အတုများတဲ့….မြို့မှာ တွေ့ရဦးမယ့် ဝေလ သီချင်း အဆိုကောင်းရုံသာမကဘဲ သီချင်းရေးတဲ့နေရာမှာလည်း ပြောစရာမလိုအောင် ကောင်းမွန်လှတဲ့ တေးရေးတေးဆို ဝေလက သူကိုယ်တိုင်ရေးသားထားတဲ့ သီချင်းများနဲ့ ဖန်တီးထားတဲ့ ၅ ခွေမြောက် တကိုယ်တော်အယ်လ်ဘမ် ထွက်ရှိလာတော့မှာ ဖြစ်ပါတယ်။ “ဒီခွေကတော့ အရှေ့ကအခွေနဲ့ တနှစ်ခွဲကျော်ကျော်လောက် ခြားသွားတယ်။ အခွေတိုင်းကိုတော့ ကိုယ်တတ်သလောက်လေးနဲ့ ကြိုးစားပါတယ်။ ဒီအခွေမှာလည်း ဒီလိုပဲပေါ့။ ရေးလိုက်တီးလိုက်ပဲ သီချင်း ၁၅ ပုဒ်ထဲကနေမှ ကိုယ်ကြိုက်တဲ့ သီချင်း ၁ဝ ပုဒ်ကို ရွေးထားတာပါ” လို့ ဝေလက ဆိုပါတယ်။ အဆိုပါ ဝေလရဲ့ ၅ ခွေမြောက်တကိုယ်တော်တေးစီးရီးကို “ အတုများတဲ့မြို့” လို့ အမည်ပေးထားပြီး ဖေဖော်ဝါရီလ ၁ ရက်နေ့မှာ Bo Bo Music Production မှ ဖြန့်ချိသွားမှာ ဖြစ်တယ်လို့သိရပါတယ်။ အတုများတဲ့မြို့ တေးစီးရီး စာနယ်ဇင်း မိတ်ဆက်ပွဲတွင် တွေ့ရတဲ့ အဆိုတော် ဝေလ / ယုဖြူဟန်/ဧရာဝတီ ဒီအခွေထဲမှာ ပါဝင်တဲ့ သီချင်း ၁၀ ပုဒ်လုံးကိုတော့ ဝေလ ကိုယ်တိုင်ရေးစပ်ထားပြီး Runner Band က တီးခတ်ပေးထားတာဖြစ်ပါတယ်။ အဆိုပါ “အတုများတဲ့မြို့” အခွေထဲမှာ ပါဝင်တဲ့ “အများကြီးပေးသူ ဘာမှမရခဲ့သူ” ဆိုတဲ့ မေတ္တာဖွဲ့ တေးသီချင်းကို အွန်လိုင်းပေါ်သို့ တင်ခဲ့ပြီး ပရိသတ်အများအပြား ကြိုက်နှစ်သက်ခဲ့ပါတယ်။ အတုများတဲ့မြို့ တေးစီးရီး စာနယ်ဇင်း မိတ်ဆက်ပွဲတွင် တွေ့ရတဲ့ အဆိုတော် ဝေလ / ယုဖြူဟန်/ဧရာဝတီ ဒီသီချင်းလေးနဲ့ ပတ်သက်ပြီးတော့ ဝေလက “အများကြီးပေးသူ ဘာမှမရခဲ့သူ သီချင်းကတော့ မေတ္တာဖွဲ့အကြောင်းအရာလေးပါ။ ဒီသီချင်းလေးနားထောင်ပြီးတော့ ကိုယ့်မိဘကို သတိတရ လေးဖြစ်မယ်ဆိုရင် ရေးရသူတယောက်အနေနဲ့ ကျေနပ်ပါတယ်” လို့ ပြောပါတယ်။ တေးရေး တေးဆို ဝေလက ကိုယ်တိုင် ဖန်တီးရေးဖွဲ့ သီဆိုထားသော တေးစီးရီး အယ်လ်ဘမ်များဖြစ်တဲ့ ၁၉၈၂ ၊ မိတ်ကပ်မကြိုက်သော သီချင်းများ၊ အဓိပတိဖွား၊ ခုတင်နံပါတ် ၁၈ ဆိုတဲ့ တေးစီးရီးများ ထွက်ရှိ ထားပါတယ်။ The post အတုများတဲ့….မြို့မှာ တွေ့ရဦးမယ့် ဝေလ appeared first on ဧရာဝတီ.
Source : http://ift.tt/2GrWjhd
via IFTTT
No comments:
Post a Comment