၊ Accident ဆိုတဲ့ သီချင်းလေး ထွက်ဖို့ ရှိပါတယ်။ စီးရီး လုပ်ဖို့ အတွက် အချိန် မရှိသေးဘူး။ ကျောင်းပြီးမှပဲ ပြန်လုပ်ဖြစ်မယ်၊ Mary ကို အားပေးတဲ့ အတွက် ကျေးဇူး တင်ပါတယ်။ Mary သီချင်းတွေကိုလည်း သည်းခံပြီး စောင့်နေပေးပါ။ အချိန်နည်းတဲ့ အထဲမှာ သီချင်းတွေ လုပ်နေရတဲ့ အတွက် လိုအပ်ချက်တွေ ရှိနေခဲ့ရင်လည်း ခွင့်လွှတ်ပေးပါ” လို့ Mary က ပြောပါတယ်။ ။ The post Big Bag နဲ့ အတူ သီချင်းဆိုခွင့် ရလို့ ဝမ်းသာနေတဲ့ Mary appeared first on ဧရာဝတီ.
Source : http://ift.tt/2xCYvy5
via IFTTT

ေမာင္းႏွင္အသုံးျပဳသူမ်ား ေပါ့ဆမႈေၾကာင့္ ယာဥ္မေတာ္တဆမႈမ်ား ျဖစ္ပြားလာ

မောင်းနှင်အသုံးပြုသူများ ပေါ့ဆမှုကြောင့် ယာဉ်မတော်တဆမှုများ ဖြစ်ပွားလာ မြန်မာနိုင်ငံအတွင်း၌ မော်တော်ယာဉ်မီးလောင်မှုများနှင့် ရေယာဉ်မတော်တဆမှုများ ဖြစ်ပွားနေရခြင်းမှာ မောင်းနှင်အသုံး ပြုသူများ၏ ပေါ့ဆမှု၊ သတ်မှတ်စည်းကမ်းများအား တိတိကျကျ မလိုက်နာခြင်း၊ ကြံ့ခိုင်ရေးပိုင်း စစ်ဆေးမှု အားနည်း ချက်များကြောင့် အဖြစ်များနေကြောင်း မြန်မာနိုင်ငံမီးသတ်တပ်ဖွဲ့မှ ဒုတိယညွှန်ကြားရေးမှူး ဦးအောင်ဆွေဝင်းက ပြောသည်။ “နိုင်ငံအတွင်းမှာ အခုနောက်ပိုင်း မော်တော်ယာဉ်အသုံးပြုမှုတွေ အရင်ကထက် ပိုများလာပြီး ယာဉ်မောင်းသူ တော်တော် များများက စည်းကမ်းလိုက်နာမှုအားနည်းတာကို တွေ့နေရတယ်၊ နောက်ပြီး မော်တော်ယာဉ်ကြံ့ခိုင်ရေးပိုင်းကို စစ်ဆေး တာ အလွန်နည်းကြတယ်၊ အထူးသဖြင့် အိမ်စီးကားတွေက ကြံခိုင်ရေးပိုင်း စစ်ဆေးမှု နည်းတာ ပိုများပါတယ်၊ အဲဒီလိုပဲ မြစ်ကြောင်းသွားရေယာဉ်တွေ မတော်တဆမှုဖြစ်ရတာကတော့ သတ်မှတ်စည်းကမ်းတွေကို လိုက်နာမှုအားနည်းလို့ ဖြစ်ရတာ ပိုများပါတယ်”ဟု မြန်မာနိုင်ငံမီးသတ်တပ်ဖွဲ့မှ ဒုတိယညွှန်ကြားရေးမှူး ဦးအောင်ဆွေဝင်းက ပြောသည်။ မြန်မာနိုင်ငံတစ်ဝှမ်းလုံး၌ ၂၀၁၇ ခုနှစ် ဇန်နဝါရီလမှ သြဂုတ်လအထိ ယာဉ်မီးလောင်မှု ၇၉ ကြိမ်ဖြစ်ပွားခဲ့သလို ရေကြောင်းသွားလာရေးကို အဓိကအားထားနေရသည့် ပြည်နယ်နှင့်တိုင်းဒေသကြီးများတွင် ရေယာဉ်မတော်တဆ နစ်မြုပ်မှု ၁၅ ကြိမ်ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့၏ မှတ်တမ်းများအရ သိရသည်။ ၂၀၁၇ ခုနှစ် ဇန်နဝါရီလမှ သြဂုတ်လအထိ ရေယာဉ်မတော်တဆနစ်မြုပ်မှုတွင် စစ်ကိုင်းတိုင်းဒေသကြီးနှင့် ရခိုင်ပြည်နယ် တို့တွင် ၅ ကြိမ်စီ၊ ရန်ကုန်တိုင်းဒေသကြီးတွင် ၂ ကြိမ်၊ တနင်္သာရီ၊ မကွေး၊ ဧရာဝတီတိုင်းဒေသကြီးများ၌ တကြိမ်စီ ပွားခဲ့ပြီး ၄၇ ဦး သေဆုံးခဲ့ကာ ၄ ဦး ဒဏ်ရာရရှိခဲ့ကြောင်း သိရသည်။ ရေယာဉ်နစ်မြုပ်မှုများတွင် ၂၀၁၇ ဖေဖော်ဝါရီ ၁၅ ရက်နေ့က စစ်ကိုင်းတိုင်းဒေသကြီး၊ ကနီမြို့နယ်အတွင်း ချင်းတွင်းမြစ်မှာ ဖြစ်ပွားခဲ့သည့့် အောင်စိုးမိုးကျော် ရေယာဉ်နစ်မြုပ်မှုက လူသေဆုံးမှု အများဆုံးနှင့် ထိခိုက်ပျက်ဆီးဆုံးရှုံးမှု အများဆုံးဟု သိရသည်။ ၂၀၁၇ ခုနှစ် ဇန်နဝါရီလမှ သြဂုတ်လအထိ ဖြစ်ပွားခဲ့သော မော်တော်ယာဉ်မီးလောင်မှုများကြောင့် သေဆုံးသူ ၁၀ ဦးရှိပြီး ဒဏ်ရာရ သူ ၁၂ ဦးရှိကြောင်း၊ ယာဉ်မီးလောင်မှု ၇၉ ကြိမ်တွင် ဧပြီလအတွင်း အများဆုံးဖြစ်ပွားခဲ့ပြီး ၁၆ ကြိမ်ရှိကြောင်း၊ ဇန်နဝါရီလ တွင် ၁၅ ကြိမ်ဖြစ်ပွားခဲ့ပြီး ဒုတိယအများဆုံးနှင့် မတ်လတွင် ၁၄ ကြိမ်ဖြစ်ပွားခဲ့ရာ တတိယအများဆုံး ဖြစ်ပွားခဲ့ကြောင်း သိရသည်။ “မော်တော်ယာဉ်မီးလောင်မှု ဖြစ်ပွားမှုလျော့နည်းလာစေဖို့အတွက် သက်ဆိုင်ရာ တိုင်းနဲ့ပြည်နယ် နယ်နမိတ်အတွင်းမှာ ပူးပေါင်းအဖွဲ့တွေနဲ့ စစ်ဆေးဆောင်ရွက်မှုတွေ လုပ်နေတယ်၊ အဓိကကတော့မော်တော်ယာဉ်တိုင်း မီးသတ်ဆေးဗူး များပါရှိရေးအတွက် စစ်ဆေးမှုတွေ လုပ်နေပါတယ်၊ ကားမီးလောင်မှု ဓါတ်ပုံတွေ ပြပြီးတော့ ဖမ်းဆီးတာ မဟုတ်မျိုး မဟုတ်ဘဲ ပညာပေးမှုတွေ လုပ်ဆောင်နေတယ်”ဟု မန္တလေးတိုင်းဒေသကြီး မီးသတ်ဦးစီးဌာနမှ ညန်ကြားရေးမှူး ဦးသန်းဇော်ဦးက ပြောသည်။ “ကားရဲ့ ဝါယာရိန်းအပိုင်းတွေကို အမြဲစစ်ဆေးဖို့ လိုတယ်၊ ကားမီးလောင်မှု ကြိုတင်ကာကွယ်ဖို့ ယာဉ်တွေမှာ မီးသတ် ဆေးဗူးတွေ မဖြစ်မနေပါရှိဖို့လိုတယ်၊ ဖြစ်လို့ရှိရင် မီးသတ်ဆေးဗူးပါတော့ ဆုံးရှုံးမှု မများနိုင်တော့ဘူးပေါ့၊ ယာဉ်တွေကို အမြဲစစ်ဆေးဖို့ အကြံပြုချင်ပါတယ်” ဟု ဦးသန်းဇော်ဦးက ဆက်လက် ပြောသည်။ မော်တော်ယာဉ် မီးလောင်မှုများ ဖြစ်ပွားရခြင်းမှာ အင်ဂျင်ပိုင်း၊ ကားဝါယာရိန်းပိုင်းနှင့် ဆီပိုက်များမှ ဖြစ်ပွားတတ်ပြီး မော်တော်ယာဉ်အစိပ်အပိုင်းများကို လစဉ်စစ်ဆေးသင့်ကြောင်း၊ မတော်တဆမီးလောင်မှုများဖြစ်ပွားလာပါက အရေးပေါ် ငြိမ်းသတ်နိုင်ရန်အတွက် ယာဉ်ပေါ်တွင် အရည်အသွေးပြည့်မှီသည့် မီးသတ်ဆေးဗူးများ ဆောင်ထားရန်လိုအပ်သည်ဟု သိရသည်။ ပြီးခဲ့သည့် သြဂုတ်လ ၂၂ ရက်နေ့က ရန်ကုန် တိုင်းဒေသကြီး ဒဂုံမြို့သစ်တောင်ပိုင်း၊ တောင်မြောက်လမ်းဆုံ၌ ဂါလံ ၄၀၀၀ ဆံ့ ဆီဘောက်ဆာ မီးလောင်မှုမှ တဆင့် နေအိမ် ၆လုံး၊ မော်တော်ယာဉ် ၇စီး ကူးစက်လောင်ကျွမ်းခဲ့မှု ဖြစ်ပွားခဲ့သေးသည်။ “ကားအဟောင်းတွေဆို ပိုဂရုစိုက်ရတယ်၊ ပိုက်တွေက ဆွေးနေပြီး အပူဒဏ်မခံနိုင်တာ များတယ်၊ အင်ဂျင်က ယိုစိမ့်မှုနဲ့ ဝါယာရိန်းကြောင့် လည်းဖြစ်နိုင်တယ်၊ မော်ဒယ်အသစ်တွေမှာလည်း တီဗွီ၊ ကက်ဆက်နဲ့ဆက်သွယ်တဲ့ ဝါယာရိန်းတွေမှာ အဆင်မသင့်ရင် ရှော့ခ် ဖြစ်တတ်တယ်၊ ကျနော်တို့ နိုင်ငံမှာက တခုခု ပျက်မှ ပြင်ကြတာ၊ သူများနိုင်ငံတွေမှာ ကုမ္ပဏီက အာမခံပေးထားလို့ တလတခါ စစ်ပေးတော့ ကားမီးလောင်မှုဖြစ်တာ နည်းတယ်” ဟု မန္တလေးမြို့၊ TZ ကားပြုပြင်ရေးမှ ကိုသန်း ဇော်က ပြောသည်။ The post မောင်းနှင်အသုံးပြုသူများ ပေါ့ဆမှုကြောင့် ယာဉ်မတော်တဆမှုများ ဖြစ်ပွားလာ appeared first on ဧရာဝတီ.
Source : http://ift.tt/2xI8WlU
via IFTTT

ခါကာဘိုရာဇီ အမ်ိဳးသား ဥယ်ာဥ္ တိုးခ်ဲ႕မည့္ အစီအစဥ္ ေဒသခံမ်ား ကန႔္ကြက္ ဆႏၵျပမည္

ခါကာဘိုရာဇီ အမျိုးသား ဥယျာဉ် တိုးချဲ့မည့် အစီအစဉ် ဒေသခံများ ကန့်ကွက် ဆန္ဒပြ ခါကာဘိုရာဇီ အမျိုးသားဥယျာဉ် တောင်ပိုင်း ဧရိယာ တိုးချဲ့ပြီး ကမ္ဘာ့ သဘာဝ အမွေအနှစ် စာရင်းဝင်အောင် လုပ်မည့် အစီအစဉ်ကို လက်မခံသဖြင့် ကချင်ပြည်နယ် ပူတာအိုခရိုင် အတွင်းက မြို့ ၃မြို့တွင် ဒေသခံ ၁၂,၀၀၀ ကျော်က ကန့်ကွက်ကြောင်း ဆန္ဒ ထုတ်ဖော်ခဲ့ကြသည်ဟု သတင်း ရရှိသည်။ စက်တင်ဘာ ၂၈ ရက်က ကန့်ကွက် ဆန္ဒပြကြသူများတွင် ပူတာအိုမြို့၊ နောင်မွန်မြို့နှင့် မချမ်းဘော့မြို့တို့မှ ရပ်မိရပ်ဖများ၊ ဂျိမ်းဖော့၊ ရဝမ်နှင့် လီဆူ စာပေနှင့် ရိုးရာ ယဉ်ကျေးမှု အသင်းမှ တာဝန်ရှိသူများ၊ ဘာသာရေး ဆရာများနှင့် ဒေသခံများ ပါဝင်ကြသည်။ ပူတာအိုမြို့မှ ဆန္ဒပြသူဦးရေ ၉၇၀၀ ကျော်၊ နောင်မွန်မြို့မှ ဒေသခံ ၁၂၀၀ ကျော် နှင့် မချမ်းဘော့မြို့မှ ၁၇၀၀ ကျော် တို့က ယနေ့ နေ့လယ်ပိုင်းတွင် မြို့များအတွင်း စီတန်းလှည့်လည်၍ ဆန္ဒပြခဲ့ကြခြင်း ဖြစ်သည်။ ဂျိမ်းဖော့စာပေနှင့် ရိုးရာယဉ်ကျေးမှု အသင်း (ပူတာအိုမြို့နယ်) ၏ အတွင်းရေးမှူး ဦးအောင်ခမ်းက “ကျနော်တို့ ပူတာအို က လူ ၉၇၀၀ ကျော်က အဓိက ခါကာဘိုရာဇီ အမျိုးသားဥယျာဉ် ရုံးရှေ့မှာ ဆန္ဒပြတယ်။ ဒုတိယက သစ်တောရုံးရှေ့ကို သွားပြီး ဆန္ဒပြပါတယ်” ဟု ပြောပြသည်။ ကန့်ကွက်ဆန္ဒပြကြသည့် ဒေသခံများက “ခါကာဘိုရာဇီ အမျိုးသားဥယျာဉ်အား တောင်ပိုင်းသို့ တိုးချဲ့၍ ကမ္ဘာ့ သဘာဝ အမွေအနှစ် သတ်မှတ်ရန် ဆောင်ရွက်ခြင်းအား ပြင်းထန်စွာကန့်ကွက်သည်” ၊ “ခါကာဘိုရာဇီ အမျိုးသား ဥယျာဉ် တောင်ပိုင်း သို့ တိုးချဲ့ရေး အလိုမရှိ” ဟူသည့် စာသားများကို မြန်မာ၊ အင်္ဂလိပ် နှစ်ဘာသာဖြင့် ရေးထားသည့် ဆိုင်းဘုတ် များ ကိုင်ကာ ကန့်ကွက်ကြောင်း “တို့အရေး” အော်ကြသည်ဟု သိရသည်။ ခါကာဘိုရာဇီ အမျိုးသားဥယျာဉ် တောင်ပိုင်း တိုးချဲ့နယ်မြေအား ကမ္ဘာ့အမွေအနှစ် နယ်မြေအဖြစ် သတ်မှတ်နိုင်ရန် ရည် ရွယ်ထားသည် ဟူသည့် ကြေညာချက်ကို ၂၀၁၇ ခုနှစ် ဇူလိုင်လ ၂၇ ရက်က အမိန့် ကြော်ငြာစာ အမှတ် (၁၀၃/၂၀၁၇ ) ဖြင့် သယံဇာတနှင့် သဘာဝ ပတ်ဝန်းကျင် ထိန်းသိမ်းရေး ဝန်ကြီးဌာနက ထုတ်ပြန်ထားသည်။ ကြေညာချက်အရ ပူတာအိုခရိုင် ပူတာအိုမြို့၊ နောင်မွန်မြို့နှင့် မချမ်းဘော့မြို့တို့ အတွင်းရှိ သစ်တော ဧရိယာ ၈၉၅,၀၄၀ ဧက ၊ စတုရန်းမိုင်အားဖြင့် ၁၃၉၈ ဒသမ ၅ မိုင် ရှိ အကျယ်အဝန်းကို ခါကာဘိုရာဇီ အမျိုးသား ဥယျာဉ်တောင်ပိုင်း အဖြစ် အစိုးရက ထပ်မံ တိုးချဲ့ရန် စီစဉ်နေကြောင်း သိရသည်။ ဆန္ဒပြကြသည့် ဒေသခံများက ယင်းသို့ ကမ္ဘာ့သဘာဝ အမွေအနှစ် ဝင်အောင် လုပ်မည့် အစီအစဉ်ကို ကန့်ကွက်ရခြင်း သည် အမျိုးသားဥယျာဉ် ဧရိယာ တိုးချဲ့မည့်ထဲတွင် ၎င်းတို့ တောင်ယာ လုပ်ကိုင်နေသည့် မြေနေရာများ၊ ခြံများ၊ ကျွဲနွား များ၏ စားကျက်မြေများ အပြင် ဆေးမြစ်ရှာသူများ၊ တောကောင်လိုက်သူများ သွားလာနေသည့် သစ်တော ဧရိယာများ လည်း ပါဝင်နေခြင်းကြောင့် ဖြစ်သည်ဟု ဦးအောင်ခမ်းက ပြောသည်။ ပူတာအိုဒေသတွင်း နေထိုင်သူအားလုံးအနက် ၈၅ ရာခိုုင်နှုန်းသည် တောတောင်ကို မှီခိုပြီး အလုပ်လုပ်ကိုင် နေကြောင်း၊ ဒေသခံများအနေဖြင့် ကမ္ဘာ့သဘာဝ အမွေအနှစ်ဆိုင်ရာ ဒေသ၏ တားမြစ်ချက် စည်းကမ်းချက်များကို လေ့လာကြည့်ရာ မြေကို တူးဆွ၍ပင် မရသည့် ကန့်သတ်ချက်များ တွေ့ရကြောင်း၊ ထိုတားမြစ်ချက်များက တောတောင်ကို မှီခိုနေသူများ အတွက် ဝင်ငွေနှင့် စားဝတ်နေရေး ပပျောက်သွားမည့် အနေအထားရှိနေသဖြင့် လက်မခံနိုင်ကြောင်းလည်း ဦးအောင်ခမ်း က ဆိုသည်။ ဒေသခံများက တိုးချဲ့ဧရိယာအတွင်း ၎င်းတို့ လုပ်ကိုင်စားသောက်နေသည့် နေရာများ ပါဝင်သွားပါက အစိုးရအနေဖြင့် အလုပ်အကိုင်အခွင့်အလမ်း မည်သို့ ဖန်တီးပေးနိုင်မည်လဲဟု သိရှိရန် ခါကာဘိုရာဇီ အမျိုးသား ဥယျာဉ် အုပ်ချုပ်ရေး ရုံးတွင် သွားရောက်စုံစမ်း မေးမြန်းရာတွင်လည်း တိကျသည့် အဖြေမရရှိဟု ပြောဆိုနေကြသည်။ ဦးအောင်ခမ်းက “ခရီးသွားလုပ်ငန်းဖြစ်လာရင် ဒေသခံတွေ ဝင်ငွေရမယ်လို့သူတို့က ပြောတယ်။ ရန်ကုန်၊ မန္တလေးက လူငယ်တွေနဲ့ ယှဉ်ကြည့်ရင် ပညာရေးမှာ အရမ်းနောက်ကျလို့ Guide လုပ်နိုင်ဖို့ လူတယောက် ထွက်ဖို့ ဆိုတာ ကျနော်တို့ ဒေသမှာ အရမ်းခက်တယ်။ နောက်ဆုံး ဒေသခံတွေက အထမ်းသမားအဆင့်ပဲ ရလာမယ့် ပုံဖြစ်နေတယ်” ဟု ပြောသည်။ ရဝမ် စာပေနှင့် ယဉ်ကျေးမှု ကော်မတီ (မချမ်းဘော့) အတွင်းရေးမှူး ဦးဖေရန်ကလည်း ဒေသခံဌာနေ တိုင်းရင်းသားများ၏ ဘဝရပ်တည်ရေးကို အလေးထားရန် ၊ ဒေသခံများ၏ သဘောထားကို လျစ်လျူမရှုရန် အစိုးရကို ပြောလိုသည်ဟု ဧရာဝတီ ကို ပြောဆိုထားသည်။ ကချင်ပြည်နယ်ဝန်ကြီးချုပ် ဒေါက်တာ ခက်အောင်က ကချင်ပြည်နယ် အစိုးရအနေဖြင့် ခါကာဘိုရာဇီ အမျိုးသား ဥယျာဉ် ကို ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှု အဖွဲ့ (UNESCO) ၏ သဘာဝ အမွေအနှစ်စာရင်း ၂၀၀ ကျော်ထဲတွင် တခု အပါအဝင် ဖြစ်လိုသဖြင့် ပါဝင်နိုင်အောင် ကြိုးစားနေသည်ဟု ဧရာဝတီကို ပြောဆိုထားသည်။ ကချင်နိုင်ငံရေးပါတီများ ညှိနှိုှုင်း ပူးပေါင်းဆောင်ရွက်ရေး ကော်မတီ (KPCC) ၊ ကချင်ပြည်နယ် အတွင်းရှိ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ၊ တိုင်းရင်းသား စည်းလုံးညီညွတ်ရေး ပါတီ ၊ လီဆူ အမျိုးသား ဖွံ့ဖြိုး တိုးတက်ရေး ပါတီ (ဒူးလေးပါတီ) နှင့် ရှမ်း တိုင်းရင်းသားများ ဒီမိုကရက်တစ် ပါတီ (ကျားဖြူ) တို့ကလည်း ခါကာဘိုရာဇီ အမျိုးသားဥယျာဉ် တောင်ပိုင်း တိုးချဲ့မည့် အစီအစဉ်ကို ကန့်ကွက်ကြောင်း သဘောထား ထုတ်ပြန်ထားကြသည်။ ခါကာဘိုရာဇီ အမျိုးသားဥယျာဉ်အား စစ်အစိုးရက ၁၉၉၈ ခုနှစ်မှစ၍ ဂေဟစနစ်နှင့် ဇီဝမျိုးစုံမျိုးကွဲများ၊ သစ်တောနှင့် တောရိုင်း တိရစ္ဆာန်များ ထိန်းသိမ်းရန် အတွက် အမျိုးသား ဥယျာဉ်အဖြစ် သတ်မှတ်ခဲ့ခြင်း ဖြစ်သည်။ The post ခါကာဘိုရာဇီ အမျိုးသား ဥယျာဉ် တိုးချဲ့မည့် အစီအစဉ် ဒေသခံများ ကန့်ကွက် ဆန္ဒပြ appeared first on ဧရာဝတီ.
Source : http://ift.tt/2wYBBiJ
via IFTTT

ဘဂၤလားေဒ့ရွ္ေရာက္ ဒုကၡသည္ ျပန္လက္ခံျခင္းႏွင့္အတူ ႏိုင္ငံသား စိစစ္မႈ ပူးတြဲ ေဆာင္႐ြက္မည္

ဘင်္ဂလားဒေ့ရှ်ရောက် ဒုက္ခသည် ပြန်လက်ခံခြင်းနှင့်အတူ နိုင်ငံသား စိစစ်မှု ပူးတွဲ ဆောင်ရွက်မည် ရခိုင်ပြည်နယ်မှ ဘင်္ဂလားဒေ့ရှ် နိုင်ငံသို့ ထွက်ပြေး တိမ်းရှောင်သွားသည့် ဘင်္ဂါလီ ဒုက္ခသည်များကို ပြန်လည် လက်ခံ ရာတွင် နိုင်ငံသား စိစစ်မှု လုပ်ငန်း အစိတ်အပိုင်း ဖြစ်သည့် နိုင်ငံသား စိစစ်ခံရမည့်သူ သက်သေခံ လက်မှတ် (NVC) ကတ်ပြား ကို ပူးတွဲ ထုတ်ပေးရန် ရှိကြောင်း သတင်း ရရှိသည်။ “သတ်မှတ်ချက်နဲ့ ကိုက်ညီလို့ စခန်းတွေကို ရောက်လာရင် လျှောက်လွှာနဲ့ လူနဲ့ ပြန်ကိုက်ပြီးတော့မှ လက်ခံမှာ။ အဲဒီ အချိန် ကျရင် NVC ကတ်က ရှိတော့ ရှိတယ်။ ပျောက်နေတယ်ဆိုရင် ဒါမှမဟုတ် White Card အပ်ထားတဲ့ မိတ္တူပဲ ရှိတယ်ဆိုရင် အဲဒီလို လက်ခံတဲ့ အချိန်မှာ NVC ကတ်တွေကို အပြီး ပြန်ထုတ်ပေးမယ်”ဟု အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အား ဝန်ကြီးဌာနမှ အမြဲတမ်း အတွင်းဝန် ဦးမြင့်ကြိုင်က ပြောသည်။ ပြန်လာမည့်သူများ အတွက် ဖြည့်ရမည့် ကိုယ်ရေးအချက်အလက် ဖောင်များကို ဘင်္ဂလားဒေ့ရှ် နိုင်ငံသို့ မြန်မာနိုင်ငံမှ ပို့ပေးမည် ဖြစ်ပြီး ယင်းဖောင်များတွင် ဘင်္ဂါလီများက ၎င်းတို့၏ ကိုယ်ရေး အချက်အလက်များ ဖြည့်သွင်း၍ မြန်မာ နိုင်ငံ တွင် နေထိုင်ခဲ့စဉ်က ရရှိထားသည့် ကတ်တခုခု၏ အထောက်အထားကို မိတ္တူစွဲ၍ ပြန်လည် တွဲပို့ပေးရမည် ဖြစ်ကြောင်းလည်း သိရသည်။ “NVC ကတ် ကိုင်ခဲ့သလား။ White Card အပ်ထားတုန်းက အပ်နှံပြေစာတွေ ရှိသလား။ မြန်မာနိုင်ငံမှာ ရှိခဲ့တုန်းက အထောက်အထား တခုုခုကို မိတ္တူကူး တွဲပို့ပြီးတော့ ကျနော်တို့ဆီကို ပြန်ပို့ရမယ်။ အဲဒါကို နိုင်ငံတော်က ဖွဲ့ပေးတဲ့ အဖွဲ့နဲ့ စစ်ဆေးပြီးတော့မှ သတ်မှတ်ချက်နဲ့ ကိုက်ညီတဲ့သူတွေကို ကျနော်တို့က ဘယ်နေ့ ဘယ်ရက်မှာ ဘယ်စခန်းကို လွှတ်ပေး ပါဆိုပြီး ကျနော်တို့က ခေါ်မယ်”ဟု ဦးမြင့်ကြိုင်က ဧရာဝတီသို့ ပြောသည်။ NVC ကတ်ဆိုသည်မှာ နိုင်ငံသား စိစစ်ခံရမည့်သူများ ကိုင်ဆောင်ရမည့် သက်သေခံကတ်ပြား ဖြစ်ပြီး နိုင်ငံသား ကတ် ပြား ရရှိရန်အတွက် မြန်မာပြည်သို့ ရောက်ရှိ နေထိုင်ကြောင်း အထောက်အထား ယူထားသည့် သဘောဖြစ်ကြောင်း သိရသည်။ အဆိုပါ ဒုက္ခသည်များ လက်ခံခြင်းကို ကုန်လမ်းမှ ဝင်လာသူများကို တောင်ပြိုလက်ဝဲမြို့တွင် လည်းကောင်း၊ ရေလမ်း မှ ဝင်လာမည့် သူများကို မောင်တောမြို့နယ် ငါးခူးရ ကျေးရွာတွင် လည်းကောင်း လက်ခံမည် ဖြစ်ပြီး ယင်း လက်ခံရေး လုပ်ငန်းစဉ်အတွက် ကျပ် ၂ ဘီလီယံကျော် သုံးစွဲသွားမည်ဟုလည်း သတင်းရရှိသည်။ “သူတို့ လျှောက်ပြောနေတာ ၃ သိန်းတွေရော ဘယ်လောက်ပဲရှိရှိ သူတို့ ပြောတာပဲ။ ဒီက အထောက်အထားတွေနဲ့ စစ်ပြီးမှ သတ်မှတ်ချက်တွေနဲ့ ကိုက်ညီမှ ကိုက်ညီတဲ့သူတွေ စာရင်း ထုတ်ပြန်မှာ။ ထုတ်ပြန်ပြီးရင် အသုတ်လိုက် စခန်း တွေကို ခေါ်တယ်။ အဲဒီမှာ လျှောက်လွှာထဲမှာပါတဲ့ ကိုယ်ရေး အချက်အလက်နဲ့ ဓာတ်ပုံနဲ့ လက်ဗွေနဲ့ ကိုက်မကိုက် ပြန် စစ်မယ်။ ကျန်းမာရေး စစ်ဦးမယ်။ အဲဒါတွေ စစ်ပြီးမှ လက်ခံတဲ့ အဆင့်ကို ရောက်ပြီဆိုမှ NVC ကတ် ထုတ်ပေးမှာ ဖြစ်ပါတယ်”ဟု လဝက အရာရှိ ဦးမြင့်ကြိုင်က ပြောသည်။ ဒုက္ခသည်များ ပြန်လည် လက်ခံခြင်းကို ဘင်္ဂလားဒေ့ရှ်နှင့် သဘောတူထားသည့်အတိုင်း ၁၉၉၃ ခုနှစ် စာချုပ်အရ လက်ခံ ရာတွင် အစိုးရက သီးသန့် ဖွဲ့စည်းပေးထားသည့် အဖွဲ့တခုဖြင့် ဆောင်ရွက်ပြီး အမြန်ဆုံး အကောင်ထည်ဖော် သွားမည် ဟု လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ဝန်ကြီးဌာန ဝန်ကြီး ဒေါက်တာ ဝင်းမြတ်အေး က ယမန်နေ့က နေပြည်တော်တွင် ပြောသည်။ ရခိုင်အမျိုးသား ပါတီ(ANP)မှ ပြည်သူ့လွှတ်တော် ကိုယ်စာလှယ် ဦးဖေသန်းကမူ “နိုင်ငံတကာ ဖိအားက လျော့သွား အောင် လက်ခံ ရလိမ့်မယ်။ ဒါပေမယ့် နိုင်ငံရဲ့ လုံခြုံရေးနဲ့ တည်ငြိမ်ရေးအတွက် နိုင်ငံသား စိစစ်မယ့် လုပ်ငန်းကို တခါ တည်း လုပ်လိုက်။ ကိုယ့်တိုင်းပြည်ရဲ့ စည်းအပြင်ဘက် ရောက်သွားပြီ ဖြစ်တဲ့အတွက် ဒီအခွင့်အရေးကို အသုံးချပြီး တော့ နိုင်ငံသား စိစစ်ရေးကို လုပ်စေချင်တယ်”ဟု ပြောကြားသည်။ ၁၉၈၂ ခုနှစ် နိုင်ငံသား ဥပဒေကို ယင်းနေရာတွင် တခါတည်း အသုံးချ၍ ဘင်္ဂါလီဟု လက်ခံမှသာ နိုင်ငံသို့ ပေးဝင်ပြီး ရိုဟင်ဂျာ ဆိုလာပါက ဝင်ခွင့်မပြုသင့်ကြောင်း၊ ဘင်္ဂါလီများသည် မြန်မာနိုင်ငံတွင် နေစဉ်ကပင် ရိုဟင်ဂျာ အမည်မခံရ ၍ သန်းခေါင်စာရင်း ကောက်ယူခွင့် မပေးခဲ့ကြောင်း ဦးဖေသန်းက ပြောသည်။ ၎င်းက ဆက်လက်၍ “ကျနော်တို့မှာ စာရင်းအတိအကျ မရှိတော့ တော်တော်ကို ဒုက္ခရောက်တယ်။ ကိုယ့်ဆီက သွား တဲ့ လူရယ်လို့ အထောက်အထားပြဖို့ ဆိုတာ သူတို့ဘက်က ခက်ခဲသလို ကျနော်တု့ိဘက်ကလည်း သူတို့ ပြောသမျှကို လက်ခံဖို့ဆိုတာ ခက်ခဲတယ်။ အဲဒါ အစိုးရရဲ့ အားနည်းချက်။ အခုဘယ်စာရင်းနဲ့ သွားပြီး လက်ခံမှာလဲ”ဟုလည်း ပြောဆို သည်။ မကြာမီ ရက်ပိုင်းအတွင်းတွင်လည်း ရခိုင်အရေးကို အဓိကတာဝန်ယူ ဖြေရှင်းနေသည့် နိုင်ငံတော် အတိုင်ပင်ခံရုံးဝန်ကြီး ဌာန ဝန်ကြီး ဦးကျော်တင့်ဆွေသည် ဘင်္ဂလားဒေ့ရှ်နိုင်ငံသို့ တရားဝင် သွားရောက်ပြီး ဒုက္ခသည် ပြန်လည် လက်ခံရေး ကိစ္စရပ်များ အပါအဝင် ၂ နိုင်ငံကြား ပြဿနာများကို ဆွေးနွေးမည် ဖြစ်ကြောင်း အစိုးရက ပြောဆိုထား သည်။ အစောပိုင်း ရခိုင် အရေးအခင်းများတွင် ထွက်ပြေးသွားသူများမှာ ၃ သိန်းခန့်ရှိပြီး ယခုတဖန် အကြမ်းဖက် တိုက်ခိုက်မှု နောက်ပိုင်း ထပ်မံ ထွက်ပြေးသူများနှင့် ပေါင်းလျှင် ဒုက္ခသည် ၈ သိန်းနီးပါး ရှိနေပြီ ဖြစ်ကြောင်း ကုလသမဂ္ဂနှင့် နိုင်ငံတကာ သတင်းများက ဆိုသည်။ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဒုက္ခသည်လက်ခံရေးကို မြန်မာ-ဘင်္ဂလားဒေ့ရှ် နှစ်နိုင်ငံကြား ၁၉၉၃ ခုနှစ်က သဘောတူညီထားသည့် စာချုပ်ပါ အချက်အလက်များအတိုင်း လိုက်နာ ဆောင်ရွက်မည်ဖြစ်ကြောင်း၊ လုံခြုံရေးနှင့် လူသားချင်းစာနာထောက်ပံ့ရေး ကိစ္စများအတွက်လည်း အပြည့်အဝ အာမခံချက်ပေးမည် ဖြစ်ကြောင်း စက်တင်ဘာ ၁၉ ရက်နေ့ မိန့်ခွန်းတွင် ထည့်သွင်း ပြောကြားထားသည်။ မောင်တောဒေသ ရေရှည်တည်ငြိမ်မှု ရရှိစေရန် လမ်းပန်းဆက်သွယ်ရေး၊ လျှပ်စစ်မီး ရရှိရေးတို့ကို ၂၀၁၈ ခုနှစ် မကုန် မီတွင် အပြီးသတ်မည် ဖြစ်ကြောင်း၊ ကျောက်ဖြူ ရေနက်ဆိပ်ကမ်းကိုလည်း အမြန်ဆုံး အကောင်အထည်ဖော်ရန် ရှိ ကြောင်း၊ နိုင်ငံတကာသို့ သတင်းထုတ်ပြန်နိုင်ရန် အတွက် ဝန်ကြီးဌာနများက Twitter အကောင့်များ ဖွင့်ရန်လည်း ရှိကြောင်း လူမှုဝန်ထမ်း ကယ်ဆယ်ရေးနှင့် ပြန်လည် နေရာချထားရေး ဝန်ကြီးဌာနမှ သိရသည်။ မိုးမိုး ပူးပေါင်း ရေးသားသည်။ The post ဘင်္ဂလားဒေ့ရှ်ရောက် ဒုက္ခသည် ပြန်လက်ခံခြင်းနှင့်အတူ နိုင်ငံသား စိစစ်မှု ပူးတွဲ ဆောင်ရွက်မည် appeared first on ဧရာဝတီ.
Source : http://ift.tt/2wl3pOP
via IFTTT

ကမာၻ႔လွည့္ခရီးသြားမ်ားအတြက္ အေကာင္းဆုံးၿမိဳ႕အျဖစ္ ဘန္ေကာက္ သတ္မွတ္ခံရ

ကမ္ဘာ့လှည့်ခရီးသွားများအတွက် အကောင်းဆုံးမြို့အဖြစ် ဘန်ကောက် သတ်မှတ်ခံရ ကမ္ဘာလှည့် ခရီးသွားအတွက် အကောင်းဆုံးမြို့အဖြစ် ဘန်ကောက်မြို့ဟာ နံပါတ် ၁ နေရာမှာ ရှိနေ ကြောင်း ဘဏ္ဍာရေးဝန်ဆောင်မှု ပြုလုပ်ပေးနေသည့် Mastercard ၏ ထုတ်ပြန်သည့် အစီရင်ခံစာ များ ကို ကိုးကားပြီး Bangkok Post သတင်းကဆိုပါတယ်။ ဘန်ကောက်မြို့ဟာ ကမ္ဘာ့နံပါတ် ၁ နေရာကို ဒုတိယအကြိမ်ရယူခဲ့ခြင်းဖြစ်ပြီး၊ ဒီနှစ်မှာတော့ ခရီးသွား ၂၀. ၂သန်း ဘန်ကောက်မြို့ကို လာရောက်မယ်လို့ ခန့်မှန်းထားပါတယ်။ ယခင် ကမ္ဘာ့လှည့်ခရီးသွားများအတွက် အကောင်းဆုံးမြို့အဖြစ် နံပါတ် ၁နေရာကို ရယူထားတဲ့ လန်ဒန်မြို့ဟာ အခုအခါမှာတော့ ဒုတိနေရာကို ရောက်ရှိသွားပြီး၊ ဒါပေမယ့်လည်း ဒီနှစ်မှာ လန်ဒန်မြို့ ကို ကမ္ဘာလှည့်ခရီးသွား သန်း ၂၀ ကျော်လာဖို့ မျှော်လင့်နေပါတယ်။ တတိယနေရာကို ပြင်သစ်နိုင်ငံ ပါရီမြို့က ရယူထားပြီး ခရီးသွား ၁၆.၁ သန်းလာရောက်ကာ၊ အာရပ် စော်ဘွားများ ပြည်ထောင်စု (UAE)ရဲ့ ဒူဘိုင်းမြို့ကတော့ နှစ်စဉ် ကမ္ဘာ့လှည့် ခရီးသွား ၁၆သန်း လာ ရောက်ကာ စတုထ္တနေရာမှာ ရှိပါတယ်။ စင်ကာပူအနေနဲ့ကတော့ နှစ်စဉ် ကမ္ဘာလှည့်ခရီးသွား ၁၃.၇ သန်းဝင် ရောက်ပြီး ပဉ္စမနေရာကို ရရှိထားပါတယ်။ ကမ္ဘာ့လှည့်ခရီးသွားများ အများဆုံး ငွေကြေးသုံးစွဲမှုမှာတော့ ဒူဘိုင်းမြို့ဟာ ထိပ်ဆုံးမှာရှိပြီး၊ ပြီးခဲ့တဲ့နှစ်က ကမ္ဘာ့လှည့် ခရီးသွား ၁၄.၉သန်းလာရောက်ကာ အမေရိကန်ဒေါ်လာ ၂၈.၅ ဘီလျံ သုံးစွဲခဲ့ကြောင်း၊ ယခုနှစ်မှာတော့ ၁၀.၂ ရာခိုင်နှုန်း တိုးဖို့ မျှော်မှန်းထားကြောင်းသိရပါတယ်။ ဒုတိယ သုံးစွဲတဲ့မြို့ကတော့ နယူးယောက်ခ်မြို့ဖြစ်ပြီး၊ လန်ဒန်မြို့ကတော့ တတိယနေရာမှာရှိကာ့ နံပါတ် ၅ နေရာကိုတော့ ဘန်ကောက်မြို့က ရယူထားပြီး ယခုနှစ်မှာတော့ ၁၄.၀၈ ဘီလျံ ရရှိမယ်လို့ မှန်းထားပါတယ်။ The post ကမ္ဘာ့လှည့်ခရီးသွားများအတွက် အကောင်းဆုံးမြို့အဖြစ် ဘန်ကောက် သတ်မှတ်ခံရ appeared first on ဧရာဝတီ.
Source : http://ift.tt/2y9otMM
via IFTTT

JMC လုပ္ငန္းစဥ္မ်ားကို ျပန္လည္သုံးသပ္ကာ ျပည္ေထာင္စုအဆင့္ အတည္ျပဳခ်က္ရယူမည္

JMC လုပ်ငန်းစဉ်များကို ပြန်လည်သုံးသပ်ကာ ပြည်ထောင်စုအဆင့် အတည်ပြုချက်ရယူမည် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC)၏ လုပ်ငန်းစဉ်များကို ပြန်လည်သုံးသပ် ကာ ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ (JMC-U) အစည်း အဝေး၌ အတည်ပြုချက် ရယူသွားမည်ဟု JMC-U အတွင်းရေးမှူး-၁ ဒေါက်တာရွှေခါးရ်က ပြောသည်။ JMC ပါ ပြဌာန်းချက်များထဲကToR (လုပ်ငန်းလမ်းညွန်ချက်) အပါအဝင် အရပ်သားပါဝင်မှု အခြေအနေများနှင့် လုပ်ငန်း ဖော်ဆောင်မှု အခြေအနေများကို ပြန်လည်၍ ပြန်လည်သုံးသပ်မှု လုပ်သွားရန် စက်တင်ဘာ ၂၃ ရက်က ပြီးစီးခဲ့သော ၁၂ ကြိမ်မြောက် JMC-U အစည်းအဝေးတွင် ချမှတ်ခဲ့ကြောင်းသိရသည်။ “ကျနော်တို့ရဲ့ လုပ်ငန်းတွေကို ပြန်ပြီးတော့ စိစစ်ဖို့ပါ။ အဓိက ကျနော်တို့ရုံးက အကြမ်းတွေ လုပ်နေပါ တယ်။ အဲဒါ မူကြမ်း ထွက်လာတဲ့အခါမှာ တခြားသူတွေရဲ့အယူအဆ ဘယ်လိုရှိလဲ မေးမြန်းမယ်။ ကျနော်တို့ ToR ( လုပ်ငန်းလမ်းညွန်ချက်) တွေက အလုပ်လုပ်တဲ့ နေရာမှာ ဘာတွေ အခက်အခဲရှိလဲ။ ဘယ်လို ပြင်ဆင်ရင် ကောင်းမလဲပေါ့နော်။ သူတို့ အခက်အခဲ တွေ ကျော်လွှားနိုင်အောင် ToR တွေကနေ စပြီးတော့ ပြင်စရာလိုလား၊ အဲဒါတွေ စပြီးလုပ်ရမှာပေါ့နော်”ဟု JMC-U အ တွင်းရေးမှူး-၁ ဒေါက်တာရွှေခါးရ်က ပြောသည်။ ပြန်လည်သုံးသပ်ခြင်း ပြုလုပ်ရန် အတွက် JMC-U အတွင်းရေးမှူး-၁ ဒေါက်တာရွှေးခါရ်နှင့် အတွင်းရေးမှူး-၂ ဗိုလ်မှူးကြီး ဝဏ္ဏအောင်တို့က ဦးဆောင်၍ JMC မှ ခန့်အပ်ထားသောရုံးအဖွဲ့ဝင်များ နှင့် နည်းပညာ အထောက်အကူပြုအဖွဲ့များက ဆောင်ရွက်ကြမည်ဟု ၎င်းက ပြောသည်။ JMC ကို ပြန်လည်သုံးသပ်ရာမှ ရရှိလာမည့် မူကြမ်းအား နိုဝင်ဘာလအတွင်း ကျင်းပမည့် ၁၃ ကြိမ် မြောက် JMC-U အစည်း အဝေး၌ တင်ပြဆွေးနွေး၍ အတည်ပြုချက်များရယူသွား မည်ဖြစ်ကြောင်း သိရသည်။ လက်ရှိရေးဆွဲထားသော JMC ပါ ပြဌာန်းချက်များတွင် တနိုင်ငံလုံးပစ်ခတ်တိုက်ခိုက်မှုရပ်စဲရေး ဆိုင် ရာ သဘောတူစာချုပ် NCA လက်မှတ်ထိုးထားသော လက်နက်ကိုင်အဖွဲ့များနှင့် တပ်မတော်အကြား တိုက်ပွဲများမဖြစ်ပွားလာရေး အပါအဝင် တပ် နေရာချထားမှုများ ပြုလုပ်ရေး၊ အရပ်သားများ လူ့အခွင့်အရေး ချိုးဖောက်မှု မခံရရေး၊ ပြဿနာတစုံတစ်ရာ ဖြစ်ပေါ်လာပါ က စိစစ်အတည်ပြုပေး ရေး စသည့် လုပ်ငန်းစဉ်များကို ဆောင်ရွက်ရန် ပါရှိသည်။ သို့သော် NCA လက်မှတ်ထိုးထားသော ရှမ်းပြည်ပြန်လည်ထူထောင်ရေး ကောင်စီ RCSS နှင့် တပ်မတော် အကြား ရှမ်းပြည်နယ်၊တောင်ပိုင်းနှင့် မြောက်ပိုင်းအတွင်း ၂၀၁၅ ခုနှစ်၊ အောက်တိုဘာ ၁၅ ရက်က NCA လက်မှတ်ထိုးပြီးနောက် ၂၀၁၇ ခု နှစ်၊သြဂုတ်လအထိ ထိတွေ့တိုက်ပွဲ အနည်းဆုံး အကြိမ် ၂၀ ဖြစ်ပွားခဲ့သည်။ အလားတူ NCA ကို ချိုးဖောက်သည်ဟု RCSS နှင့် တပ်မတော်အကြား အပြန်အလှန် စွပ်စွဲပြောဆို နေသော်လည်း မည်သည့်အဖွဲ့က ချိုးဖောက်သည်ဟု JMC မှ စိစစ်အတည်ပြုပေးနိုင်ခြင်း မရှိသေး သကဲ့သို့ ရှမ်းပြည်နယ်အရှေ့ပိုင်း၊ မိုင်းပြင်း ပြည်သူ့စစ်ခေါင်းဆောင် ဦးမြင့်အောင် အသတ်ခံရမှု မည်သူလုပ်ဆောင်သည်ကိုလည်း တိကျသောအဖြေရရှိအောင် ဆောင်ရွက်ပေးနိုင်ခြင်းမရှိသေးကြောင်း သိရသည်။ ထို့ပြင် NCA ထိုးထားသော လက်နက်ကိုင် ၈ ဖွဲ့နှင့် တပ်မတော်အကြား တပ်နေရာချထားရေး NCA လက်မှတ်ထိုးထားမှုမှာ ၂ နှစ်ပြည့်တော့မည် ဖြစ်သည့်တိုင် ဖြေရှင်းဆောင်ရွက်နိုင်ခြင်းမရှိသေး ကြောင်း သိရသည်။ နိုင်ငံရေးလေ့လာသုံးသပ်သူတချို့နှင့် ငြိမ်းချမ်းရေးလုပ်ငန်းစဉ်တွင် ပါဝင်ဆောင်ရွက်နေသူတချို့က JMC သည် ထိတွေ့ တိုက်ပွဲများကို ဟန့်တားနိုင်ခြင်းမရှိသကဲ့သို့ စစ်ရှိန်လျှော့ချနိုင်ရေး ဆောင်ရွက် နိုင်သည့် အခွင့်အာဏာမရှိသည့်အပေါ် သုံးသပ်ရန် လိုအပ်နေကြောင်း အကြံပြုမှုများ ရှိနေသည်။ NCA လက်မှတ်ထိုးနိုင်ရေး အစိုးရနှင့် ညှိနှိုင်းနေသော ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ(UNFC) က အစိုးရ၊ လက်နက်ကိုင်အဖွဲ့များနှင့် အများယုံကြည် လေးစားသော ပုဂ္ဂိုလ်များပါဝင်သည့် JMC တရပ်ကို နှစ်ဖက်သ ဘောတူ လက်ခံနိုင်သည့် နိုင်ငံတကာမှ အစိုးရ ကိုယ်စားလှယ်များဖြင့် ဖွဲ့စည်းသောကြီးကြပ် စောင့်ကြည့်ရေးအဖွဲ့နှင့်အတူ ဖွဲ့စည်းရန် အဆို ပြုထားသော်လည်း သဘောတူညီမှု မရသေးဘဲ ဖြစ်နေကြောင်းသိရသည်။ The post JMC လုပ်ငန်းစဉ်များကို ပြန်လည်သုံးသပ်ကာ ပြည်ထောင်စုအဆင့် အတည်ပြုချက်ရယူမည် appeared first on ဧရာဝတီ.
Source : http://ift.tt/2xF0ORu
via IFTTT

ေအာက္တိုဘာတြင္ ျမစ္ေလးစင္း၌ ျမစ္ေရ ထပ္မံျမင့္တက္ႏိုင္

အောက်တိုဘာတွင် မြစ်လေးစင်း၌ မြစ်ရေ ထပ်မံမြင့်တက်နိုင် မြန်မာနိုင်ငံတွင်း မြစ်ရေကြီးသည့် နောက်ဆုံးကာလဖြစ်သည့် လာမည့် အောက်တိုဘာလတွင် မြစ်လေးစင်းသည် စိုးရိမ်ရေအမှတ် အသီးသီးသို့ ရောက်ရှိနိုင်ပြီး စိုးရိမ်ရေအမှတ် အထက်သို့ ရောက်ရှိနိုင်သည့် မြို့များကို မိုးလေဝသနှင့် ဇလဗေဒ ညွှန်ကြားမှု ဦးစီးဌာန (မိုး/ဇလ) က ယနေ့ ထုတ်ပြန်သည်။ အောက်တိုဘာလတွင် စစ်တောင်းမြစ်ရေသည် တောင်ငူမြို့၊ ဒုဋ္ဌဝတီမြစ်ရေသည် မြစ်ငယ်မြို့၊ ငဝန်မြစ်ရေသည် ငါးသိုင်းချောင်းမြို့၊ မြစ်သာမြစ်ရေသည် ပြင်သာ (ကလေးမြို့) တွင် ၁ ကြိမ်ခန့်စီ ယင်းမြို့များ၏ စိုးရိမ်ရေမှတ် အသီးသီး အထက် ကျော်လွန် ရောက်ရှိနိုင်ကြောင်း စက်တင်ဘာ ၂၈ ရက်တွင် ထုတ်ပြန်သော မိုး/ဇလ ထုတ်ပြန်ချက် တွင် ဖော်ပြထားသည်။ “အောက်တိုဘာမှာ မြစ်တွေအများကြီးတော့ စိုးရိမ်ရေ အမှတ်ကို မရောက်နိုင်သေးဘူး။ ဒုဋ္ဌဝတီ၊ စစ်တောင်း၊ ငဝန်၊ မြစ်သာ ဒီမြစ်တွေလောက်ပဲ စိုးရိမ်ရေ အမှတ်ရောက်ပြီးတော့ ကျန်တဲ့မြစ်တွေကတော့ ရေတော့ ပြန်တက်လာမယ်၊ စိုးရိမ်ရေ အမှတ်ကို သိပ်မရောက်နိုင်ဘူးပေါ့။ စိုးရိမ်ရတဲ့ အနေအထားတော့ မရှိပါဘူး၊ သတိထားဖို့တော့ လိုမယ်” ဟု မိုး/ဇလ ဒု ညွှန်ကြားရေးမှူးချုပ် ဦးကျော်မိုးဦး က ဧရာဝတီ သို့ ပြောသည်။ မြစ်ရေကြီးမှု ဖြစ်စဉ်ကို အောက်တိုဘာလ ၁ ရက်နေ့မှ စတင်ကာ ၃၀ ရက်နေ့ အထိ သတိပြုရမည်ဖြစ်ပြီး မိုးများပါက အထက်ပါ မြစ်လေးစင်းအပြင် ကျန်သည့် မြစ်ငယ် ချောင်းငယ်များတွင်လည်း ရေကြီးရေလျှံမှုများ ဖြစ်ပေါ်နိုင်ကြောင်း ၎င်းက ဆက်ပြောသည်။ အောက်တိုဘာလ မြစ်ရေကြီးနိုင်သည့် မြို့တွင် ကလေးမြို့သည်လည်း သတိထားရမည့် မြို့တွင် ပါဝင်သဖြင့် ကြိုတင် ပြင်ဆင်မှုများ ပြုလုပ်ထားပြီး ဖြစ်ကြောင်း ကလေးမြို့နယ် အထွေထွေ အုပ်ချုပ်ရေးမှူး ဦးဝေလွင်စိုးကလည်း ဧရာဝတီ သို့ ပြောသည်။ ဦးဝေလွင်စိုးက “ကယ်ဆယ်ရေး စခန်းတာဝန်ခံတွေ၊ ရွှေ့ပြောင်း တာဝန်ခံတွေ ခွဲထားတဲ့ အပေါ်မှာ အခုရေကြီးမှုဖြစ် သွားတာကလည်း ကျနော်တို့ အတွက် သတိတခု ပေးလိုက်သလိုပဲ၊ ကျနော်တို့က လေ့ကျင့်ပြီးသား ဖြစ်သွားတာပါ။ ကယ်ဆယ်ရေး စခန်းတွေက ရှိထားပြီးသား ဖြစ်သွားပြီဆိုတော့ ကျနော်တို့ အတွက်ကတော့ ဖြစ်လာလည်း အချိန်မီ ရွှေ့ပြောင်းနိုင်မှာ ဖြစ်ပါတယ်” ဟုလည်း ပြောဆိုသည်။ ကလေးမြို့တွင် စက်တင်ဘာ ၁၉ ရက်နေ့မှ စတင်ကာ ရေဝင်ရောက်ခဲ့ပြီး ၂၃ ရက်နေ့တွင် ရေပြန်ကျခဲ့ကာ လူဦးရေ ၁၀၈၀၁ ဦး၊ အိမ်ခြေ ၂၂၇၄ လုံး ရေးဘေး သင့်ခဲ့ရပြီး ယခုလက်ရှိတွင် ကယ်ဆယ်ရေး စခန်းများမှ ပြန်နိုင်ပြီဖြစ် ကြောင်း သိရသည်။ လာမည့် အောက်တိုဘာ ၁၀ ရက်အတွင်းတွင် ဧရာဝတီ မြစ်ရေသည် မြစ်ကြီးနားမြို့၊ ဗန်းမော်မြို့၊ ရွှေကူမြို့၊ ကသာ မြို့ နှင့် သပိတ်ကျင်းမြို့များတွင် ၃ ပေမှ ၅ ပေခန့်၊ မန္တလေးမြို့၊ စစ်ကိုင်းမြို့၊ မြင်းမူမြို့၊ ပခုက္ကူမြို့၊ ညောင်ဦး မြို့၊ ချောက် မြို့၊ မင်းဘူးမြို့နှင့် မကွေးမြို့များတွင် ၁ ပေမှ ၃ ပေခန့့် မြင့်တက်လာနိုင်ကာ အောင်လံမြို့၊ ပြည်မြို့၊ ဆိပ်သာ မြို့၊ ဟင်္သာတမြို့နှင့် ဇလွန်မြို့များတွင် ၂ ပေမှ ၃ ပေခန့် ကျဆင်းနိုင်ကြောင်း မိုး/ဇလ က ထုတ်ပြန်ထားသည်။ ထို့အပြင် ချင်းတွင်းမြစ်ရေသည် ခန္တီးမြို့၊ ဟုမ္မလင်းမြို့ နှင့် ဖောင်းပြင်မြို့များတွင် ၄ ပေမှ ၆ ပေခန့်၊ မော်လိုက်မြို့၊ ကလေးဝမြို့၊ မင်းကင်းမြို့၊ ကနီမြို့နှင့် မုံရွာမြို့များတွင် ၂ ပေမှ ၄ ပေခန့် မြင့်တက်လာ နိုင်ကြောင်း သိရသည်။ The post အောက်တိုဘာတွင် မြစ်လေးစင်း၌ မြစ်ရေ ထပ်မံမြင့်တက်နိုင် appeared first on ဧရာဝတီ.
Source : http://ift.tt/2wWHfXD
via IFTTT

မ်က္ကြယ္ ေထာင္ဒဏ္ခ်ခံရတဲ့ ဝန္ႀကီးခ်ဳပ္ေဟာင္း ယင့္လပ္ရဲ႕ အိမ္ကို ရဲမ်ား ရွာေဖြ

မျက်ကွယ် ထောင်ဒဏ်ချခံရတဲ့ ဝန်ကြီးချုပ်ဟောင်း ယင့်လပ်ရဲ့ အိမ်ကို ရဲများ ရှာဖွေ မျက်ကွယ်၌ ထောင်ဒဏ် ၅နှစ် ချမှတ်ခံထားရသည့် ထိုင်းဝန်ကြီးချုပ်ဟောင်း ယင့်လပ် ရှင်နာဝပ် ရဲ့ ဘန်ကောက်မြို့က နေအိမ်ကို ယနေ့မနက်မှာ ရဲတပ်ဖွဲ့ဝင်များ ရောက်ရှိလာပြီး သူမထွက်ပြေးခြင်းနှင့် ပတ်သက်သည့် သက်သေအထောက် အထားများ ဝင်ရောက်ရှာဖွေကြောင်း Khaosad သတင်းကဆိုပါတယ်။ ဝန်ကြီးချုပ်ဟောင်း ယင့်လပ်ကို သူမအစိုးရ တာဝန်ကို ယူစဉ်က ဆန်စပါးဝယ်ယူရေး အစီအစဉ်နှင့် ပတ်သက်၍ အဂတိ လိုက်စားမှုနှင့် ဆုံးရှုံးမှုများအတွက် တရားစွဲဆိုထားရာ တရားရုံးစီရင်ချက် မည့်နေ့တွင် တရားခွင်သို့ လာရောက်မရှိတော့ ဘဲ၊ နိုင်ငံခြားသို့ ထွက်ပြေးသွားသည့်အတွက် မနေ့ စက်တင်ဘာ ၂၇ ရက်နေ့တွင် သူမ၏ မျက်ကွယ်၌ ထောင်ဒဏ် ၅နှစ်ချမှတ်လိုက်ခြင်းဖြစ်ပါတယ်။ မနေ့က တရားရုံးစီရင်ချက်တွင် သူမ၏ အစိုးရအနေဖြင့် တရုတ်အစိုးရပိုင် လုပ်ငန်းတချို့သို့ အစိုးရ အချင်းချင်း ဆန် ရောင်းဝယ်ခြင်း(G2G) ပြုလုပ်ခြင်းနှင့် ပတ်သက်ပြီး လွှတ်တော်ကိုယ်စားလှယ် များက အယုံအကြည်မရှိကြောင်း အဆိုတင် သွင်း မေးခွန်းထုတ်စဉ်ပင် ယင့်လပ်သည် တာဝန်ရှိသူ ကူးသန်း ရောင်းဝယ်ရေးဝန်ကြီး ဘွန်ဆာင် တာရီယာပီယွန်ကို ရာထူးမှ ထုတ်ပယ်ခဲ့ခြင်းကြောင့် ထိုG2G ရောင်း ဝယ်မှုမှ အဂတိလိုက်စားမှုများကို သူမအနေဖြင့် သိပြီးဖြစ်ကြောင်း ဖော်ပြထားပါတယ်။ ဝန်ကြီးချုပ်ဟောင်း ယင့်လပ်သည် စီရင်ချက်မချမှတ်မီကတည်းက ပင်လယ်ကမ်းခြေပိုင်းရှိ Trat ပြည်နယ် ကော့ချန် ခရိုင်မှတဆင့် ရဟတ်ယာဉ်ဖြင့် ကမ္ဘောဒီးယား ဖနွမ်းပင်ကို ပြေးပြီး၊ ထိုမှလေယာဉ်စင်းလုံးငှားကာ စင်ကာပူသို့ သွားရောက်ကြောင်း၊ ထိုသို့ ထွက်ပြေးနိုင် ရန် အဆင့်မြင့်အာဏာပိုင်တချို့က ကူညီခဲ့ခြင်း ဖြစ်ကြောင်း၊ ထိုမှတဆင့် အာရပ်စော်ဘွားများနိုင်ငံ(UAE) ဒူဘိုင်းမြို့ကို ရောက်ရှိသွားပြီး၊ ယခုအခါ ဗြိတိန်နိုင်ငံမှာ နိုင်ငံရေးခိုလှုံခွင့်တောင်းခံမယ်လို့ သတင်းတွေ ထွက်ပေါ်နေပါတယ်။ လက်ရှိ အာဏာသိမ်း ထိုင်းအစိုးရ ဝန်ကြီးချုပ် ပရာယွဒ် ချန်အိုချာက ဝန်ကြီးချုပ်ဟောင်း ယင့်လပ် ဟာ အာရပ်စော်ဘွားများနိုင်ငံ(UAE) ဒူဘိုင်းမြို့မှာ ရောက်ရှိနေတယ်လို့ မနေ့က သတင်းထောက်တွေ ကို ပြောဆိုလိုက်ပေမယ့်လည်း ပြီးခဲ့တဲ့ စက်တင်ဘာ ၁၁ရက်နေ့မှာတော့ အင်္ဂလန်နိုင်ငံ လန်ဒန်မြို့ကို ထွက်ခွာသွားပြီလို့ သတင်းတွေကဆိုပါတယ်။ The post မျက်ကွယ် ထောင်ဒဏ်ချခံရတဲ့ ဝန်ကြီးချုပ်ဟောင်း ယင့်လပ်ရဲ့ အိမ်ကို ရဲများ ရှာဖွေ appeared first on ဧရာဝတီ.
Source : http://ift.tt/2xHX5nN
via IFTTT

စြပ္စြဲခ်က္မ်ားရွိေသာ္လည္း ျမန္မာကို လက္နက္မ်ား အစၥေရး ေရာင္းခ်မည္

စွပ်စွဲချက်များရှိသော်လည်း မြန်မာကို လက်နက်များ အစ္စရေး ရောင်းချမည် ရိုဟင်ဂျာဆိုသူများကို “မျိုးဖြုတ်သတ်ဖြတ်မှု”၊ “လူမျိုးတုန်းသတ်ဖြတ်မှု” ကျူးလွန်ကြောင်း စွပ်စွဲချက်များရှိစေကာမူ မြန်မာနိုင်ငံသို့ လက်နက်ရောင်းချခြင်းကို ရပ်စဲမည်မဟုတ်ကြောင်း အစ္စရေးနိုင်ငံက လာသော သတင်းများက ဆိုသည်။ တိုင်းပြည်နယ်စပ်ကို စောင့်ကြပ်ရာတွင် သုံးမည့် တင့်ကား ၁၀၀ ကျော်၊ လက်နက်များနှင့် ကင်းလှည့် စစ်ရေယာဉ်များ ရောင်းချမည့် အကျိုးအမြတ်များသော သဘောတူညီချက်များကို အစ္စရေးနှင့် မြန်မာနိုင်ငံတို့ လက်မှတ်ရေးထိုးထားသည်။ ယင်းသဘောတူညီချက်အရ မြန်မာနိုင်ငံသို့ ရောင်းချသော လက်နက်များကို ဆိုင်းငံ့ထားရန် လူ့အခွင့်အရေးလှုပ်ရှားသူများက ဗဟိုတရားရုံးသို့ တင်သွင်းခဲ့သည်။ မြန်မာနိုင်ငံဆက်ဆံရေးနှင့် ပတ်သက်ပြီး အစိုးရရှေ့နေများက တံခါးပိတ်အစည်းအဝေး အများအပြား ကျင်းပခဲ့ပြီးနောက် အင်္ဂါနေ့က တိုက်ရိုက်ကြားနာခြင်းအဆင့်သို့ ရောက်လာသည်။ သတင်းများအဆို အစ္စရေးအစိုးရ၏ တောင်းဆိုချက်ကြောင့် ဗဟိုတရားရုံး၏ ဆုံးဖြတ်ချက်ကို အများပြည်သူထံ မထုတ်ပြန်ဘဲ လျှို့ဝှက်ထားမည်ဟု သိရသည်။ ဥရောပသမဂ္ဂနှင့် အမေရိကန်ပြည်ထောင်စုတို့သည် မြန်မာနိုင်ငံကို လက်နက်ရောင်းချမှု ပိတ်ဆို့ထားကြောင်းနှင့် အစ္စရေးနိုင်ငံသည် မြန်မာနိုင်ငံသို့ လက်နက်ရောင်းချသည့် တခုတည်းသော အနောက်နိုင်ငံဖြစ်ကြောင်း အထက်ပါ ဗဟိုတရားရုံးသို့ တောင်းဆိုသော စာပေးပို့သူများ၏ ရှေ့နေ Eitay Mack က ကန့်ကွက်ပြောဆိုသည်။ ၂၀၁၅ ခုနှစ် စက်တင်ဘာလတွင် ဗိုလ်ချုပ်မှူးကြီးမင်းအောင်လှိုင်သည် အစ္စရေးနိုင်ငံသို့ လာ ရောက်ခဲ့ပြီး အစ္စရေးနိုင်ငံစစ်ဘက်အကြီးအကဲ ဒုတိယဗိုလ်ချုပ်ကြီး Gadi Eisenkot နှင့် တွေ့ဆုံခဲ့သည်ဟု အထက်ပါ အစ္စရေးနိုင်ငံ ဗဟိုတရားရုံးသို့ တောင်းဆိုသောစာတွင် ဖော်ပြထားသည်။ TAR Ideal Concepts ကုမ္ပဏီရဲ့ ဝက်ဘ်ဆိုက်တွင် ဖော်ပြထားသော မြန်မာ့တပ်မတော် အရာရှိများ ပါဝင်သည့် ဓာတ်ပုံ ဗိုလ်ချုပ်မှူးကြီးမင်းအောင်လှိုင်က သူသည် ကာကွယ်ရေးစက်မှုလုပ်ငန်း အများအပြားကို လေ့လာခဲ့ပြီး ကင်းလှည့် စစ်ရေယာဉ်များမှာယူခဲ့သည်ဟု သူ၏ဖေ့စ်ဘွတ်စာမျက်နှာတွင် ရေးသားခဲ့သည်။ ထိုသင်္ဘောများအား ဘင်္ဂလားဒေ့ရှ်-မြန်မာ နယ်ခြား ရေပိုင်နက်တွင် အသုံးပြုမည်ဟု ယူဆရသည်။ ရှေ့နေ Eitay Mack ၏အဆို အစ္စရေး ကာကွယ်ရေးဆိုင်ရာ TAR Ideal Concepts ကုမ္ပဏီက မြန်မာနိုင်ငံ အနောက်ဖက် ရခိုင်ပြည်နယ်တွင် မြန်မာ့တပ်မတော်ကို သင်တန်းပေးနေကြောင်း သိရသည်။ “TAR Ideal Concepts ကုမ္ပဏီရဲ့ ဝက်ဘ်ဆိုက်မှာ ရခိုင်မှာ စစ်ဆင်ရေးလုပ်နေတဲ့ မြန်မာ့တပ်မတော် တပ်ဖွဲ့ဝင်တွေကို လက်နက်တပ်ဆင်ပေးနေပြီး သင်တန်းတွေ ပေးနေတာကို ဖော်ပြထားတာကို ကျနော်တို့ သိပါတယ်” ဟု ရှေ့နေ Eitay Mack က အစ္စရေး Telesur ရုပ်သံသို့ ပြောဆိုခဲ့သည်။ သို့သော် အစ္စရေး အစိုးရရှေ့နေများသည် ဖိအားကို ဂရုစိုက်ပုံ မပေါ်ပေ။ မြန်မာနိုင်ငံသို့ လက်နက်ရောင်းချမှု ပိတ်ပင်ရန် တောင်းဆိုခြင်းကို အင်္ဂါနေ့က ကြားနာရာတွင် အစိုးရရှေ့နေ Shosh Shmueli က ဗဟိုတရားရုံးအနေဖြင့် အစ္စရေးအစိုးရ၏ပြည်ပဆက်ဆံရေးကို ဝင်ရောက်စွက်ဖက်ခြင်းမပြုသင့်ဟု ပြောသည်။ ထိုကြားနာမှုနှင့် ပတ်သက်သော ဆုံးဖြတ်ချက်ကို မကြာမီ ချမှတ်မည်ဟု မျှော်လင့်ရသော်လည်း အစ္စရေးနိုင်ငံရေးသမားများသည် ထိုပြဿနာကို တွန်းအားပေးလိုခြင်း မရှိကြဟု အစ္စရေးမှ လာသော သတင်းများက ဆိုသည်။ ပြီးခဲ့သည့် အင်္ဂါနေ့က အစိုးရရှေ့နေ၏တုံ့ပြန်ပုံသည် မတ်လအတွင်း ကာကွယ်ရေးဝန်ကြီးဌာနမှ ထုတ်ပြန်သည့်ကြေညာချက်အတိုင်းသာ ဖြစ်သည်။ ထိုစဉ်က ဗဟိုတရားရုံးသည် သံတမန်ရေးရာများတွင် ဝင်ရောက်စွက်ဖက်ခွင့်မရှိဟု ကာကွယ်ရေးဝန်ကြီးဌာနက ကြေညာသည်။ အစ္စရေးနိုင်ငံ၏လက်နက်ရောင်းချရေးမူဝါဒများသည် အသိဉာဏ်တိုးတက်သောနိုင်ငံများက လက်ခံထားသည့် လမ်းညွှန်များနှင့် ကိုက်ညီမှုရှိသည်ဟုပင် ကာကွယ်ရေးဝန်ကြီး Avigdor Lieberman က ပြောပြီး ဗဟိုတရားရုံးသို့ တင်သွင်းသော တောင်းဆိုစာပါ ပူပန်မှုများကို ပယ်ချခဲ့သည်။ The post စွပ်စွဲချက်များရှိသော်လည်း မြန်မာကို လက်နက်များ အစ္စရေး ရောင်းချမည် appeared first on ဧရာဝတီ.
Source : http://ift.tt/2fT6KP4
via IFTTT

နာဂ (NSCN-K)ႏွင့္ အိႏၵိယစစ္တပ္တို႔ နယ္စပ္တြင္ တိုက္ပြဲျဖစ္ပြား

နာဂ (NSCN-K)နှင့် အိန္ဒိယစစ်တပ်တို့ နယ်စပ်တွင် တိုက်ပွဲဖြစ်ပွား အိန္ဒိယ-မြန်မာ့ နယ်စပ်၌ နာဂအမျိုးသား ဆိုရှယ်လစ် ကောင်စီ-ကပ်ပလန်(NSCN-K)နှင့် အိန္ဒိယ စစ်တပ်တို့ မနေ့ စက်တင်ဘာ ၂၇ ရက်က တိုက်ပွဲဖြစ်ပွားကြောင်း သတင်းရသည်။ အိန္ဒိယသတင်းစာများ အဆိုအရ တိုက်ပွဲဖြစ်ပွားမှုမှာ နာဂလက်နက်ကိုင် အဖွဲ့ (NSCN-K)မှ အိန္ဒိယ စစ်တပ်ကို လာရောက် ပစ်ခတ်ခဲ့ခြင်းကြောင့် ပြန်လည် တိုက်ခိုက်ခဲ့သော ဖြစ်စဉ်တခုသာ ဖြစ်သည် ဟု အိန္ဒိယစစ်ဘက်၏ အရှေ့ပိုင်း စစ်ဌာန ချုပ်၏ ပြောကြားချက်ကို ကိုးကား၍ The News Indian Express ဆိုသည်။ နာဂအမျိုးသား ဆိုရှယ်လစ် ကောင်စီ-ကပ်ပလန်(NSCN-K) အဖွဲ့ ဗဟိုကော်မတီ ဦးကျော်ဝမ်းစိန်ကမူ “မနေ့(စက်တင်ဘာ ၂၇ ရက်)က အိန္ဒိယနဲ့ မြန်မာနယ်စပ် စည်း မျဉ်း မှာ တိုက်ပွဲဖြစ်တာ ဟုတ်ပါ တယ်၊ မနက် ၃နာရီကနေ ၇နာရီလောက် အထိပေါ့၊ ကျနော်တို့ဘက်ကတော့ ပစ်တယ်ဆိုတာတော့ မဟုတ်ဘူး၊ ဘာကြောင့်လည်း ဆိုတော့ အိန္ဒိယဘက်မှာလည်း နာဂရှိတယ်။မြန်မာပြည်မှာလည်း နာဂရှိတယ်ဆိုတော့ ကျနော်တို့ကတော့ အခုဒေသမှာ ရှိပြီးသား ဖြစ် နတာပေါ့။ အဲ့ဒီမှာ အိန္ဒိယ တပ်တွေက လာပြီးမှ လာပစ်တာလို့ ပြောတယ်”ဟု ပြောသည်။ ၂၀၁၇ ခုနှစ် စက်တင်ဘာ ၂၇ ရက် မနက် ၃ နာရီကျော်မှ ၇ နာရီအထိ အိန္ဒိယ-မြန်မာ နယ်စပ် စည်းမျဉ်းတွင် NSCN-K နှင့် အိန္ဒိယစစ်တပ်တို့ တိုက်ပွဲဖြစ်ပွားခဲ့ကြသော်လည်း နှစ်ဖက် ထိခိုက် ဒဏ်ရာရရှိမှုများ မရှိပဲ တိုက်ပွဲမှာ ပြန်လည် ငြိမ်သက် သွားကြောင်း သိရသည်ဗဟိုကော်မတီဝင် ဦးကျော်ဝမ်းစိန်က ဆက်ပြောသည်။ NSCN-K သည် မြန်မာပိုင်နက် စစ်ကိုင်းတိုင်းဒေသကြီး၊ အိန္ဒိယ-မြန်မာ နယ်စပ်တလျှောက်တွင် လှုပ်ရှားနေ သော နာဂ လက်နက်ကိုင်အဖွဲ့ဖြစ်ပြီး နာဂလူမျိုးများ လွတ်မြောက်ရေးနှင့် ကိုယ်ပိုင် ပြဌာန်ခွင့် ရရှိရေးအတွက် အိန္ဒိယအစိုးရအား တောင်းဆို တိုက်ခိုက်နေသော အဖွဲ့ဖြစ်ကြောင်း သိရသည်။ ၂၀၁၅ ခုနှစ်၊ဇွန်လအတွင်းကလည်း အိန္ဒိယစစ်ဘက်မှ လုံခြုံရေးဆောင်ရွက်နေသော ယာဉ်တန်းကို NSCN-K အဖွဲ့မှ ချုံခိုတိုက်ခိုက်ခဲ့ခြင်းကြောင့် အိန္ဒိယစစ်တပ်ဘက်မှ ကျဆုံးမှု အနည်းအငယ်ရှိခဲ့ပြီး နှစ်ဖက် တင်းမာမှုဖြစ်ခဲ့ကြ သေးသည်။ အိန္ဒိယအစိုးရနှင့် NSCN-K တို့အကြား ၂၀၀၃-၂၀၀၄ က အပစ်အခတ် ရပ်စဲရေး သဘောတူစာချုပ် လက်မှတ် ရေးထိုး ခဲ့သော်လည်း ၂၀၁၆ တွင် အပစ်အခတ်ရပ်စဲရေး ပျက်ပြယ်သွားကြောင်း ဦးကျော်ဝမ်းစိန်က ပြောသည်။ “ကျနော်တို့ အိန္ဒိယနဲ့ အပစ်အခတ်ရပ်စဲရေးကို ၂၀၀၃- ၂၀၀၄ လောက်မှာ လက်မှတ်ထိုးထားတယ်။ ထိုးပြီး နောက်ပိုင်း ကျတော့ တစ်နှစ်ပြီး တစ်နှစ်ပေါ့ အပစ်ရပ်စဲရေးလုပ်တာပေါ့။ နောက်ပိုင်းကျတော့ မနှစ်တုန်းက ငြိမ်းချမ်းရေး ကိစ္စနဲ့ ပတ်သက်လို့ ပျက်ပြယ်သွားခဲ့တာပေါ့ ၂၀၁၁ မှာ မဟုတ်ဘူး ၂၀၁၆ မှာ ပျက်တယ်”ဟု ၎င်းက ပြောသည်။ တခြားသော သတင်းများအရ အိန္ဒိယအစိုးရနှင့် NSCN-K အကြား ၂၀၀၁ ခုနှစ်က အပစ်အခတ် ရပ်စဲရေး လက်မှတ်ထိုး ထားရာမှာ ၂၀၁၁ ခုနှစ်တွင် ပျက်ပြယ်သွားခဲ့ပြီး တိုက်ပွဲများ ကြိုးကြား ကြိုးကြား ပြန်လည် ဖြစ်ပွားလာခဲ့ခြင်းဖြစ်သည်။ အိန္ဒိယအစိုးရအား တိုက်ခိုက်နေသော နာဂလက်နက်ကိုင်တပ်များမှာ အနည်းဆုံး သုံးဖွဲ့ရှိပြီး မဏိပူ လက်နက်ကိုင်လည်း ရှိကြောင်း၊ ထိုလက်နက်ကိုင်များသည် မြန်မာပိုင်နက်အတွင်း လှုပ်ရှားလျက်ရှိကြောင်း သိရသည်။ ထိုအထဲမှ NSCN-K သည် မြန်မာအစိုးရ(သမ္မတဟောင်း ဦးသိန်းစိန်လက်ထက်)နှင့် ၂၀၁၂ ခုနှစ်က ပြည်နယ် အဆင့် အပစ်အခတ်ရပ်စဲရေး သဘောတူစာချုပ်ကို လက်မှတ်ရေးထိုးထားပြီး ပြည်ထောင်စုအဆင့်နှင့် တနိုင်ငံလုံး ပစ်ခတ် တိုက်ခိုက်မှု ရပ်စဲရေး သဘောတူစာချုပ်(NCA) လက်မှတ်ရေးထိုးနိုင်ရေး ညှိနှိုင်းမှုများလည်း ရှိသည်။ သို့သော် NSNC-K မှ NCA ကို လက်မှတ်ရေးထိုးရန် မဖြစ်နိုင်သေးကြောင်း ထုတ်ဖော်ပြောဆိုထားပြီး အိန္ဒိယရှိ နာဂလူမျိုး များနှင့် မြန်မာနိုင်ငံရှိ နာဂလူမျိုးများအားလုံးကို လွှမ်းခြုံနိုင်သော စေ့စပ်ညှိနှိုင်းမှု ပြုလုပ်လာမှသာ လျှင် NCA ထိုးနိုင်ရေး ဆွေးနွေးမှု ပြုလုပ်နိုင်မည်ဟု ၂၀၁၇ ခုနှစ်၊သြဂုတ် ၁၁ ရက်က ဦးကျော်ဝမ်းစိန်မှ ဧရာဝတီသို့ ပြောကြားထားသည်။ နာဂလူမျိုးများသည် အိန္ဒိယနိုင်ငံနှင့် မြန်မာနိုင်ငံအကြား ပြန့်နှံနေထိုင်လျက်ရှိသည်။ အိန္ဒိယနိုင်ငံရှိ မဏိပူရ၊ အာသံ၊ မီဇိုရမ် တို့တွင် နာဂလူမျိုး သုံးသန်းခန့် နေထိုင်လျက်ရှိပြီး မြန်မာနိုင်ငံမှာတော့ စစ်ကိုင်း တိုင်း ဒေသကြီး၊ နာဂကိုယ်ပိုင် အုပ်ချုပ် ခွင့်ရဒေသ(လေရှီးမြို့နယ်၊လဟယ်မြို့နယ်နှင့် နန်းယွန်းမြို့နယ်)တွင် လူဦးရေ သုံးသိန်းကျော် နေထိုင်လျက်ရှိကြောင်း နာဂရိုးရာစာပေနှင့်ယဉ်ကျေးမှုအသင်း(ဗဟို)ထံမှ သိရသည်။ The post နာဂ (NSCN-K)နှင့် အိန္ဒိယစစ်တပ်တို့ နယ်စပ်တွင် တိုက်ပွဲဖြစ်ပွား appeared first on ဧရာဝတီ.
Source : http://ift.tt/2xMNEUG
via IFTTT

ရခိုင္အေရးေၾကာင့္ ႏိုင္ငံျခား ရင္းႏွီးျမႇဳပ္ႏွံမႈ အိပ္မက္ မလွႏိုင္ေတာ့

ရခိုင်အရေးကြောင့် နိုင်ငံခြား ရင်းနှီးမြှုပ်နှံမှု အိပ်မက် မလှနိုင်တော့ မြန်မာနိုင်ငံ၏ စီးပွားရေးမြို့တော် ရန်ကုန်မှ အရာရှိများသည် ဇွန်လက ဥရောပ ၆ နိုင်ငံခရီးစဉ် အတွင်း သယ်ယူပို့ဆောင်ရေး၊ စွမ်းအင်နှင့် ပညာရေးကဏ္ဍများ အတွက် ရင်းနှီးမြှုပ်နှံမှုများကို ဆွဲဆောင်နိုင်မည် ဟု မျှော်လင့်ခဲ့ကြသည်။ သို့သော် ၎င်းတို့သည် ရေနံကြွယ်ဝသော ရခိုင်ပြည်နယ်မှ မွတ်စလင်များကို မြန်မာနိုင်ငံက ဆက်ဆံပုံနှင့် ပတ်သက်သော မေးခွန်းများသာ အမေးခံခဲ့ရသည်။ “ရောက်တဲ့ နိုင်ငံတိုင်းမှာ ဒီပြဿနာကိုပဲ ရင်ဆိုင်နေရတယ်” ဟု ရန်ကုန်မြို့တော် စည်ပင်သာယာရေး ကော်မတီ အတွင်းရေးမှူး ဦးလှိုင်မော်ဦးက ၁၆ ရာက်ကြာသည့် ခရီးစဉ်မှ အပြန်တွင် ပြောသည်။ ထိုနောက်ပိုင်းတွင် ရခိုင်ပြည်နယ် အခြေအနေမှာ သိသိသာသာ ပိုမို ဆိုးရွားလာပြီး ရိုဟင်ဂျာ ဆိုသူ ၄၈၀၀၀၀ တို့သည် ဘင်္ဂလားဒေ့ရှ် နိုင်ငံသို့ ထွက်ပြေးပြီး ကုလသမဂ္ဂက ထိုဖြစ်ရပ်ကို “လူမျိုးတုံး သတ်ဖြတ်မှု” ဟု ပြောသည်။ မြန်မာနိုင်ငံတွင် အနောက်နိုင်ငံများ၏ ကုန်သွယ်မှုနှင့် ရင်းနှီးမြှုပ်နှံမှုမှာ နည်းပါးသော်လည်း ယခုနှစ် အတွင်း ပြုလုပ်သည့် ပြုပြင် ပြောင်းလဲမှုများသည် နိုင်ငံတကာ ပိတ်ဆို့ အရေးယူမှုများနှင့် စစ်အုပ်ချုပ်ရေး၏ မှားယွင်းသော စီမံခန့်ခွဲမှု ဆယ်စုနှစ် များစွာကြောင့် တုံ့ဆိုင်းနေသော စီးပွားရေးကို ဖွင့်ပေးနိုင်မည် ဟု မျှော်လင့်ခဲ့ကြသည်။ ဒေါ်အောင်ဆန်းစုကြည် ၏ အရပ်သားအုပ်ချုပ်ရေးသို့ အကူးအပြောင်း အတွက် အရေးယူပိတ်ဆို့မှု အများစုကို ရုပ်သိမ်းလိုက်ခြင်းနှင့် အတူ အနောက်တိုင်းမှ အရင်းအနှီးများ အလုံးအရင်းနှင့် ဝင်ရောက် လာမည် မျှော်လင့်ကြပြီး မျှော်လင့်သည့် အတိုင်း အကျိုးအမြတ်ဖြစ်မည်ဟု မြင်ခဲ့ကြသည်။ ထို အနောက်တိုင်း အရင်းအနှီးများကြောင့် မြန်မာနိုင်ငံအပေါ် တရုတ်နိုင်ငံ၏ သြဇာလွှမ်းမိုးခြင်းကို ချိန်ညှိနိုင်မည်ဟု ဒေသတွင်းမှ သံတမန်များက ယူဆကြသည်။ သို့သော် ဒေါ်အောင်ဆန်းစုကြည် သည် ရိုဟင်ဂျာဆိုသူများ အပေါ် လူ့အခွင့်အရေး ချိုးဖောက်မှုများကို ထုတ်ဖော် ပြောကြားမှု နည်းပါးသောကြောင့် နိုင်ငံတကာ၏ ပြစ်တင်ဝေဖန်မှုများ ခံနေရပြီး ဥရောပနှင့် အမေရိကန် လုပ်ငန်းများသည် မြန်မာနိုင်ငံတွင် ရင်းနှီးမြှုပ်နှံခြင်းကြောင့် ဖြစ်လာမည့် ဂုဏ်သတင်း ထိခိုက်မှုကို ပူပန်လာကြသည် ဟု ဥပဒေ အကျိုးဆောင်များ၊ အတိုင်ပင်ခံများနှင့် နိုင်ငံရေးသမားကို သြဇာလွှမ်းမိုးနိုင်ရန် ကြိုးစားနေသူများက ပြောသည်။ ရန်ကုန်အခြေစိုက် ရင်းနှီးမြှုပ်နှံမှုလုပ်ငန်း Faircap Partners ၏ အကြီးအကဲ Louis Yeung က ၎င်းတို့၏ စီးပွားဖက်တဦး ဖြစ်သူ အမေရိကန်အခြေစိုက် စတော့အိပ်ချိန်း စာရင်းဝင် အစားအစာနှင့် အဖျော်ယမကာ လုပ်ငန်းတခုသည် နှေးကွေးသော ပြုပြင်ပြောင်းလဲမှုများနှင့် ရခိုင်အရေးကြောင့် မြန်မာဈေးကွက်သို့ ဝင်ရောက်မည့် အစီအစဉ်ကို ၃ နှစ်မှ ၅ နှစ်အထိ ဆိုင်းငံ့ လိုက်ရသည် ဟု ပြောသည်။ “သူတို့က အချိန်မတန်သေးဘူးလို့ ကောက်ချက်ချတယ်။ အစိုးရရဲ့ ပိုမိုထောက်ခံမှုကို သူတို့ လိုချင်ပေမယ့် ရခိုင်အရေး ကြောင့် အထောက်အကူမရဘဲ ဖြစ်နေတယ်” ဟု သူက ပြောသည်။ မကြာသေးမီလများ အတွင်းကမူ ဖိအားမှာ ပိုမိုပြင်းထန်လာပြီး လူ့အခွင့် အရေးအဖွဲ့တခုဖြစ်သော AFD International က မြန်မာနိုင်ငံတွင် ရင်းနှီးမြှုပ်နှံမှု မပြုလုပ်ရန် တောင်းဆိုလာသောကြောင့် လက်ရှိ ရင်းနှီးမြှုပ်နှံထားသူများ အတွက်ပင် ဖိအား ကြီးမားနေသည်။ ရေနံနှင့် ဓာတ်ငွေ့ရှာရန် မြန်မာ အစိုးရပိုင် လုပ်ငန်းနှင့် ထုတ်လုပ်မှု ခွဲဝေယူရေး စာချုပ်ကို ဖျက်သိမ်းရန် ရင်းနှီးမြှုပ်နှံသူ အနည်းစုက အမေရိကန်ရေနံလုပ်ငန်း Chevron ကို ၎င်း၏ နှစ်ပတ်လည် အထွေထွေ အစည်းအဝေးတွင် အဆို တင်သွင်းခဲ့ သော်လည်း အောင်မြင်ခြင်း မရှိခဲ့ပေ။ မြန်မာနိုင်ငံတွင် မိုဘိုင်းဖုန်းကွန်ရက် လုပ်ကိုင်နေသော နော်ဝေနိုင်ငံ ဆက်သွယ်ရေး လုပ်ငန်း Telenor ကလည်း လူ့အခွင့်အရေး အကာကွယ်ပေးရန် တောင်းဆိုသော ကြေညာချက် ထုတ်ပြန်ခဲ့ရသည်။ မြန်မာနိုင်ငံမှ ရင်းနှီးမြှုပ်နှံမှုနှင့် ပတ်သက်ပြီး ဝေဖန် ပြောကြားပေးရန် Chevron က ငြင်းဆန်ပြီး အလားတူ မေတ္တာရပ်ခံချက် အများအပြားကို Telenor က အကြောင်းပြန်ကြားခြင်း မပြုပေ။ မြန်မာနိုင်ငံသို့ ကိုယ်စားလှယ်အဖွဲ့ သွားရောက်မည့် ခရီးစဉ်ကို ကာလအကန့်အသတ် မရှိ ရွှေ့ဆိုင်းလိုက်သည် ဟု ဥရောပ ပါလီမန်၏ နိုင်ငံတကာ ကုန်သွယ်ရေး ကော်မတီ အကြီးအကဲ Bernd Lange က လွန်ခဲ့သော သီတင်းပတ်က ပြောသည်။ လူ့အခွင့်အရေး အခြေအနေကြောင့် အလားအလာရှိသော ဥရောပသမဂ္ဂ-မြန်မာ ရင်းနှီးမြှုပ်နှံမှု သဘောတူစာချုပ် အတွက် အကျိုးရှိသော ဆွေးနွေးပွဲများ မဖြစ်နိုင်ဟု သူက ပြောသည်။ မြန်မာနိုင်ငံတွင် ညီလာခံများ ကျင်းပရန် စီစဉ်နေသော လုပ်ငန်းများသည်လည်း အခြားသော နေရာများတွင် ရွှေ့ပြောင်း ကျင်းပရန် စဉ်းစားနေကြသည် ဟု မြန်မာနိုင်ငံ ခရီးသွားလုပ်ငန်းရှင်များ အသင်းချုပ် ဒု ဥက္ကဌ ဦးခင်အောင်ထွန်းက ပြောသည်။ “မြန်မာနိုင်ငံဟာ သတင်းကောင်းတွေ ထွက်တဲ့ နိုင်ငံလို့ လူတွေ မြင်လာကာစပဲ ရှိသေးတယ်။ အခုတော့ ဒါရိုက်တာ အဖွဲ့ အစည်းအဝေးတွေမှာ တယောက်ယောက်က မြန်မာနိုင်ငံအကြောင်း ပြောရင် နောက်တယောက်က ‘ခဏနေဦး။ ရွာတွေ မီးလောင်ပြီး ဒုက္ခသည်တွေ ထွက်ပြေးနေတာ ကျနော် အခုလေးပဲ ရုပ်သံမှာ မြင်ခဲ့တယ်’ လို့ ပြောတဲ့ အခြေအနေ ဖြစ်ကုန်ပြီ” ဟု South East Asia at Control Risks အန္တရာယ် လျှော့ချရေး အတိုင်ပင်ခံလုပ်ငန်းမှ Dane Chamorro က ပြောသည်။ ရင်းနှီးမြှုပ်နှံသူများ အနေဖြင့် စိုးရိမ်ပူပန်သည်မှာ သဘာဝကျသည် ဟု ဒေါ်အောင်ဆန်းစုကြည် က Nikkei Asia Review က ကြာသပတေးနေ့ထုတ် Nikkei Asia Review မှ အင်တာဗျူးတွင် ပြောသော်လည်း ဆင်းရဲနွမ်းပါးသည့် ရခိုင်ပြည်နယ်မှ ရှည်ကြာလှသော ပြဿနာများကို ဖြေရှင်းရာတွင် စီးပွားရေး တိုးတက်မှုသည် အဓိကကျသည် ဟူသည့် သူ၏ အမြင်ကို အကြိမ်ကြိမ် ပြောခဲ့သည်။“ဒီတော့ ရင်းနှီးမြှုပ်နှံမှုကသာ လက်တွေ့မှာ အခြေအနေ ကောင်းမွန်လာအောင် လုပ်ပေးနိုင်တယ်” ဟု သူမက ပြောသည်။ အမေရိကန်ဒေါ်လာ ၇၀ ဘီလီယံတန်ကြေးရှိ မြန်မာ့စီးပွားရေးသည် အနောက်နိုင်ငံ လုပ်ငန်းများ၏ ခိုင်မာသော ရင်းနှီးမြှုပ်နှံရေး အဆိုပြုချက်များကို ဆွဲဆောင်နိုင်သင့်သည်။ ကြီးမားလှသော ရေနံနှင့် သဘာဝဓာတ်ငွေ့သိုက်များ၊ ပတ္တမြားနှင့် ကျွန်းသစ်ကဲ့သို့သော သဘာ၀ သယံဇာတများ မြန်မာနိုင်ငံတွင် ပေါများသည်။ မြန်မာနိုင်ငံသည် အများမျှော်လင့်နေသော ရင်းနှီးမြှုပ်နှံမှုဥပဒေကို လွန်ခဲ့သော ဧပြီလက ပြဋ္ဌာန်းခဲ့ပြီး လုပ်ထုံးလုပ်နည်း များကိုလည်း ရိုးရှင်းအောင် လုပ်ဆောင်ကာ ပြည်ပလုပ်ငန်းများကို ပြည်တွင်းလုပ်ငန်းများနှင့် တန်းတူဆက်ဆံခဲ့သည်။ ယင်း ဥပဒေကြောင့် ယခုနှစ်နှောင်းပိုင်းတွင် နိုင်ငံခြား ရင်းနှီးမြှုပ်နှံမှုများ များပြားလာမည်ဟု မျှော်မှန်းသည်။ “ရင်းနှီးမြှုပ်နှံမှု အတွက် လိုအပ်တဲ့ အခြေအနေတွေက တိုးတက်လာပြီ” ဟု အာရှတွင် ရင်းနှီးမြှုပ်နှံသူများ အတွက် အတိုင်ပင်ခံ လုပ်ငန်း Dezan Shira & Associates မှ အာဆီယံဒေသတွင်း စီးပွားရေးဆိုင်ရာ အချက်အလက် စုံစမ်းရေး အကြီးအကဲ Dustin Daugherty က ပြောသည်။ သို့သော် အနောက်နိုင်ငံလုပ်ငန်းများ လက်ရှောင်နေကြသော်လည်း အာရှ စီးပွားရေးသမားများကြောင့် မြန်မာ့စီးပွားရေးသည် အထိမနာလှပေ။ အရေးယူပိတ်ဆို့မှုများ ဖြစ်လာလျှင်ပင် အထိနာမည် မဟုတ်သလို အရေးယူပိတ်ဆို့မှု ချမှတ်မည့် အလားအလာလည်း မရှိပေ။ အာရှတခွင်နှင့် အခြားဒေသများရှိ အခြေခံအဆောက်အအုံများတွင် ရင်းနှီးမြှုပ်နှံခြင်းဖြင့် ကုန်သွယ်ရေးမြှင့်တင်မည့် ရပ်ဝန်းတခု၊ လမ်းတခု အစီအစဉ်နှင့် ကိုက်ညီသည့် စီမံကိန်းများကို တရုတ်နိုင်ငံက တွန်းအားပေး ဆောင်ရွက်နေချိန်တွင် ဒေါ်အောင်ဆန်းစုကြည် သည် တရုတ်နိုင်ငံနှင့် ဆက်ဆံရေးကို ပိုမိုကောင်းမွန်အောင် လုပ်ဆောင်နိုင်ခဲ့သည်။ မြန်မာနိုင်ငံနှင့် အဓိက ကုန်သွယ်ဘက် ၄ နိုင်ငံသည် စင်္ကာပူ၊ ထိုင်း၊ ဂျပန်နှင့် အိန္ဒိယ တို့ဖြစ်ပြီး၊ မြန်မာနိုင်ငံ၏ အကြီးမားဆုံး ကုန်သွယ်ဖက် ဖြစ်သည့်တရုတ်နှင့် မြန်မာတို့ အကြား ကုန်သွယ်မှုသည် အထက်ပါ ၄ နိုင်ငံနှင့် မြန်မာ အကြား ကုန်သွယ်မှုလောက်ပင် များပြားသည်။ အမေရိကန်နိုင်ငံနှင့် ကုန်သွယ်မှုမှာ ဒေါ်လာ သန်း ၄၀၀ ဖိုးခန့်သာ ရှိပြီး မြန်မာနိုင်ငံတွင် အမေရိကန် ရင်းနှီးမြှုပ်နှံမှုမှာ နိုင်ငံခြား ရင်းနှီးမြှုပ်နှံမှု စုစုပေါင်း၏ သုည ဒသမ ၅ ရာခိုင်နှုန်းသာ ရှိသည်။ ဥရောပ၏ ရင်းနှီးမြှုပ်နှံမှုမှာ စုစုပေါင်း နိုင်ငံခြား ရင်းနှီးမြှုပ်နှံမှု၏ ၁၀ ပုံ ၁ ပုံရှိပြီး တရုတ်နှင့် ဟောင်ကောင်တို၏ မြန်မာနိုင်ငံတွင် ရင်းနှီးမြှုပ်နှံမှုမှာ စုစုပေါင်း၏ ၃ ပုံ၁ ပုံရှိသည်။ ထိုင်းနှင့် စင်္ကာပူ ၂ နိုင်ငံပေါင်း မြန်မာနိုင်ငံတွင် ရင်းနှီးမြှုတ်နှံမှုသည်လည်း နိုင်ငံခြားရင်းနှီးမြှုပ်နှံမှု စုစုပေါင်း၏ ၃ ပုံ ၁ ပုံရှိသည်။ ဥရောပ ရင်းနှီးမြှုပ်နှံသူများသည် အမြင် ပြောင်းသွားသော်လည်း အာရှ ရင်းနှီးမြှုပ်နှံသူများ ဆက်လက်ကျန်ရှိနေမည် ဟု မျှော်လင့်ကြောင်း မြန်မာနိုင်ငံ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာန ဒုတိယ ညွှန်ကြားရေးမှူးချုပ် ဦးသန်းအောင်ကျော် က သတင်းထောက်များကို ပြောသည်။ တရုတ်နိုင်ငံသည် စွမ်းအင် လိုအပ်နေသာ မြန်မာနိုင်ငံသို့ လျှပ်စစ်ဓာတ်အား ရောင်းချရန် ဆွေးနွေးနေပြီး ဘင်္ဂလား ပင်လယ်အော်ရှိ သေနင်္ဂဗျူဟာ ကျသော ဆိပ်ကမ်းတခုတွင် အထူးအခွင့်အရေး ရအောင် လုပ်ဆောင်နေသည်။ မြန်မာနိုင်ငံကို ဖြတ်သန်းပြီး တရုတ်နိုင်ငံသို့ တင်ပို့သည့် ရေနံပိုက်လိုင်း ဆိုင်ရာ သဘောတူညီချက် ကိုလည်း လွန်ခဲ့သော ဧပြီလက လက်မှတ်ရေးထိုးခဲ့သည်။ “ဒါက ဒေါ်အောင်ဆန်းစုကြည် ကို တရုတ် သမ္မတ ရှီကျင့်ဖျင်လက်ထဲ ထိုးကျွေးလိုက်တာပဲ ဖြစ်မယ်” ဟု သြစတြေးလျှ အမျိုးသား တက္ကသိုလ် အရှေ့တောင်အာရှရေးရာ ဌာန ဒါရိုက်တာနှင့် ကာကွယ်ရေးနှင့် မဟာဗျူဟာ လေ့လာရေးဌာန အကြီးအကဲ John Blaxland က ပြောသည်။ (Reuters သတင်းဝက်ဘ်ဆိုက်တွင် ဖော်ပြထားသည့် Yimou Lee နှင့် Marius Zaharia တို့၏ Crisis dents Myanmar’s hopes of Western investment boom ကိုဘာသာပြန်သည်။) The post ရခိုင်အရေးကြောင့် နိုင်ငံခြား ရင်းနှီးမြှုပ်နှံမှု အိပ်မက် မလှနိုင်တော့ appeared first on ဧရာဝတီ.
Source : http://ift.tt/2xMtB8S
via IFTTT