“ဘောစိ”ဇာတ်ကားထဲက ဇာတ်ရုပ်ကို ပရိသတ်တွေအထင်လွဲမှာ စိုးရိမ်နေတဲ့ ရတနာဗို (ဇွဲဉာဏ်) ==================== သြဂုတ်အတွင်း ရုံတင် ပြသမည့် ‘ဘောစိ’ ရုပ်ရှင်ဇာတ် ကားသည် ၎င်း၏ ပထမဆုံး ရုပ်ရှင်ဇာတ်ကား ဖြစ်သောကြောင့် စိတ်လှုပ်ရှားနေပြီး ယင်းဇာတ်ကားတွင် ပါဝင်သည့် ဇာတ်ရုပ်အပေါ် ပရိသတ်များက အထင် လွဲမည်ကို စိုးရိမ်ကြောင်း ရတနာဗိုက ပြော သည်။ ‘‘အဲဒီကားထဲမှာက စား သောက်ဆိုင်မှာ သီချင်းဆိုတဲ့ ကောင်မလေး။ ပြီးတော့ အန် ကယ်လေး(လူမင်း)နဲ့ တွေ့တယ်။ သူ့မှာ မိန်းမရှိတာကို မသိဘဲ ပတ် သက်မိတယ်။ အဲဒါကြောင့် ပရိ သတ်အနေနဲ့လည်း အထင်လွဲမှာ စိုးရိမ်မိတယ်။ ဒါပေမဲ့လည်း ညီမ တို့ သရုပ်ဆောင်တွေ အနေနဲ့ ကိုယ်ရတဲ့ ကာရိုက်တာမှာ အပီပြင်ဆုံး ဖြစ်အောင် သရုပ်ဆောင် ထားပါတယ်’’ဟု ရတနာဗိုက ပြောသည်။ ဘောစိဇာတ်ကားတွင် လူမင်း၊ တက္ကသိုလ်ဂွမ်းပုံတို့လည်း ပါဝင်ပြီး သြဂုတ်အတွင်း စတင်ရုံ တင်ပြသမည် ဖြစ်သည်။ ‘‘အရင်ကတော့ အစိမ်းသက် သက်ဆိုတော့ စိုးရိမ်စိတ်တွေ လည်း ဖြစ်တယ်။ အခုနောက်ပိုင်း မှာတော့ အလုပ်လုပ်ရတာ ပိုပြီး ပျော်လာတယ်။ ပိုပြီးတော့လည်း အသားကျလာတယ်။ ကိုယ့်ကိုယ် ကိုယ်လည်း ပိုပြီး အားရကျေနပ် လာတယ်’’ဟု ရတနာဗိုက ပြောသည်။ လက်ရှိ အချိန်အထိ ၎င်းတို့ ရိုက်ကူးသည့် ဇာတ်ရုပ်များကို အနုပညာပျိုးခင်းမှ ဆရာများက ရွေးချယ်ပေးပြီး ဗီဒီယိုအဖြစ် ဟာသကား အများစု ရိုက်ကူးဖြစ်သည် ဟု ဆိုသည်။ ‘‘ဇာတ်ရုပ်ဆန်းဆန်းလေး ရိုက်ဖြစ်တာဆိုလို့ ပန်းဒေါင်းမှာ တော့ ခပ်ဆိုးဆိုးခပ်စွာစွာ ကြွပ် ဆတ်ဆတ်နိုင်တဲ့ ကောင်မလေး အဖြစ် သရုပ်ဆောင်ထားပါ တယ်။ ပျံကျကူလီကားထဲမှာ တော့ ဘာမှမသိတဲ့ အရမ်းဖြူစင် တဲ့ ကျောင်းသူလေး နေရာက သရုပ်ဆောင်ထားပါတယ်’’ဟု ရတနာဗိုက ပြောသည်။ လတ်တလော အနုပညာ လှုပ်ရှားမှုအဖြစ် ခန့်စည်သူနှင့် ဗီဒီယိုတစ်ကားရိုက်ကူးရန် ရှိပြီး အားသစ်နှင့် ရုပ်ရှင် တစ်ကား ရိုက်ကူးရန် ရှိကြောင်း သိရသည်။
Source : http://ift.tt/29MrzHT
via IFTTT
No comments:
Post a Comment