Myanmar Idol Season 3 ရဲ႕ အကဲျဖတ္ဒိုင္ေတြက ဘယ္သူေတြျဖစ္မလဲ

Myanmar Idol Season 3 ရဲ့ အကဲဖြတ်ဒိုင်တွေက ဘယ်သူတွေဖြစ်မလဲ မြန်မာတနိုင်ငံလုံးက ပရိသတ်များစွာ ကြိုက်နှစ်သက်ကာ စောင့်မျှော်ကြည့်ရှုကြတဲ့ Myanmar Idol သီချင်းဆိုပြိုင်ပွဲကြီးရဲ့ Season 3 ကို မကြာခင်မှာ ပြုလုပ်တော့မှာဖြစ်ကာ ပါဝင် အကဲဖြတ်ပေးကြမယ့် ဒိုင်လူကြီး ၃ ဦးထဲမှ ၂ ဦးကို ရွေးချယ်ထားပြီလို့ သိရပါတယ်။ သူတို့တွေကတော့ Myanmar Idol Season 2 မှာ “အန်ကယ်ကတော့ No ပါ” ဆိုတဲ့ စကားနဲ့ အမှတ်တရဖြစ်သွားခဲ့ရတဲ့ တေးသံရှင် မြန်မာပြည်သိန်းတန်နှင့် ယခု Season 3 တွင်မှ အသစ်ပါဝင်လာတဲ့ သီချင်းအေးအေးလေးတွေနဲ့ ပရိသတ်အများ ဆယ်စုနှစ်များစွာတိုင် အားပေးချစ်ခင်မှုရရှိခဲ့တဲ့ တေးသံရှင် ဟေမာနေဝင်း တို့ဖြစ်တယ်လို့ သိရပါတယ်။ နောက်ထပ်ပါဝင်မယ့် အမျိုးသမီး အကဲဖြတ်ဒိုင်တဦးကိုတော့ တေးသံရှင် ဖြူဖြူကျော်သိန်း၊ နီနီခင်ဇော်နဲ့ အိုင်ရင်းဇင်မာမြင့် တို့ ၃ ဦးထဲမှ တဦးကို Myanmar Idol ပရိသတ်တွေ ခန့်မှန်းနိုင်ရန်အတွက် ပဟေဠိပြုလုပ်ထားတယ်လို့လည်း သိရ ပါတယ်။ အဆိုပါ ဒိုင် ၃ ဦးထဲမှ ပြိုင်ပွဲကရွေးချယ်ထားတဲ့ ဒိုင်တဦးအား ခန့်မှန်းပေးနိုင်သူ ၃ ဦးကို MPT မှ ငွေကျပ် ၂ သိန်းစီ ချီးမြှင့် ပေးသွားမှာ ဖြစ်တယ်လို့ သိရပါတယ်။ Myanmar Idol Season 3 ကိုပြိုင်ပွဲဝင်လိုသူများအနေဖြင့် ပြိုင်ပွဲဝင်ရမယ့် Form များကို MNTV မှ ဒီဇင်ဘာ ၁ရက်နေ့မှ စတင်ကာ ကြေငြာပေးလျက်ရှိကာ မကြာခင်မှာ ကျင်းပတော့မှာ ဖြစ်ပါတယ်။ ဒီနှစ်ရဲ့ Myanmar Idol Season 3 မှာ အခမ်းအနားတက်ဆက်သူအဖြစ် ပြုလုပ်မယ့်သူကတော့ ပရိသတ်များနဲ့ ရင်းနှီးပြီးသားဖြစ်တဲ့ ကျော်ထက်အောင်ပဲ ဖြစ်ပါတယ်။ Myanmar Idol ရဲ့ ပထမဆုံးအကြိမ်ပြိုင်ပွဲကိုတော့ ၂၀၁၆ ခုနှစ်တွင် ပြုလုပ်ခဲ့ပြီး အကဲဖြစ်ဒိုင်လူကြီးများအဖြစ် မေဆွိ၊ ရဲလေးနဲ့ ချမ်းချမ်းတို့က ပြုလုပ်ခဲ့ကြပြီး စောလားထော်ဝါး က Winner ဆုရရှိခဲ့ပါတယ်။ ပထမအကြိမ်ထက် ဒုတိယအကြိမ် ၂၀၁၇ ခုနှစ်တွင် ပရိသတ်အားပေးမှုပိုမိုရရှိလာခဲ့ကာ အဆိုပါ ပြိုင်ပွဲတွင် ပြုလုပ်ခဲ့တဲ့ အကဲဖြစ်ဒိုင်များကတော့ မြန်မာပြည်သိန်းတန်၊ မေဆွိ နဲ့ တင်ဇာမော်တို့ ဖြစ်ကြပြီး သားငယ်က Winner ဆု ကို ရရှိခဲ့ပါတယ်။ The post Myanmar Idol Season 3 ရဲ့ အကဲဖြတ်ဒိုင်တွေက ဘယ်သူတွေဖြစ်မလဲ appeared first on ဧရာဝတီ.
Source : http://ift.tt/2kGUh6s
via IFTTT