ေဒၚေအာင္ဆန္းစုၾကည္နဲ႔ တပ္မေတာ္ကို နယူးေယာက္တိုင္းမ္း ေဝဖန္ေရးသား

ဒေါ်အောင်ဆန်းစုကြည်နဲ့ တပ်မတော်ကို နယူးယောက်တိုင်းမ်း ဝေဖန်ရေးသား New York Times သတင်းစာကြီးရဲ့ အတွေးအမြင်ကဏ္ဍမှာ သြစတြေးလျ ဝန်ကြီးချုပ်ဟောင်း တာဝန်ကို ယူခဲ့ပြီး Asia Society Policy Institute ရဲ့ ဥက္ကဋ္ဌတာဝန်ယူထားတဲ့ Kevin Rudd က ဒေါ်အောင်ဆန်းစုကြည်ရဲ့ မိန့်ခွန်းဟာ သမာသမတ် ကျပြီး ၂ ဖက်ကို အတိမ်းအစောင်းမရှိအောင် ရပ်တည်ပြီး ပြောကြားသွားခဲ့ရတာဖြစ်ကြောင်း ရေးသားခဲ့ပါတယ်။ သူမဟာ တပ်မတော်ဘက်က ငြိုငြင်ဝေဖန်မှာကိုရော လူ့အခွင့်အရေးလှုံ့ဆော်လှုပ်ရှားသူတွေရဲ့ တိုက်ခိုက်မှုကိုရော ၂ ဖက်အကြားမှာ ခက်ခက်ခဲခဲ ရပ်တည်ပြီး ပြောခဲ့ရတယ်လို့ သုံးသပ်သွားပါတယ်။ လူ့အခွင့်အရေးချိုးဖောက်ခဲ့သူတွေကို ဥပဒေအရ ကိုင်တွယ်မယ်လို့ သူမကပြောခဲ့တာဟာ အာဏာကိုသေနတ်နဲ့ ဆက်လက် ကိုင်ထားဆွဲထားတဲ့ တပ်မတော်ကြားထဲက ပြောခဲ့တာဟာ သတ္တိရှိတာပဲလို့ ချီးမွမ်းခဲ့ပါတယ်။ တပ်မတော်ထဲမှာ ခေါင်းမာတဲ့သူတွေဟာ အစိုးရရဲ့ အုပ်ချုပ်ရေးပါဝါအာဏာကို လုံးဝပြန်လိုချင်နေတယ်လို့ Kevin Rudd ကရေးသားခဲ့ပြီး ဒေါ်အောင်ဆန်းစုကြည်ဟာ ရခိုင်ပြည်နယ်က အခြေအနေကို ရေရှည်အဖြေရှာပေးချင်သူပဲ ဖြစ်တယ်လို့ သုံးသပ်ဝေဖန်ခဲ့ပါတယ်။ ဒါကြောင့် ကိုဖီအာနန်ကို ဖိတ်ကြားကာ အဲဒီကော်မရှင်က ထုတ်တဲ့အကြံပြုချက်ကို ကြိုဆိုခဲ့ပြီး အကောင်အထည်ဖော်ဖို့ သူမဟာ ကျိုးစားနေတာလို့ ဒေါ်အောင်ဆန်းစုကြည်ကို ချီးကျူးခဲ့ပါတယ်။ တပ်မတော်အနေနဲ့ကတော့ ဗုဒ္ဓဘာသာ မြန်မာလူမျိုးအများစုရဲ့ ရိုဟင်ဂျာမွတ်ဆလင် ဆန့်ကျင်ရေးကို မဟာဗျူဟာတရပ် အနေနဲ့ ကြိုးဆွဲခဲ့သလို၊ ရိုဟင်ဂျာတွေကို မောင်းထုတ်ခဲ့တဲ့အတွက်လဲ ဒေါ်အောင်ဆန်းစုကြည်ကို မြန်မာလူမျိုးတွေက ဘယ်လို မြင်သလဲဆိုတာကိုလဲ ပြခဲ့ပါတယ်။ ဒါ့အပြင် နိုင်ငံတကာရဲ့အမြင်မှာလည်း သူမဟာ အားနည်းသူ ပျော့ညံ့သူအထင် မြင်အောင်လည်း လုပ်ပြနိုင်ခဲ့တယ်လို့ ဆိုပါတယ်။ နိုင်ငံတကာကလည်း ပြဿနာကြီး ၂ခုကို ကြုံရပါတယ်။ ပထမကတော့ ရခိုင်ပြည်နယ်ကို လူမှုကူညီကယ်ဆယ်ရေး အထောက်အပံ့တွေ ပေးဖို့နဲ့ ဒုတိယကတော့ တပ်မတော်ရဲ့ အသေအချာပြင်ဆင်ထားတဲ့ မဟာဗျူဟာနဲ့ ဒေါ်အောင် ဆန်းစုကြည်ကို ပြည်တွင်းမှာရော ပြည်ပမှာရော ဟန့်တားဖို့နဲ့ တပ်မတော်ရဲ့ အုပ်ချုပ်မှုပုံစံမျိုး ပြန်ရအောင် လုပ်တဲ့ အနေအထား အခက်အခဲပဲဖြစ်တယ်လို့ Kevin Rudd က သုံးသပ်ပါတယ်။ ဒါကြောင့် ရခိုင်ပြည်က ရိုဟင်ဂျာအကျပ်အတည်းကို နိုင်ငံတကာက ကူညီဖို့လိုသလို၊ မြန်မာရဲ့ ခနော်ခနဲ့ ယိုင်နဲ့နဲ့ ဖြစ်နေတဲ့ လူလားမမြောက်သေးတဲ့ ဒီမိုကရေစီကိုလဲ ကူညီဖို့ လိုအပ်တယ်လို့ သုံးသပ်သွားခဲ့ပါတယ်။ The post ဒေါ်အောင်ဆန်းစုကြည်နဲ့ တပ်မတော်ကို နယူးယောက်တိုင်းမ်း ဝေဖန်ရေးသား appeared first on ဧရာဝတီ.
Source : http://ift.tt/2flNEnO
via IFTTT