အၾကမ္းဖက္မႈက အေျဖမဟုတ္ဟု အေမရိကန္ ဒုလက္ေထာက္ ႏိုင္ငံျခားေရးဝန္ႀကီးဆို

အကြမ်းဖက်မှုက အဖြေမဟုတ်ဟု အမေရိကန် ဒုလက်ထောက် နိုင်ငံခြားရေးဝန်ကြီးဆို မြန်မာ့လုံခြုံရေးတပ်ဖွဲ့ဝင်များနှင့် ခေါင်းဆောင်အားလုံးသည် ရခိုင်ပြည်နယ်မှ နေရပ်စွန့်ခွာထွက်ပြေးနေရသူ လူမျိုးဘာသာမရွေး အားလုံးထံ လူသားချင်းစာနာမှု အထောက်အပံ့များ ရရှိရေးနှင့် ၎င်းတို့အား အကာအကွယ်ပေးမှုများ လုပ်ဆောင်ပေးရမည် ဖြစ်ကြောင်း အမေရိကန် ဒု လက်ထောက်နိုင်ငံခြားရေးဝန်ကြီး ပက်ထရစ်မာဖီက ၎င်း၏ သုံးရက်ကြာမြန်မာပြည် ခရီးစဉ်အပြီး ပြောကြားခဲ့သည်။ ဒုု လက်ထောက်နိုင်ငံခြားရေးဝန်ကြီး ပက်ထရစ်မာဖီက ဇူလိုင် ၂၂ ရက် သောကြာနေ့က ဘန်ကောက်မြို့တွင် နိုုင်ငံတကာမှ သတင်းထောက်များနှင့် တယ်လီဖုန်းဖြင့် ပြုလုပ်ခဲ့သော သတင်းစာရှင်းလင်းပွဲတွင် ပြောဆိုခဲ့ခြင်း ဖြစ်သည်။ ၎င်းသည် ရခိုင်ပြည်နယ်မြောက်ပိုင်း အကြမ်းဖက်မှု ပဋိပက္ခဖြစ်ပွားပြီးသည့် သီတင်းလေးပတ်တာကာလအတွင်း မြန်မာပြည်သို့ လာရောက်ခဲ့ခြင်း ဖြစ်သည်။ သြဂုတ်လ ၂၅ ရက် မြန်မာ့လုံခြုံရေးတပ်ဖွဲ့စခန်းများကို ARSA အကြမ်းဖက်အဖွဲ့များက တိုက်ခိုက်ခဲ့ပြီးသည့် နောက်ဆက်တွဲနယ်မြေရှင်းလင်းရေး ဆောင်ရွက်မှုများတွင် ဘင်္ဂလားဒေ့ရှ်နိုင်ငံဘက်ခြမ်းသို့ နေရပ်စွန့်ခွာ ထွက်ပြေးနေရသည့် ၎င်းတို့ကိုယ်ကို ရိုဟင်ဂျာဟုခေါ်သော မွတ်ဆလင် ၄၂၀၀၀၀ ကျော်သွားပြီဖြစ်ကြောင်း ကုလသမဂ္ဂက ထုတ်ပြန်ထားသည်။ “လူ့အခွင့်အရေးချိုးဖောက်မှု စွပ်စွဲချက်တွေအပေါ် ကျနော်တို့ အတော်လေးစိုးရိမ်ပါတယ်။ ဒါကြောင့် မြန်မာ လုံခြုံရေးဆိုင်ရာ အာဏာပိုင်များကို တရားဥပဒေကိုလေးစားဖိုု့နဲ့ အကြမ်းဖက်မှုတွေ ရပ်တည်ဖို့ ပြောဆိုထားပါတယ်။ အကြမ်းဖက်မှုလို့ ပြောတဲ့အခါ တချို့ဒေသခံတွေရဲ့ တရားမျှတမှုဆိုတဲ့အောက်က လက်တုန့်ပြန်တဲ့ ဆောင်ရွက်ချက်တွေကိုလည်း ရပ်တန့်ဖို့ လိုအပ်ပါတယ်” ဟု ပက်ထရစ်မာဖီက သတင်းထောက်များကို ပြောဆိုခဲ့သည်။ တချိန်တည်းတွင်ပင် လန်ဒန်အခြေစိုက် အပြည်ပြည်ဆိုင်ရာ လူ့အခွင့်အရေးအဖွဲ့က ရခိုင်ပြည်မြောက်ပိုင်း ပဋိပက္ခနယ်မြေအတွင်းရှိ လူမနေတော့သော မွတ်ဆလင်ရွာများ မီးဆက်လောင်နေကြောင်း ထုတ်ပြန်ထားပြီး ယင်းသည် ဒေါ်အောင်ဆန်းစုကြည် ပြောဆိုသော မြန်မာ့တပ်မတော်၏ စစ်ဆင်ရေးများ ရပ်တန့်ထားကြောင်းနှင့် ရှေ့နောက်မညီညွတ်ဟု ပြောဆိုသည်။ သြဂုုတ်လ တိုုက်ခိုုက်ခံရမှုနှင့် အကြမ်းဖက်မှုများအပေါ် အမေရိကန် ပြည်ထောင်စု၏ ကန့်ကွက်ရှုတ်ချမှုကို ပက်ထရစ်မာဖီက ထပ်လောင်းပြောဆိုခဲ့ပြီး၊ အမေရိကန်ပြည်ထောင်စုအနေဖြင့် ရခိုင်ပြည်နယ်မြောက်ပိုင်းတွင် ဆက်လက်ဖြစ်ပွားနေသော တိုက်ခိုက်မှုများအတွက် အထူးစိုးရိမ်မကင်း ဖြစ်ရသည်ဟု ဆိုသည်။ “တပ်မတော်မှာ စစ်သွေးကြွတိုက်ခိုက်မှုကို တုံ့ပြန်ဖို့ လိုအပ်သလို အရပ်သားပြည်သူတွေကို ကာကွယ်ပေးဖို့ တာဝန်လည်းရှိတယ်။ လူသားချင်းစာနာမှုအထောက်အပံ့တွေ ပေးပို့ရာမှာ ပါဝင်ကူညီဖို့၊ တင်းမာမှုတွေ လျော့ကျအောင် ပူးပေါင်းပါဝင်ဖို့ နဲ့ တရားဥပဒေစိုးမိုးစွာနဲ့ ကာကွယ်ပေးမှုတွေလုပ်ဖို့၊ လူသားချင်းစာနာမှု အထောက်အပံ့လိုအပ်နေတဲ့သူတွေအပေါ်မှာ ခွဲခြားဆက်ဆံမှုတွေ မလုပ်ဖို့ လိုအပ်တယ် ဆိုတာ ကျနော်တို့ မြန်မာ့တပ်မတော်ကို တောင်းဆိုထားပါတယ်” ဟု ၎င်းက ဧရာဝတီသို့ ပြောဆိုသည်။ ရခိုင်ပြည်နယ်တွင် ပြည်တွင်းနေရပ်စွန့်ခွာ ထွက်ပြေးနေရသူများနှင့် ပြည်ပ ဘင်္ဂလားဒေ့ရှ်ဘက်ခြမ်းသို့ နယ်စပ်ဖြတ်ကျော် ထွက်ပြေးနေရသူ ရိုဟင်ဂျာ မွတ်ဆလင်များအတွက် အရေးပေါ် ကူညီထောက်ပံ့မှုများ ထောက်ပံ့နိုင်ရန် အမေရိကန်အစိုးရက ဒေါ်လာ ၃၂ သန်း ကူညီမည် ဖြစ်ကြောင်း ယခုအပတ်အတွင်း ကြေညာထားသည်။ ပက်ထရစ်မာဖီက အင်္ဂါနေ့က နိုုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နိုုင်ငံတကာသံတမန်များကို ပြောကြားခဲ့သည့် မိန့်ခွန်းနှင့်ပတ်သက်၍ ဖြစ်ပွားဆဲပဋိပက္ခများနှင့် လူသားချင်းစာနာထောက်ပံ့မှုဆိုင်ရာ လိုအပ်ချက်များကို ဖွင့်ဟပြောဆိုခဲ့မှုအပေါ် အမေရိကန်အနေနှင့် ကြိုဆိုသည်ဟု ထပ်လောင်းပြောဆိုသည်။ ထို့အပြင် သူ၏ အရေးတကြီးစိန်ခေါ်မှုများထဲမှ အများအပြားကို ဖြေရှင်းရန် အမျှော်အမြင်ရှိမှုကိုလည်း ချီးမွမ်းပြောဆိုသည်။ သို့သော် မြန်မာပြည်အတွက် စိန်ခေါ်မှုတခုမှာ ရေရှည်ဆောင်ရွက်ရမည့် နိုင်ငံရေးရည်မှန်းချက်တခု အကောင်အထည်ဖော်ရေး ဖြစ်သည်ဟုလည်း ထည့်သွင်း ပြောကြားသွားသည်။ ထို့ကြောင့် ရခိုင်အရေးနှင့်ပတ်သက်သော ကုလသမဂ္ဂအတွင်းရေးမှူးချုပ်ဟောင်း မစ္စတာ ကိုဖီအာနန် ခေါင်းဆောင်သော ရခိုင်ပြည်နယ်ဆိုင်ရာ အကြံပေးကော်မရှင်၏ သြဂုတ်လ ၂၄ ရက် အစီရင်ခံစာတွင် ဖော်ပြထားသော အကြံပြုချက်များ အကောင်အထည်ဖော်ရေးတွင် နေပြည်တော်ရှိ ရွေးကောက်ခံ အရပ်သားအစိုးရနှင့် ပူးပေါင်းဆောင်ရွက်မှု ပေးရန် မြန်မာ့လုံခြုံရေးအာဏာပိုင်များကို အမေရိကန်က ဆက်လက် တိုုက်တွန်းနေခြင်း ဖြစ်သည်ဟု ဆိုသည်။ ပက်ထရစ်မာဖီက မြန်မာ့တပ်မတော်၏ ကာကွယ်ရေးဦးစီးချုပ် ဗိုုလ်ချုပ်မြထွန်းဦးနှင့် နေပြည်တော်တွင် တွေ့ဆုံခဲ့စဉ်အတွင်း ပြောကြားခဲ့ခြင်း ဖြစ်သည်ဟု သိရသည်။ ရခိုင်ပြည်နယ်ပြဿနာရှိ လူသားချင်စာနာမှုဆိုင်ရာ ပြဿနာကို ထိထိရောက်ရောက် မဖြေရှင်းနိုင်ပါက ရခိုင်ပြည်နယ် တည်ငြိမ်ရေး၊ မြန်မာ့ဒီမိုကရေစီအသွင်ကူးပြောင်းရေးနှင့် နိုင်ငံခြားရင်းနှီးမြှုပ်နှံမှုများကို ထိခိုက်စေမည့်အပြင် နယ်စပ်လုံခြုံရေးတွင် အန္တရာယ်ရှိနိုင်ပြီး၊ နိုင်ငံတကာအကြမ်းဖက် အဖွဲ့အစည်းများခြေကုပ်လာယူရန် စွဲဆောင်ရာရောက်လိမ့်မည် စသည့် စိန်ခေါ်ချက်များအပေါ် အမေရိကန်အနေဖြင့် အထူးစိုးရိမ်ကြောင်းလည်း ပက်ထရစ်မာဖီက ဆိုသည်။ ဒုလက်ထောက်နိုင်ငံခြားရေးဝန်ကြီးသည် မြန်မာနိုင်ငံဆိုင်ရာ အမေရိကန်သံအမတ်ကြီး စကော့ မာစီရယ် နှင့်အတူ ရခိုင်ပြည်နယ် စစ်တွေမြို့သိုု့ သွားရောက်ခဲ့ပြီး၊ ဇူလိုုင် ၂၁ ရက်က ဒေသဆိုင်ရာ ခေါင်းဆောင်များ၊ ရခိုင်ပြည်နယ် အစိုးရအဖွဲ့ဝင် ဝန်ကြီးများ၊ လုံခြုံရေးတပ်ဖွဲ့ခေါင်းဆောင်များ၊ နိုင်ငံရေးပါတီမှ ခေါင်းဆောင်များနှင့် အောက်ခြေလူမှုအသိုင်းအဝိုင်းမှ ခေါင်းဆောင်များနှင့် တွေ့ဆုံခဲ့ပြီး ရခိုင်ပြည်နယ်၏ အခြေအနေများကို ဆွေးနွေးခဲ့သည်ဟု သိရသည်။ “အတူတကွ ငြိမ်းချမ်းစွာ စုဝေးနေထိုင်နိုင်စွမ်းက စိန်ခေါ်မှု ဖြစ်လာပြီ။ မယုံကြည်မှုတွေ၊ မလိုမုန်းထားမှုတွေ အများအပြားရှိတယ်။ တခုခု ဖြစ်စေဖို့ စေ့ဆော်မှုတွေ ရှိသလို အနာဂတ်အတွက် အလွန်အမင်း စိုးရိမ်ပူပန်မှုတွေ ရှိတယ်။ အဲဒီလို စိုးရိန်ပူပန်မှုအပေါ် ပြောပြချက်တွေ အားလုံးကို ကျနော်တိုု့ နားထောင် ကြားသိခဲ့ရပါတယ်။” ဟု ပက်ထရစ်မာဖီက ဧရာဝတီသို့ ပြောဆိုသည်။ ကြုံတွေ့နေရဆဲ စိန်ခေါ်ချက်များသည် မြန်မာပြည်၏ ဒုတိယအဆင်းရဲဆုံးပြည်နယ်ဖြစ်သည့် ဖွံ့ဖြိုးမှုနောက်ကျနေသည့် ရခိုင်ပြည်နယ်၏ ရှိရင်းစွဲရှုပ်ထွေးမှုထဲတွင် ချာချာလည်နေသည်ဟု သူက ဆိုသည်။ မြန်မာပြည်၏ “မတူကွဲပြားတဲ့ ပြည်သူတွေဟာ တနည်းမဟုတ် တနည်းဖြင့် ခွဲခြားဆက်ဆံမှု ဖိနှိပ်မှုတွေကို နှစ်ပေါင်းများစွာ ခံစားနေကြရတာ ဖြစ်ပါတယ်။” ဟု ဒုလက်ထောက်နိုုင်ငံခြားရေးဝန်ကြီးက ပြောဆိုပြီး လတ်တလော အကျပ်အတည်း သည် ဒေသခံများအပေါ် အလွန်အမင်း ဂယက်ရိုက်သကဲ့သို့ ဘင်္ဂလားဒေ့ရှ်အပါအဝင် ဒေသတွင်းနိုင်ငံများသို့လည်း ဂယက်ရိုက်ခတ်မှု ရှိကြောင်း ပြောဆိုခဲ့သည်။ မြန်မာ့တပ်မတော်၏ လူ့အခွင့်အရေးချိုးဖောက်မှုများ ရှိသည်ဟူသော စွပ်စွဲချက်ကြောင့် ဗြိတိန်နိုုင်ငံက မြန်မာ့တပ်မတော် ကို ပေးနေသော စစ်တပ်ချင်းဆက်ဆံမှုကို ယခုအပတ်တွင် ရပ်စဲခဲ့သည်။ သိုု့သော်လည်း အမေရိကန်အနေဖြင့် မြန်မာတပ်မတော်နှင့် စစ်တပ်ချင်းဆက်ဆံရေး သည် ယခင်ကတည်းက အလွန်ပင် နည်းပါးသည့်အတွက် တစုံတရာ ပြောင်းလဲမှု ရှိမည်မဟုတ်ဟု ပြောဆိုသည်။ “မြန်မာပြည်မှာ ဒီမိုကရေစီအသွင်ကူးပြောင်းရေးဖြစ်စဉ်က မပြီးပြတ်သေးတဲ့အချိန်မှာ ကျနော်တိုု့ဘက်ကလည်း တပ်မတော်နဲ့ ပုံမှန်လို ဆက်ဆံရေးတခု ထူထောင်ဖို့ အခြေအနေ မရှိသေးပါဘူး” ဟု ရှင်းပြကာ အမေရိကန်အနေဖြင့် ထိုစစ်တပ်ချင်း တိုးချဲ့ရေးကိုလည်း စဉ်းစားခြင်း မရှိဟု ဆိုသည်။ “ရခိုင်ပြည်နယ်မြောက်ပိုင်းမှာ ဖြစ်ပေါ်တိုးတက်မှုတွေအပေါ် ပိုမို ထိရောက်တဲ့ တုန့်ပြန်မှုတွေ ရှိလာအောင် ဆောင်ရွက်နိုင်သလားဆိုတာ ကျနော်တို့ စောင့်ကြည့်ရပါဦးမယ်” ဟု ပက်ထရစ်မာဖီက ဆိုသည်။ ရခိုင်ပြည်နယ်တွင်းရှိ အကြမ်းဖက်မှုခံစားရသော နှစ်ဘက်အသိုင်းအဝိုင်းကိုလည်း “လူသားဂုဏ်သိက္ခာအပေါ် လေးစားမှုပြသရန် လိုအပ်ကြောင်း တိုက်တွန်း ပြောဆိုပြီး အမုန်းစကားနှင့် သတင်းအချက်အလက်အမှားများ ဖြန့်ဝေမှုကို ရပ်တန့်ရန် တိုက်တွန်းပြောဆိုုသည်။ “မြန်မာပြည်ရဲ့ ရှုပ်ထွေးမှုတွေထဲ ထပ်ရှုပ်စေတဲ့ အချက်တွေထဲက တခုကတော့ လူမှုကွန်ရက်မီဒီယာပေါ်မှာ အမုန်းတရားနဲ့ သတင်းမှား ရေးသားမှု တွေဖြစ်တယ်ဆိုတာ ကျနော်ထောက်ပြရပါမယ်။ သတင်းမှားတွေကို အစီအစဉ်တကျထုတ်နေတဲ့ လှုပ်ရှားမှုတွေတောင်မှ ရှိနေတယ်။ အဲဒီလိုဆောင်ရွက်မှုတွေက လူသားချင်းစာနာမှုအထောက်အပံ့ ဖြန့်ဝေရေးကို ဂယက်ရိုုက်ခက်စေတယ်။ အဲဒီအပြုအမှုတွေကပဲ စေ့ဆော်မှုတွေဖြစ်လာဖို့ လူတွေရဲ့ အမြင်တွေအပေါ် ဂယက်ရိုက်ခတ်စေတယ်။” သူက ဧရာဝတီသို့ ရှင်းပြသည်။ “နိုင်ငံရေးအကြောင်းအရာကြီးက ရှုပ်ထွေးနက်နဲတယ်၊ ပြီးတော့ဒီပြဿနာကို ညတွင်းချင်းဖြေရှင်းလိုု့မရဘူးဆိုတာ ကျနော်တို့မငြင်းပါဘူး။ ဒါပေမယ့် ကျနော်တို့ ပြောချင်တာက အကြမ်းဖက်မှုတွေက အဖြေမဟုတ်ဘူးဆိုတာပါပဲ။ နေရပ်စွန့်ခွာရမှုတွေ၊ အိုးအိမ်အဆောက်အအုံဖျက်ဆီးမှုတွေကလည်း အဖြေမဟုတ်ပါဘူး။ တကယ်တော့ အဲဒီအပြုအမှုတွေက ပြဿနာတွေ ပိုတက်စေပြီး ပိုမိုဆိုးရွားစေပါတယ်။ အဲဒီအပြုအမှုတွေက လူတွေကို ဆိုးဝါးစေပြီး ကြံရမရ ဖြစ်စေပါတယ်။” ဟု ၎င်းက ဆိုသည်။ ဧရာဝတီသတင်းဌာန (အင်္ဂလိပ်ပိုင်း) တွင် ဖော်ပြထားသော ‘Violence is No Answer’ Says US State Dept Official on Rakhine ကို ဆီလျော်အောင် ဘာသာပြန်သည်။ ဆက်စပ်ဖတ်ရှုရန်- ‘Violence is No Answer’ Says US State Dept Official on Rakhine The post အကြမ်းဖက်မှုက အဖြေမဟုတ်ဟု အမေရိကန် ဒုလက်ထောက် နိုင်ငံခြားရေးဝန်ကြီးဆို appeared first on ဧရာဝတီ.
Source : http://ift.tt/2wGHki6
via IFTTT