ကေလးစစ္သားေဟာင္းအမႈ တရားလို စစ္ဘက္အရာရွိကို စစ္ေဆးခဲ့

ကလေးစစ်သားဟောင်းအမှု တရားလို စစ်ဘက်အရာရှိကို စစ်ဆေးခဲ့ တပ်မတော်က ကလေးစစ်သားဟောင်းကို ပုဒ်မ ၅ဝ၅(ခ) ဖြင့် တရားစွဲဆိုသောအမှုတွင် ပြီးခဲ့သည့်အပတ် စက်တင်ဘာ ၈ ရက်နေ့က ဆက်လက်စစ်ဆေးခဲ့ရာ “တပ်မတော်၊ နိုင်ငံတော်အစိုးရ” ဟူသော စကားလုံးများနှင့် ပတ်သက်ပြီး တရားခံရှေ့နေက တရားလို စစ်အရာရှိကို မေးခွန်းထုတ်ခဲ့သည်။ ရှေ့နေ ဦးဇော်မင်းလှိုင်က ဒုတိယဗိုလ်မှူးကြီး မျိုးမြင့်အောင်ကို မေးမြန်းရာတွင် တပ်မတော်သည် နိုင်ငံတော်အစိုးရ ဟုတ် မဟုတ် သိပါသလား၊ ၂ဝဝ၈ခုနှစ် ဖွဲ့စည်းပုံအခြေခံဥပဒေတွင် တပ်မတော်သည် နိုင်ငံတော်အစိုးရဖြစ်ကြောင်း ရေးသားပြ ဋ္ဌာန်းထားခြင်းမရှိသည်ကို သိပါသလား ဟူသော မေးခွန်းများ ပါဝင်သည်။ နိုင်ငံတော်အစိုးရသည် ဝန်ကြီးဌာနများဖြင့် ဖွဲ့စည်းထား၍ ကာကွယ်ရေးဝန်ကြီးဌာနသည်လည်းတခုအပါအဝင်ဖြစ်ကြောင်း၊ ဖွဲ့စည်းပုံအခြေခံဥပဒေတွင် တပ်မတော်သည် နိုင်ငံတော်အစိုးရဖြစ်ကြောင်း ရေးသားပြဋ္ဌာန်းထားခြင်း ရှိ မရှိကိုလည်း မသိကြောင်း စစ်သက် ၂၄ နှစ်ရှိပြီဖြစ်သော၊ အမှတ် (၁) တပ်မတော်စစ်သားစုဆောင်းရေးတပ်တွင် တပ်မှူးတာဝန် ယူထားသည် မှာ ၅ နှစ်ကျော်ပြီ ဖြစ်သော တရားလိုက ပြန်လည်ဖြေကြားခဲ့သည်။ ပုဒ်မ ၅ဝ၅(ခ) နှင့် တရားစွဲဆိုလျှင် သမ္မတ သို့မဟုတ် ၎င်းက ယခုကိစ္စအလို့ငှာ အာဏာကုန်လွှဲ အပ်ခံထားရသော ပုဂ္ဂိုလ်၏ခွင့်ပြုချက်ဖြင့် တရားစွဲဆိုရမည်ကို သိပါသလားဟု မေးမြန်းရာ တရားလိုက သိရှိကြောင်း၊ တပ်မတော်ကိုယ်စားလှယ်တဦးအနေဖြင့် တရားစွဲဆိုရန် ကျနော့်အား တာဝန်ပေးအပ်ခဲ့ကြောင်း ပြန်လည် ဖြေဆိုသည်။ ထိုခွင့်ပြုချက်စာကို တရားရုံးတွင် သက်သေခံအဖြစ် မတင်သွင်းထားဘဲ တိုင်ကြားချက်အမှုတွဲတွင်သာ တင်ပြထားသည်ကို တွေ့ရသည်။ တရားခွင်အခြေအနေ ကိုအောင်ကိုထွေး၏ပြောကြားချက်များသည် တပ်မတော်၏ ဂုဏ်သိက္ခာ၊ အဆင့်အတန်း နိမ့်ပါးစေခြင်း၊ လက်ရှိ တာဝန် ထမ်းဆောင်နေသော အရာရှိစစ်သည်များအနေဖြင့် တပ်မတော်အပေါ် လေးစားမှုလျော့ကျစေခြင်း၊ လက်ရှိ တာဝန်ထမ်း ဆောင်နေသည့်တာဝန်များကို ပေါ့လျော့စွာ ထမ်းဆောင်လိုသည့် စိတ်ဓာတ် ဖြစ်ပေါ်စေခြင်း၊ တခြားသူများအနေဖြင့် နိုင်ငံတော်အစိုးရကို ထိခိုက်စေခြင်း၊ ငြိမ်ဝပ်ပိပြားရေးကို ထိခိုက်စေသည့် ပြစ်မှုကျူးလွန်လာစေရန် အကြံဖြင့် အများသူငှာ အ ကြည်ညိုပျက်အောင်၊ ဂုဏ်သိက္ခာ ညှိုးနွမ်းအောင် ပြုမူပြောဆိုခြင်း ဖြစ်သည့်အတွက် အရေးယူပေးရန် တရားရုံးသို့ ဦးတိုက် လျှောက်ထားရခြင်းဖြစ်သည်ဟု တရားလိုက ဆိုသည်။ တရားလိုရှေ့နေက တရားလိုကို မေးမြန်းစဉ် မှတ်စုစာအုပ်ဖွင့်ဖတ်ပြီး ဖြေကြားခြင်းကို တရားခံရှေ့နေက ကန့်ကွက်ခဲ့သည်။ တရားခံရှေ့နေက ကိုအောင်ကိုထွေး စစ်သားစုဆောင်းရေးတပ်သို့ ရောက်ချိန်တွင် မိသားစုက သွားရောက်ခေါ်ယူခဲ့သော် လည်း တပ်မတော်က မိသားစုထံ ပြန်လည်အပ်နှံခြင်း မရှိကြောင်း တရားခွင်တွင် ပြောသည်။ ဒုဗိုလ်မှူးကြီးက ၎င်းအနေဖြင့် ထိုဖြစ်ရပ်ကို မသိကြောင်း၊ ပြန်ခေါ်လိုပါက မိဘအုပ်ထိန်းသူက စာဖြင့်တင်ပြသည့်နည်း၊ ကာယကံရှင်ကိုယ်တိုင်က တင်ပြသည့်နည်း၊ UN CTFMR မှတဆင့် တင်ပြသည့်နည်း၊ အပြည်ပြည်ဆိုင်ရာ အလုပ်သမား ရေးရာအဖွဲ့ချုပ် (ILO) မှတဆင့် တင်ပြသည့်နည်း စသဖြင့် နည်းလမ်း ၄ ခု ရှိကြောင်း တရားခွင်တွင် ပြောသည်။ တပ်မတော်က တရားစွဲထားသည့် ကလေးစစ်သားဟောင်း ကိုအောင်ကိုထွေးကို စက်တင်ဘာ ၁ ရက်တွင် ဒဂုံဆိပ်ကမ်းမြို့နယ် တရားရုံး၌ စတင် ရုံးထုတ်သည်။ချမ်းစွန်း/ဧရာဝတီ မိသားစုဘက်က ကာကွယ်ရေးဝန်ကြီးဌာန၊ အရွယ်မရောက်သေးများ စစ်မှုထမ်းခြင်းမှ ကာကွယ်တားဆီးထိန်းသိမ်းရေး ကော်မတီဥက္ကဋ္ဌ၊ ILO တို့ထံ တိုင်ကြားခဲ့ကြောင်း၊ ယခုချိန်အထိ ILOတွင် တိုင်ကြားထားသည့် အမှုတွဲမှာ ပိတ်သိမ်းရခြင်း မရှိသေးကြောင်း တရားခံရှေ့နေက တရားခွင်တွင် ပြောသည်။ ဒုဗိုလ်မှူးကြီးက ထိုကော်မတီထံ တင်ပြလျှင် ကော်မတီက ပြန်လည်စိစစ်ပြီး မိဘထံသို့ ပြန်အပ်နှံသည်ဟု ဆိုသည်။ ထို့အ ပြင် ၂ဝ၁၂ ခုနှစ်မှ ၂ဝ၁၇ ခုနှစ်အထိ ကုလသမဂ္ဂ United Nations Country Task Force Monitoing and Reportion (UN CTFMR) အဖွဲ့နှင့် အစိုးရတို့ပူးပေါင်းကာ အရွယ်မရောက်သေးသော ကလေးများ စစ်မှုထမ်းခြင်းမှ ကာကွယ်ရန် ၁၄ ကြိမ်ခန့် ဆောင်ရွက်ခဲ့ကြောင်း၊ ၈၇၇ ဦးကို မိဘထံ ပြန်အပ်နှံခဲ့ကြောင်း ၎င်းက တရားခွင်တွင် ဆက်ဆိုသည်။ ဒဂုံမြို့သစ်(ဆိပ်ကမ်း) မြို့နယ် တရားသူကြီးက တရားလိုဖြစ်သူကို ဆက်လက်စစ်မေးရန် စက်တင်ဘာ ၁၈ ရက်နေ့သို့ချိန်း ဆိုလိုက်သည်။ နှစ်ဖက် အပြန်အလှန် စာဖြင့် လျှောက်ထားချက်များအပေါ် မူတည်ပြီး အာမခံ ပေး၊ မပေး အမိန့်ချမှတ်မည် ဟု ပြောသည်။ စစ်သားအဖြစ် စုဆောင်းခံရ ကိုအောင်ကိုထွေးသည် ၂ဝဝ၈ ခုနှစ်၊ အသက် ၁၄ နှစ်အရွယ် ၈ တန်းကျောင်းသားဘဝတွင် အိမ်နီးချင်းတဦးနှင့်အတူ ပျဉ်းမနားသို့ အဖော်လိုက်သွားပြီး အပြန် ရန်ကုန်ဘူတာကြီးတွင် စစ်သားစုဆောင်းရေးတပ်မှ တပ်ကြပ်ကြီးတဦးက ခေါ် ဆောင်သွားရာမှ မိသားစုနှင့် အဆက်အသွယ်ပြတ်သွားသည်။ မင်္ဂလာဒုံစစ်သားစုဆောင်းရေးတပ်မှ ဗိုလ်ကြီးတဦးက အသက်မပြည့်သေးသည့် ကိုအောင်ကိုထွေးကို အိမ်ပြန်ပို့ရန် အမိန့် ပေးသော်လည်း အဆိုပါ တပ်ကြပ်ကြီးက ၎င်းကို မင်္ဂလာဒုံရှိ စစ်ပစ္စည်း အရောင်းဆိုင်တဆိုင်တွင် ငွေတသိန်းဖြင့် ရောင်းခဲ့ သည်ဟု ဆိုသည်။ ထို့နောက် ၎င်းသည် မန္တလေးမြို့၊ စစ်သား စုဆောင်းရေးတပ်တွင် ၂ လ၊ မုံရွာမြို့ စစ်သင်တန်းကျောင်း တွင် ၄ လခွဲ ကြာပြီးနောက် ရှမ်းပြည်နယ်၊ လောက်ကိုင်မြို့ရှိ တပ်စခန်းတခုသို့ ရောက်သွားသည်ဟု ဆိုသည်။ တာဝန်ထမ်းဆောင်ရာ တပ်ရင်းက အထက်တန်းကျောင်းတွင် သွားရောက်ပညာသင်ယူခွင့်ပေးသော်လည်း လက်တွေ့တွင်မူ စိုက်ပျိုးရေးလုပ်ငန်းများတွင် လုပ်အားပေးအဖြစ် လုပ်ကိုင်ခဲ့ရသည်ဟု သိရကြောင်း အမဖြစ်သူ မနေဇာထွန်းက ပြောသည်။ ထိုသို့ လုပ်အားပေးရသဖြင့် သူနှင့်အတူ တပ်မတော်သား ၃ ဦးတို့ ထွက်ပြေးကြကြောင်း၊ ထွက်ပြေးသူတဦးက ဆိုင်ကယ် လုယက်မှုတွင် ဆိုင်ကယ်ပိုင်ရှင် သေဆုံးသည့်ဖြစ်စဉ်နှင့် ပတ်သက်ပြီး ၁၇ နှစ်အရွယ်တွင်ပင် သေဒဏ်ချမှတ်ခြင်းခံခဲ့ရ ကြောင်း သူက ဆက်ပြောပြသည်။ ထိုအချိန်ရောက်မှ ပြန်လည်အဆက်အသွယ်ရရှိခဲ့သည့် မိသားစုက သက်ဆိုင်ရာအဆင့်ဆင့်ကို ကလေးစစ်သားအဖြစ် စု ဆောင်းခံခဲ့ရသည့်အကြောင်း တင်ပြရာ သေဒဏ်မှ ထောင် တသက်တကျွန်းသို့ ပြောင်းပေးခဲ့ပြီး ၂ဝ၁ဝ ပြည့်နှစ်တွင် ထောင် ဒဏ် ၁ဝ နှစ်သို့ လျှော့ချပေးခဲ့သည်ဟု ဆိုသည်။ အသက် ၂၆ နှစ်အရွယ်တွင် ထောင်မှ ပြန်လွတ်လာပြီး ရန်ကုန်၊ ဒဂုံမြို့သစ်(ဆိပ်ကမ်း) မြို့နယ်တွင် အမဖြစ်သူနှင့် နေထိုင် စဉ် ၎င်း၏ဘဝဖြစ်စဉ်ကို RFA သတင်းဌာနက သြဂုတ် ၁ဝ ရက်နေ့တွင် ထုတ်လွှင့်ခဲ့သည်။ တပ်မတော်အချုပ်ခန်းတွင် ၇ လကြာ ချုပ်နှောင်စစ်ဆေးခံရစဉ် နှိပ်စက်မှုဒဏ်ကို မခံနိုင်သည့်အတွက် ပြစ်မှုကျူးလွန်သည် ဟု လက်မှတ်ထိုးပေးလိုက်ရကြောင်း ကလေးစစ်သားဟောင်းက သတင်းဌာနကို ပြောသည်။ အင်တာဗျူး ထုတ်လွှင့်ပြီး ၈ ရက်အကြာတွင် ကိုအောင်ကိုထွေး အဖမ်းခံလိုက်ရသည်။ ပုဒ်မ ၅ဝ၅ (ခ) မည်သူမဆို ဖော်ပြချက်ကိုဖြစ်စေ၊ ကောလာဟလကိုဖြစ်စေ၊ သတင်းကိုဖြစ်စေ ပြုရာတွင် သို့မဟုတ် ထုတ်ပြန်ကြေညာရာ တွင် သို့မဟုတ် ဖြန့်ချိရာတွင် နိုင်ငံတော်အစိုးရကို ဖြစ်စေ၊ နိုင်ငံတော်ငြိမ်ဝပ်ပိရေးကိုဖြစ်စေ ထိခိုက်သည့် ပြစ်မှုကို တဦးတ ယောက်သောသူက ကျူးလွန်ချင်လာအောင် အများပြည်သူကိုသော်လည်းကောင်း၊ အများပြည်သူ၏ သီးခြားလူစုကို သော် လည်းကောင်း ကြောက်ခြင်း၊ ထိတ်လန့်ခြင်း တခုခုဖြစ်စေရန် အကြံရှိလျှင် သို့မဟုတ် ထိုသို့ဖြစ်စေတန်ရာသည့်အကြောင်း ရှိလျှင် အဆိုပါပုဒ်မဖြင့် တရားစွဲဆိုရန် ရာဇသတ်ကြီး ဥပဒေ ပုဒ်မ ၅ဝ၅(ခ) တွင် ပြဋ္ဌာန်းထားသည်။ ပြစ်မှုကျူးလွန်ကြောင်း ထင်ရှားပါက အမြင့်ဆုံး ချမှတ်နိုင်သည့် ထောင်ဒဏ်မှာ ၂ နှစ် ဖြစ်သည်။ The post ကလေးစစ်သားဟောင်းအမှု တရားလို စစ်ဘက်အရာရှိကို စစ်ဆေးခဲ့ appeared first on ဧရာဝတီ.
Source : http://ift.tt/2xXcygO
via IFTTT