တွံတေး-လှိုင်သာယာကားလမ်း စက်တူးမြောင်းအနီးမှာ ဒီကနေ့ မနက် ၈နာရီက ကားတစ်စီးအရှိန်မထိန်းနိုင်ဘဲ လမ်းဘေးထိုးကျကာ အမျိုးသားတစ်ဦးသေဆုံးပြီး ယာဥ်မောင်းထွက်ပြေးသွားတယ် လို့သိရပါတယ်။ “လေးဦးဒဏ်ရာရရှိသွားပါတယ်။ကားမောင်းသမားကတော့ ကားလမ်းဘေး ထိုးကျသွားတဲ့အချိန်ကတည်းကထွက်ပြေးသွားပါတယ်။ ယခုချိန်ထိတော့ဖမ်းဆီးမရသေးပါဘူး။ ဖမ်းဆီးရမိရေးအတွက် စုံစမ်းနေပါတယ်”လို့ တွံတေးမြို့၊ခလောက်ချိုက်နယ်မြေရဲစခန်းက တာဝန်ရှိသူတစ်ဦးကပြောပါတယ်။ သေဆုံးသွားတဲ့အမျိုးသားက တွံတေးမြို့နယ်၊ ခလုတ်ကျေးရွာမှာနေထိုင်တဲ့ ကိုဝင်းခိုင်အသက်(၃၃)နှစ် ဖြစ်ပြီး ဒဏ်ရာရရှိသူ အမျိုးသား ၄ဦးကို ရန်ကုန်ပြည်သူ့ဆေးရုံကိုပို့ဆောင်ပေးထားတယ်လို့လည်းသိရပါတယ်။ အမျိုးသား ခြောက် ဦးဟာ ကန်တာကုန်တင်ယာဥ်အမျိုးအစားနဲ့ လှိုင်သာယာဘက်ကနေ တွံတေးဘက်ကိုပြန်လာခဲ့တာဖြစ်တယ်လို့လည်းသိရပါတယ်။ ထွက်ပြေးတိမ်းရှောင်သွားတဲ့ယာဥ်မောင်းကို ခလောက်ချိုက်နယ်မြေရဲခစန်းက လူသေမှု၊ထွက်ပြေးတိမ်းရှောင်မှုတွေနဲ့ ရာဇသတ်ကြီးဥပဒေပုဒ်မ ၃ဝ၄-(က)/၃၃၇/၃၃၈ နဲ့အမှုဖွင့်အရေးယူထားတယ်လို့လည်းသိရပါတယ်။ Author – နှင်းနှင်း
Source : http://ift.tt/2qrveGd
via IFTTT
No comments:
Post a Comment