ေျမာက္ကိုရီးယား န်ဴလက္နက္ စမ္းသပ္သည့္ေနရာ ၿပိဳက် လူ ၂၀၀ ေသဆုံးႏိုင္

မြောက်ကိုရီးယား နျူလက်နက် စမ်းသပ်သည့်နေရာ ပြိုကျ လူ ၂၀၀ သေဆုံးနိုင် မြောက်ကိုရီးယားနိုင်ငံ ပန်ဂျီရိ နျူကလီးယားစမ်းသပ်ရေးစခန်းရှိ လှိုဏ်ခေါင်းတခုပြိုကျရာ လူ ၂၀၀ သေဆုံးသည်ဟု သတင်းများ ထွက်ပေါ်လာသည်။ ပြိုကျမှုမှာ အောက်တိုဘာ ၁၀ ရက်နေ့က ဖြစ်ပွားခြင်းဖြစ်ပြီး ပထမတကြိမ်ပြိုကျရာ လူ၁၀၀ခန့် ပိတ်မိ နေရာ ကယ်ဆယ်ရေးလုပ်ဆောင်စဉ် နောက်တကြိမ်ထပ်မံပြိုကျသည့်အတွက် လူ၁၀၀ခန့် နောက် ထပ် ပိတ်မိသေဆုံးခြင်းဖြစ်သည်ဟု ဂျပန်အခြေစိုက် အဆာဟိ ရုပ်သံက ယနေ့ဖော်ပြခြင်းဖြစ် သည်။ မြောက်ကိုရီးယားတို့ ဖုံးအုပ်ထားသည့် နျူကလီးယား စမ်းသပ်သည့် နေရာပြိုကျခဲ့ခြင်းကို တောင်ကိုရီးယား သတင်းဌာန ယွန်ဟပ်ကလည်း အတည်ပြုပြောကြားပြီး၊ ရေဒီယိုသတ္တိကြွမှုများ ဖြစ်ပွားမည်ကို စိုးရိမ်လျှက်ရှိကြောင်း ဖော်ပြသည်။ မြောက်ကိုရီးယားသည့် ပြီးခဲ့သည့် စက်တင်ဘာလအတွင်းက ပြင်းအား ၆.၃ မဂ္ဂနီကျု့ရှိ နျူကလီးယား စမ်းသပ်မှုကို နောက်ဆုံး ပြုလုပ်ခဲ့ခြင်းဖြစ်သည်။ The post မြောက်ကိုရီးယား နျူလက်နက် စမ်းသပ်သည့်နေရာ ပြိုကျ လူ ၂၀၀ သေဆုံးနိုင် appeared first on ဧရာဝတီ.
Source : http://ift.tt/2zUpmWs
via IFTTT

ျမန္မာ့ကုမၸဏီမ်ား၏ ပြင့္လင္းျမင္သာမႈကို ေလ့လာႏိုင္မည့္ ပြင့္သစ္စ အစီရင္ခံစာ မတ္လ ထုတ္ျပ

မြန်မာ့ကုမ္ပဏီများ၏ ပွင့်လင်းမြင်သာမှုကို လေ့လာနိုင်မည့် ပွင့်သစ်စ အစီရင်ခံစာ မတ်လ ထုတ်ပြန်မည် မြန်မာနိုင်ငံရှိ ကုမ္ပဏီများ၏ ပွင့်လင်းမြင်သာမှုကို နိုင်ငံတကာမှ လေ့လာနိုင်သည့် “၂၀၁၈ ခုနှစ် ပွင့်သစ်စ စီမံချက်”ကို လာမည့် မတ်လ၌ ထုတ်ပြန်ပေးသွားမည် ဖြစ်ကြောင်း မြန်မာ့စီးပွားရေးကဏ္ဍ တာဝန်ယူမှုရှိရေး အထောက်အကူပြုဌာန (MCRB) မှဆိုသည်။ ယနေ့ ရန်ကုန်မြို့ Rose Garden ဟိုတယ်တွင် ပြုလုပ်သည့် သတင်းစာရှင်းလင်းပွဲတွင် MCRB မှ ဒါရိုက်တာ ဗစ်ကီဘိုမန် က “ကျမတို့ ဒီအစီရင်ခံစာကို ၂၀၁၄ ခုနှစ်ထဲက စလုပ်ခဲ့တာ ၃ နှစ်ရှိပြီ။ ဒီနှစ်မှာတော့ အကဲဖြတ် အမှတ်ပေးဖို့ နည်းလမ်း တွေကို ပြောင်းလိုက်ပါပြီ။ ဘာဖြစ်လို့လဲ ဆိုတော့ ကုမ္ပဏီအများစုက သူတို့ အမှတ်ပေး တဲ့အခါ ၁၀မှတ် နီးပါး ၉ မှတ် ကျော် တဲ့အထိ ရှိလာကြတယ်။ လုပ်ဆောင်မှုတွေ ပိုကောင်းလာတဲ့အခါ သူတို့တွေအတွက်လည်း ပိုပြီးတော့ စိန်ခေါ်မှုလည်း ရှိအောင်နဲ့ စံချိန်စံညွှန်းတွေ ပိုပြီးရှိအောင် ဖြစ်တယ်”ဟု ပြောသည်။ ယင်းအပြင် အာဆီယံနိုင်ငံများ၏ စီးပွားရေးလုပ်ငန်းများ အပေါ်ကြည့်ပြီး မြန်မာနိုင်ငံ စီးပွားရေး ကဏ္ဍ ကျယ်ပြန့်အောင် မြန်မာကုမ္ပဏီများ၏ အခန်းကဏ္ဍကို လုပ်ဆောင်ရန် ဆုံးဖြတ်ထားပြီး မတ်လတွင် ထုတ်ပြန်ပေးသွားမည် ဖြစ်ကြောင်း ၎င်းက ပြောသည်။ ယခုထုတ်ပြန်မည့် ၂၀၁၈ ခုနှစ် ပွင့်သစ်စ အစီရင်ခံစာတွင် စီးပွားရေးလုပ်ငန်းများ၏ ဓလေ့၊ စီးပွားရေးလုပ်ငန်း၏ စီမံအုပ် ချုပ်မှု၊ စီးပွားရေးလုပ်ငန်း၏ လူမှုရေးတာဝန်ယူမှု စီမံခန့်ခွဲခြင်း၊ ဆက်သွယ်ဆောင်ရွက်ခြင်းနှင့် အစီရင်ခံခြင်း စသည့် အကြောင်းအရာ ၅ ခု ပါဝင်မည်ဖြစ်ပြီး ယင်းစံသတ်မှတ်ချက်အနေနှင့် မလေးရှား၊ ထိုင်း၊ ဖိလစ်ပိုင်၊ အင်ဒိုနီးရှားနှင့် စင်ကာပူစသည့် နိုင်ငံများ၌ အသုံးပြုနေသည့် ASEAN Corporate Governance အမှတ်ပေးစည်းမျဉ်းများနှင့် နိုင်ငံတကာ စံချိန်များနှင့် ကိုက်ညီအောင် ဆောင်ရွက်ထားသည်။ MCRB အနေဖြင့် အဆိုပါ အစီရင်ခံစာကို မြန်မာ့စီးပွားရေး အတိုင်ပင်ခံ လုပ်ငန်း Yeverနှင့် တွဲဖက်၍ လုပ်ဆောင်မည် ဖြစ်ပြီး၊ ၂၀၁၄ ခုနှစ်ကလည်း မြန်မာ ကုမ္ပဏီ ၆၀၊ ၂၀၁၇ ခုနှစ်တွင် ကုမ္ပဏီ ၁၀၀ကို အကဲဖြတ်လုပ်ဆောင်ခဲ့ခြင်း ဖြစ်ကြောင်း ယခုထုတ်ပြန်မည့် ၂၀၁၈ ခုနှစ်တွင် ကုမ္ပဏီ ၂၀၀ကို အကဲဖြတ် လုပ်ဆောင်သွားမည်ဟု သိရသည်။ Yever တွဲဖက်ထူထောင်သူနှင့် အုပ်ချုပ်မှုဒါရိုက်တာ နီကိုလပ်စ် ဒီလန်းဂ်“၂၀၁၈ ခုနှစ် ပွင့်သစ်စ စီမံချက် အစီရင်ခံစာက အချက်အလက်တွေကို ပေးရင်း မြန်မာ့ကုမ္ပဏီတွေရဲ့ အလေ့အကျင့်ကောင်း တွေကို ဖော်ထုတ်ရင်းနဲ့ မြန်မာကုမ္ပဏီတွေ ဘယ်လိုလုပ်နေလဲဆိုတဲ့ အချက်အလက်တွေကို နိုင်ငံတကာက စီးပွားလုပ်ငန်းရှင်တွေကို ပေးမှာဖြစ်တယ်။ ပြီးတော့ စီးပွားရေးလုပ်ငန်းက ခေါင်းဆောင်တွေနဲ့ မြန်မာအစိုးရအာဏာပိုင်တွေကိုလည်း အကြံပြုချက် ပေးသွားမှာ ဖြစ်တယ်”ဟု ပြောသည်။ ပွင့်သစ်စအစီရင်ခံစာတွင် မြန်မာကုမ္ပဏီများ ပါဝင်ခြင်းအားဖြင့် မိမိတို့ကုမ္ပဏီ၏ ပွင့်လင်းမြင်သာ မှုအချက်အလက်များကို တဖက်မှ ပူးပေါင်းလုပ်ကိုင်လိုသော နိုင်ငံတကာကုမ္ပဏီများမှ သိရှိရသော ကြောင့် ယုံကြည်မှုကို ရရှိမည် ဖြစ်ကြောင်း ၎င်းကဆက်ပြောသည်။ သုတေသန ပြုရာတွင် အကဲဖြတ်မည့် ကုမ္ပဏီများထံ ပြောင်းလဲခြင်းနှင့် ပတ်သက်၍ လည်းကောင်း၊ သုတေသနနှင့် ပတ်သက်၍ လည်းကောင်း အကြောင်းကြားစာပေးပို့ခြင်း၊ Yever က အကဲဖြတ်ပြီး သည့်အခါ ကုမ္ပဏီများထံ ပထမဆုံး ရလဒ်ကို ပေးပို့ပေးပြီး ကုမ္ပဏီများ၏ မှတ်ချက်များ ပြန်လည် တောင်းခံခြင်း၊ အချက်အလက် ဖြည့်စွက်ခြင်းတို့ကို ၂၀၁၈ ခုနှစ် ဇန်နဝါရီနှင့် ဖေဖော်ဝါရီလတို့တွင် ပါဝင်သောကုမ္ပဏီ ၂၀၀ ခန့်နှင့်ဆက်သွယ်ပြီး ပေးပို့သွားမည် ဖြစ်ကြောင်း သိရသည်။ ပြီးခဲ့သည့် ၂၀၁၆ ခုနှစ် အစီရင်ခံစာတွင် အကဲဖြတ်ခဲ့သည့် မြန်မာကုမ္ပဏီများမှာ First Myanmar Investment (FMI)၊ မက်စ် မြန်မာကုမ္ပဏီနှင့် ရွှေတောင်ကုမ္ပဏီ အစရှိသည့် ကုမ္ပဏီ ၁၀၀ခန့်ကို အကဲဖြတ်ခဲ့ခြင်း ဖြစ်ပြီး၊ ယခုပြုလုပ်မည့် ၂၀၁၈ ခုနှစ် အစီရင်ခံစာတွင် စတော့အိတ်ချိန်း စာရင်းဝင် ကုမ္ပဏီများဖြစ် သည့် သီလဝါ SEZ အများပိုင်ကုမ္ပဏီ၊ မြန်မာနိုင်ငံသားများ ဘဏ်နှင့် ပထမ မြန်မာရင်းနှီးမြုပ်နှံမှု ကုမ္ပဏီ လီမိတက်နှင့် အခွန်အများဆုံး ပေးဆောင်ခဲ့သည့် ကမ္ဘောဇကုမ္ပဏီ အုပ်စု စသည့် စီးပွားရေး ကုမ္ပဏီပေါင်း ၂၀၀ ကို အကဲဖြတ်သွားမည်ဖြစ်ပြီး၊ ပွင့်သစ်စ အစီအစဉ်တွင် ပါဝင်လို၍ ဆက်သွယ်လာသည့် ကုမ္ပဏီများကို သုတေသနပြုလုပ်သွားမည်ဟု သိရသည်။ The post မြန်မာ့ကုမ္ပဏီများ၏ ပွင့်လင်းမြင်သာမှုကို လေ့လာနိုင်မည့် ပွင့်သစ်စ အစီရင်ခံစာ မတ်လ ထုတ်ပြန်မည် appeared first on ဧရာဝတီ.
Source : http://ift.tt/2xEdZkS
via IFTTT

ကမာၻကသိတဲ့ ေမာ္ဒယ္လ္ျဖစ္ဖို႔ ႀကိဳးစားသြားမယ့္ ေ႐ႊအိမ္စည္

ကမ္ဘာကသိတဲ့ မော်ဒယ်လ်ဖြစ်ဖို့ ကြိုးစားသွားမယ့် ရွှေအိမ်စည် လတ်တလောတွင် ဝေဖန်မှုများနဲ့ ပရိသတ်ရဲ့ အရုံစိုက်ခြင်းကိုခံနေရတဲ့ အလှမယ် ရွှေအိမ်စည်က မော်ဒယ်လ်ပိုင်းနဲ့ ပတ်သက်လို့ မြန်မာနိုင်ငံမှာတင်မကဘဲ ကမ္ဘာကပါသိတဲ့ မော်ဒယ်လ်ရွှေအိမ်စည် ဖြစ်အောင်ကြိုးစားသွားမယ်လို့ ပြောဆိုလိုက်ပါတယ်။ “အိမ်စည်အသက်ကလည်း အရမ်းငယ်သေးတဲ့အတွက် Modeling ပိုင်းမှာ ကိုယ့်ဘက်က အတတ်နိုင်ဆုံး ထိုးဖောက်ချင်တယ်။ မြန်မာနိုင်ငံမှာ မဟုတ်ဘဲနဲ့ ကမ္ဘာမှာပါ ဒါက မြန်မာနိုင်ငံက မော်ဒယ်လ်ရွှေအိမ်စည်ပါလား ဆိုပြီးတော့ သိအောင် ကြိုးစားသွားမှာပါ။ အခုချိန်မှာတော့ ဘယ်လမ်းကိုမှ မရွေးသေးဘဲနဲ့ အဲဒီလိုမျိုးတော့ စိတ်ကူးထားပါတယ်” လို့ ရွှေအိမ်စည်က ပြောပါတယ်။ အလှမယ် ရွှေအိမ်စည်ဟာ သိပ်မကြာသေးခင်က ဗီယက်နမ်နိုင်ငံမှာ ကျင်းပပြုလုပ်ခဲ့တဲ့ Miss Grand International 2017 ပြိုင်ပွဲကို မြန်မာနိုင်ငံကိုယ်စားပြုအနေနဲ့ သွားရောက်ယှဉ်ပြိုင်ခါနီးမှ Organization က သရဖူ ပြန်လည်သိမ်းယူခဲ့တဲ့ ကိစ္စနဲ့ပတ်သက်ပြီး ဟိုးလေးတကျော်ကျော်ဖြစ်ခဲ့ပါတယ်။ အဲဒီကနေ လူအများ သတိထားမိလာခဲ့ရာမှ နောက်ပိုင်းမှာ အနုပညာလုပ်ငန်းများကို ခပ်စိပ်စိပ် လှုပ်ရှားလာတာကို တွေ့လာရပါတယ်။ လတ်တလောမှာ ကြော်ငြာရိုက်ကူးမှုများအတွက် ဓာတ်ပုံများရိုက်ကူးနေရပြီး နောက်ပိုင်းတွင် သူမရဲ့လက်ရှိပုံရိပ်နဲ့ ကိုက်ညီမယ့်ပုံစံမျိုးများကိုသာ သရုပ်ဆောင်သွားချင်တယ်လို့လည်း ဆိုပါတယ်။ “သရုပ်ဆောင်ပိုင်းကိုတော့ စိတ်ဝင်စားတယ်။ ဒါပေမယ့် မော်ဒယ်လ်ပိုင်းမှာ သဘောကျသလောက် သရုပ်ဆောင်ပိုင်းမှာကျတော့ အားမသာဘူးဖြစ်နေတယ်။ သရုပ်ဆောင်ပိုင်းကိုလုပ်သွားမယ်။ ဒါပေမယ့် သရုပ်ဆောင်ပိုင်းနဲ့ မရပ်တည်သွားဘူး။ သရုပ်ဆောင်က လုပ်တော့လုပ်သွားမယ်။ ဒီပုံစံအတိုင်းကိုပဲ လုပ်သွားပါမယ်” လို့ ရွှေအိမ်စည်က ပြောပါတယ်။ ဆက်လက်ပြီး ဖက်ရှင်ပိုင်းနဲ့ပတ်သက်လို့ သူက “ဖက်ရှင်က လူတယောက်အတွက် အရေးကြီးဆုံးပါပဲ။ ဘာဖြစ်လို့လဲဆိုတော့ လူတယောက်ကိုက အရင်ဆုံးတွေ့ရင် သူရဲ့ စိတ်ဘယ်လိုရှိမလဲဆိုတာကို အရင်မမြင်သေးဘဲနဲ့ သူ့ရဲ့ဖက်ရှင်ကို အရင်တွေ့ရမှာဆိုတော့ ကိုယ်က နုနုရွရွဝတ်ထားတာကို မြင်ရင် သူကဒီလိုမျိုးရှိတယ်ပေါ့။ အဲဒီလိုမျိုးခံစားချက်ကို ပေးတဲ့အတွက် ဖက်ရှင်က အရေးကြီးပါတယ်” လို့ ရွှေအိမ်စည်က ဆိုပါတယ်။ ဖက်ရှင်တခုကို ရွေးချယ်မယ်ဆိုပါက မိမိရဲ့ စိတ်နေစိတ်ထားကို ကိုယ်ဝတ်ဆင်ထားတဲ့ အဝတ်အစားမှတဆင့် လူတွေသိအောင် ဝတ်ဆင်တတ်ရမယ်လို့လည်း ရွှေအိမ်စည်က အကြံပြုထားပါတယ်။ အလှမယ် ရွှေအိမ်စည်ကို အောက်တိုဘာလ ၂၉ ရက်နေ့ ရန်ကုန်မြို့ မြို့တော်ခန်းမရှေ့တွင် ပြုလုပ်ခဲ့တဲ့ တပ်မတော်နဲ့ ဝန်ထမ်းကောင်းများထောက်ခံပွဲတွင် ပါဝင်ခဲ့မှုအပေါ် ဝေဖန်မှုများ ဖြစ်ပေါ်လျက်ရှိပါတယ်။ The post ကမ္ဘာကသိတဲ့ မော်ဒယ်လ်ဖြစ်ဖို့ ကြိုးစားသွားမယ့် ရွှေအိမ်စည် appeared first on ဧရာဝတီ.
Source : http://ift.tt/2gYxLnN
via IFTTT

ၿပိဳင္ဘက္ က်ားသစ္နက္ကို ႏွစ္ခ်ီအတြင္း အႏိုင္ယူမည္ဟု ေအာင္လအန္ဆန္းႀကဳံးဝါး

ပြိုင်ဘက် ကျားသစ်နက်ကို နှစ်ချီအတွင်း အနိုင်ယူမည်ဟု အောင်လအန်ဆန်းကြုံးဝါး “ONE: HERO’S DREAM” ပြိုင်ပွဲတွင် ပြိုင်ဘက် အယ်လိန် ဂလာနီ(ကျားသစ်နက်)ကို နှစ်ချီ အတွင်း အနိုင်ယူမည်ဟု မြန်မာစပါးအုံးဟု နာမည်ရသူ တိုက်ခိုက်ရေးသမား အောင်လအန်ဆန်းက ယနေ့ပြုလုပ်သည့် ပွဲကြိုရှင်းလင်းပွဲတွင် ကြုံးဝါးလိုက်သည်။ မြန်မာစပါးအုံးဟု ကမ္ဘာကသိသည့် အောင်လအန်ဆန်းနှင့် ကျားသစ်နက်ဟု နာမည်ပြောင်ပေးထား သည့် မွေထိုင်း ဟဲဗီးဝိတ်နှင့် ကစ်ဘောက်ဆင် ကမ္ဘာ့ချန်ပီယံ အယ်လိန်တို့ ရန်ကုန်မြို့ သုဝဏ္ဏ အားကစားရုံတွင် လာမည့် နိုဝင်ဘာ ၃ရက်နေ့၌ ထိုးသတ်မည်ဖြစ်သည်။ အောင်လအန်ဆန်းက ပြိုင်ဘက် အယ်လိန် ဂလာနီသည် ၎င်းထက် ဝိတ်တန်းကြီးမားသော်လည်း အခက်အခဲမရှိ ကြောင်းလည်း ပြောသည်။ “ကမ္ဘာမှာ မြန်မာဖိုက်တာဆိုတာ ဘယ်သူလဲဆိုတာသိအောင်ပြမယ်၊ ဝိတ်ဘယ်လောက် ကြီးကြီး ကျနော်ဂရုမစိုက်ဘူး၊ သူ့ကို Good Luck လို့ပြောချင်ပါတယ်”ဟု ၎င်းက ပြောသည်။ ယခုပွဲစဉ်မှာ ချန်ပီယံခါးပတ်လုပွဲ မဟုတ်ဘဲ စိန်ခေါ်ပွဲအဖြစ်သာ ထိုးသတ်ခြင်းဖြစ်သည်။ အောင်လအန်ဆန်းသည် ပြိုင်ဘက်အား ပိုင်နိုင်သန်မာသည့် ချုပ်ကွက်များဖြင့် အနိုင်ယူလေ့ရှိသည့် အတွက် မြန်မာ စပါးအုံးဟု တင်စားခေါ်ဝေါ်ကြပြီး၊ MMA မစ်ဒယ်ဝိတ် ချန်ပီယံ ရုရှားနိုင်ငံသား ဗစ်တာလီ ဘစ်ဒစ်ရှ် ကို ပြီးခဲ့သည့် ဇွန်လ ၃၀ ရက်နေ့က မြန်မာပရိတ်သတ်ရှေ့ ရန်ကုန်မြို့တွင် အနိုင်ယူကာ ONE မစ်ဒယ်ဝိတ်တန်း ကမ္ဘာ့ချန်ပီယံဆုကို ရယူထား သူဖြစ်သည်။ ယခုထိုးသတ်မည့် အယ်လိန် ဂလာနီမှာလည်း မွေထိုင်းဟဲဗီးဝိတ်နှင့် ကစ်ဘောင်ဆင်(kickboxing) တို့တွင် ကမ္ဘာ့ချန်ပီယံ တဦးဖြစ်ပြီး၊ ခိုင်မာတောင့်တင်းသည့် ခန္ဓာကိုယ်နှင့် လျှင်မြန်မှုများကြောင့် “ကျားသစ်နက်” ဟု နာမည်ပြောင်ရထားကာ ပွဲစဉ်အားလုံးနီးပါးတွင် နှစ်ချီထက်မကျော်ဘဲ အဆုံး သတ်လေ့ရှိပြီး၊ နောက်ဆုံးထိုးသတ်ခဲ့သည့် ခါးပတ်လုပွဲတွင် စိန်ခေါ်သူ ဟီဒယ်ကီ အား ၁၁ စက္ကန့်ဖြင့် အလဲထိုး အနိုင်ယူထားသူဖြစ်သည်။ “ဒီပွဲကနေတဆင့် ကိုယ်ခံပညာရပ်များရဲ့ ကောင်းကျိုးတွေ၊ အားကစားလိုက်စားခြင်းရဲ့ ကောင်းကျိုး တွေကို မြန်မာပြည် သူများကို မျှဝေပြသ ပေးချင်ပါတယ်၊ အောင်လကို လေးစားသလို သူဟာကြိုးစား ပြီး ဂုဏ်ယူဖို့ကောင်းတဲ့ သူတယောက် လည်းဖြစ်ပါတယ်၊ ဒီပြိုင်ပွဲဟာ ပြိုင်ပွဲတွေထဲမှာ အဆင့်အမြင့် ဆုံး၊ စိန်ခေါ်မှု အများဆုံးဖြစ်တဲ့အတွက် ကျနော်တို့တွေရဲ့ စွမ်းရည်တွေကိုပြသဖို့အတွက် ရင်ခုန်နေ ပါပြီ”ဟု သူ့ရဲ့ ပွဲကြိုခံစားချက်ကို အယ်လိန် ဂလာနီက ဆိုသည်။ HERO’S DREAM ပြိုင်ပွဲ၏ အခြားပွဲစဉ်တခုမှာ ONE: ဖယ်သာဝိတ်တန်း မြန်မာချန်ပီယံ ဖိုးသော်နှင့် မြန်မာ့လက်ဝှေ့ ကစားသမားတဦးဖြစ်သူ စောဘဦးတို့ ယှဉ်ပြိုင်ထိုးသတ်ကြမည်ဖြစ်ပြီး ၎င်းတို့နှစ်ဦးစလုံးအနေဖြင့် နောက်ဆုံးထိုးသတ် ခဲ့သည့် သက်ဆိုင်ရာပြိုင်ပွဲများတွင် နိုင်ပွဲများ ရယူထားသူများ ဖြစ်ကြသည်။ MMA ဖိုက်တာ ဖိုးသော်က “သူ့အနေနဲ့ ရိုးရာလက်ဝှေ့နဲ့ MMA ရဲ့ ကွဲပြားမှုတွေကို သူသတိထား စေချင်ပါတယ်၊ ဘာတွေ ကွဲပြားလဲဆိုတာ ၃ ရက်နေ့ပွဲမှာ သူသိရပါတော့မယ်”ဟု ပြိုင်ဘက် စောဘဦးကို သတိပေးပြောဆိုထားသည်။ ပြိုင်ပွဲတွင် ယှဉ်ပြိုင်ထိုးသတ်မည်ပွဲစဉ်များအနေဖြင့် အောင်လအန်ဆန်းနှင့် အယ်လိန် ဂလာနီ၊ ဖိုးသော်နှင့် စောဘဦး၊ Ma Hao Bin(တရုတ်)နှင့် Niko Soe(စင်ကာပူ)၊ သပြေညိုနှင့် Asraful Islam(ဘင်္ဂလားဒေ့ရှ်)၊ Pongsiri Mitsatit (ထိုင်း) နှင့် Jeremy Miado (ဖိလစ်ပိုင်) ၊ စောမင်းမင်း နှင့် ရဲသွေးနီ၊ Chen Lei (တရုတ်) နှင့် Burn Soriano (ဖိလစ်ပိုင်)၊ Miao Jie (တရုတ်) နှင့် Amira Hafizovic (သြစတေးလျ)၊ Zhang Ze Hao (တရုတ်) နှင့် Bala Shetty (အိန္ဒိယ)၊Nita Dea (အင်ဒိုနီးရှား)နှင့် Jomary Torres (ဖိလစ်ပိုင်) တို့ ပါဝင်မည်ဖြစ်သည်။ The post ပြိုင်ဘက် ကျားသစ်နက်ကို နှစ်ချီအတွင်း အနိုင်ယူမည်ဟု အောင်လအန်ဆန်းကြုံးဝါး appeared first on ဧရာဝတီ.
Source : http://ift.tt/2gYzcTw
via IFTTT

အေမရိကန္က ျမန္မာကို ဆန္ရွင္လုပ္ၿပီး တ႐ုတ္လက္ထဲ ျပန္ထည့္မလား

အမေရိကန်က မြန်မာကို ဆန်ရှင်လုပ်ပြီး တရုတ်လက်ထဲ ပြန်ထည့်မလား ကုလသမဂ္ဂမှ အမေရိကန် သံအမတ် Nikki Haley က သိန်းနှင့် ချီသော ရိုဟင်ဂျာ မွတ်ဆလင်များ ရခိုင်ပြည်နယ်မှနေ၍ အိမ်နီးချင်း ဘင်္ဂလားဒေ့ရှ် နိုင်ငံအတွင်းသို့ ထွက်ပြေးခဲ့ရသည့် မြန်မာတပ်မတော်၏ ပြင်းထန်သော တိုက်ခိုက်မှုများ အပေါ် ဝေဖန်ပြစ်တင်ရာတွင် သွယ်ဝိုက်နေခဲ့ခြင်း မရှိပါ။ စက်တင်ဘာလ အတွင်းက ပြောကြားခဲ့သော မိန့်ခွန်းတခုတွင် သူက “အပြုသဘောဆောင်တဲ့ သံတမန် စကားလုံးများ သုံးစွဲရမယ့် အချိန်ကို ကျော်လွန်ခဲ့ပါပြီ။ အခုအချိန်မှာ ကျမတို့အနေနဲ့ သူတို့ရဲ့ နိုင်ငံသားတွေကြားထဲမှာ အမုန်းတရား မီးထိုးမှုတွေ၊ လူ့အခွင့်အရေး ချိုးဖောက်မှုတွေနဲ့ ညိစွန်းနေတဲ့ မြန်မာနိုင်ငံက လုံခြုံရေးတပ်ဖွဲ့တွေကို ဆန့်ကျင် အရေးယူဖို့ စဉ်းစားရပါတော့မယ်” ဟုပြောကြားခဲ့သည်။ လူ့အခွင့်အရေးချိုးဖောက်မှုဖြင့် စွပ်စွဲခံရသူများကို အမြန်ဆုံး အရေးယူ ဖယ်ရှားရန်လည်း Nikki Haley ကတောင်းဆိုလိုက်သည်။ သို့သော်လည်း အမေရိကန် နိုင်ငံက ယမန်နှစ်က ယခင်သမ္မတ အိုဘားမား ဖယ်ရှားပေးခဲ့သော စီးပွားရေးပိတ်ဆို့ အရေး ယူမှုများ ပြန်လည်ချမှတ်ခြင်း အပါအဝင် ပြင်းထန်သော အရေးယူမှုများ ပြုလုပ်ရန် အလွန်ပင် ဖြစ်နိုင်ဖွယ်ရာ မရှိပါ။ ၁၉၈၈ ခုနှစ်က မြန်မာနိုင်ငံတွင် တပ်မတော်က ဒီမိုကရေစီရေး ဆန္ဒပြပွဲများကို ရက်စက်စွာ ဖြိုခွဲခဲ့ပြီးနောက် ရပ်ဆိုင်းထား ခဲ့သော အမေရိကန်နိုင်ငံ၏ International Military Education and Training အစီအစဉ် ပြန်လည်စတင်ရေး ဆောင် ရွက်နေသည်ကို ရွှေ့ဆိုင်းထားခြင်းကဲ့သို့သော ကိစ္စများသည်သာ ရိုဟင်ဂျာ မွတ်ဆလင်များ အပေါ် လုံခြုံရေး တပ်ဖွဲ့များ ၏ လူ့အခွင့်အရေး ချိုးဖောက်မှု သတင်းများ ကျယ်ကျယ်ပြန့်ပြန့် ထွက်ပေါ်နေခြင်း နှင့် ပတ်သက်၍ တုန့်ပြန်သည့် အနေ ဖြင့် အမေရိကန် နိုင်ငံက ဆောင်ရွက်ရန် ဆန္ဒရှိကောင်း ရှိနိုင်ပါသည်။ အမှန်တကယ်တွင် တရုတ်နိုင်ငံက လတ်တလောတွင် ကျဆင်းနေသော မြန်မာနိုင်ငံအပေါ် သူ၏ သြဇာလွှမ်းမိုးမှုကို ပြန်လည်ရရှိရေးအတွက် လူသားချင်းစာနာ ထောက်ထားမှုဆိုင်ရာ အကျပ်အတည်း (ရိုဟင်ဂျာ ပြဿနာ) ကို အသုံးချသွား မည်ကို စိုးရိမ်ခြင်းကြောင့် အမေရိကန် အစိုးရက မနှစ်သက်ကြောင်း အရိပ်လက္ခဏာပြခြင်းထက် ပို၍ တစုံတရာ ပြုလုပ်ခြင်း မရှိအောင် ထိန်းသိမ်းထားဖွယ်ရာ ရှိပါသည်။ ရိုဟင်ဂျာများ၏ လက်နက်ကိုင် ပုန်ကန်တိုက်ခိုက်မှုကို တုန့်ပြန်သည့် မြန်မာ့တပ်မတော်၏ နယ်မြေရှင်းလင်းရေး စစ်ဆင်ရေးများအပေါ် အနောက်နိုင်ငံများနှင့် ကုလသမဂ္ဂတို့က ဝေဖန်ခဲ့ကြချိန်တွင် တရုတ်နိုင်ငံက ၎င်းတို့၏ ကူးသန်း ရောင်းဝယ်ရေးနှင့် ဗျူဟာမြောက် အကျိုးစီးပွားများ ပေါ်ထွန်းလာခါစ ရခိုင်ပြည်နယ်တွင် တည်ငြိမ်မှုကို ထိန်းသိမ်းရေးအတွက် ပြုလုပ်သော မြန်မာနိုင်ငံ၏ တင်းကျပ်သော ဗျူဟာများကို ထောက်ခံခဲ့သည်။ အောက်တိုဘာလ ၁၇ ရက်နေ့က တရုတ်နိုင်ငံ၏ အာရှရေးရာ အထူးကိုယ်စားလှယ် ဆွန်ကော့ရှန်နှင့် တွေ့ဆုံရာတွင် မြန်မာ့တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီ မင်းအောင်လှိုင်က ရခိုင်အရေးကိစ္စတွင် တရုတ်နိုင်ငံ၏ ထောက်ခံမှုအတွက် ကျေးဇူးတင်ကြောင်း ပြောကြားခဲ့သည်။ ဗိုလ်ချုပ်ဟောင်းတဦး ဖြစ်သည့် ဒုတိယသမ္မတ ဦးမြင့်ဆွေနှင့် မတွေ့ဆုံမီ တရက်အလို ဆွန်ကော့ရှန်က ရခိုင်ပြည်နယ်အတွင်းမှ ရိုဟင်ဂျာ အများစုဒေသ တွင် ကြီးမားသော တိုက်ခိုက်ဖြိုခွဲမှုများ ဖြစ်ပေါ်စေခဲ့သော ရိုဟင်ဂျာ ကယ်တင်ရေး တပ်မတော် (ARSA) ၏ သြဂုတ်လ ၂၅ ရက်နေ့ တိုက်ခိုက်မှုများကို ပွင့်ပွင့်လင်းလင်း ပြစ်တင် ရှုတ်ချခဲ့ သည်။ ကြိုတင်မျှော်လင့်ထားသည့်အတိုင်း မြန်မာနိုင်ငံနှင့် နိုင်ငံခေါင်းဆောင် ဒေါ်အောင်ဆန်းစုကြည်အပေါ် အနောက်နိုင်ငံများ၏ ဝေဖန်မှုများကို တရုတ်အစိုးရ အာဘော်သတင်းစာ တစောင် ဖြစ်သည့် The Global Times က လျှင်မြန်စွာပင် အခွင့်အရေး ယူခဲ့သည်။ စက်တင်ဘာလ ၁၈ ရက်နေ့တွင် The Global Times သတင်းစာက“ အနောက်တိုင်း မီဒီယာများက ရိုဟင်ဂျာအရေးနှင့် ပတ်သက်၍ ပြင်းထန်စွာ ဝေဖန်ခြင်း ခံနေရသော်လည်း နိုင်ငံတော် အတိုင်ပင်ခံ ပုဂ္ဂိုလ်၊ နိုဘယ်လ်ငြိမ်းချမ်းရေးဆုရှင် ဒေါ်အောင်ဆန်းစုကြည်သည် တရုတ်နိုင်ငံမှ အင်တာနက်သုံးစွဲသူများကြားတွင် အလွန်ရေပန်းစားနေပြီး ပြည်သူတို့၏ အကျိုးစီးပွားကို လုံခြုံအောင် ကာကွယ်ရင်း ပြင်ပဖိအားများကို ခုခံရင်ဆိုင်မှုကြောင့် ချီးကျူး ဂုဏ်ပြုနေကြကြောင်း” ဖော် ပြခဲ့သည်။ The Global Times သတင်းစာက တရုတ်ဆိုရှယ်မီဒီယာမှ ရေးသားချက်များကိုလည်း ကောက်နှုတ် ဖော်ပြ၍ “အနောက်တိုင်း၏ ကိုယ်စားလှယ်တဦးအဖြစ် ကာလရှည်ကြာစွာ ရှုမြင်ခြင်း ခံခဲ့ရသည့် ဒေါ်အောင်ဆန်းစုကြည်က အမျိုးသားလုံခြုံရေးနှင့် ပတ်သက်သောကိစ္စများတွင် ဖွံဖြိုးဆဲ နိုင်ငံများအပေါ် အနောက်နိုင်ငံများ၏ ဖိအားပေးမှုကို မခံမရပ်နိုင် ဖြစ်ခဲ့ရသော တရုတ် အွန်လိုင်း အသိုင်းအဝိုင်း၏ ချီးကျူး ဂုဏ်ပြုမှုကို ရရှိခဲ့ကြောင်း” ဆက်လက် ရေးသားသည်။ ရိုဟင်ဂျာ ပြဿနာကို ကုလသမဂ္ဂ လုံခြုံရေးကောင်စီတွင် တင်ပြရန် အမေရိကန် သို့မဟုတ် ဥရောပသမဂ္ဂ၏ ကြိုးပမ်းလာမှု မှန်သမျှကို တရုတ်နိုင်ငံက တားဆီးသွားဖွယ် ရှိသည်ဟုလည်း ဆိုသည်။ ၁၉၈၈ ခုနှစ်နောက်ပိုင်းတွင် အမေရိကန်၊ ဥရောပ သမဂ္ဂ နှင့် ဂျပန်နိုင်ငံတို့က ထိုစဉ်က စစ်အစိုးရကို အထီးကျန် ဖြစ်စေရန် အရေးယူပိတ်ဆို့ မှုများ ပြုလုပ်ခဲ့သည့် အချိန်တွင် တရုတ်နိုင်ငံက ပိတ်ဆို့မှုကို တန်ပြန်သည့် အနေဖြင့် ကုန်သွယ်ရေး သဘောတူညီချက်များ၊ တရားဝင် အကူအညီများ နှင့် စစ်လက်နက်ရောင်းချမှုများ ပြုလုပ်ပေးခဲ့သည်။ အပြန်အလှန် အနေဖြင့် တရုတ်နိုင်ငံအပေါ် ကြီးလေးစွာ မှီခိုရခြင်းကြောင့် မြန်မာနိုင်ငံတွင် စစ်ဘက်မှ တိုက်ရိုက် အုပ်ချုပ်သည့် စနစ်မှနေ၍ အရပ်ဘက်မှ အများစု ပို၍ ပါဝင်နိုင်သော နိုင်ငံရေးစနစ်တခုသို့ တပ်မတော် ကျောထောက်နောက်ခံပေးသည့် ပါတီက အညင်းပွားဖွယ်ရာ အနိုင်ရရှိခဲ့သော ၂၀၁၀ ခုနှစ်ရွေးကောက်ပွဲများ နောက်ပိုင်းတွင် စတင်ပြောင်းလဲရန် ဖြစ်လာခဲ့သည်။ အမေရိကန်အပါအဝင် အနောက်နိုင်ငံများနှင့် ဆက်ဆံရေးကို ပုံမှန်ပြန်ဖြစ်စေရန် အထောက်အကူ ဖြစ်ခဲ့သော ပြောင်းလဲမှုဖြစ်ပြီး ၂၀၁၂ ခုနှစ်တွင် မြန်မာနိုင်ငံသို့ အမေရိကန် သမ္မတ အိုဘားမား လာရောက်လည်ပတ်ခဲ့သည်။ မြန်မာနိုင်ငံက တရုတ်နိုင်ငံအတွက် ဗျူဟာအရ အရေးကြီးပါသည်။ အိန္ဒိယ သမုဒ္ဒရာသို့ ထွက်ပေါက်ရစေပြီး ဘင်္ဂလား ပင်လယ်အော်မှ တရုတ်နိုင်ငံ တောင်ပိုင်း ယူနန်ပြည်နယ်သို့ ဆက်သွယ်ထားသည့် ရေနံနှင့် သဘာဝဓာတ်ငွေ့ ပိုက်လိုင်း များကို အိမ်ရှင်အဖြစ် လက်ခံထားသည်။ ထိုပိုက်လိုင်းများကြောင့် အရှေ့အလယ်ပိုင်းမှ လာသည့် သင်္ဘောခရီးစဉ်များကို ပိုမိုတိုတောင်းသွားစေပြီး အားနည်းချက်တခု ဖြစ်သည့် မလက္ကာရေလက်ကြားကိုလည်း ရှောင်ရှားနိုင်ခဲ့သည်။ တရုတ်နိုင်ငံ၏ ခေတ်သစ်ပိုးလမ်းမ (One Belt One Road) အစီအစဉ်တွင်လည်း မြန်မာနိုင်ငံက အရေးပါသည့် မိတ်ဖက် တဦး ဖြစ်သည်။ ထိုအစီအစဉ်တွင် ရခိုင်ပြည်နယ်က အရေးကြီးသည့် အိန္ဒိယ သမုဒ္ဒရာထွက်ပေါက်အဖြစ် ပါဝင်နေသည်။ ရမ်းဗြဲကျွန်းတွင် တည်ဆောက်ရန် စီစဉ်ထားသည့် စီးပွားရေး ဇုန်တခုနှင့် ကျောက်ဖြူမှ ရေနက်ဆိပ်ကမ်းတို့က ဒေါ်လာ ထရီလီယံနှင့် ချီ၍ တန်ကြေးရှိသော အခြေခံ အဆောက်အဦး စီမံကိန်း၏ အဓိက ကျသော အစိတ်အပိုင်းများထဲတွင် ပါ ဝင်နေသည်။ မြန်မာနိုင်ငံအပေါ် တရုတ်နိုင်ငံ၏ ချုပ်ကိုင်လာမှုက နေပြည်တော်နှင့် ထိတွေဆက်ဆံရေးကို သပိတ်မှောက်သော အမေရိကန်၏ အရေးယူပိတ်ဆို့ရေး မူဝါဒများကို ပြောင်းလဲခဲ့ခြင်း၏ စစ်မှန်သော အကြောင်းပြချက် ဖြစ်ဖွယ် ရှိပါသည်။ ရိုဟင်ဂျာ အရေးနှင့် ပတ်သက်၍ အရေးယူပိတ်ဆို့မှုများ ပြုလုပ်ခြင်း သို့မဟုတ် အခြားသော ပြစ်ဒဏ်ခတ်မှုများ ချမှတ် ခြင်းက ယခင်သမ္မတ အိုဘားမားလက်ထက်တွင် ပြုလုပ်ခဲ့သော အောင်မြင်မှုများကို ပြောင်းပြန် ဖြစ်သွားစေမည့် အလားအလာရှိပါသည်။ လက်ရှိသမ္မတ ဒေါ်နယ်ထရမ့်က ယခင်သမ္မတ၏ မူဝါဒများကို ပြောင်းပြန်လုပ်ရသည်ကို သဘောကျသည့် တိုင် ယခု အချိန်အထိ အရေးယူမှုများ ဖြစ်လာဖွယ် မရှိသေးပါ။ မြန်မာနိုင်ငံမှ သြဇာရှိသော စစ်ဗိုလ်ချုပ်များကလည်း တရုတ်နိုင်ငံ၏ ရင်ခွင်တွင်းသို့ များစွာ ပြန်လည်ရောက်ရှိသွားနိုင်သည့် စိတ်ကူးကို သဘောကျကြဖွယ်ရာ မရှိပါ။ တရုတ်နိုင်ငံက ဘင်္ဂလားဒေ့ရှ်နှင့် ၎င်း၏ ကာလရှည် မဟာမိတ် ဖြစ်သော ပါကစ္စတန် နိုင်ငံများနှင့် ခင်မင်ရင်းနှီးသော ဆက်ဆံရေးကို ဆက်လက်ထိန်းသိမ်းထားရန် စိတ်အားထက်သန်နေကြောင်းလည်း သိရသည်။ ဘင်္ဂလားဒေ့ရှ် နှင့် ပါကစ္စတန် နိုင်ငံ ၂ ခုလုံးက လက်ရှိတိုးလာနေသည့် ပြဿနာနှင့် သက်ဆိုင်နေကြသည်။ ARSA အဖွဲ့၏ ခေါင်းဆောင် Ataullah abu Ammar Jununi က ရခိုင်ပြည်နယ်တွင် မွေးဖွားသူ မဟုတ်သော်လည်း ပါကစ္စတန်နိုင်ငံ ကရာချိတွင် မွေးဖွားသည့် ဒုတိယမျိုးဆက် ရိုဟင်ဂျာတဦး ဖြစ်သည်။ အခြားခေါင်းဆောင်များက ဆော်ဒီ အာရေးဗီးယားတွင် အခြေစိုက်သည်ဟု ယုံကြည်ရပါသည်။ ရိုဟင်ဂျာ ပြဿနာက မွတ်ဆလင်နိုင်ငံ အများအပြားတွင် အုတ်အုတ်ကျက်ကျက် ဖြစ်စေခဲ့သည်။ ARSA အတွက် ဘဏ္ဍာရေးထောက်ပံ့မှုက အရှေ့အလယ်ပိုင်းမှ လာသည်ဟု သိရပြီး အင်ဒိုနီးရှားနှင့် အခြားနိုင်ငံများမှ စစ်သွေးကြွများက ဘင်္ဂလားဒေ့ရှ်-မြန်မာ နယ်စပ်သို့ သွား၍ မြန်မာ့တပ်မတော်ကို ဆန့်ကျင်သော ဘာသာရေး စစ်ပွဲများ ဆင်နွှဲရန် ကတိပြုနေ ကြသည်။ ထောက်လှမ်းရေး သတင်းရင်းမြစ်များ၏ အဆိုအရ ရိုဟင်ဂျာများ၏ ဒုက္ခအပေါ် မွတ်ဆလင်ကမ္ဘာ၏ အမြင်ခံစားချက်များ လျော့ကျသွားစေရေးအတွက် ကူညီရန် တရုတ်နိုင်ငံက ပါကစ္စတန်နိုင်ငံကို တောင်းဆိုခဲ့ကြောင်း သိရသည်။ တရုတ် နိုင်ငံ အတွက် သိသာထူးခြားသော ဗျဟာမြောက် အကျိုးစီးပွားများ ရှိနေသည့် နေရာတခုဝယ် နောက်ထပ် မီးတောက်မည့် အခြေအနေများမှ ရှောင်ရှားနိုင်ရန် ဖြစ်သည်။ ARSA နှင့် အကြမ်းဖက်အဖွဲ့များ၊ ပါကစ္စတန်၊ ဘင်္ဂလားဒေ့ရှ်၊ အင်ဒိုနီးရှား၊ မလေးရှားနှင့် အာရပ်နိုင်ငံများရှိ အစွန်းရောက် အဖွဲ့များကြားမှ ဆက်နွယ်မှုကို သတင်းပို့ရန် အမေရိကန် လုံခြုံရေး အစီအစဉ် ရေးဆွဲသူများက မေ့လျော့ခဲ့ကြသည်ဟု ယူဆပါက မိုက်မဲရာကျမည် ဖြစ်သည်။ ARSA က ထိုသို့ ဆက်နွယ်မှုများ မရှိကြောင်း အလေးအနက် ငြင်းခဲ့သည်။ ၎င်းတို့သည် ဂျီဟတ်ဝါဒီ အဖွဲ့အစည်းတခု မဟုတ်ဘဲ လူမျိုးစု အမျိုးသားရေး အခြေပြုအဖွဲ့ အစည်းတခု ဖြစ်ကြောင်း၊ မြန်မာတပ်မတော်၏ နှိပ်စက်မှုကို ခံနေရသော ရိုဟင်ဂျာများကို ကယ်တင်ရန်သာ ဖြစ်ကြောင်း ရှင်းလင်းခဲ့သည်။ သို့သော်လည်း ၎င်းတို့၏ မူလနာမည် ဖြစ်သော Harakah al-Yaqin သို့ မဟုတ် “ယုံကြည်ချက် လှုပ်ရှားမှု” ဆိုသည်က အခြားတခုကို ညွှန်ပြနေသည်။ ထောက်လှမ်းရေး အစီရင်ခံစာများက မွတ်ဆလင်ကမ္ဘာမှ အစွန်းရောက် အစိတ်အပိုင်းများနှင့်ဆက်သွယ်မှုရှိကြောင်း ဖော်ပြခဲ့ကြသည်။ ARSA ၏ ခေါင်းကိုင် ဖြစ်သော ပါကစ္စတန်နိုင်ငံသား ရိုဟင်ဂျာ နွယ်ဖွားတဦး ဖြစ်သည့် Abdus Qadoos Burmi က ပါကစ္စတန်နိုင်ငံမှ Lashkar-e-Taiba သို့မဟုတ် “သန့်စင်ခြင်းတပ်”နှင့် နီးစပ်မှုရှိသူ ဖြစ်သည်။ Lashkar-e-Taiba အဖွဲ့ကို ၁၉၈၇ ခုနှစ်က ကွယ်လွန်သူ al Qaeda ခေါင်းဆောင် Osama bin Laden ၏ ငွေကြေးထောက်ပံ့မှု ဖြင့် အာဖဂန်နစ္စတန် နိုင်ငံတွင် ထူထောင်ခဲ့ခြင်းဖြစ်ပြီး ယခုအခါတွင် တောင်အာရှ၏ အကြီးဆုံး အကြမ်းဖက် အဖွဲ့အစည်းများထဲတွင် တခုအပါအဝင် ဖြစ်လာသည်။ လက်ရှိ အချိန်တွင် သန်းဝက် ကျော်ရှိသော ရိုဟင်ဂျာ ဒုက္ခသည်များကို လက်ခံထားခြင်းကြောင့် ဘင်္ဂလားဒေ့ရှ် နိုင်ငံက ချီးကျူးခြင်း ခံနေရသော်လည်း ပြည်ပရောက် ရိုဟင်ဂျာ အဖွဲ့အစည်း အမျိုးမျိုးနှင့် ဘင်္ဂလားဒေ့ရှ် နိုင်ငံမှ စစ်သွေးကြွအဖွဲ့များကြား အစဉ်အလာ ဆက်နွယ်မှုများကလည်း စိုးရိမ်စရာ ဖြစ်သည်။ ယခုလ အတွင်းတွင် ဘင်္ဂလားဒေ့ရှ် အစိုးရက Muslim Aid၊ Islamic Relief နှင့် ဘင်္ဂလားဒေ့ရှ် အခြေစိုက် Allama Fazlullah Foundation စသည့် အစ္စလမ် အလှူရှင် အဖွဲ့အစည်း ၃ ခုကို ရိုဟင်ဂျာများနှင့် အလုပ်မလုပ်ရန် တားမြစ် ပိတ်ပင်ခဲ့သည်။ ၎င်းတို့က အစွန်းရောက်လုပ်ရပ်များအတွက် ဒုက္ခသည်များကို စည်းရုံးရန် ကြိုးစားမည်ကို စိုးရိမ်သော ကြောင့် ဖြစ်သည်။ တရုတ်နိုင်ငံက အကျပ်အတည်းပေါ်တွင် အမြတ်ထုတ်နေပြီး အမေရိကန်နိုင်ငံက အရေးယူပိတ်ဆို့ရေးအား ဝတ်ကျေတန်းကျေ ပြောနေသည့် အချိန်တွင် မြန်မာ့တပ်မတော်က မုန်တိုင်းအတွင်းတွင် အထိအခိုက်မရှိ ဆက်လက် ရပ်တည်နေနိုင်ဆဲ ဖြစ်သည်။ ထို့ကြောင့် အမှန်တကယ် ထိခိုက်နစ်နာရသူများမှာ မြန်မာနိုင်ငံမှ နေ၍ ဘင်္ဂလားဒေ့ရှ် နိုင်ငံ မှ နေချင်စရာ မကောင်းသော စခန်းများသို့ ထွက်ပြေးပြီး ထိုနေရာတွင် နောက်ထပ်နှစ်နှင့် ချီ၍ နေရကောင်း နေရနိုင်သည့် ဒုက္ခသည်များသာ ဖြစ်ပါလိမ့်မည်။ အကယ်၍ ထိုစခန်းများကသာ အစွန်းရောက်များ၊ စစ်သွေးကြွများ ပေါက်ဖွားရာ နေရာတခု ဖြစ်လာခဲ့လျှင် ရခိုင် ပြည်နယ်သည် လူသားချင်း စာနာထောက်ထားမှုဆိုင်ရာ အကျပ်အတည်းတခု မြင့်တက်လာစေမည့် အန္တရာယ်များသော ပထဝီနိုင်ငံရေး ယှဉ်ပြိုင်မှု၏ ဇာတ်ရုံသစ်တခု ဖြစ်လာပါလိမ့်မည်။ (Asia Times ပါ Bertil Lintner ၏ Rohingya refugees as pawns in a geopolitical game ကို ဘာသာပြန်ဆိုသည်) The post အမေရိကန်က မြန်မာကို ဆန်ရှင်လုပ်ပြီး တရုတ်လက်ထဲ ပြန်ထည့်မလား appeared first on ဧရာဝတီ.
Source : http://ift.tt/2A2rTPf
via IFTTT

ဒီတပတ္ ရန္ကုန္မွာလည္ပတ္စရာ

ဒီတပတ် ရန်ကုန်မှာလည်ပတ်စရာ ၁။ အောင်လအန်ဆိုင်းနှင့် အယ်လိန်ဂလာနီ တို့၏ One: HERO’s DREAM လက်ဝှေ့ထိုးသတ်ပွဲကြီးကို သုဝဏ္ဏ မိုးလုံလေလုံ အားကစားကွင်းတွင် ၃.၁၁.၂၀၁၇ ရက်နေ့ည ၆ နာရီခွဲတွင် ပြုလုပ်သွားမည် ဖြစ်သည်။ ပွဲလက်မှတ်များကို www.myasiatiket.com နှင့် ဖုန်း သ၉ ၉၅၁ ၅၄၉ ၂၉၇ သို့ဆက်သွယ် မှာယူနိုင်ပြီး SKYNET SPORTS 3 ရုပ်သံလိုင်း၊ SKYNET SPORTS-HD ရုပ်သံလိုင်းများတွင်လည်း တိုက်ရိုက် ထုတ်လွှင့်ပြသသွားမည် ဖြစ်ကြောင်း သိရသည်။ ၂။ MEMORY! နိုင်ငံတကာအမွေအနှစ် ရုပ်ရှင်ပွဲတော်ကို ဝဇီရာရုပ်ရှင်ရုံ၊ မဟာဗန္ဓုလပန်းခြံတို့တွင် ၄.၁၁.၂၀၁၇ မှ ၁၃.၁၁.၂၀၁၇ ရက်နေ့ အထိ ပြုလုပ်သွားမည် ဖြစ်သည်။ ဝင်ကြေးအခမဲ့ ဖြစ်ပြီး အဆိုပါ ရုပ်ရှင်ပွဲတော်တွင် ကမ္ဘာတဝန်းမှ ဂန္ထဝင်ရုပ်ရှင်ဇာတ်ကားပေါင်း ၆၀ ခန့် ပြသသွားမည် ဖြစ်ကြောင်းသိရသည်။ ၃။ တေးသံရှင် ဇော်ဝင်းထွဋ်၊ R ဇာနည်၊ ဝေလတို့ ပါဝင်မည့် ဆေးပေါင်းခတဲ့ ည ဂီတဖျော်ဖြေပွဲကို ၂.၁၁.၂၀၁၇ ရက်နေ့ ည ၇ နာရီတွင် ပြုလုပ်သွားမည် ဖြစ်သည်။ ပွဲလက်မှတ်များကို ၁ သောင်းကျပ်မှ ၅ သောင်းကျပ်အထိ သတ်မှတ်ထား ပြီး ၀၉-၇၈၂၀၉၇၄၃၆ ၊ ၀၉-၄၅၁၀၁၀၇၈၉ သို့ ဆက်သွယ် မှာယူနိုင်ကြောင်း သိရသည်။ ၄။ တေးသံရှင် အိမ့်ချစ်၏ Beyond The Success ဂီတဖျော်ဖြေပွဲကို ကန်တော်ကြီး၊ မျှော်စင်ကျွန်းတွင် ၃.၁၁.၂၀၁၇ ရက်နေ့ည ၇ နာရီတွင် ပြုလုပ်သွားမည် ဖြစ်သည်။ ပွဲလက်မှတ်များကို ၅ ထောင်ကျပ်မှ ၅ သောင်းကျပ်အထိ သတ်မှတ်ထားပြီးJunction Square ၊ Junction Mawtin၊ Junction 8၊ မန်းသီရိတေးသံသွင်းနှင့် ဖုန်းနံပါတ် ၀၉-၄၅၈၈၈၉၂၉၂ တို့တွင် ဝယ်ယူနိုင်ကြောင်း သိရသည်။ ၅။ မြန်မာ့ရိုးရာ တန်ဆောင်တိုင်ပွဲတော်ကို အင်းလျားလမ်းရှိ စိမ်းလမ်းစိုပြေဥယျာဉ်တွင် ၄.၁၁.၂၀၁၇ ရက်နေ့ ညနေ ၅ နာရီတွင် ပြုလုပ်သွားမည် ဖြစ်သည်။ ဝင်းကြေးအခမဲ့ ဖြစ်ပြီး မြန်မာ့ရိုးရာ ရုပ်သေးအက၊ မြန်မာ့ဆိုင်းဝိုင်း၊ မြန်မာ့ဂီတဆီးမီးခွက် အကနှင့် မြန်မာ့ရိုးရာ အကအလှများ၊ မြန်မာ့ရိုးရာ ခြင်းလုံးခတ် ဖျော်ဖြေမှုများ၊ မီးမျှောပွဲတို့ဖြင့်မြိုင်မြိုင်ဆိုင်ဆိုင် ကျင်းပသွားမည် ဖြစ်ကြောင်း သိရသည်။ ၆။ နှစ်စဉ် ပြုလုပ်နေကျဖြစ်သည့် ကာတွန်း ဦးဘဂျမ်းလမ်း တန်ဆောင်တိုင် ကာတွန်းပွဲတော်ကို လမ်းမတော်မြို့နယ်၊ ၁၃ လမ်း (အောက်လမ်း) တွင် ၂.၁၁.၂၀၁၇ မှ ၄.၁၁.၂၀၁၇ ရက်နေ့အထိ ပြုလုပ်သွားမည် ဖြစ်သည်။ အဆိုပါ ကာတွန်းပွဲတော်တွင် ဦးဘဂျမ်း၏ ကာတွန်းလက်ရာများ၊ ဒို့ပြည်ဒို့မြေ ကာတွန်းပြိုင်ပွဲမှ ဆုရကာတွန်း လက်ရာများနှင့် အခြား ကာတွန်းပညာရှင်များ၏ ကာတွန်း လက်ရာများ ပြသသွားမည် ဖြစ်ကြောင်း သိရသည်။ ၇။ စာပေချစ်သူများ အတွက် တန်ဆောင်တိုင် ဉာဏ်အလင်းထွန်းပွဲတော်ကို လမ်းမတော်သံဈေးရှိ Yangon Book Plaza တွင် ၃.၁၁.၂၀၁၇ မှ ၅.၁၁.၂၀၁၇ ရက်နေ့အထိ ပြုလုပ်သွားမည် ဖြစ်သည်။ အဆိုပါပွဲတော်တွင် စာအုပ်များ အထူးလျော့ဈေးများဖြင့် ရောင်းချပေးခြင်း၊ စာကြည့်တိုက်များသို့ စာအုပ်များ လှူဒါန်းပေးခြင်း၊ မိမိ အတွက် မလိုအပ်တော့သည့် စာအုပ်များကို အခြား စာအုပ်များနှင့် လဲလှယ်ပေးခြင်းတို့ ပါဝင်မည် ဖြစ်ကြောင်း သိရသည်။ ၈။ ပန်းချီ အောင်ခိုင်၏ ၅ ကြိမ်မြောက် တကိုယ်တော်ပန်းချီ ပြပွဲကို အောင်ဆန်းအားကစားကွင်း (မြောက်ဘက်) ရှိ OK Art Gallery တွင် ၁.၁၁.၂၀၁၇ မှ ၅.၁၁.၂၀၁၇ အထိပြုလုပ်သွားမည် ဖြစ်သည်။ အဆိုပါ ပန်းချီပြပွဲတွင် မြန်မာမှုအခြေပြု မော်ဒန် ပန်းချီကားများ ပြသသွားမည် ဖြစ်ကြောင်း သိရသည်။ ၉။ ပန်းချီဝင်းဖေမြင့်၏ dialogue with nature ပန်းချီပြပွဲကို လောကနတ် ပန်းချီပြခန်းတွင် ၂.၁၁.၂၀၁၇ မှ ၁၁.၁၁.၂၀၁၇ ရက်နေ့အထိ ပြုလုပ်သွားမည် ဖြစ်သည်။ ပြပွဲတွင် မြန်မာ့အလှ သဘာဝရှုခင်း ပန်းချီကားများကို ပြသသွားမည် ဖြစ်ကြောင်း သိရသည်။ ၁၀။ ပျဉ်းမနား ပန်းချီဆရာများ၏ ပေါင်းလောင်း ရောင်စုံပန်းချီပြပွဲကို ဗိုလ်ချုပ်ဈေးရှိ မြန်မာပန်းချီပန်းပု အစည်းအရုံး(ဗဟို) ပန်းချီ ပြခန်းတွင် ၁.၁၁.၂၀၁၇ မှ ၅.၁၁.၂၀၁၇ ရက်နေ့အထိ ပြုလုပ်သွားမည် ဖြစ်သည်။ ပြပွဲတွင် မီဒီယံစုံလက်ရာစုံပန်းချီကား ၃၀ ကျော် ပြသသွားမည် ဖြစ်ကြောင်း သိရသည်။ The post ဒီတပတ် ရန်ကုန်မှာလည်ပတ်စရာ appeared first on ဧရာဝတီ.
Source : http://ift.tt/2A3AkJW
via IFTTT

တောင်ကြီးတန်ဆောင်တိုင်ပွဲတော် လူ ၁ ဦးသေ ၁၀ ဦး ဒဏ်ရာရပြီးပြီ

တောင်ကြီးတန်ဆောင်တိုင်ပွဲတော် လူ ၁ ဦးသေ ၁၀ ဦး ဒဏ်ရာရပြီးပြီ ရှမ်းပြည်နယ်တောင်ပိုင်း၊ တောင်ကြီးမြို့တွင် နှစ်စဉ်ကျင်းပလျက်ရှိသော တောင်ကြီးတန်ဆောင်တိုင်ပွဲတော်တွင် မီးပုံးပျံ ပျက်ကျမှုနှင့် ယမ်းမတော်တဆဖြစ်ပွားမှုကြောင့် ယနေ့(အောက်တိုဘာ ၃၁ ရက်)ထိ လူ ၁ တဦးသေဆုံးပြီး ၁၀ ဦး ဒဏ်ရာ ရရှိထားကြောင်း တောင်ကြီးခရိုင် မီးသတ်ဦးစီးဌာနမှ သိရသည်။ တောင်ကြီးမြို့၊ ချမ်းသာစည်ရပ်ကွက် ၊ အနော်ရထာလမ်းတွင် အောက်တိုဘာ ၂၉ ရက် ညနေ ၅ နာရီ ၁၅ မိနစ်ခန့်က တန်ဆောင်တိုင် မီးပုံးပျံပြိုင်ပွဲ ဝင်ရောက်ယှဉ်ပြိုင်ရန် ယမ်းပြုလုပ်နေသည့်နေအိမ်မှ မီးလောင်ကျွမ်းမှု စတင်ဖြစ်ပွားခဲ့ပြီး နေအိမ် ၆ လုံး မီးကူးစက်လောင်ကျွမ်းခဲ့ကြောင်း တောင်ကြီးခရိုင် မီးသတ်ဦးစီးမှူး လက်ထောက်ညွှန်ကြားရေးမှူး ဦးကျော်သူက ဧရာဝတီကို ပြောသည်။ အဆိုပါဖြစ်စဉ်ကြောင့် ရွှေညောင်နယ်မြေ မီးသတ်စခန်းမှ အရန်မီးသတ်တပ်ဖွဲ့ဝင်တဦးသည် မီးခိုးမွှန်သေဆုံးခဲ့ပြီး မီးစတင် လောင်ကျွမ်းသည့်နေအိမ်မှ အမျိုးသားလေးဦး မီးလောင်ဒဏ်ရာများရရှိခဲ့ကြောင်း၊ အဆိုပါ ဒဏ်ရာရရှိသူများကို တောင် ကြီးမြို့ စဝ်စံထွန်းဆေးရုံတွင် တင်ထားပြီး အိမ်ရှင်ဖြစ်သူ ဦးစိုးနိုင်လေး(ခ)အောင်ငဲသည် ဒဏ်ရာပြင်းထန်ကြောင်း ၎င်းက ရှင်းပြသည်။ မီးလောင်မှုဖြစ်စဉ်ကြောင့် တန်ဖိုး ငွေကျပ် သိန်း ၂၀၀ နီးပါး (တရာကိုးဆယ့်ကိုးသိန်းကိုးသောင်း) ပျက်စီးဆုံးရှုံးခဲ့ကြောင်း သိရသည်။ မီးစတင်လောင်ကျွမ်းခဲ့သည့် နေအိမ်ပိုင်ရှင် အသက် ၄၅ နှစ် ဦးစိုင်လေး(ခ)အောင်ငဲသည် စဝ်စံထွန်းဆေးရုံတွင် အတွင်း လူနာအဖြစ် တက်ရောက်ဆေးကုသလျက်ရှိပြီး ၎င်းကို ရာဇသတ်ကြီးဥပဒေ ပုဒ်မ ၂၈၅/၃၃၈/၃၀၄(က)တို့ဖြင့် တောင်ကြီး နယ်မြေရဲစခန်းတွင် အမှုဖွင့်ထားကြောင်း တောင်ကြီးနယ်မြေရဲစခန်းမှ တာဝန်ကျရဲအရာရှိတဦးက အောက်တိုဘာ ၃၀ ရက်တွင် ဧရာဝတီသို့ ဖြေဆိုထားသည်။ အဆိုပါမီးလောင်မှု ဖြစ်စဉ်ကို သာဓကယူ၍ ပြည်နယ်အစိုးရအနေဖြင့် လာမည့်နှစ်တွင် မီးပုံးပျံလုပ်သော ရပ်ကွက်တိုင်းရှိ မီးဆရာများ အားလုံးကို မြို့ပြင်တွင် နေရာတခု သတ်မှတ်ပေးသင့်ကြောင်း၊ ယမ်းနှင့် ဆက်စပ်ပစ္စည်းများ ပြုလုပ်စမ်းသပ် ခြင်းကို လူနေရပ်ကွက်ပြင်ပတွင်သာ စိစစ်ခွင့်ပြုစေလိုကြောင်း မီးဘေးအန္တရာယ် ကြိုတင်ကာကွယ်ရေး ကိရိယာများကို မီးသတ်ဌာန၏ အကြံပြုချက်အတိုင်း ထားရှိဆောင်ရွက်စေလိုကြောင်း လူမှုကွန်ရက်ပေါ်တွင် အကြံပြုချက်များ ထွက်ပေါ် လာသည်။ အကြံပြုချက်များနှင့်ပတ်သက်၍ ဦးကျော်သူက “မီးပုံးလွှတ်တင်တဲ့ကိစ္စက တော်တော်ကြာကြာထဲက လုပ်ခဲ့တဲ့ တောင်ကြီး ရဲ့အစဉ်အလာတခုပဲ။ ဒီအပေါ်မှာ ကျနော်တို့အနေနဲ့ ဘယ်လိုဖြစ်သင့်တယ်ဆိုတာမျိုးတော့ မပြောလိုဘူး။ ဒါပေမယ့် ဘေး အန္တရာယ်ကို အတတ်နိုင်ဆုံး လျော့ပါးအောင် ဆောင်ရွက်ဖို့က ကျနော်တို့တာဝန်ပါ။ ရွှေ့တာပြောင်းတာကတော့ သက်ဆိုင်ရာ တာဝန်ရှိအဖွဲ့အစည်းတွေကပဲ ဆောင်ရွက်မှ သင့်တော်မှာပါ” ဟု ဆိုသည်။ ဆက်လက်၍ ၎င်းက မီးသတ်ဦးစီးဌာနအနေဖြင့် ပြီးခဲ့သည့်နှစ်များတွင်လည်း အလားတူ မတော်တဆမှုများရှိသည့်အတွက် ပွဲတော်ရက်မတိုင်ခင်ကပင် မီးဘေးကြိုတင်ကာကွယ်ရေး အသိပညာပေးမှုများ၊ ကာကွယ်ရေးကိရိယာများ ထားရှိရန် တိုက်တွန်းနှိုးဆော်မှုများ ပြုလုပ်ခဲ့သကဲ့သို့ ယခုပွဲတော်ရက်အတွင်းတွင်လည်း မီးသတ်တပ်ဖွဲ့ဝင် ၁၃၇ ဦးက အတွင်းစည်း၊ အပြင်စည်း၊ အဝေးစည်းဟူ၍ သတ်မှတ်ကာ နေ့ညမပျက် တာဝန်ယူပေးလျက်ရှိကြောင်း ရှင်းပြသည်။ အဆိုပါ ယမ်းမတော်တဆမှုဖြစ်စဉ်အပြီး အောက်တိုဘာ ၃၀ ရက် ည ၈ နာရီ ၅၀ မိနစ်ခန့်တွင် တွမ်တီးမီးပုံးပျံ ပျက်ကျ မီးလောင်မှုကြောင့် လူ ၆ ဦး ထပ်မံဒဏ်ရာရရှိခဲ့၍ စဝ်စံထွန်းဆေးရုံသို့ တင်ပို့ခဲ့ရကြောင်း သိရသည်။ ဖြစ်စဉ်မှာ လွှတ်တင်လိုက်သည့် တွမ်တီးမီးပုံးပျံသည် အမြင့်ပေ ၁၀၀ ခန့်အရောက်တွင် မီးပုံး၏အောက်ခြေမှ မီးလောင် ပေါက် စဖြစ်ခဲ့ပြီးနောက် အမြင့်ပေ ၂၀၀ ခန့်တွင် မီးပုံးပျံကြည့်ကွင်းအတွင်းရှိ ဝက်သားဒုတ်ထိုးဆိုင်ပေါ်သို့ ပြုတ်ကျရာမှ မီးလောင်မှုဖြစ်ပွားခဲ့ကြောင်း၊ မီးသတ်တပ်ဖွဲ့ဝင်များက မီးငြိမ်းသတ်ပြီးနောက် မီးလောင်ထားသည့် ယမ်းခွေကြီးအောက်တွင် ပိနေသူများကို ဖယ်ရှားခဲ့ရကြောင်း ဦးကျော်သူက ပြောသည်။ ဒဏ်ရာရရှိသူ ၆ ဦးအနက် နှင်းဆီလမ်း၊ နယ်မြေ ၅၊ စိန်ပန်းရပ်ကွက်၊ တောင်ကြီးမြို့ နေထိုင်သူ အသက် ၄၃ နှစ်အရွယ် မအေးအေးသိန်းနှင့် နှင်းဆီလမ်း၊ စိန်ပန်းရပ်ကွက်၊ တောင်ကြီးမြို့နေ အသက် ၁၂ နှစ်အရွယ် မအိနန္ဒာမြင့်တို့သည် ခန္ဓာ ကိုယ်တခုလုံး မီးလောင်ဒဏ်ရာ ရရှိခဲ့ကြပြီး စိုးရိမ်ရကြောင်း သိရသည်။ ကျန် ၄ ဦးမှာ လိပ်ပြာတော်လမ်း၊ နယ်မြေ ၅၊ အေးသာယာနေထိုင်သူ အသက် ၂၁ အရွယ် မခိုင်သဇင်သည် ဝဲ/ယာ လက် နှစ်ဖက်၊ ဝဲ/ယာခြေထောက်နှစ်ဖက်၊ ခါးအောက်ပိုင်းတွင်လည်းကောင်း၊ အရှေ့မြို့ပတ်လမ်း၊ ကန်ရှေ့ရပ်ကွက်၊ တောင်ကြီး မြို့နေ အသက် ၃၂ နှစ်အရွယ် ကောင်းမြတ်မိုးသည် ယာဘက်လက် နောက်ကျော ဝဲ/ယာ ခြေထောက်တွင်လည်းကောင်း၊ နယ်မြေ ၆ အေးသာယာနယ်မြေနေ အသက် ၂၁ နှစ်အရွယ် မဝေဝေအောင်သည် ဝဲ/ယာ ခြေထောက်နှစ်ဖက်တွင်လည်း ကောင်း၊ နှင်းဆီလမ်း စိန်ပန်းရပ်ကွက် တောင်ကြီးမြို့နေ အသက် ၇ နှစ်အရွယ် ထူးခန့်လင်းသည် မျက်နှာ၊ ဝဲဘက်ပေါင်၊ ညာဘက်ကျောပြင်၊ ဝဲ/ယာ ခြေနှစ်ချောင်းတို့တွင်လည်းကောင်း မီးလောင်ဒဏ်ရာများ ရရှိခဲ့သည်။ ယင်းနေ့ ည ၂ နာရီတွင် ရှယ်ထောမီး လွှတ်တင်ရာ ယမ်းငွေ့နည်းသည့်အတွက် အမြင့်သို့မတက်ဘဲ ဘေးတိုက်ကြီးသွားရာ ဈေးဆိုင်တန်းဘက်ရှိ ဓာတ်ကြိုးနှင့်ငြိပြီး မီးပုံးပျံတက်သွားသော်လည်း ယမ်းခွေပျက်ကျကျန်ခဲ့ရာမှ မီးလောင်မှုဖြစ်ပွားခဲ့ ကြောင်း၊ မီးလောင်မှုကြောင့် အောက်ဘက်ရှိ ဆိုင်ကယ်သုံးစီး မီးလောင်သွားခဲ့ပြီး အနီးနားရှိ မီးသတ်ကားများ အချိန်မီ မီး ငြိမ်းသတ်နိုင်သည့်အတွက် လူများ ထိခိုက်ဒဏ်ရာရရှိမှု မရှိဟုဆိုသည်။ ယခုနှစ် တောင်ကြီးတန်ဆောင်တိုင်ပွဲတော်ကို အောက်တိုဘာ ၂၆ မှ နိုဝင်ဘာ ၄ ရက်နေ့ထိ ကျင်းပမည်ဖြစ်ပြီး ပွဲတော် တွင် ညလွှတ် ညမီးကြီး ၈၈ လုံး၊ စိန်နားပန် ၃၉ လုံးနှင့် နေ့လွှတ်အရုပ် ခြေနှစ်ချောင်း ၁၄၄ လုံး၊ ခြေလေးချောင်း ၇၂ လုံး၊ အုပ်စု အလုံး ၅၀၊ ညလွှတ် မီးပုံးပျံပေါင်း ၁၂၇လုံး၊ နေ့လွှတ်အရုပ် ၂၆၆ လုံး စုစုပေါင်း ၃၉၃ လုံး လွှတ်တင်သွားမည်ဖြစ် ကြောင်း တန်ဆောင်တိုင်ပွဲတော် ဦးစီးကော်မတီမှ သိရသည်။ ယမန်နှစ်က တန်ဆောင်တိုင်ပွဲတော်တွင် ညမီးကြီး အလုံး ၈၀၊ စိန်နားပန် ၃၆ လုံးနှင့် နေ့လွှတ်အရုပ် ၂၈၇ လုံး ဝင်ရောက် ယှဉ်ပြိုင်ခဲ့ကြသည်။ The post တောင်ကြီးတန်ဆောင်တိုင်ပွဲတော် လူ ၁ ဦးသေ ၁၀ ဦး ဒဏ်ရာရပြီးပြီ appeared first on ဧရာဝတီ.
Source : http://ift.tt/2gY3sOd
via IFTTT

ဘုရင့္ေနာင္ မင္းၾတားႀကီး၏ ေခါင္းေလာင္း ကမာၻ႔အေမြအႏွစ္ မွတ္တမ္းဝင္ ျဖစ္လာ

ဘုရင့်နောင်မင်းတြားကြီး၏ ခေါင်းလောင်း ကမ္ဘာ့အမွေအနှစ် မှတ်တမ်းဝင် ဖြစ်လာ ဘုရင့်နောင်မင်းတြားကြီး ပုဂံရွှေစည်းခုံဘုရားသို့ လှူဒါန်းခဲ့သည့် မွန်-မြန်မာ- ပါဠိ သုံးဘာသာဖြင့် ရေးထိုးထား သော ခေါင်းလောင်းကို “ကမ္ဘာ့အမွေအနှစ် မှတ်တမ်းစာရင်းဝင်” အဖြစ် ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှု အဖွဲ့ (UNESCO)က အသိအမှတ်ပြုလိုက်ကြောင်း ယနေ့ထုတ်ပြန်လိုက်သည်။ ပြင်သစ်နိုင်ငံ ပါရီမြို့ ယူနက်စကို ရုံးချုပ်၌ အောက်တိုဘာလ ၂၄ရက်နေ့စတင်ကာ လေးရက်ကြာပြုလုပ်သည့် အပြည်ပြည် ဆိုင်ရာ အကြံပေးကော်မတီ (IAC)၏ အစည်းအဝေးပြီးနောက် ၂၀၁၇ -၂၀၁၈ ခုနှစ်အတွက် ကမ္ဘာအမွေအနှစ် မှတ်တမ်း စာရင်းထုတ်ပြန်ရာ မြန်မာနိုင်ငံမှ ဘုရင့်နောင်မင်းတြားကြီး၏ ခေါင်းလောင်းကို ထည့်သွင်းရွေးချယ်ခဲ့ခြင်းဖြစ်သည်။ အဆိုပါ ဘုရင့်နောင် မင်းတြားကြီး၏ ခေါင်းလောင်းစာနှင့် ပတ်သက်၍ ကမ္ဘာအမွေအနှစ် မှတ်တမ်းစာရင်း တင်သွင်းနိုင်ရန် အတွက် ယဉ်ကျေးမှုဝန်ကြီးဌာန၏ ရှေးဟောင်းသုတေသနဌာနမှ ၂၀၁၆ခုနှစ်က စတင်ကြိုးပမ်းခဲ့ခြင်းဖြစ်သည်။ ကြေး ပိဿာ ၂၁၀၀ ဖြင့် သွန်းထားသည့် ခေါင်းလောင်းပေါ်တွင် ၁၅၅၁ ခုနှစ်မှ ၁၅၈၁ အထိ ဘုရင့်နောင် မင်းတြားကြီး အုပ်စိုးစဉ်ကာလက သိမ်းပိုက်အောင်မြင်မှုများနှင့် ကောင်းမှုကုသိုလ် အစုစုကို ရေးထိုး ထား ခြင်းဖြစ်ပြီး၊၁၅၅၁ ခုနှစ် ကေတုမတီ(တောင်ငူ)နှင့် ပြည်မြို့ကိုအောင်နိုင်ခြင်း၊ ၁၅၅၂ ခုနှစ် ဟံသာဝတီ ပဲခူး ကိုအောင်နိုင်ခြင်း၊ ၁၅၅၄ ခုနှစ် ကမ္ဘောဇသာဒီ နန်းတော်ကြီးကို တည်ဆောက်ကာ နန်းတက်ပွဲ ကျင်းပခြင်း၊ ၁၅၅၇ ခုနှစ် မိုးမိတ်စော်ဘွားကို အောင်နိုင်၍ မိုးမိတ်နှင့် သီပေါတွင် ဘုရားတည်ခြင်း၊ မိုင်းယောင်း၊ မိုးကောင်းကိုအောင်နိုင်မှု စသည့်တို့ ပါဝင်သည်။ ယခုဆိုလျှင် မြန်မာနိုင်ငံ၌ ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှု အဖွဲ့ (UNESCO)မှ အသိအမှတ်ပြုသည့် ကမ္ဘာ့အမွေအနှစ် မှတ်တမ်းစာရင်းဝင် ၃ ခုရှိလာပြီဖြစ်ပြီး၊ ၂၀၁၃ ခုနှစ်က မန္တလေးမြို့ စန္ဒာမုနိဘုရားအတွင်းရှိ “ကမ္ဘာ့ အကြီးဆုံးစာအုပ်”ဟု တင်စားခေါ်ဝေါ်သည့် ၁၅၃ နှစ် သက်တမ်းရှိ ကုသိုလ်တော် ပိဋကတ် ကျောက်စာများကို မြန်မာနိုင်ငံ၏ ကမ္ဘာ့ အမွေအနှစ် မှတ်တမ်း စာရင်းဝင် အဖြစ် UNESCO က ပထမဆုံး အကြိမ် အသိအမှတ်ပြုခဲ့ပြီးနောက်၊ ၂၀၁၆ ခုနှစ်တွင် ပုဂံ မြစေတီကျောက်စာနှင့် အလောင်းမင်းတြားကြီး၏ ရွှေပေလွှာတို့ကို ကမ္ဘာ့အမွေအနှစ် မှတ်တမ်း စာရင်းဝင် အဖြစ် အသိအမှတ်ပြုခဲ့ပြီးဖြစ်သည်။ ယနေ့ထုတ်ပြန်သည့် ယူနက်စကို၏ ကမ္ဘာ့အမွေအနှစ် မှတ်တမ်းစာရင်းတွင် နိုင်ငံပေါင်း ၇၈နိုင်ငံမှ အမွေအနှစ် ၇၈ခုလည်း ပါရှိသည်။ The post ဘုရင့်နောင်မင်းတြားကြီး၏ ခေါင်းလောင်း ကမ္ဘာ့အမွေအနှစ် မှတ်တမ်းဝင် ဖြစ်လာ appeared first on ဧရာဝတီ.
Source : http://ift.tt/2z1ZatW
via IFTTT

ပိတ္ဆို႔အေရးယူမႈက ျမန္မာ့ အေျပာင္းအလဲကို အဟန႔္အတား ျဖစ္ေစႏိုင္ ဟု ICG သတိေပး

ပိတ်ဆို့အရေးယူမှုက မြန်မာ့ အပြောင်းအလဲကို အဟန့်အတား ဖြစ်စေနိုင် ဟု ICG သတိပေး မြန်မာနိုင်ငံကို ပြန်လည်ပိတ်ဆို့ အရေးယူခြင်းသည် ရခိုင်ပြည်နယ် မြောက်ပိုင်း အကျပ်အတည်းအတွက် အနာဂတ် မူဝါဒရွေးချယ်မှုကို ကန့်သတ်ရာ ရောက်နိုင်ပြီး ရင်းနှီးမြှုတ်နှံသူများ ထံသို့ မရည်ရွယ်သော သတင်းစကားများ ရောက်ရှိစေကာ စီးပွားရေးကို ထိခိုက်စေသည့် အပြင် မြန်မာပြည်သူများ အတွက်လည်း ဟန့်တားနှောင့်ယှက်မှု ဖြစ်စေနိုင်သည်ဟု နိုင်ငံတကာ ပဋိပက္ခ လေ့လာရေးအဖွဲ့ (ICG) က ဥရောပမှ မူဝါဒချမှတ်သူများကို သတိပေးလိုက်သည်။ “ဥရောပသမဂ္ဂ၏ မြန်မာနိုင်ငံအပေါ် ခရီးသွားလာမှု ပိတ်ပင်ခြင်း၊ ပိုင်ဆိုင်မှုများ ထိန်းချုပ်ခြင်းနှင့် အရေးယူ ပိတ်ဆို့မှုများက မြန်မာနိုင်ငံကို ယခင် အခြေအနေသို့ ပြန်လည် ဦးတည်စေပြီး မြန်မာ့ နိုင်ငံရေး အတွက် ခိုင်မာသော တိုးတက်မှု ရရှိရေး အထောက်အကူ မပြုနိုင်သည့် အခြေအနေက များသည်” ဟု ICG က သောကြာနေ့က သတိပေးသည်။ ICG သည် ကမ္ဘာတဝန်း ဒီမိုကရေစီ အသွင်ကူးပြောင်းရေး ကာလများကို လေ့လာသုံးသပ်သော ဘယ်လ်ဂျီယန် နိုင်ငံ ဘရပ်ဆဲလ် အခြေစိုက် အဖွဲ့အစည်း ဖြစ်သည်။ မြန်မာ့တပ်မတော် အကြီးအကဲ ဗိုလ်ချုုပ်မှူးကြီး မင်းအောင်လှိုင်နှင့် စစ်ဘက် ထိပ်တန်း အရာရှိများကို ဖိတ်ခေါ်ထားခြင်း အားလုံးကို ဆိုင်းငံ့ပြီး ရခိုင်ပြည်နယ်မှ မွတ်စလင်များ အပေါ် အင်အား အလွန်အကျွံ သုံးခြင်းကြောင့် မြန်မာ့တပ်မတော်နှင့် စစ်ရေး ပူးပေါင်း ဆောင်ရွက်မှု အားလုံးကို ပြန်လည် သုံးသပ်မည် ဟု ဥရောပသမဂ္ဂနှင့် အဖွဲ့ဝင်နိုင်ငံများက ကြေညာပြီး သီတင်း ၂ ပတ်နီးပါး အကြာတွင် ICG ၏ အထက်ပါ သတိပေးစကား ထွက်ပေါ်လာခြင်း ဖြစ်သည်။ မြန်မာနိုင်ငံ ပြည်တွင်း ဖိနှိပ်မှုတွင် အသုံးပြုနိုင်သော လက်နက်ကိရိယာများ ရောင်းချမှု ပိတ်ပင်ခြင်း အပါအဝင် ဥရောပသမဂ္ဂ၏ လက်ရှိ ကန့်သတ်ထိန်းချုပ်မှုများကို ထိုကြေညာချက်တွင် အလေးထား ဖော်ပြထားသည်။ အခြေအနေ တိုးတက်လာခြင်း မရှိလျှင် နောက်ဆက်တွဲ အရေးယူမှုများ ထည့်သွင်း စဉ်းစားမည် ဟု ထိုကြေညာချက်တွင်ဖော်ပြထားသော်လည်း မည်သို့ အရေးယူမည်ကို ဖော်ပြထားခြင်း မရှိပေ။ သြဂုတ်လ နှောင်းပိုင်းတွင် စတင်ခဲ့သော နယ်မြေရှင်းလင်းမှု စစ်ဆင်ရေးများ အတွင်း ရခိုင်ပြည်နယ်မြောက်ပိုင်းမှ မွတ်စလင်များကို အငြင်းပွားဖွယ်ရာ သတ်ဖြတ်ခြင်း၊ အဓမ္မပြုကျင့်ခြင်း၊ အိုးအိမ်ဖျက်ဆီးခြင်းများ အတွက် စွပ်စွဲခံနေရသော မြန်မာ့ တပ်မတော် ကို နိုင်ငံတကာ အသိုင်းအဝန်းက ပြစ်တင်ရှုတ်ချနေကြသည်။ ARSA မွတ်စလင်စစ်သွေးကြွ အုပ်စုက သြဂုတ်လ ၂၅ ရက်နေ့တွင် ရခိုင်ပြည်နယ် မြောက်ပိုင်းရှိ လုံခြုံရေးစခန်း ၃၀ ကို တိုက်ခိုက်ခဲ့သောကြောင့် နယ်မြေ ရှင်းလင်းမှု စစ်ဆင်ရေးများ ဖြစ်ပေါ်လာသည်။ ထိုအဖွဲ့ကို အစိုးရက အကြမ်းဖက်အဖွဲ့အစည်း အဖြစ် ကြေညာပြီး စစ်ဆင်ရေးများ ပြုလုပ်ခဲ့သောကြောင့် အောက်တိုဘာလနှောင်းပိုင်း အထိ မွတ်စလင် ၆ သိန်းကျော် ဘင်္ဂလားဒေ့ရှ် နိုင်ငံဘက်သို့ ထွက်ပြေးသည် ဟု ဆိုသည်။ ဥရောပသမဂ္ဂသည် မြန်မာနိုင်ငံကို ၁၉၉၁ မှစ၍ လက်နက်ရောင်းချမှု ပိတ်ပင်ခြင်းနှင့် ထိုစဉ်က နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့ စစ်အစိုးရ ခေါင်းဆောင်များနှင့် မိသားစုများ အပြင် လုံခြံရေး တပ်ဖွဲ့ခေါင်းဆောင်များနှင့် ၎င်းတို့၏ မိသားစုများကို ပြည်ဝင်ခွင့် ပိတ်ပင်ခြင်း တို့ဖြင့် အရေးယူ ပိတ်ဆို့ခဲ့သည်။ ၎င်းသည် မြန်မာနိုင်ငံရှိ ကုမ္ပဏီနှင့် မဏ္ဍိုင် အဖွဲ့အစည်း တထောင်ကျော်၏ ပိုင်ဆိုင်မှုများကိုလည်း ဆိုင်းငံ့ကာ လူ ၅၀၀ နီးပါးကို ဥရောပသမဂ္ဂသို့ မလာရောက်နိုင်ရန် တားဆီးခဲ့သည်။ ၎င်းသည် စစ်ရေးနည်းပညာ အကူအညီကိုလည်း ပိတ်ပင်ကာ သတ္တု တူးဖော်ရေး၊ သစ်တောနှင့် အဖိုးတန် ရတနာကဏ္ဍများတွင် ရင်းနှီးမြှုပ်နှံခြင်းကို ပိတ်ပင်သည်။ ပြုပြင်ပြောင်လဲရေးကို အားပေးရန် လက်နက်ရောင်းချမှု ပိတ်ပင်ခြင်းမှလွဲ၍ အရေးယူ ပိတ်ဆို့မှု အားလုံးကို ၂၀၁၃ ခုနှစ်တွင် ဆိုင်းငံ့ခဲ့သည်။ ဥရောပသမဂ္ဂ၏ မြန်မာနိုင်ငံအပေါ် လက်နက်ရောင်းချမှု ပိတ်ပင်ခြင်းမှာ ၂၀၁၈ ခုနှစ် ဧပြီလ ၃၀ ရက်နေ့ အထိ သက်တမ်းရှိသည်။ ရိုဟင်ဂျာ ပြဿနာကို ကိုင်တွယ်ရာတွင် ဥရောပ သမဂ္ဂနှင့် အဖွဲ့ဝင် နိုင်ငံများသည် ကုလသမဂ္ဂ လုံခြုံရေး ကောင်စီ၏ ပြင်းထန်သော အရေးယူ ဆောင်ရွက်မှုများကို ထောက်ခံပြီး မြန်မာနိုင်ငံ၏ အရပ်ဘက်၊ စစ်ဘက် ခေါင်းဆောင်များနှင့် နှစ်နိုင်ငံချင်းနှင့် နိုင်ငံစုံ ဆက်ဆံရေးကို အားပေးသင့်သည်ဟု ICG က အကြံပြုသည်။ မြန်မာ့ခေါင်းဆောင် ဒေါ်အောင်ဆန်းစုကြည် အနေဖြင့် နိုင်ငံကို မိန့်ခွန်း ပြောပြီး သူမ၏ အနေအထားနှင့် ရပ်တည်ချက်ကို အပြည့်အဝ အသုံးချကာ အမျိုသားရေး ပုံဖော်စုစည်းမှုကို ပိုမို အပြုသဘောဆောင်ရေး လမ်းကြောင်းသို့ ပို့ဆောင်ရန် အဆိုပါ အကြံပြုချက် ၄ ရပ်က တွန်းအားပေးသည်။ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ၏ အငြင်းပွားဖွယ်ရာ မရှိသော အမြင့်မားဆုံး ကိုယ်ကျင့်သိက္ခာနှင့် နိုင်ငံရေး အခွင့်အာဏာသည် သူမအပေါ် ပြည်သူလူထု၏ နိုင်ငံရေးအရ တိမ်းညွတ်မှု အကြီးမားဆုံးဖြစ်သည်။ ဥရောပသမဂ္ဂ အပြင် အမေရိကန် ပြည်ထောင်စုသည်လည်း လွန်ခဲ့သော သီတင်းပတ်က မြန်မာစစ်ခေါင်းဆောင်များ ဥရောပသို့ ခရီးသွားလာမှု ကန့်သတ်ခြင်း အပြင် ရခိုင်ပြည်နယ် မြောက်ပိုင်း စစ်ဆင်ရေးများတွင် ပါဝင်သော တပ်ဖွဲ့များနှင့် အရာရှိများကို အမေရိကန်က အကူအညီပေးသော အစီအစဉ်များတွင် ပါဝင်ခြင်းမှ ပိတ်ပင်ခဲ့သည်။ ထို့အပြင် အမေရိကန်ပြည်ထောင်စုသည် ရိုဟင်ဂျာများ အပေါ် ရက်စက်သူများအား စီးပွားရေးအရ ပိတ်ဆို့မှု ပြုလုပ်ရန် စဉ်းစားနေသည် ဟု ဆိုသည်။ ထိုလုပ်ရပ်များ အပြီးတွင် မြန်မာ့တပ်မတော်က ပဋိပက္ခ ဖြစ်နေသော ရခိုင်ပြည်နယ် မြောက်ပိုင်း မောင်တောခရိုင်မှ လုံခြုံရေး တပ်ဖွဲ့ဝင် ဒါဇင်ပေါင်းများစွာကို လျှော့ချပြီး ကုလသမဂ္ဂ၏ ကမ္ဘာ့စားနပ်ရိက္ခာ အစီအစဉ်ကို လူသားချင်း စာနာမှု အကူအညီများ ပြန်လည် စတင်ခွင့်ပြုခဲ့သည်။ ကိုးကား ။ ။ Reuters The post ပိတ်ဆို့အရေးယူမှုက မြန်မာ့ အပြောင်းအလဲကို အဟန့်အတား ဖြစ်စေနိုင် ဟု ICG သတိပေး appeared first on ဧရာဝတီ.
Source : http://ift.tt/2A3bLNA
via IFTTT

ကန္ပက္လက္ၿမိဳ႕အား ခ်ယ္ရီၿမိဳ႕ေတာ္အျဖစ္ ဖန္းတီး၍ ခရီးသြားလုပ္ငန္း ျမႇင္တင္ရန္ စီစဥ္ေန

ကန်ပက်လက်မြို့အား ချယ်ရီမြို့တော်အဖြစ် ဖန်းတီး၍ ခရီးသွားလုပ်ငန်း မြှင်တင်ရန် စီစဉ်နေ ချင်းပြည်နယ် ကန်ပက်လက်မြို့၌ ချယ်ရီပင် ၁သောင်း စိုက်ပျိုးကာ ချယ်ရီပန်းမြို့တော်အဖြစ် ဖန်တီး၍ ဟိုတယ်နှင့် ခရီးသွားလုပ်ငန်းကို မြှင့်တင်ရန် ချင်းပြည်နယ်အစိုးရက စီစဉ်နေသည်။ ချယ်ရီပင် ၁သောင်းကို စိုက်ပျိုးမည့် စီမံကိန်းကို မြို့စီမံခန့်ခွဲရေးကော်မတီက ဦးဆောင်ပြီး စီမံကိန်းရေး ဆွဲနေခြင်းဖြစ်ပြီး၊ ပန်းပွင်ရန် အချိန် ၈နှစ်ခန့် ယူရမည်ဖြစ်သည့်အတွက် စနစ်တကျရေးဆွဲ လုပ်ဆောင် နေသည်ဟု သိရသည်။ ချင်းပြည်နယ်အစိုးရအဖွဲ့ စည်ပင်၊ လျှင်စစ်နှင့် စက်မှုလက်မှုဝန်ကြီး ဆလိုင်းအိုက်ဇက်ခင်က “ကန်ပက်လက် မြို့လှပသာယာရေး အဓိကတော့ ကျနော်တို့ ကန်ပက်လက်ကို ခရီးသွားလုပ်ငန်းမြို့အနေနဲ့ ဖြစ်နိုင်ဖို့ ဒါကို ရည်ရွယ်တာဖြစ်ပါတယ်”ဟု ပြောသည်။ ကန်ပက်လက်မြို့ရှိ လည်ပတ်စရာများမှာ ချင်းဘာသာဖြင့် ခေါ်နုသုမ်တောင်ဟုခေါ်သည့် နတ်မတောင် အမျိုး သားဥယျာဉ်ရှိသကဲ့သို့ ဒေသခံများ၏ ရိုးရာဓလေ့ထုံးစံများနှင့် တောင်ပေါ်ရှုခင်းများကို ကြည့်ရှုနိုင်သည်။ အဆိုပါ လည်ပတ်စရာ နေရာများကို အဆင့်မြင့်တင်နိုင်ရေး အပြင် ဟိုတယ်နှင့် ခရီးသွား လုပ်ငန်း ဖွံ့ဖြိုးရေး အတွက် ကန်ပက်လက်မြို့တွင် ချယ်ရီပန်းအပင်များကို စိုက်ပျိုးသွားမည်ဖြစ်သကဲ့သို့ ဟိုတယ်များကိုလည်း ထပ်တိုး ဆောက်လုပ်သွားမည် ဖြစ်ကြောင်း ချင်းပြည်နယ်အစိုးရအဖွဲ့မှ ဝန်ကြီး ဆလိုင်းအိုက်ဇက်ခင်က ပြော သည်။ လက်ရှိတွင် ကန်ပက်လက်မြို့တွင် ဟိုတယ် ၄ လုံးရှိပြီး ဧည့်သည်များ အဆင်ပြေပြေ တည်းခိုနိုင်ရန်အတွက် ဒေသခံ ကုမ္ပဏီများကို နောက်ထပ်ဟိုတယ်များ ဆောက်လုပ်ခွင့်ပေးသွားရန် စီစဉ်ထားကြောင်း ၎င်းက ပြော သည်။ ဟိုတယ်မည်မျှ ဆောက်လုပ်ခွင့် ပြုသွားမည်ကို ချင်းပြည်နယ်အစိုးရအဖွဲ့မှ ပြောကြားခြင်း မရှိသကဲ့သို့ ကန်ပက်လက်မြို့ဟိုတယ်နှင့်ခရီးသွား လုပ်ငန်း ဖွံ့ဖြိုးရေး စီမံကိန်းအတွက် ဘတ်ဂျက် မည်မျှ သုံးစွဲသွား မည် ဆိုခြင်းအပေါ် အစီအစဉ် ရေးဆွဲနေဆဲဖြစ်သည့်အတွက်ကြောင့် ပြောပြ နိုင်ခြင်းမရှိသေးကြောင်း ချင်းပြည်နယ် အစိုးရအဖွဲ့မှ ဝန်ကြီး ဆလိုင်းအိုက်ဇက်ခင်က ဆိုသည်။ ချင်းပြည်နယ်အတွင်း ခရီးသွား ဝင်ရောက်မှု နှုန်းသည် တနှစ်လျှင် နိုင်ငံတကာ ခရီးသွားနှင့် ပြည်တွင်း ခရီးသွား လူဦးရေ ၄ ထောင်မှ ၅ ထောင်ကြား ရှိကြောင်း၊ ပုဂံမှ ကန်ပက်လက်မြို့သို့ ကားဖြင့်လာပါက အချိန် ၄ နာရီသာ ကြာမြင့်ကြောင်း ချင်းပြည်နယ်အစိုးရအဖွဲ့မှ ပြောသည်။ ဧရာဝတီ သတင်းထောက် ချစ်မင်းထွန်းရေးသားပေးပို့သည်။ The post ကန်ပက်လက်မြို့အား ချယ်ရီမြို့တော်အဖြစ် ဖန်းတီး၍ ခရီးသွားလုပ်ငန်း မြှင်တင်ရန် စီစဉ်နေ appeared first on ဧရာဝတီ.
Source : http://ift.tt/2iNVgkj
via IFTTT

ကမာၻ႔ ဆုေၾကးအႀကီးဆုံး ၿပိဳင္ပြဲ စာရင္းဝင္ ျပင္သစ္ဖိတ္ေခၚ တင္းနစ္ၿပိဳင္ပြဲ

ကမ္ဘာ့ ဆုကြေးအကြီးဆုံး ပြိုင်ပွဲ စာရင်းဝင် ပြင်သစ်ဖိတ်ခေါ် တင်းနစ်ပြိုင်ပွဲ French Open ဆိုတဲ့ ပြင်သစ် ဖိတ်ခေါ် တင်းနစ်ပြိုင်ပွဲ အကြောင်း ပြောပြပါမယ်။ ပြည်တွင်းမှာ တင်းနစ် ပရိသတ်ရော ဝါသနာရှင်ပါ နည်းပေမယ့် ကမ္ဘာမှာတော့ တင်းနစ် ပရိသတ် အများဆုံး အားကစားနည်းတွေ ထဲက တခုပါ။ တင်းနစ် ကစားသမားတွေရဲ့ ဝင်ငွေကလည်း ဘောလုံးသမားတွေကို ယှဉ်နိုင်လောက်တဲ့ ဆုကြေးနဲ့ အတူ အခြားစပွန်ဆာ၊ ကြော်ငြာတွေ ကနေ ရတဲ့ ဝင်ငွေတွေက များပြားလှပါတယ်။ အထူးသဖြင့် ဘောလုံးမှာ အမျျိုးသား တွေပဲ နာမည်ရ ကျော်ကြားပေမယ့် တင်းနစ်မှာတော့ အမျိုးသမီး တင်းနစ်မယ်တွေရဲ့ နာမည်နဲ့ အတူလူသိများ ပါတယ်။ တင်းနစ်ပွဲတွေကို ပရိသတ် မကြည့်ပေမယ့် ရှာရာပိုဗာ၊ အိုင်ဗန်နိုဗစ် စတဲ့ တင်းနစ်နတ်သမီးတွေကိုတော့ လူတိုင်းသိ နေပါတယ်။ ဒီလို အလှနတ်သမီးတွေ ဝင်ပြိုင်နေတဲ့ တင်းနစ်ပြိုင်ပွဲကြီး ဆိုလို့ ကမ္ဘာမှာ အကြီးဆုံးအနေနဲ့ ပြိုင်ပွဲ ၄ ခုပဲ ရှိပါတယ်။ အမေရိကန်ဖိတ်ခေါ်၊ သြစတြေးလျဖိတ်ခေါ်၊ ဝင်ဘယ်ဒန်နဲ့ အခု ပြင်သစ် ဖိတ်ခေါ်ပြိုင်ပွဲတွေ ဖြစ်ပါတယ်။ အခု ပြောပြမှာက ပြင်သစ် ဖိတ်ခေါ်ပြိုင်ပွဲ အကြောင်းပါ။ ပြိုင်ပွဲကို Roland-Garros လို့လည်း ခေါ်ပါတယ်။ မေလ နောက်ဆုံး သတင်းပတ် ဒါမှ မဟုတ် ဇွန်လ ပထမပတ် ထဲမှာ ယှဉ်ပြိုင်လေ့ ရှိပါတယ်။ ပြင်သစ်နိုင်ငံ၊ ပါရီက StadeRoland-Garros မှာ ကျင်းပတာ ဖြစ်ပါတယ်။ နှစ်စဉ် ကျင်းပမြဲ ဖြစ်တဲ့ Grand Slam ဆိုတဲ့ အထက်မှာ ပြောခဲ့တဲ့ ပြိုင်ပွဲကြီး ၄ ခုထဲမှာ အစဉ်လိုက် အတိုင်းဆိုရင် ဒုတိယ မြောက် ကျင်းပတဲ့ ပြိုင်ပွဲ ဖြစ်ပါတယ်။ လက်ရှိ တင်းနစ်ကွင်းတွေထဲမှာ မြေစေးကွင်း အဖြစ် ဖန်တီးယှဉ်ပြိုင်ရတဲ့ ပြိုင်ပွဲတခု ဖြစ်ပြီးတော့ အခြား ပြိုင်ပွဲတွေ ထက် ကွင်းရဲ့ မြေသား အနေအထားအပေါ် အာရုံစိုက်ရမှု အမြင့်ဆုံး ထားရတဲ့ ပြိုင်ပွဲလည်း ဖြစ်ပါတယ်။ ပြိုင်ပွဲ အစကနေ နောက်ဆုံးဗိုလ်လုပွဲထိ ပြိုင်ပွဲအမျိုးအစား တခုချင်းစီ အတွက် ပွဲပေါင်း ၇ ပွဲ ကစားရပါတယ်၊ အဆိုပါ ၇ ပွဲ၊ ၇ ဆင့်လုံး ကျော်ဖြတ်နိုင်မှ ချန်ပီယံ ဖြစ်မှာပါ။ French Open ပြိုင်ပွဲကို ၁၈၉၁ ခုနှစ် ကတည်းက တည်ထောင် ကျင်းပခဲ့တာ ဖြစ်ပြီး သက်တမ်းအနေနဲ့ ဆိုရင် ၁၂၆ နှစ် ရှိနေပါပြီ။ ဒါပေမယ့် အဆိုပါ အချိန်ကနေ နှစ်တိုင်းကျင်းပနေခဲ့တာတော့ မဟုတ်ပါ။ ရှေ့ပိုင်း နှစ်တွေမှာ မကျင်းပဖြစ်တဲ့ နှစ်တွေလည်း ရှိတာကြောင့် အခုချိန်ထိ ပြိုင်ပွဲကျင်းပတဲ့ အကြိမ်ရေကတော့ ၁၁၆ နှစ်ပဲ ရှိပါသေးတယ်။ ၁၈၉၁ ခုနှစ်ကနေ ၁၉၀၈ ခုနှစ်ထိ ပြိုင်ပွဲကျင်းပတဲ့ မြေက သဲ ဖြစ်ပေမယ့် ၁၉၀၈ ခုနှစ်နဲ့ နောက်ပိုင်းမှာတော့ ပြေးလွှား ယှဉ်ပြိုင်ဖို့ ခက်တဲ့ မြေစေး ဖြစ်လာပါတယ်။ ဆုကြေးအနေနဲ့လည်း တနှစ်နဲ့ တနှစ် ပိုမိုတိုးမြှင့် ပေးအပ်တာ နဲ့ အတူအခုနှစ်မှာ ဆိုရင် ဆုကြေးငွေ စုစုပေါင်း ယူရို ၃၆ သန်း ပေးအပ်ခဲ့တာ တွေ့ရပါတယ်။ လက်ရှိ ပြင်သစ်ဖိတ်ခေါ်ပြိုင်ပွဲရဲ့ ချန်ပီယံတွေကို ကြည့်မယ် ဆိုရင် အမျိုးသား တဦးချင်းမှာ ရာဖေးနာဒယ် (Rafael Nadal)၊ နှစ်ယောက်တွဲ ပွဲစဉ်မှာ ရိုင်ယန် ဟာရီဆင်နဲ့ မိုက်ကယ် ဗီးနပ်တို့က ဗိုလ်စွဲထားတာ တွေ့ရပါတယ်။ ပြင်သစ် ဖိတ်ခေါ် ပြိုင်ပွဲ သမိုင်းတလျှောက် ချန်ပီယံ အများဆုံး ဖြစ်ထားသူက ရာဖေးနာဒယ် ဖြစ်ပြီးသူက ချန်ပီယံ ၁၀ ကြိမ် ဖြစ်ထား တာပါ။ နှစ်ယောက်တွဲ ချန်ပီယံ အများဆုံး ဖြစ်ထားသူကတော့ ရွိုင်းအီမာဆန် ဖြစ်ပြီး ၆ ကြိမ် အနိုင်ရဗိုလ်စွဲထား ပါတယ်။ အမျိုးသမီး ပွဲစဉ်တွေမှာတော့ လက်ရှိ တဦးချင်း ချန်ပီယံက ဂျလီနာအော့စတာပန်ကို (Jeļena Ostapenko) ရှိနေတယ်၊ နှစ်ယောက်တွဲ ပွဲစဉ်မှာတော့ ဘီသာနီမာတစ်ဆန်းနဲ့ လူစီဆာဖာရိုဗာတို့ အတွဲက ချန်ပီယံ ဖြစ်ထားပါတယ်။ အမျိုးသမီး တဦးချင်း ပွဲစဉ်တွေမှာ အများဆုံးချန်ပီယံ ဖြစ်ထားသူက ခရစ်အီဗာ့ဖြစ်ပြီး ချန်ပီယံ ၇ ကြိမ် ရထားသလို အတွဲလိုက် ချန်ပီယံဆုကို အများဆုံးရယူထားနိုင်သူက မာတီနာနာဗရာတီလိုဗာ ဖြစ်ပြီး သူလည်း ၇ ကြိမ် ဗိုလ်စွဲထားဖူးသူပါ။ နှစ်ယောက်တွဲ ကျား၊ မ ပွဲစဉ်မှာတော့ လက်ရှိချန်ပီယံ အဖြစ် ဂါဘရီလာဒါဘရော့စကီးနဲ့ ရိုဟန်ဘိုပန်နာ (Gabriela Dabrowski and Rohan Bopanna) တို့က ချန်ပီယံ ဖြစ်နေပြီး ကျား အတွဲလိုက် အနေနဲ့ ချန်ပီယံ အများဆုံး ဖြစ်ထားသူတွေကတော့ ကန်ဖလက်ချာနဲ့ ဂျိန်းကလူဒီဘာကလေ တို့ ဖြစ်ပြီး ၃ကြိမ်စီ အနိုင်ရထားတာ ဖြစ်ပါတယ်။ ကျား၊မ အတွဲလိုက် အမျိုးသမီးအနေနဲ့ ချန်ပီယံ အများဆုံး ဖြစ်ထားသူကတော့ မာဂရက်စမစ်ကော့ ဖြစ်ပြီး ၄ ကြိမ်ထိ ချန်ပီယံ ရထားပါတယ်။ ဆုကြေးရရှိမှု အနေနဲ့ အခုနောက်ဆုံး နှစ်မှာ တဦးချင်း အမျိုးသား၊ အမျိုးသမီး ဗိုလ်စွဲသူ အနေနဲ့ ယူရို ၁ ဒသမ ၈ သန်းထိ ဆုကြေးရတယ်၊ ပြိုင်ပွဲ ၇ ဆင့်အတွင်း အနိမ့်ဆုံး ၇ ဆင့်ပွဲမှာ ရှုံးနိမ့်သူအနေနဲ့တောင် ဆုကြေးယူရို ၅ သောင်း ပေးအပ်တာ တွေ့ရပါတယ်။ နှစ်ယောက်တွဲ ပြိုင်ပွဲမှာ ဗိုလ်စွဲသူတွေကတော့ ဆုကြေးယူရို ၄ ဒသမ ၅ သိန်း ရတယ်၊ အဆင့် ၇ အနိမ့်ဆုံး ပြိုင်ပွဲမှာ ရှုံးသူက ယူရို ၉ ထောင် ရမှာ ဖြစ်ပါတယ်။ နှစ်ယောက်တွဲကျား၊မ အတွဲလိုက် ပြိုင်ပွဲမှာ ဗိုလ်စွဲသူတွေ ကတော့ ဆုကြေးယူရို ၁ ဒသမ ၁၄ သိန်း ရမယ်၊ အဆင့် ၅ မှာ ရှုံးတဲ့ အတွဲက ယူရို ၄၀၀၀ ရမှာ ဖြစ်ပါတယ်။ ပြိုင်ပွဲဝင်တွေ အနေနဲ့ အဆင့် ၇ ကနေ ၆၊ ၅၊ ၄၊ ၃၊ ၂၊ ၁ ပုံစံနဲ့ တဆင့်စီ တက်ရောက် လာပြီး ဗိုလ်လုပွဲမှာ ယှဉ်ပြိုင် အနိုင်ရအောင် ကြိုးစားရတာ ဖြစ်ပါတယ်။ Ref: http://ift.tt/1nTw5C9 The post ကမ္ဘာ့ ဆုကြေးအကြီးဆုံး ပြိုင်ပွဲ စာရင်းဝင် ပြင်သစ်ဖိတ်ခေါ် တင်းနစ်ပြိုင်ပွဲ appeared first on ဧရာဝတီ.
Source : http://ift.tt/2hrbqN0
via IFTTT

Samsung မွ ဘက္ထရီစနစ္အသစ္နဲ႔ ထပ္မံ ထုတ္လုပ္လိုက္တဲ့ Note Fan Edition

Samsung မှ ဘက်ထရီစနစ်အသစ်နဲ့ ထပ်မံ ထုတ်လုပ်လိုက်တဲ့ Note Fan Edition Samsung ကုမ္ပဏီမှ မနှစ်ကထွက်ရှိခဲ့တဲ့ Galaxy Note 7 စမတ်ဖုန်းများကို ဘက်ထရီပိုင်းဆိုင်ရာ ပြဿနာများကြောင့် တကမ္ဘာလုံးအတိုင်းအတာနဲ့ ရောင်းချမှု ရပ်တန့်ခဲ့ပြီး Note 7 စမတ်ဖုန်း ဝယ်ယူ သူများကို အစားထိုး လဲလှယ်ပေးခဲ့သလို ယခုနှစ်မှာလည်း ဘက်ထရီပိုင်း နည်းပညာ အသစ်နဲ့ ထပ်မံ ထုတ်လုပ်လိုက်တဲ့ Note Fan Edition စမတ်ဖုန်းသစ်ကို မိတ်ဆက်လိုက်ပါတယ်။ Galaxy Note Fan Edition စမတ်ဖုန်းသစ်ဆိုတာ မဖွင့်ရသေး၊ မသုံးရသေးတဲ့ Galaxy Note 7 ပစ္စည်းများကို ဘေးကင်းစိတ်ချရတဲ့ ဘက်ထရီများနဲ့ ပြန်လည်အစားထိုးပြီး ထုတ်လိုက်လိုက်တဲ့ စမတ်ဖုန်းအသစ် ဖြစ်ပါတယ်။ “ကျနော်တို့ အရင်ဆုံး Note 7 ထွက်တဲ့အချိန်မှာ Note 7 ကို အရမ်းကြိုက်တဲ့သူတွေ ရှိပါတယ်။ Note 7 က ဘက်ထရီပိုင်း ပြဿနာတွေကြောင့် ပြန်သိမ်းလိုက်တဲ့အချိန်မှာ Note 7 ကို ဘယ်တော့ ပြန်ထုတ်မလဲ၊ လိုချင်တယ်ဆိုတဲ့ သူတွေရှိတယ်။ Note 7 ဖုန်းက Note Series တွေထဲမှာ Security အမြင့်ဆုံးနဲ့ ရေလုံ ပထမဦးဆုံး ထွက်လာတဲ့ ဖုန်းဖြစ်တယ်။ ဒါကြောင့် Note ချစ်တဲ့သူတွေအတွက် တမင်တကာ ပြန်ထုတ်ပေးတဲ့ Fan Edition ပဲ ဖြစ်ပါတယ်” လို့ Samsung Myanmar ရဲ့ Head of IT ကိုဇာနည်ဝင်းထက်က ပြောပါတယ်။ ယခင် ထွက်ရှိခဲ့တဲ့ Galaxy Note 7 စမတ်ဖုန်းရဲ့ ဘက်ထရီ 3500 mAh ကို မသုံးတော့ဘဲ “8-Point Battery Safety Check” စနစ် (အဆင့် ၈ ဆင့်နဲ့ စစ်ဆေးထားတဲ့) 3200 mAh ဘက်ထရီကို Note Fan Edition စမတ်ဖုန်းမှာ ထည့်သွင်းထားတယ်လို့ သိရပါတယ်။ ဘက်ထရီများကို စစ်ဆေးထားတဲ့ အဆင့် ၈ ဆင့်ကတော့ ဘက်ထရီ ကြာရှည်ခံမှုကို စမ်းသပ်ခြင်း၊ အမြင်အာရုံဖြင့် စစ်ဆေးခြင်း၊ X-Ray ဖြင့် စစ်ဆေးခြင်း၊ ကြိမ်ဖန်များစွာ အားသွင်းစမ်းသပ်ခြင်း၊ TVOC (Total Volatile Organic Compound Test) အော်ဂဲနစ် ဒြပ်ပေါင်း ယိုစမ့်မှု စမ်းသပ်ခြင်း၊ ဖုန်းဘက်ထရီများ ပြန်လည် ဖြုတ်၍ ဆန်းစစ်ခြင်း၊ အရှိန်အဟုန်မြှင့် အသုံးပြုမှု စမ်းသပ်ခြင်း၊ ဖုန်း ဘထရီ ဗို့အား ပြောင်းလဲမှုများ စစ်ဆေးခြင်း စတဲ့ စမ်းသပ်ချက်များစွာ ပြုလုပ်ခဲ့တယ်လို့ သိရပါတယ်။ Note Fan Edition စမတ်ဖုန်း မိတ်ဆက်ပွဲသီဟတိုး/ ဧရာဝတီ Note Fan Edition စမတ်ဖုန်းမှာ ပြန်လည် ဆန်းသစ် တပ်ဆင်ထားတဲ့ ထုတ်ကုန် အစိတ်အပိုင်းများ အပါအဝင် Note 7 မှာ ထည့်သွင်း အသုံးမပြုထားတဲ့ အခြားနည်းပညာ အစိတ်အပိုင်းများကိုပါ ထည့်သွင်း အသုံးပြုထားတယ်လို့ ကိုဇာနည်ဝင်းထက်က ပြောပါတယ်။ Note Fan Edition စမတ်ဖုန်းမှာ အဓိက လုပ်ဆောင်ချက်များအနေနဲ့ ရေနဲ့ဖုန်ဒဏ် ကာကွယ်နိုင်မှု အဆင့် IP68 ပါဝင်ပြီး လုံခြုံမှုစနစ်ပိုင်းအနေနဲ့ Iris Scanner (မျက်လုံး အသုံးပြု လုံခြုံရေးစနစ်) တို့ ပါဝင်ပါတယ်။ ဒါ့အပြင် အဆင့်မြင့်ထားတဲ့ S Pen လုပ်ဆောင်ချက်များနဲ့အတူ ကင်မရာပိုင်းကို 12MP Dual Pixel Sensor ကင်မရာနဲ့ အရှေ့ဘက် ကင်မရာ 5 Mega Pixel ပါဝင် အသုံးပြုထားတာ တွေ့ရပါတယ်။ Note Fan Edition စမတ်ဖုန်း မိတ်ဆက်ပွဲသီဟတိုး/ ဧရာဝတီ မျက်နှာပြင် အရွယ်အစား ၅.၇ လက်မ Quad HD Dual edge Super AMOLED မျက်နှာပြင်နဲ့အတူ Android OS Version 7.0 အသုံးပြုထားပါတယ်။ Memory အနေနဲ့ Internal 64GB, 4GB RAM တို့ ပါဝင်ပြီး CPU Processor အရည်အသွေး Octa-core 64 bit Processor သုံးထားတာ တွေ့ရပါတယ်။ ဘက်ထရီပိုင်း ပြဿနာတက်ခဲ့တဲ့ Note 7 ဖုန်းအစား ဘက်ထရီ Icon အသစ်နဲ့ Samsung မှ မနှစ်က အောက်တိုဘာလအတွင်းမှာ သုံးစွဲသူများကို ပြန်လည် အစားထိုး လဲလှယ်ပေးခဲ့ပြီး Note 7 ဖုန်းကို နိုင်ငံတကာ လေကြောင်းလိုင်း အချို့မှာ လေယာဉ်ပေါ် သယ်ဆောင်ခွင့် ပိတ်ပင်ခဲ့ကြပါတယ်။ ယခု အသစ်ထွက်ရှိလာတဲ့ Note Fan Edition စမတ်ဖုန်းမှာတော့ ဘက်ထရီပိုင်းဆိုင်ရာ ပြဿနာ တခုခု ဖြစ်ခဲ့ရင် Samsung ကုမ္ပဏီဘက်မှ အပြည့်အ၀ တာဝန်ယူတယ်လို့ ကိုဇာနည်ဝင်းထက်က ဆိုပါတယ်။ “ကျနော် Note 7 တုန်းကလည်း တာဝန်ယူမှု အပြည့်နဲ့ အကုန် ပြန်သိမ်းခဲ့တယ်။ သိမ်းတဲ့အပြင်လည်း သုံးစွဲသူတွေ ကျေနပ်အောင် ပြန်လဲလှယ်ပေးခဲ့တယ်။ ဒါပေမယ့် အဲဒီလိုမျိုး ကျနော်တို့ ထပ်မဖြစ်အောင် Note Fan Edition ကို စမ်းသပ်မှုတွေ အများကြီး လုပ်ထားတယ်။ Samsung နဲ့ ပတ်သက်တဲ့ ပစ္စည်းတိုင်းကို ကျနော်တို့ အပြည့်အဝ တာဝန်ယူပါတယ်” လို့ ကိုဇာနည်ဝင်းထက်က ဆိုပါတယ်။ Galaxy Note Fan Edition စမတ်ဖုန်းကို ဈေးနှုန်း မြန်မာငွေ ကျပ် ၇၉၉၀၀၀ နဲ့ နိုဝင်ဘာလ ပထမ အပတ်မှ စတင်ကာ ရောင်းချသွားမှာဖြစ်ပြီး အရောင်အားဖြင့် အပြာရောင် (Blue Coral) နဲ့ အနက်ရောင် (Black Onyx) တို့ အရောင် ၂ မျိုးနဲ့ ရရှိနိုင်မယ်လို့ သိရပါတယ်။ ။ The post Samsung မှ ဘက်ထရီစနစ်အသစ်နဲ့ ထပ်မံ ထုတ်လုပ်လိုက်တဲ့ Note Fan Edition appeared first on ဧရာဝတီ.
Source : http://ift.tt/2yZwgug
via IFTTT

မြတ္စလင္ဒုကၡသည္မ်ား ျပန္လက္ခံေရးကို ေစာင့္ၾကည့္ေနဟု ႀကံ့ခိုင္ေရးပါတီေျပာ

မွတ်စလင်ဒုက္ခသည်များ ပြန်လက်ခံရေးကို စောင့်ကြည့်နေဟု ကြံ့ခိုင်ရေးပါတီပြော ဘင်္ဂလားဒေ့ရှ်နိုင်ငံဘက်သို့ ထွက်ပြေးသည့် မွတ်စလင်ဒုက္ခသည်များ ပြန်လည်လက်ခံရေးနှင့် ပတ်သက်၍ ၁၉၉၃ခုနှစ်က ရရှိထားသည့် နှစ်နိုင်ငံသဘောတူညီချက်မှ အချက်တချို့ကို ပြင်ဆင်ရန် လုပ်ဆောင်မှုကို ပြည်ထောင်စုကြံခိုင်ရေးနှင့် ဖွံဖြိုးရေးပါတီ(USDP) မှ စောင့်ကြည့်နေကြောင်း ယနေ့ သတင်းစာရှင်းလင်းပွဲ၌ ပြောဆိုသွားသည်။ USDP ပါတီ ဗဟိုအလုပ်အမှုဆောင် ဦးဝဏ္ဏ မောင်လွင်က“နဂိုရှိပြီးသား သဘောတူညီချက်ထဲက ဘယ်လိုအချက်တွေကို နှစ်နိုင်ငံဆွေးနွေးကြမလဲ၊ အရင်ရပြီးသား သဘောတူညီချက်တွေကို ဘယ် အချက်တွေ ထပ်တိုး လာမလဲ၊ ဘယ်အချက်တွေကို ဖြုတ်ချမလဲဆိုတကို ကျနော်တို့ စောင့်ကြည့်နေ ပါတယ်” ဟု ပြောသည်။ ပြီးခဲ့သည့် အောက်တိုဘာ ၂၆ ရက်နေ့က ရခိုင်ပြည်နယ်အတွင်း ကိစ္စရပ်များနှင့် ပတ်သက်၍ မြန်မာ- ဘင်္ဂလားဒေ့ရှ် နှစ်နိုင်ငံ ပြည်ထဲရေးဝန်ကြီး ဦးဆောင်သည့်အဖွဲ့များ တွေ့ဆုံဆွေးနွေးပြီးနောက် အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အားဦးစီးဌာန ပြည်ထောင်စု ဝန်ကြီး ဦးသိန်းဆွေက ၁၉၉၃ ခုနှစ်က ရရှိခဲ့သည့် နှစ်နိုင်ငံ သဘောတူညီချက်များထဲမှ တချို့ကို ပြန်လည်ပြင်ဆင်ကာ အပြီးသတ် သဘောတူ လက်မှတ်ရေး ထိုးရန် ကြိုးပမ်းလျှက်ရှိကြောင်း ပြောကြားခဲ့ခြင်းနှင့် ပတ်သက်၍ USDP ပါတီက ထိုသို့ တုံ့ပြန်ပြောဆိုလိုက်ခြင်း ဖြစ်သည်။ USDP ပါတီအနေဖြင့် ၁၉၉၃ ခုနှစ် နှစ်နိုင်ငံသဘောတူညီချက်ကို ပြင်ဆင်ရာတွင် ဒေသခံများနှင့် ပြည်တွင်းအဖွဲ့ အစည်းများ၏ အသံများကိုလည်း နားထောင်ရန်လိုအပ်ပြီး ထပ်မံရေးထိုးမည့် အပြီး သတ်သဘောတူညီချက်၌ ပါဝင်မည့် အချက်များအပေါ် မူတည်၍ ဥပဒေနှင့် အညီတုံ့ပြန်ဆောင်ရွက် သွားမည်ဖြစ်ကြောင်း ဆိုသည်။ ရခိုင်ပြည်နယ်အတွင်း ဒုက္ခသည်များ ပြန်လည်နေရာချထားရေးနှင့် ဒေသဖွံ့ဖြိုးရေးလုပ်ငန်းများ အတွက် အောက်တိုဘာ ၂၄ ရက်နေ့က တွေ့ဆုံရာ၌ သဘောတူညီချက် ၁၀ ချက်ရရှိခဲ့ကြောင်း နှစ်နိုင်ငံပူးတွဲထုတ်ပြန်ခဲ့ ပြီး ဒုက္ခသည် ပြန်လက်ခံရေး သဘောတူညီချက်ကို အပြီးဆောင်ရွက် ရန်လည်း အချက်တခုအနေဖြင့် ထည့်သွင်းခဲ့သည်ဟု သိရသည်။ သို့သော် ဘင်္ဂလားဒေ့ရှ် အခြေစိုက် Dhaka Tribune သတင်းကတော့ ဒုက္ခသည်များ ပြန်လည် လက်ခံရေးနဲ့ ပတ်သက်ပြီး မျှော်လင့်ထားတဲ့ တုံ့ပြန်မှုမျိုး မြန်မာအစိုးရဆီက မရခဲ့ကြောင်း ဘင်္ဂလားဒေ့ရှ် နိုင်ငံခြားရေးဝန်ကြီး ပြောကြားချက်ကို ကိုးကားပြီး ရေးသားထားသည်။ ARSA အဖွဲ့၏ အကြမ်းဖက်တိုက်ခိုက်မှုများဖြစ်ပွားပြီးနောက် ဘင်္ဂလားဒေ့ရှ်နိုင်ငံဘက်သို့ ထွက်ပြေး သွားသည့် မွတ်စလင်ဒုက္ခသည် အရေအတွက်မှာ ၅ သိန်းကျော်ခန့်ရှိကြောင်း ကုလသမဂ္ဂမှ ခန့်မှန်း ပြောဆိုမှုများရှိနေပြီး ၎င်းတို့အား အမြန်ဆုံးပြန်လည်ခေါ်ယူရေးအတွက် မြန်မာနိုင်ငံအပေါ် နိုင်ငံတကာမှဖိအားပေးမှုများ လည်း ပြုလုပ်လျှက်ရှိသည်။ မြန်မာအစိုးရအနေဖြင့် ဒုက္ခသည်များ ပြန်လည်စိစစ်ရေး လုပ်ငန်းစဉ်များ စတင်ရန် လုပ်ဆောင်လျှက် ရှိရာတွင် နှစ်နိုင်ငံဆွေးနွေးမှုများအတွင်း မိမိနိုင်ငံ၏ အချုပ်အခြာအာဏာပိုင်ဆိုင်မှုနှင့် အမျိုးသား အကျိုးစီးပွားအပေါ် ထိခိုက်စေမည့်အချက်များအား အထူးသတိထားရန်လိုအပ်ပြီး ပြည်သူလူထုထံ သို့လည်း ပွင့်လင်းမြင်သာစွာ ချပြသင့်ကြောင်း ဦးဝဏ္ဏမောင်လွင်က ထောက်ပြသည်။ မြန်မာနိုင်ငံဘက်မှသူများ ဘင်္ဂလားဒေ့ရှ်နိုင်ငံဘက်သို့ ဝင်ရောက်နေမှုအား ချက်ချင်းရပ်တန့်ရန် နှစ်နိုင်ငံ သဘောတူညီချက် ရရှိထားသော်လည်း မွတ်စလင်အများအပြား နှစ်နိုင်ငံနယ်စပ်တွင် နေထိုင်လျှက်ရှိပြီး အောက်တိုဘာ ၂၉ ရက်နေ့ကပင် လူ ၄၂၆ ဦးမှ ဘင်္ဂလာဒေ့ရှ်နိုင်ငံ ဘက်သို့ စက်လှေ ၁၄ စီးဖြင့် ထပ်မံ ထွက်ခွာသွားကြောင်း ပြည်ထဲရေးဝန်ကြီးဌာနကထုတ်ပြန်ထားသည်။ မြန်မာနှင့် ဘင်္ဂလားဒေ့ရှ် နှစ်နိုင်ငံပြည်ထဲရေးဝန်ကြီးများ တွေ့ဆုံရာတွင်လည်း မောင်တောဒေသ အကြမ်းဖက်မှု ဖြစ်စဉ်အတွင်း ARSA အဖွဲ့နှင့် ပါဝင်ပတ်သက်ခဲ့ပြီး ထွက်ပြေးတိမ်းရှောင်နေသူ စာရင်းအား ဘင်္ဂလားဒေ့ရှ်ဘက် သို့ပေးအပ်ခဲ့ကာ အမြန်ဆုံးစုံစမ်းဖော်ထုတ်ပေးရန် မြန်မာဘက်ကတောင်းဆိုခဲ့ကြောင်း သိရသည်။ The post မွတ်စလင်ဒုက္ခသည်များ ပြန်လက်ခံရေးကို စောင့်ကြည့်နေဟု ကြံ့ခိုင်ရေးပါတီပြော appeared first on ဧရာဝတီ.
Source : http://ift.tt/2iNaxBz
via IFTTT

အလႉခံမ႑ပ္၌ သီခ်င္းဖြင့္ ကခုန္ေနသူမ်ားကို ပစ္ခတ္ဖမ္းဆီးခဲ့ရ

အလှူခံမဏ္ဍပ်၌ သီချင်းဖွင့် ကခုန်နေသူများကို ပစ်ခတ်ဖမ်းဆီးခဲ့ရ လှိုင်သာယာမြို့နယ်၊ အမှတ် ၅ ရပ်ကွက်ရှိ အလှူခံမဏ္ဍာပ်တခုတွင် အသံချဲ့စက်ကို ဆူညံစွာဖွင့်၍ ကခုန်နေသူများကို သွားရောက် တားမြစ်သည့် ရဲတပ်ဖွဲ့အား ပြန်လည်ရန်ပြုခဲ့သဖြင့် ပန့်အက်ရှင်သေနတ်ဖြင့် ပစ်ခတ်ကာ ဖမ်းဆီး ထိန်းသိမ်း ခဲ့ရကြောင်း ရန်ကုန်တိုင်းရဲတပ်ဖွဲ့က သတင်းထုတ်ပြန်ထားသည်။ လှိုင်သာယာ မြို့မရဲစခန်းမှူး ဒုရဲမှူးဝင်းနိုင် က “ဒဏ်ရာရတဲ့ ရဲတပ်ဖွ့ဲဝင်က သက်သာသွားပါပြီ၊ ကျနော်တို့က ဥပဒေအရ ထိန်းသိမ်းခဲ့တာပဲဖြစ်လို့ ဘာမှပြောစရာမရှိပါဘူး”ဟု ဧရာဝတီသို့ ပြောသည်။ ဖြစ်စဉ်မှာ လှိုင်သာယာမြို့နယ် အမှတ် ၅ ရပ်ကွက်၊ ဗိုလ်ချုပ်လမ်းနှင့် မြရိပ်ညို ၅ လမ်းထောင့်ရှိ ဘုံကထိန် အလှူခံမဏ္ဍာပ်တွင် အောက်တိုဘာ ၂၇ ရက်နေ့ ညက အသံချဲ့စက်များ ဆူညံစွာဖွင့်လှစ်၍ ကျော်ဇင်လေး ဆိုသူအပါအဝင် လူငယ် ၃၀ ဦးခန့် ကခုန်ပြီး ပတ်ဝန်းကျင်အား အနှောင့် အယှက်ရှိသဖြင့် ရပ်ကွက်အုပ်ချုပ်ရေးမှူး က ကနဦးသွားရောက်၍ တားမြစ်ခဲ့သည်ဟု ရဲတပ်ဖွဲ့က ဆိုသည်။ ထိုသို့တားမြစ်သော်လည်း ရပ်တန့်ခြင်းမရှိသဖြင့် အဆိုပါ ရပ်ကွက်နယ်ထိန်း ရဲဒုတပ်ကြပ် ထက်ပိုင်ဝင်း၊ ရဲတပ်သား ကြည်ဖြိုးကြည် နှင့် ရပ်ကွက် အုပ်ချုပ်ရေးအဖွဲ့တို့မှ ထပ်မံ သွားရောက် တားမြစ်ခဲ့ရာ ကျော်ဇင်လေးမှ ရဲဒုတပ်ကြပ် ထက်ပိုင်ဝင်း အား လက်သီးဖြင့် ထိုးခဲ့သဖြင့် မေးရိုးတွင် ထိခိုက်ဒဏ်ရာ ရရှိခဲ့ရာရရှိခဲ့သည်ဟု သိရသည်။ “ရဲဒုတပ်ကြပ် ထက်ပိုင်ဝင်းမှ ၎င်းနှင့်အတူပါရှိသည့် ပန့်အက်ရှင် သေနတ်ဖြင့် လူစုခွဲရန် မိုးပေါ်သို့ တစ်ချက် ထောင်ပစ်ခဲ့ သော်လည်း ကျော်ဇင်လေးပါ လူငယ် ၃၀ ဦးအဖွဲ့မှ ထပ်မံရန်ပြုရန် ဝိုင်းအုံလာသဖြင့် အသက်အန္တရာယ် စိုးရိမ်ရသည့် အတွက် ပန့်အက်ရှင် သေနတ်ဖြင့် ပစ်ခတ်ခဲ့ရာ ကျော်ဇင်လေး၏ ဝမ်းဗိုက်၊ ဝဲလက်ဖျံ၊ ဝဲလက်မောင်းတို့တွင် ထိမှန်၍ ပေါက်ပြဲဒဏ်ရာများ ရရှိကာ ကျော်ဇင်လေး ပါ ၁၂ ဦးအား ဖမ်းဆီးရမိခဲ့ပြီး လှိုင်သာယာမြို့မရဲစခန်းတွင် အမှုဖွင့်လှစ် အရေးယူဆောင်ရွက်လျက် ရှိကြောင်း” ဟု ရဲတပ်ဖွဲ့က ထုတ်ပြန်ထားသည်။ အလှူခံများ အနေဖြင့် သီချင်းများ ဆူညံစွာ ဖွင့်လှစ်ခြင်း၊ ယဉ်ကျေးမှုနှင့် မကိုက်ညီသည့် အဝတ်များ ဝတ်ဆင်ကာ လှည့်လည် အလှူခံခြင်း၊ ခေတ်ပေါ်သီချင်းများဖြင့် ကခုန်နေခြင်းများအား သက်ဆိုင်ရာ တာဝန်ရှိသူများ အနေဖြင့် ထိန်းချုပ် တားဆီး သင့်ကြောင်း ဝေဖန်နေမှုများလည်းရှိသည်။ လှိုင်သာယာမြို့နယ်မှ တိုင်းဒေသကြီး လွှတ်တော်ကိုယ်စားလှယ် ဦးမြတ်မင်းသူ ကလည်း “ဖြစ်စဉ် ဖြစ်ခဲ့တာမှန်ပါတယ်၊ အလှူခံ မဏ္ဍပ်တွေမှာ သီချင်းတွေ ဆူညံစွာဖွင့်ပြီး ကခုန်အလှူခံနေတဲ့ ကိစ္စကတော့ ကျနော်တို့ပြန်လည် သုံးသပ်ဖို့လိုနေပါပြီ၊ အုပ်ချုပ်ရေးပိုင်း အနေနဲ့လည်း ထိန်းချုပ်သင့်ပါပြီ”ဟု ဧရာဝတီသို့ ပြောသည်။ ထိုဖြစ်စဉ်နှင့် ပတ်သက်၍ ကျော်ဇင်းလေး ဆိုသူ အပါအဝင် အလှူခံမဏ္ဍပ်ရှေ့ သီချင်းဖွင့်ကာကခုန်နေသူ ၁၂ ဦးကို လှိုင်သာယာမြို့မ ရဲစခန်းမှ ရာဇဝတ်မှု မကင်းသော ခြောက်လှန့်မှုပုဒ်မ ၅၀၆အပါအဝင် ပုဒ်မလေးခုဖြင့် အမှုဖွင့်အရေးယူဆောင်ရွက်လျှက်ရှိကြောင်းသိရသည်။ အောက်တိုဘာ ၂၈ ရက်နေ့ ညပိုင်းကလည်း ဒဂုံမြို့သစ်တောင်ပိုင်းမြို့နယ်၊ ၇၀ ရပ်ကွက်အတွင်း ဝက်အူလည့်ဖြင့် ထိုးမှုဖြစ်ပွားရာသို့ သွားရောက်စစ်ဆေးခဲ့သည့် ရဲတပ်ဖွဲ့ဝင်များအား ကိုဇင်(ခ)ဇင်ဖြိုးဆိုသူ မှ ကတ်ကြေဖြင့် လိုက်ထိုးမှုကြောင့် ရဲတပ်သား မျိုးသီဟထွန်းနှင့် ရာအိမ်မှူးတို့တွင် ပြတ်ရှ ဒဏ်ရာ တချက်စီ ရရှိခဲ့သည့် အတွက် ဇင်ဖြိုးအား ပန့်အက်ရှင် သေနတ်ဖြင့် ပစ်ခတ်ဖမ်းဆီးခဲ့ရကြောင်း သိရသည်။ ထိုသို့ပစ်ခတ်မှုကြောင့် ကိုဇင်(ခ)ဇင်ဖြိုးဆိုသူ၏ ရင်ဘတ်နှင့် ပေါင်တို့တွင် ပေါက်ပြဲဒဏ်ရာများ ရရှိခဲ့ပြီး ဒဂုံမြို့သစ်တောင်ပိုင်း ရဲစခန်းမှ အမှုဖွင့် အရေးယူဆောင်ရွက်လျှက် ရှိကြောင်းသိရသည်။ The post အလှူခံမဏ္ဍပ်၌ သီချင်းဖွင့် ကခုန်နေသူများကို ပစ်ခတ်ဖမ်းဆီးခဲ့ရ appeared first on ဧရာဝတီ.
Source : http://ift.tt/2yZKL19
via IFTTT

ျမန္မာ့ေရေျမထဲက ခ်စ္စရာ ငွက္ကေလးေတြ

မြန်မာ့ရေမြေထဲက ချစ်စရာ ငှက်ကလေးတွေ ငှက်တွေဟာ နှစ်စဉ်ပေါက်ဖွား နေကြပေမယ့် အစားအစာ ရရှိမှု၊ ရာသီဥတု အခြေအနေအရ ပြောင်းရွေ့ ကျက်စားရမှု စတာတွေ အပေါ် မူတည်ပြီး တဖြည်းဖြည်း လျော့ပါးလာကြပါတယ်။ မြန်မာနိုင်ငံမှာလည်း ပြောင်းလဲ ပျက်ယွင်းလာတဲ့ ရာသီဥတု အခြေအနေတွေကြောင့် တချို့သော ငှက်တွေဟာ တဖြည်းဖြည်း လျော့ပါးလာပြီး တချို့သော ငှက်တွေဟာ တဖြည်းဖြည်း ကွယ်ပျောက်စ ပြုလာကြပြီ ဖြစ်ပါတယ်။ အဲဒီလို ပျောက်ကွယ်စ ပြုနေပြီ ဖြစ်တဲ့ ငှက်ကလေးတွေကို ဒီဆောင်းပါးလေးကနေ လက်လှမ်းမီသလောက် မှတ်တမ်းပြုတင်ပြလိုက်ပါတယ်။ သပိတ်လွယ် (oriental magapie robin) အမြဲလိုလို သီချင်းဆိုနေတတ်တဲ့ ငှက်ကလေးသပိတ်လွယ်ဟာ ပုံထဲမှာ မြင်ရတဲ့ အတိုင်း အဖြူနဲ့ အနက်ရောင်ရှိတဲ့ ငှက်မျိုး ဖြစ်ပြီးကိုယ် အလျား ၈ လက်မခွဲခန့် ရှိပါတယ်။ ဒီရေတောများ၊ တောင်ခြေနဲ့ ကုန်းမြင့်များနဲ့ ဥယျာဉ်များ၊ စိုက်ခင်းနဲ့ ချုံပုတ် များမှာ တွေရတတ်တဲ့ ငှက် မျိုးဖြစ်ပါတယ်။ သူတို့ဟာ မြေပြင်မှာ ရှာဖွေ စားသောက်လေ့ ရှိပြီး ပရွက်ဆိတ်၊ ချေးပိုးထိုးနဲ့ ပိုးမွှားများ၊ တီကောင်နဲ့ အသီးအရွက်ထိုး ပိုးကောင်တွေလည်း စားသောက်တတ်ကြတယ်။ သူတို့ရဲ့ အသိုက်ကိုတော့ မြန်မာ တချို့ဒေသက ကျေးရွာတွေမှာ အိမ်ခေါင်မိုး၊ သစ်ခေါင်း၊ ကမ်းပါးများနှင့် ထရံများ အကြား၊ ဝါးငုတ်တိုတွေထဲမှာ ဆောက်လုပ်ပါတယ်။ ဒါပေမယ့် သူတို့ဟာ အသိုက်ဆောက်ရာမှာ သပ်သပ်ရပ်ရပ် မရှိပါ။ သပိတ်လွယ်ငှက်တွေဟာ တကောင်တည်း အနေများပြီး တခါတရံမှာ ဖိုမစုံတွဲလည်း တွေ့ရတတ် ပါတယ်။ မြေပြင်ပေါ်မှာ အစာရှာဖွေ စားသောက်တတ်ပြီး ကျယ်လောင်တဲ့ အသံနဲ့ တေးသီတတ်ပါတယ်။ မတ်လကနေ ဇူလိုင်လ အတွင်း သားပေါက်လေ့ရှိတဲ့ ဌာနေငှက်တမျိုး ဖြစ်ပါတယ်။ တကြိမ် သားပေါက်လျှင် ဥ ၃ လုံးကနေ ၅ လုံးအထိ ဥအုတတ်ကြပြီး၊ ဥ ဟာ အစိမ်းရောင်မှာ နီညိုရောင် အစက်အပြောက်လေးများ ပါရှိကာ အဖျားရှူးတဲ့ ဦးခွံက ညက်ညော ပါတယ်။ သပိတ်လွှယ်ငှက်မျိုးမှာ ငှက်ကျား၊ ငှက်စပ် သို့မဟုတ် ငှက်တော်ပြာ၊ နဖားကြီးငှက်၊ အမြီးဝိုင်း စတာတွေ ဖြစ်ပါတယ်။ Little spiderhunter Little spiderhunter ကို မြန်မာလို ငှက်ပျောစုပ်ငှက် (သို့မဟုတ်) ပင့်ကူစုပ်ငှက် လို့ ခေါ်ပါတယ်။ သူတို့ဟာ သစ်ပင်တွေ ကနေ ပိုးမွှားကောင်လေးတွေနဲ့ ပင့်ကူတွေကို ရှာဖွေထိုးဆိတ် စားသောက်နိုင်ဖို့ နုတ်သီးချွန်ချွန် ကောက်ကောက် တခုကို ပိုင်ဆိုင်ထားတာပါ။ အဝါနုရောင် ရင်ဘတ်မွှေးနဲ့ ငှက်ပျောစုပ်ငှက်ကလေးဟာ အလျား ၆ လက်မ ဝန်းကျင်လောက် အရွယ်အစား ရှိပါတယ်။ ပြန်ပေါက်သစ်တောနဲ့ ဥယျာဉ်စိုက်ခင်းတွေ၊ ငှက်ပျောခင်းတွေမှာ တွေ့ရတတ်ပါတယ်။ တိတ်တဆိတ် နေတတ် ပေမယ့် သိပ်ကို သွက်လက်ပြီး ပျံတဲ့ အခါမှာလည်း အံ့သြလောက်အောင်ကို မြန်ဆန်လှပါတယ်။ ဒီဇင်ဘာလ ကနေ အောက်တိုဘာလ အတွင်း သားပေါက် ပါတယ်။ သားပေါက်တဲ့ အခါ တကြိမ်မှာ ဥ ၂ လုံးကနေ ၃ လုံး အထိ အုကြပြီး အဖိုရော အမကပါ ဥပေါက်ဖို့ ဝပ်ပေးကြပါတယ်။ ရွေပြည်စိုး (commoniora) ရွှေပြည်စိုးငှက်လေးတွေဟာ အမည်လှသလောက် အသံလည်း သာယာတဲ့ ချစ်စရာ ငှက်ကလေးတွေပါ။ လူအများ တွေ့မြင်ရမှု နည်းပါးပေမယ့် အမည်ကြောင့် လူသိများတဲ့ ဒီငှက်ကလေးတွေကို ပေ ၃ဝဝဝ အောက် ဥယျာဉ်ခြံဝင်းတွေနဲ့ ဆူးခြုံတောတွေမှာ တွေ့ရတတ်ပါတယ်။ မြန်မာနိုင်ငံ အလယ်ပိုင်းလို အပူပိုင်းဒေသတွေမှာ အနေများပြီး မြန်မာပြည် မြောက်ပိုင်းကလွဲရင် ကျန်တဲ့ ဒေသတွေမှာလည်း အနည်းငယ်တွေ့ရပါတယ်။ သူတို့ရဲ့ အဓိက အစားအစာက ပိုးမွှားများ၊ ပလူများ၊ အင်းဆက်များ ဖြစ်ပါတယ်။ ကိုယ်အလျား ၅ လက်မဝန်းကျင်လောက် ရှိပြီး သီချင်းတကြော်ကြော်နဲ့ သစ်ပင်တွေပေါ် ခုန်ပေါက်ဆော့ကစားနေတတ်တဲ့ ချစ်စရာငှက်ငယ်လေးတွေဟာ ဧပြီလကနေ ဇွန်လ အတွင်းမှာ သားပေါက်ပါတယ်။ တကြိမ် ဥအုလျှင် ၂ ဥမှ ၄ ဥ အထိ အုကြပြီး ဥ အရွယ်အစားက ပျမ်းမျှ သုည ဒသမ ၆၉ လက်မနဲ့ ဗြက်က သုည ဒသမ ၅၅ လက်မ ရှိပါတယ်။ ငှက်ပန်းတိမ် (coppersmith barbet) သူ့ရဲ့ ပိုင်နက်ခေါ်သံဟာ ပန်းတိမ်ဆရာရဲ့ တူထုသံလို တတိမ်တိမ်နဲ့ အကျယ်ကြီး အော်မြည်တတ်တာကို အစွဲပြုပြီး သူ့နာမည်ကိုပါ ငှက်ပန်းတိမ်ရယ် လို့ ခေါ်ဝေါ်လာကြတာ လို့ သိရပါတယ်။ သူ့ဆီမှာ တခြားငှက်တွေထက် အနည်းငယ် ထူးခြားတဲ့ နုတ်ခမ်းမွှေးထူထူတွေ ရှိနေတာကြောင့် သူ့ကို နုတ်ခမ်းမွှေးနဲ့ ငှက်ကလေးလို့ ချစ်စနိုးခေါ်ကြ ပါတယ်။ သူတို့ရဲ့ အသံကို နွေရာသီတွင် အမြဲလိုလို ကြားရတတ်ပြီး မိုးရာသီမှာတော့ တခါတရံလောက်ပဲ ကြားရပါတယ်။ ငှက်ပန်းတိမ်လေးတွေဟာ သစ်ပင် ထူထပ်တဲ့ နေရာများနှင့် ကွင်းပြင်များသာမက မြို့ကြီးများကို လာရောက်ကျက်စား တတ်ပါတယ်။ သူတို့ဟာ အပွင့်နု၊ အရွက်နုလေးများနှင့် ပိုးမွှားများ စသဖြင့် အစုံစားသောက်ကြပါတယ်။ ပျမ်းမျှအားဖြင့် သူ့ကိုယ်ရဲ့ အလျားက ၆ လက်မ လောက်ရှိပြီး မျက်လုံးတဝိုက်နဲ့ လည်ချောင်းက အဝါရောင်၊ ဦးခေါင်းအရှေ့ ပိုင်း အဝါရောင်နဲ့ တကိုယ်လုံးကတော့ အစိမ်းရောင်ရှိတဲ့ ငှက်မျိုးဖြစ်ပါတယ်။ သူတို့ဟာ နှစ်စဉ် ဖေဖော်ဝါရီ ကနေ မေလ အတွင်း သားပေါက်ကြပါတယ်။ တကြိမ်သားပေါက်လျှင် ဥ ၃ ဥမှ ၄ ဥ အထိ အုတတ်ကြပြီး၊ ဥများဟာ အဖြူရောက် ဖြစ်ပါတယ်။ ငှက်တော် (drongo) ငှက်တော်ဟာ လင်းမြီးဆွဲငှက်လို အမြီးနှစ်ခွနဲ့ အနက်ရောင် ငှက်ကလေး ပါ။ မြန်မာပြည်မှာ drongo မျိုးစိတ်ဝင်ငှက် ၈ မျိုး ရှိပြီး ၇ မျိုးက မြန်မာ့ ဌာနေငှက်တွေလို့ သိရပါတယ်။ အနီရောင် မျက်လုံးရှိပြီး သစ်ပင်ပေါ်နဲ့ မြင့်တဲ့ နေရာမျိုးတွေမှာပဲ နေတတ်တဲ့ ငှက်မျိုး ဖြစ်ပါတယ်။ ရဲရင့် သလောက် ရန်လိုတတ်တဲ့ ဗီဇရှိပြီး များသောအားဖြင့် တကောင်တည်းပဲ အတွေ့ရ များပါတယ်။ ငှက်တော်ဟာ အသံအမျိုးမျိုးနဲ့ အော်တတ်တဲ့ အပြင် တခြား ငှက်ရဲ့ အသံကိုလည်း အတုခိုး အော်တတ် ပါတယ်။ ငှက်တော်တွေဟာ နားနေတကနေ ထပျံကာ ပိုးမွှားများကို ထိုးသုတ်ပြီး နားနေရာကို တဖန် ပြန်လာနား စားသောက် ကြပါတယ်။ ငှက်တော်တွေဟာ ပိုးမွှားတွေ၊ တခါတလေ ကျွဲနွားတွေမှာ မှီခိုကပ်တွယ်နေတတ်တဲ့ ပိုးမွှားတွေကို စားသောက်တတ်ပါတယ်။ သူတို့ဟာ မတ်လမှ မေလအတွင်း သားပေါက်ကြပြီး အသိုက်ကို ပင်မြင့်တွေပေါ်မာ ဆောက်လုပ်တတ် ပါတယ်။ တကြိမ် ဥအုလျှင် ၃ လုံးကနေ ၄ လုံးအထိ အုတတ်ကြပြီး ဥမှာ ရှည်မျောမျော ခပ်ချွန်ချွန်ဖြစ်ပြီး ဥအရောင်က အဖြူ အောက်ခံ ပေါ်မှာ အနီ၊ အညို၊ ခရမ်းရောင်အပြောက် အစက်များ ပါရှိပါတယ်။ ငှက်တော်မျိုးတွေကို အရှေ့တိုင်းနိုင်ငံ အနှံ့အပြားမှာ တွေ့ရပြီး မြန်မာနိုင်ငံ ပဲခူးရိုးမတောင်ရှိ ကျွန်းတောတွေမှာ အတွေ့ရများပါတယ်။ ကိုယ်အလျား ၁၁ လက်မက နေ ၁၃ လက်မ အထိ ရှိတတဲ့ ငှက်တော်တွေဟာ ပေ ၃ဝဝဝ ထက်မြင့်သော အရပ်ဒေသတွေမှာ နေထိုင်ခြင်း မရှိကြဘူးလို့ သိရပါတယ်။ The post မြန်မာ့ရေမြေထဲက ချစ်စရာ ငှက်ကလေးတွေ appeared first on ဧရာဝတီ.
Source : http://ift.tt/2xyOIZa
via IFTTT

7Day News Journal

လမ်းဘေးတွင် ရပ်ထား သည့် YBS ယာဉ်ကို ဆိုင်ကယ် တစ်စီးက ဝင်တိုက်မိပြီး လဲကျစဉ် နောက်ကမောင်းလာသည့် ယာဉ်တစ်စီးက တိုက်မိသဖြင့် ဆိုင်ကယ်မောင်းနှင်သည့် အမျိုးသား သေဆုံးခဲ့ကြောင်း ရန်ကုန်အရှေ့ ပိုင်းခရိုင် ရဲတပ်ဖွဲ့မှူးရုံးမှ ရဲအရာ ရှိတစ်ဦးက ပြောသည်။ အဆိုပါယာဉ်တိုက်မှုသည် သာကေတမြို့နယ် ဧရာဝဏ် လမ်းမကြီးနှင့် ထူပါရုံလမ်းထိပ် တွင် အောက်တိုဘာ ၂၉ ရက် နံနက် ၂ နာရီခွဲက ဖြစ်ပွားခဲ့သည်။ ဆိုင်ကယ်ကို တိုက်သွား သည့်ကားသည် မောင်းပြေးသွား ကြောင်း ရဲအရာရှိက ဆက်လက် ပြောသည်။ ယာဉ်တိုက်မှုကြောင့် ဆိုင် ကယ်မောင်းနှင်သည့် အသက် (၂၅)နှစ်အရွယ် အမျိုးသားသည် ဦးခေါင်း၊ ခြေနှင့်လက်တို့တွင် ဒဏ်ရာများ ရရှိသဖြင့် ရန်ကုန် ဆေးရုံကြီးသို့ တင်ပို့ကုသစဉ် သေဆုံးခဲ့ကြောင်း သာကေတ မြို့မရဲစခန်းမှ ရဲအရာရှိတစ်ဦးက ပြောသည်။ သေဆုံးသူ၏ နေရပ်လိပ် စာ၊ အမည်တို့ကို စုံစမ်းနေပြီး ထွက်ပြေးသည့် ယာဉ်မောင်းကိုလည်းဖမ်းမိရန် စုံစမ်းနေကြောင်း ၎င်းကဆိုသည်။
Source : http://ift.tt/2lrYsmn
via IFTTT

Minn

တိုက်ကြီးမြို့ တွင် စုပေါင်းဘုံကထိန်း ပဒေသာပင် လှည့်နေသည့် အဖွဲ့ နှစ်ဖွဲ့ စကားများရန်ဖြစ်ရာမှ ၇ ဦး ဒဏ်ရာရ တိုက်ကြီး အောက်တိုဘာ ၂၉ မြောက်ပိုင်းခရိုင် တိုက်ကြီးမြို့ တွင်အောက်တိုဘာ၂၉ ရက်နေ့ နံနက် အချိန်တွင် စုပေါင်းဘုံကထိန်း ပဒေသာပင် လှည့်နေသည့် အဖွဲ့ နှစ်ဖွဲ့ စကားများရန်ဖြစ်ရာမှ ၇ ဦး ဒဏ်ရာရ ကြောင်း တိုက်ကြီးမြို့မ ရဲစခန်းမှ သိရသည်။ ကျွန်တော်က ဦးဆောင်ပြီး ကထိန်း အတွက်ပဒေသာပင် ဘက်က လာတာ ရှမ်စု ရပ်ကွက် ကံဦးကျောင်းလှည့်ပြီး ဇေတဝန် ဘုန်းတော်ကြီးကျောင်းကိုညာဘက်က လာတာ ကျွန်တော် အဖွဲ့မှာ ရှိတဲ့ မိန်းကလေး ကနေတဲ့ အဖွဲ့ ထဲကို ဝင်ကတယ် ပြီးတော့ ကျွန်တော်တို့ အဖွဲ့ ကမိန်းကလေးကို လက်ဆွဲ တာက စပြီး ရဲဖြစ်တာ ထိန်းမနိုင်တော့ ဖြစ်ပြီ ခုလိုရန်ဖြစ် ကြတာဟု မင်္ဂလာရပ်ကွက် ကထိန် ခင်ရန် ဦးဆောင်သူ ဦးစွန်ရဲ(ခ) ဦးဇော်ဝမ်းက ပြောသည်။ တိုက်ကြီးမြို့နယ် တွင် ကထိန် ခင်သည့်နှစ်စဉ် ဓလေ့ရှိပြီး ဆောင်းဘောက် အသံ များ အင်အားများဖြင့် အပြိုင်အဆိုင် ကျင်းပလေ့ ရှိကြောင်း ယခုလို ခိုက်ရန် ဖစ်ပွားမှုသည့် ဦးတရား လူဖြစ်များရန်ဖြစ်၍ ဒဏ်ရာ ရသူ များရှိသော်လည်း မည်သူမည်ဝါဆိုတာ လိုက်လံ ခေါ်မေးနေကြောင်း ရှမ်းစု ရပ်ကွက် ကထိန်ရန်လိုက်ပါသူ အသက် ၅၀ ခန့်ရှ ိ အမျိုးသမီးတစ်ဥိကပြောသည်။ အဆိုပါဖြစ်စဉ်နှင့်ပတ်သက်၍ မင်္ဂလာ ရပ်ကွက်မှ ကထိန်းခင်းရန် ပဒေသာပင် လှည့်နေသည့် အဖွဲ့ နှင့်ရှမ်းစု ရပ်ကွက် မှ ကထိန်းခင်းရန် ပဒေသာပင် လှည့် စဉ် ယင်းအဖွဲ့ နှစ်ဖွဲ့စကားများရန်ဖြစ်ကြရာ အုတ်နီခဲ ကျိုးများဖြင့် ပစ်ပေါက်ကြ ရာ မင်္ဂလာ ရပ်ကွက်မှ လူငယ် ၇ ဦး ဒဏ်ရာ ရရှိ တရားလို မင်္ဂလာ ရပ်ကွက်နေ ဦးစွန်ရဲ(ခ) ဇော်ဝမ်းမှ တိုက်ကြီးမြို့မ ရဲစခန်းတွင် (ပ)၅၀၈. ဥပဒေ ပုဒ်မ ၃၂၅/၃၂၃/၂၉၄/၃၅၄/၁၁၄ တို့ဖြင့် တရားခံ ပေါ်ပေါက်ရေ တို့အတွက် ဒုရဲအုပ် ဌေးကိုကိုဇော် မှ စုံစမ်းစစ်ဆေးနေကြောင်းသိရသည်။
Source : http://ift.tt/2zZYC7S
via IFTTT

ၿငိမ္းခ်မ္းေရး လုပ္ငန္းစဥ္တြင္ အမ်ိဳးသမီးမ်ား၏ သေဘာထားကို ခ်န္မထားသင့္

ငြိမ်းချမ်းရေး လုပ်ငန်းစဉ်တွင် အမျိုးသမီးများ၏ သဘောထားကို ချန်မထားသင့် အစိုးရနှင့် တိုင်းရင်းသား လက်နက်ကိုင်များကြား ဆောင်ရွက်နေသော ငြိမ်းချမ်းရေး လုပ်ငန်းစဉ်များတွင် အမျိုးသမီးများ ၏ ဆန္ဒသဘောထားများကို ထည့်သွင်း စဉ်းစားသင့်ကြောင်း တိုင်းရင်းသား အရေး နှင့် အမျိုးသမီးအရေး ဆောင်ရွက်သူ များက တိုက်တွန်းသည်။ နေပြည်တော်ရှိ Horizon Lake View ဟိုတယ်၌ ယခုလ ၂၈ ရက်နေ့ကကျင်းပသည့် ငြိမ်းချမ်းရေး အတွက် ကျား၊ မ တန်းတူ ရေး မဟာမိတ်အဖွဲ့ (AGIPP) ၏ နှစ်ပတ်လည် အထွေထွေ အစည်းအဝေး သို့ တက်ရောက်လာသူများနှင့် သတင်း မီဒီယာများရှေ့တွင် ယင်းသို့ တိုက်တွန်း ပြောဆိုကြခြင်း ဖြစ်သည်။ ပြည်ထောင်စု ငြိမ်းချမ်းရေး ဖော်ဆောင်မှု ပူးတွဲ ကော်မတီ (UPDJC) အတွင်းရေးမှူး အဖွဲ့ဝင် ဒေါက်တာ ဆလိုင်းလျန်မှုန်း ဆာခေါင်း က “ကျနော့်နေနဲ့ ငြိမ်းချမ်းရေး ဖြစ်စဉ်မှာ အမျိုးသမီး ပါဝင်မှုအရေးက အင်မတန်မှ အရေးကြီးတယ်။ လူဦးရေ ထက်ဝက်ကျော်ရဲ့ အမြင်၊ သဘောထား၊ လိုလားချက်တွေကို ထည့်သွင်း စဉ်းစားခြင်း မပြုဘဲနဲ့ ငြိမ်းချမ်းရေးကို ဖန်တီး မယ် ဆိုရင် ဒါဟာမပြည့်စုံဘူးလို့ မြင်တယ်” ဟု ပြောသည်။ ပထမအကြိမ် ကျင်းပသည့် ပြည်ထောင်စု ငြိမ်းချမ်းရေး ညီလာခံတွင် အမျိုးသမီး ပါဝင်မှု ၇ ရာခိုင်နှုန်း၊ ဒုတိယ ညီလာခံ တွင် ၁၇ ရာခိုင်နှုန်း ပါဝင်ခဲ့သော်လည်း တိုးတက်လာသည့် အခြေအနေ မဟုတ်သေးကြောင်းလည်း ဆလိုင်း လျန်မှုန်း ဆာခေါင်း က ဖြည့်စွက်ပြောသည်။ မြန်မာနိုင်ငံရှိ လူဦးရေ၏ ထက်ဝက်ကျော်သည် အမျိုးသမီးများ ဖြစ်သကဲ့သို့ ပဋိပက္ခဇုန်များတွင် ဒုက္ခ အရောက်ကြရဆုံး သူများသည်လည်း အမျိုးသမီးနှင့် ကလေးငယ်များ ဖြစ်နေကြသဖြင့် ငြိမ်းချမ်းရေး လုပ်ငန်းစဉ် ဆောင်ရွက်ရာတွင် အမျိုးသမီး များကို ပါဝင်ခွင့်ပြုပြီး သဘောထားများကို ဆွေးနွေး ဆောင်ရွက်ခွင့်ပြုရန် တိုက်တွန်းနေကြခြင်းဖြစ်သည်။ AGIPP အဖွဲ့ ဥက္ကဋ္ဌ မိကွန်ချမ်းနွန် ကလည်း “အခုငြိမ်းချမ်းရေး ဖြစ်စဉ်မှာ အမျိုးသမီးပါဝင်မှု လုံးဝအားရဖို့တော့ မရှိဘူး။ တိုးတက် လာတာကိုတော့ တွေ့ရပါတယ်။ ကျမတို့လိုချင်တဲ့ ပန်းတိုင်က အများကြီး လျှောက်လှမ်းဖို့ လိုပါသေးတယ်။ အမျိုးသမီးတွေရဲ့ စွမ်းပကားတွေ မြှင့်တင်ပေးဖို့ လိုသလို၊ ယုံကြည်မှုကို တည်ဆောက်ပေးဖို့ လိုပါတယ်” ဟု ပြောသည်။ လုံခြုံရေးကိစ္စရပ်များကို ဆွေးနွေးသည့် အခါ အမျိုးသမီးများ ကိုယ်တိုင် ပါဝင်ဆွေးနွေးခွင့် မရှိသည့်အတွက် အမျိုးသမီး များ အမှန်တကယ် လိုအပ်သည့် လုံခြုံရေးဆိုင်ရာ အချက်အလက်များအား မမေ့လျော့စေရန်နှင့် ထည့်သွင်း စဉ်းစားရန် လိုအပ်သဖြင့် ယခုကဲ့သို့ တိုက်တွန်းနေရခြင်း ဖြစ်ကြောင်း မိကွန်ချမ်းနွန် က ပြောဆိုသည်။ လူမှုဝန်ထမ်း ဦးစီးဌာန၊ အမျိုးသမီး ဖွံ့ဖြိုး တိုးတက်ရေးဌာနခွဲမှ တာဝန်ခံ နော်သာဝါး ကလည်း “အမျိုးသမီးတွေ ငြိမ်းချမ်းရေး လုပ်ငန်းစဉ်ထဲ ပြန်ဝင်လာဖို့ဆိုရင် ပထမဆုံး နိုင်ငံရေးကို စိတ်ဝင်စားဖို့ လိုပါတယ်။ များသောအားဖြင့် အမျိုးသမီးတွေကို မေးလိုက်ရင် နိုင်ငံရေးက သူတို့နဲ့ မပတ်သက်ဘူးဆိုတဲ့ ပုံစံမျိုးတွေက ရပ်ရွာထဲမှာ အများဆုံး တွေ့ရပါ တယ်။ ဓလေ့ထုံးစံ မရှိတဲ့အတွက် ငြိမ်းချမ်းရေး လုပ်ငန်းစဉ်ထဲ ပါဝင်လာခြင်းမရှိတဲ့ အယူအစွဲတွေကို ဖျောက်ဖျက် ပေးဖို့ လိုအပ်ပါတယ်” ဟု ပြောသည်။ ကချင်ပြည်နယ် မြစ်ကြီးနား ငြိမ်းဖောင်ဒေးရှင်း ပင်မရုံး တာဝန်ခံ အယ်နန်းဘောက် က “အမျိုးသမီး ပါဝင်မှုနှုန်းက တော်တော် နည်းတယ်။ ၃၀ ရာခိုင်နှုန်း ပါဝင်လာဖို့ဆိုတာ တော်တော်လေး ကြိုးစားယူရမယ့် အနေအထား ဖြစ်ပါတယ်” ဟု ဧရာဝတီသို့ ပြောသည်။ ကမ္ဘာ့ ကုလ သမဂ္ဂ အထွေထွေ အတွင်းရေးမှူးချုပ်ဟောင်း မစ္စတာဘန်ကီမွန်း က မြန်မာ့နိုင်ငံရေး၊ ငြိမ်းချမ်းရေး တွေ့ဆုံ ဆွေးနွေးသည့် အဆင့်တိုင်းတွင် ပါဝင်သည့် ကိုယ်စားလှယ် အရေအတွက်၏ အနည်းဆုံး ၃၀ ရာခိုင်နှုန်းအား အမျိုးသမီး များ ဖြစ်သင့်သည်ဟု ၂၀၁၆ ခုနှစ် ဩဂုတ်လ ၃၁ ရက်က ကျင်းပသည့် ပြည်ထောင်စု ငြိမ်းချမ်းရေး ညီလာခံ – ၂၁ရာစု ပင်လုံ ပထမအကြိမ် အစည်းအဝေး အဖွင့် မိန့်ခွန်းတွင် ထည့်သွင်း ပြောကြားခဲ့သေးသည်။ The post ငြိမ်းချမ်းရေး လုပ်ငန်းစဉ်တွင် အမျိုးသမီးများ၏ သဘောထားကို ချန်မထားသင့် appeared first on ဧရာဝတီ.
Source : http://ift.tt/2hmpiI3
via IFTTT

YESC-CallCenter

မင်္ဂလာတောင်ညွန်.မြို.နယ် ၁၅ပေ ဂုံးကျော်တံတားနှင်.မလွတ်ကင်းသောဓာတ်အားလိုင်း များရွှေ.ပြောင်းတည်ဆောက်ပြီး၍ဓာတ်အားလွှတ် ခြင်းလုပ်ငန်းကိုယာယီဓာတ်အားပိတ်၍ဆောင်ရွက် မည်.ကိစ္စအားလုပ်ငန်းအခက်အခဲအရ မနက်ဖြန် ၃၁.၁၀.၂၀၁၇ ရက်နေ.၁၁းဝဝနာရီမှ၁၅းဝဝနာရီသို.ရက်ရွှေ.ပြောင်း ဆောင်ရွက်သွားမည်ဖြစ်ပါကြောင်းမင်္ဂလာတောင်ညွန်.၊တာမွေ၊ပုဇွန်တောင်၊ဗဟန်းမြို.နယ်အတွင်းနေထိုင် သောအများပြည်သူများထံသို.လေးစားစွာမေတ္တာရပ်ခံအသိပေးပန်ကြားအပ်ပါသည်။
Source : http://ift.tt/2zPqniz
via IFTTT

ရွမ္း ၂ ပါတီ ေပါင္းစည္းေရး မျဖစ္ႏိုင္ေသးဟု ဆို

ရှမ်း ၂ ပါတီ ပေါင်းစည်းရေး မဖြစ်နိုင်သေးဟု ဆို ရှမ်းပါတီကြီး ၂ ခုဖြစ်သော ရှမ်း တိုင်းရင်းသားများ ဒီမိုကရက်တစ် ပါတီ (SNDP)နှင့် ရှမ်း တိုင်းရင်းသားများ ဒီမို ကရေစီ အဖွဲ့ ချုပ် (SNLD)တို့ ပေါင်းစည်းရေး မူဝါဒပိုင်းဆိုင်ရာ ညှိနှိုင်းမှု အဆင်မပြေသည့်အတွက် မဖြစ်နိုင်ဟု SNLD ပါတီဘက်မှ ပြောသည်။ SNLD နှင့် SNDP တို့ တပါတီတည်းအဖြစ် ပေါင်းစည်းရေး အတွက် ၂၀၁၅ အထွေထွေ ရွေးကောက်ပွဲ မတိုင်ခင်က ၂ ကြိမ် ဆွေးနွေးခဲ့ကြသော်လည်း ယနေ့အထိ ညှိနှိုင်းမှု အဆင်မပြေဘဲ ဖြစ်နေကြောင်း သိရသည်။ တပါတီတည်း အဖြစ် ပေါင်းစည်းရေး မူဝါဒပိုင်းဆိုင်ရာများ ညှိနှိုင်းမရခြင်းကြောင့်ဟု ဆိုသော်လည်း မည်သည့် မူဝါဒ ပိုင်း ဆိုင်ရာများ ဖြစ်သည်ကိုမူ ပါတီ နှစ်ခုစလုံးက ထုတ်ဖော် ပြောကြားခြင်း မရှိပေ။ “အဓိက အတားအဆီးက မူဝါဒပဲ။ ဒါပေမယ့် သေချာတော့ မပြောနိုင်ပါဘူး။ အရင်ကတော့ လုပ်ခဲ့တာပဲ၊ အရင် တုန်း ကတော့ ညှိနှိုင်းထားတာတွေ ရှိတယ်။ ဒီကိစ္စကို ကျနော်တို့ဘာမှ ပြောလို့ မရသေးပါဘူး။ ဘာမှလုပ် မထားသေးဘူး။ ဘာမှ မစဉ်းစားသေးပါဘူး”ဟု SNLD အထွေထွေ အတွင်းရေးမှူး ဦးစိုင်းညွန့်လွင်က ပြောသည်။ ကျားဖြူပါတီခေါ် SNDP သည် SNLD နှင့် ပေါင်းစည်းရေး သဘောတူညီကြောင်း ၂၀၁၇ ခုနှစ် အောက်တိုဘာ ၂၈ ရက် က ရှမ်းပြည် ညီညွတ်ရေး ကော်မတီ (CSSU) ထံ သဘောထား တင်ပြခဲ့သည်။ ဦးစိုင်းညွန့်လွင်က “ကျနော်တို့ဆီ မရောက်ဘူး၊ သူတို့စာ မရောက်သေး ပါဘူး။ ကျနော်တို့ ဖေ့စ်ဘုတ်ပေါ်ပဲ တွေ့တယ်။ CSSU ကလည်း ဘာမှ မပြောသေးဘူး။ အဲ့ဒါကို ဆွေးနွေးပြီးမှပဲ ပြောလို့ရမယ်” ဟု ပြောသည်။ ရှမ်းပြည်နယ် တောင်ကြီးမြို့မှ ရှမ်းတိုင်းရင်းသား တဦးဖြစ်သူ စိုင်းသားက“ ပေါင်းစည်းစေချင်တာပေါ့။ ၂၀၁၅ မှာ သင်ခန်းစာ ရခဲ့ပြီလေ။ တပါတီတည်းဖြစ်ရင် အဲ့ဒီလောက် ဆုံးရှုံးမှုမရှိနိုင်ဘူး။ ၂၀၁၅ မှာ ရှမ်းပြည် အရှေ့ပိုင်းမှာဆိုရင် ရှမ်းပါတီမှ တနေရာမှ မရဘူး။ မဲကွဲနေလို့ပေါ့။ ၂ ပါတီ ဖြစ်နေတော့ ပြည်သူကလည်း ၂ ဖွဲ့ကွဲနေတာပေါ့။ ဒီအချိန် ပေါင်းစည်းသင့် ပါပြီ။ ဒီပေါင်းစည်းရေး ကလည်း သံဃာတော်နဲ့ ပြည်သူတွေ တောင်းဆိုလာတာ ကြာခဲ့ပါပြီ။ ၂၀၁၅ မတိုင်ခင်ကတည်းက ပေါင်းစည်း သင့်နေပါပြီ”ဟု ပြောဆိုသည်။ SNDP က CSSU ထံသို့ ပေးပို့သော စာထဲတွင် လက်ရှိ ရှမ်းနိုင်ငံရေးပါတီကြီး ၂ ပါတီသည် လာမည့် နိုင်ငံရေး အခြေအနေ အပေါ် အမျိုးသား အကျိုးစီးပွားကို အခြေခံ ဦးစားပေး၍ လက်ရှိ လျှောက်လှမ်းနေသော နိုင်ငံရေး လမ်းကြောင်း အသီးသီးမှ ပိုမို ကျစ်လျစ်ခိုင်မာသော လမ်းကြောင်းကို ဦးစားပေး ရွေးချယ်သင့်ပြီး ဖြစ်ကြောင်း ကျားဖြူ ပါတီ(SNDP)မှ ထင်မြင် ယူဆပါသည်ဟု ဆိုထားသည်။ ထို့နောက် ၂၀၁၅ မှစ၍ ပြည်သူလူထုကို နစ်နာစေခြင်းအား ရှောင်လွှဲနိုင်ရန်အတွက် လာမည့် ၂၀၂၀ အထွေထွေ ရွေးကောက် ပွဲတွင် ရှမ်းပါတီကြီး ၂ ပါတီမှ (က) မဲဆန္ဒနယ်မြေ ခွဲခြား၍ ရွေးကောက်ပွဲဝင်ကြရန် (သို့မဟုတ်) ၊ (ခ) မြို့နယ်ခွဲခြား၍ ရွေးကောက်ပွဲဝင်ကြရန် (သို့မဟုတ်)၊ (ဂ) ပူးပေါင်းခြင်း အောင်မြင်ပါက ရှမ်းပါတီ တခုတည်း အမည် ဖြင့် ရွေးကောက်ပွဲဝင်ရန် CSSU ထံ တင်ပြထားသည်။ CSSU သည် ရှမ်းနိုင်ငံရေး ပါတီများနှင့် ရှမ်းလက်နက်ကိုင်များဖြင့် ဖွဲ့စည်းထားသော ရှမ်းပြည်ညီညွတ်ရေးကော် မတီ တရပ်ဖြစ်ကာ ရှမ်းပြည်အရေးကိစ္စများ အပါအဝင် ရှမ်းလူမျိုးများ အခြေအနေ၊ ရှမ်းနိုင်ငံရေး အခြေအနေ၊ ငြိမ်းချမ်း ရေး အခြေအနေများ စသည့် အရေးကိစ္စများကို ဆောင်ရွက်ရန်အတွက် ဖွဲ့စည်းထားသော ကော်မတီ တရပ်လည်း ဖြစ်ကြောင်း သိရသည်။ ထိုကော်မတီတွင် ရှမ်းပြည် ပြန်လည် ထူထောင်ရေး ကောင်စီ (RCSS/SSA)၊ ရှမ်းပြည် တိုးတက်ရေး ပါတီ (SSPP/ SSA)၊ SSA အသွင်ပြောင်း စိန်ကျော့ ပြည်သူ့စစ် အဖွဲ့၊ ရှမ်း တိုင်းရင်းသားများ ဒီမိုကရေစီ အဖွဲ့ချုပ် (SNLD)၊ ရှမ်း တိုင်းရင်းသားများ ဒီမိုကရက်တစ် ပါတီ (SNDP) တို့ ပါဝင်ကြသည်။ ရှမ်းနိုင်ငံရေး လေ့လာသူ ဆိုင်းဝမ်ဖှက “CSSU မှာ ညီညွတ်ရေး အတွက် အရေးကြီးတဲ့ အဖွဲ့ဝင်ဆိုင်ရာ စံ သတ်မှတ် ချက်မူ ၊ ရေရှည် အမြော်အမြင်နဲ့ လက်နက်ကိုင်တွေရဲ့ တဖွဲ့ချင်း ရပ်တည်ရေး ဦးစားပေး မူဝါဒတွေ စတဲ့ အားနည်း တာဟာ အားလုံးကို ဒုက္ခပေးနိုင်တယ်”ဟု ပြောဆိုသည်။ SNLD သည် ၁၉၉၀ အထွေထွေ ရွေးကောက်ပွဲ ကျင်းပစဉ်က မဲဆန္ဒနယ် ၅၆ နေရာကို ဝင်ရောက် ယှဉ်ပြိုင်ခဲ့ရာ ၂၃ နေရာ အနိုင်ရရှိခဲ့ကြောင်း၊ ၂၀၁၀ အထွေထွေရွေးကောက်ပွဲနှင့် ၂၀၁၂ ကြားဖြတ် ရွေးကောက်ပွဲများကိုမူ ဝင်ရောက် ယှဉ်ပြိုင်ခြင်း မရှိခဲ့ကြောင်း သိရသည်။ ထို့နောက် ၂၀၁၅ အထွေထွေ ရွေးကောက်ပွဲတွင်လည်း ပြည်သူ့ လွှတ်တော် ၁၂ နေရာ၊ အမျိုးသား လွှတ်တော် ၃ နေရာ၊ ပြည်နယ်လွှတ်တော် ၂၅ နေရာ စုစုပေါင်း မဲဆန္ဒနယ် ၄၀ အနိုင်ရရှိခဲ့သလို ၂၀၁၇ ခုနှစ်၊ ကြားဖြတ်ရွေးကောက် ပွဲ တွင် ရှမ်းပြည်နယ် အတွင်း မဲဆန္ဒနယ် ၇ နေရာ ဝင်ရောက် အရွေးချယ်ခံရာ ကိုယ်စားလှယ် ၆ ဦး ထပ်မံ အနိုင်ရရှိခဲ့ သည်ဟု ဆိုသည်။ SNDP သည် ၂၀၁၀ အထွေထွေ ရွေးကောက်ပွဲ ဝင်ရောက် ယှဉ်ပြိုင်ခဲ့ရာမှာ ပြည်သူ့လွှတ်တော် ၁၈ နေရာ၊ အမျိုးသား လွှတ်တော် ၃ နေရာ၊ ပြည်နယ်လွှတ်တော် ၃၆ ဦး စုစုပေါင်း ၅၇ နေရာ အနိုင်ရခဲ့သလို ၂၀၁၂ ကြားဖြတ်ရွေးကောက်ပွဲ တွင် ပြည်သူ့ လွှတ်တော် ၁၈ နေရာ၊ အမျိုးသား လွှတ်တော် ၄ နေရာ၊ ပြည်နယ်လွှတ်တော် ၃၆ နေရာ စုစုပေါင်း ၅၈ နေရာ အနိုင်ရရှိခဲ့သည်။ ထို့အပြင် ၂၀၁၅ အထွေထွေ ရွေးကောက်ပွဲတွင် ပြည်နယ်လွှတ်တော် ၁ နေရာ အနိုင်ရရှိခဲ့ပြီး ၂၀၁၇ ကြားဖြတ်ရွေး ကောက်ပွဲ၌ မဲဆန္ဒနယ် ၇ နေရာ ဝင်ရောက် ယှဉ်ပြိုင်ရာတွင် အနိုင်မရရှိခဲ့ကြောင်း သိရသည်။ The post ရှမ်း ၂ ပါတီ ပေါင်းစည်းရေး မဖြစ်နိုင်သေးဟု ဆို appeared first on ဧရာဝတီ.
Source : http://ift.tt/2zho7EF
via IFTTT

ေဒၚေအာင္ဆန္းစၾကည္ လုံၿခဳံေရး NLD လူငယ္မ်ားပါ ပူးတြဲတာဝန္ယူေန

ဒေါ်အောင်ဆန်းစကြည် လုံခြုံရေး NLD လူငယ်များပါ ပူးတွဲတာဝန်ယူနေ နိုင်ငံတော်အတိုင်ပင် ပုဂ္ဂိုလ် ဒေါ်အောင်ဆန်းစုကြည်၏ လုံခြုံရေး စိုးရိမ်ရသောကြောင့် အစိုးရအဖွဲ့ လုံခြုံရေးတာဝန်ရှိသူများနှင့်အတူ NLD လူငယ်များကပါ ပူးတွဲတာဝန်ယူထားကြောင်း အမျိုးသား ဒီမိုကရေစီ အဖွဲ့ချူပ် ဗဟိုအလုပ်အမှုဆောင်အဖွဲ့ဝင် ဦးဝင်းထိန်ကပြောသည်။ အောက်တိုဘာ ၂၉ရက်နေက နေပြည်တော် စည်ပင်ဧည့်ရိပ်သာအတွင်းရှိ စားရိပ်သာတွင် ပြုလုပ်သော ဗဟိုအလုပ်အမှုဆောင် အစည်းအဝေးအပြီးတွင် မီဒီယာများကို ပြောကြားခြင်းဖြစ်သည်။ ဦးဝင်းထိန်က “ကျနော်တို့က အတွေ့အကြုံရှိပေမယ့် ယာဉ်တန်းနဲ့တနေရာကို သွားမယ်။ အခမ်း အနားလုပ်မယ်ဆိုရင် သူတို့က လုပ်နေကျ၊ ဒါပေမယ့် ဒေါ်အောင်ဆန်းစုကြည်လို ပုဂ္ဂိုလ်ကျတော့ ရောက်တဲ့နေရာမှာ ပရိတ်သတ်နဲ့က တွေ့တယ်။ သူနဲ့ တွေ့ချင်တယ်။ အဲ့ဒါမျိုးကိုတော့ တတ်နိုင်တာ ကျနော်တို့ NLD လူငယ်တွေက ပိုကျွမ်းတယ်။ အဲ့ဒါတာကြောင့် သူတို့နဲ့ ပေါင်းလုပ်တာပေါ့” ဟု ပြော သည်။ ဦးဝင်းထိန်က ၎င်းအနေဖြင့် ဒေါ်အောင်ဆန်းစုကြည်၏ လုံခြုံရေးကို ပြီးခဲ့သည့် ၁၉၈၈ ခုနှစ်မှ စတင် ၍ အစိုးရဖွဲ့သည်အထိ တာဝန်ယူခဲ့သော်လည်း လက်ရှိအချိန်တွင် ဒေါ်အောင်ဆန်းစုကြည်၏ လုံခြုံရေးကို တိုက်ရိုက်တာဝန်ယူ၍ မရပဲ အကြံဉာဏ်သာ ပေးနိုင်ကြောင်း၊ လက်ရှိ အစိုးရအဖွဲ့ အနေဖြင့် အတိုင်ပင်ခံ အပါအဝင် သမ္မတ၊ ဒုသမ္မတ နှစ်ဦး၏ လုံခြုံရေးကို တာဝန်ယူဆောင်ရွက် နေကြကြောင်း ပြောသည်။ မကြာသေးမီက ဖြိုးကိုကိုတင့်ဆန်းထံမှ ဖမ်းဆီးရရှိထားသည့် လက်နှက်များမှာ သာမန်လက်နက်မျိုး မဟုတ်သဖြင့် ဒေါ်အောင်ဆန်းစုကြည်၏ လုံခြုံရေးမှာ စိုးရိမ်စရာ ဖြစ်သည်ဟု ဦးဝင်းထိန်က သုံးသပ်သည်။ “ လုံခြုံရေးနဲ့ ပတ်သက်တဲ့ အမြင်နဲ့ ကြည့်မယ်ဆိုရင်တော့ ဒီကလေးတွေ လက်နက်တွေ အများကြီးနဲ့ တွေ့တော့ အင်မတန်မှ စိုးရိမ်စရာကောင်းတယ်။ နောက်တခုက သူတို့လက်နက်က သာမန် လက်နက် မဟုတ်ဘူး။ Sniper Scope တွေပါတော့ အန္တရာယ် ကြီးတာပေါ့။” ဟု ၎င်းက ပြောသည်။ အမျိုးသား ဒီမိုကရေစီအဖွဲ့ချုပ် နာယက ဦးအောင်ရွှေ၏ ဈာပန အခမ်းအနားနှင့် ဝမ်းတွင်းမြို့နယ် မြေတိုင်ကန် ကျေးရွာတွင် ပြုလုပ်သော ကျေးလက်နေပြည်သူများ စကားဝိုင်းတွင် အစိုးရအဖွဲ့ လုံခြုံရေးနှင့် NLD လူငယ်များ နိုင်ငံတော် အတိုင်ပင်ခံ ပုဂ္ဂိုလ်၏ လုံခြုံရေးအတွက် ပူးပေါင်း လုပ်ဆောင်ရွက်မှု ပြုလုပ်ခဲ့ကြောင်း ဦးဝင်းထိန်က ဥပမာပေးပြောကြားသည်။ ဧရာဝတီတိုင်းဒေသကြီး၊ မဲဆန္ဒနယ် အမှတ်(၁၀)မှ အမျိုးသားလွှတ်တော် ကိုယ်စားလှယ် ဦးသိမ်းဆွေ က “ ဒေါ်အောင်ဆန်းစုကြည်က နိုင်ငံတော်ပဲ၊ ပြည်သူရဲ့ အသဲနှလုံးပဲ၊ အဲတော့ သူ့ရဲ့ လုံခြုံရေးဟာ တိုင်းပြည်ရဲ့ လုံခြုံရေးပဲ အရေးကြီးတယ်။ နိုင်ငံတော်အဆင့် အနေနဲ့ ဒီထက်ပိုပြီးတော့ လုံခြုံရေးကို သတိထားဖို့လိုတယ်။ ပိုပြီးတော့လည်း ဂရုစိုက်ဖို့ လိုတယ်။ ဒါ နိုင်ငံတော်မှာ တာဝန်ရှိတယ်“ ဟု ဧရာဝတီသို့ ပြောသည်။ ဖြိုးကိုကိုတင့်ဆန်းထံမှ ဖမ်းဆီးရမိသည့် လက်နက်များကြောင့် နိုင်ငံ့ခေါင်းဆောင်များ၏ လုံခြုံရေးမှာ အချိန်မရွေး မလိုလားအပ်သည့် ပြဿနာများဖြစ်နိုင်သောကြောင့် ခေါင်းဆောင်အသီးသီး၏ လုံခြုံရေး မှာ စိုးရိမ်ရသည့် အခြေအနေဖြစ်သည်ဟု ဦးသိမ်းဆွေက သုံးသပ်ပြောကြားသည်။ ပျဉ်းမနားမြို့မရဲစခန်းမှ ဒုရဲမှူး သက်နိုင်ဦးက “နယ်မြေလုံခြုံရေးပေးတဲ့အခါမှာ ကိုယ့်ရဲ့ဆင်ခြင်တုံ တရားနှင့် လုံခြုံရေးယူရသလို ဖြစ်နေတယ်။ ဖွံ့ဖြိုးလာတဲ့ အတိုင်းအတာမှာ ရဲတပ်ဖွဲ့က အင်အားနည်း တာရယ်၊ လက်နက်ခဲယမ်းတွေက ခေတ်မမှီတော့တာရယ်၊ ဥပမာပြောရရင် ပေးထားတဲ့ ခြောက် လုံးပြူး တွေဆိုရင်လည်း ကိုယ်ပိုင်စစ်လက်နက်ပစ္စည်း စက်ရုံတွေက ကျည်ဆံ မထုတ်တော့ဘူးလေ” ဟု ဧရာဝတီသို့ ပြောသည်။ နိုင်ငံတော် အဆင့်ပွဲများ ကျင်းပသည့်အခါ လုံခြုံရေးပေးရာမှာ အပြင်စည်း၊ အတွင်းစည်း၊ ဗဟိုစည်း နှင့် အဝေးစည်း ဆိုပြီး အဆင့်ဆင့် လုံခြုံရေးဆောင်ရွက်လျက်ရှိပြီး၊ နေပြည်တော်ကောင်စီနယ်မြေ အတွင်း ရဲတပ်ဖွဲ့ဝင် အင်အားပေါင်း ၁၅၀၀ ကျော် ရှိသည်ဟု နေပြည်တော်တိုင်း ရဲတပ်ဖွဲ့မှူးရုံးမှ သိရသည်။ The post ဒေါ်အောင်ဆန်းစကြည် လုံခြုံရေး NLD လူငယ်များပါ ပူးတွဲတာဝန်ယူနေ appeared first on ဧရာဝတီ.
Source : http://ift.tt/2iekjc9
via IFTTT

ဇာတ္႐ုပ္ႏွစ္ခုနဲ႔ ျမင္ေတြ႕ရမယ့္ မေအးေသာင္း

ဇာတ်ရုပ်နှစ်ခုနဲ့ မြင်တွေ့ရမယ့် မအေးသောင်း တကျော့ပြန် အနုပညာလှုပ်ရှားမှုတွေ ပြုလုပ်လာပြီးနောက် ပထမဆုံးရုပ်ရှင်ဇာတ်ကားအနေနဲ့ “မုန်းစွဲ” ဆိုတဲ့ ရုပ်ရှင် ဇာတ်ကားကြီးတွင် စိန်ခေါ်မှုများစွာနဲ့ သရုပ်ဆောင်သွားမှာ ဖြစ်တယ်လို့ သရုပ်ဆောင် အေးဝတ်ရည်သောင်းက ဧရာဝတီကို ပြောပါတယ်။ “ဒီ ကားက ပေါက်စီဇာတ်ကားတွေပြန်ရိုက်တဲ့အခါမှ ပထမဆုံးပြန်ရိုက်တဲ့ ရုပ်ရှင်ဇာတ်ကားလည်းဖြစ်တယ်။ ကာရိုက်တာအရလည်း စိန်ခေါ်မှုဖြစ်တဲ့ ကာရိုက်တာဖြစ်နေတယ်။ ပထမကာရိုက်တာက ယောင်္ကျားကို အရမ်းချစ်ပြီးတော့ အလိုလိုက်တယ်။ လူသတ်ရင်တောင်ဓားပေးလိုက်မယ်ဆိုတဲ့ မိန်းမမျိုး၊ နောက်ကာရိုက်တာက စိန်ခေါ်မှုပိုကြီးတယ်။ ဘုန်းကြီးကို တဖက်သတ်ကြိုက်ရတဲ့ ဇာတ်ရုပ်ဖြစ်တဲ့အတွက် နည်းနည်းခက်တယ်ပေါ့” လို့ အေးဝတ်ရည်သောင်းက ပြောပါတယ်။ ဒီ ကားထဲမှာတော့ အေးဝတ်ရည်သောင်းက ဘဝ နှစ်ဘဝရဲ့ ဇာတ်ရုပ်နှစ်ခုဖြင့် ပါဝင်သရုပ်ဆောင်ထားပြီး ပထမဇာတ်ရုပ်မှာ ယောက်ျားကို အရမ်းချစ်ပြီး အလိုလိုက်ရတဲ့ ဇာတ်ရုပ်ဖြစ်ကာ ဒုတိယဇာတ်ရုပ်အနေဖြင့် ယခင်ဘဝက အစွဲအလမ်းကြောင့် ယခုဘဝတွင် ဘုန်းကြီးဖြစ်နေတဲ့ ယောကျာ်းဖြစ်သူကို တဖက်သတ်သဘောကျရတဲ့ ဇာတ်ရုပ်ဖြင့် ပါဝင်ထားတယ်လို့ သိရပါတယ်။ သရုပ်ဆောင် အေးဝတ်ရည်သောင်းယုဖြူဟန်/ဧရာဝတီ ဘုန်းကြီးကို တဖက်သတ်ကြိုက်ရတဲ့ ဇာတ်ရုပ်ကို သရုပ်ဆောင်ရမယ့်အပေါ်မှာ အေးဝတ်ရည်သောင်းက “အရင်ဘဝက အစွဲကြောင့် ဘုန်းကြီးကို တဖက်သတ်ကြိုက်တဲ့ကာရိုက်တာအတွက်ကို မြန်မာပရိသတ်ကတော့ Sensitive ဖြစ်မှာပေါ့။ ကိုယ့်မြန်မာတွေက ဘာသာတရားကိုင်းရှိုင်းတဲ့သူ ဒီလိုမျိုးတွေက မရှိဘူးဆိုပြီး လက်ခံ ထားတဲ့အတွက် ဒီဇာတ်ရုပ်နဲ့ ပတ်သက်ပြီးတော့ ကိုယ့်အပေါ်မှာ ချစ်သွားတာ မုန်းသွားတာထက် သူတို့ရဲ့ စိတ်ထဲမှာတမျိုးပဲ ဖြစ်သွားနိုင်ပါတယ်” လို့ ပြောပါတယ်။ အဆိုပါ “မုန်းစွဲ” ရုပ်ရှင်ဇာတ်ကားဟာ ဆရာတော် အရှင်ဆန္ဒာဓိက ရေးသားခဲ့တဲ့ “အသေလှတဲ့သူ” ဇာတ်လမ်းကို ဒါရိုက်တာ သြရသက “မုန်းစွဲ” အမည်နဲ့ ရုပ်ရှင်ဇာတ်ကားကြီးအဖြစ် ပုံဖော်ရိုက်ကူးသွားမှာဖြစ်ပြီး သရုပ်ဆောင်များ အဖြစ် နေတိုး၊ ကျော်ကျော်ဗို၊ မင်းသွေး၊ ဖွေးဖွေး၊ အေးဝတ်ရည်သောင်း တို့ ပါဝင်သရုပ်ဆောင်သွားမှာ ဖြစ်ပါတယ်။ ဒီ ရုပ်ရှင်ဇာတ်ကားဟာ သရုပ်ဆောင် အေးဝတ်ရည်သောင်းအနေနဲ့ မအေးသောင်းဖြစ်လာပြီးနောက်ပိုင်း ပထမဆုံးရိုက်ကူးမယ့် ရုပ်ရှင်ဇာတ်ကားကြီး ဖြစ်တဲ့အတွက် သေချာပြင်ဆင်ထားပါတယ်လို့ သိရပါတယ်။ The post ဇာတ်ရုပ်နှစ်ခုနဲ့ မြင်တွေ့ရမယ့် မအေးသောင်း appeared first on ဧရာဝတီ.
Source : http://ift.tt/2z3Y4ja
via IFTTT

လက္နက္ကိုင္ ပဋိပကၡ ခ်ဳပ္ၿငိမ္းေရး ႏိုင္ငံေရး သေဘာတူညီမႈ ရရွိေရး အေပၚ မူတည္ဟု ေဒၚေအာင္ဆန္

လက်နက်ကိုင် ပဋိပက္ခ ချုပ်ငြိမ်းရေး နိုင်ငံရေး သဘောတူညီမှု ရရှိရေး အပေါ် မူတည်ဟု ဒေါ်အောင်ဆန်းစုကြည် ပြော ပြည်တွင်း လက်နက်ကိုင် ပဋိပက္ခများ ချုပ်ငြိမ်းရေးသည် နိုင်ငံရေး သဘောတူညီချက်များ ရရှိရေး အပေါ် မူတည်နေ ကြောင်း နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ပြောဆိုလိုက်သည်။ ထို့အပြင် နိုင်ငံရေး ဆွေးနွေးပွဲများ အောင်မြင်မှ ဖက်ဒရယ်ဆိုင်ရာ အခြေခံမူများ ချမှတ်နိုင်မည် ဖြစ်၍ ဖက်ဒရယ် ပြည်ထောင်စု တည်ဆောက်ရေး အတွက် အားလုံး ပါဝင်ကြရန်လည်း ပြည်ထောင်စု ငြိမ်းချမ်းရေး ဆွေးနွေးမှု ပူးတွဲ ကော်မတီ (UPDJC) ဥက္ကဋ္ဌ လည်းဖြစ်သူ ဒေါ်အောင်ဆန်းစုကြည်က တိုက်တွန်း ပြောကြားသည်။ ဒေါ်အောင်ဆန်းစုကြည် က “ဒီရည်မှန်းချက်က ပြည့်ဝအောင်မြင်မှသာ မြန်မာနိုင်ငံရဲ့ နောင်မျိုးဆက်တွေရဲ့ အနာဂတ် ကို ကောင်းမွန်စေမှာ ဖြစ်ပါ တယ်။ ပြည်တွင်း လက်နက်ကိုင် ပဋိပက္ခ ချုပ်ငြိမ်းရေးဟာ နိုင်ငံရေးရဲ့ သဘောတူညီချက် ရရှိရေး အပေါ် မူတည်နေပါတယ်”ဟုလည်း ပြောသည်။ ယနေ့ နံနက်ပိုင်းက နေပြည်တော်ရှိ အမျိုးသား ပြန်လည် သင့်မြတ်ရေးနှင့် ငြိမ်းချမ်းရေး ဗဟိုဌာနတွင် ကျင်းပသည့် ၁၂ ကြိမ်မြောက် UPDJC အစည်းအဝေး ၌ ဒေါ်အောင်ဆန်းစုကြည်က ထိုသို့ ထည့်သွင်း ပြောကြားခြင်း ဖြစ်သည်။ ယနေ့မှ စ၍ လာမည့် ၂၀၁၈ ခုနှစ်အထိ အချိန်ကာလအတွင်း ဖယ်ဒရယ် အခြေခံဥပဒေ မူများကို အခြေခံ အုတ်မြစ် အနေဖြင့် ချမှတ်နိုင်ရေး ရည်မှန်းချက်ထား၍ ကြိုးပမ်းဆောင်ရွက်သွားရန် လိုကြောင်း၊ နိုင်ငံရေးဆွေးနွေးပွဲများ အောင် မြင်ရေးအတွက် အချိန်လုံလောက်မှု၊ ပါဝင်ဆွေးနွေးနိုင်မှု အပြန်အလှန် ယုံကြည်မှုများသည် အရေးကြီးကြောင်း၊ အမျိုးသား ပြန်လည် သင့်မြတ်ရေးအပေါ် ထားရှိသည့် စိတ်ရင်း စေတနာများသည် လည်း အရေးပါလှကြောင်းလည်း UPDJC ဥက္ကဋ္ဌက အဖွင့်မိန့်ခွန်းတွင် ထည့်သွင်း ပြောကြားသည်။ ယင်း အစည်းအဝေးသို့ အစိုးရ၊ တပ်မတော်နှင့် နိုင်ငံရေး ပါတီများ၊ အပစ်ရပ်ထားသည့် တိုင်းရင်းသား လက်နက်ကိုင် အဖွဲ့ခေါင်းဆောင်များ တက်ရောက်ခဲ့ကြသည်။ ပြီးခဲ့သည့် ပင်လုံ အစည်းအဝေးတွင် ပြည်ထောင်စု သဘောတူညီချက် ၃၇ ခုကို သဘောတူညီနိုင်ခဲ့သော်လည်း ငြိမ်းချမ်းရေး ဖြစ်စဉ်သည် စိန်ခေါ်မှု အခက်အခဲ များစွာ ရှိနေသေးကြောင်း၊ အထူးသဖြင့် ပြီးခဲ့သည့် ညီလာခံတွင် တောင်းဆိုခဲ့သော ကိုယ်ပိုင်ပြဌာန်းခွင့်နှင့် ဖက်ဒရယ်မူများ မရခဲ့၍ နိုင်ငံရေးအရ ကြီးမားသည့် စိန်ခေါ်မှု ဖြစ်နေသေး ကြောင်း UPDJC အဖွဲ့ဝင် ချင်းအမျိုးသား တပ်ဦးမှ ဒေါက်တာ ဆလိုင်းလျန်မှုန်းဆာခေါင်း က ပြောသည်။ ဆလိုင်း လျန်မှုန်းဆာခေါင်းက“တိုင်းရင်းသား လက်နက်ကိုင် တော်လှန်ရေးအဖွဲ့အစည်းတွေရဲ့ တချို့နေရာမှာ အမျိုးသား အဆင့် နိုင်ငံရေး ဆွေးနွေးပွဲတွေ မကျင်းပနိုင်သေးတဲ့ အတွက်ကြောင့် မကျင်းပနိုင် အကြောင်းရင်းနဲ့ ဆက်နွယ်ပြီးတော့ အင်မတန်မှ အရေးကြီးတဲ့ ဆုံးဖြတ်ချက်တွေ မချနိုင်ဘူး ဆိုတာကိုလည်း သတိထားမိကြမှာ ဖြစ်ပါ တယ်”ဟု ပြောဆိုသည်။ နိုင်ငံရေး ဆွေးနွေးပွဲများ မကျင်းပနိုင်သေးသည့် ရှမ်းပြည် ပြည်လည် ထူထောင်ရေး ကောင်စီ (RSCC) နှင့် ရခိုင်ပြည် လွတ်မြောက်ရေး ပါတီ (ALP) ၏ ဒေသများတွင် အမျိုးသားအဆင့် နိုင်ငံရေး ဆွေးနွေးပွဲများ ကျင်းပပေးနိုင်ရေး ယခု အစည်းအဝေးက ကြိုးစားရမည် ဖြစ်ပြီး သို့မဟုတ်ပါက လာမည့် ပင်လုံ ညီလာခံ အစည်းအဝေးတွင် ပြဿနာ ထပ်ကြုံတွေ့ရဦးမည် ဖြစ်ကြောင်းလည်း ၎င်းက ပြောသည်။ ယနေ့နှင့် မနက်ဖြန် ၂ ရက် ကျင်းပမည့် အစည်းအဝေးများတွင် ၂၁ ရာစု ပင်လုံ တတိယ အစည်းအဝေးတွင် ဆွေးနွေး မည့် ခေါင်းစဉ်များ သတ်မှတ်နိုင်ရေး၊ အမျိုးသားအဆင့် နိုင်ငံရေး ဆွေးနွေးပွဲများ ကျင်းပနိုင်ရေး နေရာနှင့် ကျင်းပမည့် ပုံစံ သတ်မှတ်ရေး၊ ပင်လုံ ဒုတိယ အစည်းအဝေးတွင် ချုပ်ဆိုခဲ့သော ပြည်ထောင်စု အစိတ်အပိုင်း ၁ အား လွှတ်တော် သို့ တင်သွင်းရန်နှင့် နိုင်ငံရေး ဆွေးနွေးမှုဆိုင်ရာ မူဘောင်များနှင့် လုပ်ငန်းလမ်းညွှန်များကို ပြန်လည် သုံးသပ်ကြမည် ဟု သိရသည်။ ပြည်ထောင်စု ငြိမ်းချမ်းရေး ညီလာခံ (၂၁)ရာစု ပင်လုံ တတိယ အစည်းအဝေးတွင် အခြေခံ ဆိုင်ရာ ဆွေးနွေးရမည့် လုပ်ငန်း လမ်းညွန်များ ရှိကြောင်း၊ လာမည့် ညီလာခံတွင် ဆွေးနွေးမည့်ခေါင်းစဉ်များ သတ်မှတ်ပေးပြီးနောက် နိုင်ငံရေး ဆွေးနွေးပွဲ အဆင့်ဆင့်ကိုဆက်လက် လုပ်ဆောင်ရန် လိုကြောင်း၊ နိုင်ငံရေးဆွေးနွေးမှု ဆိုင်ရာ မူဘောင် သုံးသပ်ခြင်းကို ပြီးစီးရေး ဆောင်ရွက်ကြရန်လည်း လိုကြောင်း ဒေါ်အောင်ဆန်းစုကြည်က ပြောသည်။ ထို့အပြင် ၂ ဖက် သဘောတူညီချက်များကို လက်တွေ့လုပ်ဆောင်ကြရာတွင် စနစ်တကျ ထိထိရောက်ရောက် ဖြစ်စေ ရန် အတွက် လိုအပ်သည့် Standard Operating Procedure (SOP)များကို ရေးဆွဲကြရန် လိုကြောင်း၊ UPDJC ၏ လုပ်ငန်း တာဝန်ထိရောက် အောင်မြင်စေရေး အတွက် ရုံးအဖွဲ့ စနစ်တကျ ဖွဲ့စည်းဆောင်ရွက် သွားရန် ဖြစ်ကြောင်း လည်း ၎င်းက ပြောဆိုသွားသည်။ The post လက်နက်ကိုင် ပဋိပက္ခ ချုပ်ငြိမ်းရေး နိုင်ငံရေး သဘောတူညီမှု ရရှိရေး အပေါ် မူတည်ဟု ဒေါ်အောင်ဆန်းစုကြည် ပြော appeared first on ဧရာဝတီ.
Source : http://ift.tt/2hmsPX1
via IFTTT

စတိုင္မက်တဲ့ အေနအထိုင္ ၁၀ မ်ိဳး

စတိုင်မကျတဲ့ အနေအထိုင် ၁၀ မျိုး စတိုင်ရှိမှ စတားဖြစ်မယ်လို့တောင် ခေတ်စကား တခု ရှိပါတယ်၊ ကိုယ့်စိတ်ကြိုက် နေထိုင်မှုဟန်က အများ အလယ်မှာ သိသာထင်ပေါ်မယ် ဆိုရင်တော့ သင်ဟာ ပတ်ဝန်းကျင်ရဲ့ ဂရုစိုက်မိမှုကိုရမယ်၊ ထင်ပေါ်မယ်၊ လူသိများမယ်ပေါ့။ ဒါပေမယ့် အခု ပြောပြမယ့် စတိုင်တွေကတော့ သင့်အနေနဲ့ ကိုယ့်စတိုင်နဲ့ကိုယ်လို့ ဆိုနိုင်ပေမယ့် ပုံစံ မကျဘဲ လူအများက အထင်သေးတာပဲ ဖြစ်ဖြစ်၊ နှာခေါင်းရှုံ့တာပဲဖြစ်ဖြစ် ခံရနိုင်မယ့် အနေအထိုင်တွေပဲ ဖြစ်ပါတယ်။ ဒီတော့ အခု ပြောတဲ့ အချက်တွေထဲမှာ သင့်ရဲ့ အကျင့်တွေ ပါနေပြီ ဆိုရင်တော့ ပြင်လိုက်တာ အကောင်းဆုံးပါ။ (၁) လေးလံနေခြင်း – တနေ့တလံ ပုဂံဘယ်ရွေ့ ဆိုတဲ့ စကားပုံတော့ ရှိပါတယ်။ ဒါပေမယ့် ခေတ်စကားအရတော့ ဖင်လေးတယ်ပေါ့။ တခုခု လုပ်တော့မယ်ဆိုရင် အမြဲတမ်း ကြာနေတတ်တယ်၊ နောက်ဆုံးက ရောက်နေတယ်၊ တခုခုကို အရမ်းစဉ်းစားနေတယ် ဆိုရင် မကောင်းပါဘူး၊ ပြီးတော့ အကြောင်း တခုခုကို ပြောစရာ ရှိရင် စီကာပတ်ကုံး စကားများနေခြင်းက မကောင်းပါဘူး။ (၂) လက်သည်းတွေကို မကိုက်ပါနဲ့ – ဒီခေတ်ထဲမှာ ဘယ်သူကမှတော့ လက်သည်းကို ကိုက်တတ်တယ်လို့ ဝန်ခံမှာ မဟုတ်ပေမယ့် မရည်ရွယ်ဘဲ ကိုက်မိတတ်တဲ့ သူတွေ ရှိပါတယ်။ အတတ်နိုင်ဆုံး ဘယ်လို အခြေအနေမှာပဲဖြစ်ဖြစ် လက်သည်း မကိုက်ဖြစ်အောင်နေပါ၊ စတိုင်လည်း မကျပါဘူး။ (၃) အတွေးမများပါနဲ့ – တခုခုကို ဆုံးဖြတ်ဖို့၊ လုပ်ကိုင်ဖို့အတွက် အတွေးများနေခြင်းက မကောင်းပါဘူး။ သူများတွေက ဆိုက်ကိုသမားလို့တောင် အခေါ်ခံရနိုင်ပါတယ်။ အကျိုးအကြောင်း ဆင်ခြင်မှုကို အချိန် တခု အထိပဲထားပြီး ဆုံးဖြတ်ချက်ချမှတ် လုပ်ဆောင်တာ အကောင်းဆုံးပါ။ အရမ်း မစဉ်းစားပါနဲ့။ (၄) စောဒက မတက်ပါနဲ့ – ဆင်ခြေပေးတယ်လို့လည်း ပြောနိုင်ပါတယ်။ မိမိရဲ့အမှားပဲ ဖြစ်ဖြစ် လိုအပ်ချက် အတွက်ပဲ ဖြစ်ဖြစ် တာဝန်ယူပါ၊ ဝန်ခံပါ။ ဘာကြောင့်ဆိုတဲ့ အကြောင်းပြချက် ပေးတာတွေ၊ စောဒက တက်တာတွေက မိန်းကလေးအတွက်ပဲဖြစ်ဖြစ် ကောင်လေးတွေအတွက်ပဲ ဖြစ်ဖြစ် မကောင်းပါဘူး။ ကြိုးစားမှုသာ ပဓာနပါ။ ဆင်ခြေမပေးပါနဲ့။ (၅) ပီကေမစားပါနဲ့ ကျနော်တို့ဆီမှာတော့ ကွမ်းစားတယ်ပေါ့၊ ပီကေလည်း အတူတူပါပဲ။ ဖြစ်နိုင်ရင် မိမိကိုင်ပိုင် အပန်းဖြေချိန်လို အချိန်မှပဲ စားပါ။ အလုပ်ခွင်၊ အများနဲ့ ဆက်ဆံရချိန်တွေမှာ ကွမ်းက အစ ပီကေထိအောင် မစားတာ အကောင်းဆုံးပါ။ (၆) ကိုယ်ပိုင်စားပွဲကို ရှုပ်မနေပါစေနဲ့ အလုပ်စားပွဲပဲ ဖြစ်ဖြစ်၊ မိမိ စာကြည့်စားပွဲပဲ ဖြစ်ဖြစ်၊ နောက်ဆုံး မိမိအိမ်က ဧည့်ခန်း စားပွဲလေးကိုပဲ ဖြစ်ဖြစ် ရှုပ်မနေပါစေနဲ့။ တချို့က စာကြမ်းပိုးပုံစံ၊ အလုပ်များနေတဲ့ ပုံစံ၊ တကိုယ်ရေသမားပုံစံ ဆိုတာမျိုး သိသာအောင် စားပွဲကို ရှုပ်နေပေမယ့် မရှင်းဘဲ ထားတတ်တာတွေ၊ ပျင်းလို့ မရှင်းဖြစ်တာတွေ ရှိပါတယ်။ အများအမြင်မှာ မကောင်းပါဘူး။ မိမိစားပွဲလေးကို အမြဲသန့်နေ၊ ရှင်းလင်းနေပါစေ။ (၇) ဂနာမငြိမ်သလို မနေပါနဲ့ စိတ်လှုပ်ရှားမှု တခုခုကြောင့် ဖြစ်စေ၊ မိမိကို တပါးသူ သတိထားမိစေအောင်ဘဲဖြစ်ဖြစ် ဂနာမငြိမ်တဲ့ ပုံစံ လုပ်ပြတတ်သူတွေ ရှိပါတယ်။ အထူးသဖြင့် အခု ပုံစံကို အမျိုးသမီးတွေမှာ တွေ့ရများပါတယ်။ ဂနာမငြိမ်သလို မနေပါနဲ့၊ မိမိရဲ့ တည်ငြိမ်မှု အားနည်းခြင်းကို ဖော်ပြနေသလိုဖြစ်ပြီး လူအများက သဘောမကျတတ်ပါဘူး။ (၈) သူများအကြောင်းမပြောပါနဲ့ ခေတ်စကားအရတော့ အတင်းပြောခြင်းမျိုး ဖြစ်ပါတယ်။ တပါးသူရဲ့ မကောင်းကြောင်းကို ပိုပြီး မပြောမိအောင်နေပါ။ မိမိ အလုပ်၊ ကျောင်းစာ၊ ကိစ္စရပ်တွေကိုပဲ အကောင်းဆုံး စိတ်ဝင်စား လုပ်ဆောင်ပြီးနေပါ။ အတင်းပြောတတ်သူ အဖြစ် သတ်မှတ်ခံရအောင် မနေပါနဲ့။ (၉) စိတ်ကူးယဉ်မများပါနဲ့ အလုပ်အတွက်ပဲ ဖြစ်ဖြစ်၊ ဘဝ အတွက်ပဲ ဖြစ်ဖြစ် စိတ်ကူးယဉ်များနေမှုက အောင်မြင်ခြင်းကို ပေးစွမ်းနိုင်မှာ မဟုတ်သလို အလုပ်မတွင်မှုနဲ့အတူ လူ အများလက်ခံတဲ့ အောင်မြင်သူတယောက် ဖြစ်လာဖို့ မလွယ်ပါဘူး။ စိတ်ကူးယဉ် မလွန်ပါနဲ့၊ စိတ်ကူးနဲ့ လက်တွေ့ ကိုက်ညီအောင်မြင်အောင် လုပ်ဆောင်ပါ။ အတွေးမများပါနဲ့၊ စိတ်ကူးယဉ် ကမ္ဘာထဲမှာပဲ အချိန်ကုန် မခံပါနဲ့။ စကားနည်းသူ အဖြစ် လူအများရဲ့ သတ်မှတ်မှုကို ခံရတာထက် လူပျင်းလို့ သတ်မှတ်ခံရဖို့ ပိုများပါတယ်။ (၁၀) အာမေဋိတ်စကားတွေ သိပ်မသုံးပါနဲ့ ဟင်၊ ဘယ်လို၊ ဟား၊ ဟယ် ဆိုတဲ့ ကျနော်တို့ အသုံးများတဲ့ အာမေဋိတ် စကားတွေကို သိပ်မသုံးပါနဲ့၊ မိမိရဲ့ စိတ်ဟာ အတွေ့အကြုံတခု အတွက်ကို အံ့သြနေတတ်ပြီ ဆိုရင် မိမိဟာ စိတ်တည်ငြိမ် ရင့်ကျက်သူ မဟုတ်သေးဘူးဆိုတာ သိသာစေပါတယ်။ မသုံးနဲ့လို့ ပြောတာ မဟုတ်ပေမယ့် အကျင့်တခုလိုတော့ အမြဲ မသုံးပါနဲ့။ လူအများ သဘောမကျကြပါဘူး။ Ref: http://ift.tt/eKERsB The post စတိုင်မကျတဲ့ အနေအထိုင် ၁၀ မျိုး appeared first on ဧရာဝတီ.
Source : http://ift.tt/2yWumdH
via IFTTT

အေမရိကန္ႏိုင္ငံျခားေရးဝန္ႀကီးဌာနမွ ကိုယ္စားလွယ္အဖြဲ႕ ျမန္မာႏွင့္ ဘဂၤလားေဒ့ရွ္သို႔ သြား

အမေရိကန်နိုင်ငံခြားရေးဝန်ကြီးဌာနမှ ကိုယ်စားလှယ်အဖွဲ့ မြန်မာနှင့် ဘင်္ဂလားဒေ့ရှ်သို့ သွားရောက် အမေရိကန် လူဦးရေ၊ ဒုက္ခသည်နှင့် ရွှေ့ပြောင်းနေထိုင်ခြင်း ဆိုင်ရာဗျူရိုမှ လက်ထောက်နိုင်ငံခြားရေး ဝန်ကြီး ဆိုင်မွန် ဟမ်းရှော ဦးဆောင်သည့် ကိုယ်စားလှယ်အဖွဲ့သည် မြန်မာနှင့် ဘင်္ဂလားဒေ့ရှ် နိုင်ငံများသို့ အောက်တိုဘာ ၂၉ ရက် စတင် ကာ နိုဝင်ဘာ ၄ရက်အထိ သွားရောက်မည်ဖြစ်သည်။ ယင်းကိုယ်စားလှယ် အဖွဲ့သည် လူသားချင်းစာနာမှုနှင့် လူ့အခွင့်အရေးဆိုင်ရာ ကိစ္စရပ်များကို ဆွေးနွေးမည်ဖြစ်ပြီး၊ မြန်မာ- ဘင်္ဂလားဒေ့ရှ် နယ်စပ်ရှိ ဒုက္ခသည်များကို လူသားချင်း စာနာမှု အထောက်အပံ များကို တိုးမြှင့်ပေးရန် ရှိကြောင်း အမေရိကန်နိုင်ငံခြားရေး ဝန်ကြီးဌာနက ထုတ်ပြန်သည့် အစီရင်ခံစာတွင် ဖော်ပြထားသည်။ အဆိုပါ လက်ထောက်နိုင်ငံခြားရေး ဝန်ကြီး ဆိုင်မွန် ဟမ်းရှောနှင့် အတူ ဒီမိုကရေစီ၊ လူ့အခွင့်အရေး နှင့် အလုပ်သမား ရေးရာ ဗျူရိုမှ ဒုတိယ လက်ထောက်ဝန်ကြီး စကော့ဘတ်စ်ဘီ၊ တောင်နှင့် ဗဟိုအာရှ ရေးရာ ဒေသရေးရာဌာန ယာယီ လက်ထောက် ဝန်ကြီး တွမ်ဘက်ဂျ် ဒါ၊ အရှေ့တောင်အာရှနှင့် ပစိဖိတ်ရေးရာ ဗျူရိုမှ ရုံးအဖွဲ့ ညွှန်ကြားရေးမှူး ပက်ထရစ် စီယာ မဟွန်နီ တို့လည်း လိုက်ပါ မည်ဖြစ်သည်။ ယခုဖြစ်ပေါ်နေသည် အကျပ်အတည်းနှင့် ပတ်သက်၍ အမေရိကန်နှင့် နိုင်ငံတကာတို့၏ တုံ့ပြန်မှုများ ကို ယခုအဖြစ် အပျက်တွင် ပါဝင်ပတ်သက်နေသူများနှင့် တွေ့ဆုံဆွေးနွေးကာ သင့်လျှော်သော ဖြေရှင်းရန် နည်းလမ်းရှာဖွေ မည်ဖြစ် သည်ဟု သိရသည်။ ယင်းကိုယ်စားလှယ်အဖွဲ့သည် မြန်မာနိုင်ငံရှိ သံတမန်အသိုင်းအဝိုင်း၊ အစိုးရအဆင့်မြင့်အရာရှိများ၊ ကုလသမဂ္ဂအပါအဝင် INGO များနှင့်လည်း တွေ့ဆုံကာ ရခိုင်ပြည်နယ်၏ လက်ရှိ အကျပ်အတည်းနှင့် အကြမ်းဖက်ခံရသူများကို အကာအကွယ် တိုးမြှင့်ပေးရန်နှင့် လူ့အခွင့်အရေးချိုးဖောက်မှု အစီရင်ခံစာ အပေါ် တာဝန်ယူမှု၊ ရခိုင်ပြည်နယ်ရှိ ထိခိုက်နစ်နာခဲ့ရသူများကို လူသားချင်း စာနာမှု ထောက်ပံရေး၊ တဦးချင်းဘေးကင်းစွာ မူလနေရာသို့ ပြန်လာရေးအတွက် ကာကွယ်ရေးယန္တရား ထုတ်ပြန်ရန် ဖိအား တိုက်တွန်းသွားမည်ဖြစ်ကြောင်းလည်း ပါရှိသည်။ ဘင်္ဂလားဒေ့ရှ် ဘက်ခြမ်းတွင်မူ အစိုးရအဆင့်မြင့် အရာရှိများ၊ အလှူရှင်များ၊ လူသားချင်း စာနာမှု အေဂျင်စီများနှင့် တွေ့ဆုံကာ လတ်တလော ခိုလှုံနေသူများ အခြေအနေတိုးတက်လာရေးနှင့် လိုအပ် သည့် ကယ်ဆယ်ရေး အထောက်အပံများ ပေးနိုင်ရန် ညှိနှိုင်းမည်ဖြစ်ပြီး၊ ကော့ဘဇားခရိုင်သို့လည်း သွားရောက်ကာ ထွက်ပြေးခိုလှုံလာသူများနှင့် တွေ့ဆုံကာ လူသားချင်းစာနာမှု အထောက်အပံများ တိုးမြှင့်နိုင်ရေး အကြံပြုချက်များ၊ အရေးပေါ်လူသားချင်းဆိုင်ရာ တုံ့ပြန်မှုများနှင့် ကွာဟချက်များ စိစစ်နိုုင်ရန် ဆောင်ရွက်သွားမည်ဟု သိရသည်။ The post အမေရိကန်နိုင်ငံခြားရေးဝန်ကြီးဌာနမှ ကိုယ်စားလှယ်အဖွဲ့ မြန်မာနှင့် ဘင်္ဂလားဒေ့ရှ်သို့ သွားရောက် appeared first on ဧရာဝတီ.
Source : http://ift.tt/2zgtd3H
via IFTTT

ကမာၻ႔ လူႀကိဳက္အမ်ားဆုံး အမွတ္ေပး ေဘာလုံးပြဲစဥ္မ်ား

ကမ္ဘာ့ လူကြိုက်အများဆုံး အမှတ်ပေး ဘောလုံးပွဲစဉ်များ ပုံမှန်ဆိုရင်တော့ လူကြိုက်အများဆုံး အမှတ်ပေး ဘောလုံး ပြိုင်ပွဲ ဆိုတာ လူကြိုက် အများဆုံး ကစားသမားတွေ ကစားနေတဲ့ ပြိုင်ပွဲလို့ ဆိုနိုင်ပေမယ့် အဲဒီအချက် တချက်တည်းကိုတော့ ကြည့်နေလို့ မရပါဘူး။ ကစားကွက် ကောင်းကောင်းနဲ့ နည်းပြတွေ ရှိနေရမယ်၊ ပွဲကြည့်ပရိသတ်ကို ဆွဲဆောင်မှု ကောင်းကောင်းပေးပြီး ပွဲတပွဲရဲ့ အရသာ လည်း ပေးနိုင်ရမယ်၊ ပြိုင်ဆိုင်မှုလည်း ပြင်းထန်ရမယ်၊ ပြောင်းရွှေ့ကြေး များများသုံးပြီး ကစားသမားကောင်း တွေကိုလည်း ခေါ်ယူအားဖြည့်နိုင်ရမယ်၊ ဒါဆိုရင်တော့ လူကြိုက်များပြီး ပရိသတ် ခိုင်မာတဲ့ အမှတ်ပေးပြိုင်ပွဲ ဖြစ်လာ ပါပြီ။ အခု လက်ရှိကမ္ဘာမှာ ဘယ်ဘောလုံး ပြိုင်ပွဲတွေက လူကြိုက် အများဆုံးနဲ့ အကောင်းဆုံး အဖြစ် အဆင့် သတ်မှတ် ချက်တွေ ရှိနေပါသလဲ။ ပြိုင်ပွဲ တခုကို ၁၀ မှတ်စီ ပေးပြီး အဆင့် သတ်မှတ်ထားတာ ဖြစ်ပါတယ်။ အရင်ဆုံး အကောင်းဆုံး ပြိုင်ပွဲ ၁၀ ခုကို မပြောခင် အဆင့် ၂၆ ကနေ စပြီး ပြောချင်ပါတယ်။ လက်ရှိ နိုင်ငံအလိုက် အမှတ်ပေး ပြိုင်ပွဲတွေ ကျင်းပနေတဲ့ အထဲမှာ လူကြိုက် အများဆုံးနဲ့ အကောင်းဆုံး အဖြစ် အဆင့်အလိုက် သတ်မှတ် ချက်မှာ ၂၆ နေရာ ရှိနေသူက ရမှတ် ၂ မှတ်နဲ့ အီဂျစ် အမှတ်ပေးဖလား ပြိုင်ပွဲ ပရီးမီးယားလိဂ်၊ အဆင့် ၂၅ မှာ ရမှတ် ၂.၃ မှတ်နဲ့ အိန္ဒိယစူပါလိဂ်၊ အဆင့် ၂၄ မှာ ရမှတ် ၂.၃ မှတ်နဲ့ပဲ ဂရိစူပါလိဂ်၊ အဆင့် ၂၃ မှာ ရမှတ် ၂.၄ မှတ်နဲ့ ကာတာ နိုင်ငံ စကားလိဂ်၊ အဆင့် ၂၂ မှာ ရမှတ် ၂.၆ မှတ်နဲ့ အာရေဘီယံ ပင်လယ်ကွေ့ အမှတ်ပေးပြိုင်ပွဲ၊ အဆင့် ၂၁ မှာ ရမှတ် ၂.၆ မှတ်နဲ့ သြစတြေးလျ အေလိဂ် တို့ ဖြစ်ပါတယ်။ အဆင့် ၂၀ နေရာမှာ ရမှတ် ၂.၈ မှတ်နဲ့ ပိုလန် အက်စထရာကေ လက်ဆာ၊ အဆင့် ၁၉ နေရာမှာ ရမှတ် ၃.၁ မှတ်နဲ့ စကော့တလန် ပရီးမီးယားလိဂ်၊ အဆင့် ၁၈ နေရာမှာ ရမှတ် ၃.၁ မှတ်နဲ့ အာဂျင်တီးနား ပရီးမီးယားဒဗီရှင်၊ အဆင့် ၁၇ နေရာမှာ ရမှတ် ၃.၅ မှတ်နဲ့ ဂျပန် ဂျေလိဂ်၊ အဆင့် ၁၆ နေရာမှာ ရမှတ် ၃.၆ မှတ်နဲ့ တူရီကီ စူပါလိဂ်၊ အဆင့် ၁၅ နေရာမှာ ရမှတ် ၃.၈ မှတ်နဲ့ ယူကရိန်း ပရီးမီးယားလိဂ်၊ အဆင့် ၁၄ နေရာမှာ ရမှတ် ၃.၉ မှတ်နဲ့ ရုရှ ပရီးမီးယားလိဂ်၊ အဆင့် ၁၃ နေရာမှာ ရမှတ် ၄.၁ မှတ်နဲ့ ဆွစ်ဇာလန် စူပါလိဂ်၊ အဆင့် ၁၂ နေရာမှာ ရမှတ် ၄.၃ မှတ်နဲ့ ဘယ်ဂျီယမ် ဂျူပီလာပရို၊ အဆင့် ၁၁ နေရာမှာ ရမှတ် ၄.၆ မှတ်နဲ့ မက္ကဆီကို လီဂါအမ်အိတ်စ် တွေ ရှိနေတာ ဖြစ်ပါတယ်။ အဲဒီအထဲမှာ အဆင့် ၁၀ ထိရောက်လာကတော့ ရမှတ် ၄.၈ မှတ်ထိ ရရှိထားတဲ့ ဘရာဇီးစီးရီးအေပဲ ဖြစ်ပါတယ်။ ကစားသမားကောင်းတွေ ခေါ်ယူမှုထက် နာမည်ကျော် ကစားသမားတွေ ထွက်ရှိရာ အမှတ်ပေးပြိုင်ပွဲ အဖြစ် လူကြိုက် ပိုများပါတယ်။ လက်ရှိ နေမာလို တောက်ပတဲ့ ကြယ်ပွင့်တွေရဲ့ မြစ်ဖျားလည်း ဖြစ်ပါတယ်။ အဆင့် ၉ နေရာမှာတော့ ရမှတ် ၅.၁ မှတ်နဲ့ ပေါ်တူဂီ ပရီးမီးယားလိဂ် ရှိပါတယ်။ တပွဲပျမ်းမျှ သွင်းဂိုး ၂.၃ ဂိုးပဲရှိလို့ အခြား ဥရောပပွဲစဉ်တွေ လောက် လူကြိုက် သိပ်မများတာ ဖြစ်ပါတယ်။ အဆင့် ၈ မှာတော့ အမေရိကန် အမှတ်ပေးပြိုင်ပွဲ မေဂျာလိဂ် ဆော့ကာ ရှိပါတယ်။ ၅.၃ မှတ်ထိ ရထားပါတယ်။ အမေရိကန်ဖွတ်ဘော၊ ဘတ်စကတ်ဘောနဲ့ ဟော်ကီတွေကို လူကြိုက်ပိုလို့ ဘောလုံးမှာ ပရိသတ်နည်းပေမယ့် အခုနောက်ပိုင်း ဘောလုံးကို အားထည့် ကြိုးပမ်းလာတာကြောင့် ကမ္ဘာ့လူကြိုက် အများဆုံး ထိပ်တန်း ပြိုင်ပွဲ ၁၀ ခု စာရင်း ဝင်လာနိုင်တာ တွေ့ရပါတယ်။ အဆင့် ၇ မှာကတော့ အာရှရဲ့ တခုတည်းသော အမြင့်ဆုံး အမှတ်ပေးပြိုင်ပွဲ တရုတ် စူပါလိဂ် ရှိပါတယ်။ ရမှတ် ၅.၅ မှတ်ထိအောင် ရထားပါတယ်။ ငွေသုံး အကြမ်းဆုံးနဲ့ နာမည်ကျော် ကစားသမားတွေကို ပြောင်းရွှေ့ကြေး များများပေးပြီး ခေါ်ယူအားဖြည့် ကစားနေတဲ့ ပြိုင်ပွဲ အဖြစ် လူသိများပါတယ်။ အဆင့် ၆ မှာကတော့ ဟော်လန် အမှတ်ပေးပြိုင်ပွဲ အရီဒီဗိုင်စီ ရှိပါတယ်။ သူက ရမှတ် ၆.၁ မှတ်ထိ ရထားပါတယ်။ အသင်းကြီးတွေ ရှိသလို ပြိုင်ဆိုင်မှု ပြင်းထန်လို့ လူကြိုက်များပါတယ်။ တပွဲပျမ်းမျှ သွင်းဂိုး ၃ ဂိုးထိ ရှိတဲ့ ပြိုင်ပွဲ တခု ပါ။ အဆင့် ၅ မှာတော့ ပြင်သစ် လီဂူး ၁ ရှိနေပါတယ်။ ရမှတ် ၆.၈ မှတ်ထိအောင် ရှိနေပြီး ပြည်တွင်းကလည်း စိတ်ဝင်စားမှု ရှိလာတာ တွေ့ရပါတယ်။ ကစားသမားကောင်းတွေ မွေးထုတ်နိုင်တယ်၊ ပြိုင်ဆိုင်မှု ပြင်းထန်တယ်၊ ပွဲကြည့် ပရိသတ်များလို့ အခုအဆင့် သတ်မှတ်ချက်မှာ မြင့်နေတာ ဖြစ်ပါတယ်။ အဆင့် ၄ မှာတော့ အီတလီ စီးရီးအေရှိပါတယ်။ ရမှတ် ၈ မှတ်ထိအောင် ရှိနေလို့ ပြင်သစ် အမှတ်ပေးပြိုင်ပွဲ အနေနဲ့ အီတလီကို မီဖို့ ခက်နေပါသေးတယ်။ အသင်းလိုက်မှာလည်း ဥရောပ အကောင်းဆုံး အသင်းတွေ ပါရှိနေတယ်၊ ကစားသမား ကောင်းရော ကစားကွက်ကောင်းကောင်းပါ ဖန်တီးကစားနိုင်နေတဲ့ ပြိုင်ပွဲ ဖြစ်လို့ လူကြိုက်များပါတယ်။ အဆင့် ၃ မှာတော့ ဂျာမနီဘွန်ဒက်လီဂါ ရှိပါတယ်။ အရင်က အီတလီရဲ့ အောက်မှာအဆင့် ရှိပေမယ့် အခုတော့ ကျော်တက် လာပါပြီ။ ကမ္ဘာမှာ တပွဲပျမ်းမျှ ပရိသတ် အများဆုံး ကြည့်တဲ့ ပြိုင်ပွဲ အဖြစ် မှတ်တမ်းဝင်နေပါတယ်။ ရမှတ် ၈.၄ မှတ်ရထားပါတယ်။ တပွဲပျမ်းမျှ ၂.၇ ဂိုးထိအောင် သွင်းလေ့ ရှိပါတယ်။ ကလပ်အသင်းအနေနဲ့ရော ဂျာမနီ အသင်းအနေနဲ့ပါ လူကြိုက်များပြီး ပရိသတ် အခိုင်အမာရှိနေတာပါ။ အဆင့် ၂ မှာတော့ နာမည်ကြီးဘာကာ၊ ရီးရဲ နဲ့ အက်သလက်တီကို တို့ ရှိနေတဲ့ စပိန်လာလီဂါက ရမှတ် ၈.၆ မှတ်နဲ့ ရှိနေ ပါတယ်။ ပြောင်းရွှေ့ကြေးတွေကြောင့် ကစားသမားစရိတ် အများဆုံး သုံးတဲ့ အမှတ်ပေးပြိုင်ပွဲ ဖြစ်ပါတယ်။ တပွဲပျမ်းမျှ ၂.၉ ဂိုးထိအောင် သွင်းပါတယ်။ နာမည်ကျော် အင်္ဂလန်က မန်ယူ၊ အီတလီက ဂျူဗင် တို့နဲ့ ယှဉ်နိုင်တဲ့ အသင်းကောင်းတွေ အများအပြားရှိနေတဲ့ ပြိုင်ပွဲပါ။ လက်ရှိ ကမ္ဘာ့ လူကြိုက် အများဆုံးနဲ့ အကောင်းဆုံး ပြိုင်ပွဲ အဖြစ် အင်္ဂလန် အမှတ်ပေးပြိုင်ပွဲ ပရီးမီးယားလိဂ်က ရှိနေတာပါ။ ရမှတ် ၈.၉ မှတ်ထိအောင် ရှိပါတယ်။ အထူးသဖြင့် လူဦးရေများတဲ့ အာရှ နယ်ပယ်မှာ အင်္ဂလန် ပရီးမီးယားလိဂ် ပရိသတ်ပေါင်းများစွာ ရှိနေပါတယ်။ တပွဲပျမ်းမျှ ၂.၉ ဂိုးထိအောင် သွင်းပြီး ပြိုင်ဆိုင်မှုလည်း ပြင်းထန် သလို လုပ်ပွဲကစားမှု မရှိသလောက် နည်းပါးတဲ့ နာမည်ကျော် ပြိုင်ပွဲအဖြစ် ရှိနေတာ ဖြစ်ပါတယ်။ Ref: www.google.com.mm The post ကမ္ဘာ့ လူကြိုက်အများဆုံး အမှတ်ပေး ဘောလုံးပွဲစဉ်များ appeared first on ဧရာဝတီ.
Source : http://ift.tt/2gM7429
via IFTTT

ရခိုင္ေျမာက္ပိုင္းက ကယ္ဆယ္ေရး စခန္းမ်ားကို ပိတ္သိမ္းေတာ့မည္

ရခိုင်မြောက်ပိုင်းက ကယ်ဆယ်ရေး စခန်းများကို ပိတ်သိမ်းတော့မည် ရခိုင်ပြည်နယ် မြောက်ပိုင်း အကြမ်းဖက်မှုုုဖြစ်စဉ်များကြောင့် ထွက်ပြေးတိမ်းရှောင်လာသူများ ခိုလှုံနိုင်ရန်အတွက် မြို့နယ် အသီးသီးတွင် ဖွင့်လှစ်ထားရှိသော ကယ်ဆယ်ရေးစခန်းများကို နိုင်ဝင်ဘာလ ၂ နေ့ နောက်ဆုံးထား ပိတ်သိမ်း သွားမည် ဖြစ်ကြောင်း သတင်း ရရှိသည်။ လက်ရှိအချိန်တွင် နယ်မြေအနေအခြေ တည်ငြိမ်အေး ချမ်းလာပြီဖြစ်သလို စခန်းများတွင်လည်း လူအနည်းစုသာ ကျန်ရှိသည့်သဖြင့် ယင်းသို့ ပိတ်သိမ်းလိုက်ခြင်း ဖြစ်ကြောင်း ရခိုင်ပြည်နယ် အစိုးရအဖွဲ့ဝင် လျှစ်စစ်၊ စက်မှုနှင့် လမ်းပန်းဆက်ရေး ဝန်ကြီး ဦးအောင်ကျော်ဇံ က ပြောသည်။ ဝန်ကြီး ဦးအောင်ကျော်ဇံက “စခန်းတွေကို ပိတ်သိမ်းတယ် ဆိုတာက လူတွေ မရှိတော့လို့ ပိတ်သိမ်းတာပါ။ အတင်း ပြန်လွတ်တာ မဟုတ်ပါဘူး။ လူတွေ တစ်ယောက်စ၊ နှစ်ယောက်စလောက်ပဲ ကျန်တော့တယ်လေ။ အဲဒီလူတွေ ကိုလည်း ပြန်မယ်ဆိုရင် အကုန်လုံး ပံ့ပိုးပေးပြီးတော့မှ လိုက်ပို့ပေးလို့ရအောင်ဆိုပြီးတော့ လုပ်လိုက်တာပါ” ဟု ဧရာဝတီသို့ ပြောသည်။ မောင်တောဒေသအတွင်း အကြမ်းဖက်မှုဖြစ်စဉ်ကြောင့် ဒေသခံ ရခိုင်၊ မြို၊ ဒိုင်းနက်၊ မရမာကြီးတိုင်း စသည့် ရင်းသားများနှင့် ဟိန္ဒူဘာသာဝင်များသည် ရခိုင်ပြည်နယ် အစိုးရ ရုံးစိုက်ရာ စစ်တွေမြို့ အပါအဝင် ပုဏ္ဏားကျွန်း၊ ကျောက်တော်၊ မြောက်ဦးနှင့် မင်းပြား စသည့်မြို့နယ်များသို့ ထွက်ပြေးခဲ့ကြရာမှ ကယ်ဆယ်ရေးစန်းများ ဖွင့်လှစ်၍ ခိုလှုံခွင့်ပေးခဲ့ခြင်းဖြစ်သည်။ သြဂုတ်လ ၂၅ ရက်နေ့က စတင်ဖြစ်ပွားခဲ့သော အကြမ်းဖက်မှုဖြစ်စဉ်ကြောင့် ဘူးသီးတောင်၊ မောင်တော၊ ရသေ့တောင်မြို့နယ်များမှ ဌာနေတိုင်းရင်းသား သောင်းချီ ထွက်ပြေးတိမ်းရှောင်ခဲ့ရပြီး စစ်တွေမြို့ တခုတည်းတွင်ပင် ဘုန်းတော်ကြီးကျောင်း ၃၀ ကျော်တွင် ဖွင့်လှစ်ထားသော ကယ်ဆယ်ရေးစခန်းတွင် လူပေါင်း ၆ ထောင်ကျော် ခိုလှုံခဲ့ကြောင်း သိရသည်။ လက်ရှိအချိန်တွင် စစ်တွေမြို့ရှိ ရခိုင်ကယ်ဆယ်ရေးစခန်း ၃၀ ကျော်တွင် ခိုလှုံနေသူများ နေရပ်ပြန်သွားကြပြီ ဖြစ်ပြီး ရခိုင်ကယ်ဆယ်ရေးစခန်း ၂ ခု၊ မရမာကြီး ကယ်ဆယ်ရေးစခန်း ၁ ခုနှင့် ဟိန္ဒူကယ်ဆယ်ရေးစခန်း ၂ ခု စုစုပေါင်း ကယ်ဆယ်ရေးစခန်း ၅ ခုသာ ကျန်ရှိနေတော့သည်ဟု သိရသည်။ ရခိုင်ကယ်ဆယ်ရေးစခန်း ၂ ခုတွင် မိသာစုအနည်းငယ် ကျန်ရှိနေသေးသော်လည်း ကျောင်းတက်လမ်း ရပ်ကွက် ဟိန္ဒူကယ်ဆယ်ရေးစခန်းတွင် လူပေါင်း ၄၀၀ ကျော်၊ ဓညဝတီအားကစားကွင်း ဟိန္ဒူ ကယ်ဆယ်ရေးစခန်းတွင် လူပေါင်း ၆၀၀ ကျော်နှင့် မရမာကြီးကယ်ဆယ်ရေးစခန်းတွင် လူပေါင်း ၃၀၀ ကျော် အသီးသီး ကျန်ရှိနေသေးကြောင်း သိရသည်။ ကယ်ဆယ်ရေးစခန်းများအား ပိတ်သိမ်းမည့် ကိစ္စနှင့်ပတ်သက်ပြီး ရခိုင်ပြည်နယ် အစိုးရအဖွဲ့က စခန်း တာဝန်ခံများအား အောက်တိုဘာလ ၂၇ ရက်စွဲဖြင့် အကြောင်းကြားစာ တစ်စောင်ပေးပို့ထား ကြောင်းလည်း သိရသည်။ ထိုအကြောင်းကြားစာတွင် ၂၀၁၇ ခုနှစ်၊ သြဂုတ်လ ၂၅ ရက်နေ့ ARSA အကြမ်းဖက်အဖွဲ့၏ အကြမ်းဖက်မှု ကြောင့် နေရပ်စွန့်ခွာ ထွက်ပြေးတိမ်းရှောင်လာသော ဒေသခံ တိုင်းရင်းသားများအား သက်ဆိုင်ရာ မြို့နယ် အလိုက် ကယ်ဆယ်ရေး စခန်းများ ဖွင့်လှစ်ထားရှိကာ လက်ရှိအခြေအနေတွင် နယ်မြေအခြေအနေ အေးချမ်းတည်ငြိမ် နေပြီ ဖြစ်သဖြင့် အဆိုပါ ကယ်ဆယ်ရေးစခန်းအားလုံး နိုဝင်ဘာလ ၂ ရက်နေ့ နောက်ဆုံးထား ပိတ်သိမ်းသွားရန်နှင့် ရိက္ခာ၊ ငွေသား ထောက်ပ့ံ့မှု အစီအစဉ်များ ကိုလည်း ယင်းနေ့မှ စ၍ ရပ်ဆိုင်း သွားမည် ဖြစ်ကြောင်း ဖော်ပြပါရှိသည်။ စစ်တွေမြို့ရှိ ရခိုင်ကယ်ဆယ်ရေးစခန်းတွင် လူမရှိသလောက် နည်းပါးသွားပြီ ဖြစ်သော်လည်း ဟိန္ဒူ ဘာသာဝင်များ နှင့် မရမာကြီး ကယ်ဆယ်ရေး စခန်းတွင် လူအမြောက်အများ ကျန်ရှိနေသေးသဖြင့် ရခိုင်ပြည်နယ် အစိုးရအဖွဲ့မှ စခန်းပိတ်သိမ်းမည့်အကြောင်းကြားချက် ရောက်ရှိလာသည့်ပြီးနောက် ဟိန္ဒူကယ်ဆယ်ရေးစခန်းရှိ ဟိန္ဒူဘာသာဝင် များက စိုးရိမ်နေကြရသည်ဟု ဆိုကြသည်။ စစ်တွေ ဓညဝတီ အားကစားကွင်း ဟိန္ဒူကယ်ဆယ်ရေးစခန်းမှ ဦးမေလ်က “စခန်းပိတ်မယ် ဆိုပြီး စာရောက်တော့ ကျနော်တို့ ကြောက်သွားကြတယ်။ ကျနော်တို့ အားလုံး ဒီမှာပဲနေချင်သေးတယ်။ မပြန်ပဲနေမယ်ဆိုင်ရင် အစိုးရက ကျနော်တို့ အပေါ် ဘယ်လို မြင်လာမလဲ ဆိုတာ အဲဒီအပေါ်မှာလည်း ကျနော်တို့ စိုးရိမ်နေတယ်။ ကျနော်တို့ ပြန်ဖို့ ဆိုရင် အသက် အန္တာရာယ်ရှိတယ်။ ပြန်လည် နေရာချတာတာ မရှိသ၍ကို ဒီမှာပဲ နေချင်တယ်” ဟု ဧရာဝတီသို့ ပြောသည်။ ရခိုင်ပြည်နယ်အစိုးရအဖွဲ့ဝင် လျှစ်စစ်၊ စက်မှုနှင့် လမ်းပန်းဆက်ရေး ဝန်ကြီး ဦးအောင်ကျော်ဇံကတော့ နေရပ်မပြန်ဘဲ ကယ်ဆယ်ရေးစခန်းရှိ ကျန်နေသေးသော ဟိန္ဒူနှင့် မရမာကြီးတို့ကိုမှု ယင်းတို့၏ ဆန္ဒကို တောင်းခံပြီး စခန်းတွင် မပြန်ဘဲနေလိုက ဆက်လက် ထားရှိသွားပြီဟု ဆိုသည်။ ဝန်ကြီး ဦးအောင်ကျော်ဇံက “ သူ့တို့ဆန္ဒကိုတောင်းခံထားတယ်။ အတင်းမနှင်ပါဘူး။ သူတို့ဒီမှာနေချင်သေး တယ်ဆိုရင် ထားအုံးမှာပါ” ဟု ပြောသည်။ ARSA အကြမ်းဖက်အဖွဲ့က ယခုနှစ် အောက်တိုဘာလ ၂၅ ရက်နေ့တွင် ရခိုင်ပြည်နယ်မြောက်ပိုင်းရှိ မောင်တော၊ ဘူးသီးတောင် နှင့် ရသေ့တောင် မြို့နယ်များရှိ လုံခြုံရေးစခန်း ၃၀ နှင့် တပ်မတော်ဌာနချုပ်တခုအား အလစ်အငိုက် ဝင်ရောက် တိုက်ခိုက်ခဲ့ပြီး အစိုးရဝန်ထမ်း ၁၅ ဦးနှင့် အရပ်သားများကို သတ်ဖြတ်မှုပြုလုပ်ခဲ့သည်။ ထိုဖြစ်စဉ်ကြောင့် ယင်းဒေသတွင် နေထိုင်ကြသော လူနည်းစု ဌာနေ တိုင်းရင်းသားများမှာ ဘေးလွတ်ရာသို့ ထွက်ပြေးခိုလှုံရင်း ကယ်ဆယ်ရေးစခန်းများတွင် ခိုလှုံနေကြရခြင်း ဖြစ်သည်။ The post ရခိုင်မြောက်ပိုင်းက ကယ်ဆယ်ရေး စခန်းများကို ပိတ်သိမ်းတော့မည် appeared first on ဧရာဝတီ.
Source : http://ift.tt/2yXC4o8
via IFTTT

အင္ဒိုနီးရွား ႏိုင္ငံေရးအေ႐ြ႕ၾကားက ဘန္ေဒါင္းၿမိဳ႕သူ စင္ဒီ

အင်ဒိုနီးရှား နိုင်ငံရေးအရွေ့ကြားက ဘန်ဒေါင်းမြို့သူ စင်ဒီ စင်ဒီ Cindy အသက် ၁၅ နှစ် အရွယ်က သူတို့ ကျောင်းရှေ့တွင် နေ့ခင်းကြောင်တောင် လူသတ်နေသည်ကို မြင်ခဲ့ရသည်။ ဒုစရိုက် ဂိုဏ်းသားများ၏ အုပ်စုလိုက် ရန်ပွဲတခုတွင် စင်ဒီထက် အသက် အနည်းငယ်မျှသာ ကြီးမည့် လူငယ် အမျိုးသား တယောက် ဒါးထိုးခံရပြီး သေဆုံးခဲ့ရသည်။ မည်သူမျှ ကယ်တင်ဖို့ မကြိုးစားခဲ့ကြပါ။ “အဲဒါက လူဆိုးဂိုဏ်းတွေရဲ့ လုပ်ငန်း လေ၊ ကိုယ့်အတွက် ဘာက အကောင်းဆုံး ဖြစ်မလဲဆိုတာ သိတဲ့သူက ဝင်စွက်မှာ မဟုတ်ဘူး” ဟု စင်ဒီက ရှင်းပြသည်။ ရဲအဖွဲ့ ရောက်လာသည့်အခါ ထိုနေရာတွင် လူသေ အလောင်းသာ ရှိတော့သည်။ “ဒီလို အဖြစ်အပျက်မျိုးတွေက ကျမကို အမေပြောခဲ့တဲ့ အလ္လာကို ယုံကြည်ပါ ဆိုတဲ့စကားကို ပြန်သတိရစေပါတယ်။” ပန်းရောင်တောက်တောက် လက်ကိုင်အိတ်ကိုကိုင်၍ ပန်းရောင် အားကစားဖိနပ်များ၊ အစင်းကြောင်းများပါသည့် ဂျက်ကက်နှင့် အနက်ရောင် အသားကပ်ဘောင်းဘီတို့ကို ဝတ်ဆင်ထားသည့် စင်ဒီက ဒီအခန်းထဲမှာ ဆွဲဆောင်မှု အရှိဆုံး ဖြစ်သည်။ အင်ဒိုနီးရှားနိုင်ငံ ဂျားဗားအနောက်ပိုင်းပြည်နယ်၏ မြို့တော် ဖြစ်သော ဘန်ဒေါင်း Bandung မှ မက်ချီတို macchiato ကော်ဖီနှင့် ချိစ်ကိတ်များ ရသည့် ကော်ဖီဆိုင်လေးတခုမှာ ကျနော်တို့ ထိုင်နေကြခြင်း ဖြစ်ပါသည်။ ၁၉၀၀ အစောပိုင်း နှစ်များတွင် ဒတ်ချ်တို့က ပုံစံထုတ် တည်ဆောက်ခဲ့သည့် ဘန်ဒေါင်းမြို့က နောက်ပိုင်း နှစ် ၁၀၀ ကျော်ကြာသည်အထိ de Stijl (၂၀ ရာစု အစောပိုင်းက ဒတ်ချ် မော်ဒန် အနုပညာလှုပ်ရှားမှု) ၏ အငွေ့အသက်ကို ဆက်၍ ပေးနေမြဲ ဖြစ်သည်။ စင်ဒီကို သူ့ မိဘ ၂ ပါးနှင့် သားတို့နှင့်အတူ တွေ့ရစဉ်/Karim Raslan ပတ်ဝန်းကျင်မှ လူများကို လိုက်ကြည့်ရင်း စင်ဒီက ဆက်ပြောသည်။ “ကျမ ကြီးပြင်းခဲ့တဲ့ ဘန်ဒေါင်း တောင်ပိုင်း Kopo က အရမ်းကွဲပြားပါတယ်။ အရမ်းကြမ်းတမ်းတဲ့ ရပ်ကွက်ပါ။ အခု အချိန်မှာတော့ အများကြီး လုံခြုံမှု ရှိလာပါပြီ။ ဒါပေမယ့် အဲဒီတုန်းက အလုပ်ရုံ အသေးလေးတွေ အများကြီး ရှိတယ်။ လူတွေက အိမ်မှာ အလုပ်လုပ်ကြတယ်။ ကျမ အမေ ကတော့ ကျမတယောက်ထဲ အပြင်မသွားနဲ့ ဒါမှမဟုတ် ကျမ ပြန်ပေးဆွဲခံရမယ်လို့ ပြောတတ်တယ်။” “ကျမတို့က သာမန် အလယ်အလတ် အနေအထားပါ။ ကျမအဖေက အိမ်မှာ ဖိနပ်ချုပ်တဲ့ အလုပ်ရုံလေးတခု ထောင်ထားတယ်။ တော်တော်လေး အလုပ်ဖြစ်ပါတယ်။ အလုပ်သမား ၆ ယောက်ရှိတယ်။ အဲဒီတုန်းကဆိုရင် အလုပ်သမားတွေရဲ့ စကားပြာသံတွေ၊ တူထုသံတွေ အမြဲတမ်း ကြားနေရတော့ အိမ်က အရမ်း အသက်ဝင်နေခဲ့တယ်။ ကျမအဖေက သူ့ ကုလားထိုင်မှာ ထိုင်ပြီးတော့ အလုပ်လုပ်တာတွေကို စောင့်ကြည့်တယ်။” “ဒါပေမယ့် ပြိုင်ဖက်တွေ အများကြီးရှိတယ်။ အသိုင်းအဝိုင်းထဲမှာ မနာလိုမှုတွေ အများကြီး ရှိတယ်။ တခါတုန်းက အဓိကရုဏ်းတခု ဖြစ်ခဲ့တယ်။ လူတွေ ကျမတို့ အိမ်တံခါးဝမှာ လာပြီး ပြဿနာ ရှာကြတယ်။ ကျမတို့ကို ကာကွယ်ဖို့ ကြိုးစားရင်း ကျမ အဖေ ဒဏ်ရာရရခဲ့တယ်။ အဲဒီနောက်ပိုင်းမှာ သူက လုပ်ငန်းကို စွန့်လွှတ်လိုက်တယ်။” ထိုကဲ့သို့သော ခက်ခဲသော အခြေအနေ နောက်ခံများကြောင့် စင်ဒီ၏ ဖခင်က သူ့ကို ယောက်ျားလေး ဆန်အောင် တွန်း အားပေးခဲ့ခြင်း ဖြစ်ပုံရပါသည်။ တက်တူးထိုးထားသော ဘန်ဒေါင်းသားတဦး ကိုရမ်ကျမ်းစာ ဖတ်နေစဉ်/ Reuters “ကျမက ယောက်ျားလျာ တယောက်အနေနဲ့ ကြီးပြင်းခဲ့တာပါ။ ကျမအဖေက ကျမကို ပါဝါရိန်းဂျား တီရှပ်တွေနဲ့ ဘောင်းဘီရှည်တွေ ဝတ်ခိုင်းတယ်။ ကျမ ဆံပင်ကို တိုအောင် ဖြတ်ပစ်တယ်။ ကျမက သစ်ပင်တက်တယ်။ ယောက်ျားလေးတွေနဲ့ ကြမ်းကြမ်းတမ်းတမ်း ကစားတယ်။ သူက ကျမကို ရဲရင့်စေချင်တယ်။ သန်မာစေချင်တယ်။” စတိုင်ကျကျ ရွေးချယ်ပြင်ဆင်ထားသည့် စင်ဒီကို အံ့သြရင်း ယခုအချိန်တွင် အမျိုးသမီးဆန်ဆန် သိမ်မွေ့စွာ ရှိနေမှုက ယောက်ျားလေးဆန်ဆန် နေထိုင်ခဲ့ရသည့် နှစ်များအတွက် အတိုးနှင့်ပြန်၍ ဟန်လုပ်နေခြင်းလားဟု ကျနော် စဉ်းစားမိပါသည်။ “သေချာတာကတော့ ကျမဘဝ တလျှောက်လုံးနီးပါးမှာ ကျအဖေက ကျမအတွက် အဝတ်အစားတွေ ရွေးပေးတယ်။ ကျမ ဘယ်သွားနိုင်မလဲ၊ ဘာလုပ်နိုင်မလဲ ဆိုတာ ရွေးချယ်ပေးတယ်။ ကျမ အထက်တန်းကျောင်း ရောက်တော့ တော်တော် ဆိုးလာတယ်။ နားမှာ အပေါက်တွေ အများကြီးဖောက်တယ်။ ဘရစ်နီ စပီးယား Britney Spears လိုမျိုး မကောင်းတဲ့ ဂီတတွေ နားထောင်တယ်။ ကျောင်းက counselor (ကျောင်းသူ ကျောင်းသားများနှင့် နှစ်သိမ့်ဆွေးနွေးပေးသူ) က ကျမအတွက် တော်တော် စိတ်ပူခဲ့ရတယ်။ ကျမ မိဘတွေလည်း ကျမရဲ့ အမူအကျင့်တွေကြောင့် ငိုခဲ့ရတယ်။” “ခုတော့ ကျမမှာ ကလေးတွေ ရှိနေပြီဆိုတော့ သူတို့ ဘယ်လိုခံစားခဲ့ရသလဲ ဆိုတာ သိပြီ။ ကျမရဲ့ ကလေးတွေကို ဘာသာရေး ကိုင်းရှိုင်းအောင် ပျိုးထောင်ပေးတဲ့ နေရာမှာ ဒါက အရမ်း အရေးကြီးပါတယ်။” စင်ဒီ၏ ခင်ပွန်းက တက်တူးထိုးသည့် ပညာရှင်တဦးဖြစ်ပြီး ဘာလီတွင် ဆိုင်အနည်းငယ် ပိုင်သည်။ စီးပွားရေးလည်း ကောင်းသည်။ စင်ဒီလည်း သူ့ခင်ပွန်းနှင့်အတူ ဘာလီတွင် လိုက်နေခဲ့သေးသည်။ “ကျမ ဘာလီကို အရမ်းကြိုက်ပါတယ်။ ဒါပေမယ့် အဲဒါက ခက်တယ်။ ကျမကလေးတွေ (၈ နှစ် တယောက်၊ ၅ နှစ် တယောက်) က ပုံမှန် မဟုတ်တဲ့ လွှမ်းမိုးမှုတွေကြားမှာ ကြီးပြင်းနေရတယ်။ ဘာလီက အရမ်း အရိုင်းဆန်တယ်။ တခါက ကျမတို့ McDonalds ဆိုင်ထဲမှာ ရှိနေတုန်း နိုင်ငံခြားသူ တယောက်က ဘီကီနီလေးပဲ ဝတ်ပြီး လမ်းလျှောက်လာတယ်။” “ကလေးတွေက ကျမကို မေးခွန်းတွေ ပိုပိုပြီး မေးလာကြတယ်။ အဲဒီအမျိုးသမီးက ဘာကြောင့် ကိုယ်လုံးတီးနီးပါး ဖြစ်နေ ရတာလဲ။ အဖေက ဘာကြောင့် တက်တူးတွေ ထိုးတာလဲ၊ အဲဒါက ဘာသာရေး အရ တားမြစ်ထားတယ် မဟုတ်ဘူးလားတဲ့။ ရိုးရိုးသားသား ပြောရရင် ဘယ်လိုဖြေရမလဲ ဆိုတာ ကျမ မသိပါဘူး။” ကလေးငယ်များ နှင့် အတူ ဘန်ဒေါင်းသို့ စင်ဒီ ပြန်ပြောင်းလာခဲ့သည်။ ပိုပြီးတော့လည်း ပျော်ရွှင်မိသည်။ ဗိသုကာမှ နိုင်ငံရေးသမား ဖြစ်လာသူ ဘန်ဒေါင်း မြို့တော်ဝန် ရီဒဝမ် ကာမေးလ် “အခုဆိုရင် ကလေးတွေက ဘာလီစကားအစား အင်ဒိုနီးရှားစကားနဲ့ ဆန်းဒန်း Sundanese (ဂျာဗား အနောက်ပိုင်းမှ ဌာနေတိုင်းရင်းသားစကား) စကားပြောရင်း ကြီးပြင်းနိုင်ပြီ။ ဟိန္ဒူအလေ့အထတွေအစား ကိုရမ်ကျမ်းကို လေ့လာနိုင်ပြီ။ ကျမက အင်ဒိုနီးရှားရဲ့ စုံလင်ကွဲပြားမှုကို ချစ်ပါတယ်။ ဒါပေမယ့် ကျမ ကလေးတွေ ဘုရားသခင်ကို သိစေချင်တယ်။ ကောင်းမွန်တဲ့ မွတ်ဆလင်တွေ ဖြစ်လာစေချင်တယ်။” စင်ဒီက ဆန်းဒန်း တိုင်းရင်းသူ တယောက် ဖြစ်ပါသည်။ လူဦးရေ ၃၆.၇ သန်းရှိသည့် ဆန်းဒန်းသားများက ဂျာဗား အနောက်ပိုင်းကို လွှမ်းမိုးထားပြီး အင်ဒိုနီးရှားနိုင်ငံတွင် ဂျာဗားလူမျိုးပြီးလျှင် ဒုတိယမြောက် လူဦးရေ အများဆုံးတိုင်းရင်း သား လူမျိုးစု ဖြစ်သည်။ ဘာသာတရား အလွန်ကိုင်းရှိုင်းသော မွတ်ဆလင်များလည်း ဖြစ်သည်။ ဆန်းဒန်းသားများက အင်ဒိုနီးရှားနိုင်ငံ၏ အစ္စလမ်နိုင်ငံရေးတွင် ပင်မကျောရိုးဖြစ်နေခဲ့သည်မှာ ကာလကြာခဲ့ပြီ ဖြစ်သည်။ Prosperous Justice Party (PKS) နှင့် United Development Party (PPP) ကဲ့သို့သော နိုင်ငံရေးပါတီများက ဂျာဗား အနောက်ပိုင်းတွင် အခိုင်အမာ ခြေကုပ်ယူထားကြသည်။ ထို့အပြင် ၂၀၁၄ ခုနှစ်တွင် သမ္မတ ရွေးကောက်ပွဲ၌ အနိုင်ရရှိခဲ့သော ဂျိုကိုဝီဒိုဒို Joko Widodo သည် ပြည်နယ် အဆင့်တွင် Gerindra (Great Indonesia Movement )ပါတီမှ ဗိုလ်ချုပ်ကြီးဟောင်း ပရာဘိုဝို ဆူဘီယံတို Prabowo Subianto ရှုံးနိမ့်ခဲ့ရသည်။ စင်ဒီက နိုင်ငံရေးတွင် စိတ်ဝင်စားမှုများစွာ မရှိပါ။ သို့သော်လည်း သူက ဗိသုကာမှ နိုင်ငံရေးသမား ဖြစ်လာသူ ဘန်ဒေါင်း မြို့တော်ဝန် ရီဒဝမ် ကာမေးလ် Ridwan Kamil ၏ အမာခံ ပရိသတ် ဖြစ်သည်။ ငယ်ရွယ်၍ စကားပြောကောင်းသော ရီဒဝမ် ကာမေးလ်က ဘာကလေ Berkeley တက္ကသိုလ်ထွက် ပညာတတ်တယောက် ဖြစ်ပြီး လက်တွေ့၌ သူ၏ ထိရောက်စွာ စွမ်းဆောင်နိုင်စွမ်းနှင့် ပတ်သက်၍ မေးခွန်းထုတ်မှုများ ရှိနေသည့်တိုင် ၂၀၁၈ ခု နှစ်တွင် ပြည်နယ် အုပ်ချုပ်ရေးမှူးနေရာအထိ တက်လှမ်းသွားမည့်သူဟု မျှော်လင့်ခြင်း ခံထားရသူ ဖြစ်သည်။ စင်ဒီနှင့် သူ၏သားတဦး/Karim Raslan ရီဒဝမ် ကာမေးလ်က ပရာဘိုဝို ဆူဘီယံတို အပါအဝင် သူ့ကို ထောက်ခံသူများကို စွန့်လွှတ်ခဲ့ပြီး သမ္မတကို လက်ခံခဲ့ခြင်းက ရည်ရွယ်ချက် ကြီးသည့် လှုပ်ရှားမှု ဖြစ်ပါသည်။ သူ့အနေဖြင့် ပြည်နယ် အုပ်ချုပ်ရေးမှူးနေရာအတွက် ဝင်ရောက် ယှဉ်ပြိုင်သင့်ပါသလား။ အများစုကတော့ ယခုနှစ် အစောပိုင်းက ဂျကာတာ အုပ်ချုပ်ရေးမှူး ရွေးကောက်ပွဲတွင် တွေ့ခဲ့ရသည့် (တရုတ်လူမျိုး ခရစ်ယာန်ဘာသာဝင် မြို့တော်ဝန်ဟောင်း အဟော့ ရှုံးသွားခဲ့ရသည့်) အကျည်းတန်သော လူမျိုးရေး ဘာသာရေး ခွဲခြားသတ်မှတ်သော နိုင်ငံရေးမျိုး ထပ်ဖြစ်လာမည်ဟု မျှော်လင့်နေကြသည်။ ပြည်သူတို့၏ ဘဝတွင် ကိုးကွယ်ယုံကြည်မှုနှင့် လူမျိုး၏ အခန်းကဏ္ဍကို နားလည်မှု လွဲမှားနေခြင်းက တဖြည်းဖြည်း ပေါ်ထွက်နေခြင်းကြောင့် လာမည့် ဂျွန်လတွင် ပြုလုပ်မည့် ဒေသဆိုင်ရာ အစိုးရရွေးကောက်ပွဲများနှင့် ၂၀၁၉ ခုနှစ်တွင် ပြုလုပ်ရန် ရှိနေသော သမ္မတရွေးကောက်ပွဲများတွင် ဘာသာရေးနှင့် လူမျိုးရေးသဘောထားများ ဒီဂရီ မြင့်တက်လာမည်ကို စိုးရိမ်မှုများတိုးလာနေသည်။ ဟိန္ဒူအများစု ဖြစ်သည့် ဘာလီတွင် မွတ်ဆလင်တယောက် အဖြစ်နေထိုင်ရန် စင်ဒီအတွက် ခက်ခဲနေခြင်း၊ ကလေးငယ်များကို အင်ဒိုနီးရှားနိုင်ငံ၏ ကွဲပြားစုံလင်သော ယဉ်ကျေးမှု အရှိတရား အကြောင်းများ ရှင်းပြရန် ခက်ခဲနေခြင်းများက အမျိုး ဘာသာ နိုင်ငံရေးနှင့် ပတ်သက်၍ အင်ဒိုနီးရှား နိုင်ငံတွင်လည်း အခြားနေရာများကဲ့သို့ပင် အခက်အခဲများ ရင်ဆိုင်ရမည့် အလားအလာများ ရှိနေကြောင်း ဖော်ပြနေသည်။ Islamic Defenders Front (FPI) ကဲ့သို့သော သဘောထား တင်းမာသည့် အဖွဲ့အစည်းများအပေါ် သရော်ရန် အာရုံစိုက်နေသည့် နိုင်ငံတကာ မီဒီယာများက အင်ဒိုနီးရှားမွတ်ဆလင်များ အထူးသဖြင့် ဆန်းဒန်းသားများအတွက် ဘာသာရေးက မည်မျှအထိ အရေးပါကြောင်းကို ဖော်ပြရန် ပျက်ကွက်ခဲ့ကြသည်။ သူတို့သည် ဘာသာရေး ရိုသေလေးစားမှု အပေါ်တွင် အလွန် အလေးထားမှု ရှိသည်။ ထို့ကြောင့် အင်ဒိုနီးရှား နိုင်ငံကို အတူတကွ ဖြစ်စေသည် Bhinneka Tunggal Ika (စုံလင်ကွဲပြားမှုဖြင့် စည်းလုံးခြင်း) ဆိုသည့် ဗဟုဝါဒပေါ်တွင် ပိုမို ကြီးမားသော ဖိအားကို သက်ရောက်စေပါသည်။ အင်ဒိုနီးရှားနိုင်ငံ၏ လက်ရှိနှင့် အနာဂတ်ခေါင်းဆောင်များ အနေဖြင့် ယှဉ်ပြိုင်လာနေသည့် တင်းမာမှုများကို အမြော်အမြင် ကြီးစွာ စီမံခန့်ခွဲနိုင်ရမည် ဖြစ်သည်။ အလွန်အ လားအလာကောင်းနေသည့် နိုင်ငံက ပြန်လည်ပြင်ဆင်မရအောင် ထိခိုက် နစ်နာသွားနိုင်သည့် အရေးကို ရှောင်ရှားရမည် ဖြစ်သည်။ စင်ဒီကဲ့သို့သော သာမန် အင်ဒိုနီးရှား ပြည်သူများအတွက် ကြောက်ရွံ့မှုနှင့် အဂတိတရားကို အခြေပြု၍ လူထုကို ဆွပေးမည့် နိုင်ငံရေးမျိုးထက် သူတို့ကို မြှင့်တင်ပေးနိုင်မည့်၊ လုံခြုံမှု ပေးနိုင်မည့် ခေါင်းဆောင်မှု ပို၍ လိုအပ်ပါသည်။ (ကာရင်ရတ်စလန်သည် အာဆီယံရေးရာများကို အထူးပြုလေ့လာရေးသားနေသူ မလေးရှား စာရေးဆရာတဦး ဖြစ်သည်။ ကွာလာလမ်ပူ အခြေစိုက် အကြံပေးအဖွဲ့ Ceritalah ASEAN ကို တည်ထောင်သူ အမှုဆောင်အရာရှိချုပ်လည်း ဖြစ်သည်။) The post အင်ဒိုနီးရှား နိုင်ငံရေးအရွေ့ကြားက ဘန်ဒေါင်းမြို့သူ စင်ဒီ appeared first on ဧရာဝတီ.
Source : http://ift.tt/2z340ZV
via IFTTT