“ခြန္တန္” ေခၚ “ဇာတ္လိုက္” အား ဖမ္းဝရမ္း ထုတ္ထားျခင္း မရွိေသး

“ခွန်တန်” ခေါ် “ဇာတ်လိုက်” အား ဖမ်းဝရမ်း ထုတ်ထားခြင်း မရှိသေး ခွန်တန် ခေါ် ဇာတ်လိုက် အား ဖမ်းဝရမ်း ထုတ်ခြင်း မရှိသေးဘဲ အလံတရာ စေတီဂေါပက အဖွဲ့ဝင် ၅ ဦး ကိုသာ ဖမ်းဝရမ်း ထုတ်ထားပြီး ရဟန်း ၂ ပါးအား ထပ်မံ၍ ဝရမ်းထုတ် ဖမ်းဆီးနိုင်ရေး စီစဉ်နေကြောင်း မွန်ပြည်နယ် လွှတ်တော် အမျိုးသမီးနှင့် ကလေးသူငယ် အခွင့်အရေး ဆိုင်ရာ ကော်မီတီ ဥက္ကဋ္ဌ ဒေါ်ခိုင်ခိုင်လဲ့က ဧရာဝတီသို့ ပြောသည်။ “အခု လက်ရှိ အစိုးရက ဖမ်းဝရမ်း ထုတ်ထားတဲ့ အထဲမှာ ခွန်တန် မပါဘူး၊ ဘာဖြစ်လို့ ကျမ ပြတ်ပြတ် သားသား ပြောနိုင်လဲ ဆိုတော့ တိုင်ကြားတဲ့ သူတွေက စတင်ပြီးတော့ တိုင်ကြားတဲ့ အချိန်မှာ ဂေါပက အဖွဲ့ကိုပဲ တိုင်တာ၊ ခွန်တန် မပါဘူး” ဟု ဒေါ်ခိုင်ခိုင်လဲ့က ဧရာဝတီ သတင်းဌာနသို့ အတည်ပြု ပြောကြားသည်။ အလံတရာ သာသနာ့ နယ်မြေ အတွင်း၌ အမျိုးသမီး ငယ်များအား အတင်း အဓမ္မ ဖြားယောင်းလက်ထပ်ခြင်း ပြုလုပ် နေသည့် အဆိုပါ “ခွန်တန်” ခေါ် “ဇာတ်လိုက်” ကျူးလွန် ခဲ့သည့် အမှုများနှင့် ပတ်သက်၍ ကာယကံရှင်များ ကိုယ်တိုင် ထုတ်ဖော် ပြောကြားခြင်း မရှိသဖြင့်လည်း အမှုဖွင့် နိုင်ရန် ခက်ခဲနေသည်။ “ကျနော် အမှုဖွင့်ဖို့ ဆိုတာ မိဘ အုပ်ထိန်းသူ တယောက်အနေနဲ့ပဲ အမှုကို တည်ဆောက်လို့ မရဘူး၊ ခွန်တန် ခေါ် ဇာတ်လိုက်ကို ကျနော့် သားမယားတွေက အသက်ရော အရှက်ရော ပေးထားတာ။ ဖြစ်လာရင် သူတို့က မသိဘူး ပြောမယ်၊ အသားကိုတောင် လက်နဲ့ မထိဘူး ပြောမယ်။ သူတို့က ထုတ်မပြောတော့ ကျနော်က အမှုဖွင့်ဖို့ မလွယ်ဘူး” ဟု မိမိ၏ သမီး ၂ ဦးအား ခွန်တန်နှင့် လက်ချည်၍ ပေးစားခဲ့သည့် ကာယကံရှင်များ၏ ဖခင် ဖြစ်သူ ဦးဝင်းညွှန့်က ဧရာဝတီသို့ ရှင်းပြသည်။ ထိုသို့ လက်ချည် ပြီးနောက်တွင် ခွန်တန်သည် ၎င်း၏ သမီး နှစ်ဦးအား ရှမ်းပြည်နယ်သို့ ၁၀ ရက်ခန့် ခေါ်ဆောင် သွားကြောင်းနှင့် ၎င်းနေထိုင်သည့် ရပ်ကွက် တခုတည်း၌ပင် ထိုသို့ ခွန်တန်နှင့် လက်ချည်၍ လက်ဆက်ခဲ့သူပေါင်း ၇ ဦး ရှိကြောင်း ဦးဝင်းညွှန့်က ဧရာဝတီကို ရှင်းပြသည်။ “တချို့မိဘ တွေဆိုရင် သူတို့ သမီးတွေကို ခွန်တန်က တော်မကောက်လို့ ဆိုပြီး စိတ်တောင်ဆိုးကြတယ်” ဟု ဦးဝင်းညွှန့်က ဆက်ပြောသည်။ လူမိုက်ဂိုဏ်း ဆန်ဆန် ပြုမူ နေထိုင် လာသည့် ခွန်တန်ဧရာဝတီ သထုံမြို့မ ရဲစခန်း စခန်းမှူး ရဲအုပ် မောင်မောင် ကလည်း “ဒီကိစ္စနဲ့ ပတ်သက်လို့ အမှုဖွင့်ရင် ကျနော်တို့ မြို့မ ရဲစခန်းကိုပဲ လာပြီး အမှုဖွင့် ရမှာပါ၊ ကျနော် စတင်ပြီး ဒီကို ပြောင်းလာတဲ့ အခု အချိန် ၂ လ အတွင်းမှာ ဒီလို ကိစ္စ အတွက် လာရောက် အမှုဖွင့်တာ တခုမှ မရှိသေး ပါဘူး၊ ပြီးခဲ့တဲ့ မှတ်တမ်းတွေ အရလည်း မရှိ ခဲ့ပါဘူး၊ အကယ်၍ သူတို့ အမှုဖွင့်ရင် ကျနော်တို့က ဖွင့်ပေး ရမှာပေါ့” ဟု ရဲအုပ်မောင်မောင်က ဧရာဝတီသို့ ပြောကြားသည်။ သာသနာရေး ဦးစီးဌာန၏ ခွင့်ပြုချက် မရှိဘဲ ပြီးခဲ့သည့် မေလခန့်မှ စ၍ အလံတရာ စေတီတော်အား ရွှေတိဂုံ စေတီတော် ပုံစံတူ စေတီ အဖြစ် ပြန်လည် ပြုပြင်ခြင်းများကို လုပ်ဆောင်ခဲ့သည့် အတွက် ပြည်နယ် အစိုးရနှင့် သာသသနာရေး ဦးစီးဌာနတို့က တားမြစ် ခဲ့သော်လည်း အလံတရာ စေတီ ဂေါပကများက ဆက်လက် ပြင်ဆင် ခဲ့ကြသည်။ ထို့ကြောင့် သြဂုတ်လက သာသနာရေး ဦးစီးဌာန၏ လမ်းညွှန်မှုဖြင့် ဓမ္မစက်ဖြင့် တားဆီး၍ မရသည့် အပေါ် အာဏာစက် ဖြင့် တားဆီးရန် လုပ်ဆောင်ခဲ့ပြီး ထိုဘုရား ပြုပြင်မည့် ခွန်တန်အား ထောက်ခံသည့် ဂေါပက အဖွဲ့ ၇ ဦးအား အရေးယူနိုင်ရန် စတင် လုပ်ဆောင် ခဲ့သည်။ မွန်ပြည်နယ် အစိုးရအဖွဲ့၏ သြဂုတ်လ အစည်အဝေး ဆုံးဖြတ်ချက်ဖြင့် ထိုဂေါပက အဖွဲ့ဝင် ၇ ဦးအား ဖမ်းဆီးရန် ဖမ်းဝရမ်း ထုတ်ရန် ဆုံးဖြတ်ခဲ့ပြီး ဂေါပက အဖွဲ့ဝင် ၅ ဦးအား လက်ရှိတွင် သထုံထောင်၌ ဖမ်းဆီး ထိန်းသိမ်း ထားကြောင်း၊ ရသေ့ ဦးစံသိန်းနှင့် ရဟန်း တပါးအား ဆက်လက် ထိန်းသိမ်းရန် သာသနာရေး ဝန်ကြီးဌာန ထံမှ ခွင့်ပြုချက် တောင်းခံထားဆဲ ဖြစ်ကြောင်း သိရသည်။ သာသနာရေး ဦးစီးဌာန၏ ခွင့်ပြုချက် မရှိဘဲ အလံတရာ စေတီတော်အား ရွှေတိဂုံ စေတီတော် ပုံစံတူ စေတီ အဖြစ် ပြန်လည် ပြုပြင်ခဲ့ဧရာဝတီ ထိုအချိန်မှ စ၍ အလံတရာ သာသနာ့ နယ်မြေ အတွင်း ၆ ရွာမှ လူများက အလံတရာ ဆရာတော် ဝင်စားသည် ဟု ဆိုသူ၊ သူ့ကိုယ်သူ ဘုရားအလောင်း ဖြစ်သည်ဟု ဆိုသူ ခွန်တန် ခေါ် ဇာတ်လိုက် ခေါ် ဓမ္မရာဇာသည် ထွက်ပြေးတိမ်းရှောင်နေပြီး ရှမ်းပြည်နယ်၊ ဟိုပုံး မြို့သို့ ထွက်ပြေးနေသည်ဟု မွန်ပြည်နယ် အစိုးရ အဖွဲ့က ယူဆ ထားသည်။ အလံတရာ သာသနာ့ နယ်မြေ အတွင်းရှိ ဇရစ်ချောင် ကျေးရွာ အုပ်စု အုပ်ချုပ်ရေးမှူး အားလည်း မုဒိန်းမှု တခုကို လူမှုရေး အရ ကြားဝင် ညှိနှိုင်း ပေးခဲ့ခြင်း၊ သက်သေခံပစ္စည်း ဖျက်ဆီးမှု တခု၌ သက်ဆိုင်ရာ အာဏာပိုင်များသို့ အစီရင်ခံခြင်း မရှိဘဲ ကြိတ်၍ ဖြေရှင်း ပေးခဲ့ခြင်း စသည့် အချက် များဖြင့် အထွေထွေ အုပ်ချုပ်ရေး ဦးစီးဌာနက စုံစမ်းစစ်ဆေးနေဆဲ ဖြစ်ကြောင်း သိရသည်။ ဇရစ်ချောင် ရပ်/ကျေး အုပ်ချုပ်ရေးမှူးမှာ ယခင်က ကတိ ခံဝန်ချက် ရေးထိုး၍ သတိပေးခံထားရသူ ဖြစ်သည်။ The post “ခွန်တန်” ခေါ် “ဇာတ်လိုက်” အား ဖမ်းဝရမ်း ထုတ်ထားခြင်း မရှိသေး appeared first on ဧရာဝတီ.
Source : http://ift.tt/2yIoHto
via IFTTT